gjermania
Kategoria e Parë: Java e 18, grupi B

patentat-gjermane11.jpg
nev ila16:50 | 18/02/2020

Një delegacion nga Berlini ndodhet në Tiranë, ku po vëzhgon nga afër procedurat mbi dhënien e patentave nga shteti ynë, për diskutuar më pas fillimin e procesit për njohjen e tyre në Gjermani.

Ambasada shqiptare në Gjermani bën me dije se pala gjermane konstaton se janë bërë përparime në rrugën e njohjes së patentave shqiptare, por shton se  për këtë do të duhet të japin aprovimin e tyre për ndryshimin e duhur ligjor të 16 landet federale.

Sipas tyre, pavarësisht përpjekjeve për të sjellë procedurën e lëshimit të patentave në stadin më modern teknik dhe shkencor, është e rëndësishme marrja e të tjerave masa për të përmirësuar sigurinë rrugore në vendin tonë.

Njoftimi i plotë i ambasadës:

Përparime në rrugën e procesit të njohjes së patentave shqiptare në Gjermani

Në një vizitë informative në Tiranë, Drejtuesi i Departamentit për Qarkullimin Rrugor në Ministrinë Federale për Qarkullimin dhe Infrastrukturën Digjitale, zoti Guido Zilke si dhe Drejtuesja e Referatit përgjegjës, zonja Renate Bartelt-Lehrfeld, u informuan para pak ditësh mbi zhvillimet aktuale në Shqipëri në sektorët e sigurisë rrugore dhe provimeve për patentat.

Përpjekjet intensive të Shqipërisë në vitet e fundit për të sjellë procedurën e lëshimit të patentave në stadin më modern teknik dhe shkencor, përshëndeten shprehimisht nga Gjermania. Gjermania njeh përparimet e dukshme në këtë fushë.

Njëkohësisht vlen të mbahet parasysh se për njohjen e mundshme të patentave shqiptare do të duhet të japin aprovimin e tyre për ndryshimin e duhur ligjor të 16 landet federale. Me veprimtaritë pozitive të vlerësuara të Drejtorisë së Përgjithshme të Transportit Rrugor, nga këndvështrimi gjerman, është bërë një hap tjetër i rëndësishëm.

Sidoqoftë, duhet të ndiqen edhe masa të mëtejshme për të përmirësuar sigurinë rrugore në Shqipëri. Gjermania do të mbështesë intensivisht Shqipërinë në përpjekjet e saj për të ulur numrin e aksidenteve. Delegacioni ka njoftuar se së shpejti do të dërgojë një ekspert të sigurisë rrugore në Tiranë./abcnews.al

drezden.jpg
Autor E09:59 | 13/02/2020

Drezdeni pandehte se ishte i sigurt, besonte se mburojë kishte estetikën e veçantë arkitektonike. Por qyteti pagoi një çmim barbar për luftën e Hitlerit duke përjetuar para 70 vjetësh një bombardim të pashembullt.

Drezden 2004. Këshilli i qytetit krijoi një komision ndërdisiplinor, i cili duhet të merret me çështjen: Sa vetë vdiqën gjatë bombardimeve më 13., 14. dhe 15 shkurt 1945? Për dekada me radhë është spekuluar për këto shifra. Flitej për 70.000 të vdekur, si serioze u provua shifra 35.000 – por edhe kjo bazohej vetëm në vlerësime. Komisioni Drezden ka arritur në konkluzionin e vet. 25.000 të vdekur prej bombave e ka llogaritur ai dhe ky numër është paraqitur në raportin përfundimtar, i cili u publikua në vitin 2010.

Shkatërrimi vetëm në 23 minuta
Ndërkohë që me më shumë preçizion mund të dekumentohet ajo që ndodhi mbi Drezden 75 vjet më parë. Më 13 shkurt u nisën 245 avionë katër-motorik të tipit “Lancaster” nga Anglia. Kjo ishte flota e 5-të bombarduese britanike. Destinacioni i saj: Drezdeni, qytet anës Elbës. Një qytet që asokohe kishte 630.000 banorë me – siç vlerësohej – edhe rreth qindra mijëra refugjatë. Drezdeni nga pikëpamja strategjike dhe ekonomike ishte i parëndësishëm për ecurinë e luftës në përgjithësi, fati i së cilës qe përcaktuar tashmë qysh në vitin 1944.

Drezden 1

Në orën 21:39 gjëmuan sirenat e alarmit në qytetin anës Elbës. Rreth 3.000 bomba të rënda shpërthyese, 250 bomba me rreze djegëse dhe 400.000 bomba flakëhedhëse vërshuan mbi “Firencen e Elbës’, siç quhet ndryshe Drezdeni, i cili shquhet për bukurinë arkitektonike dhe pasurinë e artefakteve. E gjitha kjo ndodhi në vetëm 23 minuta. Qendra e qytetit u bë prush në kuptimin e vërtetë të fjalës. Ndriçimi i zjarrit ishte aq intensiv sa që pilotët britanikë kanë protokolluar se kanë parë Drezdenin të digjet që nga distanca mbi 320 kilometra dhe nga 6.700 metra lartësi. Nxehtësia arrinte temperatura, që shkrijnë edhe qelqin e shisheve nëpër bodrumet e farmacive. Gjatë dy valëve të sulmit të bombarduesve britanikë dhe një sulmi pasues të SHBA u rrafshuan rreth 15 kilometra katror të qytetit.

Në shkatërrimin e Drezdenit ishin të përfshirë pilotë britanikë dhe amerikanë, por njëri kishte komandën: Arthur Harris, “komandant i përgjithshëm” i Forcave Ajrore Mbretërore (RAF). Njeriu i Churchill-it i ngarkuar për bombardimin masiv të Gjermanisë naziste, një mjet lufte për të demoralizuar armikun.

Arthur “Kasapi” Harris
“Asnjë hobby. S’ka lexuar asnjëherë ndonjë libër. Nuk e pëlqen muzikën. Jetonte vetëm për punën e tij”. Një nga përshkrimet më konçize mbi qenien e ushtarakut të lartë britanik, i cili edhe sot e kësaj dite është figurë mjaft e kontestuar. Harris ishte një antipod i britanikut. Ai nuk e njihte njerëzillëkun dhe mirësjelljen, ai ishte i vrazhdë dhe për më tepër shpesh edhe njeri që fyente. Shumë e quanin atë thjesht “Butcher”, kasap. Qysh në periudhën mes dy luftërave botërore Harris e kishte zbuluar pasionin e tij për luftën ajrore. Në Pakistan dhe Irak, ai kishte qenë komandant i skuadroneve të RAF, shpesh fluturonte vetë dhe preferonte të përdorte bomba me zjarr kundër kurdëve dhe arabëve. Kasollet e tyre prej kashte digjeshin me flakë deri në qiell. Ai entuziazmohej prej efektit të luftës ajrore.

Ashtu si shumë oficerë të aviacionit ushtarak edhe jashtë Mbretërisë, Harris besonte në superioritetin ushtarak të bombarduesve. Që në fillim të vitit 1943 ai besonte se vetëm nga ajri pa mobilizimin e trupave të këmbësorisë do të mund ta çonte Gjermaninë drejt kapitullimit. Një vit më pas, në 1944, Harris arrin në konkluzionin, se 45 nga 60 qytetet e mëdha gjermane ishin shkatërruar. Duke përfshirë edhe Këlnin e Hamburgun. Tani duhet të përfundojë pjesa tjetër, kërkoi ai. Drezdeni është një prej tyre.

Drezden 3

Luftë qyteteve
Disa historianë shohin në bombardimin e Drezdenit një element të rritjes së bashkëpunimit ushtarak mes fuqive perëndimore dhe Bashkimit Sovjetik në etapën e fundit të luftës. Pasi kishte mbetur në vendnumëro ofensiva e Forcave Aleate kundër Gjermanisë në Frontin Perëndimor që nga fundi i 1944, në të njëjtën kohë që Ushtria e Kuqe po përparonte më shpejt në lindje, Churchill-i në janar, pak para Konferencës së Jaltës, udhëzoi të verifikohej nëse tani “Berlini … e gjithashtu edhe qytete të tjera të mëdha në lindje të Gjermaninë… .ndoshta nuk ishin objektiva që ia vlenin.” E gjitha kjo për t’i tërhequr vëmendjen Moskës, sepse Stalini kishte dyshime. Për vite të tëra ai kishte kërkuar nga fuqitë perëndimore, hapjen e një fronti të dytë në Perëndim. Një tezë tjetër ndjek logjikën: Meqënëse sovjetikëve u ishte premtuar Gjermania Qendrore si zonë e pushtimit para Konferencës së Jaltës, britanikët dhe amerikanët u turrën me një vrull të shfrenuar shkatërrimi ndaj Drezdenit dhe qyteteve të tjera në Lindje të Gjermanisë.

Por pavarësisht nga kjo, Drezdeni ishte në planin e Harris-it. Dhe ka pasur paralajmërime shumë kohë përpara 13 shkurtit. Lajmet e radiove si dhe gazetat e vendeve aleate paralajmëronin skenarin, se çdo qytet gjerman mund të kthehej në një qytet-front, për aq kohë sa vazhdonte lufta. Drezdeni ishte përveç kësaj edhe një udhëkryq i rëndësishëm i linjave hekurudhore si të Lindjes edhe të Perëndimit, ashtu edhe të Veriut e Jugut. Gjithashtu aleatët e konsideronin Drezdenin si një qendër të mundshme të tërheqjes së Hitlerit dhe nazistëve në rast se do të ndërpriteshin nyjet e qarkullimit Berlin dhe Lajpcig si linja furnizimi. Drezden pra ishte në fokus dhe Churchill-i ishte padyshim më shumë se vetëm një tolerues i praktikave të pamëshirshme të strategut të tij të aviacionit Harris. Këtë ai e ka deklaruar pak para vdekjes së tij, se Drezdeni “në atë kohë konsiderohej nga njerëz që ishin shumë më të rëndësishëm se unë, si një domosdoshmëri ushtarake”.

Akti dhe dorasi – një çështje e diskutueshme edhe sot e kësaj dite
Ushtria e Kuqe nën Marshall Zhukovin në shkurt të vitit 1945 ndodhej vetëm 80 kilometra në lindje të Drezdenit, kur bombarduesit britanikë dhe amerikanë donin t’i demonstronin sovjetikëve një shenjë bashkëpunimi kundër Gjermanisë së Hitlerit. “Një barbari të tillë nuk do ta kishte bërë kurrë ushtria sovjetike”, ka gjykuar më vonë Zhukovi. Edhe në Angli bombardimi i Drezdenit vazhdon të jetë një çështje e diskutueshme. Kur në vitin 1992, “bombarduesit Harri” iu kushtua në qendër të Londrës një statujë bronzi 2,70 metra e lartë Queen Mum e vlerësoi atë si “lider frymëzues”, ndërsa qindra protestues thërrisnin “vrasës në masë, vrasës në masë”. /DW/

unnamed-1-2.jpg
eri Ida11:11 | 10/02/2020

Stuhia Kiara që ka përfshirë Veriun e Europës, ka lënë pa energji elektrike më shumë se 130 mijë banesa në Francë duke detyruar autoritetet të mbyllin dhe kullën Eifel. Situatë kritike dhe në Gjermani kus si pasojë e stuhisë Sabin autoritetet kanë pezulluar qarkullimin e trenave përgjatë itenerarit drejt shteteve perëndimore

Por përvec situatave kaotike, mediat nxjerin në pah dhe një fakt të cuditshëm. Stuhia Kiara dhe erërat e forta në Atlantik dhe veriun e Europës, ndihmuan në thyerjen e rekordit të shpejtësisë të fluturimeve mes Nju Jork dhe Londrës, duke bërë që cdo gjë të realizohej në më pak se pesë orë.

Sipas të dhënave të moitorimit ajror, të publikuara nga mediat francezenëj avion i nisur nga aeroporti Kenedi mbërriti në Hithrou të Londrës për 4 orë e 56 minuta, në krahasim me 6 orë dhe 13 minuta sa duhen normalisht.

Rekordi i fundit i kësaj natyre ishte regjistruar në vitin 1996 nga Nju Jork në Londër për 2 orë e 52 minuta, në një kohë që në janar të 2018-ës i njëjti itenerar u përshkrua për 5 orë e 13 minuta. /abcnews.al

emigrantet.jpg
Autor E09:06 | 03/02/2020

Rreth 80% e lejeve të reja të qëndrimit të dhëna për shqiptarët që punojnë dhe jetojnë në Bashkimin Europian janë dhënë për një periudhë më të gjatë se 12 muaj. Sipas të dhënave të Eurostat vetëm në vitin 2018 janë dhënë mbi 50 mijë leje qëndrimi për një periudhë më të gjatë se një vit, nga rreth 62 mijë e 500 leje që janë dhënë në total. Në krahasim me një vit më parë, numri i lejeve të qëndrimit me kohë të gjatë janë rritur me 17%.

Sipas Eurostat, 15% e lejeve të tjera të qëndrimit që janë dhënë për herë të parë janë lëshuar për një periudhë kohë për 6 deri në 11 muaj. Ndërsa 4% e lejeve, rreth 2280 leje, janë dhënë për një periudhë kohë 3 deri në 5 muaj.

Vendet me numrin më të lartë të lejeve të qëndrimit të lëshuara për shqiptarët janë vendet fqinje si Italia (23,147 leje) dhe Greqia (16,936 leje), të cilët përfaqësojnë mbi 60% të totalit të lejeve të lëshuara nga vendet e BE-së.

Megjithatë që pas vitit 2013, lejet e qëndrimit të lëshuara nga Gjermania janë rritur me një ritëm të shpejtë (shiko grafikun). Gjermania përgjigjet për 16% të lejeve të qëndrimit të lëshuara në total në vitin e fundit. Prej tyre, pjesa më e madhe, mbi 6600 leje janë dhënë për më shumë se 12 muaj.
Ndërkohë vendet me numrin më të lartë të lejeve të qëndrimit pas Gjermanisë, renditet Mbretëria e Bashkuar me mbi 3000 leje të lëshuara në vitin e fundit, Franca me 2143, Suedia me mbi 1500, dhe Kroacia me 1088.
Vendet e tjera anëtare të Bashkimit Europian kanë lëshuar së bashku rreth 4416 leje qëndrimi për herë të parë, çka përfaqëson 7% të totalit.

Më shumë se gjysma e lejeve të qëndrimit jepen për arsye familjare, por vitet e fundit janë vënë re edhe një shtim i lejeve të qëndrimit të dhëna për arsye studimi apo punësimi. Vetëm lejet e qëndrimit të dhëna për arsye punësimi shënuan një rritje më të madhe se 70% në krahasim me një vit më parë./Monitor

Capture 84 (1)
Capture 84
fuqi1.jpg
Autor E09:48 | 20/01/2020

SHBA, Rusia dhe Kina mbeten vendet më të fuqishme të planetit, ashtu si vendet e tjera kanë parë që pozicionet e tyre bien, sipas renditjes globale të këtij viti në fuqi.

Renditja, botuar nga US News and World Report, shikon ndikimin e një kombi, si dhe fuqinë e tij politike, ekonomike dhe ushtarake. Renditja është pjesë e studimit të saj vjetor “Vendet më të Mira”, i cili vlerëson 80 vende bazuar në përgjigjet nga 21,000 njerëz.

Këto janë 10 shtetet më të fuqishme në botë, sipas renditjes së vitit 2020:

10.Arabia Saudite

Arabia Saudite ra një vend në krahasim me vitin e kaluar, kur u rendit në vendin e 9-të.

US News e quan atë “gjigandi i Lindjes së Mesme” për shkak të tokës së saj tokësore, dhe vë në dukje rëndësinë e tij për myslimanët.

“Miliona muslimanë të devotshëm nga e gjithë bota marrin pjesë në një pelegrinazh në Mekë çdo vit.”

9.Koreja e Jugut

Koreja e Jugut u rendit në vendin e 10, një vend më të ulët, vitin e kaluar. US News vuri në dukje konfliktin e vazhdueshëm me Korenë e Veriut.

8.Izraeli

Izraeli gjithashtu u rendit në vendin e 8-të vitin e kaluar.

“Për madhësinë e tij relativisht të vogël, vendi ka luajtur një rol të madh në çështjet globale. Vendi ka një ekonomi të fortë, monumente me rëndësi për disa fe dhe marrëdhënie të tendosura me shumë nga fqinjët e saj arabë,” tha US News.

7.Japonia

Japonia u rendit gjithashtu në vendin e 7-të vitin e kaluar.

US News e quan atë “një nga kombet më të arsimuar dhe teknologjinë teknike më të avancuar në botë”.

6.Franca

Pozicioni i Francës është i pandryshuar në krahasim me vitin e kaluar.

US News tha: “se është e vështirë të mbivlerësohet ndikimi që Franca ka në botë, si në të kaluarën ashtu edhe sot.

“E vendosur në Evropën Perëndimore, Franca është një nga vendet më të vjetra në botë, dhe shtrirja e saj shtrihet në të gjithë globin përmes shkencës, politikës, ekonomisë dhe mbase mbi të gjitha, kulturës. Duke filluar nga Mesjeta, Franca evoluoi përmes mbretërisë, perandorisë dhe më në fund, në një republikë. Ishte një nga vendet e para që mbroi të drejtat e individit “.

5.Mbretëria e Bashkuar

Mbretëria e Bashkuar gjithashtu u rendit në vendin e 5-të vitin e kaluar.

US News e quan atë “një komb shumë të zhvilluar që ushtron një ndikim të konsiderueshëm ndërkombëtar ekonomik, politik, shkencor dhe kulturor”.

Ai gjithashtu vuri në dukje votën e vendit për t’u larguar nga Bashkimi Evropian dhe tha se kjo “nxiti në ankth për rolin e vendit në skenën globale.”

4.Gjermania

Gjermania gjithashtu u rendit e 4-ta në 2019-ën.

“Gjermania, si kombi më i populluar në Bashkimin Evropian, posedon një nga ekonomitë më të mëdha në botë dhe ka parë që roli i saj në bashkësinë ndërkombëtare të rritet në mënyrë të qëndrueshme që nga ribashkimi,” tha US News.

3.Kina

Pozicioni i Kinës nuk ka ndryshuar që nga viti i kaluar.

US News thotë se është “shtëpi e një prej civilizimeve më të vjetra në botë” dhe thotë se është “më e populluara në botë dhe konsiderohet si e dyta më e madhe nga masa tokësore”.

2.Rusia

Rusia gjithashtu u rendit e dyta vitin e kaluar.

Shkalla e Rusisë është e vështirë të imagjinohet, “tha US News.

“Është vendi më i madh në botë me masën tokësore – gati dy herë më i madh se Kanadaja, vendi i dytë më i madh në botë – dhe mbulon të gjithë Azinë veriore dhe pjesën më të madhe të Evropës Lindore. Ai ndan kufijtë tokës me më shumë se një duzinë vendesh, dhe ndan kufijtë detarë me Japoninë dhe Shtetet e Bashkuara “.

1.Shtetet e Bashkuara

SHBA ruan pozicionin e saj si vendi më i fuqishëm në botë.

US News e quan atë “fuqia më dominuese ekonomike dhe ushtarake në botë” dhe vë në dukje tani “ngulitjen kulturore përfshin botën” falë prodhimit të filmave, TV dhe muzikës.

Ai gjithashtu vuri në dukje se qëndrimet e Presidentit Donald Trump mbi emigracionin dhe tregtinë “kanë ngritur pyetje në të gjithë botën, përfshirë nga aleatët më të afërt të vendit, për kursin e ardhshëm të vendit në skenën globale”.

gjermani.jpg
So Nila09:38 | 07/01/2020

Për shkak të rritjes së tensionit pas vrasjes së gjeneralit Soleiman, Gjermania do të tërheqë disa prej trupave të saj të vendosur në Irak si pjesë e koalicionit anti-ISIS.

Ministria e Mbrojtjes dha këtë lajmërim, duke sqaruar se 30 ushtarë të vendosur në Bagdad dhe Taji do të transferohen në Jordan dhe Kuvajt. Ndërkohë, deputeti irakian Ahmad al Assadi, afër Teheranit, po kërkon që ushtarët italianë të qëndrojnë në vend./abcnews.al

peter-zingraf.jpg
nev ila14:25 | 20/12/2019

Qeveria Gjermane do të japë një grant prej 4 milionë eurosh për ndihmë emergjente pas tërmetit që tronditi Shqipërinë më 26 nëntor 2019, të cilat do të jepen përmes Bankës Gjermane për Zhvillim KfW si partner zhvillimi.

Lajmi është konfirmuar ditën e sotme ku Qeveria Gjermane njoftoi zyrtarisht Qeverinë Shqiptare po fondin e solidaritetit pas tërmetit tragjik ku mbetën 51 viktima dhe mijëra familje pa banesa.

Këto fonde do të përdoren për të ndërmarrë masa për rindërtimin e shkollave dhe ndërtesave të tjera publike në zonat e Tiranës, Durrësit, Krujës etj., të cilat u prekën më së shumti nga tërmeti.

“Sot ne informuam zyrtarisht qeverinë shqiptare: Qeveria Federale do të mbështesë rindërtimin pas tërmetit të tmerrshëm të 26 nëntorit me grante në shumën e 4 milion euro përmes Bankës Gjermane për Zhvillim (KfW). Me të do të rindërtohen shkolla dhe ndërtesa publike në përputhje me standardet më të fundit të sigurisë dhe efiçensës së energjisë”, thuhet në njoftimin e ambasadës.

Në lidhje me këtë mbështetje, Ambasadori Gjerman në Shqipëri, Z. Peter Zingraf u shpreh:

“Gjermania do të ndihmojë Shqipërinë për të rindërtuar shkollat dhe institucionet publike. Ky grant është një nga elementët e mbështetjes Gjermane pas tërmetit të 26 nëntorit i cili traumatizoi shumë shqiptarë dhe shqiptare. Rindërtimi do të shërbejë për rikthimin dalëngadalë në normalitetin e jetës së përditshme”./abcnews.al

BE-Kosovë-1-1.jpg
nev ila16:17 | 19/12/2019

Bashkimi Evropian dhe Gjermania kërkojnë përmbylljen e bisedimeve dhe krijimin e koalicionit dhe qeverisë së re në Kosovë. Drejtuesit e misioneve të BE në Kosovë, theksojnë se dy prioritet për qeverinë e re janë: çështjet ekonomike dhe vazhdimi i dialogut me Serbinë.

Shefat e Misioneve të Bashkimit Evropian në Kosovë,kanë theksuar në një deklaratë të përbashkët nevojën për krijimin sa më të shpejtë të institucioneve dhe kanë theksuar nevojën që palët të arrijnë konsensusin e nevojshëm për të kapërcyer sfidat e mbetura.

Ndërkohë, zyra e Bashkimit Evropian në Kosovë, duke kërkuar konstituimin sa më të shpejtë të Parlamentit të Kosovës dhe krijimin sa më të shpejtë të qeverisë, ka theksuar se është e nevojshme që të themelohen institucionet e reja për shkak të çështjeve ekonomike dhe vazhdimit të dialogut Kosovë-Serbi.

Në Kosovë ka qëndruar edhe një delegacion e kancelares gjermane Angela Merkel, të cilët janë takuar me me liderin e LVV-së Albin Kurti dhe kreun e LDK-së Isa Mustafa në përpjekje për të ndikuar që të arrihet një marrëveshje midis dy partive politike.

Deputeti Christian Schmidt ka thënë se për një vend i cili sapo ka dalë nga zgjedhjet parlamentare është e rëndësishme që të ketë një qeveri të qëndrueshme dhe të mos ketë lojëra taktike.

Ndërsa deputeti tjetër Peter Beyer ka thënë se marrëveshja midis Lidhjes Demokratike të Kosovës dhe Lëvizjes Vetëvendosje nuk duhet të dështojë për shkak të detajeve teknike dhe se palët duhet të kuptojnë rëndësinë e përgjegjësisë që kanë marrë pas zgjedhjeve të 6 tetorit.

Ai ka theksuar se 26 dhjetori tashmë është një limit kohor se deri kur mund të arrihet marrëveshja, Beyer ka bërë thirrje që palët të caktojnë një datë të bisedimeve dhe të përfundojnë marrëveshjen e koalicionit.

Deputeti gjerman ka thënë se ata presin që mos të ketë ndërhyrje nga jashtë të cilat kanë për qëllim futjen e përçarjes në mes të LDK-së dhe Vetëvendosjes. Schmidt ka dërguar edhe një mesazh për LDK’në në lidhje me postin e Presidentit duke thënë se “tani për tani nuk është koha që të zgjidhet Presidenti por të formohet qeveria”.

Ndaj kësaj ka reaguar edhe Peter Beyer duke thënë “saktësisht”.

gjermania.jpg
Autor E12:50 | 09/12/2019

Në kuadër të përgatitjeve për ligjin e ri të migracionit që do të hyjë në fuqi më 1 mars 2020, Ministria e Punëve të Jashtme të Gjermanisë ka hapur enkas një departament të ri për vizat.

Për të lehtësuar punën e ambasadave të mbingarkuara, Ministria e Punëve të Jashtme të Gjermanisë ka ngritur një departament enkas për vizat. Këtë e bën të ditur ministria me anë të një njoftimi në Twitter.

Në njoftimin me hashtag #,mondaymotivation, Ministria e Punëve të Jashtme gjermane prezanton dy punonjës të saj, Jan Freigang dhe Feride Özdemi, të cilët do të merren në Berlin me vizat për punëtorët e kualifikuar.

Gjermanisë i nevojiten punëtorë të kualifikuar, kryesisht në sektorin e shëndetësisë, teknikës informative dhe zejtarë të kualifikuar. “Ne do të kujdesemi këtu që të përshpejtojmë procedurën për ata kandidatë për të cilët ka nevojë më shumë ekonomia gjermane,” – thotë Jan Freigang në videoklipin e publikuar në twitter. Feride Oezdemir shton se” kërkesa për vizë bëhet në ambasada dhe kërkesa më pas kalohet në Berlin”.

Ligji i ri i migracionit për të kualifikuarit u miratua në qershor të këtij viti nga parlamenti gjerman dhe do të hyjë në fuqi më datën 1 mars 2020.

Ai parashikon që persona të kualifikuar nga e gjithë bota të marrin një vizë gjashtëmujore për të kërkuar punë, pa pasur nevojë të kenë kontratë pune, sikurse ka qenë deri tani. Përveç dëshmisë së profesionit ata duhet të kenë edhe njohuri elementare të gjuhës gjermane. /DW/

Reus.png
Igli Nikolli22:40 | 05/12/2019

Roberto Mancini i kërkoi drejtuesve të Federatës një miqësore me një kundërshtar të fortë dhe kështu ka ndodhur. Akordi është arritur dhe Italia do të përballet me Gjermaninë. Miqësorja do të luhet me datë 31 mars dhe ndeshja do të luhet në “Max-Morlock Stadion” të Nurembergut.

Një klasike e futbollit europian dhe atij botëror, teksa Mancini dhe Low do të shohin se në çfarë niveli janë skuadrat e tyre. Shorti i Euro 2020 e vuri Italinë në grupin A, aty ku do të ketë përballë Turqinë, Zvicrën dhe Uellsin.

Më pak fat kishte Gjermania. “Pancerat” ndodhen në grupin D, i njohur ndryshe edhe si grupi i ferrit, aty ku do të ketë kundërshtarë të fortë si Franca dhe Portugalia, teksa Islanda, Rumania, Bullgaria dhe Hungaria do të garojnë mes tyre në Nations League për biletën e fundit në këtë grup. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono