Gent Cakaj

8bc8dc39-b299-4caa-ba37-0bf149099067-933x445.jpg
Sej rie12:40 | 09/07/2019

Presidenti i Republikës Ilir Meta ishte i pranishëm në Samitin e Procesit të Bashkëpunimit të Vendeve të Europës Juglindore (SEECP), që po mbahet në Sarajevë të Bosnje dhe Hercegovinës, shprehur keqardhjen që kryesuesja e radhës së këtij procesi, Kosova, nuk është e pranishme në këtë Samit.

“Tashmë është koha e duhur që Bosnja dhe Hercegovina, e jo vetëm, të bëjnë përpara në drejtim të njohjes dhe pranimit të realitetit. Republika e Kosovës është shtet i pavarur e sovran dhe duhet të trajtohet me respekt, para së gjithash nga vetë fqinjët e saj”.

Kosova e ka bojkotuar këtë samit për shkak se Bosnje-Hercegovina nuk njeh pavarësinë e saj. Në sensibilizim me Kosovën, edhe ministri i Jashtëm në detyrë i Shqipërisë, Gent Cakaj, nuk shkoi në samit duke kërkuar trajtim të barabartë të Kosovës me shtetet e tjera. Pavarësisht refuzimit të ministrit Cakaj, Presidenti Ilir Meta vendosi të shkonte në samitin e SEECP që u mbajt në Sarajevë.

 Fjala e plotë e Presidentit Ilir Meta:

 Të nderuar Bashkëkryetarë,

Shkëlqesi,

Zonja dhe zotërinj!

Dëshiroj ta nis fjalën time duke falënderuar Bosnjen dhe Hercegovinën për organizimin dhe mikpritjen e këtij samiti si dhe për kontributin e saj në Procesin e Bashkëpunimit të Vendeve të Europës Juglindore (SEECP), si Kryesuese e tij përgjatë dymbëdhjetë muajve të fundit.

Me këtë rast, më lejoni të përgëzoj Kosovën për marrjen e Kryesisë së saj dhe t’i suksese gjatë mandatit në këtë detyrë. Kam besim se Kosova, në bashkëpunim të ngushtë me Trojkën e SEECP-së, do të vazhdojë t’i kushtojë vëmendje procesit të zgjerimit të Bashkimit Europian, forcimit të dialogut politik si dhe përmirësimit të situatës së përgjithshme të sigurisë në rajon.

Ballkani Perëndimor ka përshkuar një rrugë shumë të gjatë në ngritjen e institucioneve demokratike dhe shoqërive multietnike, të bazuara në parimet e sundimit të ligjit dhe të respektimit të të drejtave dhe lirive themelore të njeriut. Falë zgjerimit të NATO-s dhe integrimit në BE-së, rajoni mbetet i bashkëngjitur fort në arkitekturën më të suksesshme të sigurisë që ka njohur ndonjëherë Europa.

Mund të thuhet pa frikë se kurrë më parë rajoni nuk ishte ka qenë më i qëndrueshëm dhe më i sigurt. Të marrin për shembull hyrjen në fuqi së fundmi të marrëveshjes midis Shkupit dhe Athinës. Duke i dhënë fund një mosmarrëveshjeje të gjatë e të vështirë dypalëshe, kjo marrëveshje shënon një hap të madh përpara në përparimin e mëtejshëm të paqes dhe stabilitetit rajonal. Ky është me të vërtetë një lajm i mirë.

Megjithatë, një numër sfidash dypalëshe dhe rajonale ende mbeten në rrugën drejt integrimit të vazhdueshëm rajonal dhe atij për në Bashkimin Europian. Në këtë këndvështrim dua të shpreh keqardhjen për faktin se Republika e Kosovës, Kryesuesja jonë e ardhshëm, u detyrua të mos marrë pjesë në këtë Samit. Si mund të pretendojmë që të kemi një bashkëpunim të efektshëm ku disa nga pjesëmarrësit e këtij forumi bëjnë të pamundurën për të përjashtuar një popull dhe një një shtet të tërë fqinj nga përfitimi i bashkëpunimit ndërkombëtar dhe projektet rajonale në fusha kaq të rëndësishme si siguria, arsimi, kultura, etj. Marrëdhëniet e fqinjësisë së mirë dhe respekti i ndërsjellë janë thelbësore për të pasur një bashkëpunim të efektshëm rajonal, për sigurinë dhe begatinë ekonomike për të gjithë ne. Kështu që tani është koha e duhur që jo vetëm Bosnja dhe Hercegovina, që duhet të kishte bërë të gjitha përpjekjet për të garantuar pjesëmarrjen e Kosovës në këtë Samit, por edhe çdo vend tjetër të bëjë përpara në drejtim të njohjes dhe pranimit të këëtij realiteti. Republika e Kosovës është shtet i pavarur e sovran dhe duhet të trajtohet me respekt, para së gjithash nga vetë fqinjët e saj.

Të dashur kolegë,

Thelbësor është përparimi i të gjitha vendeve të Ballkanit Perëndimor në procesin integrues për në Bashkimin Europian. Ndonëse është e vërtetë që procesi i zgjerimit të BE-së është bërë shumë më sfidues për shkak të një numri arsyesh politike të njëkohshme, na duhet të pranojmë se qasja aktuale, e bazuar në kushtëzimin strikt, mbetet një qasje e drejtë. Ne duhet ta mirëpresim këtë qasje si një mundësi për të transformuar vendet tona edhe më tej si dhe për t’iu afruar akoma edhe më pranë Bashkimit Europian.

Shqipëria është e vetëdijshme se ka ende një punë të vështirë për të bërë që të përmbushë kriteret dhe standardet e nevojshme. Ne duhet të japim rezultate të prekshme, duke u përqendruar në reformat që forcojnë institucionet shtetërore, sundimin e ligjit dhe luftën kundër korrupsionit si dhe krimit të organizuar.

Mbetemi të përkushtuar dhe me shpresë se Këshilli i BE-së do të vendosë në tetor për të hapur negociatat e anëtarësimit me Shqipërinë dhe me Maqedoninë fqinje. I jemi mirënjohës vizionit të Kancelares Merkel, që u përsërit edhe në Samitin e fundit të Poznanit, që dhënia e mundësisë vendeve të Ballkanit për t’i bashkëngjitur BE-së është në interesin strategjik të të bllokut komunitar europian.

Zgjerimi dhe thellimi i bashkëpunimit ekonomik midis pjesëmarrësve të SEECP, si dhe ndërmjet ekonomive të SEECP dhe BE-së është me rëndësi të madhe për rritjen ekonomike, zhvillimin e qëndrueshëm dhe begatinë e qytetarëve të Europës Juglindore.

Procesi i Berlinit ka arritur të prodhojë një dinamikë pulsuese në procesin e integrimit evropian të 6 vendeve të Ballkanit Perëndimor, duke u përqendruar në axhendën e ndërlidhjes, bashkëpunimit ekonomik dhe shkëmbimeve njerëzore. Jemi të bindur se këta përbërës, që u përforcuan edhe nga udhëheqësit e Bashkimit Europian në Poznan, qëndrojnë në thelbin e rrugës së pranimit në BE dhe do të shërbejnë gjithashtu si shtysë për një paqe dhe stabilitet afatgjatë në Ballkanin Perëndimor.

Shqipëria dhe vendet e tjera të Ballkanit Perëndimor miratuan në Samitin e Sofje Deklaratën për Axhendën Dixhitale të Ballkanit Perëndimor, i cili i dha formë axhendës rajonale në shumë fusha, veçanërisht në ato që lidhen me roaming-un, transformimin dixhital të 6 vendeve të Ballkanit Perëndimor si dhe Qeverisjes-elektronike. Shqipëria e mirëpriti nënshkrimin prillin e shkuar në Beograd të marrëveshjes rajonale të Roaming-ut në Samitin Dixhital si dhe hyrjen në fuqi të asaj marrëveshjeve gjatë këtij muaji, në korrik.

Eksodi i një numri të madh të rinjsh të arsimuar e të kualifikuar përbën një kërcënim të mundshëm për stabilitetin e vendeve tona. Kjo dukuri nuk perceptohet si diçka e përkohshme dhe duhet të adresohet nga çdo qeveri më vete, por edhe bashkarisht nga të gjithë aktorët relevantë në rajon.

Zgjerimi dhe thellimi i bashkëpunimit ekonomik dhe vënia e theksit te perspektiva europiane u siguron të rinjve një shtysë pozitive për të çliruar potencialin e tyre në nxitjen e pajtimit në rajon si dhe në ndërtimin e shoqërive të begata. Shqipëria, duke qenë vendi pritës i Zyrës Rajonale të Bashkëpunimit Rinor dhe Fondit të Ballkanit Perëndimor, po i inkurajon këto nisma të reja që të shnëdërrohen në shembujt më të mirë të promovimit e bashkëpunimit midis të rinjve në rajon përmes shkëmbimit të programeve dhe veprimtarive.

SEECP-i ka qenë e përfshirë me sukses dhe në mënyrë aktive në këto procese përmes instrumentit të saj operacional, Këshillit të Bashkëpunimit Rajonal (RCC). Ne duhet të njohim kontributin e rëndësishëm të Këshillit të Bashkëpunimit Rajonal për ta mbështetur zhvillimin në hapësirën tonë, përpjekjet e tij për të sjellë ide si dhe për të zbatuar projekte në interes të një bashkëpunimi të zgjeruar rajonal.

Ne jemi të gëzuar and ndihemi krenarë për faktin që një shqiptare po kryeson me sukses Këshillin e Bashkëpunimit Rajonal, e frymëzuar nga qyteti i bukur i Sarajevës”. /abcnews.al

cakajjj.jpg
nev ila15:19 | 07/07/2019

 

Pas Kosovës, edhe Shqipëria anulon pjesëmarrjen në samitin e Procesit të Bashkëpunimit të Evropës Juglindore (SEECP), i cili organizohet nga Bosnje Hercegovina.

Lajmin e ka bërë të ditur Ministri në Detyrë për Evropën dhe Punët e Jashtme Gent Cakaj. Në një postim në Twitter, ministri në detyrë shkruan se trajtimi i Kosovës nga organizatorët, është i papranueshëm.

Cakaj thotë se ky trajtim shkon kundër synimit për të krijuar një atmosferë besimi, marrëdhënie të fqinjësisë së mirë dhe stabilitet. Ministri në Detyrë Cakaj shkruan se nuk mund të ketë bashkëpunim pa trajtim të barabartë.

Qëndrojmë së bashku,” përfundon Cakaj në Twitter.

Një ditë më parë Presidenti i Kosovës Hashim Thaçi kishte njoftuar se ishte ftuar të merrte pjesë në samit me një shënim shpjegues pranë emrit të Kosovës, në dallim nga shtetet e tjera. Për këtë shkak, Kosova refuzoi ftesën./ABC News Albania 24/7

cakaj-poznan-1280x704.jpg
nev ila12:17 | 05/07/2019

 

Shqipërisë ti hapen negociatat në Tetor. Është ky mesazhi që duhet të japë Samiti i Poznan në Poloni sipas Ministrit në Detyrë për Evropën dhe Punët e Jashtme Gent Cakaj.

Duke marrë pjesë në mbledhjen e Ministrave të Jashtëm të shteteve të Ballkanit Perëndimor me Ministrat e shteteve anëtare të Bashkimit Evropian, mbështetëse të Procesit të Berlinit, Cakaj kërkon që vendet pjesëmarrëse të shprehen qartë në mbështetje të hapjes së negociatave me Shqipërinë.

Ministri në detyrë thotë se platforma zhvillimore e bashkëpunimit rajonal nuk mund të zëvendësojë procesin e zgjerimit të Bashimit Evropian në Ballkanin Perëndimor./ABC News Albania 24/7

mark-marku.jpg
nev ila23:38 | 01/07/2019

Edhe këtë të hënë nuk kanë munguar përplasjet në “Opinion”. Shkak u bë një deklaratë e Ministrit të Jashtëm në detyrë, Gent Cakaj, i cili gjatë lidhjes direkte tha se “pluralizmi politik nuk nënkupton pjesëmarrje aktuale të grupeve politike në zgjedhje, por garantimin e të gjitha mundësive që subjektet politike të marrin pjesë në zgjedhje”. Pikërisht kjo solli një reagim të ashpër nga analisti Mark Marku.

Mark Marku: Ai po thotë që zgjedhjet në një vend… një shtet normal nuk garanton pluralizmin, pjesëmarrjen e njerëzve në votime, nuk e ka garantuar shteti i Gent Cakajt.

Gent Cakaj: Zotëri nuk guxon të keqinterpretosh deklarate për qëllime meskine politike.

Mark Marku: Nuk ke çfarë të diskutosh fare, po flet budallallëqe, nuk ke turp.

Gent Cakaj: Zoti Fevziu unë jam këtu që të sillem me edukatë dhe profesionalizëm.

Mark Marku: Po ta lesh me recituar ngatërrohet ai. Ai po reciton, por ngatërrohet kur e le gjatë. Zotëri nuk të njoh fare as si ministër as si shtet ty, s’më le me votuar. Nuk të njoh, pikë. Më lind e drejta të mos njoh asnjë ministër të këtij shteti as kryeministrin as policinë./tvklan.al

gent-cakaj-1280x718.jpg
nev ila16:00 | 27/06/2019

Ministri i Jashtëm në detyrë Gent Cakaj ka sqaruar në një komunikimi publik se deklaratat e kongresit të autoriteteve lokale, nuk përfaqësojnë qëndrimin zyrtar të Këshillit të Evropës.

Cakaj nënvizoi se Këshilli e njeh 30 qershorin si datë zgjedhjesh e këtë e mbështesin edhe vëzhguesit e shumtë ndërkombëtarë të akredituar për të dielën./ABC News Albania 24/7

ministrat.jpg
G. P.16:25 | 26/06/2019

Ministri në Detyrë për Evropën dhe Punët e Jashtme, Gent Cakaj, u shpreh se Shqipëria nuk duhet të bëjë hapa pas për interesa partiake, por duhet angazhim për interesin kombëtar.

Duke folur për zgjedhjet e 30 qershorit në konferencën për shtyp me ministrin e Jashtëm të Hungarisë Peter Szijjarto, Cakaj u shpreh se duhet të ketë përparësi agjenda evropiane e vendit përpara çfarëdo llogaritjeje politike.

Në konferencën e përbashkët për shtyp, Cakaj falenderoi Hungarinë për mbështetjen ndaj Shqipërisë në rrugën e saj të integrimit, por tha se ndihma e miqve të Shqipërisë duhet të shoqërohet me përpjekje, vullnet dhe veprime politike të brendshme që nuk pengojnë, por ndihmojnë në hapjen e negociatave./ABC News Albania 24/7

gent-cakaj123-1280x709.jpg
G. P.13:58 | 19/06/2019

Ministri në detyrë për Evropën dhe Punët e Jashtme Gent Cakaj ka konfirmuar edhe një herë arsyet pse vendimi i Këshillit në Luksemburg ishte për Shqipërinë pozitiv  dhe i rëndësishëm.

Kjo shtyrje vjen si rrjedhojë e pengesave proceduriale dhe ngarkesave të brendshme të vendeve anëtare të Bashkimit Evropian sqaron ministri në detyrë Cakaj nëpërmjet një statusi në rrjetet sociale.

“Vonesa në publikimin e Raportit të Komisionit është duke u manifestuar në vonesën në vendimmarrje të Këshillit. Fundja, vetë Këshilli në konkluzionet e tij të fundit nënvizon se për shkak të kohës së shkurtër në dispozicion, krahasuar me rëndësinë e çështjes, vendimi do të shtyhet për më së voni në tetor”, sqaron i deleguari për të drejtuar Ministrinë e jashtme Gent Cakaj./ABC News Albania 24/7

cakaj-mass.jpg
nev ila22:59 | 13/06/2019

Për Gjermaninë, negociatat me Shqipërinë duhet të hapen për arsye strategjike në Ballkanin Perëndimor. Deklarata u bë nga kryediplomati gjerman Heiko Mass gjatë takimit dhe konferencës së përbashkët për shtyp të dhënë në Berlin me ministrin në detyrë për Evropën dhe Punët e Jashtme, Gent Cakaj.

Në takim u diskutuan mbi ambiciet evropiane të Shqipërisë dhe shteteve të Ballkanit dhe vendimmarrjen e vendeve evropiane për hapjen e negociatave me Shqipërinë pas rekomandimit te pa ekuivok të raportit të Komisionit Evropian.

Ministri në detyrë Cakaj mësohet të ketë informuar homologun gjerman mbi ecurinë e reformave si dhe përmbushjen plotësisht të tre kushteve të vendosura nga Këshilli Evropian në qershorin e vitit 2018.

Ministri gjerman i Punëve të Jashtme Maas vlerësoi rolin e vendit tonë në kryesimin e OSBE-së të cilën e cilësoi jo thjesht një sfidë, por një mundësi të madhe që ka vendi për të performuar në skenën ndërkombëtare./ABC News Albania 24/7

cakaj.jpg
G. P.13:53 | 05/06/2019

Brenda 10 minuta njoftoi 4 vendime të ministrisë që i kanë lënë të drejtojë

“Sot komunikoj para jush largimin nga detyra, ndryshimin e funksioneve në detyrë apo transferimin e menjëhershëm të angazhimeve aktuale për më tepër se 50 diplomatë shqiptarë”, tha Cakaj.

Ministri në detyrë për Evropën dhe Punët e Jashtme Gent Cakaj nuk harron të falenderojë ata që kanë punuar me përkushtim por nuk toleron ata që kanë shkelur detyrën.

Disa prej tyre për shkak të shfaqjeve disiplinore, tejkalim kompetencave, shpërfillje të detyrave në punë, apo shpërfillje të normave diplomatike dhe cenim të imazhit të Shqipërisë nuk do të jenë më aty ku janë”, tha ai.

Vendimi i dytë ka të bëjë me konsullatat.

“80 e konsullatave të shqipëris ënë botë nuk do të jenë më të njëjta”, tha Cakaj.

Ndëshkimi i pret ata që nuk kanë denjuar t’i përgjigjen qytetarëve paralajmëroi ministri në detyrë Gent Cakaj. Të tretin vendim ia ka rezervuar konsujve të nderit.

“Mbi 20 Konsuj Nderi të Shqipërisë nëpër botë s’do të jenë më përfaqësues të nderit të Shqipërisë nëpër botë”, tha ai.

Në fund komunikoi se në mbledhjen e ardhshme të qeverisë mbi 50% e pasaportave diplomatike dhe të shërbimit do të shpallen të pavlefshme dhe do të jenë jashtë funksionit.

Për Ministrin në detyrë Gent Cakaj të gjitha këto janë vetëm një pjesë e reformës në diplomacinë shqiptare./ABC News Albania 24/7

LAjcak-1.jpg
nev ila11:15 | 03/06/2019

Ministri për Europën dhe Punët e Jashtme Gent Cakaj priti në një vizitë zyrtare homologun e tij sllovak, Miroslav Lajçak. Në përfundim të takimit, përmes një konference të përbashkët, ministrat e jashtëm zbardhën pjesë të bisedimeve.

“Përpos marrjes së drejtimit të osbe-së, ne kemi diskutuar edhe për relacionet bilaterale mes Shqipërisë dhe Sllovakisë, shumë shpejt presim mbajtjen e komisionit të përbashkët ekonomik mes dy vendeve për të thelluar bashkëpunimin edhe më tej në fushën tregtare dhe ekonomike. Kemi diskutuar edhe për rrethanat e brendshme në shqipëri dhe për sjelljen e opozitës në veçanti”, deklaroi Cakaj.

Ministri i jashtëm sllovak theksoi se politika shqiptare sot është maturuar mjaftueshëm sa t’i zgjidhë vet problemet e saj, por kjo zgjidhje, sipas tij, mund të vij vetëm përmes dialogut.

Dëshiroj të theksoj se institucionet e forta me një parlament efikas në themel janë gurët the,elorë të demokracisë dhe janë të qenësishëm për stabilitetin politik dhe shtetit ligjor. I nxis të gjithë aktorët politikë të angazhohen plotësisht dhe të kontribuojnë në funksionimin dhe forcimin e këtyre institucioneve. Protestat paqësore janë një e drejtë themelore e qytetarëve tanë që duhet respektuar. Trazirat nuk duhet të zëvendësojnë angazhimin demokratik përkundrazi ato heqin cdo shans për dialog. Dua të them shumë hapur se vazhdimi i protestave të dhunshme do të dëmtojë përpjekjet e Shqipërisë për reforma dhe padyshim do të pengojë realizimin e përparësive të saj të brendshme dhe ndërkombëtare. E vetmja mënyrë për të arritur përparim dhe për të gjetur zgjidhje është përmes dialogut konstruktiv. Forcat politike në vend janë të pjekura dhe të zhvilluara aq sa duhet për ta zgjidhur vetë pa ndërhyrje të jashtme”, deklaroi Lajcak.

Për ministrin e jashtëm shqiptar, detyrimi i qeverisë shqiptare për ruajtje të standartit demokratik, përfundon me krijimin e kushteve për subjektet që duan të regjistrohen në zgjedhje.

Dua të sqaroj diçka, qeverisë dhe Shqipërisë në përgjithësi i takon të garantojë se secili subjekt i interesuar për pjesëmarrje në zgjedhje, mund të marrë pjesë në to pa asnjë pengesë objektive por në rast se grupe të caktuara politike, vendosin për llogari të tyre të mos marrin pjesë në zgjedhje, kjo nuk do të thotë cenim i karakterit demokratik të zgjedhjeve”, tha Cakaj.

Sa i përket situatës së Kosovës, Lajçak thekson mbështetjen e perspektivës evropiane të saj por jo ato që quan hapa të njëanshëm të ndërmarrë nga Kosova.

“Kur vjen puna te Kosova, po Sllovakia është ndër vendet që nuk e ka njohur pavarësinë e saj dhe kjo është për mënyrën se si u deklarua kjo pavarësi. Por Sllovakia ka mbështetur perspektivën evropiane të Kosovës dhe pozicioni ynë zyrtar nuk është përdorur për të bllokuar progresin e Kosovës. Nuk jemi të kënaqur me hapat e njëanshme të ndërmarra nga autoritetet Kosovare, sidomos me futjen e taksave 100 % të produkteve që vijnë nga Serbia apo Bosnje Hercegovina. Unë besoj që zgjidhja lidhet në progresin e dialogut mes Beogradit e Prishtinës”, tha Lajcak./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono