Futbollistja

futbollistja-1280x719.jpg
Sej rie14:31 | 30/06/2019

Moment ankthi për futbollisten me origjinë shqiptare Florjjana Ismaili. 24-vjeçarja kapitene e skuadrës Jong Bojs në Zvicër, është zhdukur pasditen e të shtunës në Liqenin e Comos në Itali pasi u fut të notonte me një miken e saj

Florjana Ismaili, futbollistja dhe kapitenia 24-vjeçarja e Jong Bojs, në Zvicër është zhdukur pasditen e të shtunës pasi u fut të notonte në Liqenin e Comos në Itali. Ishte pikërisht ekipi i saj që konfirmoi lajmin. Policia vazhdon kërkimet me shpresën se e reja do të gjendet por për momentin nuk jepen detaje të tjera.

Kërkimi për futbollisten zvicerane me origjinë shqiptare rifilluan mëngjesin e të dielës ndërsa policia vijon hetimet.

Sipas të dhënave të para Floriana së bashku me një miken e saj morën një varkë me qira dhe u larguan nga bregu pasditen e së shtunës, në orën 16.00. Më pas ajo është hedhur në ujë.

Duke mos e parë më në sipërfaqe mikja e saj mendoi se po bënte shaka, por pas disa minutash kuptoi se diçka kishte ndodhur dhe nisi të thërriste me të lartë emrin e saj. Më pas ajo lajmëroi urgjencën duke thënë se mikja e saj ishte hedhur në ujë dhe ishte zhdukur./ABC News Albania 24/7

alma_hilaj-7-1280x853.jpg
ent ela12:00 | 29/01/2019

Erdhi edhe dita për të cilën kishte menduar gjatë. Një futbolliste shqiptare debutoi në Serinë A, njërin prej kampionateve më të fortë të Europës, në moshën 18-vjeçare.

Quhet Alma Hilaj, lindur në vitin 2000, dhe pjesë e skuadrës së Florentias. Me numrin 15 në shpinë, vajza e re provoi emocionet e para në nivelin elitë në Itali, ndonëse debutimi nuk qëlloi në një ndeshje aq të favorshme.

Florentia u mund 0-5 në fushën e Kievos së Veronës, ndërsa dihet mirë se në futbollin e femrave, diferenca mes ekipeve është edhe më e madhe sesa tek meshkujt. Gjithsesi, këtë sezon, Florentia ka arritur edhe rezultate pozitive, si barazimi me Milanin, pretendent për titull, dhe mban vendin e pestë në renditje.

Trajneri Stefano Karobi ka besim tek talenti I shqiptares adoleshente, dhe beson se ajo do të jetë e rëndësishme për skuadrën e tij. Alma lindi në fshatin Pistull në Shkodër, në Shqipëri luajti për ekipin e Juban Danjës, ndërsa më pas kaloi në Itali. Atje luajti prej disa vitesh me ekipin e të rejave të Florentias, dhe më pas nënshkroi kontratë me klubin, duke kaluar në skuadrën e të rriturave, që aktivizohet në Serinë A. Hilaj është edhe pjesë e kombëtares U19./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono