gazetare

Screenshot_2.png
R D17:34 | 02/12/2019

Kryeministri Edi Rama ka sulmuar sërish mediat dhe gazetarët pasditen e sotme. Teksa dilte nga takimi me ndërtuesit, Rama iu rikthye historisë së Durrësit, ku një djalë i ri i ishte ankuar se i vdiq babai për shkak se e transportuan nga Durrësi në Berat. “Ikëm nga frika se na thanë se do shembet spitali”, iu ankua banori i Durrësit. Duke marrë shkas nga ky rast, Rama iu drejtua gazetarëve me fjalët: Së pari kujdes me raportimet…për fajin tuaj atij djalit i vdiq babait. Se ju keni thënë po bie spitali i Durrësit”.

Lexo edhe:

Banori i Durrësit mes lotësh: Më vdiq babai, s’më japin kartelën e vdekjes

 

 

fatos-hakorjaa.jpg
ad min22:02 | 08/10/2019

Jo vetëm Rama, por të gjitha institucionet kanë një tendencë që të mos e shohin median si bashkëpunëtore. Kështu tha këtë të martë, kryeredaktori i TV Klan, Fatos Hakorja, nga emisionin “Provokacija”.

Përgjatë gjithë karrierës së tij, Hakorja ka vërejtur se puna e Ramës është vështirësuar me gazetarët. Megjithatë në disa raste, mediat i japin hapësirë kryeministrit që të vendoset në sulm.

“Është vështirësuar puna e Ramës me gazetarët. Ka një tendencë të të gjitha institucioneve nisur edhe nga Kryeministri për ta parë median jo si bashkëpunëtore e këtij sistemi ku jetojmë. Përveç si kazan e kanë klasifikuar si të paaftë. Mbase edhe kryeministri ka të drejtë që shpeshherë disa media, ose më saktë disa portale, botojnë informacione të pavërtetuara. Pra ngatërrojnë informacionin me opinionin dhe një opinion botohet si informacion.

Ne mund ta kemi bindjen që qeveria është e korruptuar, por për të publikuar një material të tillë duhet që ta vërtetojnë. Unë nuk e përqafoj këtë qasje të kryeministrit ndaj medias edhe kur media gabon, por edhe këto media i japin zë kryeministrit për të na vënë shpeshherë në sulm”, tha Hakorja, gjatë një bisede që pati me Mustafa Nanon për problematikat e medias në ditët e sotme./abcnews.al

JOHNSON-NGACMIMET.mpg_snapshot_00.01-1280x720.jpg
ent ela11:36 | 01/10/2019

Kryeministri i Britanisë së Madhe Boris Xhonson tashmë po përballet dhe me akuzat për ngacmim seksual. Një gazetare britanike ka akuzuar ish kryebashkiakun e Londrës për një episod të ndodhur 20 vjet më parë.

Një periudhë jo e mirë për kryeministrin britanik Boris Xhonson. Këtë herë jo për Brexit, por për jetën private. Gazetarja Sharlot Eduards ka akuzuar ish kryebashkiakun e Londrës se e ka ngacmuar seksualisht gjatë një dreke private, 20 vjet më parë

Kryeministri Xhonson ka mohuar çdo gjë sipas një raportimi të britanikes San. Një zëdhënës I Dauning Strit mohoi akuzat duke i cilësuar si false. Por Eduards u shpreh para gazetarëve se nëse XHonson nuk mban mend gjë, do të thotë se ajo ka një kujtesë shumë më të mirë. Në një editorial për Sandej Tajms, gazetarja rrëfeu se episodi i papëlqyeshëm ka ndodhur në zyrat londineze të revistës “The Spectator”, në vitin 1999, pak pasi Xhonson ishte bërë drejtor. Ajo tregoi se ishte ulur në të djathtën e tij dhe se ai kishte pirë shumë verë. Pak më pas Xhonson kishte prekur këmbën e saj poshtë tavolinës. Gazetarja shton se pasi kishte rrëfyer këtë episode një tjetër personi të ulur në tryezë me ta, ajo i kishte thënë se i kishte ndodhur e njëjta gjë.

Ministri i laburistëve për të drejta të barabarta Daun Batler u shpreh se ky lajm ishte shokues por jo një surprizë. Në ndihmë të kryeministrit ka dalë Sajid Xhavid i cili u shpreh se ka shumë besim tek Xhonson dhe se akuzat janë false, ndërsa ministri i Shëndetësisë Met Henkok tha se sipaas tij gazetarja Eduards është një person i besueshëm.  /ABC News Albania 24/7

bullgari.jpg
ad min09:47 | 14/09/2019

Dhjetëra gazetarë të Radios Kombëtare Bullgare (BNR) që drejtohet nga shteti, organizuan një protestë të premten në mbështetje të lirisë së medias pasi një kolege e tyre, e cila njihet për mbulimin që i ka bërë korrupsionit në sistemit gjyqësor, u pezullua nga detyra për një kohë të shkurtër.

Çështja shkaktoi kritika nga grupet që mbrojnë të drejtat e njeriut dhe dega bullgare e Shoqatës së Gazetarëve Evropianë, e cila foli për një “grusht shteti kundër profesionalizmit në gazetari” në një vend me renditjen më të ulët në Evropë për sa i takon lirisë së shtypit.

Drejtori i ri i informacionit të BNR-së Nikolay Krastev, pezulloi të enjten Silvia Velikova-n, spikere dhe gazetare e njohur e radios, duke thënë se ajo kishte shkelur kontratën duke nxitur dëgjuesit gjatë transmetimit të drejpërdrejtë për t’iu bashkuar një protestë që lidhej me emërimin e kryeprokurorit të ardhshëm të Bullgarisë.

Shumë gazetarë e panë masën si të motivuar politikisht. Përballë një reagimi të fortë zoti Krastev dha dorëheqjen ndërsa gazetarja Velikova u rikthye në detyrë.

Kjo çështje e ka bërë edhe më të qartë zhgënjimin e shumë bullgarëve me atë që ata e shohin si një elitë politike të korruptuar dhe një gjyqësor joefektiv, të kritikuar shpesh nga Komisioni Evropian.

Këtë vit Bullgaria u renditet në vendin e 111-të nga 180 vende në Indeksin për Lirinë Botërore të organizatës Reporterë pa Kufij, më poshtë se edhe disa vende të Ballkanit Perëndimor që nuk janë anëtare të BE-së.

Në tetor 2017-s qindra gazetarë protestuan në Sofje ndaj kërcënimeve që zëvendës kryeministri Valeri Simeonov u bënte disa prej transmetuesve më të mëdhenj mediak në vend. Ai i akuzonte ata se po zhvillonin një “fushatë masive për njollosjen e tij”./VOA

apeli.jpeg
ad min12:50 | 13/09/2019

Një gjykatë apeli në Stamboll vendosi mbrëmjen e së enjtes për lirimin e 5 ish-gazetarëve të së përditshmes turke të opozitës laike “Kumhuriet”. Ata ishin dënuar në shkallë të parë për terrorizëm.

Mes tyre ishte dhe karikaturisti i njohur Musa Kart. Lajmi për lirimin e tyre është publikuar nga mediat vendase. Sipas avokatit të gazetarëve, lirimi i tyre do të bëhet orët e ardhshme./ABC News Albania 24/7

META-1-1280x853.jpg
ad min13:10 | 15/08/2019

Qeveria dhe parlamenti nuk duhet të neglizhojnë shqetësimet e shprehura nga komunitetit i gazetarëve dhe OSBE ndaj paketës ligjore anti-shpifje të ndërmarrë nga shumica qeverisëse. Është ky sugjerimi i presidentit Ilir Meta bërë publik nëpërmjet një statusi në rrjetet sociale.

Pas pushimeve presidenti Ilir Meta përqendrohet në nismën ligjore “anti-shpifje” të propozuar nga qeveria. Ai thekson domosdoshmërinë e marrjes në shqyrtim nga ana e qeverisë, por edhe e Parlamentit, e të gjitha sugjerimeve të shprehura nga komuniteti i gazetarëve, me kujdesin dhe vëmendjen e duhur që ato meritojnë.

“Shpreh bindjen se angazhimi i institucioneve dhe i shoqërisë në përkrahje të lirisë së të shprehurit është tregues për demokracinë, qeverisjen e mirë dhe përgjegjësinë publike në vend”.

Në qëndrimin e tij të shpërndarë në rrjetet sociale kreu i shtetit rendit të dhënat e raporteve mbi median në Shqipëri të cilat tregojnë se ka zbritur me 7 vende në Indeksin Botëror të Lirisë së Medias, përfundimet e raportit vjetor të “Freedom House” thonë se media në Shqipëri është pjesërisht e lirë; konkluzionet e “Misionit për lirinë e medias” të shtatë organizatave globale tregojnë “autoritetet shqiptare nuk po përmbushin detyrimet ndaj ligjit vendas dhe instrumenteve ndërkombëtare për të garantuar lirinë e shprehjes dhe të medias, duke theksuar se ka pasur një përkeqësim të sigurisë, kushteve të punës dhe aksesit në informacion të gazetarëve”;

“Raporti paraprak i OSBE/ODIHR ku theksohej se “media të mëdha u shërbejnë si platforma lobuese pronarëve të tyre, duke vënë kështu në pikëpyetje pavarësinë e tyre editoriale dhe duke imponuar autocensurën janë kambana të forta alarmi për gjendjen e përkeqësuar dhe tepër shqetësuese në të cilën ndodhen sot gazetarët në Shqipëri”, thotë presidenti.

Duke garantuar komunitetin e gazetarëve se do të jetë në krah të tyre, presidenti Meta thekson se pa media të lirë dhe të pavarur, rruga e Shqipërisë drejt Bashkimit Europian është e pamundur./ABC News Albania 24/7

erisa-zykaj.jpg
ad min21:32 | 29/05/2019

Progres raporti është tema kryesore e ditës në Shqipëri. Gjatë një lidhjeje të drejtpërdrejtë nga Brukseli për emisionin “Byro Politike”, gazetarja e ABC Neës Erisa Zykaj ka deklaruar se karta fituese në të cilën bien dakord dhe Komisioni Europian dhe shtetet anëtare është reforma në drejtësi.

Megjithatë sipas burimeve të gazetares, Holanda ka përsëritur të njëjtat qëndrime në lidhje me luftën kundër krimit dhe korrupsionit, dy çështjte ku shtett anëtare ndahen me Komisionin Evropian.

Madje sipas Zykajt, duke pasur parasysh miratimin e rezolutës së Holandës për heqjen e vizave me vendin tonë, sot  duhet të gëzohemi që nuk na janë rivendosur sërish vizat.

Erisa Zykaj: Ju përdorët një togfjalësh shumë interesant. Ju thatë “karta fituese është Reforma në Drejtësi”. Ajo është karta fituese. Këtu bashkohet Komisioni evropian dhe shtetet anëtare pavarësisht se thonë që e mirëkuptojmë KE se është një reformë kaq ambicioze sa do shumë kohë që të vihet në zbatim megjithatë arkitektura e re nuk është aty, ku dyzohet KE dhe shtetet anëtare ka të bëjë me luftën kundër krimit dhe korrupsionit. Unë dhe burimet të sotme që kam pasur me Holandën, me Francën dhe me Gjermaninë më kanë përsëritur të njëjtat gjëra. Qëndrimi i Holandës është që kanë aprovuar një rezolutë ku e kanë përcaktuar që krimi i organizuar nga elementi shqiptar në Holandë përbënte destabilitet për vendin dhe u aprovua ajo rezolutë.

Për çfarë duhet të gëzojmë ne sot se po dëgjoja panelin që duhet të gëzojmë? Ne duhet të gëzohemi se nuk na kanë rivendosur vizat. Po, për këtë mund të gëzohemi. E dyta misioni faktmbledhës që vjen nga disa deputetë që mu konfirmua nga Holanda është se vlerësimi i luftës kundër korrupsionit është zhgënjyes. Këtu kemi dhe shtete të tjera anëtare si Franca që kanë të njëjtin qëndrim. Franca ka ende problem numrin e lartë të azilkërkuesve dhe ka ende problem imazhin negativ që përçon Shqipëria lidhur me të gjithë mbulimin që i është bërë për shkak të aludimeve të lidhjeve të pushtetit me krimin e organizuar për rastet e mëdha të korrupsionit. Nga Gjermania ajo që mund t’i shtoj debatit aty është se Ministri i Shtetit e ka shumë të lehtë që të vijë pasi është shprehur Franca dhe Holanda që kanë dalë publikisht që ne nuk jemi pro hapjes së negociatave me Shqipërinë. Ai e ka shumë të lehtë që të thotë që për ne Shqipëria është gati. Duhet vetëm një shtet ta bllokojë. Ato janë argumentet që japin shtetet anëtare.

Ralf Gjoni: A ka problem Holanda me ndonjë shtet tjetër apo vetëm me shqiptarët e ka?

Erisa Zykaj: Nuk e ka me Maqedoninë e Veriut. Nuk ka ndodhur asnjëherë që një shtet anëtar të aprovojë një rezolutë për të rikthyer vizat. Ky është fakt.

Ralf Gjoni: Po kalojmë dhe ne një rezolutë ta dënojmë rezolutën e Holandës./abcnews.al

Ariane-Chemin-933x445.jpg
ad min10:50 | 24/05/2019

Polemika të shumta ka ngjallur në Francë marrja në pyetje e 6 gazetarëve dhe thirrja për llogari e 2 të tjerëve nga Shërbimi i Sigurisë së Brendshme, DGSI, për aktivitetin e tyre profesional.

Në mesin e të pyeturve është edhe reporterja e “Le Monde”, Ariane Chemin, e cila u thirr lidhur me publikimin e identitetit të një oficeri sigurie në një artikull.

Këto praktika janë cilësuar si intimidim i gazetarëve dhe cënim i lirisë së shtypit. Reporterët e marrë në pyetje thanë se u është bërë presion për të treguar burimet e informacionit.

Por këto akuza i hodhi poshtë zëdhënësja e qeverisë, Sibet Ndiaj, e cila tha se edhe gazetarët janë persona që duhet të përgjigjen përpara ligjit.

“Është normale që një shtet të mbrojë disa të dhëna që janë të nevojshme në fushën e sigurisë së jashtme dhe të aktivitetit ushtarak. Ka pasur një informacion të klasifikuar sekret që ka dalë në publik. Kjo nuk është normale. Qeveria apo shteti francez të pyesë për rrjedhjet e informacionit të brendshëm”.

Një tjetër çështje për të cilin gazetarët duhet të japin llogari është publikimi i skandalit të përdorimit të armëve franceze në luftën mes Arabisë Saudite dhe Jemenit.

Tv Klan

komersant.jpg
ad min09:22 | 23/05/2019

Një artikull në vështrim të parë jospektakular po preokupon Moskën politike. Gazeta e biznesit Kommersant njoftoi më 17 prill se Kryetarja e Këshillit të Federatës, dhomës së dytë të parlamentit të Rusisë, Valentina Matvijenko, mund të heqë së shpejti dorë nga posti i saj. Artikulli citon burime nga aparati shtetëror.

Sipas artikullit Matvijenko do të marrë përsipër drejtimin e fondit të pensioneve shtetërore. Hollësitë do të diskutohen në maj, gjatë një bisede midis saj dhe Presidentit Putin. Në artikull gjithashtu përmendet një pasues i mundshëm për Kryetaren e Këshillit të Federatës: Sergej Naryshkin, aktualisht shef i Zbulimit për Botën e Jashtme. Të dy, si Matvijenko, ashtu dhe Naryshkin bëjnë pjesë në pasuesit më të afërt të Presidentit.

Ndërkohë, Kommersanti u ka kërkuar autorëve të këtij artikulli, Ivan Safronov dhe Maxim Ivanov, që të paraqesin kërkesën për largim nga puna. Me sa duket dikush nga shtëpia botuese kishte kërkuar të mësonte më shumë rreth burimeve të artikullit. Autorët iu referuan mbrojtjes së zakonshme të burimit në gazetari – hap pas të cilit atyre iu kërkua të largohen nga Kommersant-i. Kryeredaktori Vladimir Borisoviç Zelonkin shprehu në bisedë me DW dyshime për ekzistencën e burimeve të ish-autorëve të tij. “Unë nuk doja të kisha vetë burimet, por doja të sigurohem se ato ekzistojnë. Për këtë kam dyshime”, i tha ai DW.

Një valë solidariteti

Të hënën në mbrëmje, 13 redaktorë shprehën solidaritetin e tyre me Ivan Safronovin dhe Maksim Ivanovin dhe e braktisën gjithashtu gazetën. Ata punonin si Safronovi dhe Ivanovi në sektorin e politikës së brendshme të Kommersant-it. Botuesi reagoi shpejt: redaktorët tani nuk mund të kthehen më në kompjuterët e tyre, lejehyrjet e tyre në institucion janë të pavlefshme. Me sa duket, drejtuesit e shtëpisë botuese ndjekin një vijë të ashpër.

Largimi nuk do të ketë efekt në punën e gazetës, beson kryeredaktori Vladimir Borisoviç Zhelonkin. Ai gjithashtu mohon se pronari i shtëpisë mediale Kommersant, oligarku i afërt me Kremlinin, Alisher Usmanov, të ketë bërë presion. “Ai nuk më ka pyetur kurrë se kush qëndron pas artikullit”, tha kryeredaktori.

Redaktorët e shkarkuar e shohin këtë ndryshe. Ata shkruajnë në mediat sociale se pas shkarkimit të Safronovit dhe Ivanovit qëndron vetë pronari. Redaktorë që ende punojnë në Kommersant, por nuk duan të përmenden me emër, gjithashtu e supozojnë këtë.

Ivanovi dhe Safronovi punonin prej shumë vitesh për gazetën e biznesit dhe konsideroheshin të besueshëm. Zëdhënësi i Kremlinit, Dimitri Peskov tha në një deklaratë për çështjen e Kommersantit: “Ivan Safronovi është njëri nga gazetarët më të talentuar dhe profesionistë që njohim.” I shqetësuar është edhe Mikhail Fedotov, kryetar i Këshillit për të Drejtat e Njeriut te Presidenti. Ai i kërkon shtëpisë botuese të Kommersantit që të mos ndërhyjë në çështjet redaksionale.

Jo më raportime politike në Kommersant?

Kryeredaktori Vladimir Zhelonkin pretendon për DW se redaktorët nuk kishin respektuar standardet gazetareske. Punonjësit e Kommersant-it e kundërshtojnë: “Nuk ka shkelje të standardeve, por presion ndaj gazetarëve”, thuhet në një deklaratë të nënshkruar nga më shumë se 200 gazetarë. Ata të gjithë punojnë për Media Holding, ku botohet edhe Kommersanti. Ata i informojnë lexuesit se deri në një vendim të dytë Kommersanti nuk mund të raportojë më për politikën ruse.

Një nga mediat më të mira ruse u shkatërrua, thonë ata. Meqenëse mungojnë informacionet e sigurta, në Moskë spekulohet se pse artikulli për ndryshimin e mundshëm në Këshillin e Federatës tërheq kaq shumë vëmendjen. Me sa duket, politikanët e përmendur, presidentja e Këshillit të Federatës Matvijenko dhe kreu i Zbulimit për botën e jashtme, Naryshkin, frikësohen se artikulli mund të rrezikojë karrierën e tyre të mëtejshme politike. Kjo është ndoshta arsyeja pse ata ushtruan presion mbi shtëpinë botuese./DW

komerssant-1280x720.jpg
ad min13:29 | 21/05/2019

11 gazetarë përfshirë dhe kryeredaktorin e redaksisë politike të së përditshmes ruse “Kommersant” kanë dhënë dorëheqjen në shenjë proteste. Pronari i të përditshmes, një oligark pranë presidentit Putin, kishte pushuar nga puna dy kolegë të tyre për një artikull kritik të shkruar për kryetaren e Senatit rus.

Në Moskë, pothuajse e gjithë redaksia politike e të përditshmes “Kommersant”, 11 gazetarë, përfshirë dhe kryeredaktorin, ka dhënë dorëheqjen. Arsyeja e gjestit të protestës ishte pushimi nga puna i kolegëve të tyre, korrespondentit Ivan Safronov dhe kolegut të tij Maxim Ivanov, për shkak të një artikulli kritik ndaj Valentina Matvienko, kryetares së Senatit rus.

Artikulli supozonte pezullimin e saj nga detyra. Pronari i “Kommersant”, Alisher Usmanov, oligark pranë presidentit rus Vladimir Putin, vendosi pushimin nga puna të dy gazetarëve dhe kolegët e tyre dhanë dorëheqjen në shenjë proteste kundër pronarit dhe duke u solidarizuar me dy gazetarët e pushuar nga puna./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono