gjykata speciale

586e9d13c461886b618b463d.jpg
ent ela11:46 | 01/02/2018

Kryeministri i Kosovës, Ramush Haradinaj tha se qeveria e tij do të përmbushë detyrimet ndërkombëtare sa i përket Gjykatës Speciale. Në një intervistë për një emsion të Dojçe veles, ai thotë se lufta e Uçk-së ishte e pastër.

Gjatë një interviste për Dojçe Vele, në emisionin “Zona e Konfliktit”, me gazetarin e njohur Tim Sebastian, kryeministri i Kosovës, Ramush Haradinaj, tha se Prishtina do t’i përmbushë obligimet, duke përfshirë edhe Gjykatën Speciale. “Kosova i ka përmbushur obligimet e saja sa i përket ligjeve kombëtare dhe ndërkombëtare. Nuk ka dyshim që Kosova do t’i kryejë këto obligime ndërkombëtare”, nënvizoi shefi i qeverisë. Lidhur me këtë çështje, Haradinaj shprehu shqetësimin e tij për njëanshmërinë e Gjykatës Speciale.

“Është një shqetësim që lidhet me Gjykatën Speciale, dhe disa persona këtu e konsiderojnë si të padrejtë ngaqë ka qasje selektive ndaj krimeve. Kjo gjykatë fokusohet në ngjarje të veçanta të luftës, kështu që supozohet që i drejtohet vetëm një etnie”.

Sipas Haradinaj, në Kosovë nuk ekziston frikë nga akuzat potenciale të Gjykatës Speciale. Ai pohon se lufta e UÇK-së ka qenë e pastër, dhe se këtë e ka dëshmuar edhe në proceset gjyqësore ndërkombëtare. Lidhur me akuzat për krime lufte ndaj pjesëtarëve të UÇK-së, kryeministri vlerësoi se ngjarjet nuk duhet të përgjithësohen dhe se ka ekzistuar një “kod lufte” i cili është respektuar. “Lufta për liri nuk ka qenë zgjedhje, ne nuk kemi pasur zgjidhje. Kemi mbrojtur veten, kemi luftuar për lirinë tonë dhe jam krenar për këtë”, shoton shefi I qeverisë së Kosovës./abcnews.al

vlcsnap-error591-2-1280x720.jpg
ad min13:17 | 31/01/2018

Në një postim në pofilin e tij në Tuiter, ambasadori i Shteteve të Bashkuara të Amerikës në Kosovë,  shkruan se duartrokiste të gjithë ata që janë kundër shfuqizimit të Gjykatës Speciale në vend.
Ambasadori shfaqet i bindur, se vetë populli i Kosovës, nuk e mbështet nismën për shfuqizimin e Gjykatës Speciale. Prandaj ambasadori përgëzon politikanët dhe të tjerët që shprehen publikisht kundër kësaj nisme dhe pse është e vështirë të dallohet, se çfarë është e mirë për të ardhmen e Kosovës.
Ky është paralajmërimi i radhës nga ndërkombëtarët, kundër nismës për shfuqizimin e Gjykatës Speciale, që u ndërmor nga 43 deputetë të paralamentit të Kosovës.
Ndërkombëtarët kanë paralajmëruar Prishtinën zyrtare, se në rast se ndodh një gjë e tillë, do të ketë pasoja serioze negative për të ardhmen e vendit, si pjesë e Evropës./abcnews.al

vlcsnap-error919-1-1280x720.jpg
ad min22:42 | 29/01/2018

Zyra e shefes së Politikës së Jashtme të BE-së, Federika Mogherini ka konfirmuar këtë të hënë qëndrimin e Unionit kundër nismës së një grupi deputetësh të Kosovës për të shfuqizuar ligjin për Gjykatën Speciale. Në një prononcim për “Europa e Lirë”, zëdhënësja e zonjës Federica Mogherini, ndonëse nuk ka folur për pasojat që do të kishte një vendim i tillë, ka deklaruar se Brukseli është i qartë në qëndrimin e tij.

Në një reagim më herët gjatë muajit, Zyra e Bashkimit Evropian në Kosovë tha se çdo përpjekje për shfuqizimin e Gjykatës Speciale do të ndikonte negativisht në marrëdhëniet e Kosovës me BE-në. Përfaqësuesit e vendeve të Kuintit paralajmëruan mbështetësit e nismës me masa të ashpra nëse ajo konkretizohet. Në mediat kosovare flitet se zyrtarëve që mbështesin shfuqizimin e ligjit për Specialen do t’u mohohet viza për të udhëtuar në vendet e BE-së./abcnews.al

vlcsnap-error536-1280x720.jpg
ad min21:25 | 24/01/2018

Në Forumin Ekonomik Botëror, Davos, kryeministri Edi Rama është intervistuar nga mediat serbe. I pyetur për ngritjen e Gjykatës Speciale në Kosovë, kreu i qeverisë është shprehur se ky është një proces i pakthyeshëm.

Edi Rama: “Sigurisht, Europa nuk është në formë e saj më të mirë, por lajmi I mirë është se është në një moment ndërgjegjësimi, rreth nevojës për të qenë në një formë më të mirë, kjo është një periudhë tranzicioni shumë inkurajuese nga një e kaluar e zymtë në diçka më të zakonshme në diçka më të ndritshme”.

-Po fjalimi i Kancelares Anxhela Merkel, a ishte gjithashtu inkurajues, si mendoni?

Edi Rama: “Ajo është gjithmonë inkurajuese. Ajo është e vetmja, e cila mbajti gjallë jo vetëm Europën, por edhe vlerat europiane, parimet europiane dhe ëndrrën europiane, duke qëndruar e fortë në një moment shumë të vështirë, kur Gjermania u përball me krizën dramatike të refugjatëve dhe ajo nuk luajti politikisht me këtë gjë”.

-Çfarë prisni nga vizita e Presidentit Trump nesër dhe pasnesër?

Edi Rama: “Po, po pres me kuriozitet të dëgjoj Presidentin dhe jam shumë shpresëplotë që, përsëri, ajo çfarë thashë për Europën është e njëjtë për SHBA-në, janë dy aleatët e mëdhenj strategjikë të Shqipërisë, por janë dy faktorë të mëdhenj, unë mendoj, në të gjithë rajonin. Është shumë e rëndësishme që Shtetet e Bashkuara të vazhdojnë të luajnë një rol strategjik në rajonin tonë, si edhe shtetet vetë të ecin drejt një të ardhmeje më të mirë”.

-A prisni ju që Serbia dhe Shqipëria do të hyjnë së bashku në BE, apo ka disa parashikime që ndoshta Serbia mund të hyjë në BE para Shqipërisë, Çfarë mendoni për këtë?

Edi Rama: “Është një proces i bazuar tek merita dhe ndërsa flasim Serbia është më përpara, sepse Serbia tashmë është duke negociuar dhe ne jemi duke pritur me padurim të nisim negociatat këtë vit. Por është një garë e shëndetshme, le të themi. Po, ne duam shumë të kemi një ecuri shumë më të shpejtë, le të themi, dhe pse jo të jemi thjesht në të njëjtën pozitë në të ardhmen dhe pse jo të hyjmë në BE së bashku, me presupozimin që Serbia të njohë Kosovën”.

-A prisni ju që të ngrihet Gjykata Speciale dhe të filloje punën në Kosovë?

Edi Rama: “Unë mendoj që është një proces i pakthyeshëm, edhe pse mendoj së është e rëndësishme të kesh gjithnjë një mendje të hapur në lidhje me çfarë është më e mira dhe çfarë mund të përmirësohet. Kështu që nuk mendoj se ideja dhe gjykata si e tillë është në ndonjë lloj rreziku dhe nëse ka një debat rreth përmirësimit është një debat i mirë”./abcnews.al

vlcsnap-error075-1-1280x720.jpg
ent ela14:54 | 13/01/2018

Tentativat për shfuqizimin e Gjykatës Speciale sollën një sërë reagimesh në Kosovë, brenda spektrit politik në vend, por edhe të partnerëve ndërkombëtarë. Iniciativa ishte e shoqatës së veteranëve të UÇK, por dhe të një grupi deputetësh që kërkuan shfuqizimin e saj në një seancë parlamentare dhjetorin e kaluar. Ndërkohë një tjetër zhvilllim vjen nga Vetëvendosje që është përfshirë nga një krizë e brendshme pas dorëheqjve të njëpasnjëshme të drejtuesve të kësaj force politike./abcnews.al

vlcsnap-error099-1280x720.jpg
ent ela14:17 | 13/01/2018

Kryesia e Kuvendit në Kosovë do të vendosë në fillim të javës së ardhshme për iniciativën së deputetëve për shfuqizimin e Ligjit për Dhomat e Specializuara dhe Zyrën e Prokurorit të Specializuar. Mediat kosovare raportojnë se dhe pse nuk figuron si një nga pikat në rend të ditës të seancës parlamentare, mund të vendoset që të diskutohet për këtë temë. Dhe vizita e ndërkombëtarëve, të dërguarve specialë nga Franca dhe Gjermani ditët e fundit në Prishtinë, ëhstë fokusuar tek shfuqizimi igjykatës speciale, me apeilin dhe presionin ndaj liderëve kosovarë që ytë mos e pengojnë atë.

Ata kanë përmendur dhe njëherë pasojat me të cilat do të përballet vendi në rast se nuk votohet në parlament për fillimin sa më shpejt të punës së kësaj gjykate që merret me krimet endodhura pas lufte në Kosovë, ku të dyshuar kryesorë, sipas mediave, priten të jenë figura të njohura të UÇK-së.

Iniciativa për shfuqizimin e Ligjit për Specialen, e cila ende është pezull në Kuvend, përbën “shqetësim ekstrem për BE-në dhe vendet anëtare të saj”, shkruhej në deklaratën e përbashkët të nënshkruar nga përfaqësuesja e posaçme e BE-së dhe shefat e misioneve të BE-së në Kosovë./abcnews.al

vlcsnap-error548-1-1280x720.jpg
ent ela13:38 | 12/01/2018

Liderët kosovarë janë paralajmëruar sërish nga bashkimi europian për sa i përket përpjekjeve për shfuqizimin e gjykatës speciale. Zyra e BE dhe misionet e vendeve anëtare në Kosovë në një deklaratë të përbashkët për shtyp kërkojnë që gjykata të nisë punën sa më parë.

Me anë të një deklarate të përbashkët për shtyp Zyra e Bashkimit Evropian dhe misionet e vendeve anëtare që janë të pranishme në Kosovë, sërish kanë kundërshtuar sërish shfuqizimin e Gjykatës Speciale. Sipas kësaj deklarate BE shprehet e shqetësuar për faktin se deputetët e Kosovës kanë ndërmarrë iniciativë për shfuqizimin e Ligjit për Dhomat e Specializuara dhe Prokurorin e Specializuar.

Në deklaratën e përkthyer dhe publikuar nga mediat kosovare shkruhet se në vitin 2014, Kosova është zotuar ndaj Bashkimit Evropian për të themeluar Dhomat e Specializuara. Ky ishte një hap i rëndësishëm për të dëshmuar përkushtimin e Kosovës ndaj sundimit të ligjit. Si rezultat, BE mirëpriti themelimin e Dhomave të Specializuara nga Parlamenti i Kosovës në vitin 2015.

Ndaj cdo përpjekje për të shfuqizuar apo ndryshuar mandatin e Dhomave të Specializuara minon seriozisht një përkushtim të tillë dhe do të rrezikonte seriozisht punën e arritur nga Kosova dhe BE-ja për sundimin e ligjit të arritur viteve të fundit. Kjo do të kishte ndikim negativ në marrëdhëniet e Kosovës me BE-në. Prandaj, BE u bën thirrje iniciatorëve të nismës së Parlamentit që të tërheqin këtë iniciativë.

Deklarata mbyllet me fjalinë se BE përkrah fuqishëm përparimin e Kosovës në integrimin e saj evropian./abcnews.al

vlcsnap-error828-2-1280x720.jpg
ad min21:42 | 10/01/2018

Presidenti i Kosovës, Hashim Thaçi u shpreh i shqetësuar për ekzagjerimin që i është bërë përpjekjes për shfuqizimin e Gjykatës Speciale. Ai ripërsëriti edhe njëherë se do të firmosë për shfuqizimin e saj nëse një gjë të tillë do t’ia kërkojë parlamenti.

Presidenti i Kosovës, Hashim Thaçi, në një intervistë për Zërin e Amerikës tha se vendimi për ngritjen e Gjykatës Speciale është ende në fuqi. Kreu i shtetit i quajti të panevojshme teprimet rreth kësaj çështjeje.

Hashim Thaçi, president i Kosovës: “Jam i shqetësuar me ekzagjerimin që i bëhet këtij procesi të opinionit të deputetëve të Kosovës. Duhet kuptuar që vendimet në parlament i marrin deputetët, njerëzit e zgjedhur drejtpërdrejt nga qytetarët dhe jo ndërhyrjet brutale apo të dhunshme ndaj grupeve parlamentare, apo thirrjet e ndonjë ambasadori të caktuar se sonte është koha me hedh gaz lotësjellës në parlament. Mendoj se këto thirrje e cënojnë rëndë demokracinë në Kosovë”.

Më tej Thaçi përsëriti se themelimi i kësaj gjykate është pranuar nga ai vetëm për të ruajtur partneritetin me Shtetet e Bashkuara, Bashkimin Europian dhe NATO-n. Gjithashtu nënvizoi se do të firmoste një vendim të parlamentit të kosovës për shfuqizimin e Gjykatës Speciale. Presidenti foli edhe për frikën se nga ky vendim mund të pasojë një izolim i vendit.

“Definitivisht jo. Kosova edhe kështu është e izoluar, sepse nuk ka viza. Themelimi i Ushtrisë së Kosovës është vonuar; nuk na lejohet që të aplikojmë për Interpol, për UNESCO, për Këshill të Evropës, gjë që ishin deklaruar qartë”.

Më tej, Thaçi foli edhe për demarkacionin me Malin e zi. Presidenti i Kosovës nënvizoi se kjo marrëveshje duhet të miratohet në kuvend pasi është e saktë dhe është pranuar nga ekspertët ndërkombëtare./abcnews.al

vlcsnap-error657-1280x720.jpg
ad min15:51 | 10/01/2018

Përpjekja për shfuqizimin e gjykatës speciale në Kosovë ka bërë që Franca dhe gjermania të dërgojë një ekip special në Prishtinë për të biseduar me liderët në vend për të bërë një hap prapa rreth kësaj cështjeje

Një delegacion i përbërë nga i dërguari i posaçëm për Evropën Juglindore, Turqinë dhe shtetet e EFTA-s në Ministrinë Gjermane të Punëve të Jashtme, Christian Hellbach dhe Shefi i Departamentit të Ballkanit Perëndimor të Ministrisë Franceze të Punëve të Jashtme dhe Evropiane, Thomas Bertin, do të jenë në Kosovë për një vizitë të përbashkët më 10 dhe 11 janar 2018.

Ambasada Gjermane në Prishtinë, përmes një deklarate për media, bëri të ditur se arsyeja e kësaj vizite janë “përpjekjet e fundit për të shfuqizuar ligjin mbi Dhomat e Specializuara dhe Zyrën e prokurorit të specializuar”. Më tej në njoftim shkruhet se vizita zhvillohet në sfondin e shqetësimeve në Berlin dhe Paris lidhur me përpjekjet e fundit për të shfuqizuar ligjin mbi Dhomat e Specializuara dhe Zyrën e prokurorit të specializuar. Tema të tjera për t’u diskutuar përfshijnë domosdoshmërinë e vazhdimit të reformave, veçanërisht në fushën e sundimit të ligjit, demokracisë dhe qeverisjes së mirë, të cilat janë thelbësore për afrimin e mëtejshëm të Kosovës drejt Bashkimit Evropian. Gjatë vizitës së tyre, ata do të takohen me Presidentin, Kryeministrin dhe Zëvendëskryeministrin e Republikës së Kosovës, si dhe me përfaqësuesit e partive politike dhe shoqërisë civile./abcnews.al

 

vlcsnap-error995-1-1280x720.jpg
ad min11:50 | 30/12/2017

Departamenti Amerikan i Shtetit i ka bërë një apel të qartë lidershipit kosovar duke i kërkuar personalisht kreut të shtetit, kryeministrit dhe kryetarit të parlamentit që të mos prekin apo pengojnë Gjykatën Speciale.

Pas deklaratave të ashpra të Ambasadës së Shteteve të Bashkuara të Amerikës të premten, ku iu bë vërejtje liderëve kosovarë që të ndalojnë përpjekjet për shfuqizim e Gjykatës Speciale, vjen dhe një reagim nga Departamenti Amerikan i Shtetit. Presidentit Thaçi, kryeministrit Haradinaj e kryetarit të parlamentit Veseli, u kërkohet që ti përmbahen zotimeve të tyre ndaj punës së Gjykatës. “Ne u bëjmë thirrje liderëve politikë në Republikën e Kosovës dhe Deputetëve të Kuvendit të Kosovës, ta ruajnë zotimin për punën e Dhomave të Specializuara dhe ta lënë të pandryshuar autoritetin dhe juridiksionin e gjykatës”, thuhet mes të tjerash në deklaratën e Depertamentit të Shtetit

Më tej thuhet se Shtetet e Bashkuara të Amerikës janë shumë të shqetësuara nga përpjekjet e fundit të Kuvendit të Kosovës për shfuqizimin e Dhomave të Specializuara të Gjykatës Speciale, gjykatë e themeluar për të hetuar për krime kundër njerëzimit, krimeve të luftës dhe krimeve tjera serioze të bëra gjatë vitit 1998-2000.

Sekretari amerikan i shtetit Rex Tillerson deklaroi pak ditë mëm parë se në Ballkan nuk ka mbaruar kërkesa për drejtësi dhe SHBA-të mbeten të përkushtuar për të mbështetur drejtësinë për viktimat. Deklarata e departamentit amerikan të shtetit përfundon me apelin që liderët aktualë dhe deputetët e Kuvendit të Republikës se Kosovës të mos e prishin këtë arritje duke shfuqizuar gjykaten, tani apo në të ardhmen./abcnews.al

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono