Greqi

andoni-1.jpg
Vladimir Prenga13:14 | 28/01/2020

AEL nuk i dha shumë hapësira gjatë këtij sezoni dhe me mbylljen e pjesës së parë të sezonit Faton Andoni ka ndryshuar skuadër. Mesfushori do të vijojë të luajë në Greqi, por jo në elitë këtë herë. Futbollisti 28-vjeçar, pas katër vitesh është larguar nga AEL dhe tani do të luajë në ligën e dytë.

Ai ëshët rikthyer tek Apollon Smyrnis, që ka njoftuar blerjen e mesfushorit. Nuk bëhet me dije se çfarë marrëveshje është nënshkruar. Andoni më parë ka veshur edhe fanellën e Ethnikos Asteras, Panachaiki dhe Lamia.

Gjatë eksperiencës me Larissa në Superligë, Andoni u aktivizua gati 100 ndeshje dhe shënoi 8 gola. Mesfushori është gati për aventurën e re me Apollon Smyrnis, që renditet në vendin e dytë dhe kërkon të ngjitet në elitën e futbollit grek. /abcnews.al

koka01-mesa.jpg
nev ila16:20 | 27/01/2020

Shkatërrimi i kartelit të kokainës në Greqi ka nxjerrë në skenë edhe njëherë forcën e grupeve kriminale shqiptare.

Siç shkruajnë mediat greke, dy agjentë të infiltruar kishin arritur të fitonin besimi e grupit kriminal dhe të futeshin në të në shtator 2018. Madje, njëri prej tyre, siç shkruan “Proto Thema”, ishte në velierën që transportoi drogën nga Karaibet në Astako.

Për dy vjet ata regjistruan lëvizjet e kartelit të drogës, duke njoftuar autoritetet, edhe me rrezik personal.

Kreu i grupit rezulton një kriminal nga Shqipëria me pseudonimin “Doktori”, ndërsa bashkëpunëtorët e tij jetonin prej vitesh në Greqi. Ai kishte lidhje në Afrike dhe në Spanjë.

Agjentët me emrat e rremë “Stavros Triantis” dhe “Kyriakos Stratias” regjistruan lëvizjet e kartelit dhe të velierës “Baracuda 7” me flamur grek.

Në 9 nëntor 2018, “Baracuda 7” niset nga Alimo për udhëtimin e largët dhe të jashtëligjshëm të transportit të drogës. Në velierë ndodhet agjenti i infiltruar “Stavros Triantis” dhe një trafikant nga Shqipëria, i quajtur Arben, banues në Spanjë.

Arbeni kishte komunikim të vazhdueshëm me organizatën, përmes një pajisjeje të veçantë komunikimi, nga e cila merrte urdhra.

Karteli i kokainës e nisi velierën 15 muaj më herët, duke pasur qëllim që të transportonte drogën në Astako, Aitiloakarnanias, në fillim të 2020.

Në 4 Dhjetor 2018, veliera arriti në portin e Tenerifes, bashkë me të sipërpërmendurit.

Në orët e mëngjesit të 13 dhjetorit 2018, në veliere shkuan dy shtetas shqiptarë, që të takonin ekuipazhin, ndërkohë që në takim kishte dhe persona të tjerë.

Në vazhdim, teksa panë prezencën e policëve spanjollë, që i ndiqnin, u vendos që të mos merrej asnjë vendim, deri në realizimin ose jo të udhëtimit.

Të nesermën një nga dy drejtuesit iku në rrugë ajrore nga Tenerife drejt Barcelonës.

Organizata kishte frikë se mos kishte ndonjë pajisje përgjuese në velierë dhe për këtë u kontrollua, dhe gjatë qëndrimit në Karaibe ndërroi disa herë vendqëndrim.

Organizata kishte tentuar dhe dy herë të tjera të transportonte drogë, por pa ja arritur qëllimit. Sipas agjentit të infiltruar, hera e parë ishte në tetor 2018 me mjet lundrues të pikasur në Marina Alimou.

Sipas agjentit, në mes të Janarit 2019, veliera arriti në Martinika të Karaibeve. Muajt kalonin dhe me urdhër të organizatës, “Stratia” hipi në velierë për të transportuar ngarkesën në Prevezë.

Lexo edhe: http://abcnews.al/emra-foto-1-18-ton-kokaine-kush-jane-shqiptaret-e-arrestuar-ne-greqi/

Takimi në Agrinjo

Në një rast, në një bar kafe në Agrinjo u realizua një takim mes agjentit të infiltruar dhe pjesëtarëve të organizatës në lidhje me pagesën e garancisë për tërheqjen e ngarkesës.

Pjesëtari i organizatës që u la takim ishte R. S., ndërsa ditën e takimit në distancë po ndiqnin edhe pjesëtarë të tjerë të organizatës, të cilët ishin në një automjet dhe në një furgon Renault, që shërbente për transport dhe ku u arrit të kapej vetëm pasagjeri.

Në kafene, agjenti i infiltruar takoi H. S dhe P. A. Këta të dy treguan garancinë 120.000 euro dhe kur agjenti pa shumën, i tha të iknin te shtëpia në Astako, ku ishte ngarkesa.

Pak më herët, në Athinë ishte lënë tjetër takim mes një agjenti të infiltruar dhe pjesëtarëve të tjerë të organizatës, po me të njëjtin qëllim, pra të jepeshin si garanci 109.550 euro.

Kështu dhe ndodhi, me garancinë për drogën që shkoi në 229.550 euro.

ast1.jpg
R D19:12 | 25/01/2020

Autoritetet greke zbuluan mëngjesin e së shtunës rreth 1.18 ton kokainë në Agrinjo, pranë Patras. Mediat vendase raportuan se sasia e drogës u gjet në disa dhoma të një kompleksi të marrë me qira. Lënda narkotike ka hyrë përmes portit privat të Katakolos dhe më pas është fshehur në kompleksin e fshatit turistik te Astakos. Tetë persona u arrestuan mes të cilëve 6 shqiptarë.

Gjatë një deklarate për shtyp, mbrëmjen e së shtunës, drejtuesit e policisë greke thanë se kapo i organizatës kriminale është 41-vjeçari shqiptar Aleksandër Pemaj. Sipas policisë, Pemaj ka qenë edhe herë të tjera në burg, madje ai është dënuar disa herë nga drejtësia për vepra penale tepër të rënda. Ai ka qenë anëtar i bandës së Marian Kolajt, një i arratisur nga burgjet greke, i cili u ekzekutua prej policisë greke, gjatë një përleshjeje të armatosur në afërsi të kufirit shqiptar.

Drejtori i policisë së Atikës, deklaroi se hetimet lidhur me këtë organizatë ishin nisur prej të paktën 6 muajsh, mbas informacioneve të marra nga autoritetet amerikane, se një sasi e madhe droge do të nisej nga Republika Domenikane me destinacion Greqinë, dhe në vazhdim do të shpërndahej në Shqipëri dhe Spanjë. Përveç 8 të arrestuarve janë identifikuar edhe disa shtetas shqiptare dhe arabe, të cilët aktualisht edhe pse janë identifikuar ende nuk janë arrestuar.

Në cilësinë e provës materiale u sekuestruan, sasia prej 1 181 kg kokainë e pastër, vlera e së cilës llogaritet në mbi 50.000.000 euro, u sekuestruan edhe shuma cash prej 231.000 euro, 3 pistoleta, 1 kallashnikov, 5 autovetura dhe 19 celularë. Kreu i policisë greke, tha se hetimet do të vazhdojnë, ndërsa priten edhe arrestime të tjera në Greqi, Shqipëri dhe Spanjë. /abcnews.al

Emrat e shqiptarë të arrestuar:

Aleksandër Pema
Arbër Përdeda
Ergon Tusi
Erlin zotaj
Lek Doda
Maksim Preçi

ast1
ast3
ast1
ast2-thumb-large
Screenshot_6-32
erdo.jpg
in a12:50 | 25/01/2020

Pasojat tragjike të tërmetit në Turqi kanë bërë që për momentin mosmarrëveshjet politike të lihen në hije. Në fakt mediat greke raportojnë se kryeministri Qiriakos Mitsotaqis, ishte nga personat e parë që ka telefonuar presidentin e Turqisë Erdogan, për të shprehur ngushëllimet për humbjet e jetëve si dhe solidaritetin e vendit të tij.

Kreu i ekzekutivit grek u tregua i gatshëm që vendi i tij të ndihmojë Turqinë në këtë situatë dramatike që po përjeton vendi. Nga ana e tij, mësohet se presidenti turk e ka falënderuar për ndihmën dhe ka deklaruar se aktualisht ekipet e shpëtimit janë në terren. Telefonata mes dy politikanëve vjen pas një sërë tensionesh të forta të kohëve të fundit, për çështjen e kufirit detar ujor dhe rezervat e mëdha të hidrokarbureve në detin Egje. /abcnews.al

06thess6-thumb-large-thumb-large.jpg
So Nila12:05 | 25/01/2020

Policia greke kane sekuestruar më shumë se 1.2 ton kokainë dhe ka vënë në pranga tetë persona, shumica  e të cilëve është me origjinë nga Shqipëria

Mediat greke raportojnë se droga është sekuestruar në Astakos të Athinës dhe origjinë kishte vendet e Amerikës Latine.

Informacionet bëjnë me dije se lënda narkotike është gjetur e fshehur në një ndërtese turistike të zones. /abcnews.al

narkotika-iroini.jpg
So Nila11:34 | 25/01/2020

Një tjetër operacion antidrogë është zhvilluar këtë të shtunë në Greqi ku si pasojë janë sekuestruar 23 kg e 744 gram heroinë si dhe 414 gram kokain, dhe janë rrestuar 7 persona mes të cilëve katër janë shqiptarë.

Mediat greke raportojna se droga është sekuestruar gjatë operacionit të kontrollit të disa banesave në Selanik.

Dyshimet janë se droga do të Ndërkohë të shpërndahej në Athinë dhe Selanik  Hetimet kanë zbuluar se organizata kishte një laborator droge dhe ishte përfshirë dhe në shpërndarjen e kokainës.

Ndërkohë dyshohet se lënda narkotike ishte importuar nga Shqipëria shkruan iefimerida.gr./abcnews.al

protesta.jpeg
in a12:03 | 23/01/2020

Grekët e ishujve të Egjeut protestojnë dhe deklarojnë hyrjen në grevë për shkak të situatës së krijuar nga mbipopullimi i ishujve të tyre nga emigrantët. Dhe pse nuk duan të dalin si ksenofobë ata kërkojnë transferimin e menjëhershëm të mijëra emigrantëve në pritje të procedurave të identifikimit.

Është hera e parë që qytetarët e zonave ku zbarkojnë shumë emigrantë, vendosin të bëjnë grevë dhe të manifestojnë. Ata janë të zemëruar me mbipopullimin e keqorganizuar të mijëra azilkërkuesve dhe të atyre që zbarkojnë në ishujt e tyre duke vënë në rrezik dhe turizmin.

Ajo që shqetëson banorët e ishullit janë sidomos qendrat e ngritura për identifikimin e emigrantëve dhe qendrat e pritjes të cilat menaxhohen keq. Ata shprehen se në këto kampe as kafshët nuk do të mund të jetonin në mënyrë dinjitoze. Të keqardhur ata shprehen se kjo nuk është përgjegjësi e tyre.

Kampi Moira është një shembull i qartë i situatës kritike.

Është e vështirë pasi banorët nuk duan të prezantohen si ksenofobë, ata protestojnë kundër braktisjes që iu është bërë ishujve dhe banorëve të tyre përballë zbarkimeve të vazhdueshme. Bashkimi Europian është inekzistent dhe zyrtarët europianë të Fronteks, të cilët duhet të kontrollojnë kufijtë nuk arrijnë të ndalojnë fluksin e emigrantëve.

Banorët në Kios shprehen se nuk kanë më besim tek askush, dhe se çdo gjë që është thënë deri tani ka rezultuar një mashtrim. Nuk është respektuar asnjë impenjim. Ndërsa në Lesbo manifestuesit kërkojnë sërish ishullin e tyre dhe jetën e mëparshme.

Guvernatori për Egjeun verior, Kostas Matsuris u shpreh se banorët janë kryesisht të zemëruar nga fakti se ishujt e tyre janë kthyer në qendra pritjeje për më shumë se 80 vende. Sipas tij 50 mijë emigrantë janë në pritje të procedurave të identifikimit. Kjo situatë, thekson ai është vetëm rezultati i një marrëveshjeje të heshtur mes vendeve të Bashkimit Europian.

Në Samos ku zyrtarisht ndodhen 7.519 emigrantë, banorët kërkojnë transferimin e tyre. Kryebashkiaku i Samos lindor, akuzon Fronteks, duke pohuar se Agjensia Europiane duhet të merret me ujërat kufitare me territorin detar turk./abcnews.al

dddd.jpg
in a11:04 | 22/01/2020

Katerina Sakelaropulu, 63 vjeç, prej më pak se një vit është presidente e Këshillit të Shtetit, Gjykatën më të lartë Administrative Greke. Para votimit të saj në parlament, dy partitë e opozitës së qendrës së majtë deklaruan mbështetjen e tyre për emërimin e saj.

Në Greqi numri i grave që mbajnë poste të larta në politikë është historikisht shumë i vogël. Në qeverinë aktuale greke, vetëm një ministri nga 18 drejtohet nga një grua. Edhe në Greqi roli i presidentit, me një mandat pesë vjeçar është ceremonial dhe në rolin e përfaqësimit të unitetit të vendit.

E lindur në Selanik në 1956-ën nga një familje me origjinë nga Ksanti në veri lindje, ajo ka studiuar për drejtësi në universitetin e Athinës për t’u specializuar më pas në të Drejtën Publike në Paris. Në mes të viteve 80 ajo u pranua në Këshillin e Shtetit dhe u bë këshilltare në vitin 2000.

Në tetor të 2015-ës, u emërua zv/presidente e këtij Këshilli. Në tetor të 2018-ës ishte qeveria e drejtuar në atë kohë nga Syriza që e propozoi për postin e presidentes së Këshillit të Shtetit, për shkak të ndjeshmërisë së saj në tema si liria shoqërore, të drejtat e minoritetit dhe të refugjatëve. Duke thyer në këtë rast dhe traditën që shihte në këtë post vetëm burra, ajo u zgjodh në mënyrë unanime. Katerina Sakellaropulu është tifoze e skuadrës së futbollit Aris Selanik./abcnews.al

klo.jpg
in a10:36 | 22/01/2020

Katerina Sakelaropulu është gruaja e parë presidente e Greqisë, pas votimit në parlamentin e vendit. Ajo mori 261 vota pro. Nga 294 deputetët e pranishëm në sallë në momentin e votimit ajo mori mbështetjen e 157 deputetëve të Demokracisë së re dhe 82 të Syrizës, si dhe 22 të lëvizjes për ndryshim. Si rrallëherë dy partitë kryesore në Greqi kanë mbajtur të njëjtin qëndrim duke mbështetur kandidaturën e saj.

Ajo është presidentja e 13 e vendit dhe pason Prokopis Pavlopulos në postin më lartë. Sakelaropulu do të kryejë betimin e saj në një ceremoni solemne menjëherë pas përfundimit të mandatit të presidentit aktual në 13 mars./abcnews.al

dogo12.jpg
So Nila09:44 | 21/01/2020

Autoritet në Greqi janë të tronditur nga rezultatet e një ekzaminimi mjekoligjor të shkaqeve të sakta të vdekjes së një 70-vjeçare në Volos tb Greqisë, e cila u gjet e vdekur të shtunën e kaluar në oborrin e shtëpisë së saj, ndërsa qeni i mbuluar nga gjaku qëndronte pranë saj.

Shërbimi Mjekësor Ligjor i Selanikut raportoi se shkaku i vdekjes së gruas ishin kafshimet e qenit, përcjell abcnews.al.

Gruaja vdiq nga hemorragjia e shkaktuar nga dy shenja kafshimi në fyt dhe kokë.

Shërbimi mjeko-ligjor i Selanikut është duke kryer ende teste toksikologjike, rezultatet e të cilave do të dalin rreth një muaj më vonë.

Duhet të theksohet se nuk është bërë asnjë njoftim për këtë çështje. Familja e kësaj gruaje fatkeqe beson se qeni nuk mund ta sulmonte kurrë dhe në vend të kësaj ai ka vrapuar për ta ndihmuar.

Policia, pas kafshimeve të dukshme që pa në trupin e gruas, e përshkroi vdekjen si një “incident të papritur” dhe urdhëroi të kryhej një nekropsi-nekrotomi.
Gjithashtu u raportua se 70-vjeçarja vuante nga probleme të zemrës, sipas raporteve të para nga të afërmit e saj, ndërsa të shtunën në mëngjes ajo kishte njoftuar burrin e saj se nuk po ndihej mirë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono