gjimnaz

vace-zela.jpg
G. P.16:02 | 11/09/2019

Arben Bajo realizon skulpturën e mitit të muzikës shqiptare Vaçe Zela. Artisti në një intervistë për ABC News rrëfen detaje rreth veprës e cila do të vendoset në vendlindjen e këngëtares në Lushnje.

Një çast i kapur nga interpretimi i këngëtares legjendë Vaçe Zela “Moj e bukura Arbëri” ka impresionuar artistin Arben Bajo, për përjetësimin e saj në skulpturë.

Iniciativa për realizimin e kësaj vepre ishte e këngëtarit lushnjar Luan Manahasa. Bajo ka jetuar gjatë me Vaçe Zelën në studion e tij, deri në realizimin final të kësaj vepre, për të cilën ndihet mirë që iu besua atij?

Përveç shijimit të muzikës së saj në sfond, për derdhjen në bronz të skulpturës 2 metra të gjatë është konsultuar me këngëtarë të kohës. Skulptori thotë se në ndihmë i kanë ardhur edhe kujtimet e të atit qe e ka patur Vaçe Zelën në gjimnaz.

Në aspektin artistik i ka qëndruar besnik skulpturës realiste, pasi figurat e mëdha sipas tij nuk kanë kuptim në abstraksion. Shikuesit e parë, miqtë e tij artistë dhe profesionistë i kanë shprehur vlerësime, por sipas skulptorit koha është vendimtare në realizimin e një vepre arti.

Skulptura është menduar të qëndrojë në një podium në formë skene, ku njerëzit të kenë mundësi, pse jo të këndojnë sëbashku me të. Skulptura e Vaçe Zelës do të ketë një inaugurim madhështor sipas Luan Manahasës, i cili po bashkëpunon edhe me Bashkinë e Lushnjes./ABC News Albania 24/7

SHKOLLA-SKANDALOZE-BERAT_ABC-M2-T1.mpg_snapshot_00.26-1280x720.jpg
G. P.15:57 | 13/09/2018

Gjimnazi “Babë Dudë Karbunara” në Berat, për këtë sezon arsimor do të presë nxënësit në kushte shumë të rënda. Muret brenda janë të mbushur me lagështirë e myk, kurse vetë godina rrezikon të shembet.

Ajo çfarë shikohet e bukur nga jashtë nuk është e tillë brenda. E lyer por muret janë me lagështirë. Suvaja e tavanit ka rënë në të gjitha klasat. Kjo është gjendja e një prej shkollave më të rëndësishme të Beratit, shkolla e mesme Babë Dude Karbunara. Drejtuesit e shkollës thonë se kanë kërkuar ndërhyrje për riparim. Ata i janë drejtuar bashkisë, por kanë marrë përgjigje negative për mungesë fondesh.

Llazar Palla, drejtori i gjimnazit: “Kemi kontaktuar edhe me pushtetin vendor, Bashkinë e Beratit dhe na është premtuar që vitin që vjen të kemi një rehabilitim të plotë të kësaj shkolle. Mirëpo unë mendoj se taraca nuk mund të presi më, është emergjencë, se si do të zgjidhet nuk e di.”

Në këtë gjimnaz studiojnë 800 nxënës. Por këtë vit të ri arsimor do ti shtohen dhe 400 nxënësit e shkollës 9-vjeçare 1-Maji, të cilët do e zhvillojnë mësimin pasdite. Kryetari i Bashkisë nuk thotë se është në pritje të miratimit të projektit, por gjasat janë që mësimi për këtë vit të zhvillohet në këto ambjente.

Petrit Sina, kryetar i bashkisë: “Ne si bashki kemi aplikuar drejt thirrjeve që ka hapur qeveria shqiptare, jo vetëm për shkollën Babë Dudë Karbunara por edhe për shkollën 28 nëntori janë dy shkolla që janë në qendër të qytetit. Janë dy shkollat më të mira të Bshkisë së Beratit. Babë Dudë Karbunara ka dalë për vite me radhë në 10 gjimnazet më të mira të Shqipërisë. Projekti është me një vlerë prej 120 milionë lekë të reja dhe akoma nuk ka gjetur rrugën e financimit nga qeveria shqiptare.”

Shkolla e mesme Babë Dudë Karbunara është ndërtuar në vitet ‘60. Në vitet 2003-2004 është bërë rikonstruksioni i saj, por që prej asaj kohe ndërtesa ka pësuar dëmtime./abcnews.al

vlcsnap-error243.jpg
us er17:31 | 21/11/2017

Drejtoria e Policisë në Tiranë ka vazhduar evidentimin dhe goditjen e veprimtarisë kriminale në fushën e narkotikëve.
Sot është arrestuar në flagrancë shtetasi Erind Krakulli, 30 vjeç, banues në Tiranë.
Arrestimi i këtij shtetasi u bë pasi rezultonte se shiste lëndë psikotrope të llojeve të ndryshme, por kryesisht “Ekstazi, MDMA”, me klientelë pranë shkollave të mesme në qytetin e Tiranës. Gjatë kontrollit fizik dhe në banesë iu gjetën dhe sekuestruan në cilësinë e provës materiale:
60 (gjashtëdhjetë) pilula të dyshuara si lëndë psikotrope (ekstazi); 1 (një) krehër pistolete model 54; 4 (katër) fishekë luftarake model 54; 1(një) aparat celular i markës “Iphone 5”.
Materialet proceduriale iu referuan Prokurorisë së Rrethit Gjyqesor Tiranë për veprat penale të ‘’Prodhimit dhe shitjes së narkotikëve ‘’ dhe “Prodhimi dhe mbajtja pa leje e armëve luftarake dhe municionit” parashikuar nga nenet 283/1 dhe 278 e Kodit Penal./abcnews.al

22834742_10212549878320903_546374361_n.jpg
us er15:15 | 26/10/2017

Bulevardi i Dibrës u mbush me gjimnazistë, mësues dhe qytetarë që protestuan kundër Bashkisë, e cila ka marrë vendim që godinën e gjimnazit ta kthejë në zyra. Bëhet fjalë për gjimnazin e qytetit, i ndërtuar 30 vjet më parë, por ku aktualisht nuk zhvillohet mësim. Ndërkohe gjimnazistët dhe mësuesit, kërkojnë që kjo ndërtesë të kthehet në kushte për të zhvilluar mësim dhe jo zyra për bashkinë. Aktualisht nxënësit dibranë zhvillojnë mësim me dy turne në shkollat nëntëvjeçare.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono