gara

ARMATIMI-BALLKAN-ABCM4T1.mpg_snapshot_01.15-1280x720.jpg
ent ela12:37 | 11/11/2019

Mali i Zi është duke rritur gradualisht buxhetin e tij për nevojat ushtarake ndërkohë që ka nënshkruar që nga anëtarësimi në NATO, dy kontrata të mëdha për blerjen e armëve. Nga ana tjetër, Serbia vazhdon të armatoset me armatim modern rus.

Gjatë vizitës së fundit të ministrit të Jashtëm amerikan Mike Pompeo në Podgoricë është nënshkruar një marrëveshje me Malin e Zi për blerjen e 67 automjeteve të blinduara amerikane, në vlerë prej rreth 36 milionë dollarësh. Kjo është blerja e parë e automjeteve të këtilla për nevojat e Ushtrisë malazeze në 40 vitet e fundit. Bëhet fjalë për “hamerat” e kompanisë së njohur amerikane “Oshkosh”. Kontigjenti i parë vjen vitin e ardhshëm dhe Mali i Zi do të jetë vendi i parë evropian, i cili do të ketë në dispozicion automjete të këtilla.

“Këto automjete paraqesin një përparim të madh në modernizimin e Ushtrisë malazeze. Forcat tona këmbësore do të arrijnë me këto automjete nivelin e domosdoshëm përgatitor për stërvitje, lëvizje, mbrojtje. Këto përgatitje janë në harmoni me përgatitjen e forcave tjera të NATO-s“, i thanë Deutsche Ëelles përfaqësuesit e Ministrisë së Mbrojtjes të Malit të Zi.

Kjo është porosia e dytë e madhe e Malit të Zi prej futjes së këtij vendi në NATO. Mali i Zi ka blerë vitin e kaluar nga Kanadaja tre helikopterë, në vlerë prej 30 milionë dollarësh. Blerje të tilla kanë qenë të paimagjinueshme për Malin e Zi më parë.

Që nga anëtarësimi në NATO, Mali i Zi ka ndarë vitin e kaluar 20 milionë euro për buxhetin e mbrojtjes, ndërsa vitin që vjen do të ndajë edhe 46 milionë të tjera. Po kështu, dy vitet e fundit kanë marrë donacione të shumta nga SHBA, në fushën e komunikimit por edhe mjekësisë. Ndërsa Gjermania i ka dhënë Malit të Zi gjashtë automjete të blinduara për patrullime, të tipit Mercedes Benz. Donacioni më i madh do të vijë më vonë – një radar i kalibrit të madh, me të cilin Mali i Zi mund të vëzhgojë hapësirën e vet ajrore. Për momentin hapësira ajrore e Malit të Zi kontrollohet nga avionët e vendeve anëtareve të NATO-s: Italisë dhe Greqisë. Mali i Zi pret që ky radar të instalohet deri në vitin 2021. Amerikanët jo vetëm që u shesin armë partnerëve të tyre në Ballkan, por u japin edhe donacione. SHBA ka ndarë ndihma për katër vende të Ballkanit Perëndimor në vlerë prej 110 milionë dollarësh për ushtritë e Kroacisë, Maqedonisë së Veriut, Bosnjë-Hercegovinës dhe Shqipërisë.

Paratë e ndara nga buxheti malazez janë megjithatë shumë të pakta në krahasim me vendet e tjera të rajonit. Mediat dhe analistët thonë, se gara kryesore në armatime po zhvillohet mes Serbisë dhe Kroacisë, të cilat investojnë me qindra milionë euro për nevojat ushtarake. Serbia ka marrë ndihma ushtarake edhe nga Rusia.  Rusia pritet t’i dorëzojë Serbisë një sistem të sofistikuar raketash kundër ajrore, ndonëse Shtetet e Bashkuara kanë paralajmëruar sanksione të mundshme kundër vendit ballkanik në rast se blen raketa të tilla. Sistemi raketor Pancir do të dërgohet në Serbi gjatë muajve të ardhshëm ndërkohë që Rusia ka ndihmuar Serbinë të përmirësojë ushtrinë e saj me avionë, helikopterë dhe tanke. Muajin e kaluar Rusia dërgoi në Serbi sistemet raketore Pancir dhe S-400 që u përdorën në stërvitjet ushtarake serbo-ruse. /abcnews.al

marquez-1-1280x720.jpg
Vladimir Prenga09:28 | 27/10/2019

Marc Marquez triumfon edhe në Australi, duke regjistruar fitoren e pestë radhazi në MotoGP. Piloti spanjoll ia ka dalë të fitojë garën vetëm në xhiron e fundit, teksa ka parakaluar Vinales dhe ky i fundit nga ky duel rrëzohet dhe çon dëm garën e mirë që kishte bërë.

Nga rrëzimi i tij ka përfituar Cal Crutchlow, i cili e ka mbyllur garën i dyti. Festë edhe për Jack Miller, australianin që në pistën e “Phillip Island” u rendit në vendin e tretë. S’ka më mirë për australianin, që pati mundësinë të ndante podiumin me bashkatdhetarët e tij.

Një garë me ulje ngritje për Valentino Rossin, i cili në një moment u ngjit edhe i pari. Gjithsesi “Doktori” në fund e mbylli vetëm në vendin e tetë. Fillimi i garës ishte emocionues, pasi pati një aksident mes Petrucci e Quartararo dhe të dy këta pilotë e mbyllën garën para kohë. /abcnews.al

alushaj.jpg
ad min10:29 | 25/10/2019

Gjykata Administrative e Apelit rrëzoi padinë e Lulzim Alushajt, i cili u skualifikua nga gara për kryeprokuror. Në këtë mënyrë zhbllokohet dhe procedura për përzgjedhjen e kandidatëve për kryeprokuror.

Kandidatë për postin e kryeprokurorit janë prokurori i Krimeve të Rënda Olsjan Çela, prokurorja e Apelit të Tiranës Fatjona Memçaj, si dhe kryeprokurorja aktuale Arta Marku.

Në përfundim të seancës gatë një prononcimi për mediat, Alushaj tha se vendimmarrja e KLP për skualifikimin e tij është e cunguar dhe jo ligjore.

“Sot u shpall vetëm dispozitivi i cili është vendim për rrëzimin e kërkesë padisë. Do njihem me vendimin e gjykatës dhe Jam shumë kurioz të shoh argumentimin ligjor të këtij vendimi. Në këndvështrimin tim vendimmarrja e KLP është e cunguar dhe jo ligjore. Kjo Do të ketë pasoja sepse është një akt precedent shumë i rrezikshëm edhe në marrëdhëniet e tjera që qytetarët e Republikës do të hyjnë me administratës publike.  Jemi përpara një vendimi gjykate Apeli që ka dhe një vendim orientues për gjykatat e tjera ku i është thënë në vendimin sot çdo autoriteti që afatet që vendosen në ligj ju mund t’i modifikoni sipas kënaqësive të momentit dhe nevojave që keni gjatë shqyrtimit të akteve administrative”, tha Alushaj.

Gjykata e Administrative e Apelit zhvilloi këtë të enjte seancën ndaj Lulzim Alushaj, për ankimimin e tij pas skualifikimit nga gara për prokuror. Lulzim Alushaj pretendoi se Këshilli i Lartë i Prokurorisë ka shkelur ligjin pasi ka mbajtur dy standarde.

“Më 17 Qershor kur u mbyll gara për Prokuror të Pergjithshëm, duhet të ishte skualifikuar edhe kandidati tjetër Olsian Çela i cili s’kishte kaluar vettingun”, tha ai.

Ndërkohë i kërkon trupës gjykuese të kryesuar nga Kastriot Selita që ta quaj të paligjshme garën për Prokuror të Përgjithshëm. Pasi sipas Alushajt, KLP nuk ka respektuar ligjin për zhvillimin e garës.

Përfaqësuesi i Këshillit të Lartë të Prokurorisë në parashtrimin e tij thekson se zoti Çela ishte në proces rivlerësimi, dhe ligji për garën për Prokurorin e Përgjithshëm nuk e pengon një kandidat prokuror që s’e ka kaluar Vettingun që të kandidojë.

Sipas përfaqësuesit të  KLP-së, Alushaj nuk ka depozituar formularin e vetdeklarimit, që për 10 vitet e fundit nuk ka mbajtur asnjë funksion politik.

“Këshilli ishte i detyruar të priste përfundimin e rivlerësimit për kandidatin qe erdhi nga radhët e prokurorisë. Gjithashtu te plotësimi i viteve të punës duhet të theksohet fakti që Alushaj në CV e tij ka shkruar që ka filluar pune si jurist në Maj të 2005-ës dhe nuk i plotëson kriterin e 15 viteve eksperience si jurist i spikatur”, tha ai.

Lulzim Alushaj para trupit gjykues
Lulzim Alushaj para trupit gjykues

Lulzim Alushaj u skualifikua nga KLP nga gara për kryeprokuror, pasi nuk plotësonte kushtin e pasjes 15 vjet përvojë pune si jurist i spikatur. Mirëpo Alushaj shprehet se diploma e tij është lëshuar në 15 Qershor në vitin 2004 dhe pretendon se i plotëson 15 vite punë si jurist i spikatur.

Pas skualifikimit nga gara për kryeprokuror, Alushaj e ankimoi vendimin. Duhet vendimi i Gjykatës Administrative të Apelit mbi Alushajn në mënyrë që KLP të vijojë punën për klasifikimin e kandidatëve të tjerë./abcnews.al

KRONIKE-SOLLAKU-PER-BALILIN-ABC-M5-T2.mpg_snapshot_00.10-1280x720.jpg
nev ila08:58 | 23/10/2019

Ish-prokurori i përgjithshëm Theodhori Sollaku është përjashtuar nga gara për Gjykatën e Lartë. Këshilli i Lartë Gjyqësor e ka përjashtuar Sollakun për arsyen se në vitin 2007 është shkarkuar si kryeprokuror. Ish-kryeprokuroprii tha për Abc News se pasi të marrë vendimin e zbardhur, do të vendosë nëse do ta ankimojë.

Këshilli i Lartë Gjyqësor skualifikon nga gara për Gjykatën e Lartë kandidatin Theodhori Sollaku. Vendimi është marrë në mbledhjen e zhvilluar pasditen e të martës, pas verifikimit   të kushteve dhe kritereve ligjore për rekrutimin e kandidatit nga radhët e juristëve të spikatur.

Burime nga qeveria e gjyqësorit konfirmuan se arsyeja e skualifikimit të avokatit Sollaku ka qenë shkarkimi i tij si Prokuror i Përgjithshëm në vitin 2007, nga ish-kryeministri Berisha. Sipas ligjit kandidati ka të drejtën e ankimimit të vendimit në  Gjykatën Administrative të Apelit brenda 5 ditëve nga zbardhja e vendimit.

I kontaktuar nga ABC News Theodhori Sollaku është shprehur se pasi të njihet me vendimin e arsyetuar atëherë do të vendosë nëse do të bëj ankimim. Nëse Gjykata Administrative e apelit vendos në favor të kandidatit të skualifikuar atëherë KLGJ duhet ta rikthejë në garë.

Kjo është faza e dytë e verifikimit të kandidatëve për anëtarë të Gjykatës së Lartë. Një muaj më parë KLGJ skualifikoi 14 nga 22 kandidatët në garë për tre vendet vakante nga rradhët e anëtarëve jo gjyqtarë.

Ndërkohë nga skualifikimet e fazës së parë kandidati Jordan Daci e ka ankimuar në gjykatën administrative të Apelit vendimin e KLGJ.  Ish prokurori i përgjithshëm Theodhori Sollaku ishte një nga 8 kandidatët e përzgjedhur për fazën e dytë.

Gara për 3 vende në Gjykatën e Lartë do vijojë për 7 kandidatët e tjerë nga radhët e juristëve të spikatur Jetmira Rragami, Ervin Pupe, Kestrin Katro, Sokol Sadushaj, Ilir Panda, Rezarta Melo, dhe Ardita Buna Alsula./ABC News Albania 

marquez.png
Vladimir Prenga09:34 | 20/10/2019

Marc Marquez nuk ka rivalë dhe fiton “Çmimin e Madh të Japonisë:. Piloti spanjoll ishte favorit, pasi e nisi i pari garën dhe deri në fund nuk e lëshoi kreun. Për të ishte fitorja e dhjetë në këtë sezon, që konfirmohet si kampion, ndërkohë që matematikisht edhe Honda ia ka dalë të shpallet kampionë në garën për konstruktorë, për të 25-n herë.

Renditja për konstruktorë në MOTOGP

Garë mjaft e mirë edhe nga Fabio Quartararo, i cili u desh të mjaftohej me vendin e dytë, i ndjekur nga Andrea Dovizioso. Ky i fundit nga vendi i shtatë u rendit në fund në vendin e tretë, një rezultat i mirë për italianin.

Në një moment ai tentoi të kapte edhe Quartararon dhe i kishte mundësitë. Zhgënjen sërish Valentino Rossi. “Doktori” u tërhoq nga gara disa xhiro nga fundi, pasi bëri një gabim që e nxori jashtë piste. /abcnews.al

Renditja në Çmimin e Madh të Japonisë
FIER-AZOTIKU-NDOTHA_ABC-M2-T1.mpg_snapshot_00.02-1280x720.jpg
ent ela12:40 | 29/09/2019

Zona e ish Azotikut ne Fier do t’i kthehet destinacionit te dikurshem atij industrial. Lehtësirat fiskale dhe ato të impaktit mjedisor ofrohen nga Ministria e Energjisë dhe Industrisë si minimumi i garancisë që kërkojnë sipërmarrjet e suksesshme.

E rehabilituar nga pasojat e braktisjes 30 vjeçare, zona e ish azotikut ne fier, pritet t.i kthehet destinacionit të saj të dikurshëm, atij industrial

Por ndryshe nga 50 vjet më parë, tani vendosjen ose jo të një sipërmarrjeje këtu, e përcakton tregu. Në garë për tërheqjen e investitorëve janë edhe qytete të tjera me zona të mëdha industriale

Lehtësirat fiskale dhe ato të impaktit mjedisor ofrohen nga ministria e energjisë dhe industrisë si minimumi i garancisë që kërkojnë sipërmarrjet e suksesshme. Nga ana tjetër duke qënë në pronësi të shtetit, këto hapësira nuk mbartin problemet e pronësisë sikundër ndodh me subjektet private në Shqipëri.

Negociatat me autoritetet lokale kanë nisur prej muajsh. Kompani dhe korporata të ndryshme por që kanë të përbashkët një detaj, janë të fuqishme.

Ditët e fundit një kompani energjitike po shqyrton mundësinë e ndërtimit të një termocentrali gazi në këtë zonë.

Industria e prodhimit të plehërave kimikë në fier bashkë me atë të përpunimit të naftës dhe termocentralin e energjisë ishin shtylla të fuqishme të  ekonomisë për të gjithë rajonin.

Gazetare e ABC News, Fier: Valbona Daci

/abcnews.al

MBULIM-BKH.mpg_snapshot_00.25-1280x720.jpg
ent ela18:00 | 26/09/2019

Këshilli i Lartë i Prokurorisë është në fazën finale të ngritjes së Prokurorisë së Posacme Kundër Krimit dhe Korrupsionit ose SPAK. Ky këshill ka hapur garën për Byronë Kombëtare të Hetimit ose BKH, ku sipas ligjit do të rekrutohen 60 hetues. Drejtuesi i SPAK do të zgjedhë drejtuesin e Byrosë Kombëtare të Hetimit. Sipas Këshillit të Lartë të Prokurorisë, të interesuarit që do të aplikojnë për BKH do të kalojnë në filtra vlerësimi, duke u fokusuar në përvojën e punës, arsimimin, dhe sjelljen në të shkuarën. Kandidatët do t’i nënshtrohen gjithashtu edhe testeve fizike dhe psikologjike. Të interesuarit duhet që të deklarojnë në formularin që do të plotësojnë online, pasurinë dhe pastërtinë e figurës. Më pas do të kryejnë një testim me shkrim për njohuritë e tyre për hartim raportesh, verifikim dhe hetim të figurës, dënime apo procedime penale dhe shkelje të ligjit në të shkuarën. /ABC News Albania 24/7

gjykata-1.jpg
ad min14:23 | 10/09/2019

Në mungesë të kandidatëve është shtyrë zgjedhja e Inspektorit të Lartë të Drejtësisë. Këshilli i emërimeve në drejtësi ka rihapur garën duke i kërkuar të interesuarve të paraqiten deri në datën 20 Shtator.

Gjykojnë, por nuk ka kush ti gjykojë ata që vendosin drejtësi. Duhej të ishte ngritur që në vitin 2017 Inspektoriati i Lartë i Drejtësisë, institucioni që do të duhet të hetojë gjyqtarët dhe prokurorët e dyshuar për shkelje administrative. Mosplotësimi i numrit minimal të kandidatëve ka detyruar Këshillin e Emërimeve në Drejtësi të rihapë garën për postin e Inspektorit të Lartë të Drejtësisë.

Kushtetuta e Republikës së Shqipërisë parashikon që Inspektori i Lartë i Drejtësisë zgjidhet me 3/5 e deputetëve, mes 5 kandidatëve të përzgjedhur dhe listuar nga Këshilli i Emërimeve në Drejtësi. Deri më sot ky Këshill ka lejuar kandidimin e 4 juristëve dy prej të cilëve nuk dihet ende nëse plotësojnë kriteret që përcakton ligji.

Kandidati Artur Malaj, gjyqtari i Apelit Administrativ, po përballet në Kolegjin e Posaçëm të Apelimit me Komisionerin Publik, i cili kërkon shkarkimin e tij nga detyra, pas konfirmimit nga Komisioni i Pavarur i Kualifikimit.

Artur Metani, aktualisht Avokat i Përgjithshëm i Shtetit, është në kushtet e ndalimit ligjor, për shkak se, brenda 10 viteve të fundit, ka qenë pjesë e stafit politik të një prej institucioneve kushtetuese kryesore atij të Presidencës.

Të vetmit që janë lejuar të kandidojnë për postin e Inspektorit të Lartë të Drejtësisë janë Eris Hysi dhe Marsida Xhaferllari. Aplikantët e rinj për pozicionin vakant duhet të paraqesin interesin për kandidim, së bashku me dokumentacionin shoqërues pranë Këshillit të Emërimeve në Drejtësi, deri në datën 20 Shtator 2019./ABC News Albania/

KRONIKE-VAKANCA-NE-KLP_ABC-M4-T2.mpg_snapshot_00.07-1280x720.jpg
ent ela18:21 | 28/08/2019

Në fillim të shtatorit prokuroria e përgjithshme do të hap garën për antarë në Këshillin e Lartë të Krokurorisë. Vakanca në KLP u krijua pas shkarkimit të Gentian Osmanit nga Kolegji i Posaçëm i Apelimit. KLP tashmë ka në dorë vendimarrjen më të rëmndëshishme atë të rënditjes së 4 kandidatëve për prokuror të përgjithshëm. Ligji parashikon se në raste vakance kryerati ka dy vota.

Këshilli i Lartë i Prokurorisë mbeti me 10 anëtarë pas shkarkimit të Gentian Osmanit nga Kolegji i Posaçëm i Apelimit, më 31 korrik. Burime nga prokuroria e përgjithshmë konfirmojnë se në fillim të shtatorit do të hapet gara për të plotësuar KLP-në me anëtarin e 11. Largimi nga drejtësia i ish-prokurorit të çështjes “Tahiri” solli vakancë në KLP, organ i cili tashmë ka mbetur me 10 anëtarë. Kjo vakancë ka çekuilibruar balancat brenda Këshillit të Lartë të Prokurorisë, pasi ka në dorë vendimarrjen më të rëndësishme të rënditjes përfundimtare të 4 kandidatëve për Kryeprokuror të vendit. Nëse zëvëndësimi i Genatian Osmanit nuk bëhet, përpara se Këshilli i Lartë i Prokuroisë, të bëjë rënditjen e kandidatëve për Prokuror të Përgjithshëm, atëherë në bazë të ligjit kryetari i KLP-së ka dy vota. Akoma nuk është bërë e qartë se cila do të jetë lëvizja që do të bëjë qeveria e prokurorëve, do të pres antarin e ri, dhe më pas të dërgojë listen me kandidatët për kryeprokuror në kuvend, apo do të mblidhet në fillim të Shtatorit me vakancën dhe të bëjë rënditjen e 4 kandidtaëve. Të drejtë për të kandiduar për anëtarë në KLP e kanë vetëm prokurorët e shkallëve të para, pasi Osmani ishtë prokuror në Prokurorinë për Krime të Rënda. Do të jetë asambleja ajo që do të caktojë se kush do të jetë anëtari më i ri i Qeverisë së Prokurorëve.  Më herët KPA shkarkoi një tjetër anëtare të KLP-së Antoneta Sevdarin dhe asambleja e Prokurorëve vendosi që kandidati i vetëm në garë, Vatë Staka të bëhej pjesë e këtij këshilli. Një tjetër anëtar i KLP, i aknimuar nga Komisioneri Publik, është Besnik Cani, për të cilin ende nuk është caktuar një datë nga Kolegji i Posaçëm i Apelimit, se kur do ta zhvillojë për të seancën publike. /ABC News Albania 24/7

 

polizia-taranto.jpg
nev ila18:38 | 27/08/2019

Policia e Tarantos ka arrestuar ditën e sotme dy shqiptarë, përkatësisht 21 dhe 24 vjeç, për veprën penale të “posedimit dhe shpërndarjes së lëndëve narkotike” si dhe sekuestroi 6 kg heroinë.

Arrestimi i dy shqiptarëve u bë i mundur, pasi gjatë kontrolleve rutinë që policia kryente në zonën e Tamburit, kishte vënë re dy autovetura të tipit Ford Mondeo dhe Peugeot 206, të cilat kryenin gara me shpejtësi të lartë.

Duke u gjendur në një situatë të tillë, agjentët kishin vendosur të kontrollonin këto makina. 2 shqiptarët pasi kishin vënë re patrullen e policisë, kishin tentuar të fshihnin drogën por policia kishte arritur të gjente heroinën e fshehur në automjetet e tyre.

Në autoveturat e shqiptarëve, u sekuestruan në cilësinë e veprës penale edhe 895 euro.

Të dy shqiptarët u arrestuan ndërsa identiteti i tyre nuk bëhet i ditur./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono