Gent Cakaj

gent-cakaj123-1280x709.jpg
G. P.13:58 | 19/06/2019

Ministri në detyrë për Evropën dhe Punët e Jashtme Gent Cakaj ka konfirmuar edhe një herë arsyet pse vendimi i Këshillit në Luksemburg ishte për Shqipërinë pozitiv  dhe i rëndësishëm.

Kjo shtyrje vjen si rrjedhojë e pengesave proceduriale dhe ngarkesave të brendshme të vendeve anëtare të Bashkimit Evropian sqaron ministri në detyrë Cakaj nëpërmjet një statusi në rrjetet sociale.

“Vonesa në publikimin e Raportit të Komisionit është duke u manifestuar në vonesën në vendimmarrje të Këshillit. Fundja, vetë Këshilli në konkluzionet e tij të fundit nënvizon se për shkak të kohës së shkurtër në dispozicion, krahasuar me rëndësinë e çështjes, vendimi do të shtyhet për më së voni në tetor”, sqaron i deleguari për të drejtuar Ministrinë e jashtme Gent Cakaj./ABC News Albania 24/7

cakaj-mass.jpg
nev ila22:59 | 13/06/2019

Për Gjermaninë, negociatat me Shqipërinë duhet të hapen për arsye strategjike në Ballkanin Perëndimor. Deklarata u bë nga kryediplomati gjerman Heiko Mass gjatë takimit dhe konferencës së përbashkët për shtyp të dhënë në Berlin me ministrin në detyrë për Evropën dhe Punët e Jashtme, Gent Cakaj.

Në takim u diskutuan mbi ambiciet evropiane të Shqipërisë dhe shteteve të Ballkanit dhe vendimmarrjen e vendeve evropiane për hapjen e negociatave me Shqipërinë pas rekomandimit te pa ekuivok të raportit të Komisionit Evropian.

Ministri në detyrë Cakaj mësohet të ketë informuar homologun gjerman mbi ecurinë e reformave si dhe përmbushjen plotësisht të tre kushteve të vendosura nga Këshilli Evropian në qershorin e vitit 2018.

Ministri gjerman i Punëve të Jashtme Maas vlerësoi rolin e vendit tonë në kryesimin e OSBE-së të cilën e cilësoi jo thjesht një sfidë, por një mundësi të madhe që ka vendi për të performuar në skenën ndërkombëtare./ABC News Albania 24/7

cakaj.jpg
G. P.13:53 | 05/06/2019

Brenda 10 minuta njoftoi 4 vendime të ministrisë që i kanë lënë të drejtojë

“Sot komunikoj para jush largimin nga detyra, ndryshimin e funksioneve në detyrë apo transferimin e menjëhershëm të angazhimeve aktuale për më tepër se 50 diplomatë shqiptarë”, tha Cakaj.

Ministri në detyrë për Evropën dhe Punët e Jashtme Gent Cakaj nuk harron të falenderojë ata që kanë punuar me përkushtim por nuk toleron ata që kanë shkelur detyrën.

Disa prej tyre për shkak të shfaqjeve disiplinore, tejkalim kompetencave, shpërfillje të detyrave në punë, apo shpërfillje të normave diplomatike dhe cenim të imazhit të Shqipërisë nuk do të jenë më aty ku janë”, tha ai.

Vendimi i dytë ka të bëjë me konsullatat.

“80 e konsullatave të shqipëris ënë botë nuk do të jenë më të njëjta”, tha Cakaj.

Ndëshkimi i pret ata që nuk kanë denjuar t’i përgjigjen qytetarëve paralajmëroi ministri në detyrë Gent Cakaj. Të tretin vendim ia ka rezervuar konsujve të nderit.

“Mbi 20 Konsuj Nderi të Shqipërisë nëpër botë s’do të jenë më përfaqësues të nderit të Shqipërisë nëpër botë”, tha ai.

Në fund komunikoi se në mbledhjen e ardhshme të qeverisë mbi 50% e pasaportave diplomatike dhe të shërbimit do të shpallen të pavlefshme dhe do të jenë jashtë funksionit.

Për Ministrin në detyrë Gent Cakaj të gjitha këto janë vetëm një pjesë e reformës në diplomacinë shqiptare./ABC News Albania 24/7

LAjcak-1.jpg
nev ila11:15 | 03/06/2019

Ministri për Europën dhe Punët e Jashtme Gent Cakaj priti në një vizitë zyrtare homologun e tij sllovak, Miroslav Lajçak. Në përfundim të takimit, përmes një konference të përbashkët, ministrat e jashtëm zbardhën pjesë të bisedimeve.

“Përpos marrjes së drejtimit të osbe-së, ne kemi diskutuar edhe për relacionet bilaterale mes Shqipërisë dhe Sllovakisë, shumë shpejt presim mbajtjen e komisionit të përbashkët ekonomik mes dy vendeve për të thelluar bashkëpunimin edhe më tej në fushën tregtare dhe ekonomike. Kemi diskutuar edhe për rrethanat e brendshme në shqipëri dhe për sjelljen e opozitës në veçanti”, deklaroi Cakaj.

Ministri i jashtëm sllovak theksoi se politika shqiptare sot është maturuar mjaftueshëm sa t’i zgjidhë vet problemet e saj, por kjo zgjidhje, sipas tij, mund të vij vetëm përmes dialogut.

Dëshiroj të theksoj se institucionet e forta me një parlament efikas në themel janë gurët the,elorë të demokracisë dhe janë të qenësishëm për stabilitetin politik dhe shtetit ligjor. I nxis të gjithë aktorët politikë të angazhohen plotësisht dhe të kontribuojnë në funksionimin dhe forcimin e këtyre institucioneve. Protestat paqësore janë një e drejtë themelore e qytetarëve tanë që duhet respektuar. Trazirat nuk duhet të zëvendësojnë angazhimin demokratik përkundrazi ato heqin cdo shans për dialog. Dua të them shumë hapur se vazhdimi i protestave të dhunshme do të dëmtojë përpjekjet e Shqipërisë për reforma dhe padyshim do të pengojë realizimin e përparësive të saj të brendshme dhe ndërkombëtare. E vetmja mënyrë për të arritur përparim dhe për të gjetur zgjidhje është përmes dialogut konstruktiv. Forcat politike në vend janë të pjekura dhe të zhvilluara aq sa duhet për ta zgjidhur vetë pa ndërhyrje të jashtme”, deklaroi Lajcak.

Për ministrin e jashtëm shqiptar, detyrimi i qeverisë shqiptare për ruajtje të standartit demokratik, përfundon me krijimin e kushteve për subjektet që duan të regjistrohen në zgjedhje.

Dua të sqaroj diçka, qeverisë dhe Shqipërisë në përgjithësi i takon të garantojë se secili subjekt i interesuar për pjesëmarrje në zgjedhje, mund të marrë pjesë në to pa asnjë pengesë objektive por në rast se grupe të caktuara politike, vendosin për llogari të tyre të mos marrin pjesë në zgjedhje, kjo nuk do të thotë cenim i karakterit demokratik të zgjedhjeve”, tha Cakaj.

Sa i përket situatës së Kosovës, Lajçak thekson mbështetjen e perspektivës evropiane të saj por jo ato që quan hapa të njëanshëm të ndërmarrë nga Kosova.

“Kur vjen puna te Kosova, po Sllovakia është ndër vendet që nuk e ka njohur pavarësinë e saj dhe kjo është për mënyrën se si u deklarua kjo pavarësi. Por Sllovakia ka mbështetur perspektivën evropiane të Kosovës dhe pozicioni ynë zyrtar nuk është përdorur për të bllokuar progresin e Kosovës. Nuk jemi të kënaqur me hapat e njëanshme të ndërmarra nga autoritetet Kosovare, sidomos me futjen e taksave 100 % të produkteve që vijnë nga Serbia apo Bosnje Hercegovina. Unë besoj që zgjidhja lidhet në progresin e dialogut mes Beogradit e Prishtinës”, tha Lajcak./ABC News Albania 24/7

miroslav-lajcak-1280x721.jpg
nev ila11:00 | 03/06/2019

Ministri i jashtëm në detyrë Gent Cakaj ka zhvilluar ditën e sotme një konferencë të përbashkët për shtyp me homologun e tij Sllovak dhe njëkohësisht edhe kreun e OSBE  Miroslav Lajčák.  Cakaj bëri me dije se në takimin  e përbashkët folën për bashkëpunimin mes vendeve. Lajčák në konferencën e zhvilluar me ministrin Cakaj ka inkurajuar aktorët politikë të vazhdojnë me reformën në drejtësi dhe të punojnë për forcimin e institucioneve demokratike duke e çuar Shqipërinë drejt integrimit në Bashkimin Europian. Lajčák bëri thirrje të gjithë palëve për tu ulur në dialog dhe tha se protestat e dhunshme nuk e ndihmojnë Shqipërinë të sigurojë një hap të sigurtë drejt integrimit, përkundrazi ato e pengojnë atë. Gjithashtu ministri Cakaj tha se dhuna është e papranueshme për imazhin e vendit.

“Është me rëndësi që zgjedhjet të mbahen më 30 qershor, duhet të kapërcehen dallimet, të punohet për vendin, problemet të debatohen në parlament dhe është tepër me rëndësi të forcohen institucionet demokratike. Trazirat heqin çdo shans për dialog. Vazhdimi i protestës së dhunshme do të pengojë shqipërinë në rrugën e saj evropiane dhe reformat e saj, rruga e duhur është të uleni në dialog të gjitha palët. Duke bojkotuar zgjedhjet nuk është rruga e duhur, rruga drejt zgjidhjes për opozitën është të zbatojnë rekomandimet që ka bërë OSBE ODHIR”, tha Lajcak./abcnews.al

gent-cakaj123-1280x709.jpg
G. P.13:42 | 12/05/2019

Ministri i Jashtëm në detyrë, Gent Cakaj ka reaguar me anë të një postimi në Facebook për sulmin ndaj amabasadorit të OSBE-së në Tiranë, Bernd Borchardt. Cakaj deklaroi se sulmi ndaj banesës së ambasadorit të OSBE-së është një sulm primitiv dhe akt kriminal.

Ministri në Detyrë për Europën dhe Punët e Jashtme, Gent Cakaj ka reaguar në Facebook, pas një shkrimi në murin e brendshëm të pallatit të ambasadorit të OSBE-së në Tiranë ku shkruhej “Borshard, turp të kesh!”

Cakaj në reagimin e tij ka dënuar këtë akt duke e konsideruar si një akt të papranueshëm kriminal dhe si hakmarrje primitive ndaj ambasadorit të OSBE-së.

“Sulmi i mbrëmshëm ndaj shtëpisë të Ambasadorit të OSBE-së në Shqipëri, Bernd Borchardt, pas deklaratës publike të OSBE kundër dhunës kriminale në protestën e djeshme, përbën një tjetër akt të papranueshëm kriminal. Veprimi është kryer në urdhëra të qarta politike të krerëve të protestës me qëllim frikësimin e Ambasadorit Borchardt dhe familjes së tij, si hakmarrje primitive e atyre që pasi kanë humbur kontrollin e vetes duan të nxjerrin nga kontrolli rendin kushtetues të Shqipërisë”!

Sipas ministrit në detyrë, Gent Cakaj, Ambasadori Borchardt vazhdimisht ka kryer punën e tij me profesionalizëm të plotë në kuadër të Misionit të OSBE-së dhe duhet të distancohemi nga sulme të tilla kriminale.

“Faji i tij i vetëm është thirrja fisnike për frenim nga dhuna dhe distancim nga veprimtaria e dhunshme. Kjo nuk është thjeshtë Shqipëria që duam: Kjo nuk është kurrsesi as Shqipëria e tanishme.

Secili person me përgjegjësi minimale shoqërore duhet menjëherë të distancohet nga sulmi kriminal ndaj Ambasadorit Borchardt dhe të dënojë veprimtarinë e dhunshme kundër Shqipërisë në përgjithësi”.

Shkrimi në murin e pallatit ku jeton ambasadori i OSBE-së, Bernd Borchardt u bë gjatë kohës kur opozita e bashkuar po protestonte mbrëmjen e së shtunës pranë Drejtorisë së Policisë Tiranë./ABC News Albania 24/7

Cakaj-ne-Bratislave.jpeg
G. P.18:51 | 09/05/2019

Ministri në Detyrë për Evropën dhe Punët e Jashtme, Gent Cakaj, zhvilloi një vizitë zyrtare në Bratislavë, ku u prit nga Ministri i Punëve të Jashtme dhe Evropiane të Republikës Sllovake, Miroslav Lajčák. Kjo ishte vizita e parë zyrtare në nivel Ministri e realizuar në Sllovaki prej mëse dy dekadash. Mësohet se takimi i zhvilluar pati në fokus marrëdhëniet dypalëshe, integrimin në BE, bashkëpunimin në kuadër të OSBE-së dhe bashkëpunimin rajonal.

Zyra e shtypit të ministrit ka njoftuar se gjatë takimit u vlerësuan marrëdhëniet miqësore mes dy vendeve, sikurse u konstatua se ka ende mundësi të pa eksploruara për të fuqizuar bashkëpunimin ekonomik përmes miratimit të kuadrit ligjor dhe organizimit të takimit të parë të komisionit të përbashkët ekonomik me qëllim evidentimin e fushave me interes të përbashkët, si infrastruktura, energjia, hekurudhat, bujqësia dhe menaxhimi i ujërave.

Ndërkohë, të dy ministrat ranë dakord gjithashtu se nevojitet një bashkëpunim më i ngushtë edhe në nivel rajonal duke u përqendruar veçanërisht tek shfrytëzimi i kapaciteteve të bashkëpunimit në kuadër të grupit të Vishegradit, të cilin Sllovakia e drejton, përmes mekanizmave të fondit ndërkombëtar të Vishegradit dhe fondit të Ballkanit Perëndimor.

Ne kuadër te OSBE-së, të dy ministrat, si pjesë e trojkës së kryesisë së OSBE-së, shkëmbyen mendime mbi organizatën, ku Ministri në Detyrë Cakaj, e njohu kryetarin aktual të OSBE-së, me përgatitjet nga ana e Shqipërisë për kryesimin e organizatës në 2020 dhe drejtimin e Grupit të Kontaktit të Mesdheut.

Ministri në Detyrë Cakaj rikonfirmoi angazhimin e qeverisë shqiptare për të kontribuar në vijimësinë e realizimit të objektivave kryesore të organizatës në vitin 2020, për të cilën mori edhe gatishmërinë e Ministrit Lajčák në ofrimin eksperiencës dhe ekspertizës sllovake si kryesuese aktuale e OSBE-së.

Për sa i përket procesit të integrimit evropian, Ministri Lajčák ushpreh se Sllovakia mbetet avokate e fortë e procesit të zgjerimit dhe integrimit të Shqipërisë në BE, duke e konsideruar Ballkanin Perëndimor të rëndësishëm për sa i përket adresimit të disa prej sfidave me të cilat përballet sot BE-ja.

Ministri në Detyrë Cakaj, e njohu homologun me progresin e Shqipërisë në procesin e reformave dhe 5 prioriteteve kyçe, dhe pritshmërinë për një vendim pozitiv në muajin Qershor. Ministrat ndanë mendimin për impaktin që ka vijueshmëria e procesit të zgjerimit në procesin e reformave dhe forcimin e kredibilitetit të vetë procesit të zgjerimit tek vendet aspirante.

Gjatë qëndrimit të tij në Bratisllavë, Ministri në Detyrë Cakaj u prit gjithashtu edhe nga Nënkryetari i Parlamentit sllovak Bela Bugar, si dhe zhvilloi një takim pune me anëtarët e dy komiteteve parlamentare për politikën e jashtme dhe çështjeve evropiane të drejtuar nga Katarina Cefalyova. Në takime u nënvizua vullneti i parlamentarëve sllovakë që Komisioni të hapë pa vonesa negociatat me Shqipërinë./abcnews.al

cakaj-3.jpg
G. P.23:35 | 23/04/2019

Lidhur me debatin e shumëpërfolur të ditëve të fundit, pasi autoritetet holandeze kërkuan rivendosjen e regjimit të vizave për Shqipërinë, ministri i Jashtëm në Detyrë, Gent Cakaj, tha se kjo duhet të interpretohet nga politika. Ai renditi 5 kriteret teknike për heqjen e vizave për një shtet dhe Shqipëria nuk i përmbush këto kritere.

“Ky vendim duhet të interpretohet nga këndvështrimi politik. Zgjedhjet e fundit në rajon dhe Holandë kanë prodhuar një rritje të populizmit, nacionalizim përjashtues dhe politikave konservave në përgjithësi dhe kjo manifestohet”.

Pse, Holanda nuk zgjodhi Serbinë, Malin e Zi, por zgjodhi Shqipërinë?

Ka një rritje të populizimi dhe politikave përjashtuese, antiemigracion në Holandë. Ne jemi dhe një një moment elektoral që karakterizon Europën dhe kjo vendimmarrje lidhet më një fushatë elektorale.

I pyetur nga gazetari, Blendi Fevziu se pse Holanda zgjodhi pikërisht Shqipërinë dhe jo një shtet tjetër të rajoni, Cakaj tha se: Është një moment elektoral i dyfishtë. Së dyti, ky vendim absolutisht nuk pasqyron të vërtetën për Shqipërinë dhe këtë e thotë minisrti i Çështjeve të Sigurisë dhe Drejtësisë së Holandës në seancën kur është mbajtur votimi për këtë çështje.

Cakaj, deklaroi se janë 5 kritere teknike për heqjen e vizave për një shtet.

1.Rritje e qëndrueshme e emigracion të parregullt, për mbi 50 % dhe në rasti e Shqipërisë nuk përmbushet.

2.Rritje e qëndrueshme sërish mbi 50% e  kërkesave për azil dhe në këtë rast nuk përmbushet.

3. Përbërja e një rreziku substancial për rrezikun e sigurisë të vendeve anëtarë që për Shqipërinë nuk përmbushet.

4.Kthimi në bashkëpunim për çështje të kthimit që po ashtu në rastin tonë nuk përmbushet.

5.Prapakthimin në përmbushjen e kritereve të nevojshme për liberalizimin e vizave, dhe verifikohet nga bashkimi Europian, i cili në dhjetor ka thënë se Shqipëria përmbush të gjitha kriteret./tvklan.al

Mirela-dhe-genti-1280x714.jpg
Sej rie20:31 | 17/04/2019

Gent Cakaj i ftuar në “Mbrëmje Ide” ka pasur një përplasje me gazetaren Mirela Milori, teksa kjo e fundit i tha se shpesh e akuzojë si ministër gjaknxehtë edhe për mungesë të maturisë emocionale.

Mirela Milori: Unë jam kurioze të di sepse mosha juaj, me njerëz të cilët sa kemi ju moshën mund të kenë vite pune, e ndjeni një lloj hezitimi aty?

Gent Cakaj: Çështja e moshës nuk është as precedent historik në Shqipëri dhe as disavantazh në përgjithësi. Shqipëria ka pasur edhe Kryeministra të moshës time.

Mirela Milori: Më lejoni të flas këtu sepse kam 20 vite në profesion, por nuk e kanë ndritur këta njerëzit më moshës së re që na kanë ardhur si Kryeministra.

Gent Cakaj: Puna e tyre vlerësohet në bazë të performancës së tyre dhe jo në bazë të moshës së tyre. Por Shqipëria ka shumë njerëz në moshë dhe me shumë përvojë, por që kanë shumë pak arsye dhe më pak kontribut. Asgjë nuk është e përcaktuar nga mosha. Ne jemi qenie më komplekse sesa vitet tona.

Mirela Milori: E ndjeni këtë në përballje me diplomatë të caktuar?

Gent Cakaj: Unë ndjej peshën e kompetencës time dhe të angazhimit tim dhe nuk mendoj se sa vjeç jam. Por unë matem me vizionin që kam dhe me punën që bëj.

Mirela Milori: Ata që janë përballë jush mund t’iu akuzojnë edhe për një mungesë të një maturie emocionale.

Gent Cakaj: Në çfarë rasti?

Mirela Milori: Në kuptimin që jeni pak gjaknxehtë. E merrni shumë seriozisht dhe me shumë pasion një debat.

Gent Cakaj: Kush iu tha që jam gjaknxehtë? Të lutem vetëm një sekondë ku po e shikoni gjaknxehtësinë.

Mirela Milori: Ngaqë flisni me shumë pasion dhe tek një diplomat pikërisht kjo maturia emocionale është e para.

Gent Cakaj: Punën që bëj me shumë sinqeritet, shërbej këtu me zemër me shpirt dhe me parimësi. Por të qenurit i angazhuar në debat me pasion nuk është pamaturi emocionale. Të lutem është një dallim shumë i madhe që nuk i tolerohet një gazetareje si ju.

Mirela Milori: Dakord e lëmë, diplomacia dhe maturia emocionale janë paralel me njëra-tjetrën.

Gent Cakaj: Unë iu sfidoj tepër më shumë, por nuk jam i sigurt nëse do të ndiheshit komode nëse unë shfaq gjithë arsenalin tim në tërësi.

Mirela Milori: Jo nuk dua të hyj fare aty, iu lutem e keqkuptuat gjithë kontekstin./abcnews.al

Gent-Cakajn-ne-Mbremje-ide-1280x712.jpg
Sej rie19:41 | 17/04/2019

Gent Cakaj Ministri i Jashtëm në detyrë garantoi qytetarët shqiptarë, se nuk do të ketë rikthim të vizave pavarësisht vendimit të marrë nga Parlamentit holandez. I ftuar në ABC News, me gazetaren Mirela Milori Cakaj shpjegoi se, vendi ynë nuk ka cenuar asnjërin nga kushtet e liberalizimit, ndërsa rastin e cilësoi si të izoluar.

Nuk do të ketë kthim të regjimit të vizave për Shqiptarët pavarësisht vendimit të marrë nga Parlamentit holandez. Kështu u shpreh Ministri i Jashtëm në detyrë Gent Cakaj, i ftuar në ABC News, duke shtuar, se vendi ynë i ka plotësuar detyrat e përcaktuara më herët nga BE-ja.

Sipas ministrit të Jashtëm në detyrë, përgjegjësia e Shqipërisë mbaron kur Komisioni Evropian do të nxjerrë progres raportin për vendin tone në maj, ndërsa shtoi se vendimi i Parlamentit holandez nuk do të ndikojë.

Në fund Cakaj theksoi se pas marrjes së reagimit pozitiv, është detyra Shqipërisë që të fillojmë dhe të lobojmë me shtetet anëtarë të BE-së.

Mirela Milori: Një reagim të parë për vendimin e Parlamentit holandez për rivendosjen e regjimit të vizave?

Gent Cakaj: Janë dy faktorë kryesor që duhet të sqarohen. Ky është një vendimin i marrë politikisht. Por edhe Evropa është një moment elektoral ku zërat populistë po bëhen më të fuqishëm. Ky vendim nuk do të thotë tërheqje definitive të regjimit të vizave për qytetarët shqiptarë.

Nga pikëpamja e kushteve teknike të nevojshme nuk vlejnë për të hequr vizat për shqiptarët. Ministri i holandez për Çështjet e Sigurisë dhe Drejtësisë ka qenë kundër kësaj, duke thënë se kemi pasur ka një kontroll të shtuar kundër emigracionit jo të rregull. Ky vendimi është një çështje politike për konsum të brendshëm.

Mirela Milori: A ndikon kjo në raportin që BE do hartojë për çeljen e negociatave?

Gent Cakaj: Komisioni Evropian harton raportin për 5 prioritet kyçe. Në fund të Majit të vijnë me një vendim pozitiv për hapjen e negociatave më Shqipërinë. Një vendim i parlamentit holandez nuk do ketë ndikim në çeljen e negociatave. Vendim për hapjen e negociatave do hapen pas zgjedhjeve në Parlamentin Evropian. Vendimi i Qershorit do jetë i përqendruan mbi deklaratat që do vendosë Komisioni në fund të Majit. Ne presim që vlerësimi teknik i komisionit të kthehet në vullnet politik.

Mirela Milori: Duket se me shtetet anëtare janë skeptike?

Gent Cakaj: Nuk janë skeptikë për Shqipërinë, por për procesin e zgjerimit në përgjegjësi. Procesi i anëtarësimit nuk kërkon vetëm reforma në Shqipërinë, por një proces që është i varur edhe nga reformat që po kalon vetë BE. Zërat skeptike thonë që të mbyllen reformat e brendshme të BE dhe më pas të flitet për reformat e zgjerimit të BE.

 Mirela Milori: Mendoni se është goditur Shqipëria me vendimin e Parlamentit holandez?

Gent Cakaj: Ne kemi përgjegjësi për punën që kryejmë dhe për atë që është realitet objektiv dhe nuk mund të marrim përgjegjësi për perceptimin subjektiv të një shteti, sikurse është Holanda në këtë rast.

Nuk po flasim për një kriminalitet ekskluzivisht shqiptar, por po flasim për persona me origjinë shqiptare të përfshirë në organizata nërkombetare kriminale.

Propozimet për tërheqjen e vizave për shtetasit shqiptarë bazohen në kritere konkrete dhe objektive. Janë 5 kritere kryesore ku janë:

Shtimi i qëndrueshëm i emigracionit të parregullt, por ky nuk është rasti për Shqipërinë.

Kjo është rritja e lartë e kërkesave për azil, dhe këtu nuk është rasti i Shqipërisë.

Kriteri i tretë është rënia e bashkëpunimit për kthim, ndërkohë që ministri i holandez për Çështjet e Sigurisë dhe Drejtësisë flet për bashkëpunim.

Kriteri i 4 është rritja e rrezikut të shteteve anëtare.

Kriteri i fundit është prapakthimi në plotësimin e kushteve./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono