gerti carcani

carcani.jpg
Vladimir Prenga10:58 | 16/12/2019

Gerti Çarçani, gazetari i ABC News, i cili moderon emisionin “Pressing”, ka qenë i ftuar në emisionin “ABC-ja e mëngjesit”, drejtuar nga Enkel Demi. Shkarkimet e tre trajnerëve, Lerda nga Partizani, Shkëmbi nga Teuta dhe Marantas nga Luftëtari, kanë qenë temë diskutimi. Gjithashtu është folur për ata që do drejtojnë Partizanin dhe Tiranën në vazhdim. Emra konkretë dhe tematika të ndryshme.

Çarçani fillimisht tha: “Genc Tomori dhe Renaldo Kalari drejtojnë, kanë mbetur edhe dy ndeshje. Kalari është asistenti, kurse Genci e komandon në situata të tilla. Partizani dhe Tirana nuk do të nxitojnë, me përjashtim të Teutës që zgjodhi një shkodran, si Edi Martini”.

Më tej ai shton: “Vjen një moment që objektivat ndryshojnë rrugës. Teuta është nga ato skuadra që kënaqej me Europën. Kampionati është i tillë, që skuadrat janë shumë të ngjeshura. Pjesa e Europës tremb më shumë, pa llogaritur titullin që ka një koeficient më të lartë vështirësie. Shkëmbi ishte një trajner që ndoshta nuk bëri atë kiminë me klubin, por në fund të fundit, për ndeshjen me Kukësin, mbase është dëmtuar pak nga gjykimi.

Nga katër gola, tre prej tyre ishin me penallti. Klubi konteston, një pjesë të të tyre. Kam përshtypjen se ka qenë vendim i akumuluar. Po kështu edhe vendimi i Partizanit, që ju e etiketuat që ra dëshmor. Si metaforë po e them edhe unë”, tha Çarçani. Më tej ai foli për situatën te Partizani dhe për trajnerin e larguar, Franco Lerda.

“Lerda i kishte situatat jashtë kontrollit. Ka pasur probleme komunikimi me një pjesë lojtarësh shumë të rëndësishëm. Asanin e mbajti në stol, po kështu edhe Çinarin në derbi. Telushi nuk luante. Klubi shfrytëzoi një vendimmarrje të tij, që i shkaktoi edhe humbjen në derbi. Asani është një lojtar që nuk ke luksin ta mbash në stol. Madje ai në janar ikën te AIK Stokholm. Klubi e ka mbyllur marrëveshjen për largimin e Asanit në Suedi”.

Halili në emisionin Zona Gol

SITUATA TE TIRANA – “Halili i etiketoi gjeneralë trajnerët dhe ushtarë lojtarët. Çoi haberin pa dhënë emrat, pasi nuk mund të prishë klimën në grup. Në krahun tjetër la të kuptojë që trajnerët që drejtojnë Tiranën duhet të kenë ‘këllqe’ dhe guxim të bllokojnë presionet, që sipas tij vijnë nga jashtë. Ai e tha që faktorët janë të jashtë dhe që nuk i bën ai dhe nga klubi. Ardin, pas largimit, e tentuan ta rikthejnë. Ai nuk pranoi. Halili e tha diçka të tillë. Paguhet për kontratat e tjerë e tjerë, arsye administrative”.

PANKINAT BOSH – “Daja dhe Shehi janë emra që fabrikohen mediatikisht. Orgesi ka thënë që gjithçka mund të ndodhë dhe i përgjigjet pozitivisht çdo ftese. Ka një dilemë nëse është gati për të marrë një klub të madh, jo vetëm për Orgesin, por edhe për Ahmatajn. Orgesi është djalë model, por presioni është shumë i madh.

Partizani dhe Tirana kërkojnë përvojë të madhe, të tilla janë klube. Te Skënderbeu është i qetë, jashtë presionit. Megjithatë i jepet një mundësi nëse Partizani ia ofron stolin. Kam një ide që Tirana ka kontaktuar Dajën. Zërat se ka një marrëveshje, por nuk donin ta prezantonin para derbit. E ngacmova dje Dajën dhe më tha se e kam bërë një prezantim në gusht, i referohej prezantimit të Skënderbeut”.

EMISIONI “PRESSING” SONTE – “Përveç të zakonshmeve, do të jetë edhe Agustin Kola. Tirana fitoi derbin, jo Ligën e Kampioneve. Problemet prezente janë. Mund të mundin Flamurtarin, pastaj shkojnë në Laç. Kaloi thjesht makthin e derbit. Do tentojmë të marrim edhe nga Partizani në studio, por është e vështirë. Atje ka çështje, prej trajnerit. Do merremi me këtë ‘tërmetin’ e trajnerëve, ka edhe moviolë sikurse te Teuta-Kukësi. Kam përshtypjen se Partizani e kishte larguar më parë trajnerin, sido të dilte rezultati në derbi”, përfundoi Çarçani. /abcnews.al

arçani.png
Igli Nikolli08:30 | 18/11/2019

“Pressing” zhvillohet çdo të hënë dhe të premte (ora 22:00) në Abc News. Moderatori i këtij emisioni është gazetari sportiv, Gerti Çarçani, i cili nga mbrëmja e sotme do të ketë përkrah edhe Einxhel Shkirën.

Në një bashkëbisedim me Enkel Demin në “Abc-ja e mëngjesit”, Çarçani flet rreth projektit të ri dhe të ftuarit special të mbrëmjes së sotme. Në studiot e “Pressing” do të jetë i pranishëm Armand Duka, presidenti i FSHF-së.

Falë mbështetjes së madhe të drejtuesve të TV, sot ‘Pressing’ fillon ndryshe, me shtëpi të re, moderatore në krah dhe me një pjesë të publikut. Ky program do të vijë ndryshe dhe nuk do i referohet vetëm futbollit shqiptar. Moderatorja do të jetë Einxhel Shkira. Është një vajzë afër sportit dhe ekipit kombëtar. Është shumë energjike, më ka surprizuar edhe si e ftuar me informacionin që zotëron. Besoj se është zgjedhje interesante dhe e bukur. Do krijohet puzzle i plotë për të krijuar një produkt interesant. Sonte do të jetë i ftuar Armand Duka, presidenti i FSHF-së.

Emisioni zhvillohet në orën 22:00, çdo të hënë dhe të enjte. Edi Reja? Mendoj që do të vazhdojë sërish në stolin e kombëtares. Dilema ka qenë çështja e moshës. Një nga argumentet, por është alibi. Të ishte përpara disa vitesh, nuk i zbriste rroga poshtë 1 milionë eurove. Është në fundin e karrierës, ka krijuar një klimë që mungonte në kombëtare. E tha edhe vetë që do të kisha dëshirë të vinte më parë te Shqipëria. Mendoj se do të rrijë, por vendos Duka. Ka një klimë të mirë, lojtarët e duan trajnerin. Kjo është e rëndësishme.

Është atmosferë shumë interesante. Lojtarët ishin disi të terrorizuar në kohën e Panuccit. Ishin të nervozuar dhe e përçonin edhe në fushë. Në fund të muajit hidhet shorti i eliminatoreve të Botërorit në Bukuresht. Shanset për kualifikim janë më të cunguara. Mundësitë janë më pak. Shorti bën të veten, por Reja ka kohën e mjaftueshme për të parë lojtarë, mund të riparojë ca gjëra të vogla” , përfundon Gerti Çarçani. /abcnews.al

einxhel.jpg
Autor E17:07 | 12/11/2019

Emisioni sportiv “Pressing” vjen me një studio dhe koncept krejtësisht të ri.

Ndërkohë që po punohet intensivisht me studion e re për ta bërë gati të hënën, është bërë e njohur për publikun edhe shoqëruesja e Gerti Çarçanit në këtë emision, e cila është Einxhel Shkira.

Modelja dhe prezantuesja i bashkohet kështu stafit të “Abc News” duke u bërë imazhi i emisionit më të dashur sportiv në vend.

Einxheli ishte një surprizë që nuk na u prit t’jua tregojmë, ndërkohë që të hënën do të zbulohet gjithçka e re në “Pressing”. /abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono