grupe kriminale

xhafaj.jpg
gra moz13:10 | 16/04/2018

Gjatë një takimi me qytetarë të Elbasanit për sigurinë publike, ministri i Brendshëm, Fatmir Xhafaj, ka deklaruar se në Elbasan operojnë 3 grupe kriminale. Ministri ishte i drejtpërdrejtë, kur u shpreh se Policia e Shtetit do t’ua nxijë jetën kriminelëve në Elbasan, por edhe në të gjithë vendin.  

Fatmir Xhafaj: “Ne kemi këtu dy-tre grupe kriminale, të cilat i njohim shumë mirë. Po punojmë për to. Secila prej tyre duhet të jetë e qartë që policia do t’ua nxijë jetën në mënyrë që veprimtaria e tyre kriminale të mund të përballet me drejtësinë”.

Duke folur në këtë takim me qytetarët elbasanas, ministri i Brendshëm shtoi se, gjatë katër muajve të fundit janë goditur nëpërmjet “Forcës së Ligjit” 7 grupe të struktuara kriminale, dhe janë prangosur 100 anëtarë të tyre.

 Fatmir Xhafaj: “Brenda pak muajve ne kemi arritur të skedojmë të gjitha grupet kriminale që veprojnë në Shqipëri apo e ushtrojnë veprimtarinë e tyre jashtë vendit në bashkëpunim edhe me grupe të tjera kriminale. Në bashkëpunim me Prokurorinë, rretheve gjyqësore apo dhe Prokurorisë së Krimeve të rënda kemi mundur të godasim një pjesë të madhe të këtyre rasteve kriminale”.

Ministri pranoi se edhe në radhët e Policisë së Shtetit ka policë që nuk e meritojnë të shërbejnë nën uniformë. Por Xhafaj garantoi se Vettingu që ka nisur në strukturat e policisë do t’i largojë këta efektivë nga sistemi.

 Fatmir Xhafaj: Ne morëm një proces të tillë, që është vettingu në radhët e policisë, i ngjashëm me atë të gjyqtarëve dhe prokurorëve dhe që është duke dhënë frytet e para dhe që është duke prodhuar drejtësinë që kjo mazhorancë është fokusuar fort”.

Sipas ministrit të Brendshëm, policia është para disa sfidave, ku proritet mbetet forcimi i policisë në komunitet./abcnews.al

ardi-veliu-1280x662.jpg
gra moz15:47 | 17/03/2018

Policia e Shtetit bëri të ditur detaje të megaoperacionit kundër trafikimit të jashtëligjshëm të shtetasve shqiptarë drejt SHBA-së, Kanadasë dhe Anglisë. Kreu i policisë së shtetit, Ardi Veliu, zbardhi skemën e përdorur nga trafikantët, iteneraret e ndjekura, si dhe pagesën që i merrnin çdo klandestini.

Policia e Shtetit dhe Prokuroria për Krimet e Rënda goditën një rrjet të trafikimit të paligjshëm të gati 1 mijë shqiptarëve drejt Anglisë, SHBA-ve dhe Kanadasë.

Detajet e megaoperacionit të zhvilluar pas një hetimi disamujor të strukturave shqiptare në bashkëpunim me agjencitë ligjzbatuese partnere si edhe Europol e Interpol u bënë të ditura nga kreu i Policisë së Shtetit, Ardi Veliu.

Ardi Veliu: “Nga veprimet hetimore të kryera, rezulton se 7 grupe të strukturuara kriminale, të cilat operonin në Shqipëri, Bullgari, Spanjë, Francë, Republikën Domenikane, Itali, Britani, Irlandë, ShBA e Kanada, kanë mundësuar kontrabandimin e rreth 1 mijë personave (shtetas shqiptarë) në drejtim të Mbretërisë së Bashkuar, ShBA-ve dhe Kanadasë.
Për çdo person paguhej nga 7 000 paund për në Mbretërinë e Bashkuar dhe nga 25 000 deri në 30 000 dollarë për në ShBA dhe Kanada.
Pjesëtarët e këtyre grupeve kriminale përmes veprimeve aktive ndihmonin shtetasit shqiptarë të interesuar për të emigruar në mënyrë të paligjshme drejt vendeve të mësipërme, duke falsifikuar dokumenta udhëtimi dhe identiteti të vendeve të BE-së.
Ata përdornin iteneraret:
• Shqipëri – Itali – Mbretëri e Bashkuar
• Shqipëri – Francë – Mbretëri e Bashkuar
• Shqipëri – Bullgari – Belgjikë – Republika Domenikane – SHBA / Kanada
• Shqipëri – Spanjë – Amerika Latine – SHBA/Kanada”.

Sipas Veliut, për llogari të këtij hetimi, Gjykata për Krimet e Rënda ka lëshuar 51 fletë arresti, nga të cilat 39 janë ekzekutuar dhe 12 të tjerë janë shpallur në kërkim.

Ardi Veliu: “Gjithashtu janë arrestuar edhe 4 punonjës të Policisë së Shtetit, me detyrë kontrollorë në Pikat e Kalimit Kufitar, Hani i Hotit dhe Qafë Thanë, të cilët kanë shpërdoruar detyrën duke mos kryer regjistrimin e shtetasve të kontrabanduar në pikat e kalimit kufitar, në kundërshtim me ligjin.”

Hetimet për këtë procedim penal vijojnë në lidhje me persona të tjerë të përfshirë në këtë aktivitet kriminal./abcnews.al

vlcsnap-error948-1280x721.jpg
gra moz22:43 | 13/02/2018

Ministri i Brendshëm, Fatmir Xhafaj, ka deklaruar se shumë shpejt do të zhvillohen operacionet për ndalimin e disa grupeve kriminale që operojnë në Durrës dhe Krujë. Ai ndodhej për një analizë të punës së Policisë së Durrësit në qytetin bregdetar.

Durrësin dhe Krujën i presin ditë jo të qeta.

Disa grupe kriminale me rrezikshmëri të lartë do të neutralizohen.

Paralajmërimi erdhi nga ministri i Brendshëm, Fatmir Xhafaj, pas një inspektimi në pikën kufitare të portit të Durrësit.

Fatmir Xhafaj: “Në qytetin e Durrësit dhe në territorin e Krujës dhe të Fushë Krujës ka disa grupe kriminale, të cilat paraqesin rrezikshmëri shoqërore. Janë të skeduara dhe po punohet nga ana e policisë në bashkëpunim me Prokurorinë dhe me institucionet e tjera ligjzbatuese për t’i vënë shumë shpejt përpara përgjegjësisë ligjore”.

Drejtori i Përgjithshëm i Policisë së Shtetit, Ardi Veliu, tha se po bashkëpunohet ngushtë me homologët italianë dhe më gjerë për bllokimin e rasteve të trafikut të drogës.

Ardi Veliu: “Ne jemi duke bashkëpunuar ngushtë me kolegët tanë italianë dhe rastet kur janë zbuluar dhe janë kapur gomonet dhe sasitë e lëndëve narkotike i kemi prezent dhe i keni pasqyruar nëpërmjet mediave tuaja”.

Ministri i Brendshëm, Fatmir Xhafaj, kërkoi mirëkuptimin e biznesve për radhët e gjata që në port.

Ai sqaroi se tentativat e trafikut të lëndëve narkotike kanë sjellë edhe këto kontrolle të imtësishme./abcnews.al

vlcsnap-error432-1280x720.jpg
ent ela13:31 | 07/02/2018

Kryeprokurorja Arta Marku e cila ishte në Elbasan për analizën vjetore të Prokurorise  tha se “duhet të hetohen në mënyrë efikase, e shkuara dhe e tashmja e personave me precedentë kriminalë dhe me pasuri të dukshme ardhur në mënyrë të paligjshme”.

Në takim nuk u lanë gazetarët dhe as vetë Marku nuk u deklarua për ta jashtë analizës, por sipas pjesmarrësve thuhet se ajo ka theksuar që “Elbasani rezulton pikë e nxehtë e grupeve kriminale tashmë të sofistikuar, moderuar dhe prezentë në jetën publike të qytetit, duke investuar në tregun privat dhe punët publike”.   Pavarësia e Prokurorëve në rrethe nuk do të thotë pavarësi nga ligji, u shpreh  Marku. Para Elbasanit, për analizë vjetore Kryeprokurorja Marku ka qenë edhe  në Shkodër./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono