grabitësi

grabitja-fushe-kruje.jpg
ent ela14:10 | 22/04/2019

Personi që shihni në foto tentoi që t’i grabiste varësen një gruaje në Fushë Krujë, por u arrestua në flagrancë nga dy policë të qarkullimit. Ngjarja ka ndodhur pranë urës së Fushë Krujës.

Personi i arrestuar sapo i mori varësen gruas, ka tentuar të largohet, por dy punonjës të qarkullimit në këtë rrugë arritën që ta ndalonin hajdutin.

Më pas grabitësi nga Kurbiniu dërgua në stacionin policor të Fushë Krujës dhe procedurat e mëtejshme do të ndiqen nga efektivë të tjerë. /abcnews.al

SULMON-POLICET-ELBASAN-1280x720.jpg
ent ela10:34 | 02/07/2018

Një grabitës ka plagosur me gërsherë tre punonjës policie në Elbasan. Kjo ndodhi pasi autori kishte grabitur një dyqan dhe policia e ndoqi për ta arrestuar.

Një grabites që mendohet të jetë i sëmurë mendor sulmoi me gërshërë dhe la të plagosur tre punonjes të policisë së Elbasanit.

Autori është Nerfan Halimllari, i cili më pas u arrestua dhe u dërgua në paraburgimin e komisariatit.

Ngjarja në lagjen “5 Maji” ndodhi kur Halimllari hyri në një dyqan ushqimor me pronar Irfan Halimllari, rreth 50 vjeç.

Pasi e kërcënoi i mori xhiron e dyqanit, rreth 20 mijë lekë të reja e më pas është larguar.

Me të marrë njoftimin, një Patrullë e Policisë së Elbasanit shkoi në vendngjarje dhe konstatoi autorin me gërshërë në dorë.

I ndodhur në këto kushte, Halimllari tentoi fillimisht të dëmtojë veten. Punonjësit e Patrullës ndërhynë për ta parandaluar dhe gjatë neutralizimit të autorit, u plagosen tre punonjësit e Policisë. Ata morën ndihmën mjekësore në spital.

Policia ndaloi  autorin e ngjarjes dhe po punon për zbardhjen e plotë të saj./abcnews.al

FIER-MASA-MBULIM-1280x720.jpg
ent ela09:53 | 26/03/2018

Gjykata caktoi masën e sigurisë për grabitësin e plagosur gjatë përplasjes me armë zjarri me policinë në Fier. Masa e sigurisë për Arben Muçën, banor i Ndroqit të Tiranës, dhe me origjinë nga Puka, u dha në spital, atu ku po merr ndihmën mjekësore.  33 vjeçari është njëri nga katër grabitësit që sulmuan për ta grabitur një familje në Fier.

Nga kjo dhomë spitali ku qëndroi tri ditë Arben Muço do të shkojë drejt e në burg. Por përpara kësaj ekspozon edhe njëherë tipin që është prapa hekurave. Kërkon nëpërmjet sharjeve  të largohen kamerat.

Nuk ka avokat ndaj gjykata i ka caktuar mbrojtje kryesisht. As familjarët nuk janë parë në spital ku 33 vjeçari po qëndron prej 3 ditësh.

Në kushtet shëndetësore ku gjendet Muço nuk është paraqitur në seancë, por është kontaktuar nga avokati mbrojtës, i cili më pas e përfaqesoi në seancën për masën e sigurisë.

Gjyjata vendosi brenda pak minutash masën e sigurisë arrest me burg pa afat, ashtu sikurse kërkoi Prokuroria.

Nëpërmjet avokatit Muço i ka thënë gjykatës se nuk i kujtohet asgjë nga mëngjesi i së premtes kur bashkë me 3 shokët e tij tentuan të hyjnë në banesën e Minella Muços.

“Nuk mbaj mend asgjë, jam i tronditur“- i ka thënë 33 vjeçari avokatit mbrojtës.

Mendohet që Muço kërkon të përfitojë nga gjendja shëndetësore për të mos bashkëpunuar me drejtësinë, e cila po kërkon 2 autorët e tjerë të tentativës së grabitjes.

Mëngjesin e së premtes Xhuljano Sollaku 20 vjeç mbeti i vrarë nga plumbat e policisë, ndërsa Arben Muço u plagos.

Bashkë me 2 persona të tjerë ata tentuan të hyjnë me forcë në banesën e Minella Muços në Fier më qëllimin për të grabitur një sasi parash, origjina e të cilave mbetet e paqartë.

Pronari njoftoi policinë në kohën që grabitësit tentonin të hapnin derën me forcë.

Kjo e fundit mbërriti në vendngjarje dhe ndeshet me të shtënat e armëve të grabitësve.

Muço plagoset dhe shoku i tij 20 vjeçar vdes në vend.

Dy të tjerët u larguan me një automjet në drejtim të unazës së qytetit. Policia mendon se ky është grupi që ka kryer një sërë grabitjesh ditët e fundit në qytete të ndryshme të vendit.

Gazetare: Valbona Daci

/abcnews.al

xhuljano-sollaku-me-logo.jpg
G. P.15:43 | 24/03/2018

Policia e Elbasanit dyshon se Xhuljano Sollaku ishte një person me rrezikshmëri të lartë, pasi ka qenë i skeduar edhe për një vrasje të ndodhur dy vite më parë. ABC News zbuloi nga grupi hetimor se 20-vjeçari që mbeti i vrarë në qytetin e Fierit, gjatë një tentative grabitje, dyshohej se merrej edhe me vjedhjet e automjeteve luksoze.

Xhuljano Sollaku, grabitësi që u qëllua për vdekje nga policia e Fierit, pas përplasjes me armë në tentative vjedhje të një banese mëngjesin e së premtes, ishte një person me rekorde kriminale edhe për uniformat blu të qytetit të Elbasanit.

Edhe pse në moshë të re, 20-vjeçari kishte si begraund shumë vjedhje në qytetin e tij të lindjes, por së fundmi merrej edhe shpërndarjen e lëndëve narkotike, kryesisht, heroinë dhe kokainë.

Burime nga grupi hetimor i thanë ABC News se Sollaku kishte kryer bashkë me dy miqtë e tij, të paktën 50 vjedhje në zonën e Bradasheshit dhe Katundit të Ri, duke u kthyer në makthin e banorëve që jetojnë në periferi të Elbasanit. Por në asnjë rast, uniformat blu nuk kishin mundur ta arrestonin në flagrance “ekspertin”, siç njihej ndryshe 20-vjeçari nga miqtë e tij.

Në të vetmin rast kur është prangosur për grabitje ka qenë disa vite më parë në Greqi, ku jetojnë edhe prindërit e tij, por për shkak të moshës së re, atij dënimi iu konvertua në shërbim prove.

Të njëjtat burime pohojnë se viktima, Xhuljano Sollaku dyshohej se ishte pjesë edhe të një grupit tjetër kriminal, i cili operonte në fushën e automjeteve të vjedhura në qytete të ndryshme të Shqipërisë dhe më pas tregtoheshin për pjesë këmbimi në tregun e zi.

Gjithashtu i riu ka qenë i hetuar edhe për një vrasje të ndodhu në qytetin e Elbasnit rreth dy vite më parë, afër “Stacionit të Trenit”, por nuk u provua fajësia e tij, ndërsa ajo ngjarje vijon të jetë ende pa autor.

Xhuljano Sollaku jetonte vetëm me gjyshen, pasi prindërit i kishte emigrantë në Greqi. 20-vjeçari u vra gjatë përplasjes me armë me policinë, pasi bashkë me tre shokët e tij sulmuan një shtëpi në Fier për ta grabitur. Ai ishte djali i vogël i familjes Sollaku. Në Elbasan, i riu jetonte në një vilë dy katëshe dhe kishte në emër të familjes edhe një lavazh, të cilin e kishte dhënë me qira./abcnews.al

vlcsnap-error682-1-1280x719.jpg
us er11:40 | 26/11/2017

Policia e Durrësit ka zbardhur të plotë ngjarjen e grabitjes në Shkallnur. Në atë ngjarje, një çifti të moshuarish jo vetëm iu morën paratë, por u dhunuan keq.

Ky që shikoni në foto është njëri nga grabitësit e dhunshëm të çiftit të moshuar në Shkallnur të Durrësit.
Policia e Korçës e arrestoi gjatë natës për llogari të Policisë së Durrësit.
Ai është Erind Seferkolli, 30 vjeç nga Devolli.
Policia e Durrësit tashmë ka në qeli të katër autorët e kësaj ngjarjeje. Ata janë Niko Papajorgji 35 vjeç, Marsel Papajorgji 30 vjeç, Julian Qamili 43 vjeç, të tre nga Durrësi, si dhe Erind Seferkolli 30 vjeç, banues në Korçë.
Niko dhe Marsel Papajorgji, vëllezër me njëri-tjetrin, në rolin e nxitësve dhe ndihmësve kanë bërë roje. Kurse në banesë u futën nga dritarja Julian Qamili dhe Erind Seferkolli. Fillimisht ata dhunuan e lidhen me litar çiftin. Me pas gjetën dhe vodhën 160 000 lekë të reja.
Ngjarja ndodhi para disa ditëve dhe kryefamiljari ndodhet ende në spital me plagë të rënda ne kokë e në trup, kurse bashkëshortja e tij është jashtë rrezikut për jetën./abcnews.al

 

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono