grabitje

laze-1280x720.jpg
R D13:30 | 22/01/2020

Pas daljes nga gjendja kritike për jetën, biznesmeni Petrit Laze, i cili bashkë me gruan dhe vajzën ranë pre e një grabitjeje të dielën në Allias, ka mundur të dëshmojë lidhur me ngjarjen. Para grupit hetimor, mësohet se Laze ka dëshmuar se autorët i kanë drejtuar armën në kokë, duke i kërkuar paratë.

“Dëgjova zhurmë te dera dhe dola për të parë. Pashë dy të rinj të gjatë të maskuar dhe veshur me kapota të gjata dhe të zeza. Njëri kishte pistolete në dorë ndërsa tjetri një armë tjetër më të gjatë. Më thanë ‘duam lekët’! Ku e keni kasafortën?”, ka rrëfyer në polici Petrit Laze. Në vijim të dëshmisë ai ka treguar se si dy autorët mbanin në duar një ngjitës natriban dhe u përpoqën ta lidhnin. “U përleshëm dhe më qëlluan. Pastaj qëlluan dhe Afërditën. Ne ulëritëm, kërkuam ndihmë dhe ata u larguan me vrap”, ka thënë biznesmeni Laze.

Dëshmi ka dhënë sërish edhe bashkëshortja e tij, Afërdita. Ajo ka thënë se autorët e kanë kapur vajzën e tyre nga flokët dhe e kanë larguar në dhomë. “Petriti ndodhej në dhomë në gjumë dhe kur ka dëgjuar krismën e armës ka dalë me vrap. Autorët i kanë drejtuar armën, duke i kërkuar çelësin e kasafortës. Petriti u hodh nga dritarja i plagosur ka marrë një levë dhe është ngjitur në banesë, por autorët pasi kishin kontrolluar banesën u larguan pa mundur të marrin gjë”, ka deklaruar Afërdita. /abcnews.al

laze-1280x720.jpg
R D15:37 | 21/01/2020

Biznesmeni Petrit Laze, i cili ra pre e një grabitjeje brenda banesës së tij e ka kaluar fazën kritike për jetën, pasi u qëllua me një plumb në bark. Hetimet janë perqënduar në disa pista, ku më kryesrja është autorët mund të jenë informuar nga persona të besueshëm që punojnë në biznesin e familjes Laze.

Grabitja në banesën e biznesmenit Petrit Laze, ngjarje kjo e ndodhur mbrëmjen e së dielës vijon të mbetet pa asnjë të ndaluar nga grupi hetimor.

Policia ka shoqëruar për të marrë në pyetje 30 persona që më pas u lanë të lirë.P jesa më e madhe e tyre janë punonjës dhe njerëz të afërt të familjes Laze. Ata dyshohet se mund të kenë dijeni rreth lëvizjeve të parave që kryheshin çdo të diel nga disa prej bizneseve që kishte në zotërim Petrit Laze në kryeqytet kryesisht në fushën e prodhimit të brumrave.

61-vjeçari gjatë tentativës së grabitjes mbeti i plagosur me një plumb në bark por burime nga Spitali i Traumës konfirmojnë për ABC News se Petrit Laze e ka kaluar fazën kritike për jetën dhe ndodhet në parametra të stabilizuar jetësorë.

Gjithashtu u qëllua në këmbë edhe në drejtim të bashkëshortes së biznesmenit, Aferdita Laze por, edhe ajo është tashmë jashtë rrezikut për jetën.

Dyshohet se grabitësit kanë pasur informator të besueshëm, pasi janë drejtuar te vendi i parave nga dera e pasme e vilës. Madje ata kanë shfrytëzuar me përpikmëri planin e tyre. Alarmi i godinës trekatëshe aktivizohej pas orën 22:30 minuta të çdo mbrëmjeje, teksa krimi u shënua në 21:45. Përleshja me autorët ka ndodhur në katin e dytë të banesës. Aty ku edhe dyshohet se ruhen një pjesë e kursimeve të familjes Laze.

Grupi hetimor ka sekuestruar 20 kamera sigurie në rrugën “Njazi Meka” në zonën e Alliasit, por nuk kanë pasur dukshmëri mbi indetifikimin e autorëvë për shkak të mjegullës që kishte mbuluar kryeqytetin mbrëmjen e 19 janarit.

Disa vite më parë biznesi i familjes Laze ra pre e grabitjes. Një person i armatosur hyri me nje pistolete nga dera kryesore e vilës duke marrë e xhiron ditore. Edhe ajo ngjarje vijon të jetë pa mbetet e pazbardhur. /abcnews.al

karburanti.png
R D12:47 | 21/01/2020

Një pikë karburanti ka rënë bërë pre e grabitësve në Bilisht. Sipas policisë, tre persona ende të paidentifikuar, pasi e kanë kërcënuar dhe dhunuar rojen, i kanë vjedhur një sasi lekësh dhe eurosh.


Sipas dëshmisë së pronarit të karburantiti, kanë qenë tre persona të maskuar dhe pasi kanë dhunuar rojën kanë mundur të marrin një shumë prej 40 mijë lekësh, ndërkohë që më pas janë larguar me një automjet në drejtim të paditur. Ngjarja është regjistruar mëngjesin e 20 janarit, ndërsa është raportuar nga policia 24 orë më vonë.

Nga hetimet bëhet e ditur se dy prej grabitëse janë futur me forcë brenda në kabinën ku ndodhej roja. Pasi e kanë goditur kanë arritur të marrin nga ai të gjithë xhiron ditore. Në momentin që autorët kanë kryer grabitjen kanë qenë të paarmatosur.

Pas pas këqyrjes së kamerave të sigurisë së vetë biznesit, është konstatuar se autorët janë larguar me një automjet që i priste pak metra larg karburantit.

Kjo nuk është hera e parë që pronari i kësaj pike karburanti bie pre e grabitjes. Kohë më parë një tjetër pikë në aksin Korçë-Kapshticë u grabit, ndërsa edhe për këtë ngjarje policia nuk pati asnjë të ndaluar./abcnews.al

dhunuan.jpg
in a10:40 | 21/01/2020

13 emirgantë sirianë janë kapur nga policia kufitare në Kapshticë në tentative për të hyrë në Shqipëri. Ata u ndaluan në fshatrat Trestenik dhe Vernik. Burimet bëjnë me dije se refugjatët janë kurd sirian dhe iranian. Mes tyre mësohet se ka gra dhe fëmijë.

Ndërkohë më herët një grup sirianësh të cilët kishin hyrë fshehurazi në vendin tonë kanë rënë pre e grabitjes dhe e dhunës në qytetin e Korçës.

Burime per “ABC News” bëjnë me dije se refugjatëve u janë vjedhur vetëm telefonat, ndërsa paratë nuk kanë mundur t’ua marrin pasi i mbajnë në karta krediti. Ngjarja ka ndodhur në lagjen 8 të qytetit të Korçës.

Sirianët kishin arritur ti shpëtonin policisë në kufi. Deri më tani policia ka shoqëruar në komisariat katër persona të dyshuar që mund të kenë lidhje me ngjarjen.

Pasi janë marrë në pyetje refugjatët janë nisur drejt qendrës së azilkërkuesve në Tiranë.

/abcnews.al

laze-1280x720.jpg
in a08:35 | 20/01/2020

Petrit dhe Afërdita Laze janë dy personat të cilët mbetën të plagosur nga grabitësit, në shtëpinë e tyre në Allias. Mjekët kanë konfirmuar gjendjen e rëndë shëndetësore të Petrit Laze, ndërsa bashkëshortja e tij është jashtë rrezikut për jetën, por qendron nën kontrollin e mjekëve.

Gazetari Andi Qosja në një lidhje me “ABC e mëngjesit” bën me dije se dy persona të maskuar kanë hyrë në pjesën e pasme të shtëpisë.

Personi që ka njoftuar Petrit Lazen ka qënë vajza e tij e cila ka ndjerë një zhurmë në katin e parë të banesë, ndërsa mësohet se mbrëmjen e djeshme ka dhënë deklaratë në polici. Petrit Laze ka marrë një plumb në bark, ndërsa bashkëshortja një plumb në këmbë”, tha Qosja.

Ndërkohë dyshohet për përsona të afërm më familjen të cilët kanë ndihmuar grabitësit. Banorë të zonës shprehen për familjen Laze si një nga familjet më model. Laze më parë ka qenë edhe punonjës i Tatim-taksave në qytet dhe nuk ka pasur probleme. Cifti ka në pronësi furrën e bukës “Laze” me disa pika në Tiranë.

Gazetari po kështoi raportoi se Petrit Laze jo vetëm që është qëlluar me armë zjarri por është goditur me sende të forta, ndërkohë alarmi i vilës aktivizohej përherë në orën 22: 30, ndërsa grabitësit kanë hyrë rreth orës 21: 45 min.

Edhe pse ka pasur një numër të lartë të personave të shoqëruar ende nuk është konfirmuar gjetja e autorit. Anëtarët e familjes Laze edhe punëtorët janë marrë në pyetje”, raporton gazetari Qosja. /abcnews.al

*Në foto cifti Laze

*Vendi i ngjarjes

e9e2e7a9-b5e3-4350-8d14-3a7c055ae040-1280x720.jpg
R D09:45 | 08/01/2020

Sot përcillet në banesën e fundit, Drita Saliaj 51-vjeçe e cila u vra në mënyrë barbare në Gjerbë të Mallakastrës, nga nipi i burrit të saj dhe dy persona të tjerë. Autorët e krimit, dyshohet se kanë hyrë në banesën e saj për ta grabitur, por pas rezistencës ata e kanë lidhur 51-vjeçaren dhe e kanë hedhur në rezervuarin e ujit, ku ka gjetur vdekjen. Ngjarja ka ndodhur të dielën në darkë dhe është zbuluar nga policia ditën e djeshme (e martë).

Sot zhvillohet ceremonia mortore për të ndjerën. Për ti dhënë lamtumirën kanë ardhur bashkëshorti dhe dy djemtë që ishin emigrantë në Greqi.

Sakaq, gazetarja Valbona Davidhi raporton për abcnews.al se ka mbërritur nga Greqia edhe kunati i Drita Saliajt, i cili ka deklaruar se është grabitur edhe banesa e tij.

Kunati i viktimës, (vëllai i burrit) Mitat Saliaj i cili sapo ka mbërritur nga Greqia ka parë shtëpinë e shkallmuar. Paraprakisht dyshohet se kanë qenë autorët e vrasjes që kanë grabitur edhe banesën ngjitur për marrë sende me vlerë. Policia është ende në zonë, për të dokumentuar ngjarjen, motivet e saj. Efektivët po pyesin fqinjët dhe personat që mund të kenë dijeni për ngjarjen. Familja Saliaj ndërkohë ka hapur dyert e mortit.

Autorët e krimit, L.Saliaj 17 vjeç banues në Gjerbë, S.Shehaj 16 vjeç banues në Çërrillë dhe Ervis Zotaj 26 vjeç banues në Gjerbë janë arrestuar nga policia e Mallakastrës. /abcnews.al


policia-spanjolle.jpg
in a11:10 | 24/12/2019

Tre shqiptarë janë vënë në pranga nga policia spanjolle pasi kishin realizuar një sërë grabitjesh në banesa në periferi të Madridit. Shqiptarët e moshave 25 dhe 30 vjeç, kishin hyrë në territorin spanjoll në tetor të këtij viti, periudhë gjatë së cilës kishin kryer edhe grabitjet.

Ata fillimisht udhëtonin me automjete të transporteve publike, duke piketuar shtëpi apo vila të ndryshme, të cilat  ishin bosh në momentin e grabitjeve. Tre shqiptarët nuk e kishin aspak problem nëse filmoheshin nga kamerat e sigurisë apo nëse aktivizoheshin sistemet e alarmit. Për të hyrë në brendësi të shtëpive ata hapnin dyert ose dritaret e kateve përdhese.

Kryesisht ata vidhnin bizhuteri, sende me vlerë, kamera dhe paratë që mund të gjendeshin në banesa. Autoritet spanjolle bëjnë të ditur se, shqiptarët nuk qëndronin për një kohë të gjatë në territorin spanjoll, por pasi kryenin vjedhjet, largoheshin nga Spanja përmes rrugëve tokësore./abcnews.al

shqiptaret-ne-spanje.jpg
nev ila21:38 | 23/12/2019

Një grup shqiptarësh të specializuar në vjedhjen e banesave janë arrestuar nga forcat spanjolle.

Të arrestuarit janë tre shqiptare, midis moshës 25 dhe 30 vjeç, të cilët kishin hyrë në territorin spanjoll në tetor të këtij viti, periudhë gjatë së cilës kishin kryer grabitjet.

Ata akuzohen për grabitje dhe  organizatë kriminale.

3 shqiptarët i kryenin vjedhjet e tyre në pjesë të ndryshme të periferisë së Madridit. Fillimisht ata udhëtonin me automjete të transporteve publike, duke pikasur shtëpi apo vila të ndryshme, në të cilat  nuk ndodheshin pronarët e tyre. Me të gjetur vilat e pabanuara, të tre nuk pyesnin nëse kapeshin nga kamerat apo sistemet e alarmeve të vendosura pranë banesave por mësynin në banesa.

Për të hyrë në brendësi të shtëpive ata hapnin  dyert ose dritaret e kateve përdhese. Kryesisht ata vidhnin bizhuteri, sende me vlerë, kamera dhe paratë që mund të gjendeshin në banesa.

Autoritet spanjolle bëjnë të ditur se, shqiptarët nuk qëndronin për një kohë të gjatë në territorin spanjoll,  por pasi kryenin vjedhjet, largoheshin nga Spanja përmes rrugëve tokësore.

Autoritetet spanjolle nuk kanë bërë të ditur identitetin e shqiptarëve, por kanë njoftuar se 3 shqiptarët janë vënë në dispozicion të autoriteteve kompetente gjyqësore, të cilët kanë lënë në burg anëtarët e këtij grupi./abcnews.al

hajdut-1.jpg
ger ta09:19 | 21/12/2019

Dy të moshuara janë vjedhur në Dropull nga persona ende të paidentifikuar.

Burime nga policia bëjnë me dije se personat kanë hyrë në banesën e shtetasit V.B., ku ndodheshin dy të moshuara  dhe kanë marrë një sasi parash dhe janë larguar.

Rreth orës 03:30, në fshatin Terihat, Bashkia Dropull, persona ende të paidentifikuar, kanë hyrë në banesën e shtetasit V.B., ku ndodheshin dy të moshuara  dhe kanë marrë një sasi parash dhe janë larguar.

Në vendngjarje ka shkuar grupi hetimor, ku vijojnë veprimet për zbardhjen e ngjarjes, identifikimin dhe  kapjen e autorëve”, njofton policia./abcnews.al

 

grabitja-itali.jpg
ger ta16:00 | 10/12/2019

Policia italiane ka arrestuar dy shqiptarë në Prato të akuzuar për veprën e grabitjes dhe rrëmbimit të rëndë.

Sipas mediave italiane dy autorët e arrestuar janë përkatësisht, 29  dhe 19 vjeç. Arrestimi i tyrë është bërë pasditen e së shtunës, ku dy të rinjtë shqiptarë sapo kishin kryer një grabitje brutale, brenda një apartamenti të një familje me kombësi kineze.

Forcat policore duke kaluar në një zonë periferike të Pratos, panë dy të rinj, që më vonë mësuan se janë shqiptarë, e që tërhiqnin një kasafortë të vjedhur, me synimin për ta marrë atë.

Ndërhyrja e menjëhershme e oficerëve të policisë bëri që një prej autorëve të bllokohej menjëherë, ndërsa i dyti u përpoq të përfitontenga situata dhe të arratisej duke përshkuar lumin Bisenzio, ndërsa u arrestua në anën tjetër të bregut nga një tjetër patrullë policore.

Sic bëjnë me dije autoritetet, të dy të dënuarit, duke përfituar nga errësira, më parë kishin arritur në ballkonin e shtëpisë, duke u ngjitur përgjatë një tubi gazi, më pas të hynin në apartament, ku kërcënuan një djalë adoleshent, duke e mbyllur ato në njërën nga dhomat.  Pas kësaj autorët kanë identifikuar praninë e një kasaforte, të cilën e grabitën, ku kanë marrë xhevahire  dhe para të familjes kineze.

Ndërsa në një deklaratë për mediat policia italiane kërkoi të bëhet kujdes në ditët e festave, pasi vjedhjet shtohen./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono