gjeologji miniera

pepushaj.jpg
in a14:01 | 11/12/2019

Në vitet 90’ zëri i tij kumboi fort në qytetin studenti me thirrjet për rrëzimin e sistemit komunist. Protesta, greva dhe revolta kundër një regjimi që i kishte rrëmbyer çdo liri, përfshirë edhe të drejtën për të pasur një besim. Dhe kur regjimi dictatorial u gjunjësua ish-studenti i gjeologji-minierave Sokol Pepushaj  hoqi dorë nga studimet e shkencës ekzakte dhe iu dedikua besimit të zotit.

Fra Sokoli drejton ritualet fetare në Kishën e Shën Mëhillit në Laç prej vitesh. Por misioni mori të tjera përmasa pas tërmetit të 26 nëntorit ku oborri i vogël i kishës u bë streha për 50 familje të mbetura në qiell të hapur. Por edhe për Fra Sokolin ai mëngjes nuk ishte aspak i lehtë, ku goditjet e tërmetit shoqëronin njëra-tjetrën dhe ku tronditjet nuk kursyen edhe shtëpinë e tij të besimit.

“Kur ka rënë tërmeti isha në gjumë, ndjenja që ka njeriu kur zgjohet është sikur po bie ndërtesa, kur i thirra memories kam përjetuar ndjesin e ’79 kur isha 10 vjeç”, tha Sokoli.

Qindra fëmijë dhe familje që qëndronin në makina gjetën strehë falë solidaritetit të rinisë dhe derës së hapur të kishës së Shën Mhillit.

“Ka ardhur një person që ka sjellë rërën falas, kanë montuar tendën dhe më pas njërëzit kaluan në çadër”.

Por kur 2 javët e tërmetit kanë kaluar, apeli i Fra Sokolit është për instancat shtetërore duke u lutur për t’i krijuar këtyre njerëzve një jetë dinjitozore.

“Uroj që sa më shpjet të mundësohet jeta normale e këtyre njerëzve”, tha ai.

Mëngjeset dhe darkat shërben vaktet e ngrohta ndërkohë që gjatë ditës i përgjigjet lutjtes së banorëve të Kurbinit për të bekuar shtëpitë e tij.

“Na kanë thirrur njerëzit që kanë dëgjuar tërmetin”, u shpreh ai.

Edhe pse vitet kanë kaluar, instiktet e profesionit të dikurshëm nuk i ka harruar për të folur mbi dëmet që ka parë në qytet.

“Ka dëmtime të riparipashueshme për shumë ndërtesa”, shprehet ai.

Derën e kishës thotë se do ta mbaj të hapur për këdo që do të ketë nevojë, por apelin e ka të fortë për këdo që ka në dorë t’i kthejë dinjitetin këtyre familjeve./abcnews.al

gjeologjiku-jashte-funskionit.jpg
ad min15:03 | 24/09/2019

Dy ditë pas dëmeve që pësoi nga tërmeti, Fakulteti i Gjeologjisë dhe Minierave në Tiranë është përmbytur nga shiu. Kati i tretë i fakultetit ka dalë jashtë funksionit. Dekani Vasil Jorgji thotë se në këtë situatë mësimi më 16 tetor nuk mund të nisë në godinën e fakultetit.

Ky është laboratori i mikroskopeve në Fakultetin e Gjeologji Minierave në Tiranë mesditën e të martës.

Ndodhet në katin e dytë të godinës, i cili pas përmbytjes  mund të përdoret vetëm pjesërisht, ashtu si dhe kati i parë i saj.

Ndërkohë kati i tretë i cili gjendet nën pushtetin e ujit edhe pasi reshjet kanë pushuar ka dalë jashtë funksioni.

Vonesa në riparimin e dëmeve të tërmetit që goditi vendin dy ditë më parë solli këto pasoja.

Dekani  Vasil Jorgji na shpjegon se tërmeti nuk ka shkaktuar dëmtime në strukturën e ndërtesës.

Situata e krijuar ka detyruar drejtuesit e Fakultetit të Gjeologji Minierave që më 16 tetor kur nis dhe viti i ri akademik mësimin ta zhvillojnë në godinën ngjitur, e cila përdoret gjithashtu nga studentët e Magjistraturës.

Fakulteti i Gjeologji Minierave është ndërtuar në vitin 1962 dhe gjatë pesë viteve të fundit nuk ka pësuar asnjë ndërhyrje rikonstruktuese.

/ABC News Albania 24/7

belinda-balluku-1.jpg
ad min14:29 | 19/07/2019

Marrin fund përpjekjet disavjeçare të studentëve dhe pedagogëve të Gjeologji-Minierave për godinën e fakultetit. Sipas ministres së Infrastrukturës dhe Energjisë, Belinda Balluku, çështja është zgjidhur ndërsa rikonstruksioni do të kryhet me fonde private.

Godina e Fakultetit të Gjeologji-Minierave në Tiranë do t’i mbetet studentëve. Konfirmimi vjen nga Ministrja e Infrastrukturës dhe Energjisë Belinda Balluku.

“Kemi pasur një problem teknik për sa i përket pronësisë së ndërtesës dhe planeve që në të shkuarën është bërë për këtë ndërtese, por është zgjidhur pak javë më parë dhe tashmë ajo ndërtesë është e destinuar për të vazhduar për të qenë ndërtesa ku Fakulteti i Gjeologjisë duhet të kryejë veprimtaritë e tij”, tha Balluku.

Ndërtesa ka nevojë për rikonstruksion të plotë. Projekti do të hartohet nga Fakulteti i Arkitekturës, por qeveria nuk ka fonde për ta zbatuar.  Përfaqësuesit e kompanive minerare do të ndihmojnë në realizmin e tij.

“Ne do ta mbështesim këtë nismë. Normalisht jo vetëm nga ana e infrastrukturës, por edhe në një bashkëpunim me dekanatin për të nxjerrë sa më shumë inxhinierë për të punësuar”.

Marrja fund orvatjeve disavjeçare në kërkim të një zgjidhje i duket e pabesueshme Dekanit të Fakultetit të Gjeologji-Minierave.

“Zonja ministre e keni seriozisht? Në 2011 është bërë një projekt për rikonstruksionin e asaj godine, por nga 2014-n që nuk e kishim më tonën atje nuk është ngulur më një gozhdë sepse Rektori thoshte nuk ta jap gozhdën sepse ti do ta ngulësh te Gjykata Kushtetuese dhe me të drejtë. Kështu që unë nuk merrja dot fonde as për mirëmbajtje”, tha ai.

Fondi i solidaritetit për ndërtimin e godinës së Fakultetit të Gjeologji-Minierave do të mund të kontrollohet dhe nga Rektorati ndërsa donatorëve sponsorizmi do t’u njihet nga shteti./ABC News Albania 24/7

balluku-belinda-1280x711.jpg
nev ila15:12 | 22/06/2019

Ministrja e Infrastrukturës dhe Energjisë Belinda Balluku  në kuadër të Paktit për Universitetin zhvilloi një takim me studentët  e Gjeologji-Minierave të cilëve iu tha se është detyrë e qeverisë t’ju zgjidhë sa më parë problematikën e krijuar me ndërtesën e fakultetit.

Sipas Ballukut godina tashmë është në pronësi të fakultetit ndërkohë që rikonstruksioni i saj është ndër prioritetet e Ministrisë së Arsimit.

Gjithashtu ministrja iu beri të ditur studentëve se çdo vit pesë ekselentë do të punësohen pranë Ministrisë së Infrastrukturës dhe Energjisë.

Ndërkohë prania e kompanive të huaja të cilat veprojnë në vendin tonë në sektorin e hidrokarbureve sipas Ballukut është një tjetër mundësi për punësimin e studentëve të Gjeologji –Minierave./ABC News Albania 24/7

balfinn.jpg
ad min16:56 | 06/07/2018

Në Bulqizë shpërndahen çertifikatat e nivelit të tretë, për brezin e parë, të 33 maturantëve të gjimnazit të mesëm profesional të Gjeologji-Minierave në Bulqizë. Një kontribut të madh për ngritjen e shkollës dhe përgatitjen e profesionistëve të ardhshëm në këtë fushë jep kompania AlbChrome.

Gjimnazi i arsimit të mesëm profesional, të Gjeologji-Minierave në Bulqizë ka shpërndarë 33 certifikata të nivelit të tretë, për brezin e parë të maturantëve të kësaj shkolle, që arrijnë të diplomohen në profilin e tyre, në qytetin e njohur për mineral nxjerrjen e kromit. Takimin e organizuar me këtë rast, e përshëndeti Drejtoresha e Shërbimit Kombëtar të Punës, Elira Demiraj. Për kryebashkiakun Melaim Damzi në të ardhmen do të vazhdohet me të tjera certifikime profesionale edhe në fusha të tjera, siç është ajo e turizmit malor.

Deri katër vjet më parë, në Bulqizë askush nuk ishte kujdesur për të ngritur një shkollë të tillë profesionale, që lidhet direkt me trajnimin dhe punësimin, fill pas përfundimit të mësimeve. Por tashmë në ngritjen e shkollës së mesme profesionale të Bulqizës, një kontribut të madh ka dhënë kompania shqiptare AlbChrome, e cila është kujdesur që ta furnizojë këtë institucion arsimor si me bazë materiale, ashtu edhe me ngritjen e një laboratori për praktikën, apo duke mundësuar edhe pagesën e disa profesorëve.

Një nga profilet në minierë, ku pritet të angazhohen të rinjtë, është ajo e vagonistit armator, për të kaluar më pas në pozicionin e teknikut të minierës, që është edhe pozicion drejtues në nëntokë. AlbChrome, në vijim të traditës për t’i kushtuar rëndësi veç punësimit rinor edhe çështjeve sociale, është zotuar se studenti i parë që do të arrijë të regjistrohet në Universitetin e Gjeologji-Minierave në Tiranë, do të mbulohet me bursë studimi nga vetë kompania./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono