Gjergji Oshafi

elbasani.jpg
G. P.22:25 | 23/01/2019

Një vit e gjysmë pas ngjarjes së ndodhur në Elbasan, ku një makinë tentoi të godiste një grup efektivësh të policisë lokale ndërsa ishin në aksion, Prokuroria e Krimeve të Rënda mbyll hetimet dhe çon para drejtësisë tre persona të akuzuar për “vrasje së punonjësve të Policisë së Shtetit” mbetur në tentativë. 

Prokuroria për Krime të Rënda mbylli hetimet lidhur me sulmin e kryer ndaj një grupi efektivësh të Policisë së Shtetit në Shtator të 2017, në hyrje të tregut Agroushqimor në Elbasan. Në përfundim të këtyre hetimeve tre persona janë dërguar në gjyq me akuzën e “vrasjes së punonjësve të Policisë së Shtetit” mbetur në tentativë e kryer në bashkëpunim.

Para drejtësisë do dalin Enea Bekteshi, Kelmend Xhaferri dhe Suel Çela, i cili vijon të jetë person në kërkim. Ngjarja për të cilën do të dalin para drejtësisë Bekteshi, Xhaferri dhe Çela ndodhi në 18 Shtator të 2017, kur pas një sinjalizimi të marrë nga një qytetar i frikësuar nga dy automjete në tunelin e rrugës Tiranë-Elbasan, policia lokale ka dalë në një aksion.

Pikërisht në rrugën para tregut Agroushqimor, punonjësit e policisë konstatuan në lëvizje në kah të kundërt me ata, një automjet Range Rover të cilit i bënë shenjë të ndalonte. Sipas prokurorisë pikërisht në atëmoment nga krahu i pasagjerit zbriti një person me një radiomarrëse në dorë, të cilën tentoi t’ja linte rojës së tregut.

Më pas, makina hyri brenda tregut dhe dera e jashtme u mbyll me shpejtësi. Nga verifikimet rezultoi se automjeti ndodhej në pronësi të biznesmenit Petrit Çela dhe personat që udhëtonin në të u identifikuan si Ledio Zabeli dhe Endri Çopja.

Pikërisht kur policia po tentonte shoqërimin në polici të personave që ishin me fuoristradë, një mjet tjetër ka mbërritur me shpejtësi mes makinave të policisë, duke goditur njërën prej tyre. Nga hetimet e prokurorisë, rezulton se në drejtim të këtij mjeti ishte Suel Çela. Këto veprime, sipas prokurorisë, vunë në rrezik jetën e oficerëve të policisë, mes të cilëve dhe të nëndrejtorit të policisë asaj kohe Gjergj Oshafit./abcnews.al

vlcsnap-error660-1280x720.jpg
us er17:42 | 07/12/2017

Prokuroria për Krimet e Renda ka shpallur moskompetencë për hetimin e incidentit të 18 shtatorit në Elbasan, ku një “Audi” i blinduar goditit mjetin e zv.drejtorit të Policisë Gjergji Oshafi. Sipas prokurorisë, në ngjarje nuk ka pasur tentativë për vrasjen e policit. Dosja i është dërguar për hetim prokurorisë së Elbasanit.

Në incidentin e 18 shtatorit 2017 para portës së tregut agro-ushqimor në Elbasan, ku u godit mjeti i zv.drejtorit të policisë Gjergji Oshafi nga një “Audi” i blinduar nuk ka pasur tentativë për vrasjen e punonjësit të policisë. Në këtë përfundim kanë mbërritur prokurorët e Krimeve të Rënda të cilët kanë shpallur moskompetencë për hetimin e rastit.
Burime pranë Prokurorisë konfirmuan se pas veprimve hetimore është dalë në konkluzionin se në veprimet e personave të arrestuar për ngjarjen nuk ka elementë të veprave penale që janë nën juridiksionin e Prokurorisë për Krimet e Rënda. Vendimi është marrë pak ditë më parë dhe dosja i është dërguar për kompetencë Prokurorisë së Rrethit Gjyqësor Elbasan.
Ndryshimi i kompetencës u bë shkak për pushimin nga Gjykata për Krimet e Rënda e kërkesës së bërë nga një prej të ndaluarve për ngjarjen, 44 vjeçarit Valmir Dedja. Në lidhje me përplasjen e mjetit të ish-zyrtarit të policisë së Elbasanit, Oshafi, u arrestuan Ledio Zabeli, Klement Xhaferri, Valmir Dedja dhe Enea Bekteshi, të cilët u lanë në masa sigurie shtërnguese “arrest në burg” dhe “arrest shtëpie” nga gjykata.
Një muaj pas ngjarjes drejtori i Përgjithshëm i Policisë së Shtetit, Haki Çako shkarkoi nga detyra gjithë zinxhirin drejtues të Komisariatit të Policisë së Elbasanit për paaftësi në menaxhimin e situatës së 18 shtatorit para tregut agro-ushqimor./abcnews.al

 

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono