gjirokaster

PRONAT-GJIROKASTER-KONFLIKTI-1280x720.jpg
ent ela14:36 | 25/04/2018

30 familje nga Prongji dhe Kardhiqi i Gjirokastrës kanë hyrë në konflikt për çështjen e tokës. Ata thonë se prona u është marrë padrejtësisht dhe ka kaluar me qira tek persona të tjerë.

Problemi me pronësinë e tokës ka përfshirë prej disa muajsh Bashkinë Gjirokastër dhe 30 familje të fshatit Prongji dhe Kardhiq. Këta të fundit akuzojnë Bashkinë e Gjirokastrës për dhënien me qira të tokave pranë fshatit të tyre. Sipas banorëve, ky institucion ka shkelur ligjin duke dhënë me qira për një afat 99 vjeçar, tokën e lënë në përdorim të banorëve. Kjo sipërfaqe nuk është trajtuar nga ligji 7501, ndërsa disa prej banorëve pretendojnë se disponojnë dokumentacionin që vërteton pronësinë e tyre.

Banorët thone  se dosjet e këtyre tokave që familjet e fshatrave Prongji dhe Kardhiq, pjesë e njësisë administrative Cepo, e kanë trashëguar si pronë të tyre, tashmë ndodhen në Agjensinë e Pronave për shqyrtim. Por pavarësisht kësaj, Bashkia Gjirokastër ka miratuar kalimin e tyre me qira, një pronari të ri, i cili ka filluar punimet në terren. Për këtë ata kanë bërë një kallëzim në polici dhe prokurori për Bashkinë Gjirokastër.

Një ditë më parë përfaqësues të këtij fshati kanë marrë pjesë në mbledhjen e këshillit bashkiak, ku kanë kërkuar shqyrtimin e kësaj çështjeje, por mungesa e dokumentacionit dhe informacionit ka sjellë shtyrjen e saj për mbledhjen e radhës. Ndërkohë, Bashkia e Gjirokastrës nuk pranon të japë asnjë informacion mbi këtë konflikt duke shtuar se sqarimet përkatëse do të bëhen të ditura në mblledhjen e këshillit bashkiak të muajit maj. /abcnews.al

AMBASADORI-ITALIAN-1280x720.jpg
ent ela14:05 | 24/04/2018

Nga Gjirokastra, Ambasadori i Italisë në Tiranë, Alberto Cutillo garantoi votën pro të Italisë për Shqipërinë në BE. Cutillo tha se, Shqipëria ka bërë progres dhe Italia do bëjë avokatin e saj. Ambasadori foli para studentëve në Univeristetin “Eqerem Çabej” në Gjirokastër.

“Unë jam optimist nga natyra. Rekomandimi që favorizon Shqipërinë është shumë optimist, është një moment historik i rëndësishëm. Italia ka mbështetur e mbështet integrimin Evropian të Shqipërisë dhe shpresoj që vendet anëtare ta presin propozimin e komisionit dhe sa të jëtë e mundur Italia do bëjë avokatin e Shqipërisë në këtë vendim të rëndësishëm”./abcnews.al

IMG_3371-1280x853.jpg
ent ela14:50 | 23/04/2018

Kryetari i grupit të punës për organizimin e Partisë Demokratike në Qarkun e Gjirokastrës Florian Xhuti është kërcënuar me armë, ndërsa kthehej nga një takim me strukturat e partisë në Tepelenë, mesnatën e së enjtes. Ngjarja u denoncua nga deputeti i Partisë Demokratike Enkelejd Alibeaj sipas të cilit policia ende nuk ka kapur autorët. Ndërkohë Alibeaj tha se ngjarja kriminale ka për qëllim intimidimin e opozitës.

Deklarata e plotë e deputetit të Partisë Demokratike, Enkelejd Alibeaj

Jam këtu për të denoncuar një ngjarje të rëndë kriminale!

Persona të armatosur në mes të natës kanë kërcënuar me pistoletë në kokë, kryetarin e grupit të punës për organizmin e Partisë Demokratike në qarkun e Gjirokastrës, Florian Xhuti.

Ngjarja e rëndë ka ndodhur, pasi Floriani po kthehej nga një takim me  strukturat e partisë në Tepelenë.

Në aksin rrugor Tepelenë-Memaliaj, mjeti me të cilin Florian Xhuti udhëtonte i vetëm, është ndaluar nga një automjet tjetër, ku ishin dy persona, të cilët ai nuk ka mundur t’i identifikojë.

Pasi i kanë zënë rrugën në një vend të pandriçuar, njëri prej personave  është afruar tek mjeti i zyrtarit të Partisë Demokratike, Florian Xhuti, i ka vendosur pistoletën në kokë, duke e sharë dhe duke e kërcënuar me paralajmërimin të mos kthehej më në Tepelenë për të sharë qeverinë.

Të dy personat e paidetifikuar janë përpjekur ta zbresin nga makina Florian Xhutin, por fatmirësisht, aty ka kaluar një makinë tjetër, moment i cili është shfrytëzuar nga Floriani për të larguar armën nga koka dhe për t’u larguar.

Ai ka shkuar me urgjencë në drejtorinë e Policisë Fier ku ka bërë denoncim zyrtar për ngjarjen. Policia nga ana e saj ka marrë deklarimet e Xhutit dhe thotë se ka bërë veprimet dhe hetimet për ngjarjen. Kërcënimi me armë i përfaqësuesit të opozitës ka ndodhur afër mesnatës të së enjtes. Ne nuk e kemi denoncuar publikisht këtë ngjarje kriminale për t’i dhënë kohë policisë të bëjë detyrën për zbulimin e autorëve, por deri tani, i vetmi rezultat i saj është se autorët kanë ikur në drejtim të paditur.

Partia Demokratike e refuzon këtë përpjekje mjerane për t’i mbyllur gojën opozitës dhe përfaqësuesve të saj, që kanë denoncuar me forcë kultivimin dhe trafikimin e lëndës narkotike në Tepelenë, Memaliaj dhe në të gjithë Shqipërinë.

Duke dënuar me forcë këtë ngjarje kriminale që ka për qëllim intimidimin e opozitës dhe largimin e saj nga zonat që deri dje mbilleshin me kanabis, me lejen e Saimir Tahirit, Partia Demokratike i bën të qartë kujtdo se asgjë nuk do ta ndalë atë në denoncimin e lidhjeve të krimit më këtë qeveri në çdo nivel të saj. /abcnews.al

lumi-drino.jpg
gra moz15:29 | 16/04/2018

Forcat e Ushtrisë kanë nisur pastrimin në shtratin e lumit Drino pranë urës së Kordhocës në Gjirokastë.

Aksioni do të vazhdojë për një javë rresht dhe do të shtrihet në të gjithë territorin.

Sipas prefektit të Gjirokastrës, Astrit Aliaj, ky aksion është domosdoshmëri në prag te sezonit turistik dhe ka kërkuar ndërgjegjësim qytetar.

Zonat më të ndotura janë ato përgjatë shtretërve të lumenjve Drino dhe Vjosë./abcnews.al

GJIROKASTRA-NDOTJA-1280x720.jpg
ent ela14:50 | 13/04/2018

Reduktimi i ndotjes së ambjentit dhe shmangjes së qeseve plastike ka çuar në një projekt rreth 200 nxënës të shkollave 9 vjeçare në Gjirokastër.

Ata kanë prodhurar rreth një mijë çanta eko miqësore dhe u kanë kërkuar banorëve të qytetit të mos përdorin qeset plastike.

Për një Gjirokastër të pastër ka tërhequr edhe vëmendjen e të huajve të cilet iu bashkuan nxënësëve.

Rreth 500 miliardë qese plastike janë përdorur në mbarë botën çdo vit. Më shumë se një milion qese plastike përdoren çdo minutë. /abcnews.al

GJIROKASTER-PROTESTE-1280x720.jpg
ent ela13:26 | 28/03/2018

Përfaqësues të shoqërisë civile nga Tirana dhe qytete të tjera të vendit protestuan në Gjirokastër për ceshtjen e detit me Greqinë. Ata thanë se kjo nuk është një protestë politike, por një protestë patriotike.

Ne kërkojmë transparencë për bisedimet me Greqinë dhe i themi jo shitjes së detit”. 

Protestës së organizuar në sheshin e Çerçizit, shumë pranë konsullatës greke në Gjirokastër iu bashkuan edhe disa vendas që ishin të paktë në numër. Kjo është protesta e 16-të e organizuar nga shoqëria civile./abcnews.al

AKSIDENTI-GJIROKASTER-1280x720.jpg
ent ela16:48 | 23/03/2018

Një person ka humbur jetën dhe dy të tjerë kanë mbetur të plagosur në një aksident rrugor. Ngjarja ndodhi pasditen e së premtes në aksin Gjirokastër-Tepelene, prane urës së Kardhiqit. Nga përplasja e një makine me një zetor humbi jetën 25 vjeçari Klajdi Ngjelina, djali i drejtuesit të zetorit.

Gjithashtu mbeti i plagosur edhe një 64 vjeçar dhe bashkëshortja e tij 58 vjeçe, të dy ndodheshin në zetor. Ndërsa nga mjeti tip Volksvagen që drejtohej nga një 21 vjeçar nuk pati të lënduar nga aksidenti. Të plagosurit po marrin ndihmën mjekësore në spitalin e Gjirokastrës. Grupi hetimor po punon për përcaktimin e shkakut të këtij aksidenti. /abcnews.al

SHKARJA-GJIROKASTER-1280x720.jpg
ent ela18:06 | 19/03/2018

Një shkarje masive ka ndodhur në rrugën Tepelenë –Gjirokastër për shkak të reshjeve intensive të shiut të rëna gjatë natës. Rruga është dëmtuar në orën 5.00 të mëngjesit në vendin e quajtur Uji i Ftohtë dhe lëvizja e mjeteve për disa orë u bë vetëm në një sens. Me ndërhyrjen e firmës mirëmbajtëse aktualisht në funksion janë të dy kahet e rrugës, por ka shumë baltë. Për këtë qëllim punonjësit e firmës dhe policisë po e monitorojnë qarkullimin në vazhdimësi./abcnews.al

shkarje-dherash-1280x663.jpg
gra moz09:12 | 19/03/2018

Një shkarje masive ka ndodhur në rrugën Tepelenë–Gjirokastër për shkak të reshjeve intensive të shiut të rëna gjatë natës. Rruga është dëmtuar në orën 5:00 të mëngjesit në vendin e quajtur “Uji i Ftohtë” dhe lëvizja e mjeteve për disa orë u be vetëm në një sens. Me ndërhyrjen e firmës mirëmbajtëse aktualisht në funksion janë të dy kahët e rrugës, por ka shumë baltë. Për këtë qellim, punonjësit e firmës dhe policisë po e monitorojnë qarkullimin në vazhdimësi. /abcnews.al

ekspozita-gjirokaster-1280x661.jpg
gra moz13:05 | 17/03/2018

Studentët e universitetit “Eqerem Çabej” në Gjirokastër kanë ndërmarrë nismën e çeljes së një ekspozite me piktura të fëmijëve të vegjël. Te ardhurat do të shkojnë në ndihmë të fëmijëve autike.

Ekspozitë me piktura nga fëmijët, nxënës në shkollat 9-vjeçare.

Nisma është e studentëve të Universitetit “Eqerem Çabej” në Gjirokastër.

Mes punimeve janë edhe të fëmijëve autikë. Njëri prej tyre është Kliti.

Të ardhurat do të shkojnë në ndihmë të fëmijëve me aftësi të kufizuar.

Për drejtoreshën e qendrës së fëmijëve autikë, Lindita Luzo, veprimtari ta tilla ndërgjegjësojnë opinionin për mbështetjen që i nevojitet të vegjëlve.

Vetë studentët e këtij univerisiteti shfaqen të kënaqur dhe do të vijojnë të japin kontributin e tyre për fëmijët autike./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono