Greqi

1564554845_kreta.jpg
R D09:38 | 11/12/2019

Pas vendit tonë, termetet tashmë po godasin rajonin dhe më gjerë, deri në Turqi. Sëfundmi janë shënuar dy termete në Turqi dhe në Greqi.

Në Kretë, termeti ishte mbrëmë rreth orës 10 të darkës me magnitudë 5.4, ndërsa në Manisa të Turqisë me magnitudë 4.8. Nuk raportohet për njerëz të lënduar, por vetëm dëmë materiale.

Pak ditë më parë termeti goditi Firencen, ku vetëm brenda 12 orëve u regjistruan 36 lëkundje.

Studiuesit kanë thënë se rajonet më të ekspozuara të kontinentit ndaj lëkundjeve të dhunshme sizmike, përfshijnë Shqipërinë, Italinë, Greqinë, Bullgarinë, Rumaninë dhe Turqinë.

Regjistrimet e fundit

M 5.4 – 35km NNE of Palaikastron, Greece

• 2019-12-10 21:58:28 (UTC)

• Magnitude 5.4 earthquake

• Affected countries: Turkey and Greece

• 42 km from Sitia, Greece • Dec 10, 10:58 PM

• Magnitude 4.8 earthquake

• 48 km from Soma/Manisa, Turkey • Dec 10, 9:24 PM

 

/abcnews.al

greke8.jpg
in a22:25 | 04/12/2019

Pasditen e sotme në Heraklion të Greqisë raportohet se një 22-vjeçare ka goditur disa herë me thikë një burrë.

Mësohet se 22 vjeçarja greke ka goditur me thikë disa herë një burrë 26 vjeçar me origjinë shqiptare. Mediat greke shkruajnë se gruaja është e njohur për policinë si përdoruese e lëndëve narkotike, ndërsa ka dyshime se edhe shqiptari është konsumator. Ende nuk dihen rrethanat e ngjarjes. Mësohet se burri u transportua me ambulancë për në spital, fatmirësisht pa rrezik për jetën, ndërsa 22 vjeçarja u arrestua nga policia.

Policia njofton se po punohet për të verifikuar rrethanat që çuan në plagosjen e të riut./abcnews.al

PAok-olympiacos-1280x720.jpg
Veronik Istrefaj19:00 | 01/12/2019

Rivaliteti i futbollit midis Olympiacos dhe PAOK është konsideruar si derbi më i ashpër në Greqi dhe një numër i madh i ndeshjeve mes dy skuadrave të futbollit janë shoqëruar nga incidente të këqija.

Derbi midis dy klubeve greke mund të pasqyrohet qartë në një rivalitet midis qyteteve Pireu (pjesë e zonës urbane të Athinës) dhe Selanikut.

Olympiacos nga qyteti i Pireut dhe PAOK nga Selaniku, janë klubet më të njohura, kështu që rivaliteti i tyre pasqyron më shumë se çdo tjetër rivalitetin ndërkombëtar. Sot, këto dy skuadra kanë zbritur në fushën e lojës dhe ABC News ka siguruar disa pamje nga atmosfera brena në stadium. Fantastike!

AEKL.png
Igli Nikolli19:13 | 30/11/2019

Vazhdon solidarizimi për popullin shqiptar. Tërmeti i tmerrshëm, vdekjet e shumë personave dhe shkatërrimet e mëdha që ka sjellë ngjarja e frikshme i kanë prekur të gjithë.

Reagimi i radhës vjen nga Greqia. Tifozët e AEK-ut të Athinës kanë shpalosur një pankartë të madhe, aty ku shkruhet: “Lutemi për Shqipërinë. Solidarizohemi me popullin shqiptar”, teksa nuk mungon shkrimi në gjuhën shqipe.

Pankarta e shpalosur nga tifozët e AEK-ut

Tifozët e ekipit kryeqytetas lajmëruan më parë mbledhjen e ndihmave për të prekurit dhe personat që po vuajnë, teksa sot postuan pankartën në shkallët e stadiumit në ndeshjen jashtë fushe kundër OFI-t të Kretës. /abcnews.al

termetet-krete-1280x781.jpg
nev ila15:00 | 27/11/2019

Ndërsa kryetari i organizatës për planifikimin dhe mbrojtjen nga tërmetet Profesor Eftymios Lekkas tha se tërmeti në Kretë ishte në thellësi të madhe dhe nuk pritet të prodhojë pas-goditje.

Një tërmet i fuqishëm 6.1 ballë i shkallës Rihter goditi të mërkurën në mëngjes zonën bregdetare midis ishujve Kithera dhe kretë në Greqinë jugore. Lëkundjet e orës 9:23 a.m. u ndjenë deri në Athinë. Sipas Institutit të Gjeodinamikës në Athinë, epiqendra u lokalizua 258 kilometra në jug të Athinës.

Nuk ka informacion për dëme.

Në Kretë kishte panic dhe banorët u larguan nga shtëpitë e tyre. Kryetari i bashkisë së qytetit Kisamos njoftoi se të gjitha shkollat mbeten të mbyllura të mërkurën. Ndërsa kryetari i organizatës për planifikimin dhe mbrojtjen nga tërmetet Profesor Eftymios Lekkas tha se tërmeti ishte në thellësi të madhe dhe nuk pritet të prodhojë pas-goditje.

Ai tha gjithashtu se nuk lidhet me tërmetin në Shqipëri. Ndërkohë, Profesori i Sizmiologjisë Akis Tselentis tha gjithashtu se tërmeti në Kretë nuk lidhet me tërmetin në Shqipëri dhe shtoi se për shkak të thellësisë prej rreth 70 kilometrash, nuk do të ketë pas-goditje dhe u ndje në një zonë të gjerë pikërisht për shkak të thellësisë./abcnews.al

termeti-durressss.jpg
ger ta17:07 | 26/11/2019

Vijojnë lëkundjet e tërmetit. Para pak minutash është regjistruar një tjetër goditje.

Sipas të dhënave paraprake lëkundja është regjistruar me magnitudë 3.5, 35 km nga Tirana dhe 7 km nga Mamurrasi.

Tërmeti 6.4 i shkallës richter ka shkaktuar të paktën 19 viktima deri në këto momente, pallatet dhe ndërtesat u rrafshuan ndërsa persona të tjerë gjenden nën rrënoja.

Goditja e fortë u regjistrua rreth orës 04.00 të mëngjesit të sotëm, ndërsa paslëkundjet kanë vijuar për gjatë gjithë ditës së sotme.

Zonat më të prekura janë Durrësi dhe Thumana./abcnews.al

sq.jpg
in a13:18 | 26/11/2019

Në kuadrin e  ndihmës që Greqia i akordon Shqipërisë, niset sot nga Athina me avion C-130, një grup prej 27 vetësh  të Njësisë Speciale  të Përballimit të Fatkeqësive, EMAK, me qëllim që të ndihmojnë  në përpjekjet që bëhen për  kërkimin dhe shpëtimin  në zona që u goditën prej tërmetit të sotëm në Shqipëri.

Pasi  u ra dakort  me autoritetet Shqiptare, Njësia do t’i drejtohet Durrësit. Së bashku me njësinë vijnë dhe dy qenë si dhe një automjet.

Gjithashtu nga Janina u nisën në rrugë tokësore  dhe kanë mbërritur në Shqipëri, 15 veta nga Njësia EMAK  së bashku me dy automjete për transport personeli dhe një automjet  për transport pajisjesh sizmike. Grupi nga Janina i drejtohet Thumanës./abcnews.al

moti.jpg
Autor E09:28 | 25/11/2019

Fenomeni “Geroni”, një stuhi me shira rrëmbyese, erëra të forta dhe ulje temperature ka përfshirë gjatë natës Greqinë. Dëme të shumta janë shënuar në Athinë, në Atikën perëndimore, në zonën Korinthia, por edhe në Greqinë veriore, në disa zona të Maqedonisë.

Sekretaria e Përgjithshme e Mbrojtjes së Qytetarit paralajmëron se edhe dita e sotme do të jetë e rrezikshme, pasi stuhia do të vazhdojë kalimin mbi zona të tjera të vendit.

Nga shirat e rrëmbyer dhe vërshimi i detit është bllokuar rruga Nacionale e re dhe e vjetër Athinë-Korinth, akoma nuk është i mundur qarkullimi.

Në zonën Kineta, zjarrfikësit kishin 64 thirrje vetëm brenda pak orëve, ndërsa janë evakuuar disa familje e janë shënuar dëme të shumta materiale në gjithë zonën, të mbuluar nga balta. Dy persona kanë humbur jetën pasi është përmbysur skafi në portin e vogël të Antirio, nga moti i keq.

Në kryeqytetin grek dhe gjithë periferinë e Atikës, është dhënë urdhër të mos funksionojnë shkollat e kopshtet deri në orën 10:00 kur pritet një urdhër i dytë.

Rruga nacionale greke Athinë-Korinth, e reja dhe e vjetra në vijën detare, vijojnë të jenë të bllokuara nga përmbytja në segmentin Kineta-Agious Theodhorous, në kilometrin e 61-të. Me tjetër deklaratë, sekretaria e përgjithshme e mbrojtjes së qytetarit paralajmëron të shmanget qarkullimi i qytetarëve në vend, ose të kufizohet duke qenë shumë të kujdesshëm edhe në orët në vijim.

27 persona kanë rrezikuar jetën dhe janë evakuuar nga zjarrfikësit, kur shtëpitë e tyre janë rrënuar nga shirat e furishëm.

Fenomeni “Geroni” do të ndodhet dhe sot mbi territorin grek, duke përfshirë gradualisht Peloponezin, Kretë, Thesalia, pasdite drejt ishujve Sporades, Ciklades e në mbrëmje Maqedoninë Qendrore dhe Perëndimore.

emigrantet-greqi-1280x654.jpg
nev ila14:41 | 23/11/2019

Kryeministri i Greqisë Mitsotakis publikoi një sërë masash të reja për të bllokuar hyrjen e emigrantëve në vend. Gjatë fjalës në parlament, kreu i ekzekutivit theksoi se Greqia nuk është një vend i hapur për të gjithë.

Një njësi e vetme vëzhgimi i kufijve për të gjithë Greqinë dhe një ushtri prej 1200 rojesh më shumë në krahasim me ata që janë aktualisht në gjendje gadishmërie. Kjo për t’I bërë ballë një vale të re emigrantësh.

Qeveria greke e drejtuar nga Demokracia e Re, konfirmoi masat e reja për tu përballur me flukset e emigrantëve që mbërrijnë në brigjet greke.

Kryeministri grek Mitsotakis deklaroi në parlament se forcat e patrullimit të ujërave greke do të përforcohen nga mbërritja e 10 motoskafëve të rinj.

Kryeministri shtoi se në Greqi do të jenë të mirëpritur ata që do të kenë të drejtë të qëndrojnë. Por dera do u mbyllet përfundimisht trafikantëve të paligjshëm të qënieve njerëzore dhe atyre që shkelin në territorin grek dhe pse nuk kanë të drejtë për azil.

Kështu pas humbjes së korrikut të kaluar të qeverisë së drejtuar nga Aleksis Tsipras, Greqia e cila në periudhën 2015-2016, ka qenë porta hyrëse për në Bashkimin Europian e më shumë se 1 milion personave që arratiseshin nga lindja e mesme dhe Azia, tashmë do të anulojë politikat e pritjes së emigrantëve.

Në periudhën e fundit ardhja e emigrantëve dhe refugjatëve nga Turqia janë shtuar sërish dhe më shumë se 37 mijë persona aktualisht jetojnë në qendrat e pritjes në ishujt të cilët po përpiqen të menaxhojnë situatën shumë larg kapaciteteve të tyre. Micotaqis theksoi se Greqia nuk është një vend i hapur për këdo.

Por nuk do të ketë vetëm përforcim të kontrollit të kufijve, qeveria greke deklaroi se do të transferojë 20 mijë azilkërkues nga kampet e refugjatëve, si ai në Moria, në qytete të tjera Brenda këtij viti, duke synuar që të ketë struktura të reja në korrik të 2020-ës.

Mjekët pa kufij u treguan kritikë ndaj këtyre qendrave të reja duke shpjeguar se këto struktura ngjasojnë shumë me burgjet dhe janë shumë lart respektimit të të drejtave të njeriut.

Por kryeministri grek këmbëngul se pak nga pak pamjet e turpshme që vijnë nga Moria, do të zhduken dhe do të zëvendësohen nga ndërtesa të afta për të funksionuar si duhet.

Teksa Mitsotakis fliste në Athinë, rojet bregdetare greke deklaruan se kishin shpëtuar 400 emigrantë 24 orët e fundit në ishujt e Lesbos dhe Kios. Shpëtimi u shoqërua dhe nga arrestimi i tre personave të dyshuar si trafikantë të qënieve njerëzore.

Ndërkohë dy tragetë me në bord 96 refugjatë nga ishujt e Kios, Zeri dhe Kos mbërritën në portin e Pireut mëngjesin e të premtes në linjë me lehtësimin e qendrave të pritjes në ishuj. Ashtu si dhe upremtua nga qeveria greke.

Dhe pse itenererari ballkanik i ndjekur nga emigrantët që përpiqen të arrijnë në pjesën e pasur të Europë, është mbyllur gjithnjë e më shumë nga 2016, me mijëra persona përpiqen ende të kalojnë nëpër këtë rrugë.

Zakonisht emigrantët paguajnë shuma të mëdha parash tek bandat e trafikantëve që të kalojnë në mënyrë të paligjshme kufijtë e mbyllur./abcnews.al

 

aksidenti-greqi.jpg
nev ila10:18 | 23/11/2019

Një shqiptar ka humbur jetën në Greqi, pasi makina me të cilën po udhëtonte është përplasur me një kamion.

Goditja ka qenë fatale për 49-vjeçarin ndërsa drejtonte makinën, pasi humbi jetën në vend. Ndërsa i plagosur në gjendje të rëndë mbeti pasagjeri.

Autoritetet greke nuk kanë publikuar emrat e viktimës dhe të plagosurit. Aksidenti ka ndodhur në orët e para të mëngjesit të djeshëm në autostradën Thebes-Livadia.

Nga të dhënat e para dyshohet se fushëpamja e kufizuar për shkak të mjegullës dhe një manovër e gabuar e viktimës, solli aksidentin me pasoja.

/abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono