grabitja

KRUJ-MASA-POSTA-MBULIM-ABCM5T1.mpg_snapshot_00.32-1280x720.jpg
ent ela12:01 | 10/11/2019

Pesë të arrestuarit për grabitjen e  13 milionë lekëve në Postën e Krujës u lanë në burg. Gjykata vendosi arrest me burg për Mark Caka, Gazmir Saka, Hysen Kica, Bujar Tafa dhe Andi Rexhepi (Paturri), kurse roja Besnik Parruca, i prangosur pas grabitjes akuzohet për shpërdorim detyre u la i lirë.

Hajdutët mëngjesin e së hënës duke përtuar edhe nga ikja e  dritave në Krujë arritën të grabisnin postën.

Gjatë kontrollit të banesave dhe makinave që lëviznin është sekuestruar një sasi lekësh që u grabitën, makina të vjedhura, një pistoletë dhe sende të tjera, që i përdornin për hapjen e kasafortave. Shuma që është grabitur në postën e Krujës është 13 mln lekë dhe 1500 euro. /abcnews.al

Ozil.jpg
Veronik Istrefaj19:13 | 08/11/2019

Me plot 10 vite burg është dënuar Ashley Smith, një nga agresorët që sulmoi dy futbollistët e Arsenalit, Sead Kolasinac dhe Mesut Ozil. Smith është njohur sot me dënimin e rëndë nga Gjykata, me akuzën tentativë grabitje. Smith ka marrë dënimin maksimal, ndërsa agresori tjetër, Jordan Northover, që ishte shoferi i motoçikletës, do të mësojë brenda disa orëve dënimin përfundimtar.

NGJARJA E KORRIKUT – E gjithë ngjarja ndodhi përpara shtëpisë së Kolasinac. Ozil kishte ndaluar aty të takonte mbrojtësin boshnjak dhe në atë moment dy persona kanë tentuar ta sulmojnë. Mesfushori ka hyrë në mjet, kurse lojtari tjetër i Arsenal është përplasur me grabitësit.

Më pas ai ka hipur në makinë dhe janë larguar nga vendngjarja. Historia nuk u mbyll me kaq, pasi lojtarët e “Topçinjve” janë ndjekur me motor. Ata kanë goditur makinën me mjete të forta dhe pas 15 minutash Ozil ka ndaluar makinën pranë një restoranti turk, ku është mbrojtur nga stafi. Ngjarja më pas është raportuar në polici dhe vijuan hetimet. /abcnews.al

77-1.jpg
in a18:41 | 08/11/2019

Grabitja e ndodhur më 12 gusht në institutin “La Vigile” ku u morën 400 mijë euro plaçka, ka sjellë arrestimin e një tjetër të dyshuari. 23-vjeçari shqiptar është arrestuar nga policia italiane. Pas arrestimit të tre grabiitësve, hetimet ishin të përqëndruara tek një person i katërt që u finalizua me arrestimin e shqiptarit, pasi ishte kapur nga kamerat e rrugës “Pietra Ligure” dhe “Loano”.

Nga hetimet u gjendën detaje të tjera, pas përgjimeve telefonike. Policia në një mision të kordinuar arriti të identifikonte shqiptarin.

Mëngjesin e sotëm një ekip policësh, realizuan arrestimin e të riut i cili ishte strehuar në Sestri Ponente. I arrestuari u dërgua në Xhenova Marassi, ku edhe u vu në dispozicion të autoritetit gjygjësor. Gjatë një kontrolli të detajuar në afërsi të shtëpisë së tij, u gjet një pako celofani e zezë që përmbante disa pako kartëmonedhash në emërtime 50 dhe 1000 euro me një shumë totale prej 120,000. Në të njëjtën kohë, karabinierët realizuan hetime specifike që kishin për qëllim rikuperimin e sendeve të vjedhura, veçanërisht përmes një ekzaminimi të përpiktë të gjurmëve GPS të marra gjatë hetimeve. I arrestuari u dërgua në burgun e Xhenova Marassi dhe u vu në dispozicion të autoritetit gjyqësor./abcnews.al

parate-e-grabitura-ne-kruje.mp4_snapshot_00.05-1280x720.jpg
ent ela17:46 | 07/11/2019

Policia ka zbardhur dhe dokumentuar me prova ligjore vjedhjen e filialit të postës shqiptare në Krujë. Operacioni policor i koduar “Filiali” goditi një grup të strukturuar kriminal në fushën e vjedhjes së pronës me armë.

Policia ndaloi tre pjesëtarë të grupit të strukturuar kriminal, me aktivitet të theksuar kriminal në fushën e krimeve ndaj personit e pronës dhe në fushën e narkotikëve, ndërsa dy të tjerë janë ndaluar për  moskallëzim krimi.

Gjithashtu janë sekuestruar lekët e vjedhura në postë, 3 armë zjarri me silenciatorë, minë me telekomandë, dy automjete e prova të tjera të vlefshme që shërbejnë për hetimin.

Njoftimi i Policisë

Më datë 04.11.2019, rreth orës 03:00 të mëngjesit, persona të paidentifikuar dhe nën kërcënimin e armëve vodhën një sasi të konsiderueshme parash që ndodheshin në kasafortën e filialit të postës shqiptare, në Krujë.

Menjëherë pas ngjarjes, Drejtoria Vendore e Policisë Durrës ngriti një grup të posaçëm hetimor, nën drejtimin e Prokurorisë së Rrethit Krujë për zbardhjen e kësaj ngjarjeje.

Strukturat e Drejtorisë Vendore të Policisë Durrës finalizuan me sukses operacionin policor të koduar “Filiali”, në kuadër të të cilit u bë zbardhja dhe dokumentimi me prova ligjore i kësaj  ngjarjeje.

Pas një pune intensive operative gjurmuese, të bërë nga strukturat e Departamentit të Policisë Kriminale, në bashkëpunim me Drejtorinë e Policisë Durrës dhe Komisariatin e Policisë Krujë, si dhe mbi bazën e informacioneve të grumbulluara dhe analizimit të tyre, Policia zhvilloi kontroll në disa banesa në Krujë dhe në Sanxhak, Laç.

Si rezultat i kontrolleve u gjetën dhe u sekuestruan në cilësinë e provës materiale dy automjete të vjedhura, konkretisht një automjet Range Rover dhe një Benz 320, të përdorur nga autorët për realizimin e grabitjes.

Gjithashtu, po gjatë kontrolleve të ambienteve dhe banesave u gjetën dhe u sekuestruan në cilësinë e provës materiale një shumë e konsiderueshme lekësh, e vjedhur në filialin e postës, tre armë zjarri me tre silenciatorë, konkretisht një pistoletë, një pushkë dhe një kallashnikov, municion luftarak, një minë me telekomandë me celular, disa targa automjetesh të vjedhura dhe sende të tjera të vlefshme për hetimin.

Nga tërësia e veprimeve të kryera rezultoi se shtetasit Gazmir Saka, 32 vjeç, Andi Rexhepi, 30 vjeç dhe Mark Caka, 33 vjeç, të tre banues në Krujë, në bashkëpunim me njëri-tjetrin dhe me persona të tjerë, nën kërcënimin e armëve kanë vjedhur kasafortën e filialit të postës shqiptare në Krujë.

Falë veprime të shpejta të strukturave të Drejtorisë Vendore të Policisë Durrës dhe Krujë, në bashkëpunim me Komisariatin e Policisë Kurbin dhe FNSH, u bë e mundur kapja dhe ndalimi i tyre, si grup i strukturuar kriminal me veprimtari në fushën e vjedhjes së pronës me armë e dhunë, shkatërrimit të pronës me eksploziv, në fushën e krimeve ndaj personit, si dhe në fushën e narkotikëve.

  1. Shtetasi Gazmir Saka është person me precedent kriminal në fushën e vjedhjes me armë të pronës dhe në fushën e narkotikëve. Theksojmë se shuma e parave të grabitura u gjet gjatë operacionit, në banesën e këtij shtetasi.
  2. Shtetasi Andi Rexhepi, i njohur me pseudonimin “Rrem Paturri” është person me precedent të theksuar kriminal në fushën e krimeve ndaj personit e pronës dhe armëmbajtjes pa leje.

Nga tërësia e veprimeve të kryera rezulton se këta shtetas janë autorë edhe të disa vjedhjeve të tjera të ndodhura në Durrës dhe në Gjirin e Lalzit, konkretisht autorë të vjedhjes së Benz-it 320, të sekuestruar gjatë operacionit të sotëm, autorë të vjedhjes së dy automjeteve Range Rover, njëri prej të cilëve u sekuestrua po gjatë operacionit të sotëm, si dhe vjedhjes së një supermarketi, vjedhje për të cilën autorët kanë përdorur Range Roveri-n e sekuestruar.

Po nga të dhënat që disponon Policia , këta persona janë autorë të dyshuar të një sërë grabitjesh me dhunë dhe me armë në Kavajë, Durrës, Vorë, Kamzë, Laç e Mirditë.

Në kuadër të veprimeve për zbardhjen e ngjarjes, gjatë operacionit të sotëm u bë ndalimi edhe i dy shtetasve të tjerë, për moskallëzim krimi, konkretisht: B. T. dhe A. L., roje në magazinën ku u gjetën mjetet dhe armët e përdorura për kryerjen e grabitjeve.

Dy ditë më parë u bë arrestimi në flagrancë i rojës private të filialit të postës, shtetasi B. P. dhe është shpallur në kërkim specialisti i sallës SHPSF.

Nga grupi hetimor vijon puna për identifikimin dhe kapjen e personave të tjerë, pjesëtarë të këtij grupi, të përfshirë në veprimtaritë  kriminale.

Departamenti i Policisë Kriminale, në bashkëpunim të ngushtë me Drejtorinë Vendore të Policisë Durrës dhe Prokurorinë pranë Gjykatës së Shkallës së Parë Krujë, vazhdon hetimin për zbardhjen dhe dokumentimin e vjedhjeve të tjera, të kryera nga ky grup i strukturuar kriminal.

Policia e Shtetit siguron qytetarët se është tërësisht e vendosur për të luftuar pa kompromis  krimin  dhe fton qytetarët që të denoncojnë në Komisariatin Dixhital dhe në 112 çdo rast të paligjshmërisë, duke u garantuar anonimat të plotë dhe reagim të menjëhershëm dhe të paanshëm. /abcnews.al

kruja.jpg
ger ta16:31 | 07/11/2019

Arrestohen autorët e dyshuar të grabitjes së parave në postën e Krujës. Policia vuri në pranga 6 persona ku në krye të grupit është Andi Paturri, i akuzuar për shumë vjedhje me armë ne greqi dhe Shqiperi. Grupi hetimorë gjeti, para, armë zjarri me silenciator, dhe një automjet të vjedhur në Laç.

Pak ditë nga grabitja e 13 milion lekëve në postën e Krujës, në pranga të policisë përfunduan 6 persona dhe dy të tjerë vijojnë të jenë në kërkim.

Kreu i grupit kriminal sipas uniformave blu, është Andi Paturri me mbiemër të ndryshuar në Rexhepi banues në Burizan Krujë, i skeduar për disa vjedhje me armë në Greqi dhe Shqipëri.

Andi Paturri bashkë me Mark Caka, Gazmir Saka, Hysen Kica dhe Bujar Tafa kishin planifikuar vjedhjen e postëts së Krujës rreth një muaj më parë.

Dyshimet janë se grabitësit u informuan për mbërritjen e parave nga Besnik Parruca, roje në postën e Krujës, i cili u prangosur mënjëherë pas ngjarjes për “shpërdorim detyre”. 

Autorët dyshohet se para se të kryenin grabitjen fikën dritat në institucionin e Postës, për të nxjerrë jashtë loje sistemin e kamerave të sigurisë. Grabitësit u larguan më një automjet frigoriferik që rezultoi i vjedhur në Laç nga Bujar Tafa.

Ndërkohë, në një banesë në Krujë policia gjeti një pjesë të parave dhe monedha të cilët dyshohet se u grabitën në kasafortën e postës. Gjithashtu përveç lekëve u sekuestrua një pistoletë bashkë me silenciator.

Arma e zjarrit u dërgua në laborator për eskpertizë për të provuar nëse është përdorur në ndonjë ngjarje kriminale që ka mbetur pa autor. Arrestimet u bënë nga Forcat e Operacionale Speciale dhe FNSH për shkak të rrezikshmërisë së lartë shoqërore që kanë personat e ndaluar.

I pari që  ra në pranga ishte Andi Paturri. Atij iu gjetën gjurmë gishërinjsh te kasaforta e postës. Paturri ishte arratisur nga një burg i sigurisë së lartë në Greqi ne 2016 ku akuzohej për grabitje banesash me armë të VIP-ave në Athinë dhe të automjeteve të shrenjta.

Më pas Andi Paturri aktivitetin kriminal e ka ushtruar në Shqipëri. Ai u kthye në tmerrin e banorëve të Gjirit të Lalzit, me vjedhje të shumta vilash e sendesh me vlerë.

Dyshimet e grupit hetimor janë se Andi Paturri (Rexhepi) bashkë më grupin e tij, të kenë qënë autorë edhe në grabitjen e disa bankomateve në fillim të janarit të këtij viti në Tiranë, Vorë dhe Kamëz./abcnews.al

 

 

andirexhepi-1280x720.jpg
nev ila14:06 | 07/11/2019

Policia arrestoi katër nga gjashtë persona në total për grabitjen e 13 milion lekëve në postën e Krujës. Mësohet se kreu i bandës që kreu grabitjen është Andi Rexhepi (Paturri).

Burimet për Abc News thanë se, e njëjta bandë dyshohet se, ka kryer grabitjen e disa bankomateve në zonën mes Vorës, Fushë Krujës dhe Krujës gjatë muajve të fundit.

Dy ditë më parë u njoftua se është grabitur posta e Krujës, nga ku është marrë një sasi e konsiderueshme lekësh.

Foto e Andi Rexhepit kur u arrestua ne Greqi

Autorët kanë patur informacion të sigurt, që besohet se ka ardhur nga punonjës të postës, pasi në zyrën e saj gjendeshin dy kasaforta, ndërkohë që u grabit vetëm ajo kasafortë, e cila kishte në brendësi të saj, sasinë e parave.

Kush është Andi Rexhepi?

Andi Rexhepi ose Poturri, ka qenë i dënuar në Greqi, për grabitjen e shtëpive të këngëtarëve të famshëm si Nikos Vertis apo Toni Mavridis. Po ashtu, sipas autoriteteve greke, Rexhepi është arratisur nga burgu i Tiryns në mars të 2016, në të cilin thuhej se ishte një nga më të tmerrshmit aty.

Më tej, po sipas autoriteteve greke, ai akuzohet se ka aksidentuar për vdekje nëjë person në Shqipëri.

Në shtetin grek, Andi Rexhepin (Poturri) ishte akuzuar për vepra të rënda penale, si ajo e vrasjes së mbetur në tentativë, organizatë kriminale, zjarrvënie, grabitje me dhunë, armëmbajte pa leje dhe shkelje e paligjshme e kufirit.

Gjithsesi operacioni nga autoritetet shqiptare, për ngjarjen në Krujë, është në vijim e siper, dhe pritet që të ketë zhvillime të tjera./abcnews.al

posta.jpg
Autor E13:55 | 22/10/2019

Autorët e grabitjes së postës në Fushë-Bulqizë kanë patur një plan të qartë të veprimeve të tyre me qëllim realizimin e planit sa më shpejt duke mos u kapur nga policia.

Gazetari Neki Feta bën me dije për abcnews.al se fillimisht autorët kanë vëzhguar itinerarin e furgonit të postës që bënte transportin e parave nga Bulqiza në Njësinë Administrative Fushë-Bulqizë.

Pasi kanë mësuar oraret dhe sa persona e shoqëronin, autorët kanë filluar zbatimin e planit të tyre duke ndërhyrë në momentin që furgoni ka filluar lëniën e parave në postë.

Fillimisht autorët kanë qëlluar me armë në ajër dhe më pas kanë shqyer derën duke marrë të gjithë paratë që gjendeshin aty.

Mësohet se shume e grabitur është 460 mijë lekë dhe ishin para pensionesh që do t’u shpërndaheshin të moshuarëve të zonës.

Policia ka ngritur pika kontrolli në zonë, por nuk ka ende gjurmë të autorëve. /abcnews.al

posta-fushe-bulqize.jpg
nev ila12:06 | 22/10/2019

Policia ka dhënë detajet e para në lidhje me grabitjen e ndodhur ditën e sotme rreth orës 12 në Fushë bulqizë.

Bulqizë/Informacion paraprak

Rreth orës 12.10, Policia e Bulqizës ka marrë njoftim se një person i maskuar, dyshohet që nën kërcënimin e armës ka vjedhur zyrën e postës që shërben për shpërndarjen e pensioneve në njësinë administrative Fushë Bulqizë, një sasi lekësh.

Është ngritur grupi hetimor dhe po vijon puna për zbardhjen e dokumentimin e ngjarjes.

Janë ngritur pika kontrolli dhe vijon krehja e zonës për kapjen e autorit./abcnews.al

grabitja-korce.mp4_snapshot_00.13-1280x720.jpg
ent ela08:13 | 15/10/2019

Një çift të moshuarish u terrorizuan mbrëmë në Korçe nga 2 grabitës ende të paidentifikuar që hynë në banesën e tyre, të armatosur dhe të maskuar. Ngjarja ka ndodhur rreth orës 21,45 në  shtëpinë e Foni Rrapos, në lagjen 3 të qytetit. Pasi kanë ushtruar dhunë ndaj dy të moshuarve, që jetojnë të vetem, grabitësit kanë marrë një sasi parash dhe janë larguar me shpejtësi. Mësohet nga të dhënat e para se familjes i janë grabitur rreth 1 milionë leke të vjetra.

Dy të moshuarve u është dhëna ndihma e parë mjekësore. Grupi hetimor po punon për identifikimin dhe kapjen e autorëve te grabitjes.

Ndiqni dëshminë e dhënë nga i moshuari Foni Rrapo, që u dhunua nga grabitësit, bashkë me bashkëshorten në banesen e tyre. /abcnews.al

DURRES-GRABITJA-MBULIM_aBC-M2-T1.mpg_snapshot_00.02-1280x720.jpg
ent ela11:44 | 21/08/2019

Tre grabitës janë përleshur me pronarin e një shtëpie në fshatin Pjeshkë në Durrës. Ata ishin në ambjentet e brendshme, por i zoti i shtëpisë i ka pikasur është konfliktuar fizikisht.  Ai mori një plagë në këmbë dhe sipas policisë e ka marre gjatë përleshjes. Autorët ishin të armatosur njoftoi policia, por e kanë përdorur armën e zjarrit. “Grupi hetimor në bashkëpunim me Prokurorinë e Rrethit Gjyqësor Durrës po punojnë për identifikimin dhe kapjen e autorëve si dhe zbardhjen e plotë të ngjarjes”, thotë policia në një njoftim paraprak për ngjarjen.  Autorët janë të paidentifikuar nga policia, ndërkohë që pronari i shtëpisë është 48-vjeçari me inicialet F.M. 48 vjeç, i cili ndodhet në Spitalin Rajonal Durrës jashtë rrezikut për jetën. /ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono