gjobe

arrestuar-1280x800.jpg
Autor E15:04 | 13/01/2020

Policia arrestoi sot dy persona tek Fusha e Aviacionit në Tiranë me akuzën e gjobvënies.

Të arrestuarit janë Nikolin Fili i njohur edhe me emrin Aldo Tafa si edhe Eugen Liçi, i njohur ndryshe si Gentian Goxhaj (Vasili).

Të dy ata u kapën teksa i kishin vendosur gjobë 21 mijë euro ish-shokut të tyre Alvaro Saliaj me pretendimin se ai ua kishte borxh.

Tre të rinjtë kanë patur probleme jashtë shtetit me njeri-tjetrin.

Lexo edhe: KAPET/ Duhej të ishte në arrest shtëpie, i dënuari vendos lirshëm gjoba në Tiranë

Siç njofton policia, Eugen Liçi kishte masë sigurie “arrest shtëpie”, por kjo nuk e pengonte që të vendoste gjoba në Tiranë.

“Si rezultat i operacionit, në afërsi të Fushës së Aviacionit, është bërë i mundur bllokimi i automjetit me të cilin qarkullonin dy shtetasit e dyshuar N. F. alias A. T., 37 vjeç, banues në Durrës, i shpallur në kërkim policor nga Komisariati i Policisë Nr. 2 dhe E. L. alias G. G., 43 vjeç, banues në Tiranë, i kërkuar në Itali, pasi Gjykata e Milanos ka lëshuar urdhër-arresti, për kryerjen e veprave penale “Bashkëpunim kriminal, me qëllim trafik droge”, njofton policia.

Ata u kapën brenda një makinë me fenelina dhe sirenë policie.

sali-berishaaaa-1-1280x613.jpg
R D13:16 | 27/12/2019

Gjykata Civile e Tiranës ka dënuar ish- kryeministrin Sali Berisha për shpifje, pas padisë së bërë nga Kryeministri Rama. Në vendimin e Gjykatës thuhet se Berisha ka për detyrim të dëmshpërblejë Ramën me 500 000 lekë ( të reja).

Gjykata ka pranuar pjesërisht kërkesë-padinë, sepse vlera e dëmshpërblimit nga paditësi (Rama) ishte 1.000.000 lekë.

Po kështu gjykata ka vendosur detyrimin e palës së paditur të publikojë përgenjeshtrimin në faqen e tij “Facebook”.

Berisha u dënua për deklaratën e bërë në Facebook më datë 15.10.2018 “Fundi i kakistokracisë së kallam deshtakut po troket”.

Ndër të tjera Berisha shkruante se “Parlamenti Europian dhe me ne fund edhe Komisioni Europian jane deklaruar hapas kunder diskutimit per hapjen e negociatave me Shqiperine per shkak te krimit te organizuar ne nivelet me te larta te pushtetit, me fjale te tjere per shkak te familjeve mafioze Rama – Xhafa – Balla -Tahiri”.

/abcnews.al

 

google-logo.jpg
So Nila08:41 | 23/12/2019

Në muajin shtator,Google,ka pranuar t’iu paguajë autoriteve franceze gati një miliard euro, për një mashtrim fiskal që ka nisur katër vjet më parë.

Autoriteti i Konkurrencës në Francë e gjobiti kompaninë Google me 150 milionë euro për, siç tha, sjellje anti-konkurruese dhe reklama të paqarta.

Rregullat për platformën e reklamave në Google nuk janë transparente dhe janë të vështira për t’u kuptuar, thanë të premten autoritetet franceze.

Gjoba vjen në kohën kur Franca dhe vendet e tjera evropiane kanë rritur kontrollet ndaj kompanive amerikane të teknologjisë, të tilla si: Google, Facebook, Apple dhe Amazon, të cilat shpesh kritikohen për pagesë relativisht të ulët të taksave.

Isabelle de Silva, udhëheqëse e Autoritetit francez të Konkurrencës, tha se dominimi i Google në reklamat online është “i jashtëzakonshëm”.

Sipas saj, kompania amerikane kontrollon 90 për qind të tregut në këtë fushë.

Google tha se do ta apelojë gjobën./abcnews.al

Turqia.gif
Vladimir Prenga23:24 | 20/12/2019

Turqia, në ndeshjet me Francën dhe Shqipërinë, i festoi golat në një mënyrë që UEFA nuk e ka toleruar. Futbollistët bënë përshëndetje ushtarake në mbeshtje të ushtrisë turke, që po luftonte në Siri.

Ajo mënyrë festimi u bë objekt disiplinor dhe UEFA e ka konsideruar si të papërshtatshme dhe politike, çka ka sjellë edhe një gjobë të majme për Federatën Turke të Futbollit.

50 mijë euro është gjoba e vendosur dhe kështu shpresat që mund të kishte ndokush për përjashtimin e mundshëm të Turqisë nga EURO 2020 janë zeruar. Në fakt dihej që vetëm një gjobë do të vendosej. /abcnews.al

Futbollistët e Turqisë duke festuar
alki.jpg
ger ta12:58 | 03/12/2019

Miliarderi grek Alkiviades “Alki” David është dënuar me një gjobë prej 58 milion dollarësh, pasi ka ngacmuar seksualisht një nga asistentet e tij.

Bëhet fjalë për gjobën më të madhe në historinë e Shteteve të Bashkuara të Amerikës, sipas avokatit të viktimës.

Alki David, trashëgimtar i një familjeje industrialësh u dënua nga gjykata e Los Anxheles për dhunë seksuale në dëm të Mahim Khan, një prej asistenteve të tij në periudhën 2014 – 2015./abcnews.al

Bullgaria-UEFA.png
Veronik Istrefaj16:57 | 29/10/2019

UEFA ka dënuar Bullgarinë me 75 mijë euro gjobë, si dhe me dy ndeshje pa tifozë, për shkak të sjelljeve të tifozëve në sfidën kundër Anglisë. “Tre Luanët” anglezë shkatërruar Bullgarinë me rezultatin 0-6, sfidë e vlefshme për kualifikueset e Euro 2020. Përgjatë gjithë takimit, pati kore raciste nga tifozët e Bullgarisë për futbollistët anglezë, që ishin shumë pranë ndalimit të ndeshjes.

Sot, ka ardhur dënimi dhe nga UEFA, e cila ka treguar një dorë të butë ndaj Federatës Bullgare. Për referencë, sulmuesi danez, Nicklas Bendtner, është dënuar me 90 mijë euro gjobë vetëm për një festim goli të pahijshëm.

Racizmi vazhdon të mbetet problem në futboll, sidomos kur luajnë dy kombëtare përballë njëra-tjetrës, pasi numri i tifozerisë është më i madh. Ndërsa UEFA, vazhdon të bëjë një “vesh të shurdhër” dhe të japë gjoba modeste./abcnews.al

keedwell.jpg
ad min15:59 | 11/09/2019

Një inxhinier britanik 71-vjeçar, shpenzoi 30 mijë stërlina për të kundërshtuar një gjobë prej vetëm 100 stërlinash. Në përfundim të gjyqit, i cili nuk i dha të drejtë ai u shpreh i zhgënjyer nga sistemi.

Një gjobë për shkak  të shpejtësisë prej 56 kilometrash në orë në një rrugë ku lejohej vetëm deri në 50 kilometra në orë. Një gjobë prej 100 stërlinash në vitin 2016, i ka kushtuar Richard Keedwell, një inxhinier britanik, shumën e 30 mijë stërlinash.

Pasi kundërshtoi fillimisht gjobën, ai shpenzoi një shumë të madhe parash për shpenzimet ligjore dhe gjyqin, e gjithsesi nuk fitoi. Në fund të kësaj ngjarjeje ai u shpreh i lodhur dhe i zhgënjyer nga sistemi që sipas tij po shtyp njerëzit: Ndihem në  faj për paratë e shpenzuara, theksoi ai.

Në një intervistë për BBC ai shpjegoi se kishte shpenzuar 21 mijë stërlina për të paguar avokatët dhe 7 mijë të tjera për të shkuar në gjykatë.

Keedwell shpjegoi se ishte i sigurtë që nuk e kishte tejkaluar kufirin e shpejtësisë në atë rrugë. Në fund ai tha se një pjesë e parave ishin trashëgimi që kishte planifikuar t’ia linte djalit të tij./ABC News Albania 24/7

demnaj-1280x722.jpg
ad min14:00 | 11/08/2019

Qeveria e ka përqendruar aksionin kundër informalitetit ne sektorin e akcizës, ku fokusin kryesor e kanë marrë karburantet.

Mos deklarimi i 233 mijë litrave benzine ne depozitat e Porto Romanos, i kushtoi  një gjobë të majme një kompanie hidrokarburesh.

Një prej subjekteve më të mëdha në fushën e karburanteve është gjobitur me 350 mijë euro për shkak të mos deklarimit të saktë te sasisë që iu gjet në depozitat e Porto Romanos në Durrës.

Masa administrative ndaj këtij subjekti  u vendos në prani të ministres së Financave, Anila Denaj dhe drejtorit të përgjithshëm të doganave, Arlind Gjokuta.

Aksioni kundër informalitetit, i nisur muajin e fundit nga qeveria, ka për qëllim edhe zbulimin e masës në të cilën është abuzuar nga subjekte të caktuara me detyrimet që kanë ndaj buxhetit të shtetit.

Përpara se inspektorët tatimorë të trokasin në dyert e bizneseve, ministrja Denaj kishte një apel të fundit.

Ministrja e Financave paralajmëroi se në ditët e ardhshme do të ketë kontrolle edhe në të gjithë subjektet që bëjnë pjesë në sektorin e akcizës ku përfshihen cigaret, pijet alkoolike dhe kafeja./ABC News Albania 24/7

denaj-1280x802.jpg
ad min14:15 | 04/08/2019

Në kuadër të luftës kundër informalitetit, janë bllokuar 500 mijë litra birrë në një fabrikë me vendndodhje në Kashar. Detyrimet e papaguara të akcizës e kanë ndëshkuar subjektin me 70 milionë lekë gjobë nga ministria e financave dhe ekonomisë.

Hodhi për konsum 500 mijë litrave birrë por shmangu detyrimet e akcizës. Në derë i erdhi një gjobë e majme këtij subjekti në Kashar nga ministria e financave dhe ekonomisë.

Ministrja e Financave dhe Ekonomisë, Anila Denaj paralajmëroi të gjitha subjektet e tjera të kësaj natyre se do të kenë të njëjtin fat nëse nuk zbatojnë detyrimet ligjore.

Ministrja Denaj i bën thirrje subjekteve që të evidentojnë të gjithë mallin brenda një regjimi fiskal. Çdo magazinë fiskale do të kontrollohet, duke filluar nga ato më të voglat tek ato më të mëdha paralajmëroi ministrja e financave dhe ekonomisë sipas të cilës aksioni do të vazhdojë gjatë gjithë muajit Gusht./ABC News Albania 24/7

4-1280x665.jpg
ad min13:45 | 04/08/2019

Gjykata e Krimeve të Rënda ka lënë në burg pa afat Edmond Gecaj, ndërsa vendosi burg me afat 2 muaj për Ilson Beqirajn. Te dy këta persona u arrestuan dy ditë më parë për akuzën e gjobëvënës.

Në séance, Prokuroria ka kërkuar ‘Arrest me burg’ për dy të arrestuarit, ndërsa pala mbrojtëse kërkoi masë më të lehtë. Gecaj, 30 vjeç, është një personazh i njohur për blutë e kryeqytetit. Ai dyshohet se ishte “truri” i bandës së gjobëvënësve dhe fokusi i tij ishin biznesmenët. Sipas prokurorisë së krimeve të rënda, rasti i fundit, ku i riu u përfshi në aktivitet kriminal ishte vendosja e një gjobe të majme prej 12 mijë euro një biznesmeni në kryeqytet, i cili në kushtet e shtrëngimit ka paguar te Gecaj 7500 euro. Pasi ka dorëzuar këtë shumë, biznesmeni ka njoftuar policinë e cila ndërmori operacionin e koduar “Përsëritësit” duke prangosur Gecajn dhe bashkëpunëtorin e tij adoleshent, Ilson Beqiri./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono