grumbullimi

PARTIZANI-SHPALL-LISTEN_ABC-M4-T2.mpg_snapshot_00.03-1280x720.jpg
ent ela22:30 | 05/07/2019

Skuadra e Partizanit ka shpallur listën e lojtarëve të grumbulluar për ndeshjen ndaj Karabag. Në grupin me 23 futbollistë nuk ka mungesa të rëndësishme.

Partizani po përgatitet maksimalisht për ndeshjen e turit të parë kualifikues të Champions League ndaj Karabag. Të kuqtë kanë një sfidë tepër delikate përballë një kundërshtari mjaft të fortë që luan rregullisht në Champions dhe Europa League. UEFA ka publikuar listën e Partizanit për sfidën e javës së ardhshme ku bëjnë pjesë 23 futbollistë. Trajneri Lerda ka grumbulluar për ndeshjen ndaj skuadrës azere 5 mbrojtës, ndërkohë që mungon Idrizaj për shkak të dëmtimit. Të grumbulluarit e partizanit janë:

Portier Alban Hoxha, Aldo Teqja dhe Dashamir Xhika. Në mbrojtje Egzon Belica, Enea Bitri, Esin Hakaj, Labinot Ibrahimi dhe Lorenc Trashi. Në mesin e fushës janë të gatshëm Bruno Telushi, Romero, Kristi Kote, Esat Mala, Broja, Kodra, Lukas, Jasir Asani dhye Uilliam Kordeira.

Ndërkohë që faza sulmuese ashtu sikurse sulmi është i mbipopulluar. Mensah, Çinari, Bardhi, Ekuban, Solomon dhe Braun janë lojtarët  që Partizani ka ftuar për ndeshjen kualifikuese ndaj skuadrës së Karabagut.

Ndeshja do të zhvillohet në datën 10 korrik në Selman Stermasi duke filluar nga ora 17:30. /ABC News Albania 24/7

TIRANA-NE-PRAG-TE-FAZES-PERGATITORE_ABC-M4-T2.mpg_snapshot_00.21-1280x720.jpg
ent ela21:30 | 04/07/2019

Skuadra e Tiranës do të fillojë grumbullimin për t’u përgatitur në prag të sezonit të ri. Ne kampin bardh e blu priten minimalisht edhe dy përforcime të tjera.

Skuadra e Tiranës do të fillojë grumbullimin së shpejti për t’u përgatitur për edicionin e ri që starton në fundin e muajit gusht. Drejtuesit e klubit bardh e blu konfirmuan fillimisht trajnerin Ardian Mema në krye të klubit, i cili u pasua me tre nënshkrime të rëndësishme si Batha, Kale dhe Torrasa. Trajneri i cilëson tepër të rëndësishme blerjet, pasi klubi fillimisht mori miratimin e teknikut kryeqytetas e me pas finalizuan aksionin. Tirana do të nisë fazën përgatitore, por drejtuesit do të vijojnë punën për merkaton, pasi skuadra nuk është ende e kompletuar.

Sulmuesi Ismael Dunga dhe mbrojtësit Tefik Osmani janë nën lupën e klubit më titullar në Shqipëri. Me Osmanin konkretizimi mund të arrihet më lehtë, ndërkohë që për sulmuesin afrikan çështja është disi më e kompleksuar, megjithëse palët kanë gjetur akordin prej kohësh, por problem mbetet skuadra e Luftëtarit. Në dyshim është sulmuesi Majkell nga e ardhmja e të cilit varet shumë nga afrimi ose jo i sulmuesit të gjirokastritëve. Bardheblutë kërkojnë të ndërtojnë një skuadër të madhe dhe ambicioze për sezonin e ardhshëm ku kërkohet t’i rikthehet lavdia e munguar prej vitesh me radhë. /ABC News Albania 24/7

KOMBETARJA-REJA-KERKON-ME-SHUME-KOHE-_ABC-M4-T2.mpg_snapshot_00.02-1280x720.jpg
ent ela22:12 | 15/05/2019

Kombëtarja shqiptare do të nisë grumbullimin javën e ardhshme nën urdhrat e trajnerit Edi Reja. Tekniku Italian do të ketë rreth dy javë kohë për të përgatitur ekipin për ndeshjen e parë ndaj Islandës.

Me pak se një muaj na ndajnë nga takimi mes kombëtares së Shqipërisë dhe islandes në Rejkjavik. Trajneri i kuqezinjve Edi Reja nuk kërkon të humbasë kohë dhe pritet të nisë grumbullimin në qendrën stërvitore në Durrës javën e ardhshme dhe do të zgjasë deri në datën 2 qershor. Janë plot 9 futbollistë të cilët janë të lirë pasi nuk kanë më impenjime me klubet respektive dhe do të jenë në dispozicion për kuqezinjtë. Bie në sy emri i mbrojtësit Marash Kumbulles që aktivizohet me skuadrën e Veronës në Serinë B italiane. Lojtari në fjale ishte në planet e trajnerit Panuçi për duelin me Turqinë, por dëmtimi e ndikoi në mosgrumbullimin e tij. Në skuader do të rikthehet Mëgrim Marvaj i cili do të mungojë ndaj Islandës, ndërkohë që do të jetë i gatshëm për Moldavinë në Elbasan Arena. Edi Reja pritet që fillimisht të grumbullojë Enea Mihaj, Kastriot Dermakun, Marash Kumbulle, Ergys Kaçen, Mërgim Mavrajn, Migjen Bashën, Eros Grezden, Emanuele Ndoj dhe Amir Abrashin. Pas përgatitjes në Shqipëri, kombëtarja do të udhëtojë në Frankfurt të Gjermanisë ku do të qendrojë për katër ditë e më pas do të udhëtojë në Rejkjavik për ndeshjen zyrtare me Isalndën, ndërkohë tri ditë më pas do të presë në Elbasan Arena Moldavinë, ku fitorja nuk duhet të diskutohet për asnjë moment. Edi Reja ka trashëguar nga paraardhesi i tij një skuadër të shthurur dhe pa ide ndaj dhe puna pritet të jetë kolosale për të imponuar një frymë të re në skuadër. Koha do të tregojë nëse trajneri Italian me experiencë shumë vjeçare do të vendos kuqezinjtë në ekuilibrat e duhura. /ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono