Greqi

korca.jpg
ad min13:12 | 29/10/2019

Gjykata e Korçës ka shpallur sot vendimin për vrasjen e 42 vjeçarit Zarif Alliu i cili u masakrua me mjete të forta pas prishjes së pazareve të drogës.

Dy autorët e krimit, David Myrte dhe Spiro Xholi u dënuan respektivisht me 14 dhe 17 vite burg për veprën penale të vrasjes me dashje e kryer në bashkëpunim. Ndërkohë, Prokuroria në pretencë kishte kërkuar 18 vite burg për secilin.

Mbrojtja e të pandehurve ka mbajtur qëndrim mohues ndaj akuzave,ndërsa e ka cilësuar hetimin të paplotë dhe ngjarjen të pazbardhur.

Procesi për vrasjen e 42 vjeçarit Zarif Alla, i cili u gjet i vdekur në afërsi të kufirit me Greqinë, zgjati dy vite e gjysmë dhe u zvarrit për shkak të një letërporosie, e cila erdhi nga Greqia 7 muaj pas kërkesës së palës mbrojtëse.

Në Mars të vitit 2017, në fshatin Braçanj, u gjet i vdekur 42 vjeçari Zarif Alliu dhe i plagosur rëndë shoku i tij Mendor Burnazi.

Policia arrestoi për ngjarjen David Myrten i cili në bashkëpunim me Spiro Xholin, vranë me mjete të forta Zarif Alliun për një borxh prej 12 mijë euro që i detyroheshin viktimës pas transportit drejt Greqisë të një ngarkese me drogë./abcnews.al

5-70.jpg
ent ela09:01 | 29/10/2019

Kryeministri Edi Rama do të zhvillojë sot një vizitë jo zyrtare në Greqi, në të cilën do të ketë edhe një takim me homologun e tij Qiriakos Micotaqis. Që pas ardhjes në pushtet të Konservatorëve në Greqi, ky është takimi i dytë mes dy kryeministrave, pas atij të zhvilluar rreth një muaj më parë në Neë York, ku Rama dhe Micotaqis ishin në kuadër të Asamblesë së Përgjithshme të OKB-së.

Shefi i qeverisë shqiptare do të pritet sot në orën 13:30 në selinë e kryeministrisë greke nga homologu i tij Micotaqis.

Takimi i dy kryeministrave besohet se do të fokusohet në çështjet për të cilat Tirana dhe Athina kanë nisur bisedime prej më shumë se 3 vitesh, por nuk kanë konkluduar ende një marrëveshje. Të tilla janë kufiri detar, të drejtat e minoritetit grek në Shqipëri dhe të emigrantëve tanë në Greqi si dhe mbështetja e fqinjit tonë jugor për Shqipërinë në rrugën e negociatave.

Po sot në Greqi kryeministri shqiptar Edi Rama do të marrë pjesë edhe në një samit të BE me Ligen Arabe, ku është parashikuar të mbaje dhe një fjalim. /abcnews.al

ekstradimi.jpg
Autor E14:04 | 19/10/2019

Policia shqiptare ka ekstraduar sot në drejtim të Greqisë një ukrainas, i cili një vit më parë sulmoi një person me shufër hekuri dhe më pas e goditi 6 herë me thikë deri në vdekje.

Mësohet se është ekstraduar M. Y., 28-vjeç. Ai është kapur në Kakavijë nga policia shqiptare teksa tentonte që të shkonte drejt Greqisë me kartë identiteti, pasaportë dhe patentë, të falsifikuara.

Në momentin e kapjes, ai ka bërë rezistencë.

Deklarata e plotë
Ekstradohet drejt Greqisë një shtetas ukrainas, i kërkuar nga drejtësia greke, i dyshuar për vrasje Nga specialistët e Interpol Tirana u bë ekstradimi, nga vendi jonë drejt Greqisë, i shtetasit ukrainas, M. Y, 28 vjeç.

Ky shtetas ishte shpallur në kërkim ndërkombëtar, pasi autoritetet gjyqësore greke më datë 29.10.2018, kanë lëshuar urdhër-arresti ndaj këtij shtetasi i dyshuar për kryerjen e veprave penale “Vrasja” dhe “Armëmbajtja pa leje”, të parashikuara nga Kodi Penal grek. Më dt 25.04.2018, rreth orës 22:15, në sheshin “Exharcia”, Athinë, dyshohet se shtetasi ukrainas M. Y. në bashkëpunim me një shtetas tjetër ka ka sulmuar një shtetas me një shufër hekuri dhe më pas e ka goditur 6 herë me thikë duke i shkaktuar vdekjen.

Ky shtetas më datë 05.03.2019 është kapur nga shërbimet e Policisë Kufitare të Kakavijes dhe në momentin e kapjes ka kundërshtuar me dhunë punonjësit e Policisë por është neutralizuar dhe prangosur. Shtetasi M.Y, udhëtonte në drejtim të Greqisë me kartë identiteti, pasaportë dhe patentë, të falsifikuara. Si rezultat i bashkëpunimit të Interpol Tirana me Interpol Athina, u bë i mundur ekstradimit i tij drejt Greqisë.

video.mp4_snapshot_00.01-1280x720.jpg
ent ela14:27 | 15/10/2019

Tre persona kanë mbetur të plagosur në qendrën e refugjatëve në ishullin grek të Samos si pasojë e një sherri masiv mes refugjatëve sirianë dhe atyre afganë. Mjekët pa kufij konfirmuan se gjysma e refugjatëve në këtë kamp janë gra dhe fëmijë.

Më shumë se 5 mijë persona janë evakuuar nga një qendër pritjeje për refugjatët në ishullin grek Samos. Një zjarr shpërtheu jashtë kampit si pasojë një sherri masiv mes refugjatëve sirianë dhe afganë. Tre persona mbetën të plagosur, lajm ky i konfirmuar nga policia greke.

Mjekët pa kufij bënë të ditur se  gjysma e refugjatëve në kampin e Samos janë grad he fëmijë.

Pavarësisht përpjekjeve për t’i transferuar, më shumë se 32 mijë emigrantëgjenden aktualisht në kampet e mbipopulluara në ishujt e detit egje. Sherret masive brenda qendrave janë të shpeshta. Në muajin shtator një grua humbi jetën dhe dhjetëra persona mbetën të plagosur në kampin Moria në ishullin e Lesbos. Ky kamp ka kapacitet për 3 mijë vende, pro aktualisht atje qëndrojnë më shumë se 13 mijë persona.

Në ishujt greke tensione për këtë situatë, përshkallëzohen çdo ditë dhe autoritetet i kërkojnë qeverisë që të përshpejtojë operacionet për transferimin e refugjatëve. /ABC News Albania 24/7

-135-Κ..jpg
ent ela21:58 | 14/10/2019

Policia greke ka arrestuar një 43-vjeçar shqiptar, pasi e ishte nën vëzhgim prej disa ditësh, nga Task Forca kundër Drogës në Volos të Greqisë.

Atij ju gjetën rreth 13.5 kg hashash,  të fshehur në një zonë në Anemoutssa, sipër Agrisë, si edhe një shumë prej 25 mijë eurosh.

Shqiptari u arrestua mëngjesin e sotëm në shtëpinë e tij në Agria, në prani të gruas dhe tre fëmijëve të mitur.

Policia e ka referuar materialin në prokurori dhe të martën, shqiptari pritet të dalë përpara drejtësisë për t’u njohur me masën e sigurisë.

Policia me ndihmën e qenit, gjeti dhe sekuestroi  në shtëpinë e 43-vjeçarit, 13 pako me kanabis të papërpunuar 13,47 kg, shumën prej 24,780 € si dhe një telefon celular.

Shqiptari ishte duke “kontrabanduar” drogën në një pronë në vargmalin e Anemucës, ndërsa e kishte vendosur në një vazo të madhe duke e fshehur mes bimëve.

Oficerët ishin njoftuar se ai po trafikonte sasi të mëdha droge dhe e kishin vëzhguar prej ditësh për të gjetur bashkëpunëtorët e tij të mundshëm, por kjo nuk ndodhi. /abcnews.al

 

kanabis.jpg
ad min19:59 | 03/10/2019

“Jo një, as dy… por 1056 rrënjë kanabis”. Kështu e nis lajmin një media greke, e cila bën të ditur se një shqiptar është vënë në pranga në “pyllin” e hashashit pas një operacioni të policisë.

Autoritetet sekuestruan 13 pako me kanabis, pesha e të cilave arrinte deri në 118 kilogramë. Ndërkohë gjatësia e bimëve të drogës arrinte nga 2.5 deri në 4 metra.

Sipas përllogaritjeve, nëse do të dilte në treg droga do të sillte një përfitim prej 800.000 Eurosh. Sasia e kanabisit u sekuestrua në zonën malore të Serres.

Për sa i përket shqiptarit të vënë në pranga, mediat shkruajnë se ai është 35-vjeç, por nuk e kanë bërë publik identitetin e tij.

Ndërkohë policia është duke vazhduar hetimet për të zbuluar personat e tjerë që mund të kenë lidhje me rritjen dhe kultivimin e kanabisit.


/abcnews.al

GREVE-NE-GREQI-1280x720.jpg
ent ela12:00 | 02/10/2019

Për 24 orë çdo gjë është ndalur në Greqi si pasojë e grevës së përgjithshme kundër reformave të punës të ndërmarra nga qeveria e Micotaqis. Ndalen trenat, anijet, shërbimet bankare.

Punëtorët e sektorit privat grek kanë nisur një grevë 24-orëshe, greva e dytë e tillë në mbarë vendin brenda një jave, ku punonjësit protestojnë kundër reformave të punës të planifikuara nga qeveria konservatore. Anijet qëndruan në port, trenat u tërhoqën nga shërbimi dhe shërbimet bankare u ndërprenë. Edhe gazetarët janë bërë pjesë e kësaj greve.

Qeveria e kryeministrit Mitsotaqis planifikon të ndryshojë disa rregulla në mbajtjen e grevave, të lejojë disa ndryshime në paktet e pagave kolektive dhe të krijojë një regjistër për sindikatat, të cilat akuzojnë qeverinë se po përpiqet t’i kontrollojë ose dobësojë ato.

Unionistët gjithashtu besojnë se reformat nuk do të ndihmojnë në uljen e papunësisë, që është me rreth 17 për qind më e lartë në këtë vend të zonës së euros, ose të sjellin sasinë e rritjes ekonomike që qeveria ka premtuar.

Projektligji pritet të votohet këtë muaj.

Vitet e fundit pjesëmarrja në mitingje ka qenë e ulët, kryesisht për shkak të lodhjes pas viteve të krizës që çoi në tre ndihma ndërkombëtare në këmbim të uljes së pensioneve dhe pagave, rritjes së taksave dhe reformave jopopullore të punës.

Fondi Monetar Ndërkombëtar gjithashtu ka kërkuar që tregu i punës të ketë edhe më shumë hapësirë. Qeveria e Mitsotaqis ka premtuar të negociojë një ulje të objektivave me huadhënësit evropianë dhe dëshiron të shpërndajë një bonus pensioni për pensionistët vitin e ardhshëm, siç bëri paraardhësi i tij i majtë para se të humbte zgjedhjet në korrik.

Ai gjithashtu premton të rrisë pagat duke ulur kontributet e sigurimeve shoqërore dhe do të lehtësojë taksimin për të tërhequr investitorë. /ABC News Albania 24/7

 

azilantet-athine-1280x716.jpg
nev ila22:16 | 01/10/2019

Qeveria në Greqi ka ashpërsuar masat për azilantët, duke intensifikuar njëkohësisht procedurat për ata që duhet të deportohen dhe ata që meritojnë azilin. Për qeverinë në Athinë, fenomeni tashmë nuk është një krizë refugjatësh, por emigracioni.

Qeveria greke ka miratuar masa më të ashpra për dhënien e azilit, duke synuar në të njëjtën kohë përshpejtimin e procedurës për ata që e përfitojnë.

Pas ngjarjes së të dielës, kur dy persona humbën jetën gjatë trazirave në kampin e Morias në ishullin e Lesvos, ka filluar largimi i refugjatëve nga ishulli dhe vendosja në pjesën territoriale të vendit.

Duke iu referuar reagimeve të banorëve që nuk dëshirojnë praninë e refugjatëve në zonat e tyre, ministri alternat për emigracionin, Jorgos Koumoutsakos ishte mjaft i prerë:

“Kur ne kërkojmë solidaritet nga vendet e tjera të BE-së, duhet që këtë solidaritet ta tregojmë brenda vendit”, tha ai.

Qeveria miratoi të hënën një plan masash, ku përfshihen: intensifikimi i patrullimeve në vijën bregdetare përballë Turqisë; ndërtimi i qendrave të tranzitimit për personat që mbërrijnë në mënyrë të paligjshme dhe nuk përfitojnë të drejtën e aplikimit për azil; dhe shtimin drastik të numrit të deportimeve, duke arritur në 10.000 persona deri vitin e ardhshëm.

Duke iu referuar statistikave, qeveria thotë se aktualisht janë 75.000 kërkesa për azil të pashqyrtuara.

Qeveria thotë gjithashtu se shumica e personave që mbërrijnë në Greqi vijnë nga Afganistani, Pakistani, vendet afrikane dhe shumë më pak nga Siria.

Rrjedhimisht, për Athinën, nuk ka më krizë refugjatësh, por krizë emigrantësh.

Nga ana tjetër, ata që e meritojnë vërtet statusin e refugjatit dhe azilin synohet t’i kryejnë procedurat brenda tre muajsh./ABC News Albania 24/7

greqia.jpg
ad min17:50 | 30/09/2019

Policia bregdetare greke ka sekuestruar më shumë se një ton drogë, në afërsi të ishullit Alonisos, në detin Egje. Droga, e paketuar në 103 kuti të mëdha, ishte fshehur në një shpellë, në një ujdhesë shkëmbore dhe për gjetjen e saj u përdorën qentë e zbulimit si dhe polumbarë.

Operacioni filloi një ditë pasi u ndalua një skaf në ishullin Agistri, dhe u arrestua drejtuesi i tij, një shtetas shqiptar. Ky ishte një nga dy skafet që autoritetet greke po kërkonin që prej disa ditësh dhe dyshohet se kishte transportuar drogë nga Shqipëria për në Turqi.

Një tjetër skaf, që gjithashtu dyshohej se kishte çuar drogë nga Shqipëria në Turqi u ndalua pas një përndjekjeje kinematografike të mërkurën dhe u arrestuan tre personat që ndodheshin në bord, dy shtetas shqiptarë dhe një italian.

Për operacionin e sotëm priten njoftime të detajuara nga policia bregdetare greke./ABC News Albania 24/7

GREQI-TE-ARRESTUARIT-M1T1.mpg_snapshot_00.55-1280x720.jpg
ent ela19:24 | 26/09/2019

Dy shtetasit shqiptarë të arrestuar nga marina greke në bordin e një gomoneje me drogë kanë zgjedhur të heshtin përpara hetuesve helenë, që po përpiqen të zbulojnë rrënjët e grupit kriminal që fshihet pas linjës së trafikut Shqipëri-Turqi-Greqi.

Autoritetet greke po kryejnë hetime intensive për të identifikuar grupin kriminal të përfshirë në trafikun e drogës me gomone, pas sekuestrimit të njërës prej tyre ditën e mërkurë nga marina helene. Sipas mediave greke, autoritetet në vendin fqinj kanë marrë në pyetje tre trafikantët që ndodheshin në bordin e gomones, dy shtetas shqiptarë dhe një italian, por ata kanë zgjedhur të heshtin. Sidoqoftë, hetuesit kanë konstatuar se dy mjetet lundruese, nga të cilat u bllokua vetëm njëra, ishin nisur nga jugu i Shqipërisë drejt Turqisë për të bërë një shkëmbim lëndësh narkotike. Më pas, malli i marrë nga Turqia do të shitej në tregjet e Greqisë, Shqipërisë dhe Italisë – shkruan gazeta “Protothema” në edicionin e saj online. Sipas burimit, gjatë ndjekjes në det të hapur, trafikantët kanë hedhur në ujë një pjesë të drogës. Zyrtarët grekë ishin në dijeni të lëvizjeve të dy gomoneve, por ishin në pritje që ato të mbërrinin në Greqi për t’i ndaluar dhe për të arrestuar të dyshuarit dhe kontaktet e tyre në territorin helen. Gomonia u ndoq për disa orë nga roja bregdetare greke dhe u ndalua falë përdorimit të një snajperi që qëlloi motorin e saj nga një helikopter. /ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono