Guaido

download-8.jpg
ent ela12:59 | 22/05/2019

Mediat amerikane raportojnë dobësimin e opozitës venezueliane me liderin e saj Guaido i cili ka pranuar të negociojë me presidentin Nikolas Maduro. Një vendim që tregon dhe njëherë më shumë pushtetin në rritje të këtij të fundit

I vetëshpalluri president i Venezuelës Huan Guaido ka pranuar të negociojë me presidentin venezuelian Nikola Maduro. Dy palët kanë dërguar disa nga funksionarët e tyre në Norvegji për negociata, një lëshim që deri tani Guaido e kishte refuzuar. Nju Jork Tajms shkruan se ndryshimi i qëndrimit përfaqëson një moment kyç për opozitën venezueliane e cila përgjatë muajve është dobësuar, duke treguar dhe njëherë më shumë forcën dhe pushtetin që Maduro mban në duar pavarësisht krizës që po përjeton vendi.

Autoritetet amerikane ndërkohë po përgatisin sanksione të reja ndaj përfaqësuesve të qeverisë së Venezuelës dhe personave të tjerë të cilët dyshohet se kanë përdorur programin e ndihmave ushqimore të menaxhuar nga ushtria e Karakas, për riciklim parash.

Lajmi është konfirmuar nga burime për të përditshmen amerikane Uoll Strit Xhornal. Masat do të shpallen zyrtarisht në javët në vijim me qëllimin për të shtuar presionin ndaj qeverisë së presidentit Nicolas Maduro. Sipas “El Nasional”, akuza dhe sanksione do i drejtohen ushtarakëve të lartë dhe personave të tjerë të cilët mendohet se kanë ricikluar me miliona dollarë të fondeve shtetërore të caktuara për blerjen e ushqimeve dhe operacione të tjera humanitare. Sanksione të tjera mund të kenë si objektiv funksionarë apo ushtarakë që kanë përfituar para në pronësi të kompanisë shtetërore për prodhimin e naftës, nga minierat apo zyrave të tjera të këmbimit valutor. /ABC News Albania 24/7

Guaido-1280x736.jpg
ent ela16:51 | 29/03/2019

Qeveria e Venezuelës ka vendosur të dënojë tashmë ish kryetarin e parlamentit njëkohësisht liderin e opozitës Guaido. Ai duhet të qëndrojë larg çdo posti zyrtar në 15 vitet e ardhshme. Vendimi u mor pasi sipas qeverisë, stili i jetesës dhe shpenzimet e tij nuk përputhen me të ardhurat e një deputeti

Një teatër. Kështu e ka komentuar lideri i opozitës Huan Guaido vendimin e qeverisë venezueliane që e dënon atë të qëndrojë larg çdo posti zyrtar për 15 vjet.

Akuza që rëndon ndaj tij është se ai nuk ka deklaruar origjinën e fondeve për të paguar misionet jashtë vendit në fillim të mandatit të tij parlamentar. Bëhet fjalë për rreth 84 mijë euro.

Gjatë një mitingu në Karakas, Guaido u kërkoi venezuelianëve që të protestojnë sërish këtë të shtunë kundër presidentit Nikolas Maduro, i cili refuzon të japë dorëheqjen pavarësisht se nuk e ka më mbështetjen e parlamentit.

Lideri i opozitës u shpreh ndër të tjera se, populli nuk mund të gënjehej nga akuzat e rreme që i bëheshin atij.

Sipas vendimit të qeverisë, shpenzimet e Guaido dhe stili i tij i jetesës nuk përputheshin aspak me të ardhurat e një deputeti, dhe për këtë arsye presidenti Maduro e pezulloi atë nga posti i kryetarit të parlamentit.

Në këtë klimë të tensionuar, përfaqësuesja e lartë për politikat e jashtme në Bashkimin Evropian, dënoi vendimin e marrë nga Guaido duke kërkuar dhe një herë më shumë mbajtjen e zgjedhjeve presidenciale të lira, transparente dhe të besueshme, sa më shpejt të jetë e mundur.

Ajo kërkoi gjithashtu dhe lirimin e menjëhershëm të të burgosurve politikë.

Edhe pse energjia elektrike në vend është kthyer, shkollat vijojnë të qëndrojnë të mbyllura në pjesën më të madhe të vendit./abcnews.al

 

venezuele-1-1280x676.jpg
ent ela11:46 | 11/03/2019

Vijon mungesa e energjisë elektrike në Venezuelë, duke detyruar shkollat dhe institucionet të qëndrojnë të mbyllura. Lideri i opozitës Guaido ka paralajmëruar se do të kërkojë shpalljen e gjendjes së jashtëzakonshëm.

Kriza në Venezuelë ka marrë një kthesë katastrofike. Është kjo deklarata e senatorit amerikan republican Marko Rubio, sipas të cilit të paktën 80 fëmijë kanë humbur jetën në repartin e të sapolindurve në spitalin universitar në Zulia, që nga dita e parë e ndërprerjes së energjisë elektrike. Huan Guaido kryetar i parlamentit venezuelian deklaroi se do të kërkonte shpalljen e gjendjes së jashtëzakonshme në vend.

Në një mesazh në profilin e tij Tuiter, senatori Rubio shkruan se po bëhen afërsisht 72 orë që nga ndërprerja e energjisë elektrike dhe perspektiva e mungesës totale të ushqimeve, tashmë është një realitet për shumë banorë. Ai theksoi se nëse ndihmat ndërkombëtare nuk do të lejohen  të hyjnë në vend atëgerë do të ketë një katastrofë të paprecedentë.

Nga ana e tij presidenti Nikolas Maduro deklaroi se autoritetet po vijojnë punën për të rregulluar sistemin elektrik kombëtar dhe se strategjia makabre për të shkaktuar një luftë civile do të dështojë.

Sipas raportimeve të CNN, mungesa e energjisë elektrike ka lënë në errësirë të plotë 16 shtete të Venezuelës, ndërsa gjashtë të tjerë furnizohen vetëm pjesërisht. Sipas Guaido, situate ka shkaktuar një dëm prej 400 milion dollarësh në sektorin privat. Ndërkohë qeveria ka vendosur të ndërpresë mësimin dhe aktivitetet e institucioneve shtetërore për të hënën e 11 marsit. /abcnews.al

/abcnews.al

105741346_mediaitem105741344.jpg
ent ela23:45 | 21/02/2019

Lideri i opozitës në Venezuelë është nisur personalisht drejt kufirit me Kolumbinë, në përpjekje për të mundësuar futjen në vend të ndihmave humanitare të ardhura nga Shtetet e Bashkuara. Ndërkohë, presidenti Maduro ka kërcënuar me mbyllje të kufijve.

Lideri i opozitës në Venezuelë, Huan Guaido dhe 80 ligjvënës u nisën të enjten nga Karakasi drejt kufirit me Kolumbinë, me shpresën për të futur në vend ndihmat humanitare të bllokuara nga regjimi i presidentit Maduro. Udhëtimi prej 800 kilometra i Guaido dhe eksponentëve të tjerë të opozitës erdhi pasi qeveria venezueliane deklaroi më herët gjatë së enjtes se do të mbyllte kufirin me Brazilin dhe Kolumbinë. Kreu i opozitës, i njohur nga shumë vende të botës si lideri legjitim i vendit latin, shpreson të çojë ndihmat në destinacion ditën e shtunë. Në një fjalim televiziv të mbajtur të enjten, presidenti Maduro deklaroi se ndihmat janë vetëm një provokim dhe përsëriti se në Venezuelë nuk ka krizë. Por organizata për të drejtat e njeriut HJUMAN RAJTS UOÇ deklaroi po të enjten se Venezuela është pre e një katastrofe humanitare të papreçedentë në historinë moderne të Amerikës Latine. Drejtori i organizatës për vendet e Amerikës së Jugut, Migel Vivanko tha se presidenti Maduro nuk mund të vazhdojë të mohojë realitetin. Ndërkohë, organizata tjetër Amnesti Internejshënëll akuzoi presidentin Maduro dhe forcat e tij të sigurisë për ekzekutime dhe arrestime arbitrare, si dhe për përdorim të tepruar të forcës për të imponuar politikën e shtypjes dhe presionit. Sipas Amnesti, Maduro vepron në mënyrë të pamëshirshme me shtresën më të varfër të popullsisë të cilën thotë se e mbron, por që më pas e arreston, e kërcënon dhe e vret. /abcnews.al

trump-phones-venezuelas-guaido-as-u-s-pushes-for-maduro-to-go.jpg
ent ela13:48 | 13/02/2019

Ndihmat humanitare në Venezuelë do të hyjnë brenda datës 23 shkurt. Është ky premtimi I bërë nga Huan Guaido kryetar i parlamentit të vendit gjatë një proteste në Karakas.

Huan Guaidò, kryetari i parlamentit venezuelian që ka marrë dhe pushtetin e ekzekutivit, deklaroi se ndihmat humanitare që I ka kërkuar komunitetit ndërkombëtar do të hyjnë në vend para datës 23 shkurt. Duke folur në përfundim të një proteste massive në Karakas, Guaido tha se duke filluar që nga e shtuna e ardhshme do të nisë procesi i organizimit për hyrjen në vend të ndihmave humanitare. Lideri anti Chavez konfirmoi se përvec pikës së kalimit në kufi me Kolumbinë do të lirohet dhe një pikë tjetër në kufi me Brazilin. Sipas tij 250 mijë persona janë regjistruar në programin e vullnetarëve të cilët do të mbledhin ndihma humanitare. Guaido premtoi se ndihmat do të hyjnë patjetër në vend dhe nuk ka asnjë dyshim për këtë. /abcnews.al

trump-phones-venezuelas-guaido-as-u-s-pushes-for-maduro-to-go.jpg
G. P.12:29 | 01/02/2019

Lideri i opozitës në Venezuelë Guaido, deklaroi se brenda një jave janë vrarë 70 të rinj nga forcat speciale nën urdhërat e Maduros. Edhe presidenti amerikan Donald Trump u shpreh se kishte parë prova sipas të cilave në vend po ndodhin gjëra të tmerrshme.

Sipas presidentit të vetëshpallur të Venezuelës Huan Guaido, Maduro ka humbur kontrollin e vendit dhe populli po vuan. Në një intervistë për mediat italiane Guaido shpjegoi se brenda një jave janë vrarë 70 të rinj nga forcat speciale të policisë, 700 persona janë burgosur, prej të cilëve 80 janë të mitur.

Situata në vend po përshkallëzohet një fakt ky i konfirmuar dhe nga presidenti amerikan Donald Trump. Në një intervistë për New York Times, kreu i Shtëpisë së Bardhë shpjegoi se ka parë prova se në Venezuelë po ndodhin gjëra të tmerrshme. Ai theksoi se administrata e tij nuk po bën asgjë për sa i përket opsioneve ushtarake në Venezuelë. Por Trump theksoi se një gjë e tillë nuk mund të përjashtohet në të ardhmen./abcnews.al

guaido.jpg
G. P.11:48 | 01/02/2019

Në një kohë që në Venezuelë tensioni mbetet shumë i lartë, nëna e liderit të opozitës Guaido, Norka Markez, u shpreh në një intervistë se frikësohej shumë për jetën e djalit të saj.

Kryetari i parlamantit është njohur si President i ligjshëm i Venezuelës nga shumë vende. Nëna e tij u shpreh se ajo që i mban të fortë si familje përballë kësaj situate është besimi në Zot./abcnews.al

guaido.jpg
G. P.22:13 | 31/01/2019

Lideri i opozitës në Venezuelën e përfshirë nga kaosi ka denoncuar kërcënimet e bëra ndaj familjes së tij nga forcat e sigurisë, aleate të presidentit Maduro. Megjithatë, Huan Guaido ka deklaruar se diktatura nuk e tremb dhe se nuk ka ndërmend të heqë dorë nga vizioni i tij për vendin.

Presidenti i vetëdeklaruar i Venezuelës, Huan Guaido ka deklaruar se familja e tij është kërcënuar për shkak të aktivitetit të tij politik. Në një fjalim të mbajtur në Universitetin Qendror të Venezuelës, Guaido ka bërë me dije se policia ka kontrolluar shtëpinë e tij për t’i arrestuar bashkëshorten.

“Forcat speciale ishin në shtëpinë time duke kërkuar për Fabianën”, ka thënë kreu i opozitës duke iu referuar të shoqes.

Ai ka paralajmëruar forcat e sigurisë se do të mbajnë përgjegjësi nëse i ndodh gjë fëmijës së tij, që është vetëm 20-muajsh. Lideri i vetëshpallur i tha këto në kuadër të një fjalimi ku prezantoi vizionin e tij për të ardhmen e Venezuelës.

“Diktatura mendon se do ta na trembë, por kjo nuk do të ndodhë”, vijoi ai.

Guaido u vetëshpall president i përkohshëm i vendit latin më herët gjatë muajit dhe menjëherë statusi i tij u njoh nga Shtetet e Bashkuara dhe disa vende të Amerikës së Jugut. Ndërsa Rusia, Kina, Turqia dhe Meksika rikonfirmuan mbështetjen për Nikolas Maduro, duke e cilësuar si udhëheqësin legjitim të vendit. Mbështetja e forcave të sigurisë ka qenë një element kyç që Maduro të ruajë pushtetin e tij, por Guaido pretendon se ka zhvilluar bisedime sekrete me oficerë të lartë të ushtrisë për të organizuar rrëzimin e tij.

Venezuela është përfshirë nga protestat që kur Maduro nisi mandatin e dytë si kryetar shteti më 10 Janar. Ai u rizgjodh vitin e kaluar në një proces zgjedhor të kontestuar, ku shumë kandidatë të opozitës nuk u lejuan të merrnin pjesë ose u burgosën. Krahas krizës politike, për shkak të gjendjes së rëndë ekonomike, rreth 3 milionë njerëz janë detyruar të braktisin vendin./abcnews.al

1548379900292-1280x720.jpg
ent ela14:52 | 25/01/2019

Në intervistën e tij të parë pas vetëshpalljes President, që shkaktoi një krizë ndërkombëtare, duke ndarë në dy palë komunitetin ndërkombëtar, Guaido u shpreh se gjëra të tilla kanë ndodhur dhe më parë në periudhë tranzicioni. Ai u shpreh se e njëjta situatë ishte dhe në Kili, por dhe në Venezuelë në vitin 1958 duke iu referuar trazicioneve politike që i dhanë fund diktaturës së Augusto Pinoçet dhe Markos Perez Jimenez. Ai theksoi se nuk mund të përjashtohet asnjë mundësi por duhet të vazhdohet përpara me vendosmëri.

Guaido u shpreh i gatshëm të vendosë amnistinë në tryezën e bisedimeve, si një garanci për të gjithë ata që janë gati të respektojnë kushtetutën për rivendosjen e rendit institucional.

Presidenti i Asamblesë Kombëtare tha se për të situata në Venezuelë duhet të zhvillohet në tri faza: përfundimi i pushtimit, pra i Presidencës së Maduros, një fazë tranzicioni dhe zgjedhje të lira dhe transparente. E gjithë kjo duhe të shoqërohet me një vëmendje të menjëhershme të krizës humanitare në vend. Në një mesazh në profilin e tij Tuiter ai iu drejtua popullit të tij duke thënë se janë bërë hapa të rëndësishëm, atë që duhet për të arritur në një qeveri tranzicionidhe zgjedhjesh të lira. Ai theksoi se nëse rezistohet dhe këmbëngulet, atëherë lufta do të ketë vlerën e saj. Maduro aktualisht ka ende ushtrinë në anën e tij, e cila po shtyp me dhunë protestat në vend. Që nga fillimi i javës janë konfirmuar 26 viktima si pasojë e përplasjeve të dhunshme mes manifestuesve dhe policisë. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono