Gent Sejko

SEJKO-ME-FMN-MBULIM.mpg_snapshot_00.18-1280x720.jpg
in a15:09 | 13/11/2019

Ndonëse me një ritëm më të ngadaltë rritja ekonomike në vend ka vijuar trendin rritës. Guvernatori i Bankës së Shqipërisë Gent Sejko e bëri këtë konstatim në një takim me misionin e Fondit Monetar Ndërkombëtar. Kreu i Bankës Qendrore gjatë njoftimit për shtyp ndau me misionin e FMN mendimin se ritmi i rritjes ekonomike do të vijë në përmirësim gjatë dy viteve të ardhshme, ndërsa inflacioni do të kthehet në objektiv.

Ndërkohë Guvernatori vuri në dukje se ambienti i brendshëm financiar shfaqet stimulues dhe kursi i këmbimit shfaqet relativisht i stabilizuar.

Sa i përket sektorit bankar Sejko theksoi se ai paraqitet i qëndrueshëm ndërsa kredia për sektorin privat shënoi një rritje mesatare prej 7.5% në tremujorin e tretë 2019.

Pas takimit me kreun e Bankës Qendrore misioni i FMN-së do të zhvillojë takime me drejtues të lartë pranë Bankës së Shqipërisë dhe Ministrisë së Financave dhe Ekonomisë./abcnews.al

gent-sejko-ilir-meta-1280x707.jpg
nev ila14:32 | 11/10/2019

Kreditë me probleme kanë shënuar rënie në nivelin më të ulët historik prej 11%. Të dhënat i bëri publike guvernatori i Bankës së Shqipërisë, Gent Sejko në konferencën mbi të ardhmen e Bankave. I pranishëm në këtë takim, Presidenti Meta shprehu shqetësim  për stopimin e dhënies së kredive nga bankat.

Lajm  i mirë vjen nga sektori i kredive të këqia.

“Kreditë me probleme sot kanë shënuar rënie në nivelin më të ulët historik prej 11%, kundrejt nivelit 25% që shënonte në vitin 2014”, deklaroi Gent Sejko.

Shpresëplotë është guvernatori i Bankës së Shqipërisë për rritjen e ekonomisë shqiptare por edhe I vetëdijshëm se ka edhe sfida që nuk mund të realizohen nëse vendi mbetet në këto nivele të kulturës financiare.

“Shqipëria duhet t’i kushtojë vëmendje zhvillimit të segmenteve të tjera të tregut financiar, si tregu i kapitalit apo fondet e pensionit dhe të investimit. Rëndësi primare në këtë kontekst ka harmonizimi i kujdesshëm i kuadrit ligjor e rregullator, për të shmangur lindjen e vatrave të rrezikut sistemik apo mundësitë e arbitrazhit rregullator”, tha Sejko.

Ndaj mangësive ligjore është i shqetësuar edhe presidenti i republikës, pasojat e të cilave janë ndjerë në dhënin e kredive u shpreh ai në Konferencën “Një botë e re e guximshme – E ardhmja e bankave në Evropë”

“Mbetet shqetësim që bankat në Shqipëri, nuk kanë shumë efekt. Gjatë 10 viteve të fundit, Shqipëria ka nivelin më të vogël të kredive. Një nga arsyet që bankat kanë stopuar në dhënien e kredive, është sundimi i ligjit”, tha Meta. 

Edhe pse një ish ministër i financave dhe ekonomisë, Arben Ahmetaj është i paqartë për shkakun e  problemeve që nënvizuan guvernatori dhe presidenti.

Kryetari i Komisionit të Ekonomisë dhe Financave, Arben Ahmetaj risolli në vëmendje se qeveria ka patur presion për të rritur borxhin, por në të vërtetë ai kërkoi që ulja e borxhit duhet të kthehet në domosdoshmëri dhe objektiv patriotik./ABC News Albania 24/7

 

 

gent-sejkoo.jpg
ad min19:46 | 02/10/2019

Pas letrës së kreut të PD, Lulzim Basha, drejtuar bankave të nivelit të dytë për projektet e Partneritetit Publik-Privat, Guvernatori i Bankës së Shqipërisë, Gent Sejko, deklaron se financimi i të tilla projekteve bëhet sipas kritereve specifike dhe nuk përbëjnë asnjë rrezik.

Guvernatori i Bankës së Shqipërisë, Gent Sejko i është përgjigjur publikisht letrës së kryedemokratit Lulzim Basha drejtuar bankave të nivelit të dytë për mos financimin e projekteve të partneritetit publik privat. Guvernatori Sejko tha se për këto projekte ka kritere specifike të vendosura nga bankat dhe nuk përbëjnë rrezik për ekonominë.

Edhe për shqetësimin e dytë të kreut të PD, lidhur me parandalimin e pastrimit te parave, guvernatori Sejko tha se Banka e Shqipërisë dhe bankat e nivelit të dyte kane rregullore dhe sisteme kontrolli për menaxhimin e këtij risku dhe nuk ka asnjë indicie për të tilla veprimtari në këto institucione financiare.

Në konferencën për vendimmarrjen e politikës monetare, kreu i Bankës së Shqipërisë tha se luhatjet e kursit të këmbimit nuk kanë pasur efekt negativ ne ekonomi dhe pas sezonit veror kursi po shkon drejt normalizimit.

Por i kundërt ka qenë efekti në ekonomi nga mbyllja e lojërave të fatit. Në tremujorin e dytë të vitit sipas të dhënave nga Banka e Shqipërisë ekonomia është rritur me 2.3%. sektorët që kanë ndikuar më shumë në këtë rritje janë bujqësia, energjia dhe ndërtimi./ABC News Albania 24/7

gent-sejko.jpg
nev ila22:10 | 01/10/2019

Kostoja e përdorimit të parave Cash në ekonominë shqiptare sipas llogaritjeve të Bankës së Shqipërisë dhe Bankës Botërore arrin më shumë se 1% të prodhimit të brendshëm kombëtar, duke i korresponduar një vlere prej 175 milion dollarësh.

Guvernatori i bankës qendrore Gent Sejko tha se për të rritur përdorimin e shërbimeve bankare, së shpejti do të miratohet ligji për shërbimet e pagesave, i cili do të zhdukë barrierat dhe do të ulë ndjeshëm  kostot e transaksioneve me vlerë të vogël.

 “Në terma konkretë, ky projektligj vlerësohet të nxisë ndjeshëm konkurrencën në treg, duke dhënë një kontribut thelbësor për krijimin e shërbimeve financiare me kosto të ulëta dhe lehtësisht të aksesueshme nga publiku i gjerë”, tha Sejko.

Ministrja e Financave Anila Denaj tha se përdorimi i parasë cash në ekonomi krijon vështirësi edhe në punën e administratës tatimore dhe luftën kundër informalitetit.

Përveç nismës së fiskalimizimit, qeveria do të zhvillojë një projekt i cili do të sigurojë informacion nga transaksionet e biznesit në kohë reale, pa qenë nevoja që të jetë prania fizike e inspektorit te ndërmarrja private.

 “Aktualisht nëpërmjet këtij formati ne synojmë që transaksionet që vijnë në kohë reale të kenë mundësinë të përpunohen në mënyrë më inteligjente dhe procesi të shoqërohet me një trajnim të vazhdueshëm për 1 vit e gjysëm të të gjithë inspektorëve të rinj në formë që ata të bëjnë të mundur zbulimin e evazionit pa qenë nevoja për të vizituar biznesin”, tha Denaj.

Mbledhja e Komitetit të Sistemit të Pagesave diskutoi edhe nismën e qeverisë të njohur si fiskalizimi, e cila krijon faturën elektronike dhe mundëson raportimin e biznesit në kohë reale, por edhe vendos limite të parave cash që mban një biznes./ABC News Albania 24/7

gent-sejkoo.jpg
ad min18:16 | 16/09/2019

Për herë të parë në dy dekada, Banka e Shqipërisë ka vendosur të ndryshojë serinë e kartëmonedhave që qarkullojnë në treg, duke hedhur gradualisht në qarkullim 6 prerjet e reja. Të gjitha llojet e kartëmonedhave tashmë do të kenë një madhësi më të vogël, ndërsa tematika e tyre nuk ka ndryshuar.

Guvernatori i Bankës së Shqipërisë Gent Sejko, tregon se nevoja për të emetuar prerje të reja lidhet me forcimin e elementëve të sigurisë në kartëmonedhat tona, të cilat nuk kishin ndryshuar prej vitesh.

Duke nisur nga 30 Shtatori, në treg do të hyjnë në qarkullim 2 kartëmonedhat e para, dyqind dhe pesë mijë Lekë. Banka e Shqipërisë ka vendosur që vetëm prerja dyqind Lekë të ketë përbërje polimeri, i cili është një material më i fortë por dhe më i kushtueshëm.

Prerja dhjetë mijë Lekë ende nuk ka përfunduar dizajnin e plotë, por tematika i dedikohet himnit kombëtar dhe në portret do të jetë autori i tij, Asdreni.

Në total janë 6 kartëmonedha që do të ndryshojnë, ndërsa ato ekzistueset nuk do të dalin automatikisht nga qarkullimi, por banka qëndrore nuk do të hedhë më prerje të reja të tyre duke bërë që ato të mos jenë më në qarkullim pas disa vjetësh./ABC News Albania 24/7

lekuuuuuu.jpg
ad min12:13 | 13/09/2019

Banka e Shqipërisë ka prezantuar serinë e re të kartëmonedhave, disa prej të cilave do të hyjnë në qarkullim që në fund të këtij muaji. Sipas Bankës, veç dizejnos së ndryshme, këto kartëmonedha kanë më shumë elemente sigurie dhe janë me rezistente ndaj përdorimit.

Kjo do të jetë pamja e re e kartëmonedhave shqiptare. Banka Qendrore ka vendosur të nxjerrë në qarkullim serinë e re të Lekut. Ajo do të përmbajë gjashtë prerje 200, 500, 1000, 2000, 5000 dhe prerjen e re 10000 lekë.

Guvernatori i Bankës së Shqipërisë Gent Sejko gjatë ceremonisë së prezantimit tregoi se 200 dhe 5000 lekëshi do të hidhen në treg në fund të muajit.

Me gjithë hyrjen në përdorim të serisë së re të kartëmonedhave, ato ekzistuese do të vazhdojnë të përdoren nga qytetarët, deri sa Banka e Shqipërisë t’i nxjerrë gradualisht nga qarkullimi.

Dizejnot e kartëmonedhave rifreskohen pas më shumë se 20 vitesh. Sipas Guvernatorit të Bankës Qendrore kartëmonedhat e reja do të jenë më te sigurta dhe me rezistente./ABC News Albania 24/7

sejko.jpg
ad min16:32 | 14/06/2019

“Stabiliteti financiar dhe monetar në rajon në një mjedis me rritje të ngadalësuar në eurozonë”, ishte tema e Samitit Vjetor të Vendeve të Rajonit i cili u zhvillua në Mal të Zi.

Pjesëmarrës në këtë samit ishin guvernatorë e përfaqësues të lartë të bankave qendrore nga Shqipëria, Bosnje-Hercegovina, Mali i Zi, Maqedonia e Veriut, Kroacia dhe Kosova.

Guvernatori Gent Sejko vlerësoi rëndësinë e organizimit të aktiviteteve të tilla, si një mundësi e mirë për të shkëmbyer eksperienca mes homologësh mbi çështje të bankingut qendror. Sejko o theksoi rëndësinë e harmonizimit të politikës fiskale me atë monetare, si parakusht për stabilitetin ekonomik dhe financiar të vendit./ABC News Albania 24/7

banka-e-shqiperise.jpg
ad min17:21 | 23/04/2019

Guvernatori i Bankës së Shqipërisë Gent Sejko kërkoi që institucionet përgjegjëse të bashkëpunojnë me njëra-tjetrën për të parandaluar përsëritjen e ngjarjeve si ajo e grabitjes në pistën e aeroportit të Rinasit. Gent Sejko tha se banka qendrore është shqetësuar pas kësaj ndodhie dhe shtoi se përsëritja e saj do të sillte kosto shtesë për bankat dhe ekonominë vendase.

Banka e Shqipërisë thotë se bankat kanë zbatuar rregulloren e sigurisë gjatë kohës së transportit të parave që u grabitën dy javë më parë në Aeroportin e Tiranës. I pyetur për ndikimin që ka patur grabitja në sistemin bankar, guvernatori Gent Sejko tha se bankat janë të mirëkapitalizuara, por nëse ngjarjet përsëriten, krijojnë kosto për sektorin bankar dhe ekonominë vendase. Ai kërkoi që institucionet të marrin masa për të parandaluar ngjarje të tjera.

“Ajo që na shqetëson më shumë ne si bankë qendrore është përsëritja e këtyre ngjarjeve ndikimi negativ në imazh ndikim negativ psikologjik dhe sigurisht në qoftë se ngjarje të tilla do të përsëriteshin shumë shpesh dhe ndikimi financiar do të bëhej shumë problematik dhe do të kishte një kosto jo vetëm për sistemin bankar, por për të gjithë ekonominë shqiptare”, tha Sejko.

Guvernatori ishte në Komisionin e Ekonomisë ku tha se banka qendrore ka nisur projektin për të bërë kleringun e vlerave monetare në euro për transfertat mes bankave brenda Shqipërisë, kjo do të ulë koston e shërbimeve bankare dhe po ashtu sasinë e parave që dërgohen jashtë.

“Ne si Bankë Shqipërie kemi marrë vendim që brenda këtij viti të implementojmë sistemin e kleringut, e qarkullimit të parave në euro në Bankën e Shqipërisë”, tha Sejko.

Në raportin vjetor Banka e Shqipërisë vlerësoi se sektori bankar gjatë kësaj periudhe kanë qenë likuid dhe kreditimi ka patur një rritje të lehtë, ndonëse jo në krahun e biznesit. Banka qendrore që pret që në 3 vitet e ardhshme ekonomia të ngadalësojë ritmin e rritjes nga 4 në 3.8%, për shkak të situatës globale, rënies së prodhimit të energjisë dhe vazhdimit të krizës politike./abcnews.al

fmn.jpg
ad min11:52 | 15/04/2019

“Banka e Shqipërisë duhet të vazhdojë masat për të reduktuar kreditë me probleme, nxitjen e kreditimit dhe stimulimin e përdorimit të monedhës kombëtare”.

Janë këto kërkesat e Fondit Monetar Ndërkombëtar dhe Bankës Botërore që iu adresuan Guvernatorit Gent Sejko në mbledhjet që u zhvilluan në Uashington.

“Shqipëria duhet të vazhdojë reformat strukturore dhe të përmirësojë klimën e biznesit”, nënvizuan përfaqësuesit e institucioneve më të larta financiare, sipas të cilëve është shumë i rëndësishëm edhe bashkërendimi në vazhdimësi i politikës monetare me atë fiskale.

Në këtë mënyrë ndihmohet forcimi i stabilitetit makroekonomik të vendit dhe sigurohet rritje ekonomike afatgjatë./abcnews.al

banka-e-shqiperise.jpg
ad min21:30 | 30/03/2019

Edukimi financiar i brezit të ri ishte në qendër të vëmendjes së Bankës së Shqipërisë këtë javë.  Ashtu si dhe në të gjithë botën dhe në vendin tonë u organizuan një sërë aktivitetesh ndërgjegjësuese për të rinjtë.

Në të gjithë globin, kjo javë i është dedikuar edukimit financiar të fëmijëve me qëllim që brezi i ri në të ardhmen të mund të marrë vendime të mirë menduara. Slogani botëror i përzgjedhur nga organizatat ndërkombëtare është “Mëso, kurse, fito”, ndërsa në Shqipëri Banka Qendrore mendoi ta zgjeronte tematikën.

“Ne si pjesëmarrës aktiv në veprimtaritë e kësaj jave kemi zgjedhur të fokusohemi tek edukimi i të rinjve për të mënjanuar përdorimin e gabuar të termave “lek i ri” dhe “lek i vjetër” në marrëdhëniet tona të përditshme financiare. Motoja jonë për këtë vit është “Tepër i ri për të folur me Lekë të vjetër!”

Përmes orëve të hapura mësimore, vizitave në Muzeun e Bankës së Shqipërisë e konkurseve, nxënësit e të gjitha grupmoshave përgjatë gjithë javës së parasë morën leksione si të kujdesen për paratë, si të kursejnë, si të fitojnë të ardhura e të vendosin bazat për të ardhmen e tyre. Evente që ndodhin në të gjitha shtetet e Europës po i ndjek dhe Banka e Shqipërisë. I tillë ishte dhe kuic me 200 nxënës nga të gjitha shkollat e Shqipërisë.

Ata u ndanë në 149 skuadra me nga dy persona dhe testuan njohuritë e tyre financiare përmes pyetjesh nga më të thjeshtat e deri më të komplikuarat. Nxënësit duhet të zgjidhnin formulat për probleme me pagesën e normave të interesit të kredisë apo zbatimin e mënyrës së taksimit.  Më shumë se gjysma e tyre iu përgjigjen saktë të gjitha pyetjeve. Fitoren e përcaktoi koha e dhënies së përgjigjeve.

Shkolla “Emin Duraku” në Tiranë fitoi vendin e parë dhe të tretë, ndërsa të dytët u renditën nxënësit e shkollës “Sotir Gura” në Korçë. Fituesit  e vendit të parë do të përfaqësojnë Shqipërinë në muajin Maj, në konkursin që do të zhvillohet mes të gjitha shteteve të Europës në Bruksel. Ndërsa vetë Guvernatori i Bankës së Shqipërisë, Gent Sejko, zgjodhi ta japë mesazhin e tij në një leksion të hapur në universitetin “Aleksandër Moisiu” në Durrës.

Kreu i Bankës Qendrore njohu studentët me mënyrën sesi Banka e Shqipërisë krahas objektivit për ruajtjen e stabilitetit të çmimeve i ka dhënë përparësi dhe objektivave që lidhen me stabilitetin financiar.

“Stabiliteti i sektorit bankar mbetet themelor për rritjen e qëndrueshme ekonomike të vendit. Paralelisht, janë përmirësuar edhe proceset e brendshme dhe ndërinstitucionale, që vendimmarrja finale e institucionit të reflektojë në mënyrë të përshtatshme këndvështrimet monetare dhe financiare. Me këto ndryshime, në zbatim të përgjegjësive ligjore, Banka e Shqipërisë i përgjigjet më mirë sfidave të kohës dhe vijon pandërprerë procesin e modernizimit të saj”. 

Ky është viti i gjashtë që Banka e Shqipërisë dhe Shoqata Shqiptare e Bankave, me mbështetjen e Ministrisë së Arsimit, Sportit dhe Rinisë, si dhe partnerëve të tjerë, bëhen pjesë e këtij kremtimi, duke synuar të ofrojnë një program sa më interesant e tërheqës për përfshirjen e një numri sa më të madh nxënësish dhe studentësh në aktivitetet edukuese./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono