gjykata speciale

haradiunaj-1280x678.jpg
ent ela16:15 | 19/07/2019

Kryeministri Ramush Haradinaj ka dhënë dorëheqje nga posti i kryeministrit. Ai është ftuar të intervistohet si i dyshuar nga Gjyakat Speciale në Hagë. Ai ka kërkuar nga Presidenti të shpallë ditën e zgjedhjeve të jashtëzakonshme.

Ka dhënë dorëheqje të parevokueshme nga posti i kryeministrit Ramush Haradinaj. Ai këtë vendim e ka marrë pasi është ftuar për tu marrë në pyetje nga Dhomat e Specializuara në Hagë si i  dyshuar.

Haradinaj në fund të mbledhje së qeverisë ka shprehur bindjen se pastërtia e luftës së UCK-së nuk do të njolloset nga askush.

Nderi i kryeministrit dhe shtetit duhet të ruhet dhe unë nuk e poshtëroj asnjëherë. Në Hagë si Ramush Haradinaj do ti dalë përballë shpifësve ashtu si e kërkon nderi i luftëtarit shqiptar. Pastërtia ime dhe e luftës së UÇK-së e konfirmuar nga dy aktgjykime nuk mund të njolloset nga askush dhe asnjëherë.

I emocionuar në konferencën e jashtëzakonshme  për media Haradinaj tha se Kosovës po i bëhet presion i padrejtë për çmimin e njohjes nga Serbia, ndërsa tha se ndarja është e papranueshme.

Ndërsa tha se pas kësaj dorëheqje mandatin ia kthen popullit ndërsa ka kërkuar nga Presidenti t’i shpallë zgjedhjet e parakohshme.

Për të ky vendim, i dyti me radhë për tu dorëhequr nga posti i kryeministrit nuk ishte i lehtë. Ai kishte dhënë dorëheqje edhe në vitin 2005 nga posti i Kryeministrit për t’u ballafaquar me Gjyaktën e Hagës, por nuk e pati prishur koalicionin qeveritar që e kishte me Lidhjen Demokratike të Kosovës.

Raporti: Blerta Dalloshi Berisha

Kamera:Visar Kryeziu

LUSHTAKU-HAGE-1280x720.jpg
ent ela22:22 | 17/01/2019

Djali i një prej ish-komandantëve të UÇK-së i thirrur për të dëshmuar nga Gjykata Speciale e cilëson të padrejtë procesin e nisur. Në një intervistë për “Klan Kosova”, Mërgim Lushtaku thotë se e njëjta gjë duhet të bëhej paralelisht për krimet serbe të kryera ndaj popullsisë civile në Kosovë.

Djali i Sami Lushtakut, ish-komandanti i UÇK-së që është marrë në pyetje nga Gjykata Speciale në lidhje me luftën e viteve ‘90, e cilëson të padrejtë procesin e nisur në Hagë. Në një intervistë për “Klan Kosova”, Mërgim Lushtaku deklaron se është e papranueshme që 20 vjet nga përfundimi i luftës hetohen vetëm krimet eventuale të UÇK-së dhe jo barbaritë e njësive paraushtarake serbe në Kosovë.

Mërgim Lushtaku: “Kjo gjë nuk po bëhet me serbët që kanë bërë masakra dhe genocid, por jemi këtu dhe janë thirrur edhe komandantët e luftës së UÇK-së”.

Aktualisht deputet i Kuvendit të Kosovës, Mërgim Lushtaku e cilëson “absurd” votimin e Gjykatës Speciale nga legjislatura e kaluar. Por tani, thotë ai, nuk ka kthim pas.

Mërgim Lushtaku: “Është një vendim i gabuar pasi nuk janë gjykuar krimet e serbëve dhe nëse nuk gjykohen të dyja palët, votimi i gjykatës ka qenë absurditet. Por tani jemi këtu ku jemi dhe duhet t’i dëshmojmë botës se lufta e UÇK-së ka qenë e pastër si loti”.

Shumica e ish-luftëtarëve janë thirrur në Hagë në cilësinë e dëshmitarit dhe të të dyshuarit, por rastet për të cilat ata janë marrë në pyetje ende nuk dihen me saktësi. /abcnews.al

jacku.png
G. P.10:39 | 01/11/2018

Jack Smith, kryeprokurori i Gjykatës Speciale në Kosovë ka konfirmuar se shumë shpejt do të ngrihen akuzat e para. Gjatë vizitës së tij në Kosovë ai është takuar me ministrin e Drejtësisë, Abelard Tahiri.

Kryeprokurori i Gjykatës Speciale, Jack Smith, ka vizituar për herë të parë të martën Kosovën, ku është takuar me ministrin e Drejtësisë, Abelard Tahirin dhe me zyrtarë të tjerë të kësaj ministrie, si dhe me përfaqësues ndërkombëtarë.

Një ditë pas vizitës së Smith në Kosovë, zyrtarë të Prokurorisë së Specializuar, konfirmuan për gazetën “Zëri” se ai është i përqendruar në zbatimin e mandatit të tij në mënyrë të shpejtë, duke lënë të kuptohet se nuk do të vonojë as ngritja e akuzave të para nga ky institucion i drejtësisë.

Në një reagim për mediat, zëdhënësi i Prokurorisë së Specializuar në Kosovë, Kristofer Benet u shpreh se nuk mund të ketë komente apo data të sakta për akuzat e para, por çdo gjë do të ndodhë shumë shpejt./abcnews.al

prishtina.jpg
G. P.12:30 | 21/09/2018

Sipas mediave serbe do të duhet më shumë se një vit për formulimin e akuzave të Gjykatës Speciale në Kosovë. E kjo vonesë sipas tyre bëhet pikërisht për shkak të dialogut mes Prishtinës dhe Beogradit që tashmë ka hyrë në fazë përfundimtare.

E përditshmja serbe “Blic” shkruan se Kosova është në kërkim të garancive si kusht për ecurinë e bisedimeve me Serbinë. Dhe një nga këto garanci është amnistia për ata që do të mund të akuzohen nga Gjykata Speciale në vend.

Më tej, kjo e përditshme raporton se akuzat nga Gjykata Speciale e Kosovës nuk do të formulohen për të paktën edhe një vit, derisa të përfundojnë bisedimet ndërmjet Kosovës e Serbisë.

Sipas gazetës, vetëkrijimi i Gjykatës Speciale “për krimet e UÇK-së” ka shkaktuar shqetësime dhe thekson se presidenti i Kosovës, Hashim Thaçi, përmendet si një një nga personat që pritet të akuzohet nga kjo gjykatë.

Mirëpo, sipas gazetës, duke pasur parasysh se Thaçi ka funksion të lartë politik, është pak e besueshme se ai, apo kryeministri i Kosovës Ramush Haradinaj dhe kryetari i Parlamentit të Kosovës, Kadri Veseli “do të dalin para drejtësisë”.

Gazeta citon avokatin serb Nebojsa Vlajiç, i cili do të përfaqësojë viktimat e “krimeve të UÇK-së”, i cili konfirmon se nuk pret një fillim së shpejti të gjykimeve./abcnews.al

vlcsnap-error805-1280x720.jpg
ent ela14:13 | 10/02/2018

Me anë të një deklarate të përbashkët për shtyp, ambasadat e vendeve të Kuintit në Prishtinë, kanë përshëndetur vendimin e Prishtinës zyrtare për t’u tërhequr nga iniciativa për shfuqizimine gjykatës speciale.

Përfaqësuesit në Kosovë, të Shteteve të Bashkuara të Amerikës, Francës, Britanisë së Madhe, Gjermanisë dhe Italisë – vendet e Quintit – përshëndetën me entuziazëm vendimin e Prishtinës për tërheqjen nga shfuqizimi i gjykatës speciale e cila do të hetojë krimet që pretendohet të jenë kryer nga Ushtria Çlirimtare e Kosovës gjatë luftës. Në një deklaratë të përbashkët për shtyp nga pesë ambasadat e këtyre vendeve bëhet apel që Prishtina zyrtare të mbajë fjalën e saj dhe që të gjitha institucionet kosovare të respektojnë detyrimet e tyre.

Në dhjetor të një viti më parë, një grup prej 43 deputetësh ndërmori iniciativën për shfuqizimin e ligjit që lejon krijimin e gjykatës special, vendim i marrë nga parlamenti kosovar në 2015-ën. Me seli në Hagë, gjykata ka nisur prej pak kohësh punën e saj për të gjykuar krimet e kryera nga UCK.

Pas kërcënimeve për pasoja të rënda nga ana e SHBA, Be dhe organizate të tjera ndërkombëtare, nëse Gjykata Speciale shfuqizohej, presidenti kosovar Hashim Thaçi, kryeministri Ramush Haradinaj dhe kreu i parlamentit Kadri Veseli u mënjanuan nga iniciativa e deputetëve duke premtuar se gjykata special do të mund të kishte një aktivitet normal.

Ndër ata që rrezikojnë të akuzohen për krima lufte, janë vetë Thaçi, Haradinaj dhe Veseli, të cilët kanë qenë komandantë në radhët e UÇK-së./abcnews.al

 

vlcsnap-error911-1280x720.jpg
G. P.19:34 | 01/02/2018

Në një konferencë për shtyp në prag të 10-vjetorit të pavarësisë, presidenti i Kosovës, Hashim Thaçi, ka deklaruar se vendi duhet të përmbushë detyrimet ndërkombëtare nëse dëshiron perspektivë europiane, duke iu referuar këtu Gjykatës Speciale dhe demarkacionit me Malin e Zi.

Në një konferencë për shtyp në prag të 10-vjetorit të pavarësisë, presidenti i Kosovës, Hashim Thaçi ka dhënë mesazhin e qartë se krijimi i Gjykatës Speciale është i pashmangshëm, pavarësisht se në të njëjtën kohë është edhe i padrejtë.

Hashim Thaçi: “Gjykata Speciale nuk mund të shfuqizohet dhe nuk do të shfuqizohet. Ky është qëndrim i shtetit të Kosovës. E themelojmë gjykatën sepse nuk kemi as pse frikësohemi, nuk kemi pse të hezitojmë. Është e padrejtë, por duhet ta gëlltisim për hir të partneritetit me SHBA dhe NATO-n”.

Në vijim të konferencës, kreu i shtetit u ka bërë thirrje deputetëve të Kuvendit të Kosovës që të ratifikojnë sa më shpejt marrëveshjen e demarkacionit me Malin e Zi, në mënyrë që vendi t’i shpëtojë izolimit dhe të ketë perspektivë të qartë europiane.

Hashim Thaçi: “Nëse ne veprojmë mençurisht dhe bashkarisht si skemë politike dhe institucionale, që të përmbyllim çështjen e demarkacionit, besoj se do të hapet një mundësi e re. Nëse veprojmë mençurisht dhe e kryejmë atë nuk do të ketë asnjë padrejtësi ndaj Kosovës. Është dicka në duart tona, prandaj deputetët duhet të veprojnë në mënyrë unike, të vënë interesin e shtetit mbi të gjitha”.

Më tej Thaçi ka prekur edhe çështjen e vrasjes së liderit të serbëve të Kosovës, Oliver Ivanoviç, për të cilën ka premtuar se shumë shpejt drejtësia kosovare do të dalë me rezultate konkrete. Ndërkohë, ai ka përjashtuar pistën e një vrasjeje me sfond ndëretnik.

Hashim Thaçi: “Institucionet e Kosovës në një të ardhme të afërt do të dalin me rezultate konkrete. Po ndjek nga afër institucionet përgjegjëse që po merren me zbulimin, identifikimin dhe mundësisht kapjen e autorit. Të dhënat e para janë se ka qenë një akt kriminal e mafioz. Ka të dhëna të sakta se ka patur motive politike, por jo ndëretnike”./abcnews.al

thaci.jpg
G. P.16:35 | 01/02/2018

Presidenti i Kosovës, Hashim Thaçi, në një bashkëbisedim me mediat në prag të 10-vjetorit të Pavarësisë, listoi arritjet e tij në politikë. Kreu i shtetit foli edhe për Gjykatën Speciale.

Thaçi nënvizoi se shfuqizimi i saj nuk do të bëhet dhe ky është qëndrimi përfundimtar i shtetit të Kosovës. Pavarësisht këtij fakit, ai ripërsëriti se themelimi i saj është bërë me imponim.

“Eshtë diçka që duhet të gëlltisim për hir të partneritetit me miqtë ndërkombëtarë”, theksoi kreu i shtetit. Thaçi akuzoi opozitën e Kosovës, duke thënë se me kundërshtimin e Demarkacionit me Malin e Zi ka bllokuar procesin e liberalizimit të vizave.

Ndërsa foli përsëri dhe për vrasjen e politikanit serb të Kosovës, Oliver Ivanoviç. Thaçi përjashtoi mundësinë që kjo ngjarje të jetë rast i një konflikti ndëretnik./abcnews.al

586e9d13c461886b618b463d.jpg
ent ela11:46 | 01/02/2018

Kryeministri i Kosovës, Ramush Haradinaj tha se qeveria e tij do të përmbushë detyrimet ndërkombëtare sa i përket Gjykatës Speciale. Në një intervistë për një emsion të Dojçe veles, ai thotë se lufta e Uçk-së ishte e pastër.

Gjatë një interviste për Dojçe Vele, në emisionin “Zona e Konfliktit”, me gazetarin e njohur Tim Sebastian, kryeministri i Kosovës, Ramush Haradinaj, tha se Prishtina do t’i përmbushë obligimet, duke përfshirë edhe Gjykatën Speciale. “Kosova i ka përmbushur obligimet e saja sa i përket ligjeve kombëtare dhe ndërkombëtare. Nuk ka dyshim që Kosova do t’i kryejë këto obligime ndërkombëtare”, nënvizoi shefi i qeverisë. Lidhur me këtë çështje, Haradinaj shprehu shqetësimin e tij për njëanshmërinë e Gjykatës Speciale.

“Është një shqetësim që lidhet me Gjykatën Speciale, dhe disa persona këtu e konsiderojnë si të padrejtë ngaqë ka qasje selektive ndaj krimeve. Kjo gjykatë fokusohet në ngjarje të veçanta të luftës, kështu që supozohet që i drejtohet vetëm një etnie”.

Sipas Haradinaj, në Kosovë nuk ekziston frikë nga akuzat potenciale të Gjykatës Speciale. Ai pohon se lufta e UÇK-së ka qenë e pastër, dhe se këtë e ka dëshmuar edhe në proceset gjyqësore ndërkombëtare. Lidhur me akuzat për krime lufte ndaj pjesëtarëve të UÇK-së, kryeministri vlerësoi se ngjarjet nuk duhet të përgjithësohen dhe se ka ekzistuar një “kod lufte” i cili është respektuar. “Lufta për liri nuk ka qenë zgjedhje, ne nuk kemi pasur zgjidhje. Kemi mbrojtur veten, kemi luftuar për lirinë tonë dhe jam krenar për këtë”, shoton shefi I qeverisë së Kosovës./abcnews.al

vlcsnap-error591-2-1280x720.jpg
G. P.13:17 | 31/01/2018

Në një postim në pofilin e tij në Tuiter, ambasadori i Shteteve të Bashkuara të Amerikës në Kosovë,  shkruan se duartrokiste të gjithë ata që janë kundër shfuqizimit të Gjykatës Speciale në vend.
Ambasadori shfaqet i bindur, se vetë populli i Kosovës, nuk e mbështet nismën për shfuqizimin e Gjykatës Speciale. Prandaj ambasadori përgëzon politikanët dhe të tjerët që shprehen publikisht kundër kësaj nisme dhe pse është e vështirë të dallohet, se çfarë është e mirë për të ardhmen e Kosovës.
Ky është paralajmërimi i radhës nga ndërkombëtarët, kundër nismës për shfuqizimin e Gjykatës Speciale, që u ndërmor nga 43 deputetë të paralamentit të Kosovës.
Ndërkombëtarët kanë paralajmëruar Prishtinën zyrtare, se në rast se ndodh një gjë e tillë, do të ketë pasoja serioze negative për të ardhmen e vendit, si pjesë e Evropës./abcnews.al

vlcsnap-error919-1-1280x720.jpg
G. P.22:42 | 29/01/2018

Zyra e shefes së Politikës së Jashtme të BE-së, Federika Mogherini ka konfirmuar këtë të hënë qëndrimin e Unionit kundër nismës së një grupi deputetësh të Kosovës për të shfuqizuar ligjin për Gjykatën Speciale. Në një prononcim për “Europa e Lirë”, zëdhënësja e zonjës Federica Mogherini, ndonëse nuk ka folur për pasojat që do të kishte një vendim i tillë, ka deklaruar se Brukseli është i qartë në qëndrimin e tij.

Në një reagim më herët gjatë muajit, Zyra e Bashkimit Evropian në Kosovë tha se çdo përpjekje për shfuqizimin e Gjykatës Speciale do të ndikonte negativisht në marrëdhëniet e Kosovës me BE-në. Përfaqësuesit e vendeve të Kuintit paralajmëruan mbështetësit e nismës me masa të ashpra nëse ajo konkretizohet. Në mediat kosovare flitet se zyrtarëve që mbështesin shfuqizimin e ligjit për Specialen do t’u mohohet viza për të udhëtuar në vendet e BE-së./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono