haker

gjermaniiiii.jpg
G. P.22:58 | 08/01/2019

Autoritetet gjermane kanë vënë në pranga një 20-vjeçar, si personin përgjegjës për sulmet kibernetike që vunë në shënjestër mbi 1 mijë politikanë, gazetarë dhe yje të spektaklit. Duke folur përpara hetuesve, i riu ka deklaruar se e kishte kryer sulmin pasi i kishte ardhur në majë të hundës me deklaratat e politikanëve.

Një 20-vjeçar i arrestuar nga policia gjermane ka pranuar përpara hetuesve përgjegjësinë për sulmet kibernetike që vunë në shënjestër të dhënat personale të qindra politikanëve. I identifikuar në ëeb me pseudonimin “Zoti”, 20-vjeçari publikoi të dhënat përveç se të politikanëve edhe të gazetarëve dhe yjeve të shoëbiz-it gjerman.

I dyshuari ka deklaruar përpara hetuesve se kishte vepruar i vetëm, pasi i kishte ardhur në majë të hundës me deklaratat e politikanëve. Rreth 1 mijë personazhe u prekën nga sulmet e tij, përfshirë këtu kancelaren gjermane Angela Merkel. 20-vjeçari publikoi adresat e politikanëve, numrat e telefonit të tyre dhe të dhëna të tjera.

Ministri i Brendshëm gjerman, Horst Seehofer, në një konferencë shtypi deklaroi se në 6 muajt e ardhshëm do të prezantojë masa të reja mbrojtëse, të cilat do të hyjnë në legjislacionin gjerman. Nga të gjithë politikanët e sulmuar, përjashtim bënin ata të së djathtës ekstreme Alternativa për Gjermaninë.

Megjithatë, hetuesit deklarojnë se u duhet ende të verifikojnë prirjet politike të të riut. Sipas tyre, studenti i kishte asimiluar aftësitë kibernetike në mënyrë individuale, duke përdorur informacione dhe mjete që gjenden online dhe nuk kishte një përgatitje të mirëfilltë në shkenca kompjuterike. Të dhënat personale të politikanëve dhe figurave të tjera janë mbledhur në një periudhë relativisht të gjatë në vitit 2018, përmes një operacioni të sofistikuar.

“Ai eksploroi pikat e dobëta të sistemeve tona dhe ia arriti qëllimit”, kanë shpjeguar hetuesit, që kanë shtuar se tashmë defektet janë riparuar tërësisht./abcnews.al

Policia-e-Tiranes-1280x662.jpg
G. P.09:33 | 02/11/2018

Arrestohet hakeri nga Peqini, i cili shantazhonte vajzat e reja nëpërmjet Facebook. 20 vjeçari kishte mundur të vidhte 3000 adresa të rrjeteve sociale dhe për kthimin e tyre kërkonte para.

Ky është Arben Bozhiqi nga Pajova e Peqinit, banues në Tiranë, i cili u vu në pranga pasi akuzohet se ka vjedhur mbi 3000 adresa të rrjeteve sociale të shqiptarëve apo dhe të huajve.

20-vjeçar u arrestsua pas 6 muajsh hetime nga sektori i krimeve kibernetike në drejtorinë e policisë së kryeqytetit.

Një ndër akuzat që rëndojnë ndaj të riut janë shantazhet nëpërmjet rrjeteve sociale, pasi Bozhiqi kishte 11 profile në “Facebook” me të dhena të rreme të marra nga adresa të hakeruara.

Në këto profile policia gjeti foto intime të vajzave të ndryshme disa prej të cilave dyshohet se kanë qenë minorene në kohën kur këto foto janë realizuar.

Sipas uniformave blu, 20-vjeçari kishte arritur të vidhte mbi 1200 adresa e-mail, mbi 400 password për adresa të ndryshme të rrjeteve sociale, dhe mbi 100 adresa të faqeve të ndryshme të “Facebook”.

Një nga mënyrat që përdorete i Arben Bozhiqi për të thyer kodin e sigurisë së rrjeteve sociale dhe e-mail-et, ishte klonimi i passëordeve nëpërmjet klikimeve, ndërsa programet e blinte online, kryesisht në nga hakerat rus.

Mësohet se i riu e ushtronte aktivitetin e tij kriminal edhe për përfitime monetare prej më shumë se 6 vitesh. Gjatë seancës së marrjes në pyetje, hakeri ka pohuar se, vjedhjen e parë të një adrese “facebooku” e kishte arritur kur ishte në moshën 12-vjeçare./abcnews.al

inteligjenca-artificiale.jpg
G. P.22:50 | 21/02/2018

Zhvillimi i inteligjencës artificiale në teknologji mund të krijojë forma të reja të krimit kibernetik, përçarje politike dhe madje mund të shtojë edhe sulmet fizike.

Një grup ekspertësh prej 26 personash nga e gjithë bota kanë paralajmëruar se të gjitha këto mund të ndodhin brenda pesë viteve të ardhshme.

Në një raport, akademikë, industria dhe ekspertë të tjerë e përshkruajnë inteligjencën artificiale si “përdorim të dyfishtë të teknologjisë”.

Kjo për shkak se mund të përdoret nga për qëllime ushtarake dhe civile, por është gjithashtu e ngjashme me fuqinë bërthamore, eksplozivët dhe mjetet e hakerimit.

“Ndërkohë që aftësitë e inteligjencës artificiale po bëhen më të fuqishme dhe të përhapura, ne presim që përdorimi në rritje i sistemeve të inteligjencës artificiale të çojë në një rritje të kërcënimeve ekzistuese dhe në krijimin e kërcënimeve të tjera”, thuhej në raport.

Ekspertët argumentojnë se është e nevojshme që të krijohet një kornizë rregullatore që tani, në mënyrë që në të ardhmen mos të ketë keqpërdorim të inteligjencës artificiale./abcnews.al

vlcsnap-error609-1-1280x720.jpg
G. P.12:34 | 18/02/2018

60 ditë kohë i ka lënë Gjykata e Fierit SHBA-së për të paraqitur dokumentacionin e nevojshëm për ekstradimin e hakerit, Aldo Ymeraj. Pas këtij afati, ai do të lihet i lirë pasi policia shqiptare nuk ka nisur asnjë hetim ndaj tij në lidhje me akuzat për krime kibernetike.

25-vjeçari Aldo Ymeraj i njohur për shkak të akuzave per krime kibernetike nga FBI do të qëndrojë në burg për 60 ditë.
Pas këtij afati, hakeri Ymeraj ose do të ekstradohet drejt SHBA ose do të dalë i lirë. Procedura penale dhe praktika gjyqësore në rastet e dhënies së masës së arrestit me burg për efekt ekstradimi është e kufizuar brenda afateve të parashikuara nga legjislacioni. Në rastin e 25-vjeçarit, Gjykata vendosi afatin 60 ditor.
Kjo do të thotë se nëse dokumentacioni nga SHBA për ekstradimin e Ymerajt nuk është gati pas 2 muajsh atëherë ky i fundit do të lirohet. Precedentë të tillë në Fier nuk mungojnë, ku më i famshmi është rasti Kajolli. Policia shqiptare nuk ka filluar ndërkohë asnjë hetim të pavarur për hakerin nga Fieri.
Ai u arrestua bazuar vetëm në të dhënat dhe akuzat e FBI-së. Prokuroria dhe Policia e Fierit nuk japin detaje në lidhje me dokumentacionin që FBI ka dërguar deri tani për Ymerajn. I riu nga Fieri u arrestua për llogari të një hetimi që FBI ka ngritur për 36 persona në të gjithë botën. Këta akuzohen se vidhnin miliona dollarë para nëpërmjet internetit duke hyre në të të dhëna personale dhe institucionale./abcnews.al

hacker.jpg
G. P.19:02 | 12/02/2018

Policia e Shtetit arrestoi të premten një 25-vjeçar nga Fieri, i kërkuar nga drejtësia e Shteteve të Bashkuara të Amerikës për krime kompjuterike.
Aldo Ymeraj u prangos në Tiranë, gjatë një operacioni ndërkombëtar, mes të cilëve edhe Shqipëria, për llogari të goditjes së një organizate të krimit kibernetik.
Për 25-vjeçarin me banim në Fier ekzistonte një urdhër arresti nga SHBA.
Ai dyshohet të jetë pjesëtar i një organizate kriminale që shiste të dhëna të vjedhura kartash krediti në thellësi të internetit, duke u shkaktuar konsumatorëve një humbje prej 530 milionë dollarësh.
Nga 36 personat ndaj të cilëve u ngrit padi, 13 janë arrestuar në Shtetet e Bashkuara, Australi, Britani, Francë, Itali, Kosovë dhe Serbi. Grupi i quajtur “Infraud”, ishte krijuar në vitin 2010 nga një ukrainas./abcnews.al

vlcsnap-error592-1280x720.jpg
G. P.19:59 | 05/02/2018

Ka shpëtuar nga ekstradimi në Shtetet e Bashkuara, ku do të merrte një dënim të rëndë, hakeri britanik i dyshuar se kishte depërtuar në sistemet e FBI-së dhe institucioneve të tjera amerikane.

Personi i dyshuar si hakeri që depërtoi në sistemet e institucioneve amerikane, Lauri Love, ka fituar procesin kundër ekstradimit në Shtetet e Bashkuara.

Love, 33 vjeç nga Britania, u arrestua në Tetor të 2013-s nën dyshimin se kishte hyrë në sistemet e FBI-së, Bankës Qendrore Amerikane dhe NASA-s. Gjyqtarët e çështjes, që këtë herë po trajtonin apelimin e tij, deklaruan se ekstradimi do të ishte tiranik për shkak të gjendjes së tij fizike dhe mendore.

Ata i bënë thirrje prokurorëve që ta procesojnë zotin Love, i cili vuan nga sindroma Asperger, në Angli. “Ne nuk po kërkojmë mosndëshkimin e tij për aktet që ka bërë, por sugjerojmë që të gjykohet në Mbretërinë e Bashkuar dhe që ta vuajë dënimin këtu, nëse shpallet fajtor”, ka deklaruar gjyqtari. Duke nënvizuar se 33-vjeçari vuan edhe nga depresioni, zyrtari i lartë ka theksuar se ekstradimi në Shtetet e Bashkuara do të ndikonte negativisht në shëndetin e tij mendor, duke e detyruar madje të kryejë vetëvrasje./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono