gjata

byro-1280x707.jpg
in a23:29 | 15/01/2020

I ftuar në studion e “Byro Politike” me Juli Xhokaxhi, sekretari për çështjet ligjore në PD, Çlirim Gjata ka folur për marrëveshjen e reformës zgjedhore. Sipas tij opozita ka dalë e fituar nga kjo marrëveshje. Duke e vlerësuar si një marrëveshje spektakolare Gjata u shpreh se opozita rrëzoi Paralmentin, ndërsa tha i bindur se aksioni i opozitës do të vazhdojë me të gjitha format.

“Pika e Bundestagut ishte e nxehtë edhe në raport me opozitën. Donim që të vendosnim kriteret tona në ligjin e ri elektoral si opozitë e bashkuar. Kjo që ndodhi është fitore spektakolare e opozitës me këtë lloj mazhorance e cila shprehej se nuk pyeste për protestat e opozitës. Opozita rrëzoi parlamentin, do bëhet një Këshill politik jashtë këtij parlamenti. Marrëveshja do bëhet vetëm për reformën zgjedhore. Kjo është baza më e mirë për të shkuar në zgjedhjet e parakohëshme, nuk kemi hequr dorë nga kërkesat tona, ata që kanë dalë në përgjimet për vjedhjen e votave do hyjnë në burg. Nuk mund ti jepnin Ramës 3 deri në 6 muaj kohë dhe të mërreshim me Gjiknurin. Nuk do të biem më kurthin e Edi Ramës, por askush nuk e ka falur”, deklaroi Gjata.

Më tej ai theksoi se nuk ka ende një datë dhe orë fikse, por do të rifillojnë protestat.

Konomi: Kur u rikthyet në tryeze morët garanci se do të keni zgjedhje të parakohëshme?

Gjata: Ulja në atë takim është si plotësim i kushtit të Bundestagut, zgjedhjet e parakohëshme do të jetë si kërkese parlele. “Ne nuk bëmë marrëveshje që të bëjmë reformën dhe do të arrinim zgjedhje të parakohshme”, u shpreh Gjata.

Qeveri kujdestare 6 muaj para zgjedhjeve

Çlirim Gjata tha gjithashtu se PD do negociojë në tryezën e reformës zgjedhore krijimin e një qeverie kujdestare 6 muaj para zgjedhjeve.

kauza jonë ka qenë kauza e zjedhje të të lira e të ndershme të votojnë në mënyrë të lirë dhe të ndershme. Nga kjo nuk kemi lëviz. Po përdorim të gjitha format demokratike. Kemi garanci nga Bundestagu gjerman. Ajo luftë 9 mujore me protesta solli vemendje të madhe të kauzës sonë për zgjedhje të lira.

Konomi: Pasi të përfundoni këtë reformë me sukses a do të hyni në zgjedhje të parakohshme?

Gjata: Kërkesa jonë është për qeveri kujdestare. Nuk shkojmë me Ramën kryeministër në zgjedhje. E përsëris ne u ulëm në tryezë për të plotësuar kushtet e Bundestagut gjerman. Nuk e dimë ende nëse gjatë këtyre negociatave, Rama do i pranojë të gjitha kushtet tona.

/abcnews.al

balliu11.jpg
ent ela13:32 | 15/11/2019

Klevis Balliu dhe Çlirim Gjata dorëzuan kallëzim penal në Prokurorinë e Tiranës ndaj Niko Brahimajt, Ermal Kapllanit, Dallëndyshe Bicit dhe Granit Korbit, që sipas tyre ushtruan dhunë ndaj banorëve të Unazës së Re.

Në një deklaratë për mediat Balliu tha se ky është hapi i parë dhe premtimi i pD për banorët e Unazës dhe dhimbjes së nënave dhe fëmijëve. Ndërsa hapi i dytë sipas tij dëmshpërblimi cent për cent i këtyre banorëve, kur PD të jetë në qeveri.

“Është hapi i parë i një premtimi nga PD për banorët e Unazës dhe të gjithë ata që i kanë dhunuar e ushtruar dhunë me gaz lotsjellës, dhimbjen e atyre fëmijëve që u traumatizuan nga shkopat e gomës e gazi lotsjellës. Për të gjitha këto do vihen para përgjegjësië. PD do të mbrojë kauzën e drejtë e kushtetuese. Projekti është fiktiv, gjithçka kane hequr duhet dëmshpërmblyer edhe dhuna dhe drama që kanë kaluar fëmijët e nënat e atyre banorëve. Ky është hapi i parë. Hapi i dytë në qeveri do të jetë dëmshëprblimi cent për cent i këtyre pronarëve që po u vidhet shtëpia”.

Ndërsa sekretari për çështjet ligjore në PD Çlirim Gjata tha se janë shkelur të drejtat kushtetuese të qytetarëve të Unazës së Re, duke përdorur metoda të dhunshme.

“Janë shkelur të drejtat kushtetuese të qytetarëve të Unazës së Re. Policia ka përdorur metoda të dhunshme ndaj banorëve”.abcnews.al

LAJME-19_-GJATA.mpg_snapshot_15.42-1280x720.jpg
ent ela19:39 | 25/09/2019

“Duhet vullnet politik për të bërë reformën zgjedhore”. Është ky qëndrimi i lakuar shumë herë në studion e Mbrëmjë në ABC News i Sekretarit për Çështjet ligjore  të PD Çlirim Gjata, pas uljes së opozitës në tryezën e OSBE-së për reformën zgjedhore.

Opozita e bashkuar ka paraqitur 5 pika, ku ndër to veçon mbajtjen larg të personave të inkrimuar dhe përfaqësues seriozë ndërkombëtarë. Vetëm me realizmin e këtyre pikave opozita e bashkuar do të ulet në tryezë për reformën zgjedhore. Pa u realizuar 5 pikat e opozitës së bashkuar nuk ka reformë zgjedhore, thotë Gjata.

“Ne mbajmë qëndrimin zyrtar politik si opozitë e bashkuar. Janë paraqitur 5 pika, ka qëndrim të opzoitës të bashkuar për 5 pika të përcaktuara.

Një nga pikat është se nuk mundet të bëhet reformë zgjedhore me personalitete politikë që kanë konflikt interesi. Nuk është çështje emrash, por principi. Tryeza duhet të drejtohet nga ndërkombëtarët.

Opozita i përgjigjet pozitivisht ftesës, jo të inkriminuar, të ketë përfaqësues seriozë e më peshë ndërkombëtarë, duhet rregulluar faktori politik, duhet vullnet politik. Kuadri ligjor ekzistues plotëson kushtet por mungon vullneti politik. Nuk mund të bëhet reformë zgjedhore pa u zgjidhur 5 pikat e opozitës. Jemi të interesuar që të rivendoset sistemi, të zgjidhen gjërat instuitucionalisht”.

Gjata theksoi se po nuk u vendos para përgjegjësië personat e përfshirë në dosjet 184 dhe 339 nuk ka garanci për çlirimin e prokurorisë.

“Nuk kemi besim por nuk u vunë para përgjejgësië 184 -339. Po nuk u vu para përgjegjisë. Këto janë garancia që vendos drejtësi dhe çlirimin e prokurorisë nga kapja”.

I pyetur se me këto 5 pika duket sikur anashkalohet ndryshimi i sistemit Gjata shprehet: “Nuk mund të bëhet me Ramën  rëforma zgjedhore. Rama shkon në darkë takohet me kriminelët. Pa u zgjidhur kjo është e kotë që të rregullohet sistemi, kërkon ndërhyrje në kushtetutë. Në kushtetutë ndërhyeht për rregullimin sistemit politik, dhe në kuadër të tyre rregullohet dhe sistemi zgjedhor. Problemi është që duhet zgjidhur vullneti politik”. /abcnews.al

 

gjata-1280x716.jpg
ad min21:30 | 22/05/2019

Presidenti Meta ka dhënë sot mesazhe të forta, duke iu drejtoi kujtdo që reformën në drejtësi të votuar tre vjet më parë e quan  “sukses për tu marrë shembull.”

Këto deklarata të forta të bëra nga kreu i shtetit janë komentuar në emisionin “Byro Politike”. Juristi Çlirim Gjata u shpreh se Mata vuri gishtin në plagë dhe se po bën detyrën që i cakton Kushtetuta.

“Unë e kam thënë edhe në krye të herës se Meta po mban qëndrim presidencial. Po mban atë qëndrim që duhet të mbajë  një President me aq pak mundësi sa ka, me aq sa i jep hapësirë kjo Kushtetutë që kanë ardhur duke e zvogëluar dhe kushtëzuar. Dhe jo vetëm me Kushtetutë por kanë nxjerrë ligje që nëpërmjet grremçave ligjore i ekzekutojë ato kompetenca që ka. . Kur them që mbajti qëndrim presidencial, nuk është çështja e parë. Ai ka mbajtur qëndrim tek çështja e Teatrit. Janë 200 milionë euro në tavolinë dhe presin të ekzekutohen dhe pastrohen tek toka e Teatrit. Dy herë e ktheu ligjin e Teatrit. Ka mbajtur të njëjtin qëndrim tek dekretimi i ministrave, ku një ushtarak pa hequr gradat në kundërshtim e Kushtetutën zoti Rama e propozonte për ministër, ky nuk e pranoi. E dyta morën një djalë të vogël i cili sapo kishte marrë atë dekoratën miku i vogël i librit dhe e bënë ministër. Zoti Meta ka mbajtur qëndrimin e vërtetë presidencialit e quaj unë që duhet të mbajë një President.  Jo vetëm që vuri gushtin në plagë dhe nuk po përsëris se është e shkruar, Meta shtroi zgjidhje dhe i kërkoi Brukselit që të sjellë komision monitorimi”, tha Gjata./abcnews.al

clirim-gjata-1280x712.jpg
ad min16:50 | 02/04/2019

Sekretari për Çështjet Ligjore pranë Partisë Demokratike Çlirim Gjata, tha se një vit pas denoncimit të skandalit të përfshirjes së vëllait të Fatmir Xhafës, përgjimet e prokurorisë faktojnë se kryeministri ka përdorur aparatin shtetëror dhe të prokurorisë në mbulimin e së vërtetës.

Për Gjatën, dosja kundër denoncuesve, ish-deputetit demokrat Ervin Salianji dhe gazetarit Jetmir Olldashi, tregon se shteti është vënë në krah të trafikantëve të drogës.

Provat e publikuara nga Ervin Salianji, sipas Çlirim Gjatës tregojnë sesi është thurur një plan ku përmes përdorimit të Policisë dhe SHISH, një dëshmitar i sajuar dhe figura të njohura të Partisë Socialiste, përfshirë Taulant Ballën, kanë fabrikuar një histori të blerë me para të pista, për ta përdorur kundër opozitës. Të gjitha këto për demokratët kanë një burim dhe ai është kryeministri Edi Rama, pa largimin e të cilit sipas selisë blu, në Shqipëri nuk do të ketë paqe sociale./abcnews.al

gjata-1280x714.jpg
ent ela15:46 | 01/03/2019

Sekretari për Çështjet Ligjore pranë Partisë Demokratike përmes një deklarate për media ka theksuar denoncimin që forca politike ku bën pjesë ka bërë ndaj kryeprokurores së krimeve të rënda Donika Prela, kandidate për anëtare e njësisë special antikorrupsion, e njohur si SPAK.

Ktu fillon për demokratët problem kryesor i reformimit të sistemit të drejtësisë: besueshmëria tek institucionet e reja të pavarura. Asgjë e re deri këtu për demokratët. Por nuk mbaron me kaq./abcnews.al

IMG_5972-1280x853.jpg
ent ela14:16 | 25/01/2019

Sekretari për çështjet ligjore pranë selisë blu Çlirim Gjata, tregoi dokumenta për të vijuar denoncimin e shkeljeve, sipas tij, në procesin e vettingut ndaj shefes së Prokurorisë së Krimeve të Rënda Donika Prela. Sipas Gjatës, ka dyshime për pastrim parash.

Procesi i rivlerësimit kalimtar për shefen e prokurorisë së Krimeve të rënda Donika Prela, nxorri sërisht në deklaratë sekretarin për çështjet ligjore të Partisë Demokratike Çlirim Gjata, këtë herë me dokumenta të dosjes së Prelës të ndodhur në Komisionin e Pavarur të Kualifikimit. Dosje që për selinë blu, përmban informacione për shkelje ligji, por ngre edhe dyshime të arsyeshme për kryerjen e veprës penale të pastrimit të parave.

“Blerja e apartamentit në Durrës për 1 milionë lek të reja, shitet për 4 milion lek të reja. Apo blerje trojesh, apartamentesh, pronash, më lirë, apo shitje më shtrenjtë, apo shumë më shtrenjtë se ç’është çmimi i tregut.

A hetohet këtu për pastrim parash? Apo për fiktivitet, apo për kontrata fiktive? E ka detyrim organi i vettingut ta bëjë këtë”.

Ka edhe të tjera raste që duhen hetuar me seriozitet në dosjen “Prela” sipas Gjatës. I tillë është edhe rasti i nënvizuar nga vëzhguesi i Operacionit Ndërkombëtar të Monitorimit Theo Jackobs, i pagës “në të zezë” që Vangjel Prela, bashkëhsorti i kryeprokurores së Krimeve të Rënda, ka marrë për punën si inxhinier.

“Megjithëse për vite me rradhë ka përfituar të ardhura dhe s’ka paguar taksa, kujtohet tani, pikërisht, pasi është futur nën proces verifikimi zonja Prela, bashkëshorti i saj ka hapur një proces gjyqësor kundër kompanisë përkatëse, kundër kompanisë “Bruci”, tek e cila ka punuar, deri në mars 2018. Dhe këtë padi e ka hapur pas 7 vitesh”.

Gjata flet për padinë numër 2414 e ngritur në Gjykatën e Tiranës nga Vangjel Prela më 30 gusht të 2018-ës, për mos pagim të sigurimeve shëndetësore dhe shoqërore të paditësit për vitet 2006-2009 si dhe për periudhat 2010 – 2011.

Por:

“Kodi civil nuk ta jep këtë mundësi që të hapësh një padi të tillë për dëshpërblim, për pagesë taksash apo sigurimeve pas 7 viteve, pasi është e parashkruar.

Është neni 115 i Kodit Civil ai që parashikon dy vjet kohë për ngritjen e një padie për pagimin e shpërblimit sipas kontratës së sigurimit dhe risigurimit, si dhe të shumës përkatëse të rrjedhur nga sigurimi i detyrueshëm dhe tre vjet kohë për paditë për shpërblim të dëmit jo kontrator dhe ato për kthimin e përfitimit pasuror pa të drejtë”.

Njëkohësisht Kodi i Punës, afat parashikimi për të drejtat e punëmarrësit kundrejt punëdhënësit dhe anasjelltas, parashikon 3 vjet nga lindja e së drejtës, minimalisht gjashtë vjet më pak se ç’ju desh bashkëshortit të titullares së Prokurorisë së Krimeve të Rënda për të ngritur padinë civile ndaj kompanisë ku ka qënë i punësuar.

“Nuk e ditkërka zonja në fjalë si juriste, që bashkëshorti nuk mund të hapë një padi pas shtatë vitesh? Është bërë fiktive, pra vërtetë s’i kemi paguar, por e ka fajin kompania dhe unë po e padis në gjyq”.

E nuk mbaron me kaq dosja e zonjës Prela për demokratët.

“Prokurorja e Krimeve të Rënda ka marrë një apartament, është në marrëdhënie kontraktore me një kompani, administratori i së cilës është nën hetim nga Prokuroria që ajo drejton. Çmimi është shumë më i lirë se sa i tregut, është nga 300 deri në 500 euro më i lirë se çmimi i tregut për metër katror, dhe kjo del nga vetë thirrjet që kjo Kompani ka bërë për shitjen e apartamenteve të pallatit të ndërtuar nga kjo, ku të gjitha çmimet shkojnë minimumi nga 250 deri në 500 Euro më shtrenjtë për metër katror se ç’e ka blerë apartamentin zonja Prela”.

Ky është preferencim i cili duhet hetuar nga organet e vettingut sipas Gjatës, për të evituar atë që quan standart të dyfishtë që ky organ zbaton në gjykimet e tij.

/abcnews.al

1-1280x775.jpg
ent ela15:27 | 17/01/2019

Sfida e qytetarëve për t’u pajisur me karta identiteti vazhdon edhe pse është rritur numri i pikave të aplikimit. Qytetarët thonë se detyrohen të zënë rradhë që në orët e para të mëngjesit. Shqetësimin më të madh e kanë pensionistët. Shohim përse.

Zyrat e aplikimit në njësitë 1 dhe 2 në kryeqytet ishin jashtë funksionit deri këtë të enjte, çka menjëherë pas hapjes krijoi fluks të madh. Qytetarët shprehen se kanë ardhur që në orët e para të mëngjesit për të zënë radhën dhe thonë se vendi ku ata qëndrojnë në radhë është jashtë çdo standardi.

 “Po kjo është e hapur për herë të parë sot pa presionit që bëri media. Shiko sa të sëmurë dhe të moshuar ka këtu që presin në radhë. Shikoni çfarë kushtesh ka shikojeni godinën”, tha një qytetar.

Ndërsa një e moshuar u shpreh se: “Po pres inshalla tani mbaroj punë”.

Ata të cilët janë më të shumtë në radhë i përkasin moshës së tretë të cilët thonë se nëse nuk aplikojnë për mjetin e identifikimit mund të hasin probleme edhe me tërheqjen e pensionit apo shërbime të tjera.

“Po kështu na thanë. Karta ime skadon tani në Shkurt dhe u detyrova erdha të rrijë në rradhë”, tha një e moshuar.

E njëjta panoramë është edhe te njësia 5, ku qytetarët vijnë që herët në mëngjes për të zënë radhën për të bërë aplikuar për kartën e identitetit për shkak të fluksit të madh të qytetarëve që duan të aplikojnë për mjetet e identifikimit, pritet që qendrat e aplikimit të jenë të hapura edhe gjatë fundjavës./abcnews.al

gjata1.jpg
ad min19:36 | 16/01/2019

Në Kuvend u mbajt një seancë e jashtëzakonshte ku u miratuan dekretet e Presidentit Meta për shkarkimet dhe emrimët e ministrave të kabinetit qeveritar. Kuvendi miratoi dekretet e Presidentit me 76 votat pro të mazhorances ndërsa deputetët e opozitës bojkotuan këtë seancë. Opozita kërkoi që në nisje të seancës zhvillimin e një debati parlamentar për propozimet e kryeministrit Rama, po kjo kërkesë nuk u pranua nga mazhoranca.

Këtë situatë të krijuar në Kuvend në studion e “Mbremja ABC”, e ka komentuar juristi Çlirim Gjata.

“Është hera e parë pas 27 viteve që Ruçi mori pushtetin dhe i trajton deputetët si nxënës. Parlamentin nuk e trajton si organ politik por e shikon si një klasë.  Situata politike e Parlamentit tonë sot është se ky Parlament ka rënë dhe nuk ekziston më si Kuvend. Që nga arroganca e Ramës, që nga fjalori që përdor që edhe stadiumi do ia kishte zili, ky Parlament ka rënë.  Opozita nuk ka çfarë të bëjë. Ka rënë ligji ka rënë Parlamenti.  Si nuk jep dikush një arsye se pse u shkarkuan dhe pse po emërohen këta. Duke filluan nga Xhafaj dhe ministrat e tjerë, pse nuk japin një arsye. Rama nuk e di se ku është”.

Më tej juristi është shprehur se Rama nuk ka të drejtë të mbajë postin e ministrit të Jashtëm. Kryeministri ka propozuar emrin e tij për këtë post, pasi Meta nuk dekretoi emrin e Gent Cakajt.

“Kushtetuta nuk e thotë se Rama ka të drejtë të bëhet ministër.  Kryeministri po të dojë me ligj fut një nen aty dhe thotë se derisa të ngrihet Kushtetuta jam unë ministër.  Zgjedhja e ministirit ka procedurë kushtetuese. Vetëm ministi mund të emërohet sepse e përcakton Kushtetuta. Nuk e parashikon Kushtetuta kërkund këtë që po shpik Kryeministri. Nëse Rama nuk emërohet nga Presidenti ai mund të çojë një emër tjetër”./abcnews.al

gjata-1280x591.jpg
ad min20:26 | 14/01/2019

Kryeministri Rama ka propozuar emrin e tij për postin e Ministrit të Jashtëm. Kjo lëvizje vjen në një pikë kur Meta ka refuzuar dekretimin e Gant Cakajt në këtë detyrë. Nga ana tjetër, Presidenti ka refuzuar shkarkimin e Bushatit nga posti i ministrit të Jashtëm.

Në emisionin “Byro Politike”, juristi Çlirim Gjata ka komentuar situatrën e krijuar. Sipas tij, Kryeministit nuk po e trajton çështjen në baza ligjore.

Juristi Çlirim Gjata: Trajtimi i problemit nga pikëpamje ligjore është lënë në plan të dytë. Çështja është një luftë politike për Kryeministrin. Vetëpropozimi i Kryeministri Rama për postin e Ministrit të Jashtëm nuk është kushtetuese.  Presidneti tha që përderisa nuk e dekretova atë, atëherë nuk mund ta shkarkoj Bushatin.  Kjo që të ofrohet Kryeministri për këtë post, jo vetëm që është e paparashikuar por Rama duhet t’i dërgojë një emër sepse Bushati ende është në post.

Ndërsa Mentor Kikia, kryeredaktro i “Klan plus” u shpreh se Rama propozoi emrin e tij, pasi do të dalë triumfues përpara Metës.

Mentor Kikia: Unë shikoj një përpjekje të Kryeministri për të dalë triumfues nga kjo histori. Ramës i pëlqen shumë që të fitojë. Nëse do të dërgonte një emër tjetër do të përkthehej si një tërheqje e Ramës para Metës dhe ndaj propozoi emrin e tij. Ai thotë se jam unë këtu deri në krijimin e Gjykatës Kushtetuese. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono