Funerali

PROVOKACIJA-VASIL-BOLLANO-PJ-2.mpg_snapshot_08.48-1280x720.jpg
G. P.21:16 | 13/11/2018

I ftuari i dytë në emisionin “Provokacija” nga gazetari Mustafa Nano ishte ish-kreu i OMONIA-s Vasil Bollano. Një diskutim për ngjarjen më të nxehtë të kohëve të fundit në aktualitetin shqiptaro-grek. Mendimet e tij mbi rastin e Kaçifas dhe problemet e grupeve minoritare.

“Atë ditë isha në vendin ku ndodhi ngjarja për shkak të ftesës për organizimin e ditës së 28 tetorit. Fillimisht kur e dëgjuam që një person i armatosur ka goditur në një drejtim të paditur, krijoi një indinjatë. Sigurisht ishte çështje që më pas e morën organet e përkushtuara për këto lloj ngjarjesh që ishte policia e shtetit. Rreth orës 1 u larguam se mbaroi aktiviteti dhe në darkë u njoftuam për ndodhinë që u konkludua me vrasje.”

Bollano u shpreh dhe për besimin e tij tek policia shqiptare lidhur me këtë çështje.

“Unë mendoj që në lidhje me besueshmërinë, sigurisht që besueshmëri ka, por nëse do të më pyesnit se në ç’nivel është besueshmëria, vlen për të dëshiruar. Për dy arsye, e para sepse bëhet maksimumi nga individë zyrtarë të politizojnë çështje, sepse sigurisht politizimi ndodh në dy aspekte ka edhe nga individë anonomë po nga grupe shoqërore të ndryshme, por politizimi është më i keq kur bëhet nga individë të veshur me pushtet. Këtu fillon problemi që duket sikur jepen disa mesazhe të gabuara instuticioneve të pavarura që në rastin konkret është policia. Përpara se të jepej versioni zyrtar se si ndodhi ngjarja u ngrit një akuzë.”

Pyetjes së Nanos, a është kryeministri Edi Rama antigrek, ai iu përgjigj:

“Nuk mund ta gjykoj në këtë sens. Unë nuk mund të shprehem antigrek apo antishqiptar, por që marrëdhëniet sa herë që bëhet një tentativë për një hap përpara, krijohet një ngecje, ngecje teknike. Erdhën në këtë situatë tani me disa pengesa. Kjo ngecje nuk mund të them që është e qëllimshme, por nuk është pozitive dhe kjo vlen për tu analizuar thellë nga qeveria.”

A ka arsye që një minoritar grek të ankohet ndaj instuticioneve shqiptare në tërësi?

“Unë mendoj që ka të drejtë të ankohet për mënyrën se si funksionon. Shteti për këtë punë është, që të japë përgjigjen dhe të orientojë gjërat në bazë të legjislacionit dhe kushtetutës.”

Bollano foli edhe për arsyen se përse ishte i pranishëm në varrimin e Kaçifas.

“Në varrim shkuam për një arsye. Për arsyen humane se humbi jetën një njeri dhe aq më tepër në mënyrën se si evoluan gjërat u krijuan shumë pikëpyetje të ndryshme. Domethënë ditën e parë u ekzekutua një person i armatosur, deri këtu gjërat janë në rregull. Mirëpo kur fillojë aludimet, kur fillojnë deklaratat, kur fillon një media elektronike dhe e quan “budalla”, “psikopat”, “kriminel”, çfarë nga këto kanë ndodhur. Atëherë ngrihen shumë nga këto përshtypje dhe aludime për individin në fjalë që unë nuk e njoh, menjëherë krijohet përshtypja se këtu diçka ka ndodhur dhe vonohet dhe ekspertiza. Rrugën zyrtare akoma s’e kemi dëgjuar.”

Ai foli dhe për titullimin “hero” të Kaçifas.

“Deri tani që flasim fjala “hero” është në kuptimin laik, sepse nuk e kemi versionin zyrtar. Por në aspektin laik ai është vlerësuar si hero. Indidvidët apo forma laike e të shprehurit, duke patur një material të tillë, krijon dhe ajo kondrapeshat e saj. Në rastin konkret ai u bë hero, u mitizua, do ta shikojmë në perspektivë se ç’do të bëhet. Vajtja në varrim është një moment tjetër, nuk lidhet as me politikën, as me ngjarjen, as me sjelljen. Vajtja në varrim është çështje emocioni, çështje humane, pra është ana sociale jo politike apo juridike”.

Së fundmi Bollano rrëfeu dhe mendimin e tij në lidhje me thirrjet antishqiptare gjatë funeralit të Kaçifas.

“Unë personalisht distancohem nga çdo lloj thirrje. Deklarata kam bërë rreth opinioneve për pyetje të ndryshme. Por si pjesë e ish OMONIA-s, unë do marr deklaratat zyrtare nga njerëz që sot përfaqësojnë organizatën OMONIA apo minoritetit, ndoqa deklaratën e deputetit Dule që kryesisht përfaqëson miniritetit, e cila ishte shumë e kujdesshme.”/abcnews.al

MEDIAT-GREKE-KACIFAS-1280x720.jpg
G. P.22:43 | 08/11/2018

Mediat greke dhe agjencitë e lajmeve online shkruajnë se kanë qenë me mijëra ata që përcollën për në banesën e fundit Kostandin Kaçifas. Në ceremoninë e varrimit nuk kanë munguar flamujt grekë si dhe këndimi i himnit në sheshin e fshatit.

Ta Nea, agjencia greke e lajmeve në titullin e saj kryesor zgjedh të shkruajë: Lamtumirë nga mijëra flamuj grekë. Në këtë mënyrë mediat greke kanë pasqyruar ceremoninë e varrimit të minoritarit grek Kostandin Kacifas në Bularat. Sipas Ta nea, më shumë se dy mijë persona u mblodhën në fshat dhe pasi kënduan himnin grek duke mbajtur në duar flamuj të shumtë të Greqisë, përcollën për në banesën e fundit Kacifas. Për një tjetër agjenci greke të lajmeve, Prototema, pjesëmarrësit në varrimin e Kaçifas ishin më shumë se tre mijë. Bularati pushtohet nga flamuj grek, ku me qindra shtetas grekë kanë mbërritur në Epirin e veriut për të përcjellë Kacifas. Më tej 35 vjeçari përshkruhet si një njeri që dha gjakun e tij për fshatin ku u lind, por gjithashtu ka marrë pjesë dhe në manifestime për çështjen e Maqedonisë në Athinë dhe Selanik.

Me flamuj grekë dhe nën himnin kombëtar, Kostandin Kaçifas përcillet për në banesën e fundit shkruan “Antena” në raportimin e saj. Një lumë personash të ardhur nga Greqia i janë bashkuar familjarëve të Kaçifas për ti dhënë lamtumirën e fundit, vijon më tej shkrimi i cili konfirmon se janë hedhur dhe parulla por pa specifikuar se cfarë përmbanin. Agjencia greke e lajmeve Skaj shkruan ndër të tjera se arkivoli i Kaçifas ishte mbështjellë me një flamur të madh grek dhe shumë njerëz që e shoqëronin hidhnin parulla: Kaçifas ti jeton dhe na frymëzon. Linja e përbashkët e këtyre raportimeve ishte ajo e një situate të nderë gjatë ceremonisë si dhe të frymës patriotike greke që e shoqëroi./abcnews.al

CNN-GREK-VARRIMI.mpg_snapshot_00.28-1280x720.jpg
G. P.12:18 | 08/11/2018

Mediat greke kanë pasqyruar gjerësisht ceremoninë e varrimit të Kostandin Kaçifas në Bularat. Me dhjetëra shtetas grekë kanë mbërritur mëngjesin e të enjtes në jug të Shqipërisë për të marrë pjesë në varrim. CNN grek në reportazhin e tij vë theksin tek situata e qetë.

Janë me dhjetëra shtetasit grekë që kanë mbërritur mëngjesin e të enjtes në Bularat për të marrë pjesë në ceremoninë e varrimit të minoritarit Kostandin Kaçifas, i cili mbeti i vrarë gjatë shkëmbimit të zjarrit me forcat special shqiptare. CNN grek ka bërë një reportazh në jug të vendit tonë, ndërsa shtetas grekë kanë treguar për një situatë të qetë.

“Situata është e qetë. Kemi ardhur deri këtu me autobus për të marrë pjesë në varrimin e një personi që për ne është hero, pasi ai u vra duke mbrojtur të drejtat e minoritetit grek. Ai duhej arrestuar dhe jo vrarë sipas meje. Policia shqiptare deri tani është sjellë shumë korrekte dhe nuk ka provokuar asnjë incident.”

Një tjetër shtetas grek gjithashtu pretendon se policia shqiptare nuk ka bërë aq sa duhet për të neutralizuar Kaçifas pa e vrarë:

“Mbërrita me një nga autobusët e parë nga Athina. Rruga ishte e qetë, vetëm një person që ndodhej në autobus me ne nuk u lejua të hynte pasi kishte një bluzë apo tatuazh me shqiponjë. Në pasaportën e tij u vendos një vulë që ia ndalon hyrjen në Shqipëri për 24 orë. Në rastin e Kaçifas mendoj se policia shqiptare nuk ka bërë aq sa duhej për ta neutralizuar atë pa e vrarë”.

Dhe gazetari i CNN grek, raportoi për një situatë të qetë dhe pjesëmarrje të shumtë të shtetasve të ardhur nga Greqia, në ceremoninë e varrimit./abcnews.al

ORA-15-MBULIM-VARRIMI-I-KATSIFAS_ABC-M2-T1.mpg_snapshot_00.52-1280x720.jpg
G. P.10:29 | 08/11/2018

Në fshatin Bularat të Gjirokastrës u zhvillua ceremonia mortore e 35 vjeçarit Kostandino Kaçifas, që mbeti i vrarë pas një shkëmbim zjarri me forcat e RENEAS. Një meshë në kishë i parapriu përcjelljes për në banesën e fundit të ekstremistit grek.

Ndërkohë një flamur i madh grek ishte vendosur mbi arkivolin e Kaçifas dhe në ceremoni pati një pjesëmarrje masive të banorëve të zonës, shtetasve grekë por edhe deputetë shqiptarë, si Vangjel Dule dhe Vangjel Tavo. Disa prej pjesëmarrësve në varrimin e Kostandin Kaçifas bënë thirrje nacionaliste dhe antishqiptare. Ata mbanin flamuj dhe në pankartat e tyre në gjuhën greke shkruhej “Kacifas je gjallë ti na udhëheq ne, Bularati është Greqi. Ti je heroi jonë, Politikanë gënjeshtarë, Minoriteti është Greqi, Gjaku lahet me gjak”.

Më herët në pikën e kalimit kufitar të Kakavijës, 11 shtetas grekë u kthyen nga pala shqiptare në pikën kufitare të Kakavijës, pasi mbanin simbole antishqiptare.  Policia e Gjirokastrës mësohet se ka shoqëruar katër shtetas greke të cilët do të procedohen për “nxitje urrejtje mes kombeve dhe feve”. Shtetasve greke policia shqiptare u ka gjetur bluza me simbole antishqiptare, kapuça dhe sende të tjera të ndaluara.

Në pikën e kalimit kufitar të Kakavijës dhe në Bularat u shtuan masat e sigurisë, ku përveç forcave të policisë lokale, mësohet se u dërguan edhe 5 grupe të Forcave të Ndërhyrjes së Shpejtë. Puna e policise shqiptare u monitorua nga Gjovalin Loka, drejtor për rendin dhe sigurinë në Policinë e Shtetit. Mëngjesin e sotëm, 10 autobusë nga Greqia mbërriten në Bularat për të marrë pjesë në varrimin e Kaçifasit. Të martën Prokuroria për Krimet e Rënda, e cila po heton mbi rrethanat e vrasjes së tij, u lejoi familjarëve tërheqjen e trupit të 35 vjeçarit nga Instituti i Mjekësisë Ligjore në Tiranë./abcnews.al

TRUPI-I-KACIFAS-MBULIM.mpg_snapshot_00.16.jpg
G. P.10:05 | 08/11/2018

I jepet sot lamtumira e fundit Kostandino Kaçifas, trupin e të cilit e mori familja një ditë më parë. Ceremonia mortore do të mbahet në orën 13:00 në fshatin Bularat të Dropullit në Gjirokastër.

Prindërit, miqtë, të afërm, por dhe mbi 2000 qytetarë grekë kanë mbërritur me autobusë në fshatin Bularat, por sipas mediave greke ata u janë nënshtruar kontrolleve të shumta.

Bashkia e Dropullit njoftoi se do të mbulojë shpenzimet e varrimit.

Masat e sigurisë në kufirin shqiptaro-grek në Kakavije janë rritur. Pala shqiptare ka shtuar ndjeshëm prezencën policore.

Pasditen e së mërkurës në shtëpinë e familjes Kaçifas ishte afër prindërve  për të shprehur ngushëllimet ambasadroja greke në Tiranë Eleni Sourani.

.35-vjeçari Kaçifas u vra nga forcat speciale të RENEA më 28 Tetor në fshatin Bularat./tvklan.al

 

asia-wire-2.jpg
ent ela08:20 | 07/09/2018

Vdekja e të fejuarit të saj, pak ditë para dasmës së tyre, nuk e ka penguar një vajzë filipinase për t’u martuar me të.

Më 1 shtator, Zyrine Delmendo, 19 vjeçarja nga Cauayan në provincën Isabela, në Filipine ka lidhur kurorë me burrin e saj të ardhshëm, Jake Anthony Macadangdang, para se ai të varrosej.

Në ceremoni ishin të pranishëm të afërmit dhe miqtë e dy të rinjve. Sipas mediave filipinase, familja e vajzës mbështeti vendimin e saj për t’u martuar, pavarësisht se i dashuri i saj kishte humbur jetën në një aksident.

Të dy të rinjtë ëndërronin të martoheshin dhe të jetonin jashtë vebndit. Pas tragjedisë Zyrine ende donte të mbante premtimin e tyre. Ajo veshi fustanin e bardhë dhe lexoi premtimet dhe vendosi unazën në gishtin e tij.

Martesa padyshim nuk mund të shpallet e vlefshme sepse nënshkruesi tjetër i “kontratës së dasmës” nuk është më gjallë. Sipas avokatit Randy Arreola, edhe pse ceremonia u zhvillua nga një prift, martesa me një person të vdekur nuk mund të regjistrohet dhe nuk do të jetë e ligjshme. /abcnews/al

REVOLTA-FUNERALET-ITALI.mpg_snapshot_00.21-1280x720.jpg
G. P.10:48 | 17/08/2018

Familjet e 17 nga 38 viktimat që humbën jetën nga rrëzimi i urës në Gjenova të Italisë kanë kundërshtuar funeralet shtetërore. Ata kanë preferuar t’i zhvillojnë ceremonitë e lamtumirës së fundit në mënyrë private.

Është dita e funeraleve private të viktimave të shembjes së urës Morandi në Gjenova. Shumë familje, në fakt, kanë kundërshtuar funeralet shtetërore që do të zhvillohen të shtunën me prezencën e presidentit Serxho Matarela. Janë 17 nga 38 viktima, të cilëve do t’u jepet lamtumira e fundit në mënyrë private. 7 të tjerë nuk kanë vendosur ende. “Nuk duam një ceremoni farsë”, u shpreh i zemëruar babai i një prej viktimave të shumta të urës Morandi.

“Djali im nuk do të bëhet një numër në listën e vdekjeve të shkaktuara nga dështimet italiane, unë do të siguroj se ka drejtësi për të dhe për të tjerët: nuk duhet të harrojmë”. Kështu shkruan në Facebook një tjetër prind. “Ne nuk duam një funeral fals, por një ceremoni në shtëpi, në kishën tonë në Torre del Greco. Është një dhimbje private dhe ne nuk kemi nevojë për të dalë në rrugë”, përfundoi ai.

Ndërkohë, edhe familje të tjera të goditura nga tragjedia e rëndë i kanë thënë jo funeraleve shtetërore në Itali. “Gjërat publike nuk më pëlqejnë”, u shpreh e ëma e një viktime 34-vjeçare. Funerali i saj do të mbahet të shtunën, por në mënyrë private. Gjenova është duke u përgatitur që të organizojë funeralin shtetëror në një situatë dramatike. Të enjten u zhvillua një takim në Prefekturë për të koordinuar ardhjen e Presidentit të Republikës Sergio Mattarella dhe drejtuesve të tjerë të shtetit./abcnews.al

nintchdbpict000390762727.jpg
ent ela11:31 | 08/03/2018

Italia dhe Firence përcollën ish-kapitenin e Fiorentinës, Davide Astorin. Mbi 10 000 njerëz morën pjesë në funeralin e futbollistit, që humbi jetën në moshën 31-vjeçare.
Ceremonia mortore nisi një ditë më parë.
Davide Astori ishte një simbol i futbollit të gjithë Italisë, jo vetëm i Fiorentinës, ndaj edhe trupi i tij u vendos më parë në Qendrën e Ekipeve Kombëtare në Koverçano.

Aty e nderuan të parët shokët e skuadrës dhe ata të kombëtares.
Aty e nderoi edhe klubi i Firences, ndërsa radha ishte e gjatë për njerëzit që donin të bënin homazhe përpara të ndjerit.
Ndërkaq, shtëpia e dytë e ish-kapitenit të Fiorentinës ishte stadiumi “Artemio Franki”, dhe arkivoli u dërgua pikërisht aty, në pritje të udhëtimit të fundit.

Makina me arkivolin përshkoi ngadalë rrugët e qytetit italian të kulturës, ndërsa në të dyja anët kishte një numër jashtëzakonisht të madh banorësh që deshën t’i jepnin ish-futbollistit përshëndetjen e fundit.
Rreth 10.000 ishin ata që lanë çdo punë për ta përcjellë.

Përveç njerëzve të thjeshtë të Firences, në funeral morën pjesë edhe protagonistë të shquar të futbollit.
Nuk mund të mungonin, në asnjë mënyrë, lojtarët e Fiorentinës, shokët e skuadrës, që e patën Astorin kapiten.
Ata shkuan të heshtur në Bazilikën e Santa Kroçes, në shqip të Kryqit të Shenjtë, por nuk ishin të vetmit.
Klube të rëndësishëm të Serisë A, si Roma apo Interi, sa për të përmendur disa, dërguan delegacionet e tyre, mes të cilëve kishte emra të shquar si Bruno Konti, Daniele De Rosi, Havier Zaneti apo Luçiano Spaleti.
Po ashtu, ish-ylli i Milanit, Filipo Inzagi.

Që nga Londra mbërritën me urgjencë futbollistët e Juventusit, menjëherë pas kualifikimit të rëndësishëm në Champions ndaj Totenhemit.
Të pranishëm edhe zyrtarë të lartë institucionalë, si ministri i Sportit, Loti apo Presidenti i Komitetit Olimpik, Malago.
Tifozët e Fiorentinës i kushtuan kore e thirrje heroit të tyre tashmë të pajetë, duke e cilësuar si “kapitenin e vetëm”.
Astori humbi jetën të dielën pas një ataku në zemër, ndërsa ndodhej në dhomën e tij të hotelit përpara ndeshjes që Fiorentina do të luante në Serinë A në fushën e Udinezes.
Ai la pas gruan e tij, Françeskën dhe vajzën 2-vjeçare, Vitorian./abcnews.al

 

vlcsnap-error832-1280x720.jpg
ent ela15:45 | 18/01/2018

Është përcjellë për në banesën e fundit në Beograd lideri i serbëve të Mitrovicës Oliver Ivanovic. Shumë figura të politikës serbe, përfshi zëvendëskryeministren Brnbic, morën pjesë në funeralin e  tij, përveç presidentit Vuçiç. Ky i fundit deklaroi se do të kryejë homazhe gjatë fundjavës në vendin ku ai u vra.

Lule dhe qirinj për Oliver Ivanoviçin. Pa shumë fjalime dhe pa ceremoni shtetërore është varrosur lideri i serbëve të Mitrovicës. Homazhe kanë bërë edhe politikanët, nga kryeministrja Ana Brnabic dhe përfaqësues të tjerë të politikës.

Mijëra njerëz kanë ndjekur liturgjinë e shërbyer nga peshkopi Teodosije nga Kosova. Presidenti Aleksandër Vuçiç, homazhe do të bëja gjatë vizitës në Kosovë.

Familjarët nuk kanë folur, por thonë se në Kosovë nuk do të kthehen. Pakënaqësia duket e madhe edhe në varrim dhe në emër të familjes porositë kanë ardhur nga mikja e Ivanoviç.

Tanja Petrovic, mike e familjes Ivanoviç: Mos ki frikë Oliver sepse atje ku je nisur ti, ka Zot, atje ka besim dhe të vërtetë, për të cilët ke luftuar dhe vdekur. Vdekja jote na ka bashkuar dhe e vërteta tashmë ka filluar.

Qytetarët shprehin dyshim se vrasësit do të gjenden. Nuk fajësojnë shqiptarët, por kërkojnë drejtësi.

“Është tragjike vërtet, të vritet një njeri i tillë. Nuk besoj se do të gjenden vrësësit, por ndihem keq”- thotë një qytetare.

“Me shqiptarët duhet të bashkëjetojmë dhe bashkëjetesa do të ekzistojë. Ne duam fajtorin dhe ai duhet kërkuar tek ata që e arrestuan dhe e shënjuan si viktimë duke e lënë të lirë të vrisnin”- thotë një tjerër.

Vrasja e Ivanoviçit është konsideruar atentat politik dhe kthesë në politikën e Ballkanit./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono