gonzalo higuain

Juve.png
Igli Nikolli16:39 | 23/11/2019

Nuk ka zgjatur shumë avantazhi i Atalantës. Juventusi ka reaguar pas golit të Gosens dhe ka arritur të përmbysë ndeshjen. Gonzalo Higuain është autori i golit të barazimit. “Pipita” shfrytëzoi një rrëmujë në zonën e ekipit bergamask dhe dërgoi topin në rrjetë në minutën e 74-t.

Ndeshje e bukur në Bergamo dhe raste nga të dy skuadrat, teksa miqtë kanë gjetur edhe golin e dytë.Sërish Higuain autori i golit në minutën e 82-të. Sulmuesi argjentinas mori një asist nga Cuadrado, nuk gaboi nga brenda zonës dhe shënoi golin e avantazhit. /abcnews.al

Moggi.jpg
Igli Nikolli18:50 | 08/10/2019

Luciano Moggi njihet për batutat e tij. Ish-administratori i deleguar i Juventusit, i cili pati edhe një aventurë të shkurtër në Shqipëri si drejtori sportiv i Partizanit, është ndalur te rivaliteti midis Interit dhe Juventusit.

82-vjeçari i rikthehet edhe njëherë merkatos së verës dhe thumbon zikaltrit dhe Romelu Lukakun në prononcimin e dhënë për Libero. Ky i fundit nuk shënoi përballë bardhezinjve, të cilët fituan ndeshjen me golat e Dybala dhe Higuain.

“Heqja dorë nga blerja e Romelu Lukakut ishte goditja më e madhe e Juventusit. Në verë pëshpëritej se belgu mund të transferohej në Torino dhe Higuain tek Interi. Më duket shumë e qartë se kush ka dalë i fituar… “, thekson Luciano Moggi. /abcnews.al

Higuain-Juventus.jpg
Igli Nikolli09:10 | 07/10/2019

Gonzalo Higuain është rikthyer futbollisti që të gjithë njohim. Sezoni i fundit ishte plot probleme e vështirësi dhe shumëkush mendoi se Pipita “perëndoi”. Dilemat zgjatën edhe gjatë verës, ndërkohë që emri i tij qarkullonte më shumë jashtë sesa brenda Juventusit.

31-vjeçari nuk polemizoi kurrë, uli kokën, punoi fort dhe priti momentin e tij. Një goleador si ai nuk mund të harrojë të shënojë dhe ky fillim sezoni po vërteton se kualiteti në këmbët dhe mendjen e tij nuk shteron kurrë.

Sulmuesit i mjaftuan 19 minuta aktivizim për të shënuar golin e fitores kundër Interit dhe për gjetur rrjetën e dytë në kampionat këtë sezon. Ai nuk polemizon për qëndrimin në stol dhe ndihet i lumtur që arriti të tregohet deçiziv dhe të ndihmojë ekipin.

FITORJA – “Shijuam një ndeshje të madhe të Juventusit kundër skuadrës më solide deri në këtë moment. Treguam shumë karakter dhe luajtëm me vendosmëri. Për fat ia arritëm të siguronim tre pikët.”

PANKINA – “Ky është një vendim që i takon trajnerit. Dybala luajti mirë dhe shënoi. Unë u futa në fushë me qëllimin për të ndihmuar skuadrën dhe ia dola. Tentoj gjithmonë të bëj maksimumin. Ky është një fillim sezoni fantastik dhe duam të bëjmë mirë në të gjitha kompeticionet.” /abcnews.al

gonzalo-higuain-daniele-rugani-juventus-2017-18_1jgmtbjbkauaz19gi3191aq0j8-1280x720.jpg
ad min22:59 | 20/07/2019

Skuadra e Juventusit nuk e ka në plane për sezonin e ardhshëm sulmuesin Gonzalo Higuain. Destinacioni i radhës i argjentinasit pritet të jetë Roma.

Bomberi argjentinas, Gonzalo Higuain është gjithnjë e më larg skuadrës së Juventusit. Bardhezinjtë njfotuan se i kanë hequr futbollistit numrin 9 që mbante në fanellë.

Një sinjal i qartë se ish-futbollisti i Chelsea-t do të largohet nga Zonja e Vjetër pas përfundimit të turit përgatitor në Singapor. El Pipita nuk është ne planet e Juventusit që kërkon ta sistemojë diku tjetër.

Roma konsiderohet si destinacioni më i mundshëm i Higuain, por fillimisht argjentinasi duhet të heqë dorë nga paga prej 6.5 milionë euro në sezon që përfiton tek Juventus.

Verdhekutë janë të gatshëm t’i ofrojnë Higuainit jo më shumë se 4.5 milionë euro në sezon dhe një kontratë deri në vititn 2023. Sipas mediave italiane, Roma ka gati një strategji për ta bindur sa më shpejt të jetë e mundur bomberin argjentinas për të zbarkuar në “Olimpico”. T’i ofrojë Higuainit shiritin e kapitenit.

Roma ka një marrëveshje me Juventusin dhe tashmë po punohet për të bindur agjentin e futbollistit që është njëkohësisht edhe vëllai i Gonzalo Higuain. Kujtojmë që vëllai i El Pipitas pati deklaroi disa muaj më parë se Higuain do të qëndrojë tek Juventus ose do të largohet në ndonjë kampionat tjetër.

Por mungesa e ofertave nga klubet e ndryshme europiane përtej Italisë do të ndikojë jo pak në të ardhmen e sulmuesit të Juventusit./ABC News Albania 24/7

HIGUAIN-TE-ROMA_ABC-M4-T2.mpg_snapshot_00.05-1280x720.jpg
ent ela21:30 | 17/07/2019

Sulmuesi i Juventusit, Gonzalo Higuain është drejt kalimit tek Roma. Verdhëkuqtë e konsiderojnë argjentinasin si pasuesin e Edin Xheko.

Skuadra e Romës është e detyruar të bëjë një sforcë ekonomike për të përforcuar grupin me një lojtar të kalibrit botëror. Problemet në bordin drejtues kanë shqetësuar jo pak tifozët, të cilët po presin në ankth të rejat rreth merkatos. Një nga emrat më të lakuar për të zbarkuar në Romë është ylli i Juventusit Gonzalo Higuain.

29 vjeçari nuk është në planet e trajnerit Sarri edhe pse ka mahnitur me paraqitjet e tij në qendrën stërvitore në Kontinasa. Higuan dhe Mandzukiç pritet të largohen përfundimisht nga Torino. Skuadra e Romës ka gati formulën e huazimit me detyrim blerje por nëse Higuain pranon ulje page.

Aktualisht bomber përfiton 6.5 mln euro në sezon, ndërkohë që verdhekuqtë janë të gatshëm ta paguajnë 4.5 mln euro. Mediat italiane raportojnë se drejtuesit e skuadrës së Romës mund t’i ofrojnë Pipitas edhe shiritin e kapitenit pas largimit të De Rosit dhe si një strategji për të bindur ish lojtarin e Real Madrid për të zbarkuar në Olimpiko. Higuain do të përshtatej shumë shpejt me Romën, pasi ka eksperiencë të mjaftueshme në futbollin italian ku ka mbajtur veshur fanellat e Napolit, Juventusit dhe Milanit. Roma është në kërkim të një bomber që garanton gola. Afrimi i Higuain do të zhbllokonte situatën e Xhekos drejt Interit e cila do të pasohej me largimin e  Mauro Ikardit. Nëse argjentinasi zgjedh Romën do të sillte një efekt zinxhir në merkaton e Serisë A. /ABC News Albania 24/7

HIGUAIN-SHENON-DY-GOLA-PER-CELSIN.mpg_snapshot_00.01-1280x720.jpg
ent ela20:52 | 02/02/2019

Sulmuesi Gonzalo Higuain shënoi dy golat e tij të parë në Premier Ligën angleze. Argjentinasi i ardhur nga Milani, ndihmoi Çelsin të arrinte një fitore të thellë.

Ndoshta është herët të thuhet se mbërriti shpëtimtari. Çelsi i trajnerit Mauricio Sarri duhet të bëjë shumë më tepër që të bindë tifozët dhe kritikët, por për momentin le të kënaqet me fitoren 5-0 ndaj Hadërsfildit, dhe me dy golat e shënuar nga Gonzalo Higuain.

Ish-sulmuesi i Realit, Napolit, Juventusit dhe Milanit, reagoi në ndeshjen e dytë në Premier Ligë, edhe pse mund të thuhet se kundërshtari ia bëri punën më të lehtë.

Hadërsfildi ishte në krizë të plotë, me vetëm një gol të shënuar në 7 ndeshjet e fundit të kampionatit, dhe i shkëputur në vendin e fundit në renditje.

Sarri ka besim se Higuain do ta ndihmojë edhe në sfidat e tjera, i bindur se Çelsit të tij i mungonte një qendërsulmues tipik, siç ishte Diego Kosta apo më herët, Didie Drogba.

Trajneri italian shpreson që edhe ylli kryesor i ekipit, Eden Hazar, të japë më shumë kontribut që të arrihet kualifikimi për në Champions.

Futbollisti belg, i kërkuar fort nga Reali i Madridit, shkëlqeu edhe ai ndaj Hadërsfildit duke realizuar dy herë.

Me suksesin 5-0, blutë e Londrës u ngjitën në vendin e katërt, pra brenda zonës Champions, me 50 pikë pas 25 ndeshjesh të luajtura.

Presioni ndaj Sarrit sikur është lehtësuar disi, por trajneri nuk do ta ketë postin të sigurt nëse nuk siguron të paktën Ligën e Kampionëve për sezonin e ardhshëm. /abcnews.al

higuain.jpg
ad min23:44 | 13/11/2018

Sulmuesi i skuadrës së Milanit, Gonzalo Higuain është pezulluar me dy ndeshje pas protestave ndaj arbitrit Mazoleni ne ndeshjen ndaj Juventusit. Argjentinasi do të mungojë në ndeshjen deçizive për zonën Champions ndaj Lazios.

Nuk ka qetësi për sulmuesin e Milanit, Gonzalo Higuain. 30-vjeçari është pezulluar me dy ndeshje për shkak të kartonit të kuq në sfidën me Juventusin dhe protestave ndaj arbitrit kryesor të takimit, Mazoleni.

Vendimi u dha nga Gjykata Sportive ku e dënoi aktin e 30-vjeçarit duke e cilësuar si një sjellje kërcënuese. Si pasojë bomberi argjentinas do të humbasë ndeshjen me Lazion dhe Parmën pas përfundimit të pauzës së kombëtareve.

Kjo përkthehet në një dhimbje koke për trajnerin Gatuso, i cili nuk po vendos dot ekuilibrat e duhura në skuadër dhe një mungesë e Higuain përbën njëproblem serioz.  Në sfidën ndaj Lazios, objektivi janë tre pikët për të shpresuar për arritjen e objektivit madhor që është kualifikimi në Champions League.

Higuain do të rikthehet për kuqezinjte në ndeshjen ndaj Torinos që do të luhet në San Siro. Në këtë fillim sezoni Higuain ka shënuar 5 gola në kampionat, por dhe ka zhvilluar disa paraqitje në nivele shumë të larta duke u shndërruar në lojtarin kyç të skuadrës. /abcnews.al

higuain.png
ad min16:54 | 18/10/2018

Gonzalo Higuain do të luajë për herë të parë derbin e Madoninës këtë të dielë. Sulmuesi argjentinas kërkon fitoren duke lënë në plan të dytë anën personale, që të shënojë gola.

Derbi i Milanos që do të luhet të dielën, do të jetë një debutim për shumë lojtarë. Gonzalo Higuain i cili luan në Serinë A prej 2013 do të provojë për herë të parë këtë emocion. Këtë ndjenjë sulmuesi argjentinas kërkon ta kthejë në dëshirë për të fituar me Milan.

Gonzalo Higuain: “Synimi është që të arrijmë sukses në këtë derbi, ky është objektivi i të gjithëve në ekip. Shpresojmë që të fitojmë, të marrim 3 pikët se është e rëndësishme për të ardhmen. E rëndësishme është të fitojmë dhe pastaj se kush do të shënojë”.

Sezonin e kaluar Inter fitoi në kampionat një takim, një tjetër përfundoi në barazim, ndërsa Milan e eliminoi nga kupa e Italisë. Zikalëtrit janë më mirë në renditje, pasi janë në vendin e tretë, ndërsa kuqezinjtë në të dhjetin edhe pse diferenca është vetëm 4 pikë. Interesimi është si gjithnjë i lartë me biletat që janë mbaruar prej kohësh./abcnews.al

higuain.jpg
ad min09:43 | 04/08/2018

Gonzalo Higuain hodhi firmën mbi kontratën e re me Milanin dhe zhvilloi stërvitjen e parë në Milanello. “El Pipita” do të mbajë të veshur fanellën me numrin 9.

Kjo është një detyrë tëpër e vështirë për argjentinasin, pasi të mbash mbi supe fanellën e bomberit, tek kuqezinjtë ka qënë një mallkim në sezonet e fundit.

Që prej tërheqjes së Filipo Inzaghit në vitin 2012,  numri 9 është mbajtur nga shtatë futbollistë të ndryshëm që në fund kanë rezultuar një zhgënjim i madh.

Lojtari që ka shënuar me shumë gola që nga tërheqja e Pipos  është Lapadula që në sezonin 2016-2017 numëron 8 realizime. Një shifër shumë e ulët për një sulmues të Milanit.

As emra si Fernando Torres dhe Luaiz Adriano nuk ja dolën të thyenin mallkimin e numrit 9 duke patur të njëjtin rezultat, dështimin.

Tashmë Gonzalo Higuanin do të marrë stafetën nga Andre Silva. Portugezi u ble me shumë bujë në merkaton e verës së shkuar, por nuk arriti të shënonte më shumë se 2 gola në serinë A duke kaluar një sezon tërësisht në hije.

Në 138 ndeshje në total, 7 lojtarët e fundit që kanë mbajtur numrin 9 të Milanit kanë shënuar vetëm 31 gola. Në të njëjtën periudhë, Higuain ka tundur rrjetën 164 herë.

Tashmë tifozët e Milanit kanë një shpresë së kanë rigjetur bomberin e munguar dhe “El Pipita” duhet ta provojë këtë në fushën e lojës.

Klan Plus


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono