Guardiola

Guardiola.jpeg
Veronik Istrefaj19:08 | 19/11/2019

Pep Guardiola ka marrë një lajm të mirë sot. Trajneri spanjoll do të ketë në dispozicion portierin brazilian, Ederson Moraes. Ky i fundit u dmëtua në ndeshjen e Champions League përballë Atalantas, pak ditë para sfidës më të rëndësishme të sezonit, atë ndaj Liverpool në Premier League.

Ederson nuk luajti në atë humbje 3-1 ndaj të kuqve, por tashmë është rikthyer të jetë i gatshëm. Faza e pushimit 2-javor për shkak të kombëtareve ka qenë i favorshëm për portierin brazilian, i cili ka pasur kohë të rikuperohet.

Tashmë, Guardiola do të ketë të gatshëm një prej lojtarëve më të rëndësishëm të skuadrës në vitet e fundit. Manchester City renditet në vend të katërt për momentin, në kuotën e 25 pikëve, 9 pikë më pak se Liverpool kryesues./abcnews.al

Bayern1-1280x853.jpg
Veronik Istrefaj18:58 | 14/11/2019

Dje, sulmuesi i Bayern Munchen, Thomas Muller, pranoi para medieve se është pro një rikthimi të Pep Guardiolës. Edhe pse rikthimi i strategut spanjoll duket një mision i pamundur brenda këtij sezoni, te Bayern janë gati ta presin deri në muajt e verës.

Pas Thomas Muller, një tjetër futbollist bavarez ka aprovuar “rikthimin” e Pep Guardiolës. Bëhet fjalë për Joshua Kimich, me futbollistin gjerman i cili tha: “Kemi fituar të dyja ndeshjet me Flick në krye të pankinës dhe duket se ai do të qëndrojë me ne deri në fund të sezonit.

Deri atëherë, nuk e di çfarë do të ndodhë. Guardiola? Pse jo, do të më pëlqente një rikthim i tij. Madje, dua ta falënderoj për të gjitha gjërat që ka bërë për mua, duke më dhënë mundësinë të jem një titullar i rregullt te Bayern”, përfundoi Kimich./abcnews.al

Guardiola-1280x854.jpg
Veronik Istrefaj20:42 | 10/11/2019

Trajneri i Manchester Cityt, Pep Guardiola, i ka thurur elozhe skuadrës së tij, edhe pse u mposhtën 3-1 nga skuadra e Liverpool. Pas ndeshjes, trajneri spanjoll foli për Sky Sport, ku mes të tjerash tha:

“Mënyra si luajti skuadra ime në këtë stadium të vështirë ishte e pabesueshme. Jam shumë krenar për ta, shumë krenar. Bëmë një ndeshje të shkëlqyer.

VAR? Nuk ka asnjë kuptim të ankohem tani. Pyesni gjyqtarët nëse ishte penallti apo jo. Pyesni gjyqtarët! Pyesni Mike Riley dhe ata që janë në dhomën e VAR. Mua më pyesni për skuadrën time, që luajti në mënyrë të shkëlqyer. Kjo ishte një ndër ndeshjet më të mira që skuadra ime ka luajtur.

Kishim shumë dëmtime, por skuadra luajti me kokën lart dhe tregoi pse dy vitet e fundit jemi ne kampionët e Anglisë. Nëse Liverpool e fiton titullin, do të jem i pari për t’i përgëzuar”, tha Guardiola./abcnews.al

Klopp-Guardiola.png
Veronik Istrefaj16:29 | 10/11/2019

Në orën 17:30, do të luhet kryendeshja e javës në Premier League, mes Liverpool dhe Manchester City. Klopp dhe Guardiola kanë zgjedhur formacionet e tyre zyrtare dhe surprizat nuk mungojnë. Lovren do të startojë titullarë së bashku me Van Dijk në qendër të mbrojtjes, ndërsa treshja e sulmit nuk ndryshon, me Salah-Mane-Firmino.

Manchester City do të ketë në portë gardianin Bravo, pasi Ederson është i dëmtuar. Fernandinho do të luajë si qendërmbrojtës, ndërsa Angelino i ka zënë vendin Mendy në krahun e majtë të mbrojtjes. Bernardo, Sterling dhe Aguero premtojnë gola për “Cityzens”./abcnews.al

FORMACIONET

Liverpool: Alisson, Alexander-Arnold, Lovren, Van Dijk, Robertson, Fabinho, Wijnaldum, Henderson, Mane, Salah, Firmino.

Man. City: Bravo, Walker, Stones, Fernandinho, Angelino, Rodri, Gundogan, De Bruyne, Bernardo, Sterling, Aguero.

City.jpg
Veronik Istrefaj16:33 | 08/11/2019

Manchester City do të luajë një sfidë shumë të rëndësishme të dielën në Premier League, ndoshta më të rëndësishmen e sezonit, pasi do të përplasen me kryesuesit e Liverpool, një sfidë që mund të vendosë shumë dhe fatet e titullit kampion në Angli. Pep Guardiola do të dëshironte që t’i kishte të gjithë lojtarët të gatshëm për këtë sfidë jetike, por fati nuk ka qenë me strategun spanjoll.

Portieri numër një i skuadrës, Ederson, pësoi një dëmtim në takimin kundër Atalantës në Champions League, duke u larguar nga fusha e lojës në pjesë të parë. Flitej se dëmtimi nuk ishte shumë serioz dhe se zëvendësimi i tij ishte bërë si “masë sigurie” për të mos e agravuar dhe më shumë.

Megjithatë, analizat më të fundit kanë konfirmuar se Ederson do ta humbë sfidën kundër Liverpool, çka është një goditje e rëndë për Cityn dhe Pep Guardiolën. Përveç Ederson, shqetëson edhe sulmuesi Gabriel Jesus, por braziliani me shumë gjasa do të jetë i gatshëm për sfidën e së dielës./abcnews.al

Guardiola.jpeg
Veronik Istrefaj18:38 | 02/11/2019

Trajneri i Manchester City, Pep Guardiola, foli për BBC Sport pas fitores 2-1 me përmbysje kundër Southampton. Spanjolli pranoi se kjo sfidë ishte shumë e vështirë, por të tijtë bënë gjithçka në mënyrën e duhur për të fituar.

“Bëmë gjithçka në mënyrën e duhur, ishte shumë e vështirë të sulmonim përballë një skuadre që mbrohej me 11 futbollistë. Lojtarët nuk u dorëzuan për asnjë moment dhe në fund e merituam fitoren. Ishte një përmbysje spektakolare, Southampton bëri një ndeshje të madhe, por në fund gjithçka shkoi në vendin e duhur.

Sot, mund të kishim bërë edhe më mirë, të mbyllnin takimin shumë herë më shpejt dhe të pushonim disa lojtarë, pasi kalendari është shumë i ngjeshur. Ekipet që e shfrytëzojnë rivënien anësore si korne janë shumë të vështirë për të luajtur kundër, por mbrojtja ynë bëri gjithçka mirë”, tha Guardiola./abcnews.al

Guardiola.jpeg
Veronik Istrefaj16:49 | 21/10/2019

Trajneri i Manchester City, Pep Guardiola, ka folur në konferencë për shtyp para ndeshjes kundër Atalantës, që do të jetë e vlefshme për grupin C në Champions League. Në fjalën e tij, tekniku spanjoll tha:

“Mendoj se kemi ndërtuar një skuadër shumë të fortë, si pjesë e një projekti që ka filluar që para katër sezonesh. Dy sezonet e fundit në Champions, jemi eliminuar nga rregulli i golit në fushë kundërshtare. Në këtë kompeticion, nëse do t’i shkosh deri në fund, duhet të pësosh sa më pak gola.

“Ky është një kompeticion që vendoset nga një episod, nga një metër më shumë ose më pak, nga një pasiguri ose moment individual. Këto diferenca të vogla vendosin fate të mëdha. Këtë sezon, them me plot bindje se jemi më të fortë se dy sezonet e fundit. Lojtarët kanë fituar eksperiencën e duhur dhe janë më mirë fizikisht”, përfundoi Guardiola./abcnews.al

Koulibaly-2.jpg
Veronik Istrefaj18:02 | 15/10/2019

Pep Guardiola dhe Manchester City i tij janë shumë larg pritshmërive këtë sezon. “Cityzens” ndodhen plot 8 pikë larg Liverpool kryesues dhe duan të mbyllin sa më parë këtë diferencë. Dëmtimi i Aymeric Laporte dhe John Stones ka lënë shumë hapësira në qendër të mbrojtjes, që ka qenë dhe “thembra e Akilit” për Manchester Cityn këtë sezon.

Mesfushori Fernandinho është adaptuar si qendërmbrojtës, së bashku me Otamendin, por asnjëri nga këta të dy nuk ofron siguri. Pep Guardiola nuk ka më ndërmend të eksperimentojë dhe ka bërë gati 100 milionë euro për Kalidou Koulibaly.

Mbrojtësi i Napolit është një ndër më të mirët në botë dhe Guardiola është një admirues i lojës së tij. Oferta prej 100 milionë eurosh pritet të jetë në tavolinën e Napolit sapo të hapet merkato e janarit, ofertë që vështirë se mund të refuzohet nga presidenti Aurelio Di Laurentiis./abcnews.al

Rodri.jpg
Veronik Istrefaj14:59 | 11/10/2019

Te Manchester City, situata nuk duket aspak e qetë. Pasi humbën kundër Ëolves 0-2 në shtëpi, “Cityzens” e shohin veten plot 8 pikë larg Liverpoolit kryesues. Ky moment në fushën e lojës ka krijuar dhe probleme jashtë saj.

Mesfushori spanjoll, Rodri, u afrua këtë verë nga Atletico Madrid, por është kritikuar disa herë për parqitjet e tij. Për të mbrojtur veten, mesfushori i ka dalë kundër Guardiolës: “Kam ardhur te një skuadër e re, më duhet kohë të ambientohen.

Po punoj në një sistem të ri, duhet të di kur të bëj faull, kur të kërcej për të fituar topin, kur të mbroj e kur të sulmoj. Me kalimin e kohës, do të ambientohem”. Pak kohë më parë, Guardiola replikoi ashpër me analistin e Sky Sport, Gary Neville, duke thënë: “Ekipi im nuk bën faulle me qëllim. Luajmë futboll të pastër”.

Por, deklarata e Rodrit, ka nxjerrë zbuluar strategun spanjoll, që me shumë gjasa do të marrë kritika të tjera./abcnews.al

Guardiola.jpg
Veronik Istrefaj11:01 | 11/10/2019

Fabian Ruiz është objektivi kryesor i Manchester Cityt dhe Pep Guardiolës. Në verën e vitit 2018, Ruiz u transferua nga Real Betis te Napoli në Serie A, aty ku ka shkëlqyer. Mesfushori ka tërhequr interes nga shumë ekipe të mëdha

Sidoqoftë, mediat italiane raportojnë se Manchester City është në pole position për të siguruar firmën e tij. Raportohet se Pep Guardiola ka kontraktuar me Napolin në dy muajt e fundit rreth mesfushorit spanjoll, por drejtuesit italianë nuk kanë marrë ende një ofertë konkrete.

Napoli nuk dëshiron të ndajë rrugë me Ruiz dhe vetë lojtari duket i lumtur te napolitanët. Megjithatë, në rast të një ofertë të majme, Aurelio De Laurentiis me shumë gjasa nuk do të refuzojë dhe spanjolli mund të transferohet në Angli që në muajin janar../abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono