gjuhëve

osmani-1280x732.jpg
ent ela20:30 | 25/03/2019

Klasa politike shqiptare në Maqedoni ka ritheksuar se ligji për gjuhët ka frymë evropiane dhe duhet të frymëzojë kohezion ndëretnik. Ndërkohë, qeveria u ka kërkuar institucioneve të respektojnë ligjin, ndërsa vetë do të punojë për ta mbështetur atë.

Zëvendëskryeministri për Çështje Evropiane Bujar Osmani, pas takimit të zhvilluar me përfaqësuesit e Grupit punues ndërministror për zbatimin e Ligjit për përdorimin e gjuhëve, theksoi se ky ligj është në frymën e vlerave evropiane, por gjithashtu është një lëvizje inkurajuese që duhet të ofrojnë kohezion ndëretnik.

Sekretari i Përgjithshëm i Qeverisë, Dragi Rashkovski, u kërkoi institucioneve të respektojnë këtë ligj dhe qeveria do të sigurojë asistencë teknike për funksionalitet të plotë dhe përçueshmëri. Rashkovski njoftoi se personat që do të angazhohen në Agjenci, janë të angazhuar në Sekretariatin e Përgjithshëm, dhe kalimi i tyre bëhet me qëllim që të fillojë zbatimi i Ligjit për përdorimin e gjuhëve.

“Si me rekomandime ashtu edhe teknikisht, ndihma më e madhe duhet të ndjekë Agjencinë për zbatimin e gjuhëve, sigurisht sepse është një institucion i ri që po formohet tani”.

Sela bëri të ditur se kompletimi i kuadrit të Agjencisë, do të bëhet pas mbarimit të Zgjedhjeve Presidenciale të 21-prillit, dhe më pas do të përpilojë programin vjetor.

Përndryshe, me 69 vota, në Parlamentin e Maqedonisë u miratua ligji për përdorimin e gjuhëve, me miratimin e ligjit, gjuha shqipe përdoret në mënyrë të barabartë në të gjitha komunat dhe në të gjitha organet e administratës shtetërore. Deri te funksionalizimi i Agjencisë së Gjuhës Shqipe duhet të kalojnë edhe pesë hapa, pasi paraprakisht u caktua lokacioni i cili do të jetë në ish-hapësirat e Policisë Financiare./abcnews.al

zoran-zaev-bujar-osmani-960x540.jpg
ent ela20:45 | 22/01/2019

Qeveria e Maqedonisë ka dërguar në Komisionin e Venecias përmbajtjen e plotë të Ligjit për gjuhët, bashkë me amendamentet që kanë të bëjnë me përdorimin e gjuhës shqipe në kartëmonedha, letrat me vlerë, uniformat e ushtrisë dhe të policisë.

Ligji për përdorimin e gjuhëve u dërgua në Komisionin e Venecias. Qeveria e Maqedonisë kërkon mendimin rreth dygjuhësisë, kurse përpos tekstit të plotë të ligjit, janë dërguar edhe dy nenet kontestuese për dygjuhësinë në kartëmonedhat dhe uniformat e armatës

Zoran Zaev, kryeministër i Maqedonisë: “Sot dërgojmë edhe ligjin dhe dy rregulloret alternatve që i premtuam. Pres që Komisioni i Venecias në periudhën e duhur të jep sygjerimet e tij”.

Nga ana tjetër këshilltari i kryeministrit të Maqedonisë, Ismet Ramadani vlerëson se Komisioni i Venecias nuk do të jetë nën ndikimin e një përfaqësie të opozitës maqedonase, e cila me këmbëngulje konteston ligjin e gjuhëve.

Ismet Ramadani, këshilltar i kryeministrit të Maqedonisë: “Për muajin e ardhshëm zv/kryeministri Bujar Osmani do të organizojë një konferencë donatorësh ku janë të ftuar ambasadorë nga të gjitha vendet e BE-së, por edhe institucione të tjera të fuqishme që financiarisht do të ndihmojnë në zbatimin e ligjit”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono