griezmann

grizman.png
G. P.22:32 | 11/07/2019

Sulmuesi francez Antoine Griezmann mund të firmosë për Barcelonën javën e ardhshme. Mediat në Spanje e bëjnë fakt të kryer kalimin e 27-vjeçarit tek katalanasit.

Zyrtarizimi i Antoine Griezmann si lojtar i Barcelonës është vetëm çështje kohe. Sipas së përditshmes spanjolle “Mundo Deportivo”, katalanasit do të paguajnë klauzolën e futbollistit prej 120 milionë euro.

E përditshmja tjetër katalanase “Sport” zbulon se në kontratën e re Griezmann do të ketë një klauzolë largimi prej 300 milionë euro ndërkohë që futbollisti pritet të prezantohet ditën e hënë si përforcimi më i ri i kampionëve të Spanjës.

Nuk bëhet e ditur kontrata që do të nënshkruajë kampioni i botës me Francën, por tashmë është e qartë se 27-vjeçari ka pranuar një ulje të pagës për te firmosur me Barcelonën. Afrimi i mëngjarashit tek katalanasit mund të ketë një efekt zinxhir për objektivin tjetër të Barcelonës, Neymar.

Braziliani nuk ka pranuar të paraqitet në grumbullim me skuadrën e Paris Saint Germain duke dhënë sinjale të forta se dëshira e tij është rikthimi në Katalunjë. Gjithsesi Barcelona nuk mund të paguajë klauzolën e Neymar që kushton plot 270 milionë euro nëse nuk i siguron këto të ardhura nga shitja e futbollistëve të tjerë në skuadër. Nënshkrimi i Griezmann me kampionët e La Liga-s ka komplikuar jo pak rikthimin e Neymar në Camp Nou./ABC News Albania 24/7

griezmann-a-1280x956.jpg
G. P.13:35 | 05/07/2019

Antuan Griezmann është emri që pritet të krisë raportet mes skuadrës së Atletico Madrid dhe Barcelonës. Futbollisti francez ka lajmëruar largimin nga Los Kolchoneros fundin e sezonit të kaluar, por është ende nën kontrate me Atletico Madrid. Destinacioni i tij i ardhshëm pritet të jetë Barcelona që kanë një interes të jashtëzakonshëm për futbollistin e kombëtares franceze.

Mediat në Spanjë aludojnë se futbollisti ka nënshkruar një parakontratë me skuadrën kampione në fuqi të Spanjës, çka e ka irrituar jo pak Presidentin e skuadrës se Atletico Madrid, Enrike Kerezo. Ai e bëri të qartë se nëse palët kanë gjetur akordin do të ketë pasoja si për Barcelonën ashtu edhe për Griezmann.

“Të jem i sinqertë nuk e di nëse Griezmann ka firmosur një marrëveshje me Barcelonën. Nëse është e vërtetë ajo që thuhet do të ketë pasoje për të dyja palët. Klubi nuk është në dijeni nëse ai do të shkoje ose jo te Barcelona. Duhet të pritet pak ditë për të zbuluar të ardhmen e Griezman”, tha presidenti i Atletiko Madrid.

Klauzola e Griezmann zbriti në datën 1 Korrik nga 200 milinë euro në 120 milionë euro dhe Barcelona është e gatshme të paguajë klauzolën e 28-vjeçarit. Atletiko ka gjetur menjëherë pasuesin e Griezmann, i cili është Joao Feliks. Madrilenët shpenzuan plot 124 mln euro për shërbimet e 19-vjeçarit i cili është shndërruar në futbollistin më të shtrenjtë në historinë e klubit spanjoll.

“Është një goditje e madhe nënshkrimi me Feliks. Ai u kërkuar nga shumë skuadra në Europë dhe ne jemi me fat që futbollisti preferoi të luante për Atletikon. Nuk mund të them nëse është apo jo në nivelin e yjeve të tjerë, por këtë do ta tregojë koha”, tha presidenti i Atletiko Madrid, Enrike Kerezo.

Los Kolchoneros janë përforcuar dukshëm në merkato dhe pritet të zhvillojnë një tjetër sezon madhështor./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono