greke

greket-1-1280x960.jpg
ger ta15:36 | 26/11/2019

Ka mbërritur në Rinas ekipi i ekspertëve të Emergjencave Civile greke.

Mësohet se kalimi i automjeteve bëhet nga poshtë, për shkak dëmtimi te mbikalimit i Shkozetit.

Numri i viktimave nga tërmeti tragjik ka shkuar në 16, ndërsa 42 persona janë shpëtuar.

Mbi 600 persona kanë mbetur të plagosur, ndërsa dëmet më të mëdha nga tërmeti janë shkatuar në Durrës dhe Thumanë./abcnews.al

gomonja-e-droges-greqi.jpg
nev ila19:49 | 30/09/2019

Media greke “Protothema”, ka zbuluar foton dhe skenarin se si u kap gomonia e dytë, e cila ishte nisur nga Shqipëria për në Turqi.

Të dielën peshkatarët e zonës kanë parë një gomone me dy motor 350 kuaj fuqi secili dhe pranë tij një person që notonte në tentativë për të dalë në breg. Menjëherë peshkatarët kanë njoftuar policinë e cila mbërriti në vendngjarje dhe shoqëroi personin, që rezultoi shtetas shqiptar”, shkruajnë mediat greke.

Gjatë marrjes në pyetje shqiptari nuk ka pranuar të flasë, por hetuesit kanë kuptuar se bëhej fjalë për gomonen e dytë që i iku ndjekjes policore katër ditë më parë.

Nga hetimi arritën në përfundimin se droga mund të ishte fshehur diku në afërsi të Sporadhes.

Policia bregdetare greke ka sekuestruar më shumë se një ton drogë, në afërsi të ishullit Alonisos, në detin Egje.

Droga, e paketuar në 103 kuti të mëdha, ishte fshehur në një shpellë, në një ujdhesë shkëmbore dhe për gjetjen e saj u përdorën qentë e zbulimit si dhe polumbarë.

Ajo që po hetohet ende, është fakti nëse kjo sasi është sasia e plotë që do të shkëmbehej me heroinë në Turqi apo vetëm një pjesë e sasisë./abcnews.al

basha-i-pergjigjet-rames.jpg
nev ila10:58 | 25/08/2019

Partia Demokratike vijon akuzat ndaj kryeministrit Edi Rama, për lidhjen e tij me krimin dhe kapjen e pushtetit përmes kriminelëve. Duke iu referuar rastit të kandidimit të Agim Kajmakut për bashkinë e Vorës, Basha shkruan në facebok, se Edi Rama e dinte se Kajmaku ka probleme të hapura me drejtësinë greke.

24 orë pas tri pyetjeve të Gazment Bardhit që ngelën pa përgjigje nga Agim Kajmaku, Lulzim Basha akuzon kryeministrin Rama se ka veshur me pushtet dhe nuk lejon veprimin e ligjit për të zgjedhurin e tij në Vorë.

Për liderin e opozitës, historia me Kajmakun është e njëjtë me atë të Valdrit Pjetrit në Shkodër, ku sërish Edi Rama kishte dijeni mbi dënimet por heshti.

Njëlloj si me Valdrin Pjetrin, Edi Rama e di se Agim Kajmaku i Vorës ka falsifikuar formularin e dekriminalizimit! Hajduti Psiqik e di se i përzgjedhuri i tij për Vorën ka probleme të hapura me drejtësinë greke, dhe se ai e ka fshehur të vërtetën. Por Edi Rama, përmes Belinda Ballukut, vendosi veton dhe injoroi kërkesën e socialistëve të Vorës para 30 Qershorit që të mos kandidonte një person për të cilin e gjithë Vora e di se ka probleme të hapura me drejtësinë greke“.

Burime nga selia blu konfirmojnë për ABC News se disponojnë të dhëna që konfirmojnë akuzat e tij në drejtim të Kajmakut, ndërkohë që pyetjet për të vijojnë të jenë të hapura:

  1. Çfarë lidhje ka data 14 Janar 2003 me kandidatin e tyre në Vorë?
  2. Pse kandidati i tyre i Vorës nuk ka shkuar në Greqi prej vitit 2003 dhe pse menjëherë pas këtij viti ndryshoi gjeneralitetet në Shqipëri?
  3. Çfarë lidhje ka kandidati i tyre në Vorë me shtetasin me identitetin e rreme “Jorgo Toto, me atësi Thanas dhe amësi Parascevi”?

Prokuroria e Përgjithshme me kërkesë të Partisë Demokratike ka nisur një hetim të thelluar për kryebashkiakun e Vorës, ndërkohë që Lulzim Basha ka kërkuar që Kajmaku të largohet menjëherë nga detyra dhe të merret i pandehur pasi ka shkelur ligjin e dekriminalizimit dhe ka fshehur të dhënat mbi të kaluarën e tij./ABC News Albania 24/7

 

shefat-e-kuzhines-1280x718.jpg
nev ila21:27 | 05/08/2019

Deri më sot jemi mësuar se shtetasit shqiptar i drejtohen shtetit grek për të punuar. Por ne sot kemi mundësinë të shohim dy shefa grek, të cilët kanë zgjedhur shqipërinë për të punuar në këtë sezon veror.

Shefe Kristna është shtetase greke por këtë verë ka zgjedhur që të punojë në restorantin Agonia në Himarën e bukur.

Por cili ka qenë impakti i saj i parë kur ka ardhur për të punuar këtu?

“Kur u martuam me bashkëshortin tim, ne ishim në Nju Jork për një vit dhe vendosëm të ktheheshim dhe të investonim këtu. Ideja ishte e imja dhe unë e binda atë që ne të vinim këtu. Në fillim ne po mendonim të bënim dicka në Athinë në Greqi por kjo nuk mund të bëhej.Një ditë i thashë bashkëshortit, pse të mos shkojmë në Himarë të bëjmë dicka? Ide brilante”.

Ju jeni në shqipëri prej sa muajsh?

“Ne jemi këtu që prej fillimit të muajit maj. Ne kemi shtëpuinë tonë këtu dhe vijmë në Himarë në cdo sezon, jemi adhurues të Himarës“.

A e shihni të ardhmen duke punuar dhe jetuar duke investuar në Shqipëri?

Absolutisht nuk është e lehtë, ashtu sikurse edhe në vendet e tjera të Europës, por cdo vit e më tepër po bëhet mirë edhe në Shqipëri. Mendoj se është momenti, madje edhe për cdo të ri himariot që të vijë dhe investojë këtu”.

Ndërsa shefi tjetër i kuzhinës greke, Kosta do të na tregojë se si është eksperienca e tij në Shqipëri.

“Unë ndihem shumë mirë këtu si i ardhur nga Greqia. Ne kemi nisur një fillim shumë të vështirë por po funksionon dhe vazhdon shumë mirë. Jam i kënaqur që ndodhem këtu. Më pëlqen ambienti, është vend fantastik”.

Prej sa vitesh keni punuar në Greqi si shef kuzhine?

“Kam 50 vjet që punoj në kuzhinën mesdhetare, greke dhe ndërkombëtare por më pëlqen më shumë kuzhina mesdhetare sepse është më e mira. Kemi cdo ditë specialitete të reja dhe cdo ditë sjellim peshk të freskët”.

A ishte e vështirë për ju të linit Greqinë dhe të vinit në Shqipëri?

“E dua Himarën pse jo edhe njerëzit, janë shumë të mirë“.

Pra ndiheni komod edhe këtu edhe atje?

“Është hera e parë që jam këtu por sigurisht do të rikthehem edhe vitin tjetër“./abcnews.al

metaa-1280x714.jpg
ad min10:15 | 09/07/2019

“Konflikti mes kryeministrit dhe shtetit të së drejtës, demokracisë dhe pluralizmit politik është “nëna” e të gjitha konflikteve të tjera.” Kështu është shprehur presidenti Ilir Meta në një intervistë për gazetën greke “Kathimerini”, ku ka komentuar edhe vendimin e fundit të Kuvendit për ngritjen e komisionit hetimor për shkarkimin e tij.
Përplasja Presidencë-Kryeministri ka kaluar kufijtë e Shqipërisë e ka ngjallur kureshtjen edhe të fqinjëve grekë. Gazetari i të përditshmes greke Kathimerini e përshkruan si hakmarrje ndaj njëri tjetrit ndërsa pyet presidentin Ilir Meta se çka ndërmend të bëjë me vendimin e parlamentit për shkarkimin e tij.

“Në Shqipëri sot ka vetëm një konflikt madhor. Është konflikti mes kryeministrit dhe shtetit të së drejtës, demokracisë dhe pluralizmit politik. Ky është “nëna” e të gjitha konflikteve të tjera”.

Presidenti Meta ia sqaron edhe medias greke se çdo çështje që lidhet me aktet ose vendimet kushtetuese mund të gjykohet vetëm dhe veçanërisht nga Gjykata Kushtetuese, duke përfshirë këtu edhe dekretin e Presidentit të Republikës për të anuluar zgjedhjet e 30 qershorit 2019, ose përpjekjet politike të shumicës qeverisëse për të shkarkuar Presidentin e Republikës.
“Është në të drejtën e kryeministrit, apo të dikujt tjetër që të kërkojë e të përpiqet të kapë me çdo kusht të gjitha institucionet e pavarura, por Shqipëria i ka thënë autoritarizmit njëherë e përgjithmonë “kurrë më”.

Kathimerini duket e interesuar për të mësuar më shumë mbi planin e instalimit të një junte që ka si qëllim krijimin e shtetit paralel në Shqipëri dhe në Kosovë, të mbështetur nga Edi Rama e të frymëzuar nga Xhorxh Soros. Një deklaratë e bërë nga numri një I shtetit në daljet e fundit përpara medias.

“Unë thjesht e kam gërmëzuar qartë dhe saktë se si një grup i strukturuar, që praktikon taktika të një shteti paralel është duke synuar dhe kërkuar kapjen totale të shtetit në Shqipëri, gjë që u shërben agjendave të fshehta.
Është e qartë se këto agjenda nuk janë gjë tjetër, veçse në mospërputhje me anëtarësimin tonë në NATO, me procesin tonë të integrimit në BE, ose edhe me partneritetin tonë strategjik me SHBA-në”.
Pavarësisht kësaj situate që po kalon vendi kreu i shtetit shqiptar është optimist për hapjen e negociatave në tetor, gjithmonë nëse politika tregon vullnet për gjetjen e zgjidhjeve.

 “Kryeneçësia për të qëndruar indiferentë ndaj rrethanave të përkeqësuara aktuale apo edhe më keq, për të ecur verbërisht drejt një regjimi njëpartiak do të ketë pasoja shkatërruese për vendin dhe të ardhmen e tij europiane”.

Përgjigja më e mirë dhe i vetmi shërim për çdo lloj krize të brendshme në një vend të NATO-s është demokracia dhe sundimi i ligjit sugjeron presidenti Meta.

“Bazuar në këtë besim, unë kam paraqitur përsëri një propozim të ri për të mbajtur zgjedhje trillojëshe më 13 tetor: zgjedhjet vendore, parlamentare dhe presidenciale. Megjithatë, nuk kam dëgjuar ende asnjë propozim kundërshtuese, ose reagim ndaj propozimit tim. Jam ende duke pritur, me durim”.

Shpresëplotë e mbyll intervistën e tij Presidenti Meta për gazetën greke Kathimerini se në këtë situatë do të mbizotërojnë pjekuria, përgjegjësia dhe interesi më i mirë kombëtar./ABC News Albania 24/7

drog7-560x350.jpg
ad min18:14 | 02/05/2019

Mbi 155 kg kanabis janë sekuestruar nga policia greke gjatë një operacioni të madh në qendër të Athinës. Operacioni u zhvillua me forca të shtuara në zonën Eksarqia.

Policia greke bën të ditur se janë vënë në pranga tre shtetas shqiptarë të moshës 24, 25 dhe 30 vjeç.

Pas kontrollit të ushtruar në banesat e tyre u gjetën dhe u sekuestruan 155,4 kg kanabis, një shumë prej 11.825 eurosh, një peshore elektronike precizioni, 6 telefona celularë.

Ata konsiderohen si pjesëtarë të një organizate kriminale që trafikonte drogë në qendër të kryeqytetit grek.

Të arrestuarit po mbahen në selinë qendrore të policisë në pritje të komunikimit të akuzave nga prokuroria./ABC News Albania 24/7

Tusha-Bandiol.jpg
nev ila17:00 | 22/04/2019

Ekspertiza mjeko-ligjore greke ka arritur në përfundimin se shqiptari i vrarë më 27 janar në burgun e Koridalosit është viktimë e një akti kriminal.  Rasti i 34-vjeçarit Bandiol Tusha i është shtuar dosjes hetimore të njohur si “Mafia e Burgut”.

Vdekja e një të burgosuri shqiptar në janar të këtij viti ka ardhur si pasojë e një akti kriminal. Kështu bën të ditur portali grek “kathimerini.gr”, duke iu referuar burimeve nga ekspertiza mjeko-ligjore. Viktima, i identifikuar nga autoritetet greke si Bandiol Tusha, 34 vjeç, u gjet i vdekur mesditën e 27 janarit në qelinë e tij, në burgun e Koridalosit. Hetimi i rrethanave të kësaj vdekjeje i është bashkangjitur dosjes së quajtur “Mafia e Koridalosit”.

Tusha akuzohej ndër të tjera se u kishte ofruar strehë në banesën e tij, në Kalithea të Athinës, ekzekutorëve të avokatit Mihalis Zafeiropoulos, në tetor 2017. Në burg, ai konsiderohej pjesëtar i grupit të Kloadian Lekocajt. Sipas “Kathimerini”, që i referohet hetimeve që po zhvillon shërbimi i anti-terrorit, Lekocaj ishte orvatur që vdekjen e Tushës t’ia faturonte një biznesmeni grek që vuan dënimin në të njëjtin burg, për një abuzim fondesh publike me vlerë dhjetëra milionë euro./abcnews.al

koridhalo.jpg
ad min18:57 | 11/04/2019

Dy të burgosur janë përleshur mes tyre në burgun famëkeq të Koridhalos. Sipas mediave greke, bëhet fjalë për një grek 33-vjeçar dhe një shqiptar 27-vjeçar. Ata u përleshën ashpër mes tyre dhe kanë pësuar lëndime.

Ngjarja ndodhi në sektorin e 4-t të burgut. Dy të burgosurit u dërguan në spital për të marrë trajtim mjekësor. Emrat e tyre nuk janë bërë të ditur, por shtypi grek shkruan se shqiptari është dënuar për trafik droge, kurse 33-vjeçari grek për grabitje. Konfrontimi i tyre është regjistruar nga kamerat e sigurisë, ndërsa motivet janë të paqarta. /tvklan.al

Mediat-greke-1280x734.jpg
ent ela20:00 | 05/04/2019

Duke komentuar telefonatën Rama-Tsipras, mediat greke shkruajnë në edicionet e së premtes se presioni i kryeministrit grek ka patur efekt tek qeveria shqiptare, e cila sipas tyre ka ndryshuar qëndrim sa i takon ligjit për minoritetet dhe pronat në bregdet, rast i cili do të diskutohet edhe në OKB.

Mediat greke shkruajnë se kryeministri vendas Aleksis Tsipras shfaqet i vendosur të zgjidhë të gjithë problemet me Shqipërinë. Kështu vë në dukje gazeta e madhe greke, Ethnos, që e titullon ballinën e të premtes “Pas vizitës në Shkup Tsipras telefonon Ramën”. Sipas gazetës, qeveria tha se Tsipras e Rama gjatë bisedës telefonike, diskutuan mbi reformat që duhet të realizojë Tirana për t’u hapur negociatat e anëtarësimit në BE.

Mirëpo, shton gazeta, në mënyrë informale qeveria njoftoi se kryeministri grek u fokusua në VKM-në për pronat në bregdetin e Jonit dhe për aktet normative të ligjit mbi minoritetet. Gazeta, duke iu referuar burimeve diplomatike, njofton se qeveria shqiptare ka vendosur që pronat e diskutueshme do të regjistrohen nga pronarët dhe ato që do të mbeten pa pronarë do të kalojnë në administrimin e ministrisë së turizmit.

Sipas të përditshmes greke, kjo ka ndodhur menjëherë pas bisedës telefonike Tsipras – Rama. Ethnos e paraqet këtë zhvillim si rezultat të paralajmërimit që Tsipras i bëri Tiranës para disa ditësh, nga Bukureshti. Ndërkaq, sipas gazetës Ta Nea, çështja e pronave të minoritarëve do të diskutohet edhe në OKB, dhe madje me iniciativë të qeverisë gjermane.

Ta Nea u reformohet burimeve të veta, sipas të cilave Berlini ka paraqitur një paketë me katër pyetje, në kuadër të sesionit të 33-të vlerësimit periodik të vendeve anëtare të Kombeve të bashkuara. Sipas Ta Nea-s, një nga pikat lidhet me të respektimin e të drejtës së pronës në përgjithësi dhe në veçanti sa zbatohet kjo e drejtë për minoritetet.

 Analistët grekë vërejnë se ditët e fundit po bëhen përpjekje nga të dy palët për ç’tensionimin e atmosferës ndërmjet Athinës dhe Tiranës. Analistët ndërkaq theksojnë se duhet pritur, për t’u bindur që, siç thonë, Rama  nuk ndryshon sërish qëndrim. Gjithsesi, analistët mbeten skeptikë nëse negociatat e bllokuara dypalëshe do të zhbllokohen e finalizohen para mbajtjes së zgjedhjeve të dyfishta në muajin maj.

Por ata nënvizojnë se është koha që të dy palët të ulen seriozisht në tryezën e bisedimeve për zgjidhjen e problemeve që gjithsesi nuk kanë peshën e kontestit që Athina kishte me Shkupin dhe u zgjidh me marrëveshjen e Prespës./abcnews.al

bregdeti-shqiperi.jpg
ent ela22:15 | 30/03/2019

Agjencia greke e lajmeve ANA-MPA, duke cituar burime nga Ministria e Jashtme vendase njofton se Fletorja Zyrtare ku përfshihej vendimi i qeverisë shqiptare për publikimin e 67 hartave ku pezullohej kalimi i titujve të pronësisë, nuk figuron më në portalin e QBZ-së (Qendrës sw Botimeve Zyrtare).

Të njëjtat burime i kanë deklaruar agjencisë që “mesazhi i djeshëm i kryeministrit Tsipras ishte veçanërisht i qartë dhe nuk linte asnjë hapësirë keqinterpretimi nga ana e udhëheqjes shqiptare”.

Burimet nga Ministria e Jashtme greke kanë shtuar se pas heqjes nga qarkullimi të Fletores Zyrtare me numër 43, “mbetet të shihet nëse kjo lëvizje ishte hapi i parë për anulimin e plotë të vendimeve të papranueshme që shënjestrojnë minoritetin grek dhe pronat e tij, duke dëmtuar në mënyrë të pariparueshme perspektivën europiane të Shqipërisë”.

“Kjo perspektivë ka si kusht respektimin e plotë të të drejtave të gjithë minoriteteve që jetojnë në Shqipëri dhe që presim të sanksionohen në ligjet zbatuese për minoritetet”, citohen burime të Ministrisë së Jashtme greke nga agjencia zyrtare e lajmeve ne Greqi, ANA-MPA./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono