grammy

dua-lipa-1280x853.jpg
ent ela11:39 | 11/02/2019

Artistja e re më e mirë, dhe kënga më e mirë e zhanrit Dance, Dua Lipa bëhet artistja e parë shqiptare që fiton dy çmime Grammy. Ajo ka qenë femra e dytë më e dëgjuar e vitit 2018 në Shtetet e Bashkuara të Amerikës dhe e para në Mbretërinë e Bashkuar.

Dua Lipa, shkruan historinë duke u bërë artistja e parë shqiptare e cila fiton dy çmime Grammy. Ajo u shpall fituese në mbrëmjen më të madhe muzikore të vitit Grammy Awards 2019 në kategorinë “Kënga më e mirë e zhanrit Dance”, për këngën e saj “Electricity”, në bashkëpunim me Mark Ronson dhe Diplo. Ajo po ashtu ka rrëmbyer edhe çmimin si artistja e re më e mirë.

“Jam artiste me dy çmime Grammy!!! Jam shumë e përulur dhe mirënjohëse në këtë moment. I dërgoj shumë dashuri fansave të mi, familjes sime, ekipit tim, të gjithë artistëve të mahnitshëm me të cilët kam punuar dhe bashkëpunuar. Një ëndërr e vërtetë është realizuar! Faleminderit!!”, ka shkruar Lipa në Instagram pak pasi mori çmimin.

Lipa la pas këngët “Northern Soul” nga Above & Beyond dhe Richard Bedford, “Ultimatum” nga Disclosure dhe Fatoumata Diaëara, “Losing It” nga Fisher dhe “Ghost Voices” nga Virtual Self.

Dua Lipa ka qenë femra e dytë më e dëgjuar e vitit 2018 në Shtetet e Bashkuara të Amerikës dhe e para në Mbretërinë e Bashkuar. Albumi që mban emrin e saj e që kryesohet nga hitet “Neë Rules” dhe “IDGAF” ka qenë albumi i katërt më i dëgjuar në Spotify në SHBA në vitin e kaluar. /abcnews.al

vlcsnap-error393-1280x720.jpg
ent ela11:52 | 29/01/2018

Hilari Klinton ka vënë në lojë presidentin Donald Trump në një video humoristike, në ceremoninë e ndarjes së çmimeve “Grammy”. Skeçi ku ka marrë pjesë Hillary, është kritikuar nga Shtëpia e Bardhë.

Hillary Clinton bëri një shfaqje surprizë në një video komedi në ceremoninë e ndarjes së çmimeve “Grammy”, e cila në qendër kishte vënien në lojë të presidentit amerikan Donald Trump. Ish-kandidatja presidenciale bashkë me Cher, Snoop Dogg, Cardi B, John Legend dhe DJ Khaled ishin ndër ata që lexonin fragmente nga “Zjarr dhe Tërbim: Brenda Shtëpisë së Bardhë të Trump” të Michael Ëolff, libri I cili flet për vitin e parë të Trump në Shtëpinë e Bardhë.

Në video shikohet drejtuesi I spektaklit “Grammy” James Corden, I cili mban audicione për lexim libri me shpresën që vitin e ardhshëm të fitohet çmimi “albumi më I mirë I shqiptimit të fjalëve”. Fëtyra e Clinton fillimisht ishte e mbuluar nga libri kur u shfaq në ekran në një skeç të regjistruar, por të pranishmit brohoritën pasi ajo uli librin.

70-vjeçarja lexon fjalinë e famshme rreth Trump që pëlqen fast fudët: “Ai kishte një frikë shumë të madhe se mund të burgosej. Një arsye pse ai pëlqen të konsumojë ushqim tek McDonalds. Asnjë nuk e dinte që ai po vinte dhe ushqimi ishte parapregatitur në mënyrë të sigurtë”.

Ndërkohë, lidhur me këtë pjesë humoristike ka ardhur edhe një reagim nga një figurë e lartë e Shtëpisë së Bardhë. Ambsadorja amerikane në Kombet e Bashkuara, Nikki Haley komentoi këtë zhvillim me anë të një mesazhi në tuiter. “Unë gjithmonë kam pëlqyer ceremoninë Grammy por të bësh artistët të lexojnë librin “Zjarr dhe Tërbim” e shëmtoi atë. Mos dëmtoni muzikën e mirë me mbeturina. Disa nga ne pëlqejnë muzikën pa vendosur politikën Brenda”, shkruan zyrtarja e admninistratës Trump.

Ndërkaq, sipas shtëpisë botuese libri “Zjarr dhe Tërbim: Brenda Shtëpisë së Bardhë të Trump”, ka shitur mbi 1.7 milionë kopje./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono