fushe

perime-te-mykura.jpg
G. P.13:30 | 21/05/2019

Në tregjet e Lushnjes ka shumë pika, ku tregtohen fruta dhe perime të mykura. Ndërsa mjekët thonë se prej tyre rrezikohen konsumatorë, AKU në këtë qytet është inekzistente.

Fruta dhe perime të mykura shiten në tregjet e pakicës në Lushnje. Këto pika tregtimi, janë jashtë vëmendjes së Autoritetit Kombëtar Ushqimor. Këtë fakt e pohojnë vetë tregtarët. Sipas tyre të paktën prej pesë vitesh, AKU nuk ka qenë asnjëherë e pranishme në stendat e tyre.

“Ku kanë ardhur ndonjëherë këtu ata moj… Ne nuk i njohim fare. Ne po shesim si ato lopët në fushë, pa kushte pa gjë”, tha një prej tyre.

“Nuk ka ardhur njeri fare”, tha një tregtare.

“Asnjëherë nuk kemi parë njeri këtu, fare. Shikoje si është malli, me hormone, ça të duash i ke të gjitha këtu”, tha një tregtar.

“Asnjëherë, s’mbaj mend unë të vijnë kontrolli këtu”, tha një tregtare.

Domatet, bizelet apo qepët po shiten në vlerat minimale, 10 lekë për kilogramë. Shkak nuk është cilësia e dobët, por fillimi i prishjes së produktit. Kjo tregtare, një ditë më parë është furnizuar me mollë të kalbura të ardhura nga Korça.

I ka nxjerrë në treg me idenë se njerëzit nuk kanë lekë të blejnë, ndaj edhe pse janë me myk, ato shiten. Më të rrezikuar janë konsumatorët, të cilët janë të detyruar të blejnë produktet e mykura dhe të kalbura që u ofron tregu.

“S’jam e sigurt. Si të gjithë të tjerët… marrim, blejmë”, tha një qytetarë.

“Duhet të ketë kontrolle nga shteti, jo nga mua”, tha një tjetër.

“Ishte speci, gjysmë jeshile, gjysmë i verdhë… pulla-pulla. Ça tregon kjo pulla nuk e dimë”, tha një qytetare tjetër.

Frutat dhe perimet e mykura kanë toksina. Më e pakta është helmimi ushqimor që shkaktohet nga konsumimi i tyre. Në këto kushte, asnjë kilogram i këtyre produkteve nuk duhet të dalë në treg, por mungesa e kontrolleve, nga institucionet ligjore, po vë në rrezik jetën e konsumatorëve./ABC News Albania 24/7

abrashi-1280x640.jpg
ent ela16:47 | 21/02/2019

Amir Abrashi është i lumtur pas rikthimit nga dëmtimi, në Bundesligë. Mesfushori pritet të jetë i gatshëm për kombëtaren në eleminatoret e Europianit që nisin në mars

Kur emri i tij u lajmërua nga qendra e zërit, emocionet ishin të mëdha. Amir Abrashi u kthye më në fund në formacionin e Frajburgut, pas 11 muajsh mungese për shkak të dëmtimit, një moment që kënaq në Gjermani, por edhe në Shqipëri.

Mesfushori i Kombëtares luajti si titullar në sfidën e Bundesligës në fushën e Shalkes, dhe barazimi 0-0 ishte edhe për meritë të tij. Trajneri Kristian Shtrajh vlerësoi se “prania e Abrashit në fushë bëri që ne të ishim shumë më të fortë në lojën në mbrojtje”.

Vetë Abrashi, ishte tepër I lumtur pas ndeshjes, siç e deklaroi edhe për mediat gjermane, duke theksuar se e kishte pritur gjatë këtë ditë.

“Pritja ishte shumë e gjatë dhe më duhej të motivoja veten që të mos bëhesha pesimist, – dëmtimi ishte i rëndë, por tashmë kaloi, dhe në fund të ndeshjes nuk isha I lodhur, edhe pse luajta 90 minuta. Gëzimi ta heq lodhjen”.

Abrashi është një nga lojtarët më të rëndësishëm të Frajburgut, por edhe të kombëtares së drejtuar nga trajneri Kristian Panuçi. Për fat të keq, për 11 muaj ai nuk mundi t’i jepte kontribut ekipit përfaqësues, që e ndjeu mungesën e tij në ndeshjet e Ligës së Kombeve. Tashmë, shpresohet që mesfushori nga Kosova të mos ketë probleme të tjera fizike dhe të jetë gati për eleminatoret e Europianit që nisin në mars./abcnews.al

shhs-1280x693.jpg
ent ela09:19 | 30/01/2019

Fushë-Kruja është tronditur gjatë natës nga dy shpërthime me tritol të cilat ndodhën në të njëjtën kohë. Eksplozivi ishte vendosur në makinën e një polici të burgut të Zaharisë në Krujë dhe në një mobileri në fshatin Nikël. Policia ka arrestuar dy nga autorët e vendosjes së tritolit në mobileri dhe ka shpallur në kërkim dy të tjerë për këtë ngjarje. Nga shpërthimi janë shkaktuar vetëm dëme materiale.

Një sasi tritoli ka shperthyer në garazhin ku ndodhej makina e një polici në Fushë-Krujë.  Fatmirësisht nuk pati të lënduar, por vetëm dëme materiale.

Ngjarja ndodhi rreth ores 23:30. Shpërthimi alarmoi edhe banorët e zonës.  Mjeti është në pronesi të Përparim Çengës. Kjo është hera e dytë që i vendoset tritol makinës së tij. Ai ka punuar për disa vite si efektiv në komisariatin e Krujës dhe aktualisht ushtron detyrën si polic në burgun e Zaharisë.

Mendohet se sasia e tritolit ka qenë mbi 150 gramë. Policia ende nuk ka rënë në gjurmë të autorëve. Një pistë që po hetohet është për shkak të detyrës.

Pothuasje në të njëtën orë një tjetër shpërthim me eksploziv ka ndodhur në një mobileri në fshatin Nikël të Fushë-Krujës. Lënda plasëse, rreth 200 gramë, ishte vendosur në katin e parë të ndërtesës ku janë shkaktuar dëme të mëdha materiale.

Kurse në katin e tretë të objektit banojnë pronarët e mobilerisë.  Blutë e Krujës kanë sekuestruar pamjet e kamerave të sigurisë se objektit të cilat mund të ndihmojnë hetuesit në zbulimin e identitetit të autorit./abcnews.al

RAMA-NE-PORTO-ROMANO-1280x720.jpg
ent ela16:26 | 13/06/2018

Kryeministri Edi Rama vizitoi vend-grumbullimin e mbetjeve në Porto Romano një ditë pas protestës së banorëve të zonës banesat e të cilëve janë shumë pranë mbetjeve. Mbyllja e kësaj pike grumbullimi ishte premtimi i kryeministrit.

Një ditë pas protestës së banorëve të Porto Romanos për vend-shkarkimin e mbetjeve të cilat janë fare pranë banesave të tyre, I shoqëruar nga ministri i mjedisit Blendi Klosi, kryeministri Edi Rama vizitoi vend-grumbullimin.

“Të vazhdojmë procesin e bashkëpunimit për mbylljen e kësaj fushe dhe trasformimin në një park të madh të qytetit, ti çojmë mbetjet në impjantin e Tiranës duke llogaritur edhe kostot”.

Për kryeministrin Shqipëria nuk është e ndotur për shkak të industrive por është pis për shkak të papastërtisë që njerëzit prodhojnë dhe që për ta mjafton të jetë jashtë shtëpive të tyre. /abcnews.al

28938611_1589436207776877_886233130_o.jpg
ent ela10:14 | 12/03/2018

Presidenti i ekipitt të futbollit PAOK të Selanikut ka zbritur në fushën e gjelbër me një pistoletë në brez duke kërcënuar arbitrin pas anulllimit të goplit në minutat e fundit të ndeshjes me AEK të Athinës, në kuadër të kampionatit grek të futbollit.

Çmenduri në kampionatin grek të futbollit pak minuta pas përfundimit të ndeshjet mes PAOK të Selanikut dhe AEK të Athinës. Një gol i anuluar për skuadrën vendase nga arbitri ka shkaktuar zemërimin e presidentit të bardhe e zinjve i cili ka zbritur në fushën e gjelbër me një pistoletë në brez duke u thënë lojtarëve të tij që të largoheshin nga fusha në shenjë proteste. Trajneri i skuadrës mike, Manolo Jimenez u shpreh se ai dhe lojtarët kishin qëndruar të mbyllur në zonat e zhbeshjes pasi nuk i linin të dilnin

Goli për skuadrën vendase u anulua në minutat e fundit të një ndeshjeje që po përfundonte 0-0, presidenti Ivan Savvidis pasi ka urdhëruar lojtarët e tij të braktisin fushën i është drejtuar arbitrit duke i treguar pistoletën dhe duke e kërcënuar me frazën: Karriera jote përfundon këtu!

Presidenti i Paok është nxjerrë jashtë fushës nga forcat e rendit por ankthi për skuadrën e AEK të Athinës ka vazhduar dhe më pas, duke qëndruar për disa kohë mbyllur në dhomat e zhveshjes pasi nuk i linin të largoheshin dhe tifozët e skuadrës vendase nuk po tregoheshin aspak miqësorë. Trajneri i skuadrës kryqytetase i bëri apel federatës greke të futbollit që të merrte një vendim për ngjarjen, vendim që nuk mund të mjaftohet thjesht me tre pikët që mund t’i jepen në tavolinë skuadrës mike. /abcnews.al

west-hamq.jpg
G. P.11:13 | 11/03/2018

Futbolli anglez u trondit përsëri nga dhuna e tifozëve. Një ndeshje e Premier Ligës në Londër u kthye në kaos, pasi disa përkrahës të Uest Hemit u futën në fushën e lojës për të protestuar.

Shenjat ishin dhënë që më parë, por nuk ishte arritur deri këtu.
Dhuna e tifozëve njollosi ndeshjet e kësaj jave në Premier Ligën angleze, dhe skenat ishin në stadiumin e Uest Hemit në Londër, ku shumë persona hynë në fushën e lojës.

Skuadra vendase u mund përsëri, këtë herë 2-0 nga Bërnli, duke zbritur pranë vendeve të fundit, e duke qenë e rrezikuar për të rënë në kategorinë e dytë.

Publiku vendas në “Stadiumin e Londrës” ishte i zemëruar, jo vetëm me futbollistët, por sidomos me pronarët e klubit, veçse zemërimi i tyre mori përmasa të mëdha në pjesën e dytë.

Rojet e sigurisë nuk arritën të ndalonin disa prej tifozëve që hynë në terren, për të shprehur hapur pakënaqësinë e tyre me klubin, por edhe duke u bërtitur futbollistëve.

Edhe lojtarët nuk e ruajtën dot qetësinë, dhe kapiteni i Uest Hemit, Mark Nobël u përplas fizikisht me njërin nga invaduesit e fushës.
U deshën disa minuta që kaosi të përfundonte dhe që policia private të vendoste qetësinë, në mënyrë që ndeshja të vazhdonte.
Uest Hemi ka humbur 14 dhe ka fituar vetëm 7 nga 30 ndeshjet e luajtura deri tani, duke qenë skuadra që ka pësuar më shumë gola në Premier Ligë, plot 57.

Skuadra e sotme është shumë larg lavdisë së më parshme, kur 3 lojtarë të saj ishin në përbërje të Anglisë kampione të botës në 1966, Bobi Mur, Xhef Hërst e Martin Piters./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono