futboll

ardian-takaj.jpg
nev ila16:05 | 17/07/2019

Pritet të vendoset shpejt e ardhmja e Skënderbeut. Mundësitë për presidentin Takaj janë që të vazhdojë me klubin aktual për të pritur 7 vjet, ose të krijojë një klub të ri sërish në Korçë.

Epoka e lavdishme është mbyllur, por nuk është e sigurt nëse do të ketë jetë pas saj.

Skënderbeu i madh, 7 herë kampion i vendit në vitet 2011-2018, dhe dy herë pjesëmarrës në fazën e grupeve të Ligës së Evropës, i përket së kaluarës, dhe frika është se mos do t’i përkasë vetëm historisë.

Dënimi përfundimtar i gjykatave sportive, nga Komisioni i Disiplinës i UEFA-s, deri në KAS-in e Lozanës, e kanë vënë në pikëpyetje vazhdimësinë e klubit me këtë emër, dhe besohet se presidenti Ardian Takaj ka dy alternativa.

E para, tepër e vështirë për t’u realizuar, që të vazhdojë me klubin Klubi Futbollistik Skënderbeu, dhe e dyta që të krijojë një klub tjetër me emër fare pak të ndryshuar, duke mbajtur bazën gjithnjë në Korçë.

Për momentin, Takaj ka pasur takim me kryetarin e Bashkisë, Filon, dhe burimet nga Korça bëjnë me dijë se nga presidenti është kërkuar buxhet më i madh financiar. Për momentin, pushteti vendor jep 300 milionë lekë të vjetër në vit për Skënderbeun, duke pasur edhe 25 për qind të aksioneve.

Hamendësimi është se mes dy drejtuesve mund të jetë diskutuar edhe për krijimin e një klubi tjetër. Për Takajn, avantazhet janë të mëdha nëse vazhdon në Korçë.

Edhe me ndonjë ndryshim emri, skuadra do të jetë po ajo, mund të quhet AFC Skënderbeu, po ashtu stadiumi është gati, madje do të ketë një të ri e modern, ndërsa është ndërtuar edhe kompleksi stërvitor për ekipin e parë dhe për Akademinë.

Vërtet, që do të nisej nga Kategoria e Dytë, por në 3 vjet në rast suksesi, do të jetë në Superligë, ndërsa nga dënimi aktual i UEFA-s kanë mbetur edhe 7 vjet. Aspak e lehtë, por gjithsesi duket si rruga më e lehtë, siç e pohojnë edhe burime nga Korça.

Një rast i tillë ndodhi në Rumani me Steauan e Bukureshtit, skuadrën më të shquar rumune, edhe cila shpalli falimentimin në 2007 dhe presidenti Xhixhi Bekali krijoi klub tjetër, me emrin Football Klub FCSB.

Në këtë mënyrë ai shpëtoi nga 11 milionë euro detyrime ndaj shtetit. Problem për Takajn është gjoba prej 1 milionë eurosh vendosur nga UEFA, e cila duhet shlyer brenda afateve, ndryshe ka rritje në vlerë.

Po ashtu, besohet se ka pagesa të prapambetura për futbollistët, diçka që nuk është vetëm çështje në Korçë, por në shumë klube shqip./ABC News Albania 24/7

Dunga.jpg
nev ila20:15 | 09/07/2019

Skuadra e Tiranës është shumë pranë transferimit të sulmuesit që aktivizohet me Luftëtarin, Ismael Dunga. Për bardh e blutë ky do të jetë përforcimi i katërt për këtë merkato verore.

Skuadra e Tiranës është shumë pranë zyrtarizimit të sulmuesit afrikan Ismael Dunga i cili sezonin e kaluar ka mbajtur veshur fanellën e Luftëtarit. Bardh e blutë kanë arritur prej kohësh akordin me sulmuesin por problemi i vetëm është skuadra gjirokastrite.

Luftëtari pretendon se Dunga ka firmosur për tre sezone ndërkohë që kjo mohohet nga vetë futbollisti që thekson se kontrata e firmosur është vetëm një vjeçare.

Dunga do të ishte një garanci në fazën sulmuese për skuadrën më të titulluar në Shqipëri. Zyrtarizmi i sulmuesit të Luftëtarit do të kishte një efekt zinxhir tek bardh e blutë që do të detyrohen të heqin dorë nga shërbimet e shtatlartit Majkell Ngo.

Një futbollist i cili nuk gëzon besimin maksimal të trajnerit Ardian Mema. Tirana ka zyrtarizuar në këtë merkato tre futbollistë, Kale, Bathen dhe Torrasen ndërkohë që shumë shpejt do të zyrtarizohet dhe futbollisti i radhës.

Qëllimi i kryeqytetasve është rikthimi në majën e futbollit shqiptar për të rivalizuar denjësisht me skuadra si Partizani apo Kukësi.

Bardh e blutë nuk marrin pjesë në kupat e Evropës dhe kanë më shumë kohë në dispozicion se rivalët për të përgatitur skuadrën për sezonin e ardhshëm./ABC News Albania 24/7

fifa-legt-zaakwaarnemer-raiola-wereldwijde-schorsing-van-drie-maanden-op-1280x720.jpg
nev ila23:55 | 08/07/2019

Qartësohet e ardhmja e mbrojtësit holandez Matias De Ligt. Menaxheri i futbollistit, Mino Rajola zbulon se De Ligt shumë shpejt do të vishet bardh e zi.

Matias De Ligt është i destinuar për t’u veshur kuq e zi sipas fjalëve të fundit që ka deklaruar agjenti i futbollistit Mino Rajola.  Sipas tij, skuadra italiane ka akord me 19 vjeçarin për të kaluar në Torino këtë merkato verore por janë të pakuptueshme refuzimet e skuadrës së Ajaksit që gjithsesi shumë shpejt do të pranojë ofertën e bardh e zinjve,

“Bardhezinjtë kanë rënë dakord me Matthijs e tani presim vetëm përgjigjen e Ajaxit. Në rastin tonë, është jashtë çdo diskutimi që çështja të zgjidhet me gjyq. Lojtari pret që Juventusi dhe Ajaxi të tregojnë vullnet për të gjetur gjuhën e përbashkët sa më shpejt të jetë e mundur”, zbulon Mino Rajola.

Javën e kaluar skuadra e Juventusit ofroi 55 mln euro plus 10 mln euro bonuse për qendërmbrojtësin holandez, një ofertë që u refuzua nga skuadra kampione e holandez të cilët kërkojnë plot 75 mln euro. Gjithsesi kjo nuk pritet të jetë një problem serioz pasi Juventus ka akordin me lojtarin i cili do të përfitojë në Torino plot 12 mln euro në sezon duke e shndërruar në futbollistin e dytë më të paguar në skuadër.

Mediat në Spanjë raportojnë se Barcelona ka pranuar të paguajë klauzolën e lojtarit dhe përmbush kërkesat e Ajaksit por dëshira e De Ligt është të nis një aventurë të re me zonjën e vjetër.

Javën e kaluar futbollisti ka pasur një komunikim me trajnerin e Juventusit, Mauricio Sari ku është njohur me filozofinë e lojës së bardh e zinjve në sezonin e ardhshëm si dhe metodat e stërvitjes./ABC News Albania 24/7

silva.jpg
nev ila23:45 | 08/07/2019

Mbrojtësi i Brazilit Tiago Silva ka ironizuar me Lionel Messin pas fitores në kupën e Amerikës. Referuar fjalëve të Messit që trofeu ishte programuar për ta fituar vendi organizator Brazili, Thiago Silva i kujtoi argjentinasit përmbysjen e madhe që bëri Barcelona ndaj Paris Saint Germain në Champions League në vitin 2017.

“Është e vështirë për ne futbollistët që të komentojmë, sepse nganjëherë, kur ka një disfatë, ne përpiqemi t’i gjejmë shkaqet e humbjes tek të tjerët. Ne mendojmë se Messi pati ndikim te gjyqtari në ndeshjen që PSG humbi 6-1 ndaj Barcelonës, por ne nuk thamë asgjë, nuk ia faturuam disfatën arbitrit. Mendoj se ne duhet ta respektojmë historinë. Nuk mendoj se 5 yet në fanellë (që tregojnë 5 kupat e botës të fituara nga Brazili) janë rastësisht aty. Të gjitha këto janë rezultatet e lojës së mirë në fushë. Çfarë tjetër?”, tha mbrojtësi Brazilian.

Në të njëjtën linjë me Silvën ishte edhe mbrojtësi tjetër Markuinhos./ABC News Albania 24/7

 

PARTIZANI-TRANSFERIMET-_ABC-M1-T1.mpg_snapshot_00.27-1280x720.jpg
nev ila23:35 | 08/07/2019

Partizani do të luajë të mërkurën ndeshjen e parë kualifikues të Champions League ndaj skuadrës azure të Karabag.

Temperaturat e larta nuk i pengojnë të kuqtë për t’u stërvitur intensivisht në prag të një ndeshje që konsiderohet tejet delikate.

Në një prononcim për TV Klan, trajneri i partizanit Franko Lerda vlerëson maksimalisht kundërshtarin dhe beson se të një paraqitje dinjitoze nga futbollistët e të kuqve.

Karabag është më lart por ne e shohim si një ndeshje të vetme. Kështu u kam thënë ta mendojnë edhe futbollistët. Është një ndeshje e rëndësishme për klubin sepse me kalimin e turit fiton ekonomikisht. Është shumë rëndësishme  edhe për mua dhe stafin. Do të isha mendjemadh nëse nuk do të kisha dyshime. Kur flitet për rezultate të vijnë dyshimet. Ne kemi motivimin tonë dhe e kemi përgatitur mirë ndeshjet.  Lojtarët e sezonit të kaluar që kam patur në grumbullim janë përgatitur shumë mirë por nuk është e njëjta gjë për të rinjtë. Besoj se jemi në gjendje të ndeshemi denjësisht”, përfundon trajneri i partizanit Franko Lerda.

Karabag është favorit por partizani pritet të shfrytëzojë faktorin fushë të paktën për ndeshjen e parë./ABC News Albania 24/7

 

 

robben.jpg
G. P.11:20 | 05/07/2019

Arjen Robben ka vendosur të varë këpucët në gozhdë. Ish-futbollisti që është aktivizuar me disa prej skuadrave më të mëdha në botë ka zbuluar se nga sezoni i ardhshëm nuk do të zbresë më në tapetin e gjelbërt.

Një tjetër yll i futbollit botëror ka vendosur t’i thotë lamtumirë futbollit të luajtur. Nga sezoni i ardhshëm, Arjen Robben nuk do të zbresë më në tapetin e gjelbërt. Lajmi është konfirmuar nga vetë holandezi, i cili zbulon se ky është vendimi më i vështirë në jetën e tij.

“Kam vendosur që ta mbyll karrierën time si profesionist. Është vendimi më i vështirë në jetën time. Ishte vendim i vështirë pasi zemra më thoshte që të luaja, por mendja jo. Jam shumë mirë me shëndet dhe e ndiej veten në formë, por ishte momenti të tërhiqesha. Jam tifoz i futbollit dhe dua të vazhdoj të jetoj me këtë stil jetese edhe në të ardhmen”, tha Arjen Robben.

Robben e nisi karrierën në vendlindje në kampionatin holandez tek skuadra e Groningen ku hodhi hapat e para si futbollist për të kaluar më pas tek PSV. Në verën e vitit 2007 Arjen Robben u zyrtarizua si futbollist i Chelsea-t në Premier League-n angleze ku qëndroi për tre sezone dhe realizoi 15 gola.

Robben ishte një titullar i padiskutueshëm me blutë e Londrës dhe paraqitjet fantastike me londinezët ndikuan ne kalimin e tij tek skuadra e Real Madrid. Aventura e 35-vjeçarit me galaktikët zgjeti vetëm dy sezone. Arjen Robben ishte titullar tek madrilenët, por zbarkimi i Cristiano Ronaldos në Madrid në verën e vitit 2009 shërbeu si motiv për t’u larguar nga “Santiago Bernabeu” pasi i cenohej vendi i titullarit.

Mes ofertave të shumta, Robben zgjedh të vazhdojë karrierën në Bundesligën gjermane pikërisht tek skuadra e Bayern Munchen ku shkruajti historinë për një dekadë. Holandezi u aktivizua për 10 sezone me bavarezët duke fituar të gjithë titujt e mundshëm në rang klubesh. Së bashku me Ribery formuan një dyshe kërcënuese për çdo kundërshtar. Sezonet e fundit Robben është penalizuar edhe nga dëmtimet e njëpasnjëshme duke ndikuar jo pak në performancë e lojtarit.

Arjen Robben la gjurmë edhe me kombëtaren e Holandës. Arritja më e madhe ishte finalja e Botërorit të vitti 2010 ndaj Spanjës e humbur me shifrat 1-0. Robben pati mundësinë e artë për të shënuar golin ndoshta të fitores, por gaboi përballë Iker Kasijas. Holandezi mund të marrë një rol drejtuesi tek Bayern në të ardhmen ndërkohë që aktualisht do të shijojë pushimet dhe do të hapë një faqe të re në jetën e tij./ABC News Albania 24/7

fshf-1280x720.jpg
G. P.17:15 | 02/07/2019

Sezoni i ri i Superligës mund të nisë në 24 gusht. Ky është propozimi i Sektorit të Garave në Federatën Shqiptare të Futbollit, ndërsa pritet vendimi i Komitetit Ekzekutiv.

Pritet të fillojë një javë më vonë se vjet. Sektori i Garave në Federatën Shqiptare të Futbollit ka vendosur për datën 24 Gusht si startin e Superligës, diçka që do të bëhet zyrtare vetëm pas miratimit nga ana e Komitetit Ekzekutiv, që mblidhet këtë të premte.

Shefi i Sektorit të Garave në Federatë, Lysien Nurishmi, e pohoi këtë vendim, në një komunikim telefonik me ABC News-in, ndërsa më parë është marrë mendimi i klubeve. Çdo klub duhet të ketë gati infrastrukturën për t’u licencuar në sezonin e ri, por besohet se me rënien e Kastriotit, problemet duhet të jenë më të pakta.

Gjithsesi, ekziston frika se mund të ketë shqetësime me dhunën e tifozëve, siç ndodhi në ndeshjen e parë të sezonit të kaluar, mes Skënderbeut e Partizanit në Korçë, për shkak të tërheqjes së Policisë së Shtetit jashtë rrethimit të jashtëm të stadiumeve.

Një tjetër propozim i Sektorit të Garave për Komitetin Ekzekutiv është që sezoni të mos nisë, sipas traditës, me Superkupën e Shqipërisë, ndërsa mendohet që finalja Partizani-Kukësi të luhet në Dhjetor ose Janar të vitit të ardhshëm.

Komiteti Ekzekutiv, të premten, duhet të vendosë edhe për datën e fillimit të kampionateve të tjerë, si të Kategorisë së Parë, të së Dytës, të femrave dhe të moshave U17 e U19. Pritet, ndërkohë, të propozohet formulë tjetër për Kategorinë e Parë./ABC News Albania 24/7

platini.jpg
G. P.12:45 | 19/06/2019

Michel Platini, ish-President i Uefa, është lënë i lirë mbrëmjen e së martës pasi u mor në pyetje për votën e tij pro Katarit si vend organizator për kampionatin botëror të futbollit në vitin 2022. Avokati i ish-futbollistit francez u shpreh se ishte bërë shumë zhurmë për asgjë.

Është lënë i lirë mbrëmjen e së martës Michel Platini, ish futbollisti francez dhe ish-Presidenti i UEFA, i cili një ditë më parë u mor në pyetje nga policia franceze në kuadër të hetimeve për vendimin që Katar të organizojë kampionatin botëror të futbollit në vitin 2022.

Prokuroria franceze, sipas asaj që shkruan Le Monde, po heton për korrupsion, bashkëpunim në krim dhe presion për zgjedhjen e vendit organizator të botërorit 2022, dhe Platini është pyetur për faktin se kishte votuar për Katarin. Avokati i tij Uiliam Burdo, u shpreh se klienti i tij u la i lirë pa asnjë akuzë duke shtuar se ishte bërë shumë zhurmë për asgjë.

Marrja në pyetje, po sipas Le Monde, u përqendrua në një veprim të Platini në vitin 2010 kur drekoi në Elize së bashkë me bashkëshorten e presidentit Sarkozy në atë kohë dhe emirin nga Katari Al Thani.

Takimi mes të treva u organizua një muaj para vendimit për vendin organizator. Në atë drekë mori pjesë dhe Sofi Dion, këshilltare e Sarkozy për sportin, dhe ajo u mor në pyetje dhe u lirua sëbashku me Platini./ABC News Albania 24/7

sp-toti-pixsell.jpg
nev ila23:46 | 17/06/2019

Francesko Toti nuk do te jete me pjese e Romes pas plot 30 vitesh. Legjenda romane njoftoi per largimin nga skuadra pas mosmarreveshjeve me presidentin e klubit, Palota.

Plot 30 vite sukses dhe lavdi me fanellën e Romës por tashmë ishte koha që Francesco Toti të largohej përfundimisht. Vendimi për një mirupafshim me skuadrën romake u mor personalisht nga ikona e klubit Italian, i cili tregoi prapaskenën e një vendimi të tille që pritet të trazojë ujërat në skuadrën verdhe-kuqe.

Francesko Toti deklaroi se ishte shndërruar në një barrë për skuadrën e Romës dhe Presidenti Palota së bashku me këshilltarin Baldini nuk e kanë kontaktuar prej dy vitesh, që prej largimit nga skuadra e romes si futbollist.

“Në dy vitet e fundit asnjë prej tyre nuk më ka marë në telefon.  E kuptova që isha një barrë për skuadrën e romës. Zhvillimet në klub i merrja vesh nga gazeta  dhe jo në rrugët zyrtare të klubit. Njoftova klubin për dorëheqjen time pasi e mendova gjatë diçka të tillë. E kam menduar që nga muaji prill dhe dola në konkluzion se duhej të merrja një veprim në të mirë të kësaj skuadre. Presidentët ikin e vijnë ashtu sikurse trajnerët dhe lojtarët por flamujt jo. Dua të falënderoj popullin roman për respektin ndaj meje gjatë gjithë këtyre viteve. Do të vazhdojë të bej tifo për këtë skuadër. Ështe vetëm një mirupafshim jo lamtumirë pasi do të rikthehem në kohen e duhur.”

Francesko Toti zbulon prapaskenën me trajnerin Antonio Konte i cili tashmë është në krye të skuadrës së Interit.

Kam kontaktuar personalisht me trajnerin Antonio Konte dhe më tha se do të nënshkruante me Romen. Për mua ishte njeriu i duhur për ta ringritur skuadrën. Emrat e tjerë që janë aluduar këto ditë janë të pabaza“, përfundon Francesko Toti.

Për tifozët e Romës është një moment i vështirë pas largimit të Daniele De Rosit si futbollist dhe tashmë të Francesko Totit si pjesë e stafit të klubit./ABC News Albania 24/7

partizani-1280x716.jpg
nev ila23:36 | 17/06/2019

UEFA ka publikuar ndarjen e vazove në prag të shortit për ndeshjet e turit të pare të Champions Ligë.

Partizani ndodhet në vazon e dytë ku do të përballet me kundërshtarë të fortë.

Në prag të shortit për ndeshjet e turit të parë të ligës së kampioneve, UEFA ka bërë publike ndarjen e vazove për skuadrat pjesëmarrëse. Janë plot 32 skuadra që do të marrin pjesë në turin e parë eliminator të ndarë ne tre vazo.

Grupi i dhe grupi 2 ka në përbërje 10 skuadra ndërkohë që grupi 3 përbëhet nga 12 ekipe.  Ekipet e renditura me koeficientet më të mirë pozicionohen në vendet e para në secilin grup, për rrjedhojë ekipet më pak favorite pozicionohen nga fundi.

Skuadra kampione e Shqipërisë, Partizani, ndodhet në vazon e grupit të dytë dhe renditet tek skuadrat jo favorite. Mundësitë janë që Partizani të përballet me një nga skuadrat e Selltiv, Sherif Tiraspol, Karabag, Slovan Bratislava dhe Dudelanzh.

Skuadrat e tjera krah partizanit jane Valeta, Sarajevo, Sutjeska, dhe Saburtalo.

Skuadra tjetër shqiptare e Shkëndijës së Tetovës ndodhet në gurpin e 1 dhe do të përballet me skuadra të kalueshme në letër./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono