gjykata kushtetuese

besnik-muci-1-1280x717.jpg
nev ila21:13 | 18/10/2019

Besnik Muçi është betuar para Presidentit Ilir Meta si anëtari i parë i Gjykatës Kushtetuese. Ceremonia u zhvillua në Presidencë, në prani të ambasadorëve si dhe përfaqësuese të vendeve të Bashkimit Europian dhe të Shteteve të Bashkuara të Amerikës.

Gjyqtari Muçi, duke vendosur dorën mbi Kushtetutën e Shqipërisë, u betua duke u zotuar se:

“gjatë kryerjes së detyrave të tij do t’i qëndroj kurdoherë besnik Kushtetutës së Republikës të Shqipërisë!”.

Por edhe pse Muci është betuar si anëtar i Gjykatës Kushtetuese, ai bazuar në Kushtetutë nuk mundet ta realizojë këtë detyrë, pasi nuk ka kaluar ende procesin e rivlerësimit në të trija shkallët e Vettingut.

Gjyqtari Besnik Muci vazhdon betejën e Vettingut në Kolegjin e Posaçëm të Apelimit. Në seancën e fundit, trupa e KPA-së, bazuar në informacionin e dhënë nga Komisioneri Publik kërkoi deklasifikimin e një dokumenti të klasifikuar si sekret shtetëror, ku thuhej se subjekti i rivlerësimit ka lidhje me dy persona të proceduar penalisht, tek të cilët ka blerë një apartament dhe një makinë.

Sipas Komisionerit Publik, gjyqtari Muçi i ka një borxh në vlerën prej 21 000 euro njërit prej personave të proceduar penalisht./abcnews.al

besnik-muci-1280x711.jpg
nev ila17:07 | 16/10/2019

Presidenti Ilir Meta dekretoi prokurorin Besnik Muçi për anëtar të Gjykatës Kushtetuese. Por, ai nuk mund të emërohet në këtë Gjykatë, pasi vazhdon betejën e Vettingut në Kolegjin e Posaçëm të Apelimit.Trupa e KPA-së i kërkoi DSIK deklasifikimin e një dokumenti të klasifikuar si sekret shtetëror, ku thuhej se subjekti i rivlerësimit ka lidhje me dy persona të proceduar penalisht.

Presidenti i Republikës Ilir Meta ka dekretuar emërimin e Besnik Muçit si anëtar i Gjykatës Kushtetuese. Kreu i Shtetit ne arsyetimin e tij thotë se Besnik Muçi gëzon integritet të lartë moral, etik dhe cilësi të larta profesionale, të cilat janë kërkesa të domosdoshme dhe në koherencë me besimin që kërkon publiku për të qenë anëtar i Gjykatës Kushtetuese.

Besnik Muçi nuk mund të jetë antarë i Gjykatës Kushtetuese pasi për të nuk ka përfunduar procesi i vettingut në Kolegjin e Posaçëm të Aplimit. Kushtetuta e Republikës së Shqipërisë parashikon që anëtarët e rinj të Gjykates Kushtetuese, Gjykatës së Lartë, Prokurori i Përgjithshëm dhe Antarët e SPAK duhet që të kenë një vendim të formës së prerw nga të  3 hallkat e procesit të rivlerësimit.

Në këtë seancë Komisionit Publik solli një dokument të klasifikuar si sekret shtetëror për të cilin, u mor miriatimi i  DSIK-së për ta deklasifikuar. Ky dokument kishte të bënte me faktin që Besnik Muçi ka blere apartamentin shtetasit A.I i cili është i proceduar penalisht për moskallëzim krimi dhe  i ka blerë makinën një tjetër personi po ashtu i proceduar penalisht dy herë nga Prokuroria.

Sipas Komisionerit subjekti i rivlerësimit i ka shtetasit A.I, një borxh në vlerën prej 21 000 euro. Kjo hua  mund të shërbejë si rrethanë dhe argument se subjekti i rivlerësimit mund të vihet lehtësisht nwn presionin e strukturave kriminale.

Prokurori Muçi ka sqaruar se këto persona nuk mund të cilësohen si të lidhur me të, pasi ai ka me ta vetëm marrëdhënie kontraktuale, dhe asgjë më tepër. Muçi i kërkoi trupës gjykuese që ky dokument të mos administrohet si provë.

Prokurori ka depozituar edhe disa prova të reja përsa i përket ligjshmërisë për krijimin e pasurisë së tij, por Komisioneri  ka vlerësuar se këto dokumente vërtetojnë ligjshmërinë e marrjes së huas por nuk ka asgjë të re për ta justifikuar.

Trupa gjykuese e KPA-së i kërkon informacion Prokurorisë për Krime të Rënda nëse Prokurori Besnik Muçi është përfshirë në trajtimin e informacioneve apo i ka trajtuar producionalisht si prokuror, dy personat të cilëve u ka blerë apartamentin dhe automjetin. Besnik Muçi është përzgjedhur nga Këshilli i Lartë i Prokurorisë në 15-shen e prokurorëve, për të qenë pjesë e strukturës se Posaçme Antikorrupsion. /abcnews.al

BESNIK-MUCI-NE-KPA-ABCM1T2.mpg_snapshot_00.04-1280x720.jpg
G. P.10:33 | 16/10/2019

Presidenti i Republikës Ilir Meta ka dekretuar emërimin e Besnik Muçit si gjyqtar të Gjykatës Kushtetuese. Emri i Besnik Muçit u përzgjodh nga lista me katër anëtarë të Këshillit të Emërimeve në Drejtësi, ku bënin pjesë Arta Vorpsi, Elsa Toska, Besnik Muçi dhe Regleta Panajoti.

Kreu i Shtetit në arsyetimin e tij thotë se Besnik Muçi gëzon integritet të lartë moral, etik dhe cilësi të larta profesionale, të cilat janë kërkesa të domosdoshme dhe në koherencë me besimin që kërkon publiku për të qenë anëtar i Gjykatës Kushtetuese.

Sipas Presidentit të Republikës Muçi, përgjatë karrierës së tij ka reflektuar aftësi vendimmarrëse dhe bashkëpunimi. Ndërsa nga karriera e tij si prokuror ka perfeksionuar aftësitë e tij profesionale në fushën e drejtësisë penale.

Aktualisht pjesë e trupës së Kushtetueses është vetëm gjyqtarja Viktore Tusha të cilës i ka përfunduar mandati./abcnews.al

Macron-Rama-1280x715.jpg
nev ila16:41 | 02/10/2019

Në pritje të votës së Francës dhe Holandës për çeljen e negociatave, Kryeminstri Rama tha  projekti i presidentit Macron për reformimin e BE-së nuk rrezikohet ngaqë në Shqipëri nuk ka gjykata funksionale. Rama theksoi se Gjermania konfirmoi se Shqipëria i ka bërë detyrat e shtëpisë.

Këtë përgjigje jep Edi Rama teksa pyetet se si po lobon tek Parisi dhe Amsterdami për marrjen e “po”-së për negociata.

Presidentit Macron i kujton se gjykatat që mungojnë në Shqipëri, nuk janë rrezik për zbatimin e politikave franceze në BE.

Provë që Shqipëria i ka bërë detyrat e shtëpisë, Edi Rama paraqet dakordësinë gjermane.

Atyre që kapen pas kushteve gjermane, Rama ju kujton se këto nuk janë as kushtet e para, e as të fundit.

Në mbledhjen e 17-18 tetorit, Këshilli Evropian do të marrë një vendim, nëse do të hapen ose jo bisedimet për anëtarësimin e Shqipërisë dhe Maqedonisë së Veriut./ABC News Albania 24/7

gjykata-kushtetuese-1280x703.jpg
G. P.12:57 | 27/09/2019

Presidenti i Republikës Ilir Meta ka dekretuar shpalljen e vendit vakant për anëtar të Gjykatës Kushtetuese. Rihapja e vakancës vjen pas dorëheqjes së anëtarit Besnik Imeraj dhe në kushtet kur deri më tani, janë pranuar vetëm kandidaturat e 2 gjyqtarëve për këtë post, në një kohë që numri minimal i tyre duhet të jetë 3. 

Vazhdon të qëndrojë e boshatisur Gjykata Kushtetuese. Arsyeja kryesore është se nuk po arrihet numri i kërkuar i kandidatëve që do të garojnë për tu ulur në karriget e  institucionit më të lartë të sistemit gjyqësor.

Këshilli i Emërimeve në Drejtësi (KED) në përfundim të procedurave të verifikimit të kandidaturave të paraqitura për plotësimin e vendit vakant gjyqtar në Gjykatën Kushtetuese “Vakancë e parakohshme”, e krijuar nga përfundimi përpara kohe i mandatit, të ish-gjyqtarit Besnik Imeraj, ka evidentuar se nga 15 kandidatë që kanë shprehur interesin për konkurrim, kanë ngelur në garë vetëm dy kandidatë të lejuar për kandidim dhe, konkretisht, Besnik Muçi dhe Regleta Panajoti.

“Bazuar në këto kushte, ku në garë për kandidim për plotësimin e kësaj vakance kanë ngelur vetëm 2 kandidatë, pra më pak se numri i domosdoshëm që është 3 kandidatë, Këshilli i Emërimeve në Drejtësi ka vendosur pezullimin e procedurës së verifikimit të kandidaturave dhe njoftimin e Presidentit të Republikës si organ emërtese për të vlerësuar rishpalljen e thirrjes për paraqitjen e kandidaturave për plotësimin e këtij vendi vakant”.

Në njoftimin e Presidentit për rishpalljen e procedurave të aplikimit për plotësimin e vendit vakant gjyqtar në gjykatën kushtetuese “vakancë e parakohshme” i kërkohet kandidatëve që t’i dorëzojnë dokumentet deri në datën 18 Tetor të këtij viti.

Ndër kriteret që duhet të plotësojë kandidati është edhe që të mos jetë larguar nga detyra për shkaqe disiplinore si dhe të ketë kaluar me sukses procesin e kontrollit dhe verifikimit të pasurisë së tij dhe familjarëve./ABC News Albania 24/7

corto.jpg
G. P.14:29 | 26/09/2019

Gjykata Kushtetuese në Itali, ka marrë një vendim të konsideruar si historik, duke lejuar vetëvrasjen e asistuar në disa paciente që mbahen në jetë me aparatura. Tashmë, Parlamenti duhet të miratojë një ligj të posaçëm për këtë çështje.

Për Gjykatën Kushtetuese italiane është e ligjshme ndihma në një vetëvrasje në raste si ai i Dj Fabos. Një vendim historik i Gjykatës së Lartë që i jep dritën jeshile vetëvrasjes së asistuar, por duke i kërkuar parlamentit të hartojë dhe të miratojë sa më parë një ligj për këtë çështje. Mos ndëshkueshmëria në këtë rast do të rregullohet sipas një marrëveshjeje të caktuar.

Për gjykatën nuk është i ndëshkueshëm personi që ndihmon në vetëvrasje, në momentin që personi e ka vendosur në mënyrë autonome dhe në liri të plotë, dhe në rastet ku pacienti mbahet në jetë me aparatura për shkak të një patologjie të pakthyeshme.

Gjykatës Kushtetuese i ishte kërkuar nga gjykatësit në Milano në vitin 2017, në kuadër të procesit të aktivistit të të drejtave të njeriut Marko Kapato i cili kishte ndihmuar Fabiano Antoniani i njohur si DJ Fabo, i mbetur tetraplegjik si pasojë e një incidenti, të vdiste duke e shoqëruar në një klinikë në Zvicër.

Dj Fabo, mbahej në jetë nga aparaturat në Itali dhe mund të fitonte vetëm ndërprerjen e mjekimit jetësor për të vdekur mes vuajtjeve të frikshme. Por ai zgjodhi të vdiste me anë të vetëvrasjes së asistuar në një klinikë zvicerane në 27 Shkurt të 2017-ës./ABC News Albania 24/7

ramush-haradinaj.jpg
G. P.18:06 | 04/09/2019

Gjykata Kushtetuese e Kosovës e ka cilësuar të papranueshme për interpretim kërkesën e kryeministrit në largim të Kosovës, Ramush Haradinaj, lidhur me definimin e kompetencave dhe funksionimit të Qeverisë pas dorëheqjes së kryeministrit.

“Gjykata konkludoi se çështjet e ngritura nga parashtruesi i kërkesës nuk hyjnë në fushëveprimin e jurisdiksionit të Gjykatës Kushtetuese, siç përcaktohet me nenin 113 të Kushtetutës. Rrjedhimisht, në pajtim me nenin 113, paragrafi 1, të Kushtetutës, dhe me rregullin 59 (2) të Rregullores së punës, Andaj, Gjykata njëzëri vendosi të deklaroj kërkesën të papranueshme”, thuhet në njoftimin e kësaj Gjykate.

Më 19 korrik, Ramush Haradinaj ka dhënë dorëheqje nga pozita e kryeministrit të Kosovës. Dorëheqja e tij pasoi ftesën që kishte marrë nga Gjykata Speciale e Kosovës me seli në Hagë, ku ishte ftuar për një intervistë në cilësinë e të dyshuarit për krime lufte.

Më pas, Haradinaj i ishte drejtuar Gjykatës Kushtetuese me kërkesën që t’ia definojë përgjegjësitë gjatë kohës sa ai dhe qeveria në largim do të funksiononin në dorëheqje.

Si pasojë e vendimit të Haradinajt për dorëheqje, Kuvendi i Kosovës është shpërndarë dhe presidenti i Kosovës, Hashim Thaçi ka shpallur 6 tetorin si datë për mbajtje të zgjedhjeve parlamentare në Kosovë./REL

gjykata-kushtetuese-1280x703.jpg
G. P.20:04 | 21/08/2019

Kuvendi i Shqipërisë ka shpallur këtë të mërkurë hapjen e procedurës së aplikimit për vendin vakant për një anëtar të Gjykatës Kushtetuese.

Në njoftimin e Kuvendit thuhet se rishpall hapjen e procedurës së aplikimit për të plotësuar vakancën e parakohshme të krijuar për shkak të mbarimit para afatit të mandatit të Fatos Lulos.

Lulo u shkarkua nga të dy shkallët e Vettingut për mosjustifikim pasurie.

Lëvizja e Kuvendit vjen në kuadër të procesit të nisur nga Këshilli i Emërimeve në Drejtësi për plotësimin e 6 vendeve bosh në këtë gjykatë, 3 nga të cilët duhet të emërohen nga presidenti e 3 nga parlamenti.

Gjykata Kushtetuese, aktualisht ka vetëm një anëtar, Vitore Tushën, por që të nisë funksionin e të ketë mundësi vendimmarrjeje duhen edhe të paktën edhe 5 anëtarë të rinj./ABC News Albania 24/7

ambasada-amerikane-1280x702.jpg
nev ila09:25 | 13/08/2019

Së shpejti, Shqipëria do të ketë një Gjykatë Kushtetuese me gjyqtarë të kualifikuar, të paanshëm dhe apolitik. Mesazhi vjen nga ambasada e Shteteve të Bashkuara të Amerikës e cila nëpërmjet një video të postuar në rrjetet sociale tregon hapat që do të ndiqen për krijimin e gjykatës më të lartë në vend.

Ka një institucion që është mbi të gjithë. Kjo është Gjykata Kushtetuese që mund të vendosë edhe kundër Presidentit, Kryeministrit si dhe agjencive qeveritare.

Ky është leksioni i radhës që vjen nga selia e ambasadës së Shteteve të Bashkuara të Amerikës në Tiranë që ka marrë përsipër t’i japë përgjigje një pyetjeje.

“Por cili ishte problemi me këtë gjykatë në sistemin e vjetër”?

Në videon e publikuar në faqen e Facebook-ut, Ambasada e Shteteve të Bashkuara shpjegon se në të kaluarën Kuvendi dhe Presidenti duhet të binin dakord, për një kandidat që ky të bëhej gjyqtar i Gjykatës Kushtetuese.

“Por kjo shpesh nuk binte dakord dhe shkaktonte vende bosh për një kohë të gjatë. Kur binin dakord personi që zgkidhnin ishte si pasojë e një kompromisi mes politikanëve, por nuk ishin gjithnjë të përqendruar tek kualifikimi i personit. Detyra e një gjyqtari të Gjykatës Kushtetuese kërkon persona të kualifikuar, të cilët qytetarët mund t’u besojnë mbrojtjen e të drejtave të tyre jo kompromise politike”.

Gjykata Kushtetuese ka 9 vende, pasi gjyqtarët iu nënshtruan vlerësimit, vetëm 1 prej tyre kaloi. Pas reformës në drejtësisë, Kushtetuta përcakton standardet për të qenë gjyqtar i kësaj Gjykate. Këto standarde vihen në zbatim nga Këshilli i Emërimeve në Drejtësi i cili është grup Gjyqtarësh dhe Prokurorësh me përvojë të cilët kontrollojnë kualifikimet e Kandidatit. Ky Këshill rendit tri kandidatë kryesorë për çdo vend në Gjykatë bazuar në kualifikimet e tyre.

“Tani kjo kalon me rotacion mes Kuvendit, Presidentit dhe Gjykatës së Lartë. Por këta mund të zgjedhin vetëm nga lista me tre gjyqtarëve të kualifikuar për këtë post. Kjo do të thotë që nuk do të ketë ngecje, por edhe që politikanët nuk mund të emërojnë thjeshtë atë që duan ata.

Nëse Presidenti, Parlamenti apo Gjykata e Lartë nuk arrijnë të zgjedhin dikë, atëherë zgjidhet automatikisht kandidati i renditur më lart nga lista e Këshillit të emërimeve në Drejtësi. Sipas ambasadës së Shteteve të Bashkuara të Amerikës ky sistem i ri siguron që gjyqtarët e zgjedhur të jenë të kualifikuar, ndihmon për të parandaluar boshllëqet për kohë të gjatë si dhe nuk lejon një person që të ketë më tepër pushtet në procesin e përzgjedhjes.

Kaq e thjeshtë është në dukje ndonëse  vendit i mungon gjykata më e lartë në vend prej marsit 2018 kur nisi edhe procesi i Vettingut. 27 vjet pas ngritjes së Gjykatës Kushtetuese pritet rindërtimi i këtij institucioni. Nga 9 anëtarë aty qëndron e vetmja që u konstatua e pastër nga procesi rivlerësues, Vitore Tusha rojtarja e Kushtetutës me mandat të përfunduar./abcnews.al

KED-1280x823.jpg
nev ila12:13 | 31/07/2019

Këshilli i Emërimeve në Drejtësi ka përfunduar verifikimet për një pjese të kandidatëve për vendet vakante për Gjykatën Kushtetuese dhe Inspektorin e Lartë të Drejtësi.

Kështu KED ka miratuar lejimin e kandidimit për gjyqtar në Kushtetuese të Elsa Toskës, e cila ka aplikuar për vendet vakante që ka shpallur Presidenti dhe Kuvendi.

KED njofton se ka vendosur të ndalojë kandidimin e kandidatëve për gjyqtarë në Gjykatën Kushtetuese të 7 kandidatëve, të cilët kishin paraqitur interesin pas shpalljes së vakancave nga Institucioni i Presidentit të Republikës e Kuvendi.

Bëhet fjalë për:

1. Valbona Bala,

2. Klodian Rado,

3. Rexhep Bekteshi,

4. Sinan Tafaj,

5. Petrit Kaja,

6. Gëzim Allaraj,

7. Fiona Papajorgji.

Ndërsa për vendin vakant të Inspektorit të Lartë të Drejtësisë, KED ka vendosur të lejojë kandidimin e Artur Metanit e të ndalojë atë të Genci Gjonçajt.

Në njoftimin e KED thuhet se në mbledhjen e radhës do shqyrtohen kandidaturat e Eris Hysit, Klodian Rados, Zhaklina Petos dhe Marsida Xhaferllarit.

Procedura e vlerësimit të kandidatëve nga KED përfshin kontrollin e pasurisë, figurën dhe integritetin si dhe kushtet ligjore që mundësojnë kandidimin./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono