grida duma

MIRELA-ME-GRIDEN-_-VASILIKEN.mpg_snapshot_07.30-1280x720.jpg
ent ela20:07 | 19/06/2019

E pyetur për dhunën e opozitës në disa KZAZ në vend, Duma shprehet se policia po ndërhyn jashtë kompetencave të saj në asetet që administrohen nga bashkitë, ndërsa kundërshtinë e OSBE-së për dhunën në KZAZ e sheh si një kujdes normal të tyre.

“Kemi policinë që jashtë kompetencave të saj ndërhyn në asetet që administrohen nga bashkitë. Opozita është duke bërë misionin për të sjellë institucionet në këtë vend.

Është administrimi nga bashkitë i aseteve të tyre. Një kujdes normal i tyre përsa i përket materialeve zgjedhore”.

Sipas Dumës vendi është në kolaps se nuk ka institucione, ndërsa përgjegjësia bie mbi mazhorancën.

“Në situatën aktuale data e zgjedhjeve është dekretuar nga Presidenti është institucioni më i lartë ka botim në fletore zyrtare që e bën zhdekretimin të ligjshëm. Kemi policinë që jashtë kompetencave të saj ndërhyn në asetet që administrohen nga bashkitë.

Me kod zgjedhor nëse do kishte një datë zgjedhjesh. Nuk ka asnjë paqartësi. Nëse do hidhet poshtë zhdekretin e presidentit vetëm Gjykata Kushtetuese. Data e zgjedhjeve botohet në fletoren zyrtare.

KQZ nuk është organi kompetent që diskuton mbi dekretin e Presidentit. Vendos vetëm Gjykata Kushtetuese. A duhet të mbajë përgjegjësi rama që nuk ka Gjykatë Kushtetuese? Padiskurim. A është vendi në kolaps se nuk ka institucione? Padiskutim mazhoranca është përgjegjëse se nuk ka Gjykatë Kushtetuese e institucione nuk ka institucion që kontrollon Parlamentin”.

Kërkesën për shkarkimin e Metës demokratja Grida Duma e gjykon si presion të plotë. Në studion e Mbrëmje në ABC Neës Duma tha se Presidenti ka ushtruar detyrat veta, në një kohë kur nuk funksionojnë institucionet kryesore në vend.

“Kërkesa për shkarkimin e Metës është presion i plotë. Presidenti ka ushtruar detyrat veta. Nëse ka një institucion që bën detyrat e veta është vetëm institucioni i Presidentit. Nuk ka as prokuror, as Gjykatë Kushtetuese, as Gjykatë të Lartë. Do ishte fatale nëse do ishte pjesë e nomenklaturës së Ramës”. /abcnews.al

grida-duma.jpg
ent ela19:40 | 19/06/2019

Ish deputetja demokrate Grida Duma ka folur në studion e Mbrëmje në ABC News për dhunën e opozitës në KZAZ, protestën e së premtes, dhe atë që pritet të ndodhë më 30 qershor.

“Ka njerëz që thonë do bëjmë diçka apo të ikim nga ky vend”. Nën këtë zë të qytetarëve  ish deputetja demokrate Grida Duma ka justifikuar sjelljen e opozitës në protesta, ku sipas saj nuk ka patur asgjë më shumë veçse qëndresë dhe dhunë brenda kufirit të protestës.

“Asnjëra nga protesta nuk ka pasur gjë tjetër veç qëndresë. Edhe kur është spekuluar ka apo jo dhunë ka qenë brenda kufijve të protestës. Çfarëdo lloj shashke e hedhur nga institucionet është brenda kufirit të protestës.

Unë e mirëkuptoj pozicionin e ndërkombëtarëve. Nuk pres që ta thonë bëni revolucion apo tregohuni të ashpër për të mbrojtur demokracinë. Pozicioni i tyre ruan demokracinë.

Kulmimimin e saj PD e pati djegien e mandateve, është veprimi politik ndër më të guximshmit që ka ndodhur në 30 vite sa i përket protestës nuk do ketë asnjë kthim pas, deri sa të realizohen piketat”.

Të gjithë ne që jemi në kontakt me qytetarët se është ndërgjegjëismi për reagimin qytetar. Ne jemi më normalë, sesa vetë qytetarët. Nuk ka protestë ku unë dëgjoj nga qytetarët që duhet qëndresë, duhet forcë.

Ka njerëz që thonë do bëjmë diçka apo të ikim nga ky vend. Është kjo kërkesa që na vjen nga shumë qyetarë. Sot pas 3-4-5 muajsh jemi në situata krejt të ndryshme dhe kësaj duhet t’i njohim vlerën që ka ardh nga protesta qytetare”. /abcnews.al

KRONIKE-GRIDA-TENDERA-SEKRET-SHTETEROR.mpg_snapshot_00.19-1280x720.jpg
ent ela16:22 | 28/05/2019

Partia Demokratike ka akuzuar kryeministrin Rama se fsheh si “sekret shtetëror” kontratat përmes të cilave i dhuron klientëve të tij milionat e taksapaguesve shqiptarë.

Ish-deputetja demokrate Grida Duma i ka dhënë zë hetimit të publikuar nga rrjeti investigativ ballkanik BIRN, duke përsëritur akuzën e kontraktimit nga ana e qeverisë dhe fshehjes nga publiku të kontratave me argumentin e ruajtjes së sekretit shtetëror.

”Kur erdhi në pushtet, qeveria e Edi Ramës ka klasifikuar si sekret shtetëror 216 tendera me vlerë miliona euro.  Fare pak prej tyre janë të tillë që mund të klasifikohen si sekret, ato të Shërbimit Informativ apo të Prokurorisë.

Qindra tendera të tjerë që Edi Rama fsheh janë pjesë e luksit qeveritar, mirëmbajtje godinash, përfshirë kryeministrinë, shërbime qeveritare apo kontrata që kanë të bëjnë me teknologjinë e informacionit. Pjesë e klasifikimit të kontrave publike si sekret është edhe Autoriteti Rrugor Shqiptar”.

E tillë ishte edhe ajo e Unazës së Madhe nga e cila qeveria u tërhoq pas zbulimit të aferës korruptive, thekson Duma.

“Është skandaloze që tenderat për rrugët apo mirëmbajtjen e tyre klasifikohen si sekret shtetëror. Kjo vetëm shmang llogaridhënien dhe transparencën, duke i fshehur publikut abuzimet dhe shekeljet me ligjin”.

PD e dënon si vjedhje këtë sjellje të agjencive qeveritare që grabisin miliona euro dhe fshehin kontratat duke cënuar konkurencën dhe favorizuar miqtë e Ramës, përfundoi Duma. /ABC News Albania 24/7

 

 

 

 

 

Grida-Duma-1280x698.jpg
Sej rie19:40 | 01/05/2019

Ish-deputetja e PD-së Grida Duma e ftuar në “Mbrëmje Ide” është shprehur se opozita nuk e njeh Ramën si Kryeministër, por nuk ka legjitimitet që të mos e njohë si kryetar të PS-së.

 

Teksa fliste për mundësinë e uljes së palëve në tavolinë me ndërmjetësimin e Presidentit Meta, Duma u shpreh se do ta pranojnë Ramën në tavolinë vetëm si kryetar të PS-së. Ndërsa nesër Basha pritet të paraqesë platformën e qeverisë tranzitore, Duma foli për principet kryesore të kësaj qeverie.

“Principet e kësaj platforme kanë të bëjnë me principet që duhet të caktojë qeveria për të shkuar në një rrugë zgjidhje. Kanë të bëjnë qysh nga kontratat e punës në administratës, tek karta e identitetit, të gjitha detyra ekzekutive të qeverisë. Besoj që kohëzgjatje do jetë deri në zgjedhjet e reja parlamentare. Nuk kemi një propozim individual dhe nuk jemi duke caktuar kryeministrin as individin dhe as forcën. Mjafton vetëm të mos jetë Rama. Rama në çfarëdolloj situate nuk do jetë në krye të kësaj qeveria. Rama mendoj se në sensin e partive politike ai do jetë në tryezë, pro si kryeministër i vendit për ne nuk e ka më këtë target. Unë ia kam hequr vetës mandatin dhe vazhdoj të njoh ty si kryeministër?! Në këtë sens nuk mund të ishte si kryeministër sepse do të ishte një goditje kundër vetes. Si kryeministër nuk mund të pranohet, por si pjesë e PS nuk kemi legjitimitetin të themi se nuk mund të jetë”, tha Duma.

Më tej ish-deputetja e PD-së u shpreh se Rama nuk ka shumë alternativa ndaj është u detyruar të shkojë drejt një zgjidhje.

“Pozita në të cilën kemi vendosur Ramën është një pozitë që nuk ka shumë alternativa dhe është i detyruar të shkojë drejt një zgjidhje konsensuale. Ajo çka negociohet është tejkaluar mes formales dhe reales, dhe një marrëveshje tashmë është shkelur nga ana e tij. Ne nuk jemi në Shqipërinë e cila nuk ka ligjet e duhura ne jemi në Shqipërinë që nuk i aplikon ligjet e duhura. Ne e dimë që ai ka lidhje individuale me ata komponentët të krimit që janë problematikë në Shqipëri. Sikur ne të presim kohëzgjatjen e drejtësisë për të ndërtuar demokracinë besoj se nuk do arrijmë kurrë. Ky monitorimi nga ndërkombëtarët është si puna e monitorimit të zgjedhjeve ditën e zgjedhjeve. Nuk ndodh vjedhja e votës në kutinë e zgjedhjeve, nuk ndodh atë ditë”, tha Duma./abcnews.al

gridas-duma-1280x740.jpg
ent ela18:42 | 06/03/2019

Për ish-deputeten e PD-së Grida Duma, opozita po kërkon qeveri tranzitore dhe kjo sipas saj është tregues i dialogut.

“Fakti që kërkojmë qeveri tranzitore është tregues i dialogut. Ne flasim për qëndrimin tonë. Ne dhamë modelin e se jemi të parë që do sakrifikohemi.  Ne kemi thënë qeveri tranzitore dhe nuk kemi thënë zgjedhje të parakohshme.  Ajo që kemi shtruar ne sot është se shkak i lidhjes mes krimit dhe pushteti është Edi Rama”.

E ndërsa më tej ajo ka folur për mundësinë se si opozita do mund të bindë ndërkombëtarët. Sipas demokrates reagimi i tyre ishte i pritshëm nga opozita.

“Unë mendoj se ndaj çdo problemi varet se si vendosesh. Në një tjetër studion unë thash se nuk është djegia e mandateve problemi por zgjidhja e kësaj situate. Djegia e mandateve duhet konsideruar një akt ekstrem mundësisht jo i dëshirueshëm. Ne do ta kthejmë situatën në përfundimin e saj, ne do bëjmë këtë që të kthejmë institucionet. Mendoj se është një vendim i arsyeshëm dhe është një tezë shumë bindëse sepse pikërisht për institucionet po diskutojmë. Ky është një moment i shënjuar jo vetëm në Shqipëri, por edhe në rajon e Ballkanit. Ky moment është një çast historik dhe kërkon shumë vëmendje të niveleve shumë të larta nga ndërkombëtarët. Arbitrin ndërkombëtar është në atë që quhet se është brenda kuadratit të vet.  Unë e dija shumë mirë se ndërkombëtarët nuk do të mbështesnin në këtë lëvizje të opzitës. Ne e dimë shumë mirë se sa punë na duhet për të arritur aty ku duam ne. Ky realitet i brendshëm është më i rëndësishëm sesa politika markro e tyre”.

Duke folur për protestën që do të organizojë opozita më 16 Mars përpara Kryeministrisë për të kërkuar largimin e Ramës, Duma tha:

“16 Marsi nuk është njëlloj si 16 Shkurti në kronologjinë e kohës. Unë e kam thënë që ky është proces dhe do të vendoset tulla tjetër. Është  një proces që nuk ndodh brenda ditësh brenda dy orësh. Se po të bëheshin gjerat brenda një muaji nuk do ishim në debate pas debati dhe politika nuk është kaq e thjeshtë”./abcnews.al

SINKRON-GRIDA-DUMA.mpg_snapshot_00.37-1280x720.jpg
G. P.14:44 | 12/12/2018

Deputetja e PD-së, Grida Duma, e quan pako turpi, shpërblimin e qeverisë me 50 dollarë për çdo pensionist me rastin e festave të fundvitit. Sipas saj, nëse të rinjtë janë sot në protestë për të ardhmen, të moshuarit janë në lëmoshë për jetën.

“Me faturën energjisë të dyfishuar, faturën e ujit të trefishuar, ilaçet mesatarisht mbi 30 mijë lekë të vjetra në muaj, marrin pako denigrimi 50 dollarë në vit”, shprehet deputetja demokrate.

Sipas Grida Dumës, për pensionistët ka vetëm një zgjidhje alternativa e PD, 250 mijë lekë pensioni minimal./abcnews.al

GRIDA-1280x720.jpg
ent ela15:36 | 16/11/2018

Deputetja demokrate Grida Duma ka denoncuar buxhetin 2019 të Rilindjes si antisocial dhe në dëm të profesionistëve të cilët i takson edhe në pagën minimale, ul numrin e familjeve në ndihmë ekonomike dhe indekson pensionet vetëm me 2%.

“Buxheti i Rilindjes godet profesionistet me taksim gjobites te pagave përfshi atë minimale, me të varfërit duke i hequr ndihmën ekonomike si dhe mohon borxhin historik ndaj të përndjekurve politikë, gjithçka për të favorizuar shërbyesit e pushtetit.”

Deklarata vjen nga Partia Demokratike nga foltorja e së cilës, deputetja Grida Duma, denoncimin e ndau në tre kategori.

“Nga 103 mijë para 5 vitesh, sot përftojnë afërsisht 80 mijë, minus 50 mijë familje. Paga minimale parashikohet të rritet me 10 mijë lekë, në një kohë kur shtrenjtimi i jetës kërkon një rritje minimale me 40 mijë lekë në muaj për të përballuar rritjen e çmimeve.  

Në buxhetin 2019 deklarohet se pensionet do të indeksohen sipas inflacionit, pra maksimumi rritja vjetore do të jetë  2%.  Gjatë këtyre pesë viteve, pensionet janë indeksuar si breshka me nga 2 %, ndërsa çmimet dhe faturat e pensionistëve janë rritur deri në 42%“.

E ndërsa një pensionist sipas demokratëve paguan sot bukën 10% më shtrenjtë, ushqimet bazike deri në 35% më shtrenjtë, ujin 40% më shtrenjtë, energjinë 23% më shtrenjtë, shto këtu edhe taksë prone dhe arsimi në disa bashki, indeksimi i pensionit me 2% nuk do të fillojë zbatimin nga data 1 janar, por vetëm dy muaj përpara zgjedhjeve, thekson Duma.

“Shqipëria renditet e fundit në rajon sa i përket vlerës mesatare të pensionit ( rreth 98 euro), në një kohë kur Maqedonia e ka rreth 191 euro dhe Bosnja rreth 179 euro”.

Buxheti 2019 i Rilindjes gjithashtu përgjysmon fondin për ish-të përndjekurit politikë nga 20 milionë në 10 milionë, duke nxjerrë zbuluar premtimin bosh të socialistëve se askush nuk do të mbetej pa paguar sidomos nga trashëgimtarët e parë, përfundoi Duma. Për këtë, taksimi i sheshtë, anulimi i koncesioneve korruptive, pasqyrimi i shtrenjtimit të jetës në pagën minimale, janë zgjidhja e vetme për tëndaluar shkretimin e Shqipërisë në mundësi dhe njerëz, sipas Partisë Demokratike. /abcnews.al

grida.png
G. P.14:43 | 12/10/2018

Partia Demokratike ka deklaruar se ndërsa policia e shtetit është ngritur e gjitha në këmbë për të mbrojtur të vëllain e ministrit të Brendshëm, Fatmir Xhafaj, Shqipëria është e zhytur në kaos. Janë pesë të vrarë vetëm në 24 orë, thekson opozita, ndërkohë që vartësit e Fatmir Xhafës flasin për ulje të krimit.

https://youtu.be/GNtBTRGoEAM

Ndërkohë që policia është ngritur në këmbë për të mbrojtur vëllanë e eprorit të tyre ministrit Fatmir Xhafaj, Shqipëria është e zhytur në kaos dhe kriminalitet. Deklarata erdhi nga Partia Demokratike.

“Vetëm gjatë 24 orëve të fundit janë vrarë 5 persona dhe plagosur disa të tjerë. Jo ditë pas ditë, por orë pas ore vendi është në panik në pasiguri të plotë.. Ndërsa policia është vendosur e gjitha në shërbim të vëllait të Ministrit të Brendshëm, puna e saj është si të fabrikojë prova kundër një gazetari, kundër medias, denoncuesve dhe opozitës”.

Pesë të vrarë vetëm për 24 orë ndërsa vartësit e Fatmir Xhafës flasin për ulje të krimit, thekson Duma e cila një thirrje ia drejton efektivëve të policisë së shtetit.

“Partia Demokratike i bën thirrje atyre burrave dhe grave që rrezikojnë jetën në detyrë  që të kryejnë detyrën e tyre pavarësisht tradhtisë që iu bëjnë drejtuesit politikë të ministrisë së Xhafajt. Koha e tyre po mbaron.Partia Demokratike garanton shqiptarët, por veçanërisht ata burra dhe gra të ndershëm në policinë e shtetit që sakrifikojnë të mos shiten, që shumë shpejt policia e shtetit do të kthehet në funksionin e saj”.

Shqipëria është në duart e krimit, sepse krimi është mendësia me të cilën qeveris Edi Rama sipas demokratëve dhe ky ka qënë paralajmërim i opozitës që po provohet dita ditës, përfundon Duma. /abcnews.al

 

GRIDA-1280x720.jpg
ent ela13:57 | 02/10/2018

Pas intervistave televizive të Xhisiela Malokut e cila deklaroi se nuk është dhunuar nga Rexhep Rraja, demokratët kanë akuzuar kryeministrin si orkestruesin e këtij skenari, ku viktima mbron dhunuesin duke akuzuar vetëveten.

Deklaratë e Sekretares për Marrëdhënie me Publikun në PD, Grida Duma

Sonte shqiptarët ndërsa ndjekin vajzën e dhunuar që mbron dhunuesin, e mpirë e ngrirë agresive e egër ndaj kujtdo që do ta mbrojë; po bëhen dëshmitarët okularë që Shqipëria është tashmë e varur në litarin e pushtetit kriminal.

Sonte litari po shtrëngohet, kujtdo i është marrë frymë se si viktima mbron edhe me humbjen e lirisë së vet dhunuesin.

Sonte vajza e dhunuar por vret veten, po pranon të dënohet për dëshmi të rreme, po lavdëron dhunuesin, po falenderon kërcënuesit dhe po pështyn mbi veten duke shkelur mbi plagët e veta, duke pranuar të banalizohet si një e sëmurë që vetëdigjet me cigare.

Nuk ka fuqi të mendojë sot për sa po rrezikon dhe kjo shpjegohet me vetëm një gjë, kërcënimi që i bëhet tani duhet të jetë edhe më i egër se vetë burgosja e saj.

Kërcënimi duhet të jetë shumë i rëndë, mund të jetë marrje jete të motrës apo nënës, mund të jetë çdo gjë e rëndë që nuk na e kap imagjinata. Dhe jo nuk mund të jetë vetëm një blerje me para, këtë skenar mund ta kishin bërë më parë për heshtjen e saj.

Kërcënimi duhet të jetë shumë më i rendë.

Xhiseila kapet lehtësisht në gënjeshtër nga gazetarët, dhe ajo sërish i gjuan vetes. Ajo mund të pranojë të duket e sëmurë, e ulët e gënjeshtërt madje dhe të dënohet me burg por vetëm një gjë nuk pranon, ti preket dhunuesi.

Pranon të jetë e tallur, ajo zor se gëlltitet dhe nxjerr vrerin e një njeriu në hall jo kur i preket dinjiteti i vet por kur i preket reputacioni i babait deputet të djalit dhunues.

Nuk tha asnjë çast, “vuajtjet e nënës sime prej meje”, nuk tha as “vuajtjet e motrës”, ajo bërtet për prekjen e deputetit.

Shqiptarët e kanë të qartë që sonte ka shpërthyer si një vatër infeksioni, e vërteta therëse dhe ndoshta më e rrezikshme e qindra viteve histori.

Në pushtetitin diktatorial të Hoxhës dhuna e përbindshme ka ndodhur për arsye histerie politike. Në pushtetit ramist viktima është varur në sheshin mediatik dhe po jep shoën se si njeiru pasi dhunohet mund të vetëgoditet për pendesën që preku mafian, ky shoë po bëhet me qëllim shembull që askush mos guxojë të prekë mafian në pushtet.

Ku janë sonte të gjithë agjitpropët që çirreshin se kishin hallin e vajzës së dhunuar. A mendojnë sonte të gjithë ata që janë prindër vetë, ndërsa ironizonin se po përdorej e dhunuara, që e çuan studio më studio, si trup i vdekur ta copëtonin korbat e pushtetit.

Sot e nxorën me fytyrë nëpër ekrane ta poshtëronin.

I bënë publikisht atë që i bënë nëpër hotele. /abcnews.al

SINKRON-GRIDA-DUMA.mpg_snapshot_00.37-1280x720.jpg
G. P.14:03 | 28/09/2018

Demokratët vijojnë denoncimin e heshtjes së kryeministrit për rastin e Xheisila Malokut, vajzës nga fshati Nikël i Krujës e përfshirë në skandalin për të cilin akuzohet djali i deputetit socialist Rrahman Raja. Për deputetn Grida Duma, fakti që vajza nuk ka ende një urdhër mbrojtje dhe kryeministri hesht për rastin e saj, janë prova të qarta të një qeverie që të dhunon me pushtet.

Grida Duma: “Në 48 orët e fundit shqiptarët po ndjekin se si një jetë njerëzore mund të shkelet, dhunohet, coptohet dhe të vritet natën e të vajtohet ditën nga pushteti. Djali i një deputeti që përdhunon, rreh dhe djeg me cigare në mish sipas dëshmisë së saj poston foto me armë dhe simbole me hashash dhe mbetet i lirë. Propaganda shkon më tej, pas dhunimit e përdhunimit po përdoret si klloun për të dëshmuar që “tani është pajtuar me përdhunuesin e madje fajin e ka pasur ajo”. Vetëm me bekimin e Edi Ramës mund të fshihet ky krim makabër, vetëm me bekimin e Edi Ramës bëhet e mundur që:
– djali dhunues i deputetit sot nuk arrestohet dhe është në gjendje të lirë,
– viktima, vajza e përdhunuar është në mëshirë të presionit pa urdhër mbrotje ndërsa jeton në Nikël vetëm me të ëmën me babain e vdekur dhe pa asnjë mbrojtje familjare.
Heshtja e plotë e Kryeministrit për një ngjarje që ka tronditur mbarë shqiptarët është prova e plotë e përfshirjes së tij. Heshtja e Edi Ramës buçet vetëm në veshët e shqiptarëve me thirrje të fortë që shpëtimi I tyre është rrëzimi i këtij pushteti dhunues mbytës e çnjerëzor”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono