gazmend demi

DERBI-DEKLARATAT.mpg_snapshot_01.25-1280x720.jpg
G. P.15:16 | 29/09/2018

Kënaqësi e madhe tek Partizani për fitoren e derbit. Trajneri Gega u shpreh i kënaqur nga ekipi, por presidenti Demi lëshoi shigjeta ndaj Federatës Shqiptare të Futbollit.

Nuk janë engjëj, por spektaklin prej tyre e ke të garantuar. Flasim për tifozët, sërish protagonistët kryesorë të derbit, edhe pse pritej që heronjtë të ishin lojtarët në fushën e lojës. Sidomos të shumtë dhe të zjarrtë përkrahësit e Tiranës, që e luanin sfidën në fushën e tyre, dhe që u nisën nga qendra e kryeqytetit, si për të treguar se janë ata autoktonët në këto vise. Marshimi drejt “Selman Stërmasit” ishte mbresëlënës, dhe po ashtu mbërritja. Për fat, policia ishte gati dhe kishte marrë masat, ndërsa dy tifozeritë mbërritën në tempullin e vetëm të futbollit në Tiranë.

Nuk pati përplasje mes grupimeve bardheblu dhe të kuq. Skuadrat po ashtu mbërritën në stadium, veçse me më shumë tension dhe më pak entuziazëm sesa mbështetësit e tyre. Ndoshta, më i qetë Partizani, i pathyer prej 4 vitesh, me më shumë trysni tiranasit e trajnerit të rrezikuar Ze Maria. Përfundimi i duelit të javës së 6-të të Superligës, fatkeqësisht apo fatmirësisht, ishte ai që u parashikua.
Fitoi Partizani, dhe dalja e tifozëve nga “Selman Stërmasi”, pati diferencë në humor, ndryshe nga hyrja që ishte për të gjithë fantastike.
Mes atyre më të lumturve, padyshim edhe presidenti i Partizanit, Gazmend Demi, që sidoqoftë, nuk la pa lëshuar një shigjetë ndaj Federatës Shqiptare të Futbollit.

Gazmend Demi, president i Partizanit: “Është fillimi. Nuk ka lidhje titulli, atë e kanë këta të mëdhenjtë Korça-Skënderbeu. Ju uroj respekte.”

Trajneri partizanas, Gega, u pyet për derbin dhe për mungesën çerekshekullore të titullit.

Skënder Gega, trajner i Partizanit: “Ndoshta nuk qe një spektakël me gola, megjithatë lotarët u përgjigjën. Fitorja ndaj Tiranës na rrith moralin dhe na jep qetësi për ndeshjen tjetër. Esoj se javët e fundit jemi në rritje. Jemi munduar ti mbajmë lojtarët me këmbë në tokë. 25 vjet nuk mund ti kompesojmë për një vit , për mua shumë e rëndësishmë është të jetë një bazë bërthamë për klubin, për të ardhmen, nëse jo këtë vit atëhere vitin tjetër.Duhet të kemi durim.”

E kundërt atmosfera tek Tirana. Presidenti Halili, konfirmoi atë që raportoi ABC News, pra që trajneri Ze Maria rrezikon postin.
Numri 1 i klubit deklaroi se ekipi është i kompletuar, duke ia lënë fajin teknikut, por duke theksuar se është ende herët për të folur për shkarkim. Po përgjigja e brazilianit cila ishte?

Ze Maria, trajner i Tiranës: “Një derbi është gjithmonë një derbi, një ndëshje e veçantë me shumë emocion. Nëse nuk je në gjendje ta përballosh këtë presion kjo të dëmton. Kështu ndodhi me skuancrën tonë sot. Me një rezultat pozitiv do të kishim pasur një stysë të fortë për të ecur përpara. Por për këtë që ndodhi nuk duhet ta dramatizojmë më shumë se sa duhet, ndryshe prish punë. Përsa i përket fatit tim, unë bëj punën time. Ndërsa këtë nuk e kam unë në dorë.”

Përfundoi pra një tjetër derbi, dhe kënaqësia ishte tërësisht e të kuqve, që nuk patën ndalesë në synimet e tyre drejt titullit./abcnews.al

vlcsnap-error892-2-1280x720.jpg
G. P.20:47 | 11/01/2018

Partizani shpreson të jetë gati për fazën e dytë të sezonit, ndërsa vazhdojnë përgatitjet në Antalia. Me skuadrën janë afruar disa lojtarë, ndërsa pritet miqësorja me turqit e Kasëmpashait.

Përpara punës duhej bërë një urim.
Ishte ditëlindja e presidentit Gazmend Demi dhe Partizani nuk mund të mos e festonte.
Pavarësisht nga distanca e madhe Antalia-Tiranë, urimi u bë siç duhet, madje edhe me një tortë.
Më pas puna, edhe në palestër, edhe në fushën e madhe në natyrë, në kompleksin e Turqisë së jugut.

Trajneri Starova me siguri duhet të jetë gëzuar që skuadrës nisën t’i afroheshin edhe përforcimet e para.
Me grupin u bashkua braziliani Lukas, një sulmues 23-vjeçar, por edhe mbrojtësi Egzon Belica, 27-vjeçari shqiptar nga Maqedonia që ka luajtur së fundmi në Finlandë.
Starova dhe ndihmësit e tij kanë edhe një tjetër futbollist në provë, senegalezin Ahmet Fal, dhe shpresojnë që afrikani t’i bindë në mënyrë që skuadra të ketë më shumë alternativa.
Partizani po punon prej tri ditësh në Antalia, ndërsa Starova ka deklaruar se e pret një punë e vështirë për shkak të ndryshimeve të mëdha të bëra në ekip në dhjetor dhe në janar.

Gjithsesi, trajneri mbetet optimist për kualifikimin në Europë dhe për fitimin e Kupës së Shqipërisë. Kryeqytetasit do të kenë ndërkaq, edhe miqësoren e parë, atë ndaj ekipit të Superligës së Turqisë, Kasëmpasha, pikërisht pasditen e kësaj të premteje./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono