grupi parlamentar

edi-rama-kryeministri.jpg
G. P.15:08 | 09/09/2019

Teksa paralelisht po merrej në pyetje Ilir Meta, në sallën ngjitur në Kryesinë e Kuvendit, Edi Rama mblodhi grupin e tij parlamentar, ku me tonë të ashpra, ju tha deputetëve se nëse nuk transformohet, Partia Socialiste do të humbasë pushtetin.

Mbledhja e grupit parlamentar socialist, e para e kësaj vjeshte, e ka gjetur të shqetësuar kryeministrin Rama. Ai ju ka folur deputetëve me tone të ashpra, mbi zgjedhjet në parti, duke kërkuar një proces të vërtetë.

“Procesi i zgjedhjeve në parti duhet të jetë ndryshe nga herët e tjera.  Duhen takime të vërteta në cdo organizatë. Kush nga ju nuk e bën dot, më mirë le të dorëhiqet nga grupi parlamentar. Deputetë që nuk e dinë ku e kanë zonën e tyre dhe që nuk dinë çfarë kërkesash kanë njerëzit atje, nuk mund të tolerohen. Jua them copë: duhet t’i ktheni PS-së atë që i keni marrë. Secili të bëjë detyrën dhe asgjë më shumë”.

Sic pohojnë burimet e ABC News nga mbledhja e mbyllur, si rrallë herë, kryesocialisti ju ka folur të vetëve për rrezikun e humbjes së pushtetit.

“Partia Socialiste nuk mund të qëndrojë në pushtet duke ngrënë nga dhjami i vetë. Në zgjedhje nuk mund të përsërisim të njëjtat gjëra, ndryshe do të humbim. Forma e vetme që ta shmangim këtë është që të transformojmë partinë. Nuk dua të bëhen më takime me të njëtat fytyra. Duhet të marrin fund pazaret e dallaveret”.

Shqetësimi tjetër, veç gjendjes së strukturave të partisë, mësohet të ketë qenë cilësia e administratës.

“As unë e as Partia Socialiste nuk mund ta mbajë mbi shpatulla këtë maskaradë dhe këto zullume që ndodhin në zyrat e shtetit. Ju s’keni ngritur asnjë shqetësim se si funksionojnë këto zyra dhe ankesat që kanë njerëzit. Ju interesoheni vetëm për emërimet e drejtorëve. Nuk mban më kjo punë. Do të humbim pushtetin, nëse vazhdojmë kështu. Unë nuk do të pres fundin”.

Këto porosi vijnë teksa PS ka hyrë në një proces zgjedhor që deri në janar, do të rifreskojë të gjitha forumet përmes zgjedhjeve, përjashtuar karringen e kryetarit të partisë, që nuk do t’i nënshtrohet votimit./ABC News Albania 24/7

mitsotakis-1.jpg
G. P.16:14 | 19/07/2019

Kryeministri i Greqisë Mitsotakis ka zhvilluar takimin e parë me deputetët e partisë demokracia e re, të cilët mbajnë një mazhorancë të fortë në parlamentin e ri grek. Ai u kërkoi deputetëve që të punonin shumë dhe të flisnin më pak.

Në takimin e parë të grupit parlamentar të “Demokracisë së Re” paraditen e së premtes, kryeministri grek Kyriakos Mitsotakis u bëri apel deputetëve që të punojnë më shumë dhe të flasin më pak.

Pasi u prit me duartrokitje nga deputetët e partisë së tij, Mitsotakis u shpreh i mallëngjyer për faktin se partia e tyre kishte marrë një mazhorancë të fortë parlamentare me 158 deputetë, duke theksuar se ishte mazhoranca më e fortë prej disa vitesh.

Mitsotakis u kërkoi deputetëve që të kërkonin një nivel më të lartë të dialogut politik të bazuar në argumente. Ai shtoi se në zgjedhjet e përgjithshme të 7 Korrikut që sollën demokracinë e re në pushtet ishin një përgjigje për populizmin dhe ekstremizmin, duke theksuar se mungesa e Agimit të Artë në parlamentin e ri ishte një arritje.

Ai u kërkoi atyre që të luftonin populizmin dhe traditën e vjetër të klientelizmit të përditshëm politik si dhe të punonin shumë. Stavros Kalafatis u zgjodh në mënyrë unanime për të qenë kryetari i grupit parlamentar i “Demokracisë së Re”./ABC News Albania 24/7

PARLAMENTI-TE-MARTEN-PA-ORAR.mpg_snapshot_00.12-1280x707.jpg
G. P.11:41 | 01/04/2019

Seanca e ardhshme parlamentare do të mbahet të mërkurën në orën 10:00. Lajmi është konfirmuar nga burime zyrtare nga Kuvendi i Shqipërisë. Pas këtij njoftimi edhe opozita po organizohet për protestën e radhës.

Burime nga selia blu thanë për ABC News se edhe të mërkurën do të ketë proteste para Kuvendit, ndërkohë që në sallë mbahet seanca plenare. Skenari i shoqërimit të çdo seancë parlamentare me protesta para Kuvendit, po përsëritet nga opozita prej rreth 1 muaji e gjysmë, që kur ka nisur aksioni opozitar.

Grupi i deputetëve të mazhorancës socialiste vendosi gjithashtu se do të kërkojë në seancën parlamentare të radhës, shtyrjen me tre muaj të afatit të komisionit të posaçëm parlamentar të reformës zgjedhore.

Socialistët do të propozojnë Damian Gjiknurin si bashkëkryetar të komisionit të reformës zgjedhore, duke zëvendësuar në këtë post Blerina Gjylametin. Deputetëve të opozitës në parlament do tu drejtohet një ftesë që të bëhen pjesë e komisionit të posaçëm të reformës zgjedhore./abcnews.al

pd.jpg
G. P.14:17 | 25/03/2019

Kreu i demokratëve Lulzim Basha ka zhvilluar një takim me anëtarët e ish-grupit parlamentar si dhe ata të kryesisë së forcës politike që drejton, takim gjatë të cilit mësohet të ketë kërkuar më shumë angazhim në terren përmes takimeve me qytetarët.

Paraditen e së hënës kreu i Partisë Demokratike Lulzim Basha ka mbledhur grupin e ish-deputetëve si dhe kryesinë e forcës politike që drejton në një takim të përbashkët, mbledhje e cila vjen pas asaj të kolegjit të kryetarëve. Burime nga mbledhja bëjnë me dije se në fokus të diskutimit ka qenë aksioni i opozitës dhe vijimi i mobilizimit në protesta periodike.

E ndërsa mbledhja e kolegjit të kryetarëve u përmbyll me njoftimin se pasditja e 13 prillit do të presë protestën e radhës kombëtare të thirrur nga opozita, ajo e përbashkët mes grupit të ish-deputetëve dhe kryesisë së Partisë Demokratike u fokusua kryesisht tek protestat që opozita ka paralajmëruar se do të shoqërojnë seancat plenare, kurdo që Kuvendi t’i thërrasë ato.

Burime bëjnë me dije se kreu i demokratëve Basha i ka kërkuar anëtarëve të kryesisë dhe ish deputetëve të jenë më aktivë dhe të jenë balli i aksionit opozitar përmes takimit me qytetarët.

“Partia Demokratike duhet të jetë pranë njerëzve edhe për t’i shpjeguar atyre alternativën që ofron kjo forcë politike”, ka theksuar kryedemokrati.

Basha ka kërkuar gjithashtu mobilizim të strukturave për protestën e radhës përpara godinës së parlamentit, e cila pritet të përkojë me seancën plenare, dita dhe ora e të cilës mbetet ende e pa shpallur nga Kuvendi./abcnews.al

bashaaa-1280x634.jpg
ent ela14:26 | 28/01/2019

Në mbledhjen e grupit parlamentar demokratik kreu i kësaj force politike Lulzim Basha mësohet t’u ketë komunikuar deputetëve të tij se pjesëmarrja në komisionet parlamentare do të përcaktohet nga problematikat specifike bazuar mbi ndjeshmërinë e opinionit publik dhe interesit të qytetarëve.

Kryetari i PD Lulzim Basha ka zhvilluar takimin e përjavshëm të punës me grupin parlamentar në selinë e forcës politike që drejton mëngjesin e së hënës. Burime nga mbledhja i thanë ABC Neës se opozita do i rikthehet punës në komisionet parlamentare, bazuar mbi problematikat që shtrohen për diskutim dhe efektit të tyre në interesin publik.

“Aty ku ka kalendar me çështje sensitive për qytetarët do shkojmë. Arsimi në Shqipëri është në kolaps total. Të jemi të qartë në kërkesën për anullimin e ligjit për arsimin e lartë. Për platformën e arsimit të lartë të angazhohen, ish-ministra arsimi, deputetë aktuale, pedagogë. Duhet të jemi të angazhuar totalisht për zinxhirin arsimor.”

Kështu në mbledhjen e grupit demokratët kanë ri-theksuar qëllimin për plotësimin e një kërkese themelore të studentëve, atë për anulimin e ligjit të arsimit të lartë, premtim ky i prej dy vitesh tashmë i demokratëve.

Në përfundim të mbledhjes së grupit, interesimit të gazetarëve lidhur me efikasitetin që protestat pritet të kenë në ndryshimin e kreut të qeverisë, ish-kryeministri Berisha iu përgjigj me bindjen e tij.

“Rama do të largohet, ky është problem i vetëm i tij”. /abcnews.al

selia-e-ps.jpg
ent ela10:52 | 03/12/2018

Grupi parlamentar i Partisë Socialiste është mbledhur para nisjes së seancës plenare.  Buxheti për vitin 2019 dhe ndryshimet në paketën fiskale janë bërë objekt debati midis deputetëve socialistë. Kryetari i komisionit të ekonomisë Erjon Braçe ka kërkuar të mos votohet neni që taton pagat deri në 40 mijë lekë. Por ministri i Financave dhe Ekonomisë Arben Ahmetaj ka këmbëngulur që ndryshimet e propozuara prej tij të miratohen në seancën e sotme plenare.

Ky debat ka nisur më herët, gjatë shqyrtimit të projekt buxhetit në komisionin parlamentar të ekonomisë. Të dy deputetët socialistë nuk janë tërhequr nga qëndrimet e tyre. Vendimi do të merret sot nga mazhoranca në parlament./abcnews.al

 

ppdd.jpg
G. P.12:25 | 20/11/2018

Partia Demokratike ka zhvilluar mbledhjen e përjavshme të grupit të saj parlamentar në selinë blu ku mësohet të kenë diskutuar për disa çështje. Mes të tjerash demokratët njoftuan mbajtjen e Kuvendit kombëtar të kësaj force politike më 15 Dhjetor, pas së cilit PD ndez motorrët për zgjedhjet lokale 2019.

Bojkoti i institucionit të Kuvendit të Shqipërisë nuk ka ndaluar demokratët të përfshihen në diskutimin që kryeson komisionet parlamentare prej një jave dhe që pritet të votohet në parim ditën e enjte, buxhetin e vitit të ardhshëm. Në ditën kur mazhoranca pritet të ngrejë kartonat për miratimin në parim të projekt-buxhetit 2019, demokratët do të diskutojnë për problemet, që sipas tyre sjell ky projekt, në një takim paralel me atë të seancës plenare ditën e enjte, kryesuar nga kryedemokrati Lulzim Basha.

Ky takim ishte objekt bisede në mbledhjen e grupit parlamentar demokrat mëngjesin e së martës, gjatë së cilit Partia Demokratike vendosi vijimin e ndërthurjes së aksionit opozitar me përgatitjet për zgjedhjet, ato lokale, pas atyre brenda partisë. Një tjetër temë diskutimi e mbledhjes së grupit të Partisë Demokraitke ishte edhe vizita e përfaqësuesve të Komisionit të Venecias, të cilët ndodhen në një vizitë dy ditore në Tiranë për të mbledhur informacione lidhur me opinionin që pritet të japin brenda dy javësh, mbi propozimin e demokratëve për ndryshime kushtetuese me qëllim shtrirjen e Vettingut edhe në politikë, veçse në gjyqësor.

Sa i përket zgjedhjeve brenda partisë, mësohet se kreu i demokratëve Lulzim Basha ka kërkuar që procesi i zgjidhjes së kryetarëve të degëve të përfundojë brenda dy javëve të ardhshme, duke i paraprirë edhe mbledhjes së Kuvendit Kombëtar në datë 15 Dhjetor. Është ky organ ai i cili do të zgjedhë Këshillin Kombëtar të kësaj force politike, që më pas zgjedh sekretarin e përgjithshëm të partisë dhe nënkryetarët e saj. Menjëherë pas kësaj procedure do të nisë edhe ngritja e shtabeve elektorale për përgatitjet për zgjedhjet lokale 2019. Gjatë mbledhjes së grupit demokratët kanë konfirmuar gjithashtu vijimin e mbështetjes së protestës së banorëve që preken nga projekti i zgjerimit të Unazës së Re./abcnews.al

BALLA-SINKRON.mpg_snapshot_01.48-1280x720.jpg
G. P.10:23 | 03/09/2018

Kërkesa për dialog nuk do të mungojë nga ana e Partisë Socialistë. Partisë Demokratike do t’ja shtrijnë dorën e bashkëpunimit për çështje të rëndësishme në dobi të integrimit europian të vendit, në dobi zhvillimit ekonomik dhe social të Shqipërisë. Në këtë përfundim është arritur në mbledhjen e kryesisë së Partisë Socialiste që u zhvillua këtë hënë.

Nuk dihet ende nëse do të ketë ndryshime në qeveri pas rezultateve që prodhoi turi llogaridhënës që zgjati dy muaj. Kësaj pyetje Taulant Balla i përgjigjet me ndryshimet që do të pësojë sekretariati i Partisë Socialiste. Tashmë kryesia e Partisë Socialiste është përqendruar në përgatitjet për zgjedhjet vendore të vitit 2019. Në mbledhjen e parë pas pushimeve u diskutuan dhe u miratuan çështjet për të cilat të premten do të thërritet Asambleja Kombëtare e Partisë Socialiste.

Sekretari i përgjithshëm Taulant Balla njoftoi për fillimin e një fushate kombëtare anëtarësimesh të reja në Partinë Socialiste me qëllim që të bëjnë një ri-organizim më të mirë strukturor dhe elektoral në të gjithë territorin në përgatitjen e zgjedhjeve të reja vendore të vitit të ardhshëm./abcnews.al

“PS mblodhi sot kryesinë e cila diskutoi dhe më pas miratoi çështjet për të cilat të premtën do të thirret Asambleja Kombëtare, e cila do të jetë e fokusuar tërësisht, së pari në një raport llogaridhënie publike të qeverisë për punën që kemi bërë deri më tani për Shqipërinë që duam. Për secilën prej njesive administrative, në të gjithë territorin, ne kemi identifikuar të gjitha problematikat e mbajtura shënim nga ministrat të cilët morën pjesë në këtë proces llogaridhënie, por edhe nga të gjitha strutktuarat e PS  të cilat e ndoqën këtë proces. Për ne është shumë e rëndësishme që përkrah procesit të llogaridhënies, të fillojmë pothuaje prej sot një fushatë kombëtare anëtarësishmesh të reja në PS me qëllim që të bëjmë një riorgainizim më të mirë strukturor dhe elektoral në të gjithë territorin në përgatitje të zgjedhjeve të reja vendore të vitit të ardhshëm dhe përkrah kësaj ne do të jemi të fokusuar në një proces më të hollësishëm komunikimi dhe dëgjesash, ku përfaqësuesit vendorë të Partisë Socialiste në nivel kryetarë bashkish, apo anëtarë të këshillave bashkiakë do të rikthehen sipas kësaj fushate që kemi miratuar sot në çdo cep, në çdo fshat, në çdo lagje, në çdo komunitet për të dëgjuar e për të mbajtur shënim sepse për ne është shumë e rëndësishme si PS, partia më e madhe e të gjithë shqiptarëve, që të kemi të gjithë vëmendjen tek njerëzit. Për PS dialogu dhe komunikimi me opozitën është thelbësor. Ne, përveç pjesës së shpifjve të cilave nuk mund ti japin dot përgjigje, për çdo çështje tjetër kemi të gjitha mundësitë të zhvillojmë një dialog konstruktiv në dobi të integrimit europian të vendit, në dobi të zhvillimit ekonomik dhe social të Shqipërisë.”/abcnews.al

edi-drama-1280x716.jpg
G. P.12:26 | 16/04/2018

Deputetët socialistë nuk duhet t’i kundërpërgjigjen provokimeve të opozitës. Ka qenë kjo këshilla që i ka dhënë Kryeministri Edi Rama grupit paralmentar në mbledhjen që zhvilloi me dyer të mbyllura.

Një javë më parë seanca plenare është shoqëruar me tensione dhe përjashtime të deputetëve, një prej të cilëve është edhe ministri për Evropën dhe Punët e Jashtme, Ditmir Bushati.

Një tjetër temë e mbledhjes së grupit parlamentar socialist ka qenë puna me bazën. Kryeministri Rama ka kërkuar që të shpërndahen nëpër zona e të angazhohen në terren, sikur zgjedhjet të jenë këtë Qershor./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono