Gjermani

MBULIM-AKSIDENTI-ZVICER.mpg_snapshot_00.01-1280x720.jpg
G. P.11:27 | 16/12/2018

Një autobusi i nisur nga Italia për në Gjermani është përplasur me një mur në afërsi të Zyrihut në Zvicër. Në aksident ka humbur jetën një grua dhe 44 persona të tjerë u plagosën. Mes tyre 3 janë në gjendje të rëndë. Lajmi është konfirmuar nga policia lokale. Shkaqet e aksidentit ende nuk dihen. Por autoritetet dyshojnë se drejtuesi mund të ketë humbur kontrollin, për shkak të dëborës dhe akullit në rrugë./abcnews.al

greva-gjermani.jpg
G. P.12:38 | 10/12/2018

Një grevë 4-orëshe e mbajtur mëngjesin e sotëm, ka krijuar kaos në sistemin hekurudhor të Gjermanisë, duke prekur kryesisht udhëtimet e gjata. Kompania shtetërore që menaxhon hekurudhat, “Deustche Bahn”, deklaroi se më të prekurat nga bojkotimi i punës ishin udhëtimet rajonale në Gjermani dhe fare pak ato urbane në qytetet Berlin, Mynih dhe Frankfurt.

Greva, që zgjati nga ora 4 deri në 8 të mëngjesit, erdhi pasi bisedimet për pagat mes sindikatës së punonjësve të hekurudhave dhe entit shtetëror të mbajtura të shtunën e kaluar dështuan. Paralajmërimi i sindikatës, se greva është e pashmangshme ka ngritur shqetësimin se ajo mund të çojë në pezullimin e trafikut hekurudhor edhe ditën e Krishtlindjes.

Pas bojkotit të së hënës, një zëdhënës i “Deustche Bahn” ftoi sërish palët në tryezë duke u shprehur i gatshëm për negociata./abcnews.al

karrenbauer.jpg
G. P.21:28 | 07/12/2018

Do të jetë sërish një grua që do të drejtojë Unionin Kristian Demokrat që në prej 12 vitesh qeverisë Gjermaninë. Kongresi i kësaj partie ka zgjedhur Annegret Kramp-Karrenbauer për të pasuar Angela Merkel, e cila është larguar mes emocionesh.

Unioni Kristian Demokrat i Gjermanisë ka zgjedhur të premten Annegret Kramp-Karrenbauer si kryetaren e re të partisë. Delegatët e mbledhur në Kongresin e CDU-së e votuan atë për të pasuar në këtë detyrë kancelaren Angela Merkel, që njoftoi dorëheqjen pak muaj më parë. Karrenbauer, e thirrur shkurt edhe me inicialet e saj AKK, siguroi shumicën e votave në raundin e dytë të zgjedhjeve dhe shkoi në balotazh me kandidatin Fridrih Merc.

Nga 999 vota të vlefshme, 517 shkuan për Karrenbauer dhe 482 për Merc. Në fjalimin e mbajtur, Karrenbauer falenderoi të gjithë për besimin, si dhe rivalët e saj Merc dhe Jens Shpahn për garën e ndershme.

“Një garë që e kanë zili të gjitha partitë e që na nxit të ecim përpara”, tha 56-vjeçarja.

Nga ana e tyre, Merc dhe Shpan pranuan rezultatin dhe u bënë thirrje mbështetësve që nga sot të mbështesin pa asnjë rezervë të zgjedhurën e re. Në raundin e parë të zgjedhjeve, Karrenbauer u rendit e para me 45 për qind të votave, Merc i dyti me 39 për qind dhe Shpahn i treti me 16 për qind.

Angela Merkel uroi përzemërsisht Karrenbauer, që gjatë karrierës politike ka qenë e preferuara e saj. Në fjalimin e lamtumirës pas 18 vjet drejtim, kancelarja tha me një zë të brishtë dhe me emocione se për të kishte qenë një privilegj dhe një kënaqësi e madhe të drejtonte CDU-në.

“Ju falenderoj të gjithëve”, tha Merkel në fund të fjalimit që zgjati 34 minuta e që u shoqërua me ovacione për 10 minuta të tjera./abcnews.al

42429299_403.jpg
ent ela09:25 | 02/12/2018

Për të zbutur situatën emergjente të infermierisë në Gjermani, ministri i Shëndetësisë, Jens Spahn synon të financojë shkollimin e tyre jashtë vendit. Ballkani nuk është shumë entuziast për këtë iniciativë.

Joana Bocaj është 25 vjeçe. Ajo ka tre vjet që punon si infermiere në qytetin e Vlorës. Nëse gjërat shkojnë sipas planeve të saj, Joana nuk do të punonte edhe shumë kohë në Vlorë, sepse ajo po përgatitet që ta lerë Shqipërinë dhe të fillojë një jetë të re në Dyseldorf. Për këtë qytet ajo ka dëgjuar nga një koleg i saj. „Mendoj, se në Gjermani do të kem një jetë më të mirë dhe një të ardhme më të mirë. Kemi rroga të vogla, dhe askush nuk e vlerëson punën tonë. Prandaj dua të punoj e të jetoj atje.”

Në Dyseldorf infermierja shqiptare do të jetë e mirëpritur. Problemi i injoruar me vite i mungesës së personelit në përkujdesin shëndetësor ka arritur në nivelet më të larta të politikës gjermane. Në marrëveshjen e koalicionit qeverisës gjerman të partisë CDU/CSU dhe asaj socialdemokrate shënohet: në të gjithë Gjermaninë do të punësohen 8.000 infermierë. Ndërkohë kjo shifër është korrigjuar më lart, tani fjala është për punësimin e 13.000 infermierëve të rinj.

Reservuar infermierësh në Ballkan

Megjithë këtë korrigjim, kjo shifër nuk do të mjaftojë, sepse gjendja është edhe më dramatike. Për shkak të mungesës së infermierëve, shumë të moshuar në qendrat e të moshuarve nuk marrin kujdesin e duhur. 36.000 vende pune në infermieri janë të pazëna, 15.000 prej tyre në qendrat e të moshuarve. Akoma më urgjente paraqitet gjendja në kujdesin shëndetësor në shtëpi. Sipas prognozave, deri në vitin 2060 numri i të moshuarve që do të kenë nevojë për kujdes shëndetësor do të rritet nga 2,86 milionë aktualisht në 4,5 milionë në Gjermani.

Tani ministri gjerman i Shëndetësisë, Jens Spahn (CDU) ka dalë me një propozim të ri, se si mund të zgjidhej kjo situatë emergjente. Ai parasheh që forcat e nevojshme për kujdesin shëndetësor në Gjermani t’i trajnojë jashtë Gjermanisë. „Nga komisioni parlamentar buxhetor kemi edhe marrë edhe një shumë prej 9 milionë eurosh”, i tha ai një gazete gjermane në një intervistë të enjten.

Me këto para mund të gjenden partnerë jashtë Gjermanisë që të shkollojnë forca punëtore për kujdesin shëndetësor në Gjermani. Forcat e ardhshme punëtore, sipas ministrit, do duhet të mësojnë gjermanisht që në vendin origjinë. Si vende të mundshme për një projekt të tillë parashikohet Kosova, Maqedonia, Filipinet dhe Kuba.

Shpopullim i kërkuar

Në vendet e prekura të Ballkanit kjo iniciativë nuk pritet me entuziazëm. Kështu autoritetet maqedonase shprehen se projekte të tilla vetëm e nxisin emigrimin e njerëzve të rinj, të shkolluar mirë. Bashkëpunimi i propozuar në praktikë do të thotë që Gjermania të shkollojë në vend vetëm fuqinë punëtore për të cilën ka nevojë, me qëllim që ata ta lenë përgjithmonë vendin e tyre. Në një situatë të tillë, kur emigracioni në Maqedoni e vende të tjera në rajon është alarmues, zgjidhje të tilla nuk sjellin asgjë pozitive për këto vende.

Që ky rrezik është real e tregon së fundmi edhe një studim i organizatës “Together for life” dhe Fondacionit Friedrich Ebert në Shqipëri. Sipas tij, 78% e mjekëve shqiptarë duan të largohen nga Shqipëria, dhe 24% do të donin ta bënin këtë menjëherë. Arsyet më të rëndësishme: mungesa e seriozitetit në punë, paga e ulët dhe kushtet e vështira të punës.

Arrati nga mungesa e perspektivës

Situata nuk është ndryshe as në Serbi, Bosnje-Hercegovinë apo Kosovë, ku dhjetëra mijëra qëndrojnë me valixhet gati për të pritur rastin më të mirë për largimin nga vendlindja. Para konsullatave radhët e atyre që duan një vizë pune janë të gjata, shkollat e gjuhës gjermane janë të tejmbushura e ofrojnë kurse gjuhe deri në orën 23:00. Dhe agjencitë e ndërmjetësimit të punëtorëve mbushin xhepat – për ndërmjetësimin e një infermiereje nga disa klinika gjermane ato marrin deri në 5.000 euro bonus, ndërsa tarifat e ndërmjetësimit sigurisht i paguajnë punëkërkuesit.

Edhe në Kroaci, anëtare e BE gati janë shpopulluar disa rajone. Shumë vetë nuk duan vetëm rroga të larta, me largimin nga vendi ata reagojnë edhe për atmosferën politike e shoqërore në vendet e tyre, dhe mungesën e perspektivës.

Fitimtarë – gjermanët

Nga pikëpamja gjermane ky imigracion është një përfitim i dyfishtë: nga njëra anë gjendet fuqia punëtore kaq e nevojshme, nga ana tjetër shkollimi kushton shumë pak ose aspak për kushtet gjermane. Prandaj nuk të çudit reagimi pozitiv i presidentit të Diakonisë, Ulrich Lilie, që e përshëndet iniciativën e ministrit të Shëndetësisë. „Nuk ka rrugë tjetër, duhet të kualifikojmë vetë në Afrikë, Lindjen e Largët apo Europën Lindore”, thotë ai. Avantazhi është i qartë: „Fuqia punëtore vjen e gatshme me diplomë në Gjermani.”

Por ndryshe duket gjendja nga perspektiva e vendeve ku vazhdon rrjedhja e trurit. Fatmir Brahimaj, president i Urdhrit të Mjekëve Shqiptarë thekson se Shqipëria nuk ka asnjë shans në një treg të pambrojtur. „Nuk e di ku ta gjejë një arkë me para për të ndaluar këtë fenomen. Kushtet e punës jashtë janë arsyeja kryesore pse mjekët duan të braktisin vendin.”

Parimi i rotacionit dhe zgjidhje rajonale

Në Ministrinë e Shëndetësisë në Maqedoni është përpunuar një propozim, me të cilin të dyja palët mund të përfitojnë. Shkupi propozon, që në bashkëpunimin me Gjermaninë të zbatohet parimi i rotacionit. Mjekët, infermierët e forcat e kujdesit shëndetësor mund të punojnë përkohësisht për gjashtë muaj në Gjermani, kështu ata përmirësojnë dijen profesionale, mbledhin përvoja, dhe fitojnë të ardhura më të mira. Pas kësaj ata do duhet të kthehen në Maqedoni. Kështu vendlindja që ka investuar në arsimin e tyre do të përfitonte nga dijet e reja.

Sipas ministrit maqedonas të Shëndetësisë, Venko Filipce, zgjidhja duhet kërkuar në planin rajonal. „Qëndrimi ynë është që adresimi t’u bëhet të gjitha vendeve të rajonit për një bashkëpunim me Gjermaninë. Këtu mund të flitet për një parim rotacioni dhe jo thjesht për largim nga vendi”, thotë Filipce në një prononcim për Deutsche Wellen.

Nëse do të ketë një zgjidhje të tillë, nuk dihet. Joana Bocaj nga Vlora nuk pret. Ajo e ka marrë ndërkohë diplomën e gjuhës gjermane për të punuar në Gjermani. Edhe pak kohë dhe ajo do të udhëtojë drejt Gjermanisë. /DW

BANKA-GJERMANE.mpg_snapshot_00.00-1280x925.jpg
G. P.20:32 | 29/11/2018

Prokuroria gjermane ka bastisur selinë qëndrore dhe disa degë të “Dojçe Bank” në Frankfurt. Autoritetet dyshojnë se kjo bankë është përfshirë në pastrimin e parave.

Selia qëndrore e Bankës Gjermane në Frankfurt është bastisur nga prokurorët për shkak të një hetimi lidhur me dyshimet për pastrim parash. Prokurori publik i Gjermanisë akuzon dy anëtarë të stafit se kanë ndihmuar klientët të pastrojnë para të fituara nga aktivitetet kriminale. Makina policie janë parë jashtë bllokut të kullave ku gjendet selia qëndrore të bankës më të madhe të Gjermanisë. Gjithashtu edhe zyra të tjera të “Dojçe Bank” janë kontrolluar në të gjithë qytetin e Frankfurtit në një operacion ku janë përfshirë rreth 170 zyrtarë dhe policë. Prokurorët po kërkojnë të zbulojnë nëse stafi i kësaj banke ka ndihmuar klientët për të hapur llogari për të “transferuar para nga aktivitetet kriminale”.

Ndërkohë, hetimi ka nisur nga zbulimet në vitin 2016 kur plasi skandali “Panama Papers” – pas publikimit të një sasie të madhe informacioni të marrë nga një prej kompanive më secrete të botës, firma ligjore nga Panamaja e quajtur Mossack Fonseca. “Dojç Bank” ka konfirmuar bastisjen e polciisë në lokacione të ndryshme në GJermani dhe nënvizon se ka bashkëpunuar me hetuesit. Dokumente të shumta janë sekuestruar nga zyrtarët gjatë kontrolleve në pronat e bankës./abcnews.al

xhamia.jpg
G. P.10:51 | 25/11/2018

Pak ditë para zhvillimit të Konferencës Gjermane të Islamit në Berlin, Ministria e Punëve të Brendshme tregohet e hapur që në Gjermani të zhvillohet debat për futjen e tatimit për xhamitë.

Javën e ardhshme në Berlin rimblidhet për herë të parë pas disa vitesh Konferenca Gjermane e Islamit. Sekretari i Shtetit për Vendlindjen në Ministrinë e Punëve të Brendshme të Gjermanisë, Markus Kerber, (CDU) u shpreh të shtunën për gazetën gjermane „Bild” se lista e të ftuarve përmbledh si shoqatat e xhamive tradicionale ashtu edhe shoqata të reja dhe persona të veçantë. „Kemi ftuar një spektër të gjerë të jetës islame në Gjermani.” Qëllimi i konferencës është vendosja e piketave më të rëndësishme për tre vitet e ardhshme. Do të diskutohen po ashtu edhe kërcënimet kundër kritikëve të islamit, njofton agjencia e lajmeve, epd.

Reduktimi i influencave nga jashtë

Një temë që pritet të diskutohet është edhe reduktimi i influencave të huaja tek shoqatat e xhamive. Sekretati i Shtetit në Ministrinë e Punëve të Brendshme, Kerber u tregua i hapur për një debat të futjes së tatimit për xhamitë. „Qëllimi duhet të jetë që xhamitë në Gjermani të mos jenë të varura nga ndihmat financiare nga jashtë”, tha ai. Nëse një komunitet e sheh futjen e tatimit për xhaminë si zgjidhje për anëtarët e saj, këtë duhet ta vendosin vetë ata. Kusht është që xhamitë të përmbushin kriteret për subjektet juridike të së drejtës publike.

E rëndësishme, sipas Kerber, është marrja e më shumë informacioneve për jetën islame në Gjermani, jo vetëm për numrin e xhamive. Kerber refuzoi një kuotë për myslimanët në firma, politikë dhe shoqëri. „Kjo nuk i ndihmon askujt”. Qëllimi i Konferencës së Islamit në Gjermani, të krijuar në vitin 2006, është të nxisë e mbështesë dialogun mes shtetit gjerman dhe myslimanëve, përmirësimin e jetës së myslimanëve në Gjermani, dhe ushtrimin e fesë në harmoni me rendin kushtetues gjerman./DW

SHQIPERI-GJERMANI-PROTOKOLL-BASHKEPUNIMI-1280x720.jpg
ent ela19:59 | 22/11/2018

Prej korrikut 2016 Gjermania ka vënë në dispozicion të projekteve të përbashkëta me Shqipërinë 102,5 milionë euro, duke u shndërruar në donatorin më të madh bilateral. Ky fakt u nënvizua edhe në firmosjen e protokollit të bashkëpunimit mes qeverisë shqiptare dhe asaj gjermane.

Me sukses kanë përfunduar bisedimet e qeverisë së Shqipërisë dhe asaj Gjermane mbi politikat në zhvillim. Në një deklaratë të përbashkët për mediat, Ministri i financave dhe ekonomisë Arben Ahmetaj dhe  Ambasadorja e Gjermanisë Suzan Shutz njëzëri thanë se bisedimet shënuan një shifër rekord të premtimeve financiare.

“Shifrat rekord janë provë e rëndësisë së madhe që Qeveria Federale i kushton mbështetjes së Shqipërisë në rrugën e saj drejt Bashkimit Evropian. Në 30 vitet e fundit ne kemi qëndruar vazhdimisht në krah të Shqipërisë dhe do të vazhdojmë të mbetemi një partner i besueshëm i saj”.

Në përmbyllje të negociatave, u nënshkrua  dhe një Protokoll Bashkëpunimi mes qeverisë Shqiptare dhe asaj Gjermane.

Qeveria Federale ka miratuar për Republikën e Shqipërisë  për dy vitet në vijim një fond prej 168,4 milionë eurosh. Krahas kësaj Banka Gjermane për Rindërtim KfË  lëvron për Ministrinë e Financave në Shqipëri një kredi në vlerën e 100 milionë eurove. /abcnews.al

 

 

 

 

 

gjermanii.jpg
G. P.11:20 | 21/11/2018

Gjatë vizitës zyrtare në Gjermani Kryetari i Grupit Parlamentar të Partisë Socialiste, Taulant Balla, është takuar me Sekretarin e Shtetit, Christian Lange në Ministrinë Federale të Drejtësisë dhe Mbrojtjes së Konsumatorit të Gjermanisë.

Temë kryesore e këtij takimi ishte ecuria e Reformës në Drejtësi. Përfaqësuesit e Shqipërisë në takim e njohën sekretarin Lange me ecurinë e Vettingut që paraprin ngritjen e institucioneve të reja KLGJ dhe KLP, si dhe të BKH dhe SPAK. Nga ana e tij Balla u shpreh se ka bindjen që procesi i Vettingut në radhët e drejtësisë është duke dhënë rezultate të kënaqshme në rrugën e forcimit të shtetit të së drejtës.

Kjo u mbështet edhe nga Sekretari i Shtetit gjerman, sipas të cilit, përfundimi i kësaj reforme dhe ngritja e institucioneve të reja të drejtësisë, do të shërbejnë për të forcuar edhe më tej luftën kundër krimit të organizuar. /abcnews.al

balla.jpg
G. P.11:24 | 20/11/2018

Lufta kundër krimit të organizuar, parandalimi i emigracionit të paligjshëm dhe Vettingu i gjyqësorit ishin temat që u diskutuan në takimin që kryetari i Grupit Parlamentar të Partisë Socialiste, Taulant Balla zhvilloi me sekretarin e Shtetit, Stefan Mayer, në Ministrinë e Brendshme të Gjermanisë.

Duke shprehur vlerësimin e tij për atë që po bën Shqipëria për emigracionin e paligjshëm, Sekretari i Shtetit,Mayer, nënvizoi dhe rëndësinë e nënshkrimit të marrëveshjes me Agjencinë Evropiane të Rojës Bregdetare dhe Kufirit, që është e para e këtij lloji në rajon.

Gjatë diskutimeve në takim, sekretari inkurajoi diskutimin dhe miratimin e amendamenteve të reformës elektorale./abcnews.al

181106-emmanuel-macron-mc-1319_011f45c1d1720bd9b69621f5c19a52c2.fit-760w.jpg
G. P.12:55 | 19/11/2018

Presidenti francez tha në një fjalim në Bundestagun gjerman se Europa e ka obligim që të mos lejojë botën të rrëshkasë në kaos. Gjithashtu Macron kërkoi që BE të mos bëhet lodër e fuqive të mëdha.

Presidenti i Francës, Emmanuel Macron, ka bërë thirrje për mardhënie më të ngushta mes vendit të tij dhe Gjermanisë, duke thënë që Europa “ka obligim që të mos lejojë që bota të rrëshkasë në kaos”. Macron ishte në Berlin për Ditën Kombëtare të Përkujtimit të Viktimave të Luftës. Në një fjalim në parlamentin gjerman, ai tha se Europa nuk duhet të bëhet lodër e fuqive të mëdha.

Macron dëshiron një BE më të integruar, me një buxhet të përbashkët të eurozonës. Ai gjithashtu dëshiron mbështetjen e Gjermanisë për një ushtri europiane, për të cilën ka thënë se do të reduktojë varësinë e bllokut ndaj SHBA-ve dhe një taksë të re për gjigandët e teknologjisë së internetit. Kancelarja gjermane Angela Merkel ka shprehur përkrahjen paraprake për disa nga këto ide, por të tjerët janë kontraverse në Berlin. Udhëheqësi francez foli për forcat nacionaliste “pa kujtesë” dhe kërkoi forca progresive për t’u bashkuar në një botë të pasigurtë.

“Ka shumë fuqi që duan të na pengojnë, që të ndërhyjnë në debatet tona publike, të sulmojnë demokracitë tona liberale dhe po përpiqen të na vendosin kundër njëri-tjetrit“, tha ai.

“Dhe në këtë rend global, të cilin duhet ta marrim shumë seriozisht, forca jonë, forca jonë e vërtetë, qëndron në unitet”.

Përsëri ky është një sulm, edhe pse jo i drejtëpërdrejtë, ndaj presidentit amerikan, Donald Trump. Macron dhe kreu i Shtëpisë së Bardhë patën një konfrontim jo të zakonshëm gjatë dhe pas ceremonisë për përkujtimin e fundit të Luftës së Parë Botërore. Trump e sulmoi atë me disa mesazhe në Tëitter, madje duke kërcënuar me vendosje tarifash për importimin e verës. Macron nuk i është përgjigjur këtyre sulmeve, por ka vendosur theksin tek lufta kundër nacionalizmit dhe përçarjes./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono