habilaj

MBULIM-HABILAJT-ABC-M5-T2.mpg_snapshot_00.02-1280x720.jpg
ad min12:41 | 30/10/2019

Shtyhet sërish gjyqi “Habilaj” në Gjykatën për Krime të Rënda. Pas ndarjes së çështjes me të pandehur Moisi Habilajn, Nezar Seitin, Meridian Sulajn dhe Fatmir Minajn, të cilët kanë tashmë dijeni për zhvillimin e procesit gjyqësor, arsyeja e shtyrjes është mungesa e disa prej avokatëve mbrojtës.

Lidhur me çështjen “Habilaj”, të pandehurit Florjan Habilaj, Armando Sulaj, Sebastian Çelaj dhe Trigens Mesuraj janë jashtë këtij procesi pasi nuk janë njoftuar me dërgimin e letërporosive. Për këtë arsye, gjykata, për të vijuar procesin gjyqësor pa vonesa ka bërë ndarje. I vetmi që është i arrestuar në Shqipëri, Armando Koçerri, gjithashtu vijon gjykimin i ndarë nga pjesa tjetër e grupit.

Ata akuzohen për veprat penale “Trafikimi i narkotikeve”, ne tentative, kryer në formën e posaçme të grupit të strukturuar kriminal, “Grupi i strukturuar kriminal”, “Kryerja e veprave penale nga organizata kriminale”./abcnews.al

habilaj-4-vjet.jpg
ad min15:51 | 09/09/2019

Dështon për të disatën herë çelja e procesit gjyqësor në Gjykatën e Krimeve të Rënda për grupin e Habilajve. Shkak për shtyrjen është bërë sërish mos marrja dijeni e 7 të pandehurve që janë në Itali.

Ndërkohë Sabaudin Çela, që ka thyer masën e arrestit në shtëpi, dhënë nga Gjykata e Catania-s është shpallur në kërkim ndërkombëtar. Treshja e organit të akuzës i ka relatuar gjykatës, se ka komunikuar me gjyqtarin dhe prokurorin italian, për të informuar të pandehurit mbi nisjen e procesit në Shqipëri.

Përgjigja për letërporositë e dërguara, pritet që të sillet pas dy javësh, për shkak të pushimeve verore. Seanca për Armand Koçerrin, u zhvillua pa praninë e medias, me kërkesë të këtij të fundit për shkak të gjendjes së rënduar psikologjike të fëmijëve të tij të mitur./ABC News Albania 24/7

moisi-habilaj-933x445.jpg
ad min18:01 | 11/06/2019

Mosnjoftimi i të pandehurve të grupit “Habilaj”, të cilët ndodhen në Itali, ka bërë që të shtyhet sërish seanca gjyqësore për këtë dosje te Krimet e Rënda. Më 13 Qershor Gjykata e Katanias në Itali pritet që të japë vendimin për 8 të pandehurit e grupit të Habilajve. Ndërsa më 19 Qershor në Tiranë nis procesi gjyqësor për Saimir Tahirin dhe 3 ish-zyrtarët e lartë të Policisë së Vlorës.

Procesi gjyqësor për grupin e “Habilajve” në Gjykatën e Krimeve të Rënda ka dështuar sërish. Pranë togave të zeza nuk kanë mbërritur përgjigjet e letërporosive nga Italia për të faktuar se 8 të pandehurit që gjenden në vendin fqinj kanë marrë dijeni për nisjen e procesit gjyqësor në vendin tonë.

Drejtuesi i seancës Bibë Ndreca i kërkoi te pandehurit Armando Koçerrit të paraqesë zyrtarisht kërkesën e tij për mos lejimin e mediave audiovizive në sallën e gjyqit, të shoqëruar edhe me një dokument nga psikologu.

I pandehuri kishte paraqitur shqetësimin se fëmijët e tij të mitur kanë shfaqur probleme psikologjike duke e pare në media gjykimin e tij. Në këtë seancë mungonin edhe avokatët e të pandehurve, të cilët janë zgjedhur nga familjarët e tyre.

Në Shqipëri nga grupi i “Habilajve” ndodhet vetëm Armando Koçerri ndërsa Moisi Habilaj, Florjan Habilaj, Fatmir Minaj, Nezar Seiti, Sabaudin Çela i shpallur në kërkim ndërkombëtar, Tigrens Mezuaraj, Maridjan Sulaj dhe Armando Sulaj po hetohen nga drejtësia italiane, ku pritet që më 13 Qershor Gjykata e Katanias të japë dhe vendimin.

Grupi “Habilajve” u godit në Tetor 2017 në përpjekje për të trafikuar një sasi të konsiderueshme droge nga Shqipëria në brigjet italiane. Hetimet në Shqipëri u hapën pas publikimeve në mediat e vendit fqinj të dosjes së përgjimeve të grupit “Habilaj”nga prokuroria italiane, ku ata përmendin edhe emrin e ish-ministrit Saimir Tahiri.

Për këtë të fundit dhe 3 zyrtarët e lartë të Policisë së Vlorës Jaeld Çela, Sokol Bode dhe Gjergji Kohila dosja është e ndarë dhe procesi pritet të nisë më 19 Qershor. Në këtë seancë do të vendoset nëse ish-ministrit të Brendshëm dhe Çelës do t’i pranohet kërkesa për gjykim të shkurtuar.

Në seancën paraprake gjyqtarja Miliana Muça ka rrëzuar kërkesën për gjykim të shkurtuar të Sokol Bodes dhe Gjergji Kohilës. Grupi i “Habilajve” akuzohet për trafik ndërkombëtar droge në kuadër të grupit kriminal dhe krijimi i grupit kriminal./ABC News Albania 24/7

MBULIM-TREBLOVA-APEL-Copy.mpg_snapshot_00.11-1280x720.jpg
ad min20:37 | 23/09/2018

Gjykata e Apelit për Krimet e Rënda la në fuqi vendimin e dhënë nga Shkalla e Parë me 29 vite burg në total për katër të pandehurit e dosjes “Treblova”. Ata u arrestuan në tetor të vitit 2016, operacion ku u bllokuan 2.4 ton kanabis, si pjestarë të një grupi të angazhuar në kultivimin e kanabisit. Sipas prokurorisë, droga e prodhuar trafikohej në Itali nga grupi i “Habilajve”. Referuar vendimit të lënë në pandryshuar në Apel, të pandehurit u fajësuan për “kultivim të lëndëve narkotike, kryer në formën e grupit të strukturuar kriminal”.

Sipas vendimit të lënë të pandryshuar nga Apeli, Taulant Haxhiraj u dënua me 9 vite burg. Shkëlqim Koçiaj dhe Marjus Bajrami u dënuan me nga 8 vite, ndërsa Xhovalin Baco me 4 vjet heqje lirie. Për shkak të gjykimit të shkurtuar, të pandehurit përfituan uljen e një të tretës së këtyre dënimeve./abcnews.al

vlcsnap-2018-09-21-18h57m16s358-1280x720.png
ad min18:40 | 21/09/2018

Prokuroria për Krimet e Rënda ka sekuestruar 31 pasuri të grupit kriminal të “Habilajve”. Pronat që arrijnë në vlerën e miliona eurove, u bllokuan bazuar në ligjin “Antimafia”, pasi dyshohet se janë krijuar nga trafiku i drogës.

 

Gjykata për Krimet e Rënda ka pranuar kërkesën e prokurorisë për të sekuestruar 31 pasuri të personave të dyshuar si anëtarë të grupit kriminal të “Habilajve”. Pronat që kapin vlerën e miliona eurove, ndodhen në qytetin e Vlorës dhe janë “ngrirë” bazuar në ligjin “Antimafia”. Sipas të dhënave, pasuritë e sekuestruara i përkasin kryesisht vëllezërve Moisi, Artan e Florian Habilaj, por edhe personave të tjerë të proceduar si anëtarë të grupit kriminal që dyshohet të ketë trafikuar 3.5 tonë kanabis drejt Italisë. Njëkohëisht, prokuroria ka kaluar në filtër dhe kërkuar bllokin edhe të disa pasurive që figurojnë të regjistruara në emër të familjarëe të tyre. Sipas të dhënave, pasuritë e sekuestruara përbëhen nga 10 apartamente, 5 ndërtesa, objekte të paluajtshme në proces legalizimi, një garazh me sipërfaqe 500 metër katror, qindra metër2 sipërfaqe truall si edhe 6 automjete luksoze.

Prokuroria për Krimet e Rënda ra në gjurmët e “Habilajve” në prill të vitit 2017, kur Nazer Seitaj, Moisi Habilaj e Florjan Habilaj dyshoheshin për përfshirje në trafikimin e narkotikëve jashtë vendit.

Në nëntor të të njëjtit vit Prokuroria dërgoi për gjykim një dosje me 5 të pandehur, të njohur si dosje “Treblova”, që dyshohet se kultivonin drogën që trafikohej nga Habilajt. Në vazhdim kësaj dosjeje iu bashkua edhe procedimi penal i nisur ndaj ish-ministrit të brendshëm. Ndërkohë që hetohen nga Krimet e Rënda, Moisi Habilaj dhe 13 të bashkëpandeur, mes të cilëve edhe Nezar Seiti, i ekstraduar nga Shqipëria, po gjykohen në Itali, ku në 26 shtator pritet të kenë seanën e radhës në Gjykatën e Katanias./abcnews.al

 

MBULIM-MALI-I-ZI-PER-SAIMIR-TAHIRIN.mpg_snapshot_00.00.jpg
ad min18:33 | 17/09/2018

Prokuroria e Krimeve të Rënda ka marrë përgjigje nga autoritetet e malazeze pas letërporsisë të dërguar për dosjen “Habilaj”. Në shkresë thuhet se ish-ministri i brendshëm Saimir Tahiri ka udhëtuar me Jaht nga Shqipëria drejt Italisë, i cili gjatë udhëtimit kishte ndaluar edhe në birgjet e Malit të Zi.

Autoritetet e Malit të Zi kanë kthyer përgjigje, pas letërporosisë së dërguar nga në shtetin fqinj nga prokruria e Krimeve të Rënda për dosjen “Habilaj”, ku nën hetim është edhe ish ministri i Brendshëm. Përmes letërporosisë autoritetet malazeze i konfirmojnë prokurorisë shqiptare një udhëtim me jaht të Tahirit nga vendi i tyre drejt Italisë, verën e 2017, i cili ka kaluar edhe në brigjet bregdetare të Malit të Zi.
Organi i akuzës është në pritje të letërporosive të dërguara më herët në drejtim të Italisë dhe Greqisë.

Më konkretisht, grupi i hetimit i ka kërkuar palës italiane t’u vendosë në dispozicion dëshmitë e anëtarëve të dosjes “Habilaj”, të arrestuar me urdhër të gjykatës së Katanias, si pjesë e një grupi narko-trafiku. Sipas burimeve, ndër dëshmitë e kërkuara janë edhe ato të Moisi Habilajt, i dyshuar si drejtues i grupit kriminal, si edhe të Nezar Seitit, i cili u arrestua në Shqipëri.

Hetimi ndaj ish-ministrit Tahiri për akuzën e “trafikut të narkotikëve” në kuadër të grupit të strukturuar kriminal dhe “korrupsionit të zyrtarëve të lartë”nisi në tetor të vitit 2017. Në korrik 2018 Prokuroria për Krimet e Rënda shty edhe me tre muaj afatin e hetimeve ndaj tij. Ndërkohë Gjykata e Lartë është në pritje të shqyrtimit të ankimit të prokurorisë, mbi vendimin e Apelit të Krimeve të Rënda, e cila shfuqizoi masën e sigurisë “ndalim i daljes jashtë shtetit” për ish-ministrin./abcnews.al

vlcsnap-error209-1-1280x720.jpg
ent ela14:53 | 23/02/2018

Prokuroria për Krimet e Rënda ka dërguar një letërporosi drejt autoriteteve italiane të drejtësisë për llogari të hetimit ndaj ish-ministrit të Brendshëm, Saimir Tahiri. Përmes saj prokurorët e Krimeve kërkojnë dëshminë e të arrestuare të dosjes “Habilaj”, mes të cilëve edhe të Moisi Habilajt dhe Nezar Seitit.

Aktet hetimore të përcjella nga drejtësia italiane, që shërbyen si themel për nisjen e një hetimi ndaj ish-ministrit të Brendshëm, Saimir Tahiri, duket se nuk i kanë mjaftuar Prokurorëve të Krimeve të Rënda.

Ditët e fundit ata kanë kërkuar sërish ndihmën e kolegëve të tyre në vendin fqinj.  Përmes një letërporosia, grupi i hetimit i ka kërkuar palës italiane t’u vendosë në dispozicion dëshmitë e anëtarëve të dosjes “Habilaj”, të arrestuar me urdhër të gjykatës së Katanias, si pjesë e një grupi narko-trafiku.

Sipas burimeve, ndër dëshmitë e kërkuara janë edhe ato të Moisi Habilajt, i dyshuar si drejtues i grupit kriminal, si edhe të Nezar Seitit, i cili u arrestua në Shqipëri.

Në letërporosi shpjegohet se, ndonëse u arrestua në Shqipëri dhe qëndroi për disa muaj deri në ekstradimin e tij në 25 janar 2018, Seiti pati refuzuar të japë shpegime rreth ccështjes. Për këtë arsye, grupi i hetimit, pret që të administrojë përgjigjet që ai do të japë gjatë ekzekutimit të letërporosisë nga hetuesit italianë.

Kjo letërporosi është e dyta për këtë hetim pas asaj të dërguar në Greqi disa javë më parë.

Hetimi ndaj ish-ministrit Tahiri për akuzën e “trafikut të narkotikëve” në kuadër të grupit të strukturuar kriminal dhe “korrupsionit të zyrtarëve të lartë”nisi në tetor të vitit 2017.

Në janar 2018 Prokuroria për Krimet e Rënda shty edhe me tre muaj afatin e hetimeve ndaj tij. Ndërkohë Gjykata e Lartë është në pritje të shqyrtimit të ankimit të prokurorisë, mbi vendimin e Apelit të Krimeve të Rënda, e cila shfuqizoi masën e sigurisë “ndalim i daljes jashtë shtetit” për ish-ministrin. /abcnews.al

vlcsnap-error987-1280x720.jpg
ent ela11:40 | 23/02/2018

Hetimet për çështjen “Tahiri” kanë çuar në një kerkesë të radhës të Prokurorisë shqiptare për palën italiane. Burime nga prokuroria bëjnë me dije se Prokuroria ka përcjellë një letërporosi të re në Itali për marrjen e dëshmive të akuzuarve pjese e dosjes ‘Habilaj”.

Të përfshirë në këtë kërkesë për marrjen e dëshmive është emri i kreut të grupit të “Habiljave” Moisi Habilaj dhe Nezar Seitin, i dyshuar si financier i këtij grupi. Më herët Prokuroria për Krimet e Rënda i dërgoi dhe palës greke një letërporosi pikërisht me hetimet lidhur me çështjen Tahiri, pasi organi i akuzës pretendon se gjatë kohës që ushtronte funksionin e ministrit të Brendshëm, Tahiri ka favorizuar grupin e “Habilajve” gjatë përfshirjes së tyre në trafikun e drogës nga Shqipëria në Itali./abcnews.al

vlcsnap-error063-1280x720.jpg
ad min17:35 | 08/02/2018

Prokuroria për Krimet e Rënda kërkoi një total prej 29 vite heqje lirie për katër të pandehurit e dosjes “Treblova”.
Ata dyshohet të jenë kultivuesit e kanabisit që trafikohej në Itali nga grupi i “Habilajve”.
Në pretencë, prokurori Ened Nakuci i kërkoi gjykatës deklarimin e fajshëm të të pandehurve për akuzat e “kultivimit të lëndë narkotike në bashkepunim, në formën e grupit te strukturuar kriminal” dhe “kryerjes së veprave penale nga organizata kriminale dhe grupi i strukturuar kriminal”.
Për të pandehurit Taulant Haxhiraj u kërkuan 9 vite burg, për të pandehurit Shkëlqim Koçiaj dhe Marjus Bajrami nga 8 vite burg dhe 4 vjet dënim për Xhovalin Bacon. Për shkak të gjykimit të shkurtuar, të pandehurit do të përfitojnë uljen e një të tretës së masës së dënimit./abcnews.al

vlcsnap-error586-1280x719.jpg
ent ela12:20 | 02/02/2018

Nezar Seiti nuk është i penduar i drejtësisë, as në Shqipëri dhe as në Itali. Keshtu deklaroi sot Detar Hysi, avokati i Seitit në procesin gjyqesor te hapur ndaj tij ne vendin tonë. Sipas Hysit, klienti i tij, i cilësuar si financieri i grupit të Habilajve, nuk ka kërkuar asnjëherë që dëshmojë për këtë çështje. Hysi, në një reagim të shpërndarë për mediat, deklaron me përgjegjësinë e mbrojtësit se i pandehuri Nezar Seiti nuk ka dhënë pëlqimin në asnjë fazë të hetimit edhe procedimit penal, qoftë në vend, qoftë në Itali për të bashkëpunuar me drejtësinë. Kjo sipas tij, pasi Nezar Seiti pretendon se nuk ka njohje me disa nga të pandehurit e çështjes në hetim. Reagimi i avokatit erdhi pas disa deklaratave të bëra publike nga përfaqësues të opozitës, sipas të cilëve Nezar Seiti, u ekstradua pikërisht në momentin që kishte pranuar të ishte dëshmitar i drejtësisë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono