Gramoz Ruçi

gramoz-ruci-1280x547.jpg
nev ila10:30 | 05/12/2019

Ka nisur me një minutë heshtje, në shenjë nderimi për viktimat që la tërmeti i 26 nëntorit, seanca e Kuvendit ditën e sotme. Kryetari i Kuvendit Gramoz Ruci më pas e ka nisur seancën me 3 refleksioni sic i quajti ai.

Ruci tha se mësimi që të gjithë duhet të nxjerrim prej humanizmit dhe solidaritetit dhe prej sakrificave të shqiptarëve kudo ku ndodhen.

Ne ligjvënësit duhet ta lexojmë mirë dhe thellë sjelljen e qytetarëve tanë dhe bashkëkombësve tanë. Do të falënderoja kolegët e mi deputetët që këto ditë u gjendën dhe do të vazhdojnë të gjenden pranë qytetarëve.

Do të vlerësoja përgjegjësinë dhe impenjimin e qeverisë për masat emergjentë si dhe përgatitjet që po bën për zgjidhjet e këtij problemi. Do të falënderoja këto edhe opozitën parlamentare dhe jo parlamentare që dhanë shembullin dhe ndihmën e tyre.

Do ti bëja thirrje të gjitha palëve, për shpirtin e 50- viktimave, të ndjejmë apelin e mijëra të lënduarve, mijëra familjeve që mbetën pa strehë, të nxënësve që u janë rrënuar shkollat, të bashkëpunojmë për të lehtësuar dhimbjen e tyre.

Refleksioni i dytë, gjatë viteve të fundit kemi bërë shumë reforma dhe kemi miratuar kode e korpuse ligjesh por 26 nëntori duhet të na zgjojë, dhe duhet të na kujtojë se diçka nuk e kemi bërë mirë dhe si duhet. Do i ndaja ligjet në dy grupe të mëdha në ligje, ligje që rregullojnë punën e shoqërisë dhe në ligjet që rregullojnë marrëdhëniet dhe bashkëjetesën tonë me natyrën.

Është e pamundur që në pak ditë të formosh një gjykim mbi ligjet tona por në këtë grup të dyte sigurisht që situata na nxori se diçka nuk shkoi. Prandaj mendoj se legjislacioni mbi tokën dhe parandalimin e fatkeqësive natyrore nuk është thjesht e papërsosur, dyshoj se në mjaft çështje nevralgjike të kompetencave tona me natyrën dhe në menaxhimin e mjedisit kemi mjaft probleme.

Refleksioni i tretë lidhet me instrumentat që përdorim për të zbatuar ligjet që kemi miratuar sidomos korpusin e ligjeve të bashkëpunimit dhe të bashkëjetesës me natyrën. Nga ky korpus veçoj bllokimet për ndërtimet. Tërmeti na rikujtoi se kemi nevojë për një vetting të thellë për të verifikuar kualifikimet, aftësitë, agjensitë, procedurat, rregulloret, licencimet dhe lejet për të ndërtuar.

Natyrisht të verifikojmë nuk është punë e lehtë sepse kërkon kohë dhe energji por duhet të nisim të mendojmë për këto duke marrë masa.

Së fundi dëshiroj tju informoj se u kam shkruar të gjithë kuvendeve të vendeve partnere mike për ti falënderuar për ndihmën bujare si dhe për tu kërkuar ndihmë për zgjidhje afatgjata. Mbështetja e vendeve mike nuk do na mungojë“, tha Kryetari i Kuvendit në nisje të seancës./abcnews.al

ruciii.jpg
ger ta10:05 | 02/12/2019

Pas mbledhjes së Këshillit të Sigurisë Kombëtare kreu i Shtett Ilir Meta ëka  zhvilluar një takim me kreun e Kuvendit Gramoz Ruçi.

Gazetari Juxhin Mustafaraj bën të ditur për abcnews.al se prej 30 minutash Meta dhe Ruçi qendruan në zyrë, për të diskutuar mbi situatën e krijuar pas tërmetit të 26 nëntorit.

Ka qenë Presidenti Meta ai i cili ka kërkuar takimin me Ruçin pas mbledhjes.

Mirëpo, në fokus të takimit të Metës dhe Ruçit nuk ka qenë vetëm situata e lidhur me tërmetin por edhe situata politike në vend.

Më herët nga Presidenca u largua kryeministri Edi Rama dhe ministrat e qeverisë, ndërsa Ruçi qëndroi për të biseduar më privatisht me Metën./abcnews.al

gramoz-rucci.jpg
ger ta08:42 | 18/11/2019

Kreu i Kuvendit Gramoz Ruçi në takimin “NATO dhe siguria përballë teknologjisë”, shprehu edhe njëherë qëndrimin e tij lidhur me mos-hapjen e negociatave të Shqipërisë dhe Maqedonisë së Veriut.

Sipas tij qendrimet konfuze të BE dëmtojnë edhe NATO-n dhe rrezikojnë sigurinë. “Burokracia e BE nuk na hapi negociatat. Qëndrimet konfuze të BE dëmtojnë edhe NATO-n, ndërsa simetria mes NATO dhe BE po na dëmton ne. Jemi në kryqëzimin e ndikimeve të huaja, por jo të gjitha vendet në Ballkan kanë perspektivën perëndimore si Shqipëria. Shpesh Shqipëria dhe Kosova përmenden edhe për shumicën e popullsisë myslimane. Më shumë sesa nga islami, rajoni përflitet për ndikimin e rusisë. Ballkani Perëndimor ndodhet përballë sfidave të mëdha.”, tha kryeparlamentari./abcnews.al

 

gjuzi.jpg
Autor E10:25 | 15/11/2019

Ashtu si në seancat e mëparshme, edhe seanca e Jashtëzakonshme e Kuvendit filloi me debate pasi deputeti Kujtim Gjuzi kishte ardhur pa lexuar rezolutën e paraqitur nga e majta si masë kundër dekretit të Metës për emërimin e Xhaferllarit në Gjykatën Kushtetuese.

Gjuzi kërkoi 45 minuta kohë të lexonte projektrezulutën, por Ruçi tha se ajo ndodhej e botuar që prej ditës së djeshme në faqen e Kuvendit.

Replikat
Kujtim Gjuzi: Duam 45 minuta që t’i hedhim një sy rezolutës. Kjo rezolutë i bie që të shkarkojë Presidentin, ndaj na duhen këto minuta.

Gramoz Ruci: Projekt rezoluta ka qenë publike në faqen zyrtare të Parlamentit. E shfrytëzonit kohën, kanë kaluar 12 orë. Pra, procesverbali miratohet.

parlamenti-1280x709.jpg
nev ila14:06 | 04/11/2019

Kryeministri Rama nuk shkoi sot në parlament, për të dhënë shpjegime mbi fëmijët shqiptarë të ngecur në kampet siriane, siç opozita kishte kërkuar.

Edhe pse rregullorja e Kuvendit nuk e parashikon një gjë të tillë, Gramoz Ruci, lejoi Elisa Spiropalin të zëvendësonte Ramën, e cila tha se qeveria po punon për këta fëmijë, por të dhënat nuk bëhen dot publike për arsye sigurie.

Ishte njoftuar si një interpelancë me Ministrin për Evropën dhe Punët e Jashtme, mandat të cilin Edi Rama e mban vetë me dekret presidencial. Por kryeministri nuk u paraqit.

Në fakt, neni 96 i Rregullores së Kuvendit që normon interpelancat, në asnjë rast nuk i njeh kryeministrit apo ministrave të drejtën e refuzimit të një interpelance, apo transferimin e përgjegjësisë tek ndonjë ministër tjetër. Gjithsesi, Andi Përmeti pranoi t’ia drejtonte pyetjet Elisa Spiropalit.

Më shumë se sa për vogëlushin Alvin Berisha, në interpelancë u sfiduan aftësitë e dy ligjvënësve për batuta politike.

Edi Rama gjithashtu anuloi pa ndonjë shpjegim, edhe një mbledhje të parashikuar pasditen e kësaj të hëne, me strukturat socialiste të Shkodrës, për tu dhënë drejtim emërimit të drejtorëve të rinj në qark./abcnews.al

vizita-1280x853.jpg
ad min12:40 | 31/10/2019

Kryetari i Kuvendit, Gramoz Ruçi, i shoqëruar nga Kryetari i Grupit Parlamentar të PS, Taulant Balla, në datat 30-31 Tetor zhvilluan një vizitë zyrtare në Japoni.

Gjatëtakimit me Kryetarin e Parlamentit të Japonisë, z. Tadamori Ōshima,u konstatua se marrëdhëniet midis dy vendeve janë aktualisht shumë të mira. Ka një interes të shtuar për forcimin e marrëdhënieve politike dhe intensifikimin e shkëmbimit të vizitave të niveleve të larta.

Japonia është një partner dhe donator i rëndësishëm për Shqipërinë, me rreth 380 milionë dollarë investime, nëformë grantesh, asistencë për bashkëpunim ekonomik, kredi të buta etj.

Mes dy vendeve janë nënshkruar 15 marrëveshje dhe janë në proces disa të tjera. Bashkëpunimi parlamentar përbën një dimension të rëndësishëm të marrëdhënieve dypalëshe dhe shërben si nxitje edhe për bashkëpunimin në aspekte të tjera.

Kryetari i Kuvendit vuri në dukje se “Japonia dhe Tokio përfaqësojnë një mrekulli njerëzore dhe admirohen nga të gjithë shqiptarët. Ne duhet të punojmë për  nxitjen e investimeve japoneze në Shqipëri, bujqësi, peshkim, transportin hekurudhor dhe ajror, parqet industriale, sektorin e energjisë, naftës, minierave, shëndetësisë, industrinë e fasonit etj. Rritjes së bashkëpunimit midis të dy vendeve do t’í shërbente edhe liberalizimi i vizave, i cili nëpërmjet qarkullimit të lirë të njerëzve, do të lehtësojë edhe qarkullimin e mallrave, shkëmbimet tregtare dhe turizmin.”

Kryetari i Parlamentit të Japonisë, z. Tadamori Ōshima, nënvizoi se bashkëpunimin me Shqipërinë do ta konsiderojë një prioritet të agjendës së tij parlamentare, duke iu përgjigjur pozitivsht ftesës së Kryetarit të Kuvendit për të vizituar Shqipërinë. “Japonia e konsideron Shqipërinë një vend mik dhe partner, një faktor kyç për zhvillimin dhe stabilitetin në Ballkanin Perëndimor. Unë do të nxis qeverinë dhe investitorët japonezë  për më shumë bashkëpunim, shkëmbime e investime me Shqipërinë, e cila ka potenciale të larta zhvillimi,  si edhe do të mbështes kërkesën Tuaj për liberalizimin e vizave.”

Kryetari i Kuvendit, Gramoz Ruçi, i kërkoi homologut Oshima më shumë mbështetje të Japonisë për anëtarësimin e Kosovës në organizatat ndërkombëtare, posaçërisht në UNESCO dhe INTERPOL. Kryeparlamentari Oshima premtoi se, duke njohur ndjenjat shumë të thella të Shqipërisë për Kosovën, do të nxisë qeverinë që të rrisë mbështetjen për pranimin  e Kosovës në organizmat ndërkombëtare.  Në prill të vitit 2020 Japonia do të hapë ambasadën e saj në Prishtinë.

Kryetari i Kuvendit, Gramoz Ruçi dhe Taulant Balla  u takuan gjithashtu me anëtarë të kabinetit qeveritar, drejtuesit e grupit parlamentar të miqësisë me Shqipërinë dhe anëtarë të tjerë të Dhomës së Përfaqësuesve, me të cilët  biseduan mbi fuqizimin e bashkëpunimit dypalësh, nxitjen e investimeve,  ecurinë e projekteve japoneze në Shqipëri dhe rritjen e shkëmbimeve të gjithanshme midis të dy vendeve./acbnews.al

kujtim-gjuzi-1.jpg
ad min10:18 | 17/10/2019

Kujtim Gjuzi vazhdon ta mbajë “inate” me kryetarin e Kuvendit Gramoz Ruçi. Në seancën e sotme plenare, deputeti opozitar i kërkoi sërish kryetarit të Kuvendit që të mos e ndalojë që të bëjë replikë me kryeministrin Edi Rama. Gjuzi i kujtoi Ruçit rregulloren.

“Me ça të drejte shkelni nenin 49 dhe 50 të rregullores. Pse nuk lejoni replikë me kryeministrin. Nëse unë të drejtohem të drejtohem se je kryetar i Kuvendit. E them se kam një konsideratë për atë që ju thoni si kryetar kuvendi. Kurrsesi nuk mund të jem dakord me ju që nuk më lejoni të bëj replikë. E mban vendin me dhunë. Kushdo që të jetë nëse kemi replikë duhet të na lesh. Kujdes zoti kryetar”, tha Gjuzi.

Mirëpo i menjëhershëm ishte reagimi i Gramoz Ruçit i cili i kërkoi Gjuzit tre gjëra. Një ndër to ishte që herë tjetër të jetë i veshur sipas rregullores së Kuvendit.

“Kujdes Zoti Gjuzi, kur të flasësh në emër të rregullores. E dyta të flasësh me etikë dhe e treta herë tjetër në Kuvend të jesh i veshur sipas rregullores së Kuvendit”, tha Ruçi./abcnews.al

gramoz-ruci-1-1280x698.jpg
nev ila19:28 | 30/09/2019

Kryetari i parlamentit Gramoz Ruçi gjatë seancës së sotme i ka ndërprerë fjalën ministres së Mbrojtjes Olta Xhaçka.

Fjalimi i saj shkoi përtej minutave që kishte në dispozicion dhe Ruçi nuk ka hezituar ti mbyllë mikrofonin Xhaçkës në gjysmën e fjalimit.

Por menjëherë kreu i grupit parlamentar, Taulant Balla, i dhuroi 5 minuta nga koha e tij ministres Xhaçka.

….ekipet e përforcuara të mjekëve kanë qenë në gatishmëri që në momentet e para të të lënduarve. jemi dëshmitarë se si cdo person i lënduar është asistuar dhe mjekuar brenda pak orëve, për të mos thënë që në orën e parë trë goditjes kryesorë sizmike….. prioritet i atyre ditëve ishte një mobilizim masiv, më mirë një mobilizim masiv se sa një mobilizim modest si pasojë e të cilit….(Ruçi ndërpret fjalën)”,

Xhaçka: A mund të vazhdoj edhe 2 fjali?

Ruçi: Koha këtu është e përcaktuar… mbaroi koha juaj!

Ruçi: Po, zoti Balla?

Balla: 5  minuta nga koha ime…

Ruçi: Atëherë edhe 5 minutat e zotit Balla./abcnews.al

komisioni-i-venecias.jpg
ad min09:30 | 10/09/2019

Komisioni i Venecias ndodhet në Tiranë që prej ditës së djeshme pas kërkesës së Komisionit Hetimor për të dhënë opinionin e saj në lidhje me shkarkimin e Presidentit të Republikës, Ilir Meta.

Mëngjesin e kësaj të marte, delegacioni i “Venecias” zhvilloi një takim me dy përfaqësues të opozitës joparlamentare, respektivisht Oerd Bylykbashin për PD-në dhe Klajda Gjoshan për LSI-në. Ish-deputetët patën një prononcim të shkurtër për mediat në përfundim të takimit.

Ata thanë se kanë sqaruar pozicionin e tyre, që sicc e quajtën ata për tentativën në lidhje me shkarkimin e Presidentit. Gjithashtu, Bylykbashi dhe Gjosha i kanë thënë komisionerëve të “Venecias” që Presidenti nuk e shkeli ligjin dhe se ai mund të shkarkohet vetëm nga Gjykata Kushtetuese.

“Komisioni i Venecias ka ardhur këtu me ftesë të Kuvendit për të dhënë një opinion në lidhje me procedurën e turpshme për shkarkimin e Presidentit të Republikës që Parlamenti ka nisur. Ne ua bëmë të qartë se kjo është një përpjekje e qeverisë që, në mungesë të Gjykatës Kushtetuese, në themelet e një krize kaq të madhe, Parlamenti përpiqet që të tërheqë Komisionin e Venecias dhe Këshillit të Europës në lojën e tij të turpshme për të kapur të gjitha pushtetet, përfshirë Presidentin e Republikës. Kushtetuta është e qartë. Presidenti i Republikës shkarkohet vetëm nga Gjykata Kushtetuese, nëse ka shkelur rëndë Kushtetutën. Presidenti i Republikës është përpjekur të garantojë zgjedhje të lira dhe të ndershme, unitetin e popullit dhe pluralizmin politik në Shqipëri dhe kjo është një nga detyrat fisnike që ka luajtur në këtë rast Presidenti i Republikës. Presidenti i Republikës u dha garancinë zgjedhësve shqiptarë që zgjedhjet të bëheshin në një moment të dytë, në kushte më të mira. Parlamenti përpiqet që të shkarkojë Presidentin dhe në këtë lojë të turpshme përpiqet të bëjë palë institucionet ndërkombëtare, të cilat janë shumë të qarta në lidhje me këtë”, tha Bylykbashi.

“Sot diskutuam për një çështje që është e paprecedentë, aq më tepër për një vend që kërkon të çelë negociatat, për një vend që dëshiron të jetë anëtar i BE-së dhe në momentet kyçe, kur të gjitha palët sidomos qeveria do duhej të përqendrohej në plotësimin e kushteve për të marrë çeljen e negociatave në tetor ne merremi me një çështje që është jashtëzakonisht e rëndë edhe për imazhin e vendit. Aq më tepër të ftosh institucionet ndërkombëtare për të zgjidhur një çështje që në fakt për mua është për të mbuluar gjithçka që sot shkon keq me qeverisjen shqiptare”, tha Gjosha.

Ndërkohë, delegacioni është duke zhvilluar një takim në këto momente me një grup deputetësh të Partisë Socialiste. Më vonë ata do të takohen me deputetët e opozitës parlamentare. Gjithashtu një takim është planifikuar me kryetarin e Kuvendit, Gramoz Ruçi.

Pas tij, komisionerët do të takohen me Presidentin e Republikës, Ilir Meta, i cili po hetohen nga komisioni parlamentar nëse ka shkelur ligjin apo jo me shfuqizimin e dekretit të 30 Qershorit.

Pas drekës, do të jetë ministri i Brendshëm, Sandër Lleshaj që do të presë delegacioni, ndërsa më vonë ata do të shkojnë në kryeministri për t’u takuar me kryetarin e qeverisë, Edi Rama.

Gjatë së martës është rezervuar gjithashtu takim edhe me anëtarët e KQZ-së si edhe me anëtaren e vetme të Gjykatës Kushtetuese, Vitore Tusha. Delegacioni i Komisionit të Venecias do ta përfundojë punën e saj nesër pas takimit me anëtarët e Komisionit Hetimor Parlamentar dhe shoqërisë civile.

Në Tetor pritet përgjigja e Komisionit Hetimor nëse Meta e shkeli ose jo Kushtetutën kur firmosi anulimin e datës së zgjedhjeve në 30 Qershor./abcnews.al

edi-rama-gramoz-ruci.jpg
ad min08:33 | 10/09/2019

Presidenti i Republikës, Ilir Meta, reagoi në rrjetet sociale në lidhje me takimin që pati me kryetarin e Kuvendit, Gramoz Ruçi, pas dëshmisë që dha tek komisioni hetimor parlamentar.

Meta shprehet se sëbashku me Ruçin kanë rëndë dakord se cilat kanë qenë dy opozitat parlamentare më cilësore në gjithë historinë e tranzicionit shqiptar.

Në postimin e shoqëruar me një foto ku ai shfaqet sëbashku me kryeministrin Rama dhe Gramoz Ruçin, kreu i shtetit thotë se cilësia është më e rëndësishme se sasia për të udhëhequr ndryshimin e një shoqërie.

“Ishte kënaqësi dje të rikthehesha në Kuvend. Po kështu të shkëmbeja disa mendime dhe kujtime me Kryetarin e Kuvendit z.Gramoz Ruçi. Së bashku ramë dakord se dy grupet parlamentare më cilësore opozitare kanë qenë ai i PD në ’91-’92 dhe ai i PS në ’92-’96. Kjo më përforcon bindjen se në demokraci, cilësia është më e rëndësishme se sasia, për të udhëhequr ndryshimin e një shoqërie, edhe kur “sasia” duket fuqiplotë”, shkruan Meta në Facebook.

/abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono