grabitja

laze-1.jpg
ger ta15:31 | 22/01/2020

Biznesmeni Petrit Laze, i cili ra pre e grabitjes në banesën e tij pasi ka kaluar fazën kritike për jetën, duke dhënë edhe dëshminë e tij para oficerëvë të policisë gjyqësore për ngjarjen e rëndë. 61-vjeçari u qëllua me një plumb në barkë nga dy agresorët dhe të njëjtën fat pati edhe gruaja e tij që u plagos në këmbë. Para grupit hetimor, mësohet se Laze ka dëshmuar se autorët i kanë drejtuar armën në kokë, duke i kërkuar paratë dhe çelsin e kafortës që ndodhet në katin e dytë.

“Dëgjova zhurmë te dera dhe dola për të parë. Pashë dy të rinj të gjatë të maskuar dhe me rroba të zeza. Njëri kishte pistolete në dorë ndërsa tjetri një armë tjetër më të gjatë. Më thane: -“duam lekët’! Ku e keni kasafortën? U përleshëm dhe më qëlluan. Pastaj qëlluan dhe Afërditën. Ne ulëritëm, kërkuam ndihmë dhe ata u larguan me vrap”.

Sipas dëshmisë së pronarit të furrës së bukës, grabitësit kanë pasur me vete edhe ngjitës natriban, duke tentuar ta lidhin, por situata doli nga kontrolli pasi ra edhe alarmi dhe në katin e dytë u afrua edhe punëtorët punishtes që ndodheshin në katin e parë.

Gurpi hetimor ka pyetur sëirsh bashkëshorten e biznesmenit, Afërdita Laze. Ajo ka thënë se autorët e kanë kapur vajzën e tyre nga flokët dhe e kanë larguar në dhomë.

“Petriti ndodhej në dhomë në gjumë dhe kur ka dëgjuar krismën e armës ka dalë me vrap. Autorët i kanë drejtuar armën, duke i kërkuar çelësin e kasafortës. Petriti u hodh nga dritarja i plagosur ka marrë një levë dhe është ngjitur në banesë, por autorët pasi kishin kontrolluar banesën u larguan pa mundur të marrin gjë”.

Ekspertët kundër vjedhjeve dyshojnë se grabitësit mund të jenë ndihmuar me informacione nga persona të besueshëm brenda familjes ose të afërm të fisit Laze. Kjo është hera e dytë gjatë 4 viteve të fundit që vila e familjes lazë që ndodhet në zonëne Alliasit është grabitur./abcnews.al

 

 

 

Real-Madrid-1-1280x998.jpg
Klejdi Kaimi13:53 | 22/01/2020

Sulmuesi i Real Madrid, Mariano Diaz, ka rënë pre e një grabitjeje ditën e djeshme. Lojtari i lindur në Barcelonë ishte në zonën e Calle Serrano në Madrid, ku ishte me të dashurën e tij në një dyqan luksoz. Pasi dolën nga dyqani, një person tentoi ia mori me forcë çantat nga dora Diazit.

Personi pasi ia arriti t’ia marrë, kaloi në anën tjetër të rrugësn ku e dashura e Diaz filloi të bërtiste. Në atë moment dy kalimtarë të çastit fillojnë ta ndjekin të dyshuarin dhe ai nga presioni i hodhi çantat në rrugë, por arriti t’ia mbathte.

Pas incidentit, një nga punonjësit e dyqanit deklaroi se personat që sulmuan lojtarin madrilen po e monitoronin 26-vjeçarin që në momentin kur ai kishte hyrë në dyqan. Mariano i rimori çantat edhe pse policia ende nuk kishte mbërritur në vendin e ngjarjes. /abcnews.al

 

Screenshot_2-9.png
So Nila12:16 | 20/01/2020

Detaje të reja kanë dalë në dritë në lidhje me grabitjen që ka ndodhur mbrëmjen e së dielës në Allias.

Informacionet bëjnë me dije se autorët kanë hyrë nga pjesa e pasme e vilës dykatëshe e familjes Laze.

Mësohet se ka qenë vajza e çiftit 17 vjeç, ajo që e ka zbuluar praninë e grabitësve në banesë.

Në dëshminë e saj Afërdita Laze thekson se bashkëshorti i saj është ndeshur me grabitësit në korridorin e shtëpisë kur ka dëgjuar të bërtiturat e vajzës.

“Ishim në dhomë dhe dëgjuam zhurmë, dëgjuam vajzën që bërtiti kush është aty. Petriti u ndesh në korridor me dy persona të maskuar. Dukeshin të rinj ishin të maskuar dhe vetëm bërtisnin lekët lekët.  Grabitësit i drejtuan pistoleten Petritit. Ai tentoi ti nxirrte jashtë nga shtëpi, por ata e qëlluan, kur u afrova edhe mua më qëlluan dhe u larguan me vrap,” ka thënë Afërdita.

Grabitësit përveç se e kanë qëlluar me armë zjarri të zotin e shtëpisë Petrit Laze e kënë goditur edhe me sende të forta.

Ndërsa Afërdira Laze ka marrë vetem një plumb në këmbë.

Dyshohet se grabitësit kanë pasur informacion të brendshëm, pasi çdo të dielë bëhej mbledhja e xhirove javorë të dyqane dhe një pjesë të parave dërgoheshin në banesën e Petritit./abcnews.al

vrasja-allias.jpg
nev ila22:42 | 19/01/2020

Dy persona kanë mbetur të plagosur me armë zjarri në kryeqytet.

ABC News mëson se ngjarja ka ndodhur në rrugën “Njazi Meka”, ku të shtënat me armë janë dëgjuar nga të gjithë banorët e zonës.

Siç raporton gazetari Andi Qosja, aktualisht është raportuar se, 2 personat që kanë mbetur të plagosur,  janë një çift bashkëshortësh, Petrit Laze 60 vjeç dhe Aferdita Laze. Çifti i bashkëshortëve është transportuar menjëherë drejt spitalit të traumës, për të marrë ndihmën mjekësore.

Janë ngritur pika të shumta kontrolli, por që policia ende nuk ka rënë në gjurmët e autorit/ve të mundshëm.

Gazetari Andi Qosja ka njoftuar se janë sekuestruar kamerat e sigurisë në të gjithë zonën ku ka ndodhur ngjarja. Sipas policisë, dyshohet se autorët kanë dashur të grabisin banesën.

Ndërkohë që kjo e fundit, ka dhënë detajet e para për ngjarjen:

“Tiranë/Informacion paraprak

Rreth orës 21:40 në rrugën “Njazi Meka”, 2 persona ende të paidentifikuar kanë hyrë në banesën e çiftit të bashkëshortëve P.L dhe A.L.

Në momentin që janë konstatuar nga çifti i bashkëshortëve njëri prej personave ka qëlluar me armë zjarri në drejtim të çiftit.

Si pasojë janë plagosur çifti i bashkëshortëve P. L dhe A. L, të cilët u dërguan në spital për ndihmë mjeksore.

Policia ka shkuar në vendngjarje dhe ka ngritur pika kontrolli.

Vijon krehja e zonës me qëllim identifikimin dhe kapjen e autorëve.

Gupi hetimor vijon punën pēr sqarimin e mëtejshëm të rrethanave të ngjarjes”./abcnews.al

muzeu-dresden-1280x695.jpg
nev ila23:41 | 25/11/2019

Një grabitje e jashtëzakonshme ka ndodhur mëngjesin e të hënës në kështjellën-muze të Dresdenit në Gjermani. Bizhuteri dhe thesare të tjera me një vlerë mbi 1 milionë euro janë grabitur në Muzeun Grin Volt, e konsideruar si grabitja më e madhe e një muzeu në historinë e pas luftës së dytë botërore.

Diamante me vlerë të paçmueshme janë vjedhur sipas policisë, e cila ende është në kërkim të grabitësve. Kamerat se sigurisë tregojnë se autorët kanë hyrë përmes një dritareje duke thyer xhamin e kanë dalë po që andej.

Në muze gjendeshin 4 mijë objekte të cmuara, por grabitësit kanë marrë vetëm bizhuteritë antike, duke lënë pa prekur objekte të tjera me vlerë por që ishin në përmasa të mëdha, si vazo e piktura.

Vjedhja ndodhi herët në mëngjes pas një zjarri në sistemin elektrik, që c’aktivizoi alarmin e muzeut por edhe dritat e rrugës, sipas autoriteteve që po ndërtojnë skenarin e grabitjes.

Objektet e vjedhura ndodheshin në atë një ambient që quhet kasaforta jeshile.Sipas punonjësve të muzeut janë vjedhur tre gjerdanë të cmuar me diamantë, rubinë e smeraldë të shekullit të 18.

Sipas policisë dy zjarre të aktivizuara në qendër të qytetit mund të lidhen me përpjekjet e grabitësve për të humbur gjurmët gjatë arratisë së tyre. Muzeu mbante një nga koleksionet më të mëdha të bizhuterive të Europës.

Koleksioni ishte mbledhur në shekullin e 18-të nga August-i forti, udhëheqësi i Saksonisë që më vonë u bë mbret i Polonisë. Fatmirësisht grabitësit nuk kanë gjetur thesarin më të madh të këtij muzeu, atë që njihet si Diamanti i Dresdenit, 41 karatësh, pasi aktualisht i është huazuar Muzeut të Artit Metropolitan të Nju Jorkut.

Drejtori i muzeut Marion Akerman thotë se do jetë e pamundur që sendet e vjedhura të shiten në treg.

“Flasim për objekte që kanë një vlerë kulturore të pamatshme, thotë një punonjës. Ato janë pothuaj pasuri të trashëgimisë botërore. Nuk ka askund tjetër një koleksion të tillë bizhuterish as në sasi e as në cilësi”./abcnews.al

e-moshuaraaa.jpg
ger ta09:10 | 20/11/2019

Një grabitje si nëpër filma ka ndodhur mbrëmjen e kaluar në në një banesë në Fushë-Milot, ku autorët kanë marrë 300 mijë euro. Ngjarja ka ndodhur në banesën e Taf Shabani.  Në momentin e grabitjes në banesë ka qenë vetëm e zonja e shtëpisë.

Autorët i janë prezantuar kësaj të fundit si policë nga Tirana me pretedimim se duhet të bëjnë kontroll pasi djali i saj është arratisur nga burgu.

E moshuara tregon për Abc News se si ndodhi ngjarja.

Erdhën të tre dhe isha duke bërë një byrek. Ku e ke djalin? Hyri njëri, jemi prej Tiarane tha të ka dalë djali nga burgu ku e ke futur, e ke këtu? Tre persona pashë unë që këtu. Pastaj më morën mua, më futën nëpër dhoma dhe më thonin ku e ke futur djalin. I thashë për Zotin djali është në burg. Jo thanë, djali ka ikur, ku e ke futur. Ku e ke strehuar? Pastaj mbrapa hynë duke kërkuar andej, ku i ke armët më thonin se ka djali armë. Nuk e di i thashë ne jemi gra, i mbajnë burrat armët nuk i mbajnë ne. I kallëzova mbrapa kalajmave dhe erdhën. Ne kujtuam se ishte policia ata kishin qenë duke vjedhur. Sharruan lekët që kanë qenë atje brenda në kasafortë. Kanë marrë edhe plaçkat e nuses. Kasafortën e kanë hequr nga muri dhe e kanë marrë. Kanë marrë lektë e tokës, kanë ditur sikur janë lekë dhe i kanë marrë të gjitha, i kanë bërë grumbull dhe i kanë marrë me vete”, tha zonja e shtëpisë.

Ndërsa Taf Shabanit i zoti i shtëpisë tregon se vlera e parave të grabitura është mbi 300 mijë euro.

300 e ca mijë euro. Kanë që në ‘90 fëmijët në Itali”, tha ai.

rinas-1-1280x767.jpg
in a19:21 | 19/11/2019

Policia e Tiranës zbuloi dy shuma të tjera parash të cilat dyshohet se u grabitën në prill të këtij viti në Rinas dhe i përkasin një banke të nivelit të dytë. Shuma prej 5 mijë euro i është gjetur Elton Piklit, i cili është një prej të arrestuarve si autor i dyshuar i grabitjes. Ndërkohë, një shumë tjetër i është gjetur babait të Renaldo Sulës, edhe ky i arrestuar për grabitjen. Paratë e gjetura kanë rezultuar se i përkasin një prej bankave të nivelit të dytë. Gjykata ka pranuar kërkesën e Prokurorisë për marrjen e kampionit për të bërë analizën e ADN-së për Elton Piklin dhe Oltion Veselin. Prokuroria për Krime të Rënda ka kërkuar zgjatjen e afateve hetimore edhe me 3 muaj, kërkesë kjo që është kundërshtuar nga dy prej të arrestuarve Oltion Veseli dhe Elton Pikli. Gjykata e Krimeve të Rënda e ka shtyrë seancën për një datë tjetër, për shkak të mungesës së Avokatit të Piklit.

Me 9 prill 2019 ne Aeroportin e Rinasit u grabitën rreth 6 milion euro të cilat do të transportoheshin jashtë vendit. Grabitësit arritën të çanin perimetrin e jashtëm të sigurisë në aeroport dhe morën paratë në pistën e uljes së avionëve me një fugon. Pas grabitjes, gjatë shkëmbimit të zjarrit me policinë mbeti i vrarë Admir Murataj, i cili pretendohej se ishte edhe koka e bandës. Ndërkohë të arrestuar janë gjashtë persona të dyshuar: Oltion Veseli, Alkond Bengasi, Renaldo Sula, Elton Pikli, Saimir Cela dhe shtetasi nga Kosova, Ragip Hajdini. Alkond Bengasi është bërë dëshmitar i drejtësisë dhe ka dhënë dëshmi që i shërbejnë zbardhjes së supergrabitjes. Në kërkim për grabitjen e rreth 6 milion eurove në Rinas janë vëllezërit Eldi dhe Klement Çala dhe Talo Çela./abcnews.al

KRUJ-MASA-POSTA-MBULIM-ABCM5T1.mpg_snapshot_00.32-1280x720.jpg
ent ela12:01 | 10/11/2019

Pesë të arrestuarit për grabitjen e  13 milionë lekëve në Postën e Krujës u lanë në burg. Gjykata vendosi arrest me burg për Mark Caka, Gazmir Saka, Hysen Kica, Bujar Tafa dhe Andi Rexhepi (Paturri), kurse roja Besnik Parruca, i prangosur pas grabitjes akuzohet për shpërdorim detyre u la i lirë.

Hajdutët mëngjesin e së hënës duke përtuar edhe nga ikja e  dritave në Krujë arritën të grabisnin postën.

Gjatë kontrollit të banesave dhe makinave që lëviznin është sekuestruar një sasi lekësh që u grabitën, makina të vjedhura, një pistoletë dhe sende të tjera, që i përdornin për hapjen e kasafortave. Shuma që është grabitur në postën e Krujës është 13 mln lekë dhe 1500 euro. /abcnews.al

Ozil.jpg
Veronik Istrefaj19:13 | 08/11/2019

Me plot 10 vite burg është dënuar Ashley Smith, një nga agresorët që sulmoi dy futbollistët e Arsenalit, Sead Kolasinac dhe Mesut Ozil. Smith është njohur sot me dënimin e rëndë nga Gjykata, me akuzën tentativë grabitje. Smith ka marrë dënimin maksimal, ndërsa agresori tjetër, Jordan Northover, që ishte shoferi i motoçikletës, do të mësojë brenda disa orëve dënimin përfundimtar.

NGJARJA E KORRIKUT – E gjithë ngjarja ndodhi përpara shtëpisë së Kolasinac. Ozil kishte ndaluar aty të takonte mbrojtësin boshnjak dhe në atë moment dy persona kanë tentuar ta sulmojnë. Mesfushori ka hyrë në mjet, kurse lojtari tjetër i Arsenal është përplasur me grabitësit.

Më pas ai ka hipur në makinë dhe janë larguar nga vendngjarja. Historia nuk u mbyll me kaq, pasi lojtarët e “Topçinjve” janë ndjekur me motor. Ata kanë goditur makinën me mjete të forta dhe pas 15 minutash Ozil ka ndaluar makinën pranë një restoranti turk, ku është mbrojtur nga stafi. Ngjarja më pas është raportuar në polici dhe vijuan hetimet. /abcnews.al

77-1.jpg
in a18:41 | 08/11/2019

Grabitja e ndodhur më 12 gusht në institutin “La Vigile” ku u morën 400 mijë euro plaçka, ka sjellë arrestimin e një tjetër të dyshuari. 23-vjeçari shqiptar është arrestuar nga policia italiane. Pas arrestimit të tre grabiitësve, hetimet ishin të përqëndruara tek një person i katërt që u finalizua me arrestimin e shqiptarit, pasi ishte kapur nga kamerat e rrugës “Pietra Ligure” dhe “Loano”.

Nga hetimet u gjendën detaje të tjera, pas përgjimeve telefonike. Policia në një mision të kordinuar arriti të identifikonte shqiptarin.

Mëngjesin e sotëm një ekip policësh, realizuan arrestimin e të riut i cili ishte strehuar në Sestri Ponente. I arrestuari u dërgua në Xhenova Marassi, ku edhe u vu në dispozicion të autoritetit gjygjësor. Gjatë një kontrolli të detajuar në afërsi të shtëpisë së tij, u gjet një pako celofani e zezë që përmbante disa pako kartëmonedhash në emërtime 50 dhe 1000 euro me një shumë totale prej 120,000. Në të njëjtën kohë, karabinierët realizuan hetime specifike që kishin për qëllim rikuperimin e sendeve të vjedhura, veçanërisht përmes një ekzaminimi të përpiktë të gjurmëve GPS të marra gjatë hetimeve. I arrestuari u dërgua në burgun e Xhenova Marassi dhe u vu në dispozicion të autoritetit gjyqësor./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono