gjyqtaret

KLP-PER-OSMANIN.mpg_snapshot_00.02-1280x720.jpg
nev ila16:56 | 13/11/2019

Këshilli i Ministrave ka vendosur në mbledhjen e sotme të shtojë fondin e përgjithshëm të institucioneve të sistemit të drejtësisë, me 18 milion lekë.

Më anë të VKM-së është vendosur, mënyra se si do të jetë i detajuar ky buxhet. Shuma prej 18 milion lekësh do të kalojë për Komisionerin e Pavarur të Kualifikimit, 2 milion lekë do të kalojë për Kolegjin e Posaçëm të Apelimit dhe 7 milion lekë për Komisionerin Publik.

Fondi do të përballohet nga fondi rezervë i institucioneve të sistemit të drejtësisë për vitin 2019.

Ngarkohen Komisioni i Pavarur i Kualifikimit, Kolegji i Posaçëm i Apelimit, Komisionerët Publikë dhe Ministria e Financave dhe Ekonomisë për zbatimin e këtij vendimi”, thuhet në VKM.

Vendimi i Këshillit të Ministrave:

V E N D I M

PËR

NJË SHTESË TË FONDEVE BUXHETORE PËR INSTITUCIONET E SISTEMIT TË DREJTËSISË, PËR VITIN 2019

Në mbështetje të nenit 100 të Kushtetutës, të nenit 44, të ligjit nr.9936, datë 26.6.2008, “Për menaxhimin e sistemit buxhetor në Republikën e Shqipërisë”, të ndryshuar, dhe të nenit 13, të ligjit nr.99/2018, “Për buxhetin e vitit 2019”, të ndryshuar, me propozimin e ministrit të Financave dhe Ekonomisë, Këshilli i Ministrave

V E N D O S I:

  1. Institucioneve të sistemit të drejtësisë, në grupin buxhetor nr.63, në shpenzimet korrente, të miratuara në buxhetin e vitit 2019, i shtohet fondi i përgjithshëm prej 18 0000 000 (tetëmbëdhjetë milionë) lekësh, i detajuar në programet buxhetore, si më poshtë vijon:
  2. a) 9 000 000 (nëntë milionë) lekë në programin “Veprimtaria e rivlerësimit kalimtar të magjistratit”;
    b) 2 000 000 (dy milionë) lekë në programin “Veprimtaria e apelimit të rivlerësimit kalimtar;
    c) 7 000 000 (shtatë milionë) lekë në programin “Veprimtaria e Komisionerit Publik”.
  3. Fondi i përcaktuar në pikën 1, të vendimit, të përballohet nga fondi rezervë i institucioneve të sistemit të drejtësisë për vitin 2019.
  4. Ngarkohen Komisioni i Pavarur i Kualifikimit, Kolegji i Posaçëm i Apelimit, Komisionerët Publikë dhe Ministria e Financave dhe Ekonomisë për zbatimin e këtij vendimi.

/abcnews.al

ambasada-amerikane-2.jpg
ger ta17:47 | 12/11/2019

Ambasada Amerikane vijon të japë mesazhe për luftën kundër korrupsionit në vend. Këtë javë ambasada është ndalur tek korrupsioni në sistemin gjyqësor.

Në një video ilustruese, ambasada shpjegon se paga mesatare e një gjyqtari në Shqipëri është 10 mijë euro në vit, por 1 në 3 gjyqtarë kanë deklaruar pasur mbi 250 mijë euro.

Qeveria e Shteteve të Bashkuara është e përkushtuar në luftën kundër korrupsionit dhe respektimin e sundimit të ligjit në mbarë botën. Lufta kundër korrupsionit është prioritet i punës së Ambasadës së Shteteve të Bashkuara në Tiranë. Çdo javë do të nënvizojmë një nismë që kemi ndërmarrë për të luftuar korrupsionin në Shqipëri. Këtë javë, mësoni se si USAID ka punuar me partnerë për të përmirësuar sistemin gjyqësor prej vitit 2003. Ambasada e SHBA në Shqipëri do të vazhdojë të punojë me partnerët shqiptarë për të ndihmuar ngritjen e një sistemi drejtësie që është transparent, eficient dhe i lirë nga korrupsioni. Ky është sistemi i drejtësisë që ju, populli shqiptar, meritoni”, shkruan ambasada./abcnews.al

edi-rama-parlament-1280x700.jpg
Autor E13:21 | 10/10/2019

Shoqata Kombëtare e Gjyqtarëve të Republikës së Shqipërisë dhe Unioni i Gjyqtarëve të Shqipërisë kanë reaguar pas akuzave publike ndaj tyre prej foltores së Kuvendit nga kryeministri Rama si edhe ministra apo figura të larta socialiste.

Përmes një reagimi publik, shoqatat theksojnë se e shohin me shqetësim këtë gjuhë duke shtuar se kanë mirëpritur çdo shqetësim për mos gjyqtarë të caktuar që kanë shkelur misionin e tyre.

“Qëndrime të tilla të përsëritura nga funksionarë të ekzekutivit, jo vetëm që nuk i shërbejnë raporteve ndërinstitucionale por janë një kërcënim ndaj pavarësisë së pushtetit gjyqësor, duke minuar ndërkaq besimin e qytetarëve në sistemin e drejtësisë”, shprehen ata.

Më parë, kryeministri Rama ishte shprehur se në vend funksionon një grup gjyqtarësh dhe prokurorësh , të cilën ai e quajti “KÇK” ose “Kap Ça t’kapësh” duke theksuar se kemi të bëjmë me një organizatë kriminale.

Reagimi i plotë

Shoqata Kombëtare e Gjyqtarëve të Republikës së Shqipërisë dhe Unioni i Gjyqtarëve të Shqipërisë përcjellin me shqetësim qendrimet e ditëve të fundit nga përfaqësues të lartë të politikës ndaj gjyqtarëve.

Shoqatat e gjyqtarëve kanë mirëpritur çdo adresim të problematikave që lidhen më gjyqësorin në forumet e duhura, sikurse kanë dënuar çdo veprim apo mosveprim të kryer nga gjyqtarë të caktuar në shkelje të misionit të tyre, duke zgjedhur për këtë rrugën e përcaktuar nga Kushtetua dhe ligjet në Republikën e Shqipërisë.

Qëndrime të tilla të përsëritura nga funksionarë të ekzekutivit, jo vetëm që nuk i shërbejnë raporteve ndërinstitucionale por janë një kërcënim ndaj pavarësisë së pushtetit gjyqësor, duke minuar ndërkaq besimin e qytetarëve në sistemin e drejtësisë.

Parimi i ndarjes së pushteteve qëndron në themel të demokracisë sonë kushtetuese dhe presupozon që asnjë pushtet nuk është epror ndaj tjetrit. Shoqatat tona janë të hapura për individualizimin e çdo shkeljeje ligjore në veprimtarinë e gjyqtarëve apo problematikave në tërësi në sistemin e drejtësisë dhe kanalizimin e tyre në institucionet përkatëse, në formën e sanksionuar nga legjislacioni në fuqi.

Organizmat përfaqësuese të gjyqtarëve, që në fillimet e procesit të reformës në sistemin e drejtësisë kanë shprehur mbështetjen e tyre të pakursyer për këtë reformë, duke kontribuar në mënyrë aktive, me qëllim arritjen e një produkti sa më cilësor.

Ndërsa qendrimet agresive e të adresuara gabim, në kohën e zbatimit të një reforme kaq të thellë për sistemin, sjellin pasoja të dëmshme për reformën.

Së fundi, Shoqata Kombëtare dhe Unioni i Gjyqtarëve dëshirojnë të ftojnë Këshillin e Lartë Gjyqësor, si institucioni i ngarkuar me garantimin e pavarësisë dhe përgjegjshmërisë së pushtetit gjyqësor si dhe miqtë e partnerët tanë ndërkombëtarë, të cilët kanë kontribuar në mënyrë të palodhur për konceptimin dhe vënien në jetë të reformës në drejtësi, për të mbajtur qëndrimin e tyre në lidhje me sjelljet shfaqura kohët e fundit.

edi-rama-parlament-1280x700.jpg
nev ila15:25 | 09/10/2019

Kryeministri i ka kërkuar parlamentit që të miratojë urgjent një ligj  të posaçëm që prokurorët e gjyqtarët që ende nuk kanë kaluar vettingun, të penalizohen nëse ju bien në qafë qytetarëve, ndërsa ata që shkarkohen nga vettingu, të përgjigjen përpara drejtësisë për pasuritë e pa justifikuara.

Pak përpara se të nisej në Serbi për të zbatuar projektin e tij të Shengenit Ballkanik, Edi Rama i la një detyrë urgjente parlamentit.

Kryeministri nuk dha detaje se si e dëshiron këtë ligj dhe cili do të jetë filtri i ri, por qëllimi i tij është të pengonte gjyqtarët e prokurorët që ende nuk kanë kaluar vettingut, të bëjnë padrejtësi. Kategori të cilën Edi Rama e emërtoi KCK, të kapim cfarë të kapim.

Po ashtu, sipas Kryeministrit, ky ligj i posaçëm duhet të detyrojëë ata që shkarkohen nga vettingu të japin llogari për pasuritë e pa justifikuara.

Edi Rama ju shpjegoi deputetëve në parlament, se pse Maqedonia e Veriut është gati ta parakalojë Shqipërinë në hapjen e negociatave.

Edhe në këtë seancë, burimi i sarkazmës kryeministrore, ishin Myslim Murrizi dhe Kujtim Gjuzi.

Në grup, kësaj here u shtua dhe kreu i Ballit Kombëtar, Adriatik Alimadhi./ABC News Albania 24/7

KRONIKE-3-GJYQTARET-E-DURRESIT_ABC-M4-T2.mpg_snapshot_00.20-1280x720.jpg
ent ela19:15 | 11/09/2019

Prokuroria e Krimeve të rënda kërkoi 9.6 vjet burg në total për 3 gjyqtarët e Durrësit, të akuzuar për korrupsion. 2 vite burg, prokuroria kërkoi edhe për biznesmenin Namik Sadik, i cili dyshohet se ka paguar udhëtimin e gjyqtarëve në këmbim të një vendimi civil në favor të tij.

Prokuroria e Krimeve të Rënda ka relatuar pretencën për 3 gjyqtarët e durrësit të akuzuar për korrupsion. Organi i akuzë ka kërkuar në total 9.6 vitë burg. Për Kliton Spahiu organi i akuzës kërkoi 3 vite e 6 muaj burg, ndërsa për gjyqtarët  Petraq Dhimitri dhe Petrit Çeno 3 vite burg. Për të tre gjyqtarët ulet një e treat e dënimit  për shkak të gjykimit të shkurtuar.

Gjithashtu prokuroria kërkoi për gjyqatrët e Apelit Durrës dënim plotësues që për 3 vite të  mos ushtrojnë funksione publike. Prokuroria për krime të rënda ka kërkua 2 vite burg edhe për biznesmenin Namik Sadik, personi, që dyshohet se ka paguar udhëtimin e gjyqtarëve në këmbim të një vendim civil në favor të tij.

I vetmi që ka kërkuar pafajsëin para togave të zeza është Klinton Saphiu. Ish gjyqtari është mbrojtur me argumentin se prokuroria nuk ka aritur të provojë faktin penal. Saphiu ka relatuar paar gjykatës se udhëtimin e kanë paguar vetë dhe se lekët ja kanë dhënë Endir Çenos. Djali i gjyqatrit Pertit Çeno kishte deklaruar me herët, se lekët për ptë bërë pagesën ja ka dhënë Fatjon Pulës pasi vete nuk dinte Spanjisht. Organi I akuzës si prova, radhiti udhëtimet në të njëjtën kohë të tre gjyqtarëve me biznesmenin në Itali dhe Spanjë.

Gjithashtu edhe prerjen e biletave të udhëtimit në të njëjtën kompani, së bashku me akomodimin. Në bazë të hetimeve, gjyqtarët kanë udhëtuar për të ndjekur ndeshjen mes Real Madridit dhe Barcelonës në tetor 2014, ndërkohë që kishin një proces të hapur me pale biznesmenin Namik Sadik. /ABC News Albania 24/7

 

 

 

gjyqtaret-shqiptare-1280x716.jpg
nev ila18:12 | 11/07/2019

Shoqata Kombëtare e Gjyqtarëve të Shqipërisë ka paditur qeverinë, pasi kjo e fundit më 12 qershor u hoqi të drejtën për t’u pajisur me pasaporta shërbimi. Padia është dorëzuar në gjykatën Administrative, ndërsa pritet që me short të përzgjidhet trupa gjykuese dhe të publikohet data e seancës.

Në padinë e bërë shoqata e gjyqtarëve të Shqipërisë rendit argumentat, kundër Vendimit të Këshillit të Ministrave.

 

Sipas gjyqtarëve, kjo e drejtë atyre u lind nga neni 138 i Kushtetutës, i cili shpjegon statusin e tyre, duke garantuar përfitimet dhe të drejtat që u rrjedhin nga ky status. Një tjetër argument i gjyqtarëve lidhet me rritjen e kostos së marrjes së vizave, tek vendet të cilat kërkojnë vizë.

Këtë të drejtë gjyqtarët e të gjitha shkallëve të gjyqësorit e gëzonin prej 2 shtatorit 1997./ABC News Albania 24/7

SINKRON-BARDHI-PER-GJYQTARET.mpg_snapshot_00.12-1280x720.jpg
ent ela15:10 | 10/07/2019

Ka dy mënyra sipas opozitës që mandatet e dala nga 30 qershori të mos bëhen efektivë. Sekretari i përgjithshëm i Partisë Demokratike Gazment Bardhi i kërkon gjyqtarëve që ti shpallin të pavlevshëm këto mandate ose të pezullojnë gjykimin derisa dekreti të shqyrtohet nga Gjykata Kushtetuese.

Ekziston akoma mundësia që votimet e 30 qershorit të refuzohen edhe “de juro” si të paligjshme. Këtë mund ta bëjnë gjykatat në të gjithë Shqipërinë sipas Partisë Demokratike.

“Të mos japin mandatet, duke vërtetuar pavlefshmërinë e 30 Qershorit.

Të pezullojnë gjykimin, për shkak se çështja nuk mund të zgjidhet para se Gjykata Kushtetuese të vendosë për dekretet e Presidentit të Republikës”.

Sekretari i përgjithshëm i Partisë Demokratike sqaron se sipas ligjeve të vendit, që një Kryebashkiak të marrë detyrën, mandati i tij duhet të vërtetohet nga gjykata, nëse është marrë në përputhje me Kushtetutën, nëse është fituar apo jo në zgjedhje të organizuara në mbështetje të Dekretit të Presidentit. Prandaj thirrja e opozitës i drejtohet gjytarëve.

“Nëse gjyqtarët do të tregojnë integritet, do t’i binden ligjit dhe nuk do t’i nënshtrohen kërcënimeve me veting apo me mjete të tjera mafioze, të përdorura më parë nga Edi Rama, vendimi i tyre është shumë i thjeshtë: të respektojnë kompetencën kushtetuese të Presidentit për të shpallur datën e zgjedhjeve”.

Demokratët thonë se nuk do të lejojnë të merret nga kryeministri Edi Rama edhe hallka e fundit e pushtetit në vend, qeverisja vendore.

“Ne nuk kemi për ta lejuar kurrë që kjo të ndodhë, por mënyra për ta ndaluar me sa më pak kosto për vendin është që gjyqtarët t’i binden ligjit dhe të bëjnë drejtësi përmes ligjit”.

Për opozitën e bashkuar sa kohë Gjykata Kushtetuese nuk është shprehur, Dekretet e Presidentit të Republikës janë në fuqi dhe të detyrueshme për zbatim

Kushdo që pohon të kundërtën- deklaron Gazment Bardhi- nxit anarkinë, vetëgjyqësinë dhe anormalitetin. /ABC News Albania 24/7

rama-konference.jpg
ent ela14:10 | 15/02/2019

Pas kontrollit të ushtruar në banesat e tre gjyqtarëve që hoqën burgimin e përjetshëm për Dritan Dajtin ka reaguar dhe kryeministri Edi Rama.

“Faleminderit me një përulje të thellë shërbëtorëve të shtetit që thyen mitin 30 vjeçar të paprekshmërisë absolute të kriminelëve me toga të zeza” -shkruan shefi i qeverise ne twiteer.

Kryeministri mbyll postimin  e tij me thënien se shteti sot ka hyrë në një fazë të re, pasi vrasësve të drejtësisë për 4 policët e vrarë iu tregua se se koha e të paprekshmëve po mbaron.

Aksioni në shtëpitë e gjyqtarëve u ndërmorr nga Policia e Shtetit në bashkëpunim me Prokurorinë dhe Gjykatën e Krimeve të Rënda. /abcnews.al

KRONIKE-MBLEDHJA-E-PARE-E-KLGJ-ABC-M-4-T-2-HD.mpg_snapshot_00.44-1280x720.jpg
ad min15:26 | 20/12/2018

Këshilli i Lartë Gjyqësor zhvilloi të enjten mbledhjen e tij të parë. Me shumicë votash anëtarët e Këshillit zgjodhën Naureda Llagamin si kryetare dhe Maksim Qokun si nënkryetar. KLGJ do të jetë qeveria e gjyqtarëve dhe do të hedhë hapat për ndërtimin e Gjykatës Antikorrupsion.

Përmes një votimi të hapur, 10 nga 11 anëtarët e KLGJ-së zgjodhën se drejtuese të këshillit Naureda Llagamin.

“Ne nisin së bashku një rrugë me shumë përgjegjësi drejt konsolidimit të gjyqësorit të pavarur, të paanshëm, të pakorruptuar dhe të pa ndikuar nga politika. Kompetencat e dhëna duhet ti ushtrojmë me dinjitet dhe përgjegjësi për ti dhënë jetë rëzultateve të pritshme të kësaj reforme.”

Votimi tjetër ishte ai i zëvendës kryetarit. Në garën me tre kandidatë, trimunfoi Maksim Qoku. Mbledhja vijoi me shortimin e anëtarëve që do të kenë mandate 3 dhe jo 5 vjeçar. Mandat më të shkurtër se të tjerë do të kenë gjyqtarët Brunilda Kadi, Ilir Toska dhe Medi Bici. Ndërsa nga anëtarët jogjyqtarë mandati 3-vjeçar do të ketë Erion Muharremaj dhe Maksim Qoku.

Të pranishëm në mbledhjen e parë të KLGJ-së ishin edhe kryetari i Gjykatës së Lartë, Xhezair Zaganjori dhe Avokatja e Popullit, Erinda Ballanca. Nisja e funksionimit të KLGJ-së ka mbyllur përfundimisht kapitullin e Këshillit të Lartë të Drejësisë, si edhe disa kompetencave të ngrira të kësaj të fundit për shkak të fazës tranzitore. KLGJ do jetë përgjegjëse në vijim për miratimin e akteve nënligjore për gjyqtarët, për emërimin dhe promoivimin e tyre apo vendosjes së masave disiplimore, si edhe do të hedhë hapat për ngritjen e Gjykatës së Posaçme Antikorrupsion./abcnews.al

MBULIM-MBROJTJE-PER-PROKURORET-E-GJYQTARIN-E-VOLVO-4.mpg_snapshot_00.41-1280x720.jpg
ad min11:56 | 07/11/2018

Mbi dy javë pas shpalljes së rezultateve të operacionit policor “Volvo 4”, caktohen shoqërues për dy prokurorët dhe gjyqtarin që firmosën urdhër arrestet dhe masat për 44 persona nën akuzë, 34 prej të cilëve të arrestuar. Burime për ABC News konfirmojnë se shoqërues u janë caktuar prokurorëve Vladimir Mara e Dritan Prençi, si dhe gjyqtarit Bib Ndreca. Sipas Prokurorisë së Krimeve të Rënda, nuk ka patur kërcënim konkret ndaj tyre, por drejtoria e përgjithshme e policisë ka vlerësuar se dy prokurorët dhe gjyqtari duhet të përfitojnë mbrojtje, për shkak të një rreziku të mundshëm.

Hetimet e Volvo 4 përfshijnë një laborator droge të zbuluar në Has, ndërsa personi përgjegjës i dyshuar është ende i lirë e në kërkim ndërkombëtar. Mes të ndaluarve të këtij operacioni, janë edhe dy ish deputetët socialistë Arben Ndoka dhe Arben Cuko me akuzat për tjetërsim pronash e korrupsion, të dy me masën arrest me burg./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono