gatuzo

GATUSO-PER-MILANIN.mpg_snapshot_00.01-1280x720.jpg
ent ela21:57 | 27/04/2019

Trajneri i skuadrës së Milanit, Genaro Gatuso kërkon reagim të menjëhershëm nga lojtarët në ndeshjen ndaj Torinos. Kuqezinjtë janë në krizë rezultatesh dhe objektivi Champions është në pikëpyetje.

Bajern pret Nurenbergun të djelën, por ka marrë një dorë të fortë ndihme nga Shalke që mposht kandidatët potencialë për titull Borussia Dortmund me rezultatin 4-2 në përballjen që ndryshe quhet edhe si derbi i Ruhr-it.

Gjashtë gola dhe dy kartona të kuq në “Iduna Park” dhe kështu tashmë diferenca mund të shkojë në -4, nëse Bajern fiton të djelën. Nga ana e saj, Schalke nuk luante për asgjë, por ky është derbi më i madh i Gjermanisë dhe pritej të kishte emocione dhe episode të papritura, dhe fitorja vlen për prestigj. Dhe kështu ndodhi.

Vendasit e nisën shumë mirë ndeshjen duke kaluar në avantazh me golin e Mario Gotze në minutën e 14’.  Megjithatë miqtë përmbysin gjithçka brenda dhjetë minutave me Caliguri dhe Sane.

Në fraksionin e dytë të lojës, rriten tonet dhe nervat e ndeshjes. Kapiteni Marco Reus ka dalë me karton të kuq pas një faulli brutal duke lënë skuadrën e tij me 10 lojtarë.

Dy minuta më vonë erdhi goli i tretë i Schalke i shënuar nga Caliguri. Lojtarët e Dortmund humbin toruan dhe Ëolf shkakton një ndërhyje të ngjashme të asaj të Reus duke marrë edhe ai kartonin e kuq.

Dortmund me nëntë lojtarë vazhdoi të sulmonte dhe shënoi golin e dytë me ëitsel në minutën e 85’, por vetëm një minutë më pas Embolo ka vulosur fitoren për blutë.

Dortmund përpara ndeshjes ishte një pikë më pak se bavarezët në krye, dhe me këtë disfatë të rëndë ata tani rrezikojnë të shkojnë -4 nga kampionët në fuqi. /abcnews.al

MILAN-BARAZON-ME-LAZZION.mpg_snapshot_00.01-1280x641.jpg
ent ela17:45 | 27/02/2019

Nuk ka shkuar me shumë se një barazim pa gola ndeshjes e parë e gjysmëfinales së Kupës së Italisë mes Milanit dhe Lacios. Trajneri Gatuzo u shpreh i zhgenjyer pas këtij barazimi.

Akti i pari i gjysmëfinales së kupës së Italisë mes Lacios dhe Milan e luajtur në stadio Olimpico përfundoi me rrjete të paprekura. Një sfidë nga e cila Milani zhvilloi një paraqitje krejtësisht ndryshe nga ndeshjet e kampionatit. Një Milan pa ide dhe fantazi në fazën sulmuese. Lojtari i momentit në shtëpinë kuq e zi, Piatek nuk shfaqi në asnjë moment rrezik në portën e Strakoshes kjo për faktin se nuk u shërbye nga shokëet e skuadrës. Nga ana tjetër u pa një Lacio i uritur për fitore, por fati nuk ishte me lacialët. Të besuarit e trajnerit Inzagi dominuan lojën dhe krijuan shumë raste të pastra shënimi, por pa rezultat. Finalistja e Kupës së Italisë për sezonin 2018-19 do të caktohet në ndeshjen e kthimit që do të luhet në San Siro. Lazio është disi më e avantazhuar dhe presioni në këtë rast bie tek Milani. Pas takimit, trajneri i kuqezinjve Genaro Gatuso u shpreh i zhgënjyer nga dueli dhe tha se skuadra luajti ndryshe nga ndeshjet e kampionatit.

Kemi bërë një hap pas në krahasim me ndeshjet e fundit që kemi luajtur në kampionat dhe gjithçka do të vendoset në ndeshjen e ardhshme. Lacio ishte shumë mirë fizikisht dhe u përqendrua në fazën sulmuese. Dua të përgëzoj mbrojtjen, pasi nuk lejoi të shënohej asnjë gol nga ana e kundërshtarit. Kemi bërë mjaft gabime në 16 metrat të fundit dhe shërbimet nga Piatek kanë qenë shumë të pakta. Bakajoko u markua mjaft mirë nga Korrea duke bërë që plani jonë të dështonte për të deportuar në qender, tha trajneri i milanit Genaro Gatuso. Ndërkohë që trajneri i Lacios, Inzaghi tha se fati nuk ishte me skuadrën e tij pasi e tentuan golin në çdo lloj mënyre, por pa rezultat. /abcnews.al

MILANI-FITORJ-GATUZO.mpg_snapshot_01.14-1280x720.jpg
ent ela22:16 | 23/02/2019

Trajneri i Milanit, Xhenaro Gatuzo, nuk është plotësisht i kënaqur me skuadrën e tij, pavarësisht fitores së thellë në Serinë A. Ai pati kritika për lojën e lojtarëve në pjesën e parë.

Pak ditë më parë, erdhën për ta takuar disa legjenda.

Trajneri i Milanit, Xhenaro Gatuzo, pati vizita në Milanelo nga yjet e së kaluarës si Pirlo, Odo dhe Ambrozini, të cilët u mblodhën bashkë me Paolo Maldinin dhe Leonardon.

E kaluara e Milanit dëshironte të falenderonte Gatuzon për të tashmen, duke pasur shpresë për të ardhmen.

Trajneri dhe skuadra e tij I dhanë një tjetër konfirmim me suksesin 3-0 ndaj Empolit në “San Siro”, një provë e re se gjithçka po shkon në rrugën e duhur.

Fitorja e ngjit skuadrën lombarde në 45 pikë pas 25 ndeshjeve të luajtura në Serinë A, duke mbajtur ritmin e rivalëve kryesorë për zonën Champions, dhe vetëm 1 pikë larg Interit, edhe pse zikaltërit ende nuk e kanë luajtur ndeshjen e kësaj jave.

Kristof Piontek nuk u ndal, por shënoi përsëri, madje ishte polaku që zhbllokoi rezultatin.

Gatuzo bëri vlerësimin, por pati edhe kritika.

“Nëse kemi shënuar 9 gola në 3 ndeshjet e fundit, është meritë e Piontekut, por edhe e shokëve që i krijojnë mundësinë që të shënojë, – janë fjalët e trajnerit, – Pjesa e parë më shqetësoi, nuk e nisëm aspak siç duhet, por rritja vjen edhe nëpërmjet paraqitjeve të tilla. Pas pushimit vrapuam më shumë pa top”.

Gatuzo pranon se ka lojtarë që janë të palumtur për minutazhin e paktë, por e quan diçka normale.

“Nëse një lojtar mbetet në stol dhe ndihet i lumtur, atëherë është problem, – u shpreh ai, – unë përpiqem t’i respektoj të gjithë, nuk kam preferenca kur aktivizoj lojtarët, e rëndësishme është të shihemi drejt e në sy kur takohemi dhe flasim”.

“La Gazeta delo Sport” është gjithnjë e më shumë e bindur: Milan, e premtja e majme! Tre gola edhe ndaj Empolit, dhe -1 nga Interi!

“Il Korriere delo Sport”: Shënon gjithnjë ai! Piontek i pandalshëm, goli i 7-të me Milanin dhe i 18-ti në Serinë A! Përfundon 3-0 me Empolin, dhe zikaltërit janë vetëm 1 pikë larg!

Bashkë me Piontekun shënuan edhe Frank Kesi dhe Samu Kastijeho, për të forcuar pozitat në vend të katërt në kampionat. abcnews.al

Gennaro-Gattuso.jpg
ent ela12:07 | 25/12/2018

Xhenaro Gatuzo rrezikon postin si trajner i Milanit. Klubi i jep ultimatum për të fituar dy ndeshjet e fundit të vitit. Nuk është faji i tij që këto kohë janë larg.

Xhenaro Gatuzo, në versionin futbollist, ishte mësuar të luante në krah të kampionëve, dhe të fitonte tituj, veçse Milani i sotëm nuk ngjan aspak me atë të një apo dy dekadave më parë.

Ish-mesfushori, tashmë në rolin e trajnerit, po vuan ndoshta më shumë se gjithkush, por edhe po rrezikon më shumë se kushdo tjetër. Disfata e fundit në Serinë A, shkaktuar brenda në “San Siro” nga Fiorentina, i lëkundi ndjeshëm pozitat e legjendës kuqezi.

Klubi besohet se i ka vënë afat që të marrë dy fitore në dy ndeshjet e radhës, ndryshe mund të largohet. Me zonën Champions në rrezik në kampionat, dhe me eleminimin nga Europa, Gatuzo po kalon momentet më të zeza në detyrë.

Në të vërtetë, tifozët mendojnë se fajin kryesor e kanë futbollistët, vetëm 20 për qind akuzojnë teknikun, dhe besohet se kanë të drejtë. Edhe një trajner i madh, do ta kishte të vështirë me një skuadër jo në lartësinë e detyrës.

Gjithsesi, shifrat janë kokëforta, dhe Milani sot shënon në Serinë A, më pak se 10 ekipe të tjerë, shumë prej të cilëve poshtë tij në renditje.

“Nuk e kam problem që jam në diskutim, – shprehet ai, – Milani është shtëpia ime, dhe unë bëj maksimumin e mundshëm. Nëse nuk ia dal, do të vijë dikush tjetër. Derisa të jem në detyrë, nuk do të dorëzohem. Pavarësisht krizës, kam besim të plotë tek lojtarët e mi”.

Një nga lojtarët është edhe Gonzalo Higuain, që po kalon një krizë të vërtetë goli.

Edhe ai, ashtu si Gatuzo, ka afat dy ndeshje, ato ndaj Frozinones dhe Spalit, ndryshe mund të largohet, ndoshta I këmbyer me Alvaro Moratën e Çelsit.

Është kohë festash, Krishtlindjet dhe Viti I Ri, por tek Milani nuk po munden të festojnë siç duhet. /abcnews.al

napoli-milan-1280x720.jpg
ent ela12:40 | 26/08/2018

Seria A duket me më shumë emocione se kurrë këtë sezon. Kjo u pa qartë në ndeshjen Napoli-Milan, ku vendasit triumfuan pas një përmbysjeje spektakolare.

Nuk ndodh ndoshta aq shpesh sa në Gjermani apo Angli, por gjithsesi ngjan. Seria A hodhi poshtë deklaratën e ish-trajnerit të Napolit, sot tek Çelsi, Mauricio Sarri, se me 2-0 ndeshjet në Itali marrin fund.

E provoi Milani i “nxënësit” Xhenaro Gatuzo, përballë Napolit të “mësuesit” Karlo Ançeloti, me milanezët 2-0 në epërsi, por përfundimisht të mundur 3-2.

Ish-ekipi i Sarrit po i bën një tjetër nisje të shkëlqyer kampionatit, duke fituar dy ndeshjet e para, që të dyja me përmbysje, 2-1 në fushën e Lacios dhe 3-2 në “San Paolo” ndaj kuqezinjve.

Xhakomo Bonaventura e Davide Kalabria shënuan për miqtë, por Piotr Zielinski luajti rolin e Insinjes, Mertensit e Kajehonit, duke shënuar dy herë.

Dhjetë minuta para fundit ishte vetë Mertens që siguroi suksesin. A do të thotë kjo se Napoli i Ançelotit, ndryshe nga ai i Sarrit, do të jetë për titull?

As nuk mund të bëhet parashikim që tani, pasi dy javë janë shumë pak dhe kampionia Juventus e bën diferencën në fund, atëherë kur tregon se ka shumë më tepër alternativa sesa rivalët.

Gjithsesi, napolitanët kanë një formacion shumë të mirë, ku spikasin Hysaj, Kulibali, Mertens, Hamshik, Insinje apo Kajehon, ndërsa shpresohet që forcat t’i dalin për gjithë sezonin. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono