general motors

SHBA-MAKINAT-1280x720.jpg
ent ela23:21 | 26/11/2018

Kriza financiare dhe ndryshimet e shpejta të tregut kanë detyruar kolosin amerikan të automjeteve “Xheneral Motors” të marrë masa drastike për të reduktuar humbjet. Kompania e njohur ka paralajmëruar mbylljen e fabrikave dhe shkurtimin e mijëra vendeve të punës për shkak të rënies së shitjeve.

Gjigandi amerikan i automjeteve “General Motors” ka në plan të ndërpresë prodhimin në 5 fabrika në Amerikën e Veriut dhe rrjedhimisht të shkurtojë mijëra vende pune. Ikona e automobilizmit në Shtetet e Bashkuara në njoftimin e saj ka bërë të ditur gjithashtu se do të mbyllë edhe 3 impiante jashtë Amerikës brenda vitit 2019. Lëvizja vjen pas rritjes së kostove, rënies së shitjes së automjeteve dhe në një kohë kur prodhuesit e tjerë janë të fokusuar në prodhimin e kamionëve, makinave elektrike dhe tek ato që vetëdrejtohen. Kompania ka deklaruar se plani i hartuar do ta ndihmojë të kursejë rreth 6 miliardë dollarë.

Shkurtimet përfshijnë një reduktim prej 15 për qind të numrit të punonjësve, 25 për qind prej të cilëve drejtues seksionesh. Në 5 impiantet e ngritura në Amerikën e Veriut punojnë aktualisht rreth 7 mijë persona. “Vendimet janë pjesë e strategjisë sonë të transformimit, për të qenë më fleksibël ndaj tregut dhe natyrisht për të pasur mundësi për të investuar në të ardhmen”, ka deklaruar drejtuesja ekzekutive e “General Motors”, Meri Barra. Ajo ka theksuar se kompania duhet të përshtatet me ndryshimet e tregut dhe preferencat e konsumatorëve, në mënyrë që të arrijë një sukses afatgjatë. Konkretisht, kompania do të ndërpresë prodhimin e modeleve “Buik La Kros”, “Shevrolet Volt” dhe “Shevrolet Impala”, “Kadillak” CT6 dhe XTS, si dhe versionet e vjetra të Silverado dhe Sierra. /abcnews.al

 

Screen-Shot-2018-01-12-at-112029.png
G. P.21:09 | 12/01/2018

General Motors ka zbuluar planet ambicioze për të prezantuar “makinën pa shofer” vitin e ardhshëm.

Makina, e cila quhet Cruise AV, është projektuar që të lëvizë vetë, pa shofer, timon apo pedale të tjera kontrolli.

Me këtë makinë, General Motors shpreson që të reduktohet numri i aksidenteve në rrugë.

“Makinat pa shofer” do të jenë elektrike, duke reduktuar në këtë mënyrë edhe ndotjen dhe duke kontribuar në një mjedis më të mirë.

Sistemi autonom i kësaj makine do të varet shumë te sensorët e saj sepse do t’i lejojnë makinës të shohë rreth e rrotull./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono