gazmend bardhi

bardhii.jpg
G. P.15:52 | 29/11/2018

“Projekti 40 milionë euro i Unazës së Re është i paligjshëm dhe korruptiv dhe kërkon hetimin dhe dënimin e shumë zyrtarëve të lartë.” Deklarata erdhi nga foltorja e selisë blu, nga ku këshilltari ligjor i demokratëve Gazment Bardhi akuzoi kreun e bashkisë Tiranë Veliaj dhe atë të qeverisë Rama se kanë shkelur vendimin e firmosur nga vetë kabineti i këtij të fundit më 15 korrik 2015.

“VKM nr. 628 përcakton rregullat për projektimin dhe ndërtimin e rrugëve, ku më kryesori është studimi i fizibilitetit, ai që orienton qeverinë, nëse një projekt është i dobishëm dhe nëse kosto justifikon përfitimin”.

Është kjo VKM ajo që udhëzon rregullat teknike për projektimin e rrugëve që kërkon një studim paraprak të besueshmërisë, një vlerësim teknik, analizë kostosh dhe përfitimesh përpara proejktimit të idesë.

“Projekti 40 milionë euro është tenderuar: Pa studim fizibililiteti; Pa vlerësim të ndikimit në mjedis; Pa analizë kostoje dhe përfitimi; Pa vlerësim shpronësimësh. Për shkak të shkeljes së ligjit, sot, askush nuk e di sa kushton realisht projekti i Unazës së Re”.

Këto procedura janë kapërcyer qëllimisht sipas demokratëve, për të fryrë faturën e ndërtimit të 2.2 kilometrave rrugs në 40 milionë euro dhe për të shmangur shpronësimet. E kjo nuk është e vetmja paligjshmëri e gjetur që në fazën e ideimit të këtij projekti, thekson Bardhi.

“Nën presionin e protestave të qytetarëve dhe opozitës, qeveria ka pranuar se projektimi i veprës tek Unaza e Re është dhuratë, është sponsorizim nga një kompani private. Ky është një tjetër veprim i paligjshëm me projektin 40 milionë euro”.

Është ligji për sponsorizimet ai që rregullon mbështetjen me ndihma financiare dhe materiale për veprimtari specifike ku përfshihen ato humanitare, kulturore e artistike, sportive, edukative, arsimore, ekologjike, vepra letrare shkencore enciklopedike apo botuesve të shtypit, por jo asaj të ndërtimit të rrugëve.

“Por, përsa kohë, projektet tenderohen për të vjedhur, shkelja e ligjit është një normalitet për qeverinë e Edi Ramës. Siç paracaktoi në tenderin korruptiv kompanitë me të cilat do të ndajë 40 milionë eurot tek Unaza e Re, duke pranuar një dhuratë, një sponsorizim të paligjshëm, Edi Rama ka paracaktuar edhe supervizorin e punimeve, që pritet të jetë vetë kompania dhuruese e projektit të paligjshëm 40 milionë euro”.

Për këtë Partia Demokratike i drejton prokurorisë thirrjen për të dëgjuar protestuesit e për të marrë menjëherë në shqyrtim kallëzimin e tyre penal me qëllim vënien përpara përgjegjësisë zyrtarët e përfshirë në atë që demokratët etiketojnë si aferë gjigande korruptive./abcnews.al

LAJME-19-_-I-FTUAR.mpg_snapshot_24.54-1280x720.jpg
G. P.20:44 | 01/11/2018

I ftuar në Mbrëmje në ABC News me gazetaren Mirela Milori ishte eksperti ligjor pranë PD Gazmend Bardhi. Një diskutim mbi reagimin pas daljes publike të ish-ministrit të Brendshëm Tahiri dhe çështjet me të rëndësishme politike në vend.

“Ajo ç’ka i PD ka sqaruar sot opinionin publik është vendimi që paraqiti Tahiri për akuzën nga Prokuroria për trafik droge është një vendim që nuk ka lidhje për vendimet që po kryen në Shqipëri. Dalja e sotme e Tahirit është pjesë e strategjisë që ai ka zgjedhur për të parapregatitur opinionin publik për atë vendim të prokurorisë shqiptare.”

Bardhi dhe dhe mendimin e tij për faktin se sa e favorizon Tahirin dokumenti italian:

“Zero. Këtë gjë e di çdo jurist, këtë gjë e din edhe Saimir Tahiri, por thjesht e ka pjesë të strategjisë për të manipuluar opinionin publik. Ai e di që një hetim për veprimtarinë e tij kriminale në Itali nuk ka ndikim për veprimtarinë e tij kriminale në Shqipëri. E përsëris, Saimir Tahiri ka kryer veprimtari kriminale në Shqipëri.”

“Saimir Tahiri sot përdori gjuhë prej mafiozi ndaj çdo punonjësi drejtësie që nuk i është bindur deri më tani urdhërit të Edi Ramës për të ndërprerë hetimet për Saimir Tahirin. Saimir Tahiri është bashkëpunëtori i Edi Ramës dhe koordimini i veprimeve mes të dyve tregon që janë bashkë. Ka fakte për këtë. Saimir Tahiri ka qenë ministër i Brendshëm, siç di Edi Rama veprimtaritë e Saimir Tahirit, di dhe Saimir Tahiri me fakte dhe prova veprimtari kriminale të Edi Ramës dhe familjarëve të tij.”

“Ai i arrestuar duhet të jetë dhe pas kësaj deklarate duhet të arrestohet, për shkak se është i aftë dhe po tregon së është i gatshëm për të prishur prova, për të shantazhuar dëshmitarë, për të blerë dëshmitarë, për të shantazhuar prokurorë. ”

“Ka prova dhe fakte të plota që Saimir Tahiri do të duhej që sot të ishte në burg. Ai ka mbrojtjen e Edi Ramës dhe Prokuroria për sa kohë të jetë kryeministër Edi rama do të bëjë atë që thotë Edi Rama, sepse sot kryeprokuror në Shqipëri është Edi Rama. Ai vendos kush hetohet, si hetohet dhe kush janë rezultatet e hetimit.”

Gjithashtu ai tregoi se nëse Partia Demokratite do të ketë më denoncime të kësaj natyre apo jo:

“Unë besoj që po për sa kohë që fokusi jonë është në luftë pa kompromis ndaj lidhjeve midis qeverisë dhe krimit të organizuar. Jo si dëshirë e opozitës, por si nevojë e qytetarëve shqiptarë. Unë sot nuk jam në gjendje të them ndonjë rast konkret, por të jeni të sigurt që nëse Prkuroria do të kishte si busull orientuese zbatimin e ligjit, sot pa asnjë dyshim, të paktën 2 ministra të Edi Ramës do të ishin në burg dhe të paktën 6 deputetë të tijdo të ishin në burg. Prokuroria ka dosje, jo vetëm dosjen 339 në qendër të së cilës është zoti Dako, por ka dhe dosje të tjera me të njëjtën mënyrë siç ka vepruar Vangjush Dako kanë vepruar edhe ministra të Edi Ramës. Janë të dokumentuara lidhjet e tyre me krimin e organizuar dhe shkëmbimi i favoreve ku krimi i organizuar blen vota në emër të Edi Ramës dhe përfiton pushtet me anë të Edi Ramës në lidhje direkte me të paktën 2 ministra. Në atë dosje ka gjithçka për të provuar që Vngjush Dako është një politikan i lidhur me krimin dhe i korruptuar. Prokuroria ka dosje të plota të tjera ku faktohet lidhja e ministrave dhe deputetëve të Edi Ramës me krimin e organizuar dhe korrupsionin.”/abcnews.al

IMG_8674-1280x853.jpg
ent ela15:59 | 26/10/2018

Propagandë dhe tallje me shqiptarët e quajti këshilltari ligjor demokrat Gazmend Bardhi deklaratën e ministres Gjonaj, iniciativa e së cilës nuk është asgje e re sipas tij, pasi parashikohet tashmë nga ligji ne fuqi “për prokurimin publik”.

Deklarata e Gazmend Bardhit: 

Ministrja e Drejtësisë e di se ligji që ndalon personat e përfshirë në krimin e organizuar të mos përfitojnë tendera dhe koncesione është në fuqi prej vitit 2006.

Neni 45 i Ligjit për Prokurimin Publik përcakton se organet shtetërore duhet të përjashtojnë nga një procedurë prokurimi çdo person për të cilin ka të dhëna se ka qenë i dënuar me vendim gjyqësor të formës së prerë për pjesëmarrje në organizata kriminale.

Me ardhjen në pushtet të Edi Ramës ky ligj nuk u zbatua dhe tenderat, koncesionet, PPP-të ranë në duart e trafikantëve të drogës dhe personave të tjerë të përfshirë në krimin e organizuar.

  • Miku i Taulant Ballës, Edmond Bega, që ka përfituar 14 milionë euro nga punë publike, si dhe leje dhe licensa,
  • Klement Balili, në kërkim ndërkombëtar për trafik droge, ka përfituar 77 tendera, nga të cilat 30 pa garë.
  • Edison Sali, anëtar i bandës së Agron Xhafaj, ka përfituar 12 tendera gjatë qeverisë së Edi Ramës.

 

 

bardhii.png
G. P.15:02 | 11/10/2018

Paracaktimin e fatit të hetimeve të prokurorisë, për rastin e përgjimit të vëllait të ministrit të Brendshëm, Agron Xhafaj, nga kryeministri Rama dhe vetë Fatmir Xhafaj,demokratët dolën që ta denoncojnë me dokumenta. Për këtë i erdhi në ndihmë pikerisht Fredi Alizoti, personi që u pretendua të ketë imituar zërin e Agron Xhafës në audio-përgjim.

Demokratët dolën përsëri me dokumenta.

“Shqiptarët dëgjuan vetë sesi ‘aktori’ jo vetëm nuk ishte vetëofruar, por ishte gjetur, blerë e shantazhuar nga vetë Drejtori i Përgjithshëm i Policisë së Shtetit, që e kishte paketuar të gatshëm e të përpunuar, natën, në Prokurorinë e Krimeve të Rënda”.

Atë ç’ka Fredi Alizoti tha në përgjimin që iu bë, e vërtetojnë vetë dokumentat e këtij hetimi sipas Bardhit. Si në materialin video të përgjimit të Alizotit, ashtu edhe në procesverbalin e marrjes së dëshmisë nga prokuroria, data 1 qershor, ora 8 e darkës, si dhe prokurori që e administroi atë, përputhen plotësisht, theksojnë demokratët. E nuk mbaron këtu.

“Shqiptarët do shohin me dokumente zyrtare që hetimi nuk është bërë nga prokuroria, por nga vartësit e Fatmir Xhafës në Policinë e Shtetit. Prokurorët vetëm kanë noterizuar çfarë i është dërguar nga vartësit e Fatmir Xhafës”.

Kjo ka ndodhur me tre provat shkencore të administruara në hetim të cilat mund të provonin versionin “rozë” të Fredi Alizotit, sipas demokratëve, dhe ato janë qelizat dhe tabulatet telefonike si dhe akti i ekspertimit të zërit në audiopërgjim.

  • Verifikimi dhe analizimi i qelizave telefonike të shtetasve Albert Veliu, Agron Xhafaj dhe Fredi Alizoti, për të përcaktuar shkencërisht nëse në orën dhe datën e pretenduar kur është realizuar përgjimi, kanë qenë apo jo në të njëjtin vend, i është deleguar për hetim nga prokurori, pikërisht Fatmir Xhafës. Pra prokurorët i kanë kërkuar Fatmir Xhafës që të hetojë Agron Xhafën.
  • Edhe verifikimin dhe analizimin e tabulateve telefonike, për të përcaktuar shkencërisht komunikimet telefonike midis tyre, i është deleguar për hetim nga prokurori, pikërisht Fatmir Xhafës.
  • Marrjen e mostrave të zërit të Agron Xhafës, që janë përcaktuese për të përcaktuar shkencërisht nëse zëri në përgjim është apo jo i Agron Xhafës, i ka marrë vetë Fatmir Xhafaj.

Është kjo arsyeja përse laboratori privat britanik ka konstatuar se kampionët e zërit janë të dobwt duke mos përcaktuar dot përfundimisht nëse zëri është apo jo i Agron Xhafës, sipas demokratëve, e gjithsesi kjo nuk përjashtoi konlkuzionin se zëri i Agron Xhafës është i ngajshëm me atë në audio-përgjimin e Albert Veliut. Tani një pyetje të thjeshtë:

“Pse prokurorët nuk kanë guxuar të verifikojnë përgjimin e Fredi Alizotit, i cili në datë 27 Maj 2018, deklaron se ka marrë një ofertë nga pala tjetër”.

Kjo për të njëjtën arsye që Donika Prela, në krye të prokurorisë për Krime të Rënda, caktoi prokurorin Gentain Osmani në këtë çështje, pa short, si e kërkon rregulli.

Janë të gjitha këto të dhëna, përpos fakteve të njohura derimëtani ato që vërtetojnë se Fatmir Xhafaj ka hetuar të vëllain Agron Xhafaj, në një skenar të hartuar nga Edi Rama dhe të zbatuar nga strukturat shtetërore të një diktature mafioze e cila tashmë zyrtarisht ka nën kontroll edhe drejtësinë, perfundon selia blu./abcnews.al

IMG_3324-1280x853.jpg
ent ela13:00 | 29/08/2018

“Një bisedë mes dy miqsh, mes ish-pedagosut dhe ish-studentit…”

Këtë version që nënkryetari i Komisionit Qendror të Zgjedhjeve Denar Biba dha për bisedën me anëtarin e Gjykatës së Strasburgut bërë publike përmes një regjistrimi audio sipas Partisë Demokratike e hedh poshtë vetë Ledi Bianku.

Këshilltari për Çështjet Ligjore në selinë blu, Gazmend Bardhi, i referohet medias që publikoi audio resgjistrimin, e cila thotë se gjyqtari Bianku e ka raportuar atë tek eprorët e tij në Gjykatën e Strasburgut si shantazh.

Gjyqtari shqiptar në Strasburg ka konfirmuar se në përputhje me detyrimet e tij etike dhe ligjore, pas takimit me Denar Bibën, ka informuar Kryetarin e atëhershëm të Gjykatës së Strasburgut, duke e cilësuar mesazhin e të dërguarit të qeverisë si ndikim të papërshtatshëm. Mjafton ky pohim për të kuptuar përpjekjen qesharake të sekserit të Edi Ramës dhe Engjëll Agaçit për t’u thonë shqiptarëve se nuk është ashtu siç duket, se shantazhi nuk është shantazh, por miqësi e vjetër. Çfarëdo të bëjë Edi Rama me Engjëll Agaçin, është fakt i pandryshueshëm se të ashtuquajturën “bisedë miqësore” të Denar Bibës, gjyqtari shqiptar në Strasburg e raportoi pranë Kryetarit të Gjykatës së Strasburgut si ndërhyrje të paligjshme në punën e tij. Një ndërhyrje e tillë synonte ndihmë për qeverinë kundër interesave të pronarëve shqiptarë”, deklaroi Bardhi.

Mungesën e një reagimi për audioregjistrimin e publikuar në media të martën nga ana e kryeministrit Edi Rama, Bardhi e cilëson një tjetër provë se biseda ishte një shantazh.

“Heshtja e Edi Ramës ndaj këtij akti kriminal është pohim i asaj që beson sot shumica e shqiptarëve se ai është urdhëruesi i aktit mafioz për shantazhimin e gjyqtarit në Strasburg dhe se kërcënimi, kapja politike, blerja e korruptimi është modeli i drejtësisë së re që po instalon Edi Rama. Audio regjistrimi është prova më diskredituese për Edi Ramën se, pasi u hoqi shqiptarëve të drejtën për t’u ankuar me nxjerrjen jashtë funksionit të Gjykatës Kushtetuese dhe Gjykatës së Lartë, me mënyra mafioze, po u heq të drejtën pronarëve për t’u gjykuar nga Gjykata Europiane e të Drejtave të Njeriut dhe për të rifituar pronën e grabitur nga qeveria”, theksoi Bardhi.

Ndërkohë pas publikimit të audiopërgjimit, Prokuroria e Tiranës po kryen verifikimet për rastin. Burimet i thane ABC News se pas qartësimit të situatës do të vlerësohet nëse ka vend për nisje të procedimit penal./abcnews.al

BARDHI-PER-BEGON-1280x720.jpg
ent ela13:10 | 24/08/2018

Këshilltari ligjor i Partisë Demokratike Gazment Bardhi nga selia blu i ka drejtuar thirrje Policisë dhe Prokurorisë që të bëjnë punën e tyre, me rastin e ish-të denuarit për drejtim të organizatës kriminale Edmond Bego, i cili në shkelje të ligjit për prokurimin publik ka përfituar 14 milionë euro nga paratë publike të shqiptarëve.

Rreth 14 milionë euro nga paratë e shqiptarëve kanë shkuar në xhepat e Edmond Begos përmes tenderave të dhënë për punë në qarkun e Elbasanit dhe kjo është e mjaftueshme sipas Partisë Demokratike, që prokuroria të nisë kryesisht hetimin për të provuar nëse numri 2 i socialistëve, përfaqësues i zonës, ka qenë arsyeja e shumëfishimit të pasurisë së ish të dënuarit për trafik narkotikësh dhe drejtim të organizatës kriminale.

“Shqiptarët duhet të mësojnë sot se përfitimi i miliona eurove nga miku i dënuar për trafik droge i Taulant Ballës është bërë në kundërshtim të hapur me ligjin për prokurimin publik”.

Ky i fundit në nenin 45 të tij parashikon se autoriteti kontraktor duhet të përjashtojë nga pjesmarrja çdo kandidat kur ka të dhëna se është apo ka qënë i dënuar me vendim gjykate të formës së prerë për pjesmarrje në organizatë kriminale.

Ky është vendimi i Gjykatës së Lartë i shtatorit 2010 që dënon për organizim dhe drejtim të organizatës kriminale Edmond Begon.

“Ky ligj është në fuqi në Shqipëri që nga viti 2006, por nuk zbatohet për mikun e Taulant Ballës, që përfiton miliona euro nga Buxheti i Shtetit, në kundërshtim me ligjin”.

Ndaj përgjigjes që kreu i grupit paralmentar socialist dha për akuzat në fjalë, duke deklaruar se ligji është i barabartë për të gjithë, gazment bardhi i përgjigjet me pyetje.

“Si qenka ligji i njëjtë për këdo, kur ai nuk zbatohet për mikun e tij?

Kush i ka detyruar dhe ka ndërmjetësuar me organet shtetërore që t’i japin mikut të Taulant Ballës tendera dhe miliona euro nga paratë e shqiptarëve, në kundërshtim të hapur me ligjin?”

Heshtja e Taulant Ballës vërteton atë që të gjithë e kuptojnë sipas demokratëve, se është pikërisht ai personi i pushtetshëm që ka mundësuar që ish-anëtari i bandës së Lushnjes Edmond Bego të përfitojë miliona euro para të taksave të shqiptarëve, në kundërshtim të hapur me ligjin. Për këtë i drejton edhe prokurorisë dhe policisë thirrjen për t’u kthyer në krye të detyrës dhe të bëjnë punën e tyre. /abcnews.al

 

 

IMG_9600-1280x853.jpg
ent ela13:48 | 14/07/2018

Demokratët kanë vijuar edhe sot denoncimet për çështjen e teatrit kombëtar. Këshilltari ligjor I PD ka renditur ato që i quan lëvizje ndër vite të Edi Ramës për të tjetërsuar pronën publike.

Denoncimin mbi atë që quan qëllim final të projektligjit të miratuar që i hap rrugë shembjes dhe ndërtimit të Teatrit të ri Kombëtar në qendrën historike të Tiranës, selia blu e vijon me dokumenta qeveritare.

“ Dokumentat provojnë se qëllimi i Edi Ramës dhe Erion Veliajt nuk është ndërtimi i Teatrit të ri Kombëtar, por falja e pronës publike kompanisë Fusha sh.p.k., me synimin e vetëm të përfitimit korruptiv të rreth 205 milionë eurove”.

12 prill 2017 është data që mban Vendimi i Këshillit të Ministrave i firmosur nga, asokohe, zv.kryeministri Niko Peleshi që shpall qendrën Historike të qytetit sipas kësaj harte.

Pamja në ekran provon sesi Edi Rama ndryshoi një vit më parë,hapësirën e Zonës Historike të Tiranës, duke hequr prej saj zonën e Teatrit Kombëtar. Vendimi për zvogëlimin Qendrës Historike është marrë pa patur asnjë argument ligjor,  teknik apo historik”.

Zona e mbrojtur sipas VKM-së së Rilindjes mavi, mbivendosi atë rozë të shpallur nga socialistët në vitin 2000 kur kryeministër Ilir Meta firmosi shpalljen si “Ansambël Monument Kulture” të aksit kryesor dhe qendrës historike të qytetit të Tiranës, në zonën e shënjuar me të kuqe, thekson Gazment Bardhi.

“Ky ansambël monument kulture kishte një shtrirje të gjerë dhe korrespondonte me përfshirjen në të, të të gjitha ndërtesave me vlerë historike në qytetin e Tiranës, të cilat duhet t’i nënshtroheshin ruajtjes dhe restaurimit të tyre.Ansambli Monument Kulture përfshinte edhe Teatrin Kombëtar dhe zonën përreth tij derisa kryeministër u bë Edi Rama dhe Kryetar Bashkie Erion Veliaj”.

Për këtë apelin ia përsërit Presidentit të Republikës Ilir Meta, për kthim të ligjit për teatrin, antikushtetues sipas partisë Demokratike.

 

GAZMEND-BARDHI-1280x720.jpg
ent ela23:30 | 14/05/2018

Këshilltari juridik në Partinë Demokratike Gazmend Bardhi ka folur në studion e ABC News për denoncimet e selisë blu në lidhje me vëllain e ministrit të Brendshëm Agron Xhafaj. Sipas tij është verifikuar gjithçka si për bashkëpunetorin X ashtu edhe për personin që quhet Ermal në përgjim, ndërsa garanton vërtetësia e përmbajtjes së materialit të përgjuar. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono