gjirokaster

MBULIM-PROTESTA-GJIROKASTER.mpg_snapshot_00.05-1280x720.jpg
ent ela19:25 | 23/06/2019

Një grup mbështetësish të Partisë Demokratike në Gjirokastër janë përplasur me policinë pasi kanë tentuar të bllokojnë rrugën ku do kalonte kryeministri për të shkuar në takimin elektoral me mbështetësit e tij në këtë qytet.

Protestuesit e PD kanë bllokuar njërin krah të aksit të rrugës nacionale Gjirokastër-Tepelenë.

Ka pasur përplasje mes protestuesve dhe policisë pranë parkut të Viroit, Rama ka kaluar për të zhvilluar takimin elektoral.

Në krye të protestuesve ishte kreu lokal i PD Dasho Aliko. /ABC news Albania 24/7

 

RAMA-NE-PERMET.mpg_snapshot_00.19-1280x720.jpg
ent ela17:00 | 23/06/2019

Kryeministri Edi Rama ka zhvilluar gjatë ditës së sotme turin elektoral në qarkun e Gjirokastrës. Në fjalën e tij kreu qeverisë ka përsëritur se socialistët nuk do të tërhiqen nga zgjedhjet e 30 qershorit dhe të gjithë ata që po pengojnë procesin zgjedhor duhet të ndëshkohen.

Në trup e në kokë e ka stampuar numrin 30 e askush dhe asgjë nuk e bind që ta ndrrojë datën e zgjedhjeve.  Rradhën për tua përsëritur e kanë përmetarët të cilët dëgjuan edhe për fallet që hidhen nga Tirana sipas kryetarit të qeverisë.

“Liri caktoje këtë datën këtu se shoh një 2 dhe duhet të jetë 21 shikoj edhe një ‘T’, por nuk e di ai a është Tetor apo…por ti shikoje vetë. Dhe do të dilte Liri dhe do të thoshte bazuar te konsultat dhe informacionet e huaja vendosa këtë datë, sepse më thanë q ënë këtë datë nuk do çmendet asnjeri”.

Protestat nuk e trembin për më tepër që sot si më të mirët që e shohin veten, socialistët kanë vendosur të mos tërhiqen asnjë milimetër.

“Socialistët që të bëjnë një milimetër mbrapa nuk bën vaki kurrë”.

Por rrugës për takimin e Gjirokastrës, e prisnin një grup protestuesish të PD, në krye të të cilëve ishin drejtuesit lokalë dhe ish deputeti i zonës Tritan Shehu. Përpjekjet e tyre për të bllokuar rrugën nacionale ku do kalonte eskorta e shefit të qeverisë u shoqëruan me përplasje me policinë që hapi rrugën, Rama i ironizoi gjatë takimit mbështetës në Gjirokastër.

Në çdo ndalesë të tij në qarkun e Gjirokastrës kryeministri dha të njëjtat mesazhe me qëllim që askush mos t’i harrojë.

“E katandisi PD në partinë e Dashos me një çetë me 50 vetë atje në anë të rrugës, por këtë nuk vendosin dot këta, as Saliu, as Iliri. Këtë e vendos vetëm Populli”.

Edhe në Tepelenë përsëriti se qëllimi kryesor i opozitës është pengimi i hapjes së negociatave. /ABc news Albania 24/7

kqz-1.jpg
G. P.16:41 | 14/06/2019

Nuk është i vetmi që iu bind dekretit të presidentit për anulimin e zgjedhjeve. Bashkitë që drejtohen nga opozita kanë nisur zbatimin e vendimit duke kërkuar lirimin e menjëhershëm të ambienteve ku janë përcaktuar të vendosen Komisionet zonalë të administrimit të zgjedhjeve dhe vendnumërimi i votave.

“Bashkia Shkodër, Bashkia Lezhë, Bashkia Kukës, Bashkia Dropull, Bashkia Delvinë, Bashkia Kamëz”.

Këto bashki i janë drejtuar me një shkresë Komisioneve Zonalë të Administrimit Zgjedhor për dijeni edhe Komisionit Qendror të Zgjedhjeve, ku kërkojnë lirimin e menjëhershëm të ambienteve të KAZAZ-ve dhe vendnumërimit të votave, si dhe heqjen e listave përfundimtare të zgjedhësve të publikuara dhe të afishuara në qendrat e votimit.

Edhe bashkitë e tjera të djathta, në Gjirokastër, Përmet e Pogradec kanë nisur përgatitjen e shkresave me të njëjtën kërkesë. Këto autoritete vendore kanë vendosur të zbatojnë vendimin e presidentit për anulimin e zgjedhjeve duke mos iu bindur thirrjes së shumicës parlamentare që kanë kërkuar ta konsiderojnë të pavlefshëm dekretin e kryetarit të shtetit./ABC News Albania 24/7

MBULIM-TERMET-GJIROKASTER.mpg_snapshot_00.05-1280x720.jpg
ent ela11:52 | 26/05/2019

Lëkundje tërmeti janë ndjerë mbrëmjen e kaluar në zonën e Gjirokastrës. Sipas Institutit të Gjeoshkencave, tërmeti ka patur një magnitudë 4.3 ballë. Lëkundjet janë regjistruar në orën 22 e 35 të mbrëmjes. Epiqendra e tij ka qenë 11 km në jug të Leskovikut dhe lëkundjet kanë patur një thellësi prej 35 km.
Fatmirësisht nuk raportohen dëme nga ky tërmet 4.3 ballësh, lëkundjet e të cilit janë ndjerë edhe në Greqi. /ABC news Albania 24/7

1556187964_KLP.jpeg
G. P.14:51 | 21/05/2019

Këshilli i Lartë i Prokurorisë ka emëruar në mbledhjen e sotme drejtuesin e Prokurorisë së Gjirokastrës, Julian Cafka. Me 11 vota pro, ai do të marrë postin e drejtuar më parë nga prokurori Arben Pasho, i cili para disa ditësh u shkarkua nga Komisioni i Pavarur i Kualifikimit.

Gjithashtu KLP ka vendosur të shtyjë afatin e drejtimit të prokurorisë së Apelit të Krimeve të Rënda nga Altin Dumani, deri në 22 Gusht të këtij viti. Vendime të tjera të marra me shumicë votash nga Këshilli i Lartë i Prokurorisë kanë të bëjnë me emërimin e disa prokurorëve në shkallën e parë në Tiranë dhe në rrethe të tjera./ABC News Albania 24/7

parku-antigone.jpg
G. P.14:15 | 21/05/2019

Antigoneja antike në Gjirokastër çeli zyrtarisht këtë 21 Maj sezonin turistik. Aty u organizua një paradë  tradite e konceptuar me këngë, valle, por pa harruar gatimet tradicionale të amvisave të zonës, punimet të dorës, objekte të traditës dhe suvenireve të prodhuara nga artizanët e zonës.

Sipas drejtorit të Parkut Antigone Shkëlqim Guçe, parku është vendosur prej vitesh në axhendën e turistëve të huaj. Ne vitin 2018 u regjistruan rreth 1500 vizitorë dhe ky numër këtë vit pritet të jetë disa herë edhe më i lartë për arsye se lugina e Drinos në Gjirokastër ka gjithmonë çfarë të ofrojë për kureshtarët e historisë./ABC News Albania 24/7

gjirokaster-skenderbeu.jpg
nev ila16:30 | 18/05/2019

Në Gjirokastër është hapur ekspozita me fotot origjinale gjatë xhirimit të filmit Skënderbeu . Një pjesë e fotove origjinale gjatë xhirimit të filmit Skënderbeu janë ekspozuar në hollin e teatrit “Zihni Sako” në Gjirokastër.

 

Ky aktivitet vjen si bashkëpunim i Agjencisë së kulturës, qendrës kulturore Musine Kokalari dhe me  mbështetjen e bashkisë Gjirokastër. Ideatori eshte Ilir Lluri. Ekspozita përkon dhe me 65 vjetorin e realizimit të filmit kushtuar heroit tonë kombëtar, i cili  ka qenë pjesë e Festivalit të Filmit në Kanë.

Aktiviteti po ndiqet me mjaft interes edhe nga qytete të tjera të vendit si Tirana dhe Elbasani. Kjo ekspozitë do të qëndrojë  e hapur për disa dite./ABC News Albania 24/7

farsa-e-kurores.jpg
nev ila14:29 | 16/05/2019

“Farsa e Kurorës”, një komedi që tregon atë çfarë ndodh në një familje kur hyn tradhtia dhe lakmia, u prit mjaft mire nga spektatori gjirokastrit. Nëpërmjet kësaj vepre, publiku gjen mundësinë për t’u argëtuar, por dhe për të reflektuar mbi lakminë e mbi tradhtinë.

 

“Farsa e Kurorës” u shfaq për herë të parë për publikun gjirokastrit në teatrin  “Zihni Sako”. Me autor Arben Iljazin dhe regji nga Ledian Gjeci, trupa teatrore u bë pjesë e lojës aktoriale duke pasqyruar realitetin shqiptar dhe atë të shoqërive në  botë, ku tradhtia dhe lakmia janë fenomenet dominante.

“Farsa e Kurorës” vjen në skenë si një vepër e ndërtuar brenda një konflikti thelbësor familjar, që zhvillohet në sy të publikut, thotë  regjisori Ledian Gjeci. Në ngjarjet e veprës publiku gjen mundësinë për t’u argëtuar, por dhe për të reflektuar mbi lakminë e mbi tradhtinë.

Është një komedi e shkruar nga autori Arben Iljazaj është një pasqyrim i realitetit shqiptar dhe i shoqërive kudo në botë. Tradhtia, lakmia apo elemente negative si këto ne i pasqyrojmë e tu japim një mesazh njerëzve për të qëndruar larg këtyre elementeve, këtë ja u servirim si komedi duke i argëtuar ndërkohë”, thotë regjisori Ledian Gjeci.

Për aktorin Xhuljano Brisku i cili luan rolin e dashnorit në këtë komedi suksesi në Gjirokastër ishte i jashtëzakonshëm. Mikpritja, dashamirësia të josh për të tjera projekte në skenë.

“E kam ndjerë mikpritjen që në shfaqen e parë me publikun e Gjirokastrës. Për mua është një kënaqësi e madhe të interpretoj në këtë skenë dhe do ta bëj këtë sa herë të jetë e nevojshme“, tha aktori Xhuliano Brisku.

“Farsa e Kurorës” do të vazhdojë të jetë  në teatrin “Zihni Sako”. Rolet në skenë luhen nga aktori Xhuliano Brisku në rolin e dashnorit, Erion Hinaj në rolin e Dinos si bashkëshorti dhe aktorja Dajana Nenaj në rolin e gruas së re me emrin Kamila./ABC News Albania 24/7

 

lumi-drino.jpg
nev ila14:47 | 13/05/2019

Duhej të ishte resurs për Gjirokstrën. Por asgjë këtu nuk ngjan me lumë. Mes për mes luginës së Drinos, e cilësuar nga mrekullitë arkeologjike e historike e Shqipërisë, dega e Vjosës, Drino është kthyer në një kanal i pisët.

Tetë  pika të ujërave të zeza shkarkohen këtu. Shtrati i Drinos është i teri i ndotur nga zona e SMT deri në atë të Grehotit

Vendorët nuk duket se afrojnë një zgjidhje. Specialisti i Ujrave të Gjirokastrës thotë se duhen impjante për trajtimin e ujërave, dhe ky investim do para.

Shkarkimi i ujërave të zeza nuk është i vetmi problem që po ndot  Drinon. Biznese e banorë e kanë shndërruar atë në vendgrumbullim mbetjesh urbane.

Me rritjen e temperaturave pasojat do të jenë më të rënda. Nga një lum që do të freskonte dhe zbukuronte zonën, Drino do të kundërmojë qytetin turistik të UNESCO-s./ABC News Albania 24/7

aksidenti-gjirokaster-1280x707.jpg
Sej rie14:55 | 07/05/2019

Rrugët janë përgjakur sot nga disa aksidentet në rrethe të ndryshme. Një person ka humbur jetën dhe gjashtë të tjerë kanë mbetur të plagosur. Një person ndërroi jetë dhe gjatë të tjerë u plagosin mëngjesin e kësaj të marte në Gjirokastër, Lezhë dhe Vlorë.

Në rrugën Gjirokastër -Tepelenë pranë liqenit të Viroit, një makine tip Renault doli nga rruga dhe u përmbys. Për pasojë shoferi dhe dy pasagjerët u plagosen dhe u dërguan në spital.  Dyshohet se shkak ka qenë shpejtësia me të cilën po lëvizte mjeti.

 

Kurse në rrugën Shkodër -Lezhë dy makina u përplasen me njëra- tjetrën. Pas përplasjes përfunduan në ambientet e një karburanti. Dy persona u plagosen dhe u dërguan në spitalin e Lezhës. Në Vlore dy aksidentet u regjistruan ne Lungomare.

Në aksidentin e parë u përplasen dy makina dhe për pasojë pati një të plagosur, kurse në aksidentin tjetër një mjet mori para drejtuesin e një biçiklete i cili ndërroi jetë në spitalin e Vlorës./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono



TE FUNDIT