Gjermani

policia-gjermane.jpg
nev ila12:41 | 15/01/2020

Policia gjermane ka ndërmarrë një operacion të madh kundër terrorizmit në vend duke zbuluar disa grupe çeçene.

Rreth 180 persona janë ndaluar me dyshimin se po planifikonin sulme terroriste.

Një tezë e konfirmuar kjo sipas policisë nga materialet që janë mbledhur nga celularët e të arrestuarve.

Por prokurori i Përgjithshëm i Berlinit përjashtoi çdo rrezik konkret. Të dyshuarit janë të moshës nga 23 deri në 28 vjec./abcnews.al

afaf.jpg
Autor E09:27 | 13/01/2020

Qeveria gjermane dhe ajo turke janë në bisedime për të hapur tre shkolla private turke në Frankfurt, Koln dhe Berlin.

Ndërkohë ministri i jashtëm thotë se Heiko Maas thotë se ky është një vendim reciprok kundrejt Turqisë.

‘Ne kemi shkolla gjermane në Turqi dhe pikërisht Turqia po kërkon të trajtohet në mënyrë të barabartë në Gjermani’- tha Maas.

Po ashtu politikani Sevim Dagdelen i së Partisë së Majtë thotë se me hapjen e tre shkollave diaspora turke në Gjermani mund të preket nga doktrina e Erdogan dhe shkollat mund të përdoren nga Presidenti turk për të përhapur propagandën e tij edhe në Gjermani.

Kurse Komisionerja gjermane për integrimin sqaron se Annette Ëidmann-Mauz sqaron se ‘ Duhet të jetë e qartë se shkollat në Gjermani duhet të jenë në të njëjtën linjë me vlerat dhe ligjet’.

Rreth 5.6 milion turqë jetojnë në Gjermani ndërsa negociata për shkollat vjen disa ditë pasi organizata më e madhe islamike në Gjermani, Ditib njoftoi se për herë të parë do të trajnohen imamë në Gjermani.

850 xhami dhe 800 mijë myslimanë janë pjesë e Ditib por pikërisht kjo organizatë ka qenë e akuzuar vazhdimisht sidomos në 2016 për spiunim të anëtarëve të diasporës turke në Gjermani sa i përket ‘puçit’ kundër qeverisë së Erdogan.

/local.de

zxzx.jpg
in a17:00 | 01/01/2020

Një zjarr ka përfshirë kafazët e majmunëve brenda Kopshtit Zoologjik në Krefeld të Gjermanisë Perendimore, duke shkaktuar ngordhjen e tyre. “Frika jonë më e madhe u bë realitet. Nuk ka asnjë kafshë të mbijetuar”, thuhet në deklaratën e kopshtit zoologjik.

Zjarri ishte i përmasave të mëdha, ndërsa mësohet se kanë ngordhur më shumë se 30 kafshëve, përfshirë shimpanze, orangutangë dhe dy gorilla. “Një ambient i rrethuar ku jetonte një familje e re me shtatë gorilla, u kursye nga zjarri”, thuhet më tej në deklaratë

Zjarri ka rënë rreth orës 00:30 të datës 1 Janar 2020. Ende nuk dihen shkaqet ndërsa kanë nisur hetimet, shkruajne mediat gjermane. /abcnews.al

WW2.jpg
Veronik Istrefaj20:14 | 25/12/2019

Në vitin 1914 po zhvillohej Lufta Botërore, por në ditën e Krishtlindjeve, armiku u bë mik, të paktën atë ditë. Askush nuk mbeti viktimë, asnjë zhurmë arme, por vetëm një top lecke.

Ernie Williams, një ushtar anglez, në vitin 1983 do të rrëfente: “Në një moment, pamë topin që doli, nisëm ta shkelmonim më kot, rrëmujë, pa rregulla, por në fund kuptuam se çfarë do të thoshte të jesh i lirë!”.

Që kur kishin qenë fëmijë nuk e kishin pasur atë ndjesi. Bijtë e luftës, e dhunës, u bashkuan nga dashuria për futbollin!” Ndeshja mbaroi 3-2 në favor të gjermanëve, të paktën kështu u shkrua në dorëshkrimet historike./abcnews.al

jetw.jpg
in a13:34 | 25/12/2019

Aktorja e mirënjohur Eva Pëllumbi prej vitesh jetonte me familjen në Gjermani. Ditën e djeshme aktorja ka ndërruar jetë, por ende nuk është bërë i ditur shkaku i vdekjes.

Ndërkohë vetëm disa ditë ditë me parë Pëllumbi kishte bërë një status në rrjetin social “Facebook”për aktoren  Mira Minga Jupi, e cila ndërroi jetë në SHBA.

Ajo shkruan se ndjen një dhimbje të madhe, e cila e ka mpirë të gjithën.

Statusi:

“Po si u largove keshtu? Jam mpire nga dhimbja, nuk mund ta besoj… Lamtumire shume e dashur, e paharruar Mira, shpirti yt u prehte ne paqe! Ngushellime te perzemerta e shume te ndjera Yllit, djemve, te gjithe families…” shkruante në facebook, Eva Pëllumbi./abcnews.al

milioneri.jpg
in a14:02 | 24/12/2019

70 vjeçari milioner gjerman Karl Reipen, i cili ndërtoi pasurinë tij duke shitur kafe të ngrirë, ka blerë në Zelandën e Re tokë me një vlerë prej 3.5 milion eurosh. Tashmë ai do të dalë në pension dhe kërkon 10 shoqërues, burra dhe gra, për të ndarë me të jetën në këtë parajsë. Të gjitha shpenzimet do të paguhen nga ai.

Të ftuarit do të qëndrojnë në shtëpi të ndara prej 2 personash. Ata nuk duhet të bëjnë asgjë përveç se të kalojnë kohën e lirë duke shëtitur, bërë blerje, peshkuar e notuar. Madje nëse kanë kuaj mund t’i marrin me vete pasi në strukturë ka dhe skuderi. Përzgjedhja është shumë e thjeshtë, njerëzit duhet të jenë të denjë, të duan një jetë të rezervuar dhe të tërhequr dhe të jenë më pak se 70 vjeç.

Gjithsesi milioneri, me sa duket nuk ka arritur ende të kompletojë skuadrën e tij, dhe për këtë arsye ka publikuar një lajmërim në një të përditshme lokale me titullin: “Kërkohen shoqërues për të jetuar në parajsë”./abcnews.al

milaaa.jpg
So Nila14:42 | 19/12/2019

Një gjykim i jashtëzakonshëm po zhvillohet në qytetin gjerman Zwickau. Një foshnjë tetëmuajshe është në gjyq për një borxh prej 13,000 eurosh.

Vajza Mila trashëgoi një borxh nga gjyshi, dhe gjithashtu mund të dënohet për të paguar një kontratë për celular dhe një abonim në një kanal sportiv Sky.

E gjithë çështja filloi kur gjyshi i Milas, Roni ndërroi jetë në vitin 2018, dhe nëna e vajzës, Sophie Reinold, 19-vjeç, ishte gjashtëmuajshe shtatzënë. Ajo dhe i dashuri i saj nuk pranuan të paguanin borxhin e tyre me të ardhura të ulëta, dhe pas lindjes, Mila e vogël u thirr në gjyq.

Ajo trashëgoi borxhin dhe tani e kërkojnë gjykatat ./abcnews.al

neonazistet.jpg
nev ila14:41 | 19/12/2019

Sipas një reportazhi të Deutsche Welle, numri i neonazistëve në Gjermani është rritur ndjeshëm, ndërsa konsiderohet se më shumë se 12 mijë prej tyre janë të gatshëm për akte dhune.

Numri i ekstremistëve të djathtë në Gjermani po shtohet, dhe për këtë arsye autoritetet kanë vendosur kanë vendosur të ndërmarrin disa masa konkrete. Nis kështu reportazhi i Deutsce Vele-s për sa i përket fenomenit të neonazismit në vend.

Lista e tmerreve nga krahu i djathtë po shtohet nga dita në ditë: Në Hessen një neonazist i dyshuar ka vrarë politikanin komunal, Valter Lübke.

Në Zahsen-Anhalt dy persona u vranë pas një sulmi të dështuar në një sinagogë në qytetin Hall. Çdo ditë diku në Gjermani sulmohen njerëz vetëm për shkak të ngjyrës së lëkurës, fesë apo orientimit seksual.

Zyra Federale për Mbrojtjen Kushtetuese ka regjistruar 12.700 ekstremistë të djathtë të gatshëm për dhunë. Sa për krahasim: në vitin 2011, kur është zbuluar grupi terrorist neonazist Nëntoka Nacionalsocialiste (NSU), ka pasur 9.800 pesona të regjistruar nga ekstremi i djathtë.

“Dështim total i shtetit”, ky është përfundimi i hetimeve për këtë grup i një Komisioni Parlamentar të Bundestagut. Në qendër të vëmendjes së hetimeve ishin policia dhe shërbimet sekrete, të cilat përkundër sinjaleve të qarta për motive raciste, nuk e kanë hetuar në drejtimin e duhur serinë e vrasjeve dhe sulmeve me bomba.

Një prej shpjegimeve për përhapjen e fenomenit të neonazismit në vend është fiksimi tek terrori islamik. Pas sulmeve në tregun e Krishtlindjeve në Berlin në dhjetor 2016, autoritetet e sigurisë janë përballur me kritika të ashpra.

Prej verës deri më tani janë krijuar ekipe të ndryshme për veprim kundër ekstremizmit të djathtë. Janë hapur mbi 300 vende të reja, të cilat në të ardhmen duhet të merren ndër tjerash edhe me ekspertizën shkencore të këtij fenomeni.

Por është pozitiv fakti që nga autoritetet dëgjohen gjithnjë e më shumë tone autokritike. Nëse autoritetet përballen me këto probleme brenda vetvetes, do të jetë shumë më e besueshme edhe lufta e tyre për respektimin e vlerave demokratike.

Kjo për faktin se ekstremistët me siguri që e kanë ndjerë veten të nxitur pasi ka munguar ndjekja rigoroze e rasteve të tilla.

Tani më akush nuk sheh mënjanë, kur shtrohet problemi i ekstremistëve të djathtë – as policia dhe as autoritetet e tjera të sigurisë.

“Ky problem është dashur të merret më seriozisht!”, thonë autoritetet./abcnews.al

marsidaa.jpg
nev ila16:45 | 13/12/2019

Marsida Qatja, rikthehet sërish në vëmendje të medias. Së fundmi, ajo ka publikuar në rrjete sociale një foto, ku dyshohet të jetë bashkëshorti i saj. Ata shihen të përqafuar, ndërsa tregojnë qartë se nuk duan t’ia dinë se çka ndodhur 2 muaj më parë.

Marsida Qatja, u bë mjaft e njohur pas ngjarjes së rëndë të ndodhur në tetor të këtij viti brenda shtëpisë së saj në Kavajë. Aty mbeti i vrarë shtetasi Dritan Haxholli, ndërsa u përfol se kishte një lidhje dashurie me Marsidën. Por, kjo e fundit e ka hedhur poshtë këtë lajm.

Pavarësisht kësaj, kohët e fundit, Marsida shihet e bashkuar me bashkëshortin e saj, e cili kohën kur ndodhi ngjarja ndodhej në burg në Gjermani. Në foton e hedhur në rrjete sociale, Marsida shkruan: “Lumturi është të duash dhe të të duan”./abcnews.al

Meha.png
Igli Nikolli19:16 | 24/11/2019

Alban Meha mbetet një mjeshtër i goditjeve të dënimit. 33-vjeçari po aktivizohet me Hessen Kassel prej verës, ekip që garon në divizionin e pestë të futbollit gjerman. Ekipi i mesfushorit nga Mitrovica fitoi 4-1 në shtëpi kundër Waldgirmes dhe tani renditet në vend të tretë me 38 pikë, pesë më pak se kryesuesit e Eddersheim.

Meha barazoi shifrat në minutën e 21-të, shënoi një gol shumë të bukur, teksa goditi edhe shtyllën në pjesën e dytë. Gjithçka nga goditjet e dënimit, një specialitet i ish-mesfushorit të kombëtares së tij, i cili shkruan këto fjalë në rrjetet sociale: “Forma e përkohshme, klasi i përhershëm!

Meha ka shënuar gjatë gjithë karrierës gola fantastikë dhe vazhdon ta bëjë diçka të tillë. I pafat në pjesën e dytë, aty ku mund të kishte shënuar një eurogol, gjithsesi mjafton rrjeta e realizuar në pjesën e parë dhe fitorja e ekipit. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono