gjakove

GJAKOVE-KRIME-LUFTE-ABC-M4-T1.mpg_snapshot_00.09-1280x720.jpg
ent ela14:35 | 28/10/2019

102 kallëzime penale të qytetarëve të Gjakovës janë dorëzuar sot në policinë e Kosovës dhe kanë të bëjnë me krime të kryera nga serbët gjatë luftës. Ato përfshijnë vrasje, keqtrajtime dhe shkatërrim të pronës.

Shoqata për krime lufte “Gjakova ’98-99“ dorëzoi në policinë e Kosovës grupin e trembëdhjetë të padive me 102 kallëzime penale të bëra nga qytetarët e Gjakovës ndaj serbëve të dyshuar për krime lufte, bënë të ditur mediat në Kosovë.

Shkëndije Hoda: “Ky është bashkëpunimi i parë me policinë, direkt po i sjellim këtu. Qëllimi i këtyre dëshmive është një ndihmesë që ne i ofrojmë më tepër dëshmi rreth një krimi, japim më tepër fakte. Policia ka vullnet dhe shpresojmë për rezultate pozitive. Veprimi i policisë në Komunën e Gjakovës është shumë i madh dhe merren çdo ditë në pyetje dëshmitarë. Ky proces ndoshta do të zgjasë me vite, por jemi të bindur që rezultatet do të jenë pozitive”.

Zonja Hoda tha se kallëzimet penale kanë të bëjnë me vrasje, keqtrajtime e deri të shkatërrimi i pasurisë në Komunën e Gjakovës. /ABC News Albania 24/7

masakra-ne-gjakove.jpg
ad min15:52 | 01/08/2019

Familjarët e viktimave të luftës në Gjakovë kanë ngritur paditë e para ndaj të dyshuarve serbë. Bëhet fjalë për 12 padi të ngritura nga qytetarët për vdekjen e të paktën 1 mijë civilëve.

Territori i Gjakovës ka pasur humbjet më të mëdha gjatë luftës së fundit në Kosovë. Gjatë kësaj periudhe në këtë qytet me rrethinë kanë mbetur të vrarë e të masakruar mbi 1000 civilë shqiptarë.

Zyra për mbledhjen dhe dokumentimin e krimeve të luftës në Komunën e Gjakovës, ka dorëzuar sot kontingjentin e 12 padive të bëra nga qytetarët e kësaj komune. Paditë janë dorëzuar ndaj serbëve të dyshuarve për krime lufte.

Sipas Shkëndije Hodës, përfaqësuese e familjarëve, padive i janë bashkangjitur edhe dëshmi dhe dokumente të gjetura të policisë, ushtrisë dhe paramilitarëve serbë, të cilët kanë operuar në këtë komunë.

Shkëndije Hoda, përfaqësuese e familjarëve: Sot sollëm edhe kontingjentin e 12 të kallëzimeve penale të cilat janë bërë nga vetë dëshmitarët që kanë qenë prezentë qoftë në vrasje, qoftë përdhunime ose krime të tjera të kryera nga forcat serbe.

Ndërsa shfaqin shpresën se këto lëndë do të shqyrtohen me seriozitet.

Shkëndije Hoda, përfaqësuese e familjarëve: Këto kallëzime penale nuk janë përralla, janë ngjarje të kryera nga kriminelë serbë. Ne e dimë si shkojnë këto procedura gjyqësore, këto punë nuk shkojnë me shkop magjik, mirëpo duke pasur edhe ndihmën e Policisë, ne shpresojmë dhe jemi të bindur që edhe PSRK është e gatshme të kontribuojë në këto çështje.

Sipas të dhënave të Fondit për të Drejtën Humanitare, gjatë luftës së fundit në Kosovë janë vrarë ose janë zhdukur gjithsej 13.535 njerëz./ABC News Albania 24/7

GJAKOVA-1280x720.jpg
ent ela14:14 | 06/01/2019

Pelegrinët serbë nuk e kanë vizituar të dielën qytetin e Gjakovës për pelegrinazhin vjetor. Ndaj tyre u organizua edhe një protestë nga banorët vendas, të cilët deklaruan se nën petkun e pelegrinëve në Gjakovë vijnë kriminelët. Ndërkohë, shefi i policisë lokale, kolonel Ahmet Hasi deklaroi se besimtarët serbë nuk kishin dhënë informacion zyrtar nëse do të vizitonin apo jo qytetin. Megjithatë, policia kishte marrë të gjitha masat për një ambjent të qetë – tha ai. Më herët, zëdhënësi i Ministrisë së Jashtme të Kosovës, Jetlir Zyberaj njoftoi anulimin e një vizite të tillë për faktin se pelegrinët serbë nuk kishin kërkuar leje tek autoritetet kosovare. “Nuk do të ketë asnjë pelegrinazh në asnjë qytet të Kosovës, pasi në institucionet tona nuk ka patur kërkesë për një organizim të tillë”, deklaroi Zyberaj teksa paralelisht mbahej protesta. /abcnews.al

gjakova-933x445.jpg
ent ela10:37 | 10/08/2018

Shoqëria Civile e Gjakovës në përkrahje nga Rrjeti i Grave të Kosovës organizojnë marshim në Gjakovë për të kundërshtuar vrasjen e 40-vjeçares dhe vajzës së saj në Gjakovë  dhe për të kërkuar përgjegjësi nga institucionet e Kosovës për këtë dhe shumë raste të tjera të dhunës në Kosovë.

“Individë e aktivistë nga shoqëria civile, të bashkuar kërkojnë t’i japet fund dhunës dhe t’u thonë të gjitha institucioneve në Kosovë dhe shoqërisë kosovare kundërshtimin me një fjali të vetme: Mjaft më me arsyetime!

“Kjo protestë është organizuar si reagim kundër vrasjes së dyfishtë si pasojë e dhunës në familje, në Komunën e Gjakovës. Dhuna në familje është krim, dhe si e tillë duhet trajtuar. Dështimi në ofrim të mbrojtjes për gratë dhe vajzat që raportojnë dhunën na çon deri tek vrasja e tyre nga ushtruesit e dhunës”, thuhet në njoftimin e organizatorëve. /Klan Kosova

 

 

vlcsnap-error512-1280x720.jpg
ent ela16:49 | 16/02/2018

Kosova po shënon 10-vjetorin e pavarësisë. Është përballur me probleme politike dhe një valë refugjatësh për në vendet e Perëndimit. Megjithatë, një shqiptar nga Zvicra është kthyer për të investuar në Kosovë. Bonevet ka tani dy qendra dhe mëson fëmijët se si të ndërtojnë gjëra nga teknologjia e deri tek prodhimi printerëve 3D.

Kjo është fabrika e talenteve.

Buna Përteshoni, është 16 vjeç nga Gjakova. Ende nuk ka patentë shoferi, por ka punuar në ndërtimin e makinës së parë elektrike në Kosovë. Ka vendosur të tregoj se di. Kompania ka rregull 50 për qind femra ose asnjë.

Buna Përteshoni, nxënëse: “Viteve të fundit ka filluar të ndryshojë kjo lloj prespektive dhe pikëpamje për femrat. Më vjen mire, që njerëzit kanë filluar të senzibilizohen në njëfarë mënyre për të mos gjykuar dhe diskriminuar të drejtat e femrave”.

E gjithë ideja erdhi nga pensionisti nga Zvicra, Vllaznim Xhiha, origjina e të cilit është nga ky qytet. Xhiha ka shitur kompaninë e tij me qindra punëtorë në Zvicër dhe i është kthyer Kosovës. Në një shtet të ri, gjithçka nis nga talente.

Lufta rrënoi këtë qytet…tani çarshia e vjetër është rinovuar. Njerëzit si Xhiha kanë shpresë pasi secili fëmijë ka një talent.

Vllaznim Xhiha: “Unë një parim e kam që çdo njeri duhet me e dasht vendin e tij, mirëpo duhet me kontribu edhe në vendin e vet”.

Thuhej se mijëra shtëpi ishin në shitje në Gjakovë. Jeta aty tani duket ndryshe.

Made in Kosova. Gjashtë të rinj kanë ndërtuar gjithçka në pjesën e brendshme të kësaj makine.

Buna Përteshoni, nxënëse: “Njerëzit shkojnë edhe ikin prej Kosovës çdo ditë. Disa ikin me idenë për të mos u kthyer më, por unë besoj që Kosovës i duhemi më shumë, seç i duhemi Gjermanisë apo Zvicrës”./abcnews.al

Idro Seferi, gazetar i ABC News


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono