grabitja rinas

rinass-1.jpg
ger ta12:52 | 21/11/2019

Gjykata e Krimeve të Rënda ka vendosur që të lërë në burg 6 personat e arrestuar për grabitjen e rreth 6 milion eurove ne aeroportin e Rinasit, më 9 prill.

Te arrestuar janë Oltion Veseli, Elton Pikli Renaldo, Sula Saimit Çela, shtetasi nga kosova Ragip Hajdini dhe Alkond Bengasi i cili është bërë është bërë dëshmitar i drejtësisë dhe ka dhënë dëshmi që i shërbejnë zbardhjes së supergrabitjes.

Sakaq, në seancën e sotme trupa gjykuese ka rrëzuar ankimin e Oltion Veselit dhe Elton Piklit, të arrestuar për grabitjen  e Rinasit për zgjatjen e afateve hetimore me tre muaj nga ana e Prokurorise për Krime të Rënda.

Gazetarja Glidona Daci bën të ditur për abcnews.al se është urdhëruar një ditë tjetër marrja me detyrim e kampionit biologjik për ADN-në për Veselin.

Pa ditë më parë policia zbuloi dy shuma të tjera parash që dyshohet se u grabitën në prill të këtij viti dhe i përkasin një banke të nivelit të dytë. Shuma prej 5 mijë euro iu gjet Elton Piklit. Ndërkohë, një shumë tjetër i është gjetur babait të Renaldo Sulës, edhe ky i arrestuar për grabitjen.

Kujtojumë se më 9 prill 2019 ne Aeroportin e Rinasit u grabitën rreth 6 milion euro të cilat do të transportoheshin jashtë vendit. Grabitësit arritën të çanin perimetrin e jashtëm të sigurisë në aeroport dhe morën paratë në pistën e uljes së avionëve me një fugon. Pas grabitjes, gjatë shkëmbimit të zjarrit me policinë mbeti i vrarë Admir Murataj, i cili pretendohej se ishte edhe koka e bandës. Në kërkim për grabitjen e rreth 6 milion eurove në Rinas janë edhe vëllezërit Eldi dhe Klement Çala dhe Talo Çela./abcnews.al

 

KRONIKE-GRABITJA-E-RINASIT-ABC-M4-T1.mpg_snapshot_00.39-1280x720.jpg
ent ela14:43 | 24/04/2019

Tre të arrestuarit për grabitjen në Rinasit do të qëndrojnë në burg. Gjykata e Krimeve të Rënda e përfaqësuar nga Bibë Ndreca ka caktuar një masë shtrënguese për Renaldo Sulen, Oltion Veselin dhe Sajmir Çalën. Avokatët e të akuzuarve i kërkojnë gjykatës të mos njoh dëshminë e Alkond Bengasit.

Pas rreth 3 orësh diskutime Gjykata e Krimeve të Rënda ka caktuar masën e sigurisë për 3 të arrestuarit e tjerë për grabitjen e Rinasit. Renaldo Sula, Oltion Veseli dhe Sajmir Çela do të qëndrojnë në qeli deri në përfundim të hetimeve. Avokatët mbrojtës të tre të akuzuarve kanë shprehur para gjykatës se nuk do e njohin dëshminë e Alkond Bengasit, pasi nuk është marrë në prani të një avokati të zgjedhur prej tij, por nga një avokat që i është caktuar kryesisht nga gjykata.

Prokurorët e çështjes Arenc Cela, Besnik Muçi dhe Klodian Braho kanë mbledhur prova nga këqyrja e kamerave të sigurisë ku ka lëvizur furgoni me mbishkrimin “Hetim Tatimor”. Renaldo Sula Oltion Veseli dhe Sajmir Çala kanë mohuar akuzat dhe janë shprehur se nuk kanë lidhje ke ngjarjen.  Seanca u zhvillua me dyer të mbyllura për shkak të sekretit hetimor gjatë zhvillimit të procesit pati një ndërprerje duke qenë se avokatët kërkuan kohë që të njihen me aktet e dosjes. Gjatë deklarimeve që ka dhënë Alkond Bengasi është shprehur se nuk ka asnjë dijeni në lidhje me vendin se ku gjenden lekët e grabitura. Ndërsa është shprehur se ka takuar tek servisi edhe Oltin.

Identifikimi i të dyshuarve është bërë nga Bengasi i cili i ka njohur nëpërmjet fotove. Ndërkohë prokurori e Krimeve të Rënda ka administruar edhe një telefonatë mes kunatës së Klement Çalës dhe një tjetër familjareje të tij. Gratë kanë shprehur shqetësimin se personi që mund të ishte vrarë gjatë shkëmbimit të zjarrit me policinë mund të kishte qenë pikërisht Klementi por përgjigjja e ADN mbërritur nga Greqia saktësoi se viktimë ishte Admir Murataj. Pritet që ditën në vazhdim do të caktohet edhe masa e sigurisë për Elton Piklin./abcnews.al

KRONIKE-GRABITJA-E-RINASIT-ABC-M4-T1.mpg_snapshot_00.39-1280x720.jpg
ent ela15:01 | 22/04/2019

Katër të ndaluarit e parë për grabitjen ne Aeroportin e Rinasit do të njihen të Martën me akuzat e Prokurorisë së Krimeve të Rënda. Alkond Bengasi, Renaldo Sula, Oltian Veseli  dhe Saimir Çela janë të arresturit e parë për grabitjen e 6.8 milion eurove. Organi i akuzës kërkon të caktohet masa e sigurisë “arrest me burg.”

Prokuroria e Krimeve të Rënda kërkon masën e sigurisë “arrest me burg” dhe që të vlerësohet si i ligjshëm arrestimi i 4 personave të arrestuar për grabitjen e 9 Prillit në Aeroportin e Rinasit. Alkond Bengasi, Renaldo Sula, Oltian Veseli  dhe Saimir Çela janë të arresturit e parë për grabitjen e 6.8 milionë eurove. Gjyqtari Bibë Ndreca ditën e Martë në orën 12:30 do të vendosë për fatin e 4 të arrestuarve.

Organi i akuzës i përfaqësuar nga Arenc Çela, Besnik Muçi dhe Klodian Braho do të relatojnë para gjykatës të gjitha provat që kanë kundrejt 4 të dyshuarve. Burime nga organi i akuzës bëjnë me dije se provat kryesore janë përgjimet telefonike midis të pandehurve dhe nga këqyrja e qindra orëve të kamerave të sigurisë. Në seancën për caktim të masës së sigurisë do të zbardhet edhe roli që ka pasur secili nga të arrestuarit.

Oltian Veseli dyshohet se ka ndihmuar grabitësit e tjerë që të largohen nga vendi i ngjarjes me një tjetër makinë. Ndërsa pjesa tjetër kanë bërë modifikimin e furgonit më mbishkrimin “Hetim Tatimor”. Policia e Shtetit në bashkëpunim me Prokurorinë e Krimeve të Rënda kanë shoqëruar edhe dy vëllezërit e tjerë të Oltian Veselit, Ardit dhe Ermal Veselin. Vëllezërit do të hetohen edhe për pasurinë, nëse kanë apo jo burime të ligjshme për krijimin e saj.

Sipas burimeve nga organi i akuzës Ermal Veseli është pronar i një picerie në zonën e Fushë-Krujës e cila quhet , “Pizzeri Kupa Hallall”. Prokuroria e Krimeve të Rënda ka dyshime të forta se Oltian Veseli ka lidhje me Dash Kupën,  i cili është dënuar për vjedhejn e parave në vitin 2017.

ABC News u interesua edhe në Drejtorinë e Përgjithshme të Burgjeve nëse ndonjëri nga personat e dyshuar ka kontaktuar me Dash Kupën ose Aleksandër Muratajn që janë të dënuar për vjedhjen e 2017. Drejtoria e Burgjeve mohon që të dyshuarit e grabitjes të kenë pasur kontakte me këta persona që po vuajnë dënimin në burgun e sigurisë së lartë në kryeqytet.

Ndaj 4 të arrestuarëve rëndojnë akuzat e “Vjedhjes me armë të kryer në bashkëpunim” në kuadër të “Grupit të Strukturuar Kriminal”, “Mbajtjes pa leje e armëve dhe municioneve luftarake” “Vrasje e Punonjësve të Policisë “ e kryer në bashkëpunim e mbetur në tentativë. Prokuroria e Krimeve të Rënda dhe Policia e Shtetit po vijojnë aksionin për arrestimin e personave të tjerë, të cilët dyshohet të jenë identifikuar tashmë nga ana e institucioneve ligjzbatuese. /abcnews.al

urdhri-i-xhafajt.jpg
ad min17:40 | 11/04/2019

Grabitja për herë të dytë e parave në Rinas mund të ishte parandaluar. Kjo nëse policia do zbatonte një urdhër të ministrit të kohës Fatmir Xhafaj në Mars të 2018-s, që kërkonte shoqërimin e vlerave monetare gjatë transportit me forca policore.

Grabitja e parave brenda aeroportit “Nënë Tereza” mund të ishte parandaluar. Kjo mund të ndodhte nëse Policia e Shtetit do të kishte zbatuar urdhrin e Marsit të vitit 2018 të ish-ministrit të Brendshëm, Fatmir Xhafaj.

Ky urdhër parashikon “Ruajtjen dhe Sigurimin e Objekteve te Sektorit Bankar”, sigurimin dhe shoqërimin i vlerave monetare, materiale dhe sendeve të çmuara gjatë transportit.

Për transportin e vlerave monetare mbi shumën 900 e 50 milionë lekë, përveç masave të parashikuara ish-ministri Xhafaj urdhëronte shërbimin e sigurisë fizike dhe strukturat e policisë në territorin ku do të lëviztë eskorta të planifikonin dhe merrnin masa shtesë sigurie.

Për këtë çështje u pyet nga gazetarët dhe Sekretari i Përgjithshëm i Shoqatës së Bankave i cili dha këtë përgjigje.

“Kjo është sipas riskut. Shoqëritë e ruajtjes lajmërojnë policinë kur ka transport të vlerave monetare dhe nëse ka shumë të konsiderueshme dhe gjëra që bankat kërkojnë situata që paraqet rrezikshmëri është me risk të lartë mund të kërkojnë shoqërim edhe nga, por jo domosdoshmërisht duhet të jetë policia që t’i shoqërojë”, tha Spiro Brumbulli.

Urdhri parashikonte gjithashtu masa shtesë sigurie gjatë transportit të thasëve me valutë si përdorimi i GPS-it, bojës ngjyrosëse me kod për çdo bankë,  kamerat e regjistrimit apo radiot e komunikimit etj. Një pikë tjetër kjo që nuk u zbatua  më 9 Prill.

Në kushtet kur paratë e tre bankave me destinacion Austrinë ranë në duart e grabitësve e urdhri i një ministri u shkel, kush duhet teë mbajë përgjegjësi për vjedhjen në sheshin që duhet të jetë më i sigurti në vend?/abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono