gezim kokoshi

kanabis123.jpg
G. P.11:44 | 14/08/2019

Një i ri shqiptar është dënuar me dy vjet e dy muaj burg pasi merrej me kultivimin e kanabisit. Siç shkruajnë mediat, Gëzim Kokoshi, 24 vjeç, jetonte ilegalisht në Britani. Për këtë arsye ai u mundua të gënjejë autoritetet, kur gjatë një kontrolli u dha një kartë identiteti false me foton e tij, por me disa ndryshime të bëra me laps.

Për më tepër, Kokoshi nuk ishte në gjendje të tregonte të njëjtën datë lindjeje me atë të printuar në kartën e identitetit. I riu u ndalua më 9 Korrik. Shkak u bë mënyra se si po ecte një “Fordi” i zi në rrugën “Stourbridge”.

Autoritetet janë shprehur se brenda mjetit kishte një erë të tmerrshme kanabisi dhe se Gëzim Kokoshi ishte pasagjer. Gjatë kontrollit u zbuluan 2000 Paund dhe dokumentet e udhëtimit false.

Kokoshi u vu në pranga, ndërsa një kontroll tjetër u ushtrua në banesën e shqiptarit. Prokurorja e çështjes, Suzanne Francis tha se sapo agjentët hynë në shtëpi kuptuan se aty rritej kanabis. Ata gjetën mbi 80 bimë që po kultivoheshin në tre katet e ndërtesës. Gjithashtu 150 fidanë të tjera u gjetën brenda banesës.

Ndërkohë avokati mbrojtës i Kokoshit, Brendan Reedy, tha se i riu shqiptar vjen nga një familje e respektueshme dhe se nuk ka dalë asnjëherë para gjykatës më parë. Sipas tij, Kokoshi u shkollua në vendlindje, por nuk mundi të gjejë punë, kështu që erdhi në Angli në mënyrë të paligjshme. Për shkak se nuk kishte dokumente u detyra që në Shkurt të këtij viti të punonte për 200 deri në 300 Paund për ruajtjen e kanabisi.

“Nuk ishte personi që e ngriti, apo që do të përfitojë vlerën reale të asaj që po rritej aty. Ishte thjesht kopshtar”, tha Reedy.

Megjithatë asnjë nga këto argumente nuk e ndali gjykatësin e çështjes që ta dënonte Kokoshin me 26 muaj burg dhe pas përfundimit të dënimit, i riu do të deportohet nga Britania./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono