futboll

dhuna-kelcyre-1280x729.jpg
nev ila18:30 | 03/11/2019

Teksa ishte duke u luajtur sfida mes Këlcyrës dhe Maliqit, e vlefshme për grupin B të Kategorisë së Dytë, ka nisur dhe dhuna.

Kapiteni i Këlcyrës, Kule, pas një ndërhyrje të gabuar në minutën e 37-të të ndeshjes është ndëshkuar me katron të kuq.

Pasi pa vendimin e arbitrit futbollisti ka shpërthyer dhe ka tentuar të godasë trajnerin e Maliqit, Egli Malësija. Ndërkaq një futbollist i Maliqit u godit me grusht në fundin e ndeshjes dhe është dërguar në spital për të marrë ndihmën mjekësore, pasi ka marrë dëmtime të shumta. /abcnews.al

nakamura.jpg
Vladimir Prenga10:34 | 27/10/2019

Shunsuke Nakamura është një nga lojtarët japonezë më të njohur, teksa ka arritur të luajë edhe në Serie A me skuadrën e Reggina. Ai ka provuar të luajë edhe me Celtic për katër vite, ndërkohë që më pas ka provuar një eksperiencë edhe në Spanjë me Espanyol.

Mesfushori është shquar gjithmonë për ekzekutimet e goditjeve të dënimit dhe vazhdon ende të luajë futboll, edhe pse në qershor mbush 42 vjeç. Aktualisht ai është pjesë e Yokohoma FC, në ligën e dytë japoneze.

Sot Nakamura ka gjetur golin e parë sezonal dhe “viktima” e tij ka qenë Tokyo Verdy. Goli i tij është një perlë, si zakonisht me një goditje nga distanca. /abcnews.al

selhai.png
Vladimir Prenga10:18 | 27/10/2019

Lindon Selahi u bë protagonist para një jave me një ndërhyrje të ashpër dhe në Holandë pati shume debate për kartonin e verdhë që mori mesfushori i kombëtares shqiptare. Shumëkush mendonte se duhet të ishte dhënë i kuq për 20-vjeçarin. Nuk ndodhi ashtu dhe të premten Selahi gjeti edhe golin e parë në kampionatin holandez me Twente, që kundër Emmen.

“Ndihem shumë mirë që fituam pas një situate të vështirë”, thotë fillimisht mesfushori, i cili shton: “Kemi treguar se çfarë ekipi kemi. Tani varet nga ne, që të vazhdojmë kështu. Personalisht mundohem të zbatoj detyrat që më jep trajneri. Jemi stërvitur mirë gjatë javës dhe kjo u reflektua edhe në ndeshje”.

“Konkurrenca me Wout Brama? Mësoj shumë nga Wout, në çdo seancë stërvitore. Është mirë që lojtarët e rinj të mësojnë prej atyre me eksperiencë. Konkurrenca është vetëm e mirë, mendoj unë. Ndaj Emmen pati shumë presion, por ky është futbolli. Ndonjëherë ju fitoni, ndonjëherë mësoni. Kurrë nuk humbni. Fituam këtë herë dhe kjo është gjë e mirë”, shtoi Selahi.

Lindon Selahi duke festuar golin në fitoren 4-1 që Twente mori ndaj Emmen

Mesfushori vijon të flasë, ndërkohë që goli ndaj Emmen ka qenë special për të: “Përpiqem të tregoj cilësitë e mia në çdo ndeshje dhe të jap gjithçka nga vetja. Është një ditë speciale për mua, pasi është goli im i parë në futbollin profesionist”. Gëzimi bëhet më i madh kur Selahi shënon në sytë e familjarëve të tij: E gjithë familja ime ishte në stadium dhe jam shumë i lumtur edhe për ta”.

Festimi i golit ishte i veçantë: “Çdo gjë që ndodh në jetën time vjen prej Zotit. Unë jam mysliman dhe jam krenar për këtë. Zoti më ndihmoi të shënoja golin”.  Selahi ngacmohet nëse do të ketë më gola prej tij dhe përgjigja ishte ajo standardja e futbollistëve. “Uroj të jetë i pari i një serie të gjatë golash. Do bëj maksimumin në ndeshje dhe maksimumin të shënoj”, përfundoi Selahi. /abcnews.al

kukesi-tirana-1.jpg
Vladimir Prenga08:27 | 27/10/2019

E diela sjell ndeshje interesante në vendin tonë, teksa në program janë tre ndeshje të Kategorisë Superiores dhe një në të Parën. Të gjitha luhen prej orës 13:00 dhe janë mjaft interesante.

Në Ballsh Bylisi i surprizave pret Teutën, që mori një goditje në mesjavë prej Laçit. Këta të fundit luajnë në shtëpi dhe këtë herë kanë një derbi me Vllazninë. Shkodranët kanë bërë një ecuri të mirë deri më tani dhe kanë objektivat e tyre në të këtë ndeshje.

Pa diskutim që me interes të madh pritet edhe takimi tjetër, ai që luhet në Gjirokastër mes vendasve dhe Tiranës. Në stolin e bardhebluve do të jetë Julian Ahmataj, i cili një vit më parë ishte në krye të Luftëtarit.

Kaq për Superioren sot. Nesër zhvillohen Flamurtar-Skënderbeu dhe Partizani-Kukësi. Për të mbetur te ndeshjet e ditës së sotme, në plan është Besëlidhja-Shkumbini në Kategorinë e Parë.

Kategoria Superiore – Java 10
E diel, më 27 tetor, ora 13:00
Luftëtari-Tirana
Bylis-Teuta
Laçi-Vllaznia

E hënë, më 28 tetor, ora 18:00
Flamurtari-Skënderbeu
Partizani-Kukësi

KATEGORIA E PARË – JAVA 6
E diel, më 27 tetor, ora 13:00
Grupi A/Besëlidhja-Shkumbini

/abcnews.al

kastrioti-burreli-1280x853.jpg
Vladimir Prenga14:58 | 26/10/2019

Lushnja vazhdon të bëjë mirë dhe në grupin B po dominon. Kur janë mbyllur pjesët e para, skuadra e drejtuar nga Ilir Gjyla është duke fituar ndaj Elbasanit, me rezultatin e ngushtë 0-1. Në grupin B ka surpriza duhet thënë, pasi Shënkolli që deri më tani nuk e ka provuar shijen e fitores, ka realizuar tre herë në portën e Besës.

Devolli, që e nisi mirë kampionatin, duket se është shokuar nga humbja e një jave më parë me Turbinën dhe këtë herë në shtëpi pësoi shumë shpejt nga Iliria. Gjithsesi skuadra e Nicës barazoi në shtesë me brazilianin Da Motta. Edhe në takimin Oriku-Turbina është shënuar një gol në fund nga vendasit.

Në grupin A është realizuar vetëm një gol, teksa Veleçiku po mposht fqinjët e Tërbunit dhe do tentojë të regjistrojë fitoren e dytë radhazi. Kastrioti, edhe pse luan në shtëpi, akoma nuk ia ka dalë të realizojë në portën e Burrelit. Dinamo gjithashtu ka rezistuar në transfertën e vështirë me Korabin kryesues. Erzeni dhe Egnatia në takimin mes tyre kanë lënë në fuqi rezultatin e fillimit, 0-0.

Kategoria e Parë – Java 6
E shtunë, më 26 tetor, ora 14:00
Kastrioti-Burreli 0-0
Veleçiku-Tërbuni 1-0
Shënues: Ujka 23′
Korabi-Dinamo 0-0
Egnatia-Erzeni 0-0

E diel, më 27 tetor, ora 13:00
Besëlidhja-Shkumbini

GRUPI B
E shtunë, më 26 tetor, ora 14:00

*Pogradeci-Apolonia 2-1
Devolli-Iliria 1-1
Shënues:
Da Motta 45+1′ / Selmani 8′
Oriku-Turbina 1-0
Shënues:
Capoj 45′
Elbasani-Lushnja 0-1
Shënues:
Gjyla 3′
Besa-Shënkolli 0-3
Shënues:
Gruda 12′, 45′ Danaj 18′

*Pogradeci-Apolonia ka nisur prej orës 13:00

/abcnews.al

reginaldo.png
Vladimir Prenga13:41 | 26/10/2019

Artur Reginaldo Faite kishte harruar çfarë ishte goli. Sulmuesi, i cili vjet fitoi Këpucën e Artë në Superiore me 13 gola, nuk kishte realizuar që në finalen e Kupës së Shqipërisë me fanellën e Kukësit.

Në Kazakistan gjërat nuk po shkonim për sulmuesin nga Mozambiku, i cili pas 11 ndeshjes është zhbllokuar. Afrikani madje realizoi dy herë në takimin e sotëm që Shakhtar Karagandy ka barazuar ndaj Okzhetpes me rezultatin 2-2.

Reginaldo e zhbllokoi ndeshjen që në minutën e pestë, por më pas ekipi i tij pësoi dy herë. Sulmuesi reagoi menjëherë dhe barazoi shifrat me golin e shënuar në të 53′. Në fushë kundër Reginaldos dhe Donjet Shkodrës ishte edhe Danilo Alves, i cili është pjesë e Okzhetpes. /abcnews.al

vajzaok-1.jpg
Autor E10:18 | 25/10/2019

Pesë futbolliste ndaluan në mes të ndeshjes për të rrethuar rivalen e tyre me trup pasi ajo vendosi duart në kokë. Vajzat e kuptuan menjëherë se çfarë kishte ndodhur duke ndërprerë ndeshjen edhe pse ishin të humbje.

Kundërshtares së tyre i ishte hequr shamia nga koka teksa luante dhe ajo vendosi duart në kokë për të mos u ekspozuar duke lënë edhe ndeshjen. Por, në vend që të vijonin lojën për të shënuar ndoshta golin e barazimit, kundërshtaret ndaluan dhe e rrethuan atë deri sa rregulloi shaminë.

Ndeshja e kampionatit jordanez rifilloi pasi vajza rregulloi shaminë.

Veprimi ka marrë mjaft mbështetje në të gjithë botën, ku vajzat u bënë bashkë për “diçka më të madhe se sa një gol”.

Ndiqni VIDEO-n  

 

kategoria-e-trete.jpg
Vladimir Prenga15:24 | 24/10/2019

Futboll në vendin tonë luhet në shumë qytete dhe në nivele të ndryshme. FSHF ka njoftuar së fundmi në lidhje me Kategorinë e Tretë, më e ulëta në Shqipëri. Prej ditës së hënë, më 28 nëntor, do të nisin regjistrimet për klubet që do të garojnë në këtë kategori në sezonin 2019-2020.

“Federata Shqiptare e Futbollit njofton të gjitha klubet dhe skuadrat e interesuara, se më datë 28 tetor 2019, ditë e hënë, do të fillojnë regjistrimet për sezonin e ri, të Kategorisë së Tretë, edicioni futbollistik 2019-2020.

Periudha për t’u anëtarësuar dhe për t’u bërë pjesë e kësaj gare është 28 tetor-20 nëntor 2019. Të gjithë të interesuarit janë të lutur të paraqiten pranë zyrës së Futbollit Amator në FSHF. Gjithashtu për t’u informuar mund të dërgoni një e-mail (mbaci@fshf.al), në adresë të përgjegjësit të këtij sektori, z.Millan Baçi, i cili do të ndihmojë në çdo procedurë”, njofton FSHF. /abcnews.al

mansour.png
Vladimir Prenga21:37 | 16/10/2019

Mortada Mansour është një nga presidentët më të çuditshëm në botën e futbollit. Numri një i Zamalek, në vitin 2016 akuzoi Mamelodi Sundoëns pas disfatës në finalen e Africa Champions League. Ai pretendonte se kundërshtari ka përdorur magji të zezë për t’i mundur.

Tanimë Mansour ka gjetur një tjetër kundërshtar për ekipin e tij dhe janë rrjetet sociale. Ai ka takuar futbollistët e klubit që financon dhe i ka paralajmëruar që të mbyllin profilet në “Facebook” dhe “Instagram”, ndryshe do të gjobiten.

“Askush nga ju nuk lejohet të ketë profil në Facebook. Zgjidhni mes Zamalek dhe llogarive tuaja në Facebook dhe Instagram. Kushdo që hap një faqe të rrjeteve sociale, unë do ta gjobis me gjysmën e pagës. Dhe sa herë të bëni postime, ju do të gjobiteni”, ka thënë mes të tjerave Mansour para lojtarëve. /abcnews.al

cekici.jpg
Vladimir Prenga10:52 | 15/10/2019

Futbollistët në vendin tonë janë organizuar në një shoqatë dhe mbrëmjen e djeshme, kreu i saj, Andi Lila, në lidhje direkte në emisionin “Pressing” në ABC News, pati një debat me deputetin Fidel Ylli. Lojtari kavajas ngulmoi se duhet bërë statusi i sportistit dhe mori edhe një përgjigje.

“Sporti nuk do lloqe Kavaje, lojtarët nuk lexojnë”, çfarë debati në Pressing!

Lila mes të tjerash vuri në dukje një problematikë që lidhet me sigurimet e futbollistëve, që ndër vite në vendin tonë janë paguar në të zezë. Ka plot klube që varet nga bashkitë dhe as që i kanë paguar sigurimet. Ky është një problem më vete.

Albi Çekiçi, sulmuesi që ka luajtur me Pogradecin, Kamzën dhe Besën, ka reaguar në rrjetet sociale. Në lajmin e debatit mes Lilës dhe Yllit, ai shkruan se deputeti ka premtuar zgjidhje për : “Fidel, ti i ke dhenë ato premtime në mbledhje në Pogradec. Për punën e sigurimeve ke qenë personalisht ti… Edhe si përfundim 10 vite futbollist profesionist asnjë sigurim s’na është paguar. Flasim me fakte e jo me fjalë, siç bëni ju politikanët e shtetit tonë”. /abcnews.al

Komenti i sulmuesit Albi Çekiçi në lajmin e ABCNews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono