Gjermani

14-1-1280x871.jpg
in a15:23 | 20/11/2019

Djali i ish-presidentit gjerman, Ricard fon Vajczaker është vrarë me thikë në një klinikë në Gjermani, mbrëmjen e të martës. Fritc fon Vajczaker, 59 vjec, kirurg, u sulmua teksa po fliste para 20 personave. Policia gjermane arrestoi në vendngjarje vrasësin e djalit të ish-presidentit gjerman, Ricard fon Vajczaker. Mes spektatorëve ndodhej një agjent policie jashtë shërbimit i cili ndërhyri për të ndihmuar mjekun, dhe mbeti i plagosur.

Për momentin nuk dihen ende arsyet e sulmit. Kirurgu po fliste për sëmundjet e mëlçisë në një konferencë mjekësore, dhe ndërroi jetë në sallën ku po mbahej konferenca pavarësisht reagimit të shpejtë të kolegëve të tij.

Mjeku ishte anëtar i partisë Liberale Fdp, lideri i të cilës Kristian Lindner, pas vrasjes reagoi në Twitter: “Edhe njëherë më shumë pyesim veten se në çfarë bote jetojmë. Mjeku kishte katër fëmijë. Babai i tij Ricard, i konsideruar si një nga autoritetet më të mëdha morale të pasluftës, ishte president i Republikës Federale Gjermane në periudhën 1984 -1994 dhe më parë deputet në dhomën e ulët të Bundestag për Unionin Demokratik Kristian të kancelares gjermane, Anxhela Merkel. Ai ndërroi jetë në vitin 2015./abcnews.al

 

de-bryune-1280x815.jpg
Veronik Istrefaj22:40 | 19/11/2019

Janë mbyllur sfidat e sotme kualifikuese të vlefshme për Euro 2020. Shumë takime ishin pa objektiv, pasi shumica e skuadrave i kishin mësuar fatet e tyre. Megjithatë, Uellsi ishte skuadra që kërkonte me doemos fitoren përballë Hungarisë për t’u kualifikuar dhe britanikët ia dolën. Ishte një dopietë e Aaron Ramsey që i dha fitoren 2-0 Uellsit, duke i kualifikuar për ne Europian.

Gjermania ka shkatërruar Irlandën e Veriut me rezultat 6-1. Ylli i Bayern Munchen, Serge Gnabry, shënoi një tripletë në këtë takim, duke u shpallur dhe lojtari më i mirë i ndeshjes. Me të njëjtin rezultat, ka triumfuar edhe Belgjika. “Djajtë” belg duken një nga favoritët për t’i shkuar deri në fund Euro2020.

Letonia ishte skuadra surprizë, pasi mposhti 1-0 Austrinë, ndërsa Holanda bëri detyrën dhe fitoi thellë 5-0 kundër Estonisë. Maqedonia e Veriut ka mposhtur 1-0 Izraelin, ndërsa Polonia ia doli vetëm në fund të fitojë 3-2 përballë Sllovenisë. Më poshtë, keni dhe rezultatet e plota të sfidave të sotme./abcnews.al

Rezultatet e plota:

Belgjikë – Qipro  6-1
Gjermani – Irlandë e V.  6-1
Letoni – Austri  1-0
Holandë – Estoni  5-0
Maqedoni e V. – Izrael  1-0
Poloni – Slloveni  3-2
San Marino – Rusi  0-5
Skoci – Kazakistan  3-1
Sllovaki – Azerbajxhan  2-0
Uells – Hungari  2-0

Neuer-1-1280x744.jpg
Veronik Istrefaj22:54 | 16/11/2019

Janë mbyllur gjashtë sfidat e vlefshme për kualifikueset UEFA Euro 2020, që startuan në orën 20:45. Gjermania ka shkatërruar 4-0 ekipin e Bjellorusisë, duke marrë tri pikët e radhës.

Pas 7 ndeshjesh, gjermanët kanë 18 pikë dhe janë zyrtarisht të kualifikuar. Kroacia ka fituar me përmbysje 3-1 kundër Sllovakisë dhe, njëjtë si Gjermania, është zyrtarisht pjesë e Euro 2020.

Kroatët kanë 17 pikë pas 7 ndeshjeve të para, 5 më shumë se vendi i dytë.

Polonia ka mposhtur 1-2 Izraelin, ndërsa Austria s’e pati të thjeshtë ndaj Maqedonisë së Veriut, por fitoi 2-1 dhe u kualifikua./abcnews.al

gjermani-1.jpg
Autor E15:23 | 14/11/2019

Ambasada Gjermane në Tiranë ka publikuar në faqen zyrtare në Facebook informacione që ajo thotë se janë të dobishme rreth ligjit mbi imigrimin e fuqisë punëtore të kualifikuar.

Kjo pasi që nga data 1 mars 2020, hyjnë në fuqi rregulla të reja rreth imigrimit të fuqisë punëtore të kualifikuar.

Sipas ambasadës, ligji i ri zgjeron mundësitë tashmë ekzistuese për punëmarrësit/et e kualifikuar/a nga shtete që nuk janë pjesë e BE-së si Shqipëria, dhe vende të tjera të cilët kërkojnë të nisin një marrëdhënie punësimi në Gjermani.

Informacioni i plotw i publikur nga ambasada gjermane

Çfarë është ligji rreth imigrimit të fuqisë punëtore të kualifikuar dhe çfarë ka ndryshuar?

Ligji rreth imigrimit të fuqisë punëtore të kualifikuar u mundëson punonjësve të kualifikuar në arsim profesional nga shtete jashtë Bashkimit Evropian (Shtete të Treta) të emigrojnë në të ardhmen në drejtim të Gjermanisë.

Nuk do të ketë më kufizime në profesionet me mungesa. Përcaktimet ligjore ekzistuese për punonjës të kualifikuar me diplomë të shkollës së lartë vazhdojnë të mbeten të vlefshme. Sido që të jetë për hyrjen në Gjermani me qëllim nisjen e një marrëdhënieje punësimi apo kërkimin e një vendi pune do të vazhdojë të jetë e nevojshme pajisja me vizë, për të cilën duhet të aplikoni pranë Ambasadës Gjermane.

Kur hyn në fuqi Ligji rreth imigrimit të fuqisë punëtore të kualifikuar?

Ligji rreth imigrimit të fuqisë punëtore të kualifikuar hyn në fuqi që prej datës 1 mars 2020.

Kush konsiderohet si fuqi punëtore e kualifikuar sipas ligjit të ri?
Si fuqi punëtore e kualifikuar konsiderohen të diplomuarit në universitete si dhe personat me një kualifikim në arsimin profesional.

Ju mund të ushtroni si fuqi punëtore e kualifikuar një profesion, për të cilin keni marrë më parë kualifikimin përkatës jashtë vendit.

Kusht për të dyja grupet është që ky kualifikim i huaj të njihet në Gjermani nga zyra përkatëse. Një diplomë profesionale konsiderohet zakonisht si e kualifikuar, nëse në Gjermani ajo do të merrej pas një periudhe të paktën dy-vjeçare të arsimit profesional.

Rregulla shtesë do të aplikohen në rastin e punonjësve me moshë më të madhe se 45 vjeç. Nëse qëllimi i ardhjes suaj në Gjermani juaj është punësimi, atëherë duhet që të paraqisni një kontratë pune me një pagë minimale të caktuar ose dëshminë për një siguracion pensioni të përshtatshëm.

Specialistët e IT-së, në kushte të caktuara , mund të gjejnë akses në tregun e punës edhe pa një diplomë formale.

Për persona me një kualifikim profesional të pamjaftueshëm ligji nuk ofron mundësi të reja aksesi në tregun e punës në Gjermani.

Ç’duhet të bëj që të mund të punoj si punonjës i kualifikuar në Gjermani?

E rëndësishme është që ju fillimisht të bëni njohjen zyrtare të kualifikimit tuaj të huaj nga autoritetet përgjegjëse në Gjermani. Informacione të mëtejshme rreth procedures së njohjes së diplomës i gjeni në KËTU.

Sapo të merrni njoftimin zyrtar për njohjen e kualifikimit dhe keni një ofertë konkrete për një vend pune në Gjermani, mund të aplikoni si fuqi punëtore e kualifikuar për vizë, në mënyrë që të vini në Gjermani dhe të ushtroni veprimtarinë profesionale për të cilën jeni kualifikuar.

Nëse autoritetet gjermane e kanë njohur kualifikimin vetëm pjesërisht, ju mund të aplikoni për vizë me qëllim kualifikimi në Gjermani. Në kushte të veçanta është e mundur, që të jeni në marrëdhënie pune edhe gjatë periudhës së kualifikimit.

Kush është subjekt i ligjit të ri?
Udhëtimi në Gjermani për të kërkuar një vend pune do t’u mundësohet në të ardhmen edhe punonjësve me kualifikim në arsimin profesional. Kusht për këtë janë njohuritë e gjuhës gjermane si dhe sigurimi i mjeteve të jetesës në Gjermani. Mundësitë e qëndrimit në Gjermani për qëllime kualifikimi po përmirësohen.

Çdo të thotë kjo konkretisht për procedurën e aplikimit për vizë pranë Ambasadës Gjermane?
Ambasada do të vërë në dispozicion në kohën e duhur, përpara hyrjes në fuqi të Ligjit rreth imigrimit të fuqisë punëtore të kualifikuar, orare për aplikuesit që janë subjekte të këtij ligji, me qëllim që procedurat e vizës të zhvillohen në mënyrë të kënaqëshme për të gjitha palët. Gjithashtu në momentin e duhur Ambasada do të vërë në dispozicion edhe fletët përkatëse të informacionit.

Duke qenë se koha e trajtimit të kërkesave për njohjen zyrtare të kualifikimeve profesionale në Gjermani shkon deri në disa muaj ju rekomandojmë që të nisni me këto procedura që tani (gjithsesi përpara se të nisni procedurën e vizës).

Meha-Alban.png
Igli Nikolli20:58 | 09/11/2019

Alban Meha feston 34-vjetorin e lindjes prillin e ardhshëm dhe vitet e fundit të karrierës po i kalon në kategoritë e ulëta të futbollit gjerman. Ish-mesfushori i kombëtares firmosi në muajin korrik me Hessen Kassel, ekip që garon në divizionin e pestë të futbollit gjerman.

Sot ishte ndeshja përballë Neuhof në transfertë dhe Meha me shokë fituan 1-4. Lojtari nga Mitrovica shënoi një gol të jashtëzakonshëm në minutën e 53-të. Mjeshtri i goditjeve të dënimit nuk e ka humbur këtë ves dhe sot dhuroi emocione me një goditje spektakolare. Vitet kalojnë, por klasi mbetet gjithmonë i njëjtë… /abcnews.al

muri-i-berlinit-1280x709.jpg
nev ila11:05 | 09/11/2019

Gjermania përkujton sot 30-vjetorin e rënies së Murit të Berlinit. I ndërtuar në vitin 1961 nga qeveria komuniste e Gjermanisë Lindore, mori kishte si synim të ndalte valën e qytetarëve të saj që donin të shkonin në perëndim.

Qindra vetë u vranë në përpjekje për t’u arratisur përtej kufirit. Pothuajse tre dekada më pas, natën e 9 nëntorit, 1989 dhjetra-mijëra njerëz e rrëzuan murin, një moment kyç që kontribuoi në fillimin e rënies së Bashkimit Sovjetik.

Në këtë vend në qershor 1987, presidenti i atëhershëm amerikan, Ronald Reagan i tha shprehjen tashmë të famshme homologut të tij sovjetik:  “Zoti Gorbaçov, rrëzoje këtë mur”.

Dy vjet pas fjalimit të presidentit Reagan, vetë gjermanët e rrëzuan.Pas disa javësh, udhëheqësi sovjetik Mikhail Gorbaçov dhe presidenti i ri amerikan, George Bush deklaruan se Lufta e Ftohtë kishte marrë fund.

Gjermanët dhe vizitorë nga e gjithë bota festojnë përvjetorin sot. Por paqja mes Lindjes dhe Perëndimit, mbetet larg./abcnews.al

gjermani.jpg
Autor E17:04 | 04/11/2019

Turqia nuk është “hotel” për anëtarë të IS-it, organizatës terroriste, i ashtuquajturi “Shteti Islamik”, bëhet e ditur në Ankara. Ministri i Punëve të Brendshme të Turqisë, Süleyman Soylu kritikon shtetet europiane.

Turqia është e vendosur të kthejë në Gjermani 20 anëtarë të milicëve terroristë të “Shtetit Islamik, (IS). Këtë e bëri të ditur drejtori i komunikimit të presidentit turk, Recep Tayyip Erdogan. Sipas të dhënave të Fahrettin Altun, ushtria turke që nga fillimi i ofensivës në Sirinë e Veriut para një muaji ka kapur katër anëtarë gjermanë të IS-it. 16 të tjerë qytetarë gjermanë janë në qendrat e dëbimit për shkak të pjesëmarrjes në organizatën terroriste të IS. “Ne kemi nevojë për bashkëpunim të plotë dhe partneritet aktiv të aleatëve tanë në luftë kundër terrorizmit”, tha Altun në Stamboll, në bisedë me disa media gjermane.

“E papranueshme”

Që në fundjavë ministri i Punëve të Brendshme të Turqisë, Süleyman Soylu kishte deklaruar, se “nuk jemi hotel për askënd”. Në të njëjtën kohë ai kritikoi, që disa shtete europiane ia kanë hequr nënshtetësinë të dyshuarve të IS-it. Kjo është “e papranueshme dhe e papërgjegjshme”. Vende si Britania e Madhe apo Holanda, vende nga të cilat vijnë disa të burgosur prej ofensivës turke në Sirinë veriore duan t’ia bëjnë të lehtë vetes, tha Soylu.

Ofensiva e Turqisë në tetor, që ndërkohë u ndal për shkak të një armëpushimi, drejtohet së pari kundër milicëve kurdë të YPG-së. Qeveria në Ankara shikon tek ajo, një degë siriane të partisë së ndaluar punëtore kurde, PKK dhe e lufton si organizatë terroriste. Edhe organizata “Forcat Demokratike të Sirisë”, SDF e dominuar nga kurdët ka kapur një numër milicësh të huaj të IS-it të ardhur nga vendet europiane. Mjaft shtete europiane e kanë refuzuar ripranimin e tyre./DW

dresden-1280x557.jpg
ent ela12:43 | 02/11/2019

Në Dresden të Gjermanisë është shpallur gjendja e jashtëzakonshme për nazizmin. Vendimi u mor nga Këshilli Bashkiak i qytetit pas numrit në rritje të akteve të dhunës nga ekstremi i djathtë ndaj minoriteteve.

Një gjendje e jashtëzakonshme për nazizmin është shpallur në Dresden të Gjermanisë, pas miratimit me shumicë votash në këshillin bashkiak të qytetit. Vendimi u mor pas regjistrimit të rritjes së numrit të sjelljeve dhe veprimeve anti demokratike, anti pluraliste, kundër njerëzimit nga ekstremi i djathtë. Sjellje që shpesh përfundojnë në akte dhune, të cilat janë gjithnjë e më të shpeshta në këtë vend.

Me këtë vendim Dresden impenjohet për të përforcuar kulturën e përditshme demokratike dhe për të mbrojtur më mirë minoritetet dhe viktimat e dhunës së ekstremit të djathtë.

Vendimi u votua pro nga të gjelbërit, post kumunistët e Linke, liberalët dhe socialdemokratët./abcnews.al

Herta-1280x658.png
Veronik Istrefaj19:41 | 01/11/2019

Ajo që ka ndodhur sot në Gjermani, është me të vërtetë diçka e rrallë dhe shumë e bukur. Dihet që populli gjerman është i çmendur pas futbollit dhe këtë gjë, tifozët vazhdojnë ta tregojnë dita-ditës. Në stërvitjen e fundit të Herta Berlin, para ndeshjes derbi kundër Union Berlin, mijëra tifozë kanë qenë të pranishëm.

Po, në stërvitje, as në ndeshje zyrtare e as në miqësore. Për më tepër, të gjithë kanë duartrokitur dhe mbështetur skuadrën e tyre në fund të seancës stërvitore, duke i dhënë një stimul gjigant para ndeshjes derbi.

Nëse Gjermania duhet të kopjohet vetëm për një gjë, atëherë duhet të jetë dashuria që kanë njerëzit për futbollin. Pamjet e videos më poshtë janë të rralla, të bukura dhe absolutisht të jashtëzakonshme. Një bravo e madhe për të gjithë ata tifozë të Hertës që ndoqën seancën stërvitore, edhe pse në ato kushte atmosferike, shumë tifozë të tjerë nuk do të shkonin as në një ndeshje zyrtare./abcnews.al

Ozil-1.jpg
Veronik Istrefaj16:34 | 29/10/2019

Trajneri i Arsenalit, Unai Emery, ka folur sot para sfidës në EFL Cup kundër Liverpool, që luhet nesër. Përveç këtij takimi, Emery foli edhe për të ardhmen e Mesut Ozil, duke i dhënë fund përgjithmonë zërave për të ardhmen e fantazistit gjerman.

“Sot në mëngjes, kam biseduar me Ozil, një bisedë që i ka bërë mirë të dyja palëve. Doja të dëgjoja mendimet e tij, ambiciet që ka dhe i sqaruam të gjitha. Ai do të qëndrojë këtu. Stërvitjet e tij, kanë qenë shumë të mira dhe na duhet mentaliteti i tij prej fituesi në skuadër.

Përvç kësaj, ai ka dhe cilësi shumë të mira, që mund të na ndihmojnë në fazën sulmuese. Mesut do të luajë nesër kundër Liverpool, kjo është e sigurt”, tha mes të tjerash Emery. Mesut Ozil nuk grumbullohet me Arsenalin prej më shumë se një muaji, edhe pse nuk ka pasur asnjë shqetësim fizik./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono