gjendje e jashtëzakonshme

01vid-dorian-bahamas2-videoSixteenByNine3000-1280x720.jpg
ent ela09:10 | 03/09/2019

Në Shtetet Amerikane të Floridës, Xhorxhias, Karolinën e Jugut dhe atë të Veriut është shpallur gjendja e jashtëzakonshme, në pritje të uraganit Dorian. Në shumë pjesë të Karolionës së Veriut evakuimi i banorëve është bërë i detyrueshëm, para goditjes nga dallgët dhe erërat e stuhisë.

Orët e fundit, uragani “Dorian” la 5 viktima në ishujt Bahamas, ndërsa ka shkaktuar një shkatërrim të paprecedentë.

Sipas kryeministrit të ishujve, Hubert Minis, rreth 13 mijë shtëpi janë dëmtuar ose shkatërruar nga uragani. Gjithashtu, ujërat që kanë vërshuar, vëllimi i të cilave është në rritje, kanë marrë përpara automjete dhe kanë shkulur pemë nga vendi.

Si stuhi e kategorisë 5, kur goditi Bahamas, ajo ishte e dyta më e fuqishme në historinë e stuhive të Atlantikut.

Sot në mëngjes forca e uraganit është ulur në stuhi të kategorisë 3, me erë me shpejtësi 125 milje në orë. /abcnews.al

luiziana.jpg
ad min23:59 | 12/07/2019

Shteti amerikan i Luizianës po bëhet gati për të pritur stuhinë “Berri”, që do të sjellë reshje të dendura dhe përmbytje. Për të minimizuar sado pak dëmet, autoritetet kanë shpallur gjendjen e jashtëzakonshme.

Në Luiziana të Shteteve të Bashkuara është shpallur gjendja e jashtëzakonshme për shkak se një stuhi tropikale po i afrohet zbarkimit. Stuhia “Berri” ka marrë shpejtësi teksa ka lëvizur në Gjirin e Meksikës në ditët e fundit.

Sipas autoriteteve, shpejtësitë e erërave të saj janë rritur deri në 80 kilometra në orë dhe mund të arrijnë forcën e një uragani në momentin që prekin tokën. Pritet që krahas erërave të forta të ketë edhe shira të dendura, që do të prekin kryesisht qytetin Nju Orlins, që në të kaluarën është goditur nga stuhitë dhe përmbytjet.

Shërbimi Meteorologjik Kombëtar ka paralajmëruar se përmbytjet përbëjnë rrezikun më të madh për banorët pasi shiu parashikohet të arrijë deri në 50 centimetra. Gjithashtu, lumi Misisipi që përshkon shtetin e Luizianës i ka arritur tashmë nivelet maksimale dhe është gati të dalë nga shtrati.

Stuhia “Berri” ka gjasa të përplaset në tokë të shtunën dhe më pas do të humbasë kuotë teksa do të kalojë në Luginën e Misisipit të poshtëm gjatë fundjavës.

Edhe pse mes stuhisë “Berri” dhe ndryshimeve të klimës nuk është verifikuar një lidhje direkte, rritja e temperaturave po fuqizon faktorët që i bëjnë dukuri të tilla edhe më të forta. Teksa ajri është ngrohur në dekadat e fundit, tani ai përmban më shumë lagështirë, që do të thotë se stuhitë janë të ngarkuara me shumë shi./ABC News Albania 24/7

DBL3CBURDMI6TFLKRDBJDK24HA-1280x853.jpg
nev ila15:30 | 18/06/2019

 

Shpallet gjendje e jashtëzakonshme në Egjipt pas vdekjes së ish presidentit Mohamed Morsi. Autoritetet kanë marrë masa të ashpra sigurie me frikën e manifestimeve të mëdha por dhe të sulmeve terroriste.

Në Egjipt është shpallur gjendje e jashtëzakonshme pas vdekjes së ish presidentit Mohamed Morsi. Masa është marrë nga frika e manifestimeve të mëdha. Në Kajro janë ndërmarrë shumë masa sigurie me forcat e armatosura dhe policinë që patrullojnë me automjete të blinduara dhe të shoqëruar nga njësitë anti-terror.

Banorët shprehen për mediat e huaja se i frikësohen dhe sulmeve terroriste. Një pjesë e madhe e tyre nuk e kanë përjetuar në mënyrë të veçantë ndarjen nga jeta të ish presidentit, por kanë frikë për vendin e tyre.

Për Mosad vdekja e tij dhe zërat për një vrasje të mundshme do i shkaktojnë dëme regjimit dhe qeverisë, por nuk është e logjikshme se pse vëllezërit muslimanë mund të përfitojnë nga ky lajm.

Të tjerë shprehen se e konsiderojnë Morsin si një njeri të mirë, jo një politikan të suksesshëm por më të mirë se shumë politikanë të tjerë.

Sipas burimeve të Vëllazërisë muslimane, Morsi është varrosur tashmë në varrezat e ish drejtuesve të vëllazërisë në periferi të Kajros./ABC News Albania 24/7

angli.jpg
ad min14:54 | 02/05/2019

Britania e Madhe është vendi i parë në botë që shpall gjendjen e jashtëzakonshme klimatike. Lideri i laburistëve Korbin, i cili dorëzoi dhe mocionin që u miratua nga deputetët britanikë, u shpreh se ky ishte vetëm fillimi.

Dhoma e deputetëve në Britaninë e Madhe miratoi një mocion të prezantuar nga opozita laburiste duke shpallur gjendjen e jashtëzakonshme klimatike. Mocioni përfaqëson një sukses për liderin e Partisë Laburiste, Xheremi Korbin, i cili e kishte dorëzuar personalisht në sallë. Por kjo është një fitore sidomos për lëvizjet ekologjiste që e kishin kërkuar me një seri manifestimesh në shesh. Britania e madhe është vendi i parë në botë që ndërmerr një iniciativë simbolike të kësaj natyre.

Sfida e laburistëve për qeverinë konservatore, synon ndër të tjera një nivel zero emetimesh të dëmshme para vitit 2050 si dhe rritjen e ndjeshme të burimeve të rinovueshme. Në debatin në parlament, ministri britanik i ambientit Majkëll Gov, duke iu përgjigjur Korbin pranoi ekzistencën e një situate emergjente, por nuk arriti deri aty sa të mbështesë mocionin në fjalë.

Përpara një turme ambientalistësh, Korbin u shpreh se ky mund të jetë fillimi i një serie veprimesh. Ai premtoi se do të bashkëpunojë dhe me vende të tjera për të shmangur katastrofat klimatike dhe për t’i bërë të qartë presidentit amerikan Donald Trump. Se nuk mund të injorojë marrëveshjet ndërkombëtare./ABC News Albania 24/7

trump-2-1280x854.jpg
ad min08:34 | 15/02/2019

Pas disa muajsh mëdyshje, presidenti Donald Trump ka vendosur të shpallë gjendjen e jashtëzakonshme, për të siguruar financimin e murit me Meksikën. Me këtë lëvizje, Trump ka mundësinë të përdorë fondet e kërkuara pa konsensusin e Kongresit, që deri më sot e kishte bllokuar.

Presidenti Donald Trump do të nënshkruajë projekt/ligjin për sigurinë kufitare për të shmangur një bllokadë të dytë qeveritare, por në të njëjtën kohë do të shpallë gjendjen e jashtëzakonshme për të siguruar financimin e murit me Meksikën.

Lëvizja e presidentit i mundëson atij të anashkalojë Kongresin dhe të përdorë fonde ushtarake për të kthyer në realitet premtimin kryesor të bërë gjatë fushatës presidenciale të vitit 2016. Lajmin e ka bërë të ditur kryetari i grupit të senatorëve republikanë, Miç Mek Konell, ndërsa është konfirmuar edhe nga Shtëpia e Bardhë.

“Edhe një herë presidenti po i përmbahet premtimit të tij për të ndërtuar murin, për të mbrojtur kufirin dhe për të garantuar sigurinë e vendit tonë”, ka deklaruar zëdhënësja Sarah Sanders.

Projekt/ligji i rënë dakord mes palëve për të shmangur një tjetër bllokadë qeveritare përfshin një fond prej 1.3 miliardë dollarësh për sigurinë kufitare, përfshirë këtu ngritjen e barrierave fizike, por nuk lejon kalimin e fondit të kërkuar nga presidenti për murin.

Kur Trump paralajmëroi shpalljen e gjendjes së jashtëzakonshme më herët gjatë vitit, disa republikanë e kundërshtuan me argumentin se lëvizja do të përbënte një precedent të rrezikshëm.

Por duke folur ditën e enjte, kryesenatori Mek Konell shprehu mbështetjen e tij, duke thënë se presidenti po vepron me çdo mjet ligjor në dispozicion për të garantuar sigurinë në kufi./abcnews.al

TRUMP-GAZETARI.mpg_snapshot_00.00-1280x1016.jpg
ad min16:58 | 01/02/2019

Presidenti amerikan Donald Trump konfirmoi për New York Times se është gati të deklarojë emergjencën kombëtare për të ndërtuar murin në kufi me Meksikën.

Ai shtoi se çdo gjë është gati dhe janë krijuar kushtet për at bërë një gjë të tillë. Plani B i bërë publik një ditë më parë nga mediat amerikane, do të aktivizohet nëse marrëveshja për të shmagur një shatdaun të ri në 15 Shkurt, nuk do të përfshijë financimin e murit. Kreu i Shtëpisë së Bardhë tha se do të priste deri në datën 15, por sipas tij kjo është një humbje kohe./abcnews.al

 

SHTEPIA-E-BARDHE-CELULARET-LIBRI-1280x720.jpg
ent ela10:45 | 11/01/2019

Mediat amerikane raportojnë se Shtëpia e Bardhë mund të shpallë gjendjen e jashtëzakonshme për emigrantët, për të përdorur fondin e fatkeqësive natyrore për të ndërtuar murin në kufi me Meksikën. Në këtë mënyrë nuk do të duhej miratimi i kongresit amerikan.

Shtëpia e Bardhë po hedh bazat për të shpallur gjendjen e jashtëzakonshme që do i lejonte Presidentit amerikan Donald Trump të anashkalojë kongresin dhe të financojë murin me Meksikën, duke i dhënë fund “shutdaun”. Sipas Uashington Post, që citon burime anonime, administrata synon të marrë fondet e papërdorura të ushtrisë.

Sipas të përditshmes amerikane Shtëpia e Bardhë mendon të përdorë një ligj për fatkeqësitë natyrore të miratuar nga kongresi  një vit më parë, që përfshin 13.9 miliard dollarë ende të pashpenzuara. Opozita amerikane mendon se do të përdoren në këtë mënyrë fondet që janë të destinuara për Puerto Riko, Texas dhe shteteve të tjera të goditura nga uraganët.

Edhe NBC Njus raporton lajme të ngjashme sipas të cilave administrate e Tramp projekton të ndërtojë një mur 500 kilometra të gjatë duke shpallur gjendjen e jashtëzakonshme dhe duke përdorur 13.9 miliard dollarët e fondeve të ushtrisë që përdoren në rastet e fatkeqësive natyrore. NBC shton se Tramp është informuar për lajmin teksa udhëtonte në kufi me Meksikën, por zëdhënësja e shtëpisë së Bardhë Sarah Sanders e cilësoi lajmin si “fake news”. /abcnews.al

SITUATA-NE-ITALI-1280x720.jpg
ent ela18:16 | 15/08/2018

Një ditë pas tragjedisë së Xhenovës, kryeministri i Italisë ka shpallur gjendjen e jashtëzakonshme për një vit. Në një konferencë shtypi, Xhuzepe Konte ka njoftuar tërheqjen e koncesioneve për rrugët dhe ndarjen e një fondi për nevojat emergjente.

Kryeministri i Italisë, Xhuzepe Konte ka njoftuar të mërkurën se ka dekretuar gjendjen e jashtëzakonshme për 12 muaj, pas shembjes së urës së Xhenovës. Në përfundim të mbledhjes së qeverisë, Konte ka bërë me dije se ekzekutivi ka lëshuar 5 milionë euro për ndërhyrjet e para urgjente në vendin e ngjarjes. “Gjithashtu, do të nisim procedurën për revokimin e konçesionit të dhënë kompanisë ‘Autostradat e Italisë’”, ka vijuar Konte, duke shtuar se qeveria nuk mund të presë drejtësinë dhe procedurat e saj të gjata për të vepruar.

“Nga sot e tutje do të jemi shumë më të kujdesshëm me konçesionet, do të rishikojmë kontratat e dhëna dhe do të jemi më kërkues”, ka thënë Konte.

Shefi i qeverisë italiane ka shtuar më tej se në mbledhjen e kabinetit është vendosur gjithashtu shpallja e një dite për zi kombëtare, e cila sipas tij do të përkojë me ceremoninë mortore të viktimave të tragjedisë. Sa i takon sigurimit të dy kolonave të urës që kanë mbetur në këmbë, Konte ka premtuar se një gjë e tillë do të bëhet shumë shpejt, ndërsa ka shtuar se shumë shpejt do të hiqen rrënojat për të ndërtuar shtigje alternative.

Ndërkohë, lidhur me ngjarjen ka reaguar Komisioni Europian, i cili u është përgjigjur akuzave të klasës politike italiane për shtrëngim të fondeve për infrastrukturën. “Në periudhën 2014-2020, Italia është parashikuar të marrë 2.5 miliardë euro për investime në infrastrukturë, kryesisht për rrugë dhe hekurudha”, ka deklaruar një zëdhënës. Duke shtuar se Komisioni është në kontakt me Romën zyrtare pas tragjedisë së të martës, zëdhënësi ka theksuar se ekzekutivi europian nuk do të përfshihet në asnjë debat politik lidhur me ngjarjen.  /abcnews.al

kaliforni-zjarret1-1280x720.jpg
ent ela16:42 | 11/08/2018

Kalifornia vazhdon të digjet ndërsa guvernatori i saj ka shpallur gjendjen e jashtëzakonshme. Janë më shumë se 21 mijë të evakuuarit, ndërkohë që dhe të burgosurit janë vënë në ndihmë të banorëve.

Kalifornia vazhdon të digjet. Sipas asaj që raporton BBC më shumë se 21 mijë banorë janë evakuuar nga shtëpitë e tyre që ndodhen përgjatë lumit Elsinor në Kontenë Orinxh, në jug të shtetit.

Urdhri për evakuim është dhënë në një kohë që zjarri po avancon, e deri tani ka shkrumbuar më shumë se 10 mijë hektarë pyll në veri të San Diegos.

Një person i dyshuar se ka qenë shkaktari i nisjes së këtij zjarri ka dalë para gjykatës me akuzën e zjarrvënies së qëllimshme. Seanca është shtyrë për në 17 gusht, dhe i duhet të paguajë 1 milion dollar nëse do të presë ditën e gjyqit në shtëpi.

Guvernatori i Kalifornisë Xherri Braun ka shpallur gjendjen e jashtëzakonshme në dy Konte, jo shumë larg Los Angeles për shkak të zjarrit që po rrezikon me mijëra ndërtesa.

Zjarri i shenjtë, ashtu si është pagëzuar në vend, ka pushtuar kontetë e Orinxh dhe Riversajd, dhe është vetëm një nga 16 zjarret që kanë shpërthyer në Kaliforni. Në gatishmëri janë vënë më shumë se një mijë zjarrfikës, dhjetë helikopterë dhe shtatë avionë.

Kjo është java e tretë e zjarreve dhe deri tani janë djegur në total 72 mijë hektarë tokë dhe 1600 struktura. Tymi i zjarreve po përhapet rreth 48oo kilometra larg deri në Nju Jork.

Mediat vendase raportojnë se dhe disa të burgosur janë vënë në ndihmë të banorëve për t’i evakuar sa më shpejt.

Rekordi më i ri i shënuar në shtetin amerikan është ai i temperaturës së lartë të oqeanit ku në datën 9 gusht është regjistruar një temperaturë prej 26.4 gradë Celsius në ujërat sipërfaqësore. /abcnews.al

zjarret.jpg
ad min10:19 | 30/07/2018

Konfirmimi i vdekjes së një gjysheje me dy stërnipërit e saj e çon në 5 numrin e viktimave nga zjarret masive të Kalifornisë.

70 vjeçarja Melody Bledsoe dhe dy stërnipërit e saj, James-i 5-vjeçar, dhe Emily 4 vjeçe, mbetën të bllokuar, kur flakët përfshinë shtëpinë e tyre në një zonë rurale në periferi të qytetit Redding.

Dy zjarrfikës patën humbur jetën më parë, duke u përleshur me flakët, në përpjekje për të shpëtuar nga zjarri banesa, pyje dhe parqe.

Presidenti Donald Trump ka deklaruar gjendjen e jashtëzakonshme për shtetin e Kalifornisë, ndërsa zjarret masive vazhdojnë të kërcënojnë mijëra banesa.

Me shpalljen e gjendjes së jashtëzakonshme, bëhet i mundur përdorimi i fondeve federale për të ndihmuar në luftën me zjarret dhe ndihma për banorët në procesin e rikuperimit.

Mijëra njerëz në Kaliforninë jugore janë detyruar të evakuohen nga shtëpitë e tyre, për shkak të zjarrit./Zëri i Amerikës


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono