gjykata

ristani-xhokaxhi-1280x606.jpg
nev ila12:03 | 14/01/2020

I ftuar ditën e sotme në ABC News ishte ish-sekretari i përgjithshëm i PD Arben Ristani përballë gazetares Juli Xhokaxhi.

Ristani foli në lidhje me akuzat për çështjen e lobimit rus dhe se përse gjykata vendosi të pushojë çështjen ndaj tyre.

Pjesë nga biseda në studio: 

Arben Ristani: Çështja ishte e montuar, pjesë e lojës politike, në këtë histori nuk ka vepër penale. Në kemi deklaruar si parti politike se sa para kemi shpenzuar. Akuza e prokurorisë ka qenë se janë mbledhur edhe 650 mijë dollarë ku 150 prej tyre kanë kaluar nga Shqipëria në Amerikë kurse 500 të tjera janë mbledhur nga shqiptarët e Amerikës po në Amerikë. Vetëm nga ky fakt është e kuptueshme se këto para nuk kanë hyrë në PD, duke mos hyrë në PD atëherë nuk kanë hyrë në arkën e PD. Duke mos hyrë në arkën e PD nuk kanë si deklarohen, çfarë të deklarosh në këtë mes? Nuk ka asgjë që e lidh kontratën për lobimin për biznesin shqiptaro-amerikan të lidhur mes një kompanie amerikane dhe skoceze. Prandaj dhe gjykata konkuldoi se këtu nuk ka çështje penale, duke mos patur çështje penale u vendos edhe pushimi i çështjes. Kjo ishte ajo që Gjykata e gjeti me vend për të pushuar çështjen.

Juli Xhokaxhi: Ndërkohë për pushimin e çështjes tuaj ka reaguar dje Taulant Balla, po edhe Brace ka reaguar gjithashtu. A mund të apelohet nga prokuroria një çështje e pushuar nga gjykata?

Arben Ristani: Po ajo bën detyrën e saj. Çështja është pse politika kërcënon në këtë formë. Balla ushtron presion ndaj drejtësisë kur thotë s’kanë kaluar vettingun. Presioni politik që bëjnë i çojnë në nivele qesharake. Unë nuk kam qenë në Amerikë, as kam firmosur ndonjë dokument. Bëjnë një konfondim qesharak kur thonë se sekretari i përgjithshëm e partive politike është funksion kryesor në PD.

Juli Xhokaxhi: Çfarë gabimesh me dashje proceduriale nënkupton Balla?

Arben Ristani: Është shumë e thjeshtë, nuk ekziston çështja penale. Është një çështje e nisur gabim për shkak të presionit politik. Gjithë reforma në drejtësi është bërë për tu kapur nga mazhoranca. Madje e kanë cuar sistemin e drejtësisë në kolaps, pres që shumë shpejt të pezullojnë vettingun pasi rrezikojnë ra çojnë në kolaps. Kërcënimet e Ballës janë pa kuptim, gjykatat janë institucione si gjithë të tjerat në këtë vend. Gjykatat kanë njerëz të korruptuar, ka njerëz të ndershëm e profesionist ashtu si në institucionet e tjera, ky vend vuan nga ky fenomen.

Juli Xhokaxhi: Besoni se mbyllet këtu kjo çështje?

Arben Ristani: Për mua nuk ka problem nëse vazhdon, të lirë janë, atë detyrë kanë, madje i inkurajojë ta bëjnë.

Juli Xhokaxhi: Gjithë kjo zhurmë, e gjithë kjo që ndodh në Partinë Demokratike, nuk kemi në Shqipëri që mund të ndërmarrin këto çështje që shkojmë te kompani të huaja që kërkojnë miliona e miliona?

Arben Ristani: Shumë mirë do ishte të ishin të thjeshta gjërat, ju e shihni se sa jemi të varur nga gjeopolitika, në këtë kuadër kemi një pavarësi të cunguar si vend. Kjo dikton këto lobimet me ekspertë ndërkombëtarë.

Juli Xhokaxhi: Kryetarët e bashkive të dala nga zgjedhjet e 30 qershorit, kryetari Basha ka folur për 15 kryebashkiakë si me të shkuar kriminale, si hetoni?

Arben Ristani: Është e thjeshtë, mjafton të hapet si lojë dhe njerëzit që janë afër tyre, dinë historitë e gjithsecili, kështu që informacionet vijnë. Të paktën njerëzit të binden se ky njeri është i lidhur me krimin dhe duhet larguar patjetër.

Juli Xhokaxhi: Kemi mësuar se fokusi është te Lezha dhe Dibra, janë vetëm këto dy zona që kanë patur kryebashkiakë me të shkuar kriminale?

Arben Ristani: Të shohim, se kanë dalë edhe për qarqe të tjera, informacionet vijnë dhe përpunohen nga PD./abcnews.al

 

gjatattaaa.png
R D19:50 | 13/01/2020

Sekretari për Çështjet Ligjore në PD, Çlirim Gjata, i ftuar pasditen e sotme në studion e Abc News komentoi vendimin e Gjykatës së Tiranës e cila pushoi hetimet për Lulzim Bashën, Ristanin dhe Dervishin.

“Patjeter këtu do shkonte sepse ishte montuar keq, edhe vetë prokurorët nuk kishin nga t’ia mbanin. Hetimet nisëm për pastrim parash dhe për të larë duar prokurorët lanë vetëm akuzën e falsifikimit të vulave. Prokurorët e kanë frikë Ramën, si djalli temjanin. Pra këta prokurorët e çuan çështjen në gjykatë për falsifikim vule. Dmth, Basha kryetari i PD ka falsifiku vulën e partisë së vet… dhe trupi gjykues normal qe do e rrëzonte këtë akuzë qesharake, se ishte ndërtuar keq dhe nuk qendronte në mënyrë ligjore”, tha Gjata.

I pyetur nga gazetari Endri Xhafo, se çfarë do ndodhte nëse lobisti amerikan do të flsite, Gjata tha se kjo çështje në këtë pikë ku është sot, është e mbyllur se çfarë do të ndodhë më vonë nuk mund të parashikohet. Ai hodhi sërish akuza ndaj Ramës dhe mazhorancës socialiste duke u shprehur se “prokurorët e kanë thirrur 5 herë Lulzim Bashën në organin e akuzës përgjatë dy viteve. Pse e kanë thirrur?! Sa herë ishte keq mazhoranca dhe plasnin skandalet në publik nxiteshin prokurorët të thërrisnin Bashën. Prokuroria nuk heton aferat korruptive të qeverisë, por heton opozitën. Si mendoni ju, nëse nuk do kishte prokurorinë me vete, a mund të bënte kjo mazhorancë gjithë këto zullume që po bën?!”, komentoi Gjata.

Po kështu ai shtoi se prokuroria nuk ka hetuar as dosjet e rëndësishme 339 dhe 184, ku kanë dalë në përgjigje për blerjen e votave, edhe politikanë të njohur të PS-së.

KCK-ja

I ftuar në studion e Abc News, Çlirim Gjata foli edhe për ligjin e trumbetuar nga Rama kundër KÇK-së (kap ça të kapësh).
“I kam hedhur një sy në mënyrë fotografike, vetë drejtues të policisë na e kanë dhënë një kopje, nuk e di nëse do të qendrojë ky draft apo do të ndryshojë. Në bazë të këtij drafti, policia ka të drejtë të kontrollojë prokurorë dhe gjyqtarë, por edhe qytetarët. Këtu shtrohen disa pyetje: drafti ligjor u hodh në treg para 2 muajve, pati kundërshtim dhe u harrua, ndërsa me ligjin antishpifje u avancua…. Çfarë ka këtu? Pse e hodhi sërish në treg ligjin kundër KCK-së? Sepse prokurorët duhet të bëjnë hetimet për Unazën e Re, për kompaninë fantazmë DH Albania, për PPP-të, kryebashkiakët e inkriminuar”, tha Gjata.

Sipas tij, ky ligj është i panevojshëm, sidomos tani që janë ngritur institucionet e reja të drejtësisë, si SPAK. “Si mundet ti jepen kompetenca policisë mbi gjykatën dhe prokurorinë? Pra Rama u thotë prokurorëve që po guxuat të hetoni do ju çoj policinë natën në shtëpi. Është një fantazmë frike e Ramës. Si mendon ai se me policë do zëvendësojë Vettingun?! Ka ligje të reja mjaftueshëm nga organet e reja të drejtësisë, për çfarë duhet anti-KCK? Këtë e kishte edhe Enver Hoxha me sigurimin e shtetit. Ai sheh frikën e hetimeve në horizont. Për mua dhe për PD është një ligj antikushetuese dhe kryetari i KÇK është Edi Rama. Pa ikur Rama nuk luftohet KCK”, u shpreh Çlirim Gjata.

Reforma zgjedhore

I pyetur nga Xhafo nëse PD-ja është dakord për ndryshimin e kodit zgjedhor, Gjata u përgjigj se “sistemi zgjedhor është vullnet politik. Po s’pate vullnet asnjë ndryshim për ligjin zgjedhor nuk bëhet”. Sipas tij, çështja e ndryshimit të sistemit nuk është primare.

“Ndërmjet mazhoritarit dhe proporcionalit unë personalisht s’kam asnjë të preferuar. Aktualisht kemi mazhoritarin dhe nuk kemi luksin të ndërtojmë një sistem të ri, por të realizojmë zgjedhje të ndershme sipas sistemit që kemi. Bazuar në 9 kushtet e Bundestagut gjerman, ne kemi përgatitur një draft për reformën zgjedhore të cilin do ta dërgojmë në zyrën e OSBE dhe do ta bëjmë publik së shpejti”, tha ai.

/abcnews.al

lulzim-basha-konferenca-1-1.jpg
Autor E16:55 | 13/01/2020

Gazetarja Glidona Daci raporton se prokurorët kishin ardhur me dy qendrime të ndryshme.

Ata kishin kërkuar pushimin e çështjes për pastrim të parave dhe vijimin e çështjes me akuzën e falsifikimit të dokumenteve me arsyetimin se PD nuk kishte deklaruar në KQZ të gjithë burimin e parave gjatë fushatës zgjedhor.

“Gjykata kishte tre mundësi për këtë çështje: Të kthente çështjen për plotësim të hetimeve, ta pushonte fare ose ta kalonte në gjykim. Kështu, u vendos që të pushohej”, shprehet gazetarja.

Kryedemokrati Lulzim Basha u shpall i pandehur për një kontratë lobimi prej 675 mijë dollarë në Shtetet e Bashkuara të Amerikës, përmes një kompanie “Biniatta Trade”, para të hedhura këto në zgjedhjet parlamentare të vitit 2017.

Mbetet për t’u parë tani nëse prokuroria do të ankimojë ose jo vendimin e gjykatës, ndërkohë që avokatët e përshëndetën vendimin. /abcnews.al

gjykata-durres-1280x711.jpg
nev ila19:53 | 12/01/2020

Punonjësit e policisë së Qarkut të Durrësit dhe ata të pushtetit vendor dolën para togave të zeza dhe u njohën me masën e sigurisë.

Gjykata vendosi për 10 prej të arrestuarve lirimin dhe dhënien e masës së sigurisë “detyrim paraqitje”, ndërsa për 8 prej tyre dha masën e sigurisë “arrest në burg”. Ndërkohë Prokurori i çështjes ka kërkuar arrest me burg për të gjithë të arrestuarit.

Përkatësisht Gjykata e Durrësit vendosi:

-Besnik Domi  pezullim detyre, detyrim paraqitje

-Sami Xhafa  pezullim detyre, detyrim paraqitje

-Marius Shahini pezullim detyre, detyrim paraqitje

-Nikoll Marku  pezullim detyre, detyrim paraqitje

-Julian Kacadej pezullim detyre, detyrim paraqitje

-Dritan Koçi pezullim detyre, detyrim paraqitje

-Paulin Meta pezullim detyre, detyrim paraqitje

-Qerim Doka pezullim detyre, detyrim paraqitje

-Gjon Zefi pezullim detyre, detyrim paraqitje

-Astrit Nuri pezullim detyre, detyrim paraqitje

-Dëshir Dakoli  arrest me burg

-Petrit  Neziri arrest me burg

-Ermand Petova arrest me burg

-Gjergj Gërco arrest me burg

-Agim Osmani  arrest me burg

-Haxhi Sherra arrest me burg

-Ndriçim Shika arrest me burg

-Adem Lika arrest me burg

-Gani Dama (i shpallur në kërkim)

Ata u arrestuan të enjten në mbrëmje pas përgjimeve disa mujore.

Një pjesë e tyre kishin krijuar një mekanizëm për të përfituar para dhe lejonin të ndërtohej paleje, ndërsa të tjerët nuk verifikonin ankesat e banorëve duke i fshehur ato.

Mësohet se Prokuror i çështjes që heton çështjen është Afrim Shehu dhe gjyqtari që vendosi për masat është Paulin Cera.

Ndërkohë në nisje të seancës së sotme për dhënien e masave të sigurisë, një prej të arrestuarve, specialisti në policinë e shtetit Agim Osmani shfaqi problem shëndetësor dhe u shoqërua për në spital ku ndodhet jashtë rrezikut për jetën.

Në sallë munguan dy nga të akuzuarit, një specialist që përfaqësohet nga avokati i tij dhe polici Gani Dama i cili është shpallur në kërkim./abcnews.al

 

vinci.jpg
in a10:36 | 07/01/2020

Gjykata e Korçës ka lënë të lirë Flamur Pallën, përgjegjësin teknik dhe Aurel Zyma manovratori i vinçit, të cilët u arrestuan pak ditë më parë pas aksidentit ku humbi jetën nje 36 vjeçar.

36- vjeçari në momentin e aksidentit po punonte në një pallat në ndërtim, ndërsa mbeti i plagosur edhe shoku i tij punëtor.

Prokuroria ka kërkuar për Flamur Pallën dhe Aurel Zymën masën e sigurisë ‘detyrim paraqitje’, kërkesë që është pranuar nga gjykata.

Ndërkohë Prokuroria është në pritje të konkluzioneve të ekspertëve, për të përcaktuar shkakun e vdekjes së 36 vjeçarit, Elvis Josifi dhe plagosjen e kolegut të tij në 3 janar.

Kujtojmë që ngjarja e rëndë ka ndodhur afër Pazarit të Vjetër në Korçë./abcnews.al

Lexo edhe: VIDEO/ Dëshmitarja rrëfen momentin kur vinçi goditi 35-vjeçarin në Korçë

artan-gjermeni.jpg
nev ila17:10 | 04/01/2020

Zbardhet vendimi i Gjykatës Penale te Tiranës për dënimin me 1 vit burg për ish-deputetin e PD, Ervin Salianji nën akuzën e kallëzimit të rremë, lidhur me publikimin e audiopërgjimit që implikonte si të përfshirë në trafik droge, vëllain e ish-ministrit të Brendshëm, Fatmir Xhafaj.

Në vendimin e firmosur nga gjyqtari Artan Gjermeni, thuhet se Salianji u përfshi në kallëzimin e rremë për interesin e tij politik dhe të PD. Sipas argumentimit të Gjykatës, Albert Veliu, i njohur ndryshe si “Babalja” u akomodua fillimisht në selinë e PD, ku ka dhënë dhe intervista.

Gjykata thotë se biseda e stimuluar mes Albert Veliut dhe Fredi Alizotit është regjistruar në janar të vitit 2018 me një mjet përgjimi stilolaps, të cilin Albert Veliut, sipas gjykatës, ja ka dorëzuar Salianji.

Në vendim thuhet se Ervin Salianji i ka premtuar Albert Veliut se do të përfitonte një shpërblim në një vlerë prej 200 mijë eurosh, në rast se do të sillte të dhënat që inkriminonin Geron (Agron) Xhafaj në fushën e narkotikëve në qytetin e Vlorës.

Sipas Gjykatës, për të realizuar regjistrimin kompromentues për Geron Xhafajn, Veliu ka kërkuar ndihmën e Fredi Alizotit, me të cilin kishte një njohje të vjetër dhe shumë miqësore. Gjykata ka konstatuar se zëri i vëllait të ish-ministrit të Brendshëm në audio përgjim, Geron Xhafa është stimuluar nga Fredi Alizoti.

“Të dy të pandehurit kanë regjistruar bisedën e simuluar, në muajin Janar të vitit 2018, në qytetin e Vlorës, tek një lokal që ndodhet përballë lokalit të shtetasit Geron (Agron) Xhafaj. Bisedën ata e kanë regjistruar tek një mjet regjistrues i tipit stilolaps dhe mbasi kanë ardhur në Tiranë, i pandehuri Albert Veliu ja ka dorëzuar të pandehurit Ervin Salianji, i cili ishte dhe personi që i kishte dhënë këtë mjet”, thuhet në vendim.

Gjykata ka konstatuar se mes 4 te pandehurve të çështjes “Babale”, Veliu, Alizoti, Salianji dhe gazetarit Jetmir Olldashi ka pasur komunikime te shpeshta para e pas publikimit të audio përgjimit.

Sipas gjykatës, kontakti mes Albert Veliut me gazetarin Jetmir Olldashi është realizuar nga Salianji. Për gjyqtarin Artan Gjermeni, edhe deklarimet publike te ish-deputetit Salianji nuk dhanë asnjë provë për veprën penale të trafikut të drogës në ngarkim të Agron Xhafës.

Për këto arsye, sipas gjyqtarit, kjo veprimtari e kallëzimit të rremë, nuk mund të konsiderohet e kryer brenda fushës së ushtrimit të funksionit politik të deputetit apo lirisë së shprehjes.

Ashtu siç kishte premtuar edhe në përfundim të gjykimit në shkallën, e parë ish-deputeti Ervin Salianji ka apeluar vendimin duke kërkuar pafajësi për veprat penale për të cilat ka qenë nën hetim.

Përveç ish deputetit demokrat, gjykata ka dënuar me 3 vite e 5 muaj burg, Albert Veliun për akuzën e kallëzimit të rremë dhe kalim të paligjshëm të kufirit, dhe me 2 vite Fredi Alizotin si bashkëpunëtor në regjistrimin e audio përgjimit.

Ndërsa për gazetarin Jetmir Olldashi  dënimi me 6 muaj burg është konvertuar me detyrimin për të kryer 100 orë pune në interes publik. Sipas vendimit të gjykatës penale, vuajtja e dënimit për Ervin Salianjin, do të nisë nga dita që vendimi merr formë të prerë.

Në të përcaktohet se vuajtja e dënimit do të kryhet në një nga burgjet e sigurisë së zakonshme./abcnews.al

gjykata-harun-celik-1280x600.jpg
nev ila19:42 | 03/01/2020

Gjykata në Turqi ka vendosur  të lërë në burg të akuzuarin si pjesëmarrës në organizata terroriste, Harun Çelik, i cili dy ditë më parë u deportua nga Shqipëria në Turqi.

Gjykata vendosi masën e paraburgimit me akuzat për “pjesëmarrje si anëtar në organizatë të armatosur terroriste”.

Çelik më herët ka qenë i dënuar disa muaj në Shqipëri, i cili u arrestua në aeroport si i akuzuar për veprat penale “falsifikim i letërnjoftimeve, i pasaportave ose i vizave” dhe “falsifikim i dokumenteve”.

Po kush është Harun Çelik?

Harun Çelik nuk ka punuar asnjë ditë në Shqipëri dhe ka ardhur në vendin tonë vetëm për ta përdorur si mundësi kalimi drejt një vendi perëndimor.

ABC News kontaktoi të njohur të tij në Shqipëri, të cilën nuk pranojnë të shfaqen, por që rrëfejnë jetën e mësuesit 42 vjeçar.

Ai ka studiuar për mësuesi në Stamboll dhe deri në vitin 2016 ka dhënë mësim në Ankara dhe Bursa.

Çelik është i martuar dhe ka 4 fëmijë, 1 prej të cilëve e ka adoptuar jashtë vendit teksa merrej paralelisht edhe me tregti tekstilesh.

Mësuesi kishte filluar të mos ndjente siguri për jetën e tij dhe familjes që prej vitit 2013 kur nisi agresioni i Erdogan ndaj gylenistëve, ndaj, në vitin 2016 Harun Çelik u shpërngul bashkë me familjen e tij në Kazakistan, aty ku ndodhej edhe kur u tentua grushti i shtetit.

Që prej asaj kohe, ai ishte gjithnjë në kërkim të një mundësie për të shkuar në një vend perëndimor e për të kërkuar azil politik.

Një i njohur i tij në Kosovë e pajisi me një vizë false kanadeze dhe përmes saj, mësuesi turk tentoi të udhëtonte nga Tirana në Toronto në korrik 2019.

Por polica shqiptare e zbuloi dhe e arrestoi. Ai bëri burg deri në 1 janar kur u lirua. Ai u dëbua menjëherë dhe u dorëzua tek antiterrori turk.

Avokati i tij, Alban Bengasi i tha ABC News, se Harun Çelik nuk ishte njoftuar për dëbimin, siç ligji e kërkon, dhe për këtë arsye, ai nuk kishte pasur mundësi të bënte ankimim./abcnews.al

sana-1280x723.jpg
in a19:36 | 30/12/2019

Një gjykatë kroate shpalli fajtor ish-kryeministrin e Kroacisë, Ivo Sanader sepse sipas aktakuzës mori 10 milionë euro ryshfet nga kompania hungareze e naftës MOL.

Kompania hungareze mori nën kontroll 50 për qind të pronësisë së kompanisë kroate të gazit “INA”. Gjykata e dënoi gjithashtu kryeshefin ekzekutiv të MOL-it, Zsolt Hernadi me dy vjet burgim, për dhënien e ryshfetit. Hernadi nuk ishte në gjykatë gjatë shpalljes së vendimit dhe kreu i gjykatës Ivan Turudiq, tha se është lëshuar një urdhër-arrest i Bashkimit Evropian si dhe i është bërë thirrje Hungarisë të “veprojë në përputhje me rrethanat”. Ndërkohë aktvendimet mund të apelohen.

Sanader, 66 vjeç, ishte kryeministër i Kroacisë nga viti 2003 deri në vitin 2009 shërbeu si drejtues i partisë në pushtet Unioni Demokratik Kroat nga viti 2000 deri në 2009. Nëse aktgjykimi merr formën e prerë, Sanader do t’i paguajë 10 milionë euro qeverisë.

Sanader u largua nga Kroacia në 2010 – tën pasi ai u akuzua në dy raste korrupsioni. Ai u arrestua në Austri dhe u ekstradua në Kroaci një vit më vonë. Ky dënim u anulua nga Gjykata Kushtetuese në vitin 2015 – të. Sanader gjithashtu u dënua me 2 vjet e gjysëm burgim në vitin 2018-të për përfitime nga lufta dhe u urdhërua të shlyente rreth 570,000 dollarë në ryshfete që kishte marrë nga Hypo Bank. Ai aktualisht është në burg duke e vuajtur atë dënim./abcnews.al

mm-1.jpg
in a16:47 | 30/12/2019

Gjashtë muaji pasi Presidenti Ilir Meta iu drejtua Gjykatës Kushtetuese për të shqyrtuar dhe hedhur poshtë ligjin e posaçëm për Tetarin e Ri Kombëtar, ky institucion ka vendosur të përgjigjet.

Drejtoria Gjyqësore dhe e Dokumenmtacionit, pranë Gjykatës Kushtetuese, ka njoftuar disa institucione, nisur nga Këshilli i Ministrave tek Bashkia e Tiranës, se do e kalojë për shqyrtim kërkesën e Presidentit, të depozituar në datën 24 korrik.

Vendimi për ta nisur shqyrtimin është marrë nga Kolegji i Gjykatës Kushtetuese në datën 24 të këtij muaji dhe institucionet janë vënë në dijeni dy ditë më pas, pra në datën 26.

Shryrtimi i kësaj kërkese të Presidentit do të bëhet do bëhet në mënyrë transpartente, e hapur për mediat.

Brenda datës 22 të muajit janar, të gjitha institucionit, Këshilli i Ministrave, Kuvendi, Ministria e Kulturës, Ministrisë së Financave dhe Ekonomisë dhe Bashkia e Tiranës, kanë mundësi që ti drejtohen Gjykatës Kushtetuese, komente dhe pretendime për kërkesën që i ka mbërritur atyre.

Seanca shqyrtuese do të zhvillohet në momentin që Gjykata Kushtetuese do të plotësohet edhe me dy gjyqtarë të tjerë, për të formuar trupën me 6 gjyqtarë, aq sa është i nevojshëm për të marrë vendim.

Presidenti Ilir Meta ka kërkuar prej Gjykatës Kushtetuese shpalljen si anti-kushtetues të ligjit që qeveria e bëri posaçërisht për të prishur godinën e Teatrit Kombëtar. Po ashtu kreu i shtetit kërkoi që ligji të pezullohet derisa Kushtetuesja të shpallë vendimin final për ligjin e konsideruar korruptiv nga artistët, që ende vijojnë protestën kundër prishjes së godinës./abcnews.al

sali-berishaaaa-1-1280x613.jpg
R D13:16 | 27/12/2019

Gjykata Civile e Tiranës ka dënuar ish- kryeministrin Sali Berisha për shpifje, pas padisë së bërë nga Kryeministri Rama. Në vendimin e Gjykatës thuhet se Berisha ka për detyrim të dëmshpërblejë Ramën me 500 000 lekë ( të reja).

Gjykata ka pranuar pjesërisht kërkesë-padinë, sepse vlera e dëmshpërblimit nga paditësi (Rama) ishte 1.000.000 lekë.

Po kështu gjykata ka vendosur detyrimin e palës së paditur të publikojë përgenjeshtrimin në faqen e tij “Facebook”.

Berisha u dënua për deklaratën e bërë në Facebook më datë 15.10.2018 “Fundi i kakistokracisë së kallam deshtakut po troket”.

Ndër të tjera Berisha shkruante se “Parlamenti Europian dhe me ne fund edhe Komisioni Europian jane deklaruar hapas kunder diskutimit per hapjen e negociatave me Shqiperine per shkak te krimit te organizuar ne nivelet me te larta te pushtetit, me fjale te tjere per shkak te familjeve mafioze Rama – Xhafa – Balla -Tahiri”.

/abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono