hahn

hahn.jpg
ent ela21:56 | 26/09/2019

Pas votës pro të Bundestagut gjerman për hapjen e negociatave të Shqipërisë dhe Maqedonisë së Veriut me Bashkimin Europain, ka reaguar eurokomisioneri Johanes Han.

Përmes një postimi në twitter Hahn shprehet se njohja e progresit konkret është thelbësor si nxitje për reformat në Ballkanin Perëndimor dhe për besueshmërinë e BE-së!

“Shumë i mirëpritur votimi i sotëm në Bundestagun Gjerman në favor të hapjes së negociatave  me Maqedoninë e Veriut dhe Shqipërinë në tetor. Njohja e progresit konkret është thelbësor si nxitje për reformat në Ballkanin Perëndimor dhe për besueshmërinë e BE-së!!”- shkruan Hahn. /abcnews.al

 

Pak minuta me vonë, edhe ambasadori i BE në Shqipëri Luigji Soreca ka përshëndetur votimin e parlamentit gjerman për çeljen e negociatave nga Budestagu gjerman.

“Bundestagu gjerman ka votuar këtë mbrëmje në favor të hapjes së negociatave me Shqipërinë dhe Maqedoninë e Veriut në Tetor”, shkruan Soreca.

 

Johanes-Hahn-1280x709.jpg
nev ila18:48 | 30/08/2019

Prishtina duhet të heqë taksën ndaj produkteve serbe, ndërsa Beogradi duhet të ndalojë tërheqjen e njohjeve ndaj shtetit të Kosovës. Apeli vjen nga Komisioneri Europian për Zgjerim, Johanes Hahn, i cili paralajmëroi të dyja vendet se këto janë hapat e vetme që duhen ndjekur për të rifilluar dialogu.

Komisioneri Evropian për zgjerim Johannes Hahn bëri apel për vazhdimin e dialogut mes Kosovës dhe Serbisë duke thënë se është shumë i rëndësishëm për perspektivën evropiane të gjithë rajonit të Ballkanit Perëndimor.

Në takimin e ministrave të jashtëm të Bashkimit Europian dhe Ballkanit Perëndimor, Hahn u shpreh se është shuëm e rëndësishme që Kosova të heqë taksën ndaj produkteve serbe.

Zgjidhja, rrjedha pozitive e dialogut mes Serbisë dhe Kosovës, është element kyç për të ardhmen e perspektivës evropiane të gjithë rajonit”, shtoi ai.

Por, ai po ashtu i bëri thirrje Serbisë të ndalojë fushatën për tërheqjen e njohjeve të pavarësisë së Kosovës.

Sipas tij të dyja palët duhet të hedhin hapa drejt njëri tjetrit.

Hahn u shpreh i bindur se pas zgjedhjeve në Kosovë situata do të jetë më e qartë dhe së bashku me Bashkimin Europian shpresohet hyrja në finalizimin e bisedimeve./ABC News Albania 24/7

vuccc-1.jpg
ent ela09:45 | 26/07/2019

Komisioneri Europian për Politikën e Fqinjësisë dhe Negociatat e Zgjerimit të BE-së, Johanes Han, është takuar në Beograd me presidentin serb Aleksandër Vuçiç.

Sipas presidencës serbe ata biseduan për situatën në Ballkanin Perëndimor dhe hapat e ardhshëm të Serbisë në rrugën europiane. Një nga temat kryesore ishte dhe bllokimi i dialogut ndërmjet Beogradit dhe Prishtinës, si dhe situata që pasoi dorëheqjen e Ramush Haradinajt, nga posti i kryeministrit të Kosovës, për të cilën, Vuçiç u shpreh se Serbia reagoi me qetësi dhe me përgjegjësi.

Vuçic falënderoi komisionerin Hahn, për angazhimin në “zhbllokimin e dialogut Beograd-Prishtinë”, dhe përsëriti se Serbia është “e përkushtuar ndaj politikave të paqes dhe bashkëpunimit për të ruajtur stabilitetin në rajon”. /ABC News Albania 24/7

HAHN-NE-SHKUP_ABC-M2-T1.mpg_snapshot_00.09-1280x720.jpg
ent ela16:20 | 25/07/2019

Gjatë vizitës së tij në Shkup komisioneri për Zgjerim në Bashkimin Europian, Johanes Hahn, u shpreh i bindur se në tetor Maqedonia e Veriut do të marrë një datë të saktë për hapjen e negociatave për anëtarësimin në BE.

Eurokomisioneri për zgjerim dhe fqinjësi të mirë, Johanes Han në konferencë për shtyp me kryeministrin Zoran Zaev njoftoi se Maqedonia e Veriut meriton që në tetor të fitojë dritë jeshile për fillimin e bisedimeve për anëtarësim të BE-së për shkak, siç tha ai, të gjithë asaj që e ka bërë në vitet e kaluara në zbatimin e reformave, Marrëveshjes së Prespës, por edhe Marrëveshjes për fqinjësi të mirë me Bullgarinë. Han u takua me krerët e partive politike në vend.

Edhe një vizitë e komisionerit të BE-së për Zgjerimin, Johannes Hahn edhe një premtim.

“Jam shumë i bindur se në tetor do të kryhet. Nuk kam asnjë ndjenjë tjetër”.

Kësaj radhe, komisioneri kishte ardhur për ta lavdëruar ekzekutivin për punën e bërë, por edhe opozitën për qasjen konstruktive. Hahn ceku edhe vijat e kuqe në lidhje me Ligjin për prokurorinë publike, sipas të cilit Specialja duhet të inkorporohet në Prokurorinë e rregullt.

“Ka disa vija të kuqe për ne, dhe më lejoni të them se çdo zgjidhje e mundshme duhet ta ketë parasysh se nuk mund që në fazën e tranzicionit të Speciales, ndonjë rast të humbet.

Nuk mund të shkoj drejt pandëshkueshmërisë për shkak të transformimit të dhe humbjes së afateve kohore që dikush të mbetet i pa ndjekur penalisht.

Pa marrë parasysh se për kë bëhet fjalë, presim që sistemi të veproj në bazë të ligjeve”.

Hahn tha se si do që të jetë ligji e përcakton vet shteti, por për Bashkimin Evropian është e rëndësishme që të gjithë të jenë të njëjtë para ligjit. E kryeministri thotë se kjo edhe po ndodh në Maqedoninë e Veriut.

“Kemi raste konkrete të luftës kundër krimit dhe korrupsionit… Rasti “Zhvatja”, rasti kundër shitjes jo ligjore të shitjes së duhanit, rasti “Shkallët spanjolle” dhe të gjitha rastet tjera tregojnë se jemi në luftë të pakomromisë kundër krimit dhe korrupsionit, pa dallim se ku do të çojnë ato raste.

A do të na çojnë tek prokurorë, politikanë, pronar i medias apo ndonjë tjetër. Askush nuk mund të ikë nga ligji apo të jetë i amnistuar”.

Komisioneri Hahn, u takua edhe me kreun e opozitës, Mickoski, si dhe me kreun e BDI-së, Ali Ahmetin.

Ahmetit nuk i pëlqen ideja që prokurorë ose gjykatës të sillen nga jashtë.

Komisioneri porositi qytetarët e vendit që mos ta shohim procesin integrues si humbje kohe.

Në realitet, ju nuk po humbni kohë, sepse atë që ju e realizoni tani do të na ndihmojë neve që të jemi më të shpejtë në procesin, tha ai. Bindjen e tij për marrjen e datës për hapje të bisedimeve e bazon edhe në deklaratat e fundit të Presidentit francez, Macron, por edhe të Kryetares të Komisionit Evropian, Ursula von der Leyen të cilët janë të qartë rreth ardhmërisë së Ballkanit Perëndimor. /ABC News Albania 24/7

 

eurokomisioneri-Hahn-BE-933x445.jpg
Sej rie17:30 | 18/06/2019

Këshilli Evropian do të marrë në fund të Tetorit një vendim substancial për negociatat e anëtarësimit të Shqipërisë dhe Maqedonisë së Veriut. Këtë vendim morën Ministrat e Jashtëm në takimin e sotëm në Luksemburg, që thanë se për arsye kohe Bashkimi Evropian vijon shqyrtimin e rekomandimeve te Komisionit.

Komisioneri Evropian për Politikën e Fqinjësisë Evropiane dhe Negociatat e Zgjerimit, Johannes Hahn gjatë konferencës së shtypit ka deklaruar se disa vende si Holanda,  Franca, Danimarka dhe Gjermania kanë kërkuar më shumë kohë për të shqyrtuar progres-raportin e Komisionit Evropian, i cili më 29 Maj rekomandoi  hapjen e negociatave të anëtarësimit me Tiranën dhe Shkupin zyrtar.

Në konferencën e mbajtur në Luksemburg, komisioneri Hahn dhe presidenca rumune bën të ditur se shtetet anëtare nuk kanë pasur kohën e mjaftueshme të shytojnë progres-raportet, ndaj vendimi për zgjerimin e Unionit do të jepet në Tetor.

Komisioneri Hahn theksoi se vendimi për Shqipërinë dhe Maqedoninë e Veriut do të jepet në bllok dhe te dy vendet, sipas tij, i kanë plotësuar kushtet për hapjen e negociatave. Hahn tha se shpreson që në Tetor , Këshilli të japë një vendim pozitiv për të dy vendet.

“Franca, Gjermania , Danimarka dhe Holanda janë skeptike për çeljen e negociatave me BE-në. Gjermania kërkon më shumë kohë. Kërkohet më shumë kohë që vendet e Bashkimit Europian të bëjnë vlerësimin e tyre në lidhje me çeljen e negociatave, tha Hahn./ABC News Albania 24/7

 

INTERVISTA-HAHN-ERISA.mpg_snapshot_00.27-1280x720.jpg
Sej rie18:50 | 17/06/2019

Komisioneri i BE për Zgjerimin Johanes Hahn ka deklaruar se aktualisht është Maqedonia e Veriut ajo që meriton dritën jeshile për hapjen e negociatave të anëtarësimit. I ndodhur në Luksemburg për takimin e ministrave të Jashtëm të BE, Hahn nuk e ka përmendur fare Shqipërinë.

Sapo arriti në Luksemburg për mbledhjen e ministrave të punëve të jashtme të Bashkimit Europian, komisioneri për politikën e fqinjësisë dhe negociatave të zgjerimit të Bashkimit Evropian, Johannes Hahn ka insistuar mbi pasojat për mosdhënien e dritës jeshile lidhur me hapjen e negociatave të anëtarësimit të Maqedonisë së Veriut në BE, pa përmendur Shqipërinë:

Johannes Hahn, komisioneri për Zgjerimin“Ne po negociojmë sërish. Nuk bëhet fjalë vetëm për Maqedoninë e Veriut që e meriton dritën jeshile, por është një sinjal për të gjithë rajonin. Nëse do të rifillojnë bisedimet midis Prishtinës dhe Beogradit, të dyja palët do tê kenë nevojë të shohin që investimi për gjetjen e një kompromisi politik midis dy vendeve shpërblehet. Përndryshe, ata nuk do kenë asnjë motivim për t’u angazhuar në bisedime. Ndaj të gjithë duhet të kuptojnë qartë rëndësinë e dhënies së një sinjali për një vend në interesin e të gjithë rajonit të Ballkanit”.

Ajo që u duk si një harresë e komisionerit Hahn lidhur me përmendjen e Shqipërisë, u përjashtua në përgjigjjet në vijim. Komisioneri Hahn ka treguar qartë se ai synon dritën jeshile për Maqedoninë e Veriut, pa folur aspak për Shqipërinë.

Johannes Hahn, komisioneri për Zgjerimin“Nuk më pëlqen termi kompromis lidhur me vendimin në shtator. Ndoshta do më duhet t’a pranoj se nuk do të jetë vendimi im. Qëndrimi im është që sa herë një vend përmbush kushtet, edhe ne duhet t’i përgjigjemi pozitivisht. Cdo shtyrje e vendimit krijon rrezik dhe nuk dua të krijoj rrezik kur nuk është e nevojshme”.

Gazetari: Cili është mesazhi juaj për Parisin dhe Hagën ?

Johannes Hahn, komisioneri për Zgjerimin“Mesazhi im për këdo është që të kuptojnë se situata rajonale ka nevojë për perspektivë tërësore. Një vend ka investuar në mënyrë të jashtëzakonshme për perspektivën evropiane dhe lidershipi i tyre ka treguar kurajo. Nëse kjo gjë nuk do të shpërblehet, ne nuk do të humbasim vetëm përgjegjshmërinë tonë, por edhe besueshmërinë, si edhe fuqinë tonë. Çdo gjë që kemi investuar me sukses në vitet e  fundit do të rrezikohej nëse ne nuk i qëndrojmë besnik premtimeve tona”.

Komisioneri për Hahn do të jetë prezent nesër në 18 qershor gjatë diskutimit të ministrave të jashtëm mbi çeljen e negociatave të Maqedonisë së Veriut dhe Shqipërisë në BE dhe aprovimit të konkluzioneve për paketën e zgjerimit./ABC News Albania 24/7

cakaj-2.jpg
ent ela12:20 | 07/06/2019

Ministri në detyrë për europën dhe punët e jashtme Gent Cakaj përmes një postimi në rrjetin social Tëitter ka njoftuar takimin në Bruksel me komisionerin për zgjerimin dhe fqinjësinë e mirë Johannes Hahn si dhe më përfaqësuesen e lartë të politikës së jashtme në Be, Federika Mogerini.

“Gjatë takimit me Hann, diskutuam për progresin substancial të Shqipërisë në prioritetet kyçe, por edhe situatën e brendshme në vend dhe përgatitjet për hapjen e negociatave për antarësim” – njofton Cakaj në postimin e tij.

Ndërkaq, në një njofitm për shtyp të Ministrisë për Evropën dhe Punët e jashtme, thuhet se gjatë takimit me Mogherinin, Cakaj ka diskutuar për perspektivën europiane të Shqipërisë

“Përfaqësuesja e Lartë Mogherini përgëzoi Ministrin Cakaj për përsëritjen e rekomandimit të qartë të Komisionit, duke theksuar se ky është një vlerësim i merituar dhe rezultat i reformave gjithëpërfshirëse të ndërmarra nga vendi ynë”, thuhet në njoftim, ku veçohen arritjet e prekshme në reformën e drejtësisë dhe luftën kundër korrupsionit dhe krimit të organizuar.

Bashkëbiseduesit ndanë vlerësimin se Shqipëria është e gatshme dhe ka bërë të gjitha detyrat e kërkuara për të hapur negociatat me BE dhe është e nevojshme që Këshilli Evropian të reagojë pozitivisht, në linjë me rekomandimin e Komisionit. /ABC news Albania 24/7

 

hnn.jpg
Sej rie13:50 | 29/05/2019

Komisioneri Johaness Hahn, ka kërkuar që dialogu mes Kosovë dhe Serbisë duhet të vazhdojë. Ai i ka bërë thirrje Prishtinës zyrtare të heqë taksat ndaj mallrave serbe.

“Sa i përket dialogut Kosovë-Serbi, këto dy vende duhet të vazhdojnë. Kosova duhet të heqë tarifat për Serbinë dhe Bosnjën. Tarifat për Serbinë dhe Bosnjën, duhet të hiqen. Kosova duhet të bazohet në marrëveshjen e MSA-së”, tha Hahn.

Këto Komisioneri i BE-së për Politikat Evropiane të Fqinjësisë dhe Negociatat e Zgjerimit, i bëri në një konferencë teksa u bë prezantimi i progres raporti për çeljen e negociatave me vendet e Ballkanit Perëndimor.

Komisioneri Hahn, u shpreh se kësaj radhe ka rekomanduar çeljen e negociatave për anëtarësim për Maqedoninë e Veriut dhe Shqipërinë./abcnews.al

konferenca-han.jpg
ent ela13:20 | 29/05/2019

“Shqipëria në veçanti ka vazhduar transformim madhor të sistemit të drejtësisë”. Kështu ka deklaruar në konferëncën për shtyp për prezantimin e progres raportit të Shqipërisë dhe Maqedonisë së Veriut.

“Për herë të parë nuk kemi pasur rrjedhje të raporteve. Për herë të parë lajme të mira. Janë bërë disa arritje të rëndësishme.

Shqipëria në veçanti ka vazhduar transformim madhor të sistemit të drejtësisië, i rëndësishëm për shfarosjen e korrupsionit dhe risjelljen e besimit në këtë fushë, luftën kundër krimit të organizuar dhe korrupsionit. Bashkëpunimi ndërkombëtar ka sjellë arritje,  edhe më shumë duhet bërë. Nuk kemi  arritur te fundi i përpjekjeve të përbashkëta”.

Për Maqedoninë ka vlerësuar marrëveshjen historike me Greqinë

“Ka arritur marrëveshjen historike me Greqinë. I vetmi vend që nuk ka konflikt me vendet e tjera”.

Sa i përket Kosovës Hanh tha se duhe ttë fokusohet te zbatimi i MSA dhe të shfuqizojë tarifat 100%, ndërsa shtoi se do bëjë sërish përpjekje në qershor zhbllokuar këtë situatë.

“Kosova duhet të fokusohet te zbatimi i MSA, të shfuqizojë tarifat 100% që të fillojë dialogu me Serbinë. Unë në qershor do bëj përpjekje tjetër për të zhbllokuar këtë situatë. Nuk e di nëse do kemi sukses, por do përdorim çdo mundësi që kemi që dëmton zhvillimin e këtyre dy vendeve dhe rajonit”.

Ai theksoi se gjithçka në bazohet në fakte të forta objektive. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono